2006 年 2 月 21 日 星期二 【晴】

有時都會覺得唔好意思，因為阿mark約左咁多次食飯，但每次我都會甩底，講真有幾何會係由老師約學生，不過係咁多年入面，依位老師真係keep in touch囉！

中午約左molly一齊飲茶，依個活動好似變左我兩個人一齊放假時既活動咁，本來出黎兩個食下野，散散心，但到最後心情變得更加糟。

係到問自己，人生存係世界上為左咩？依一刻我只會答無任何義意。其實ivan好多謝你咁關心我，每次我唔開心，都係你係身邊陪我，聽我講，但依一刻我只係想要ken係我身邊。

>>February 21, 2006 at 5:18:43 PM GMT+8

2006 年 2 月 20 日 星期一 【晴】

可能你跟本已經唔關心我究竟係邊，安唔安全，但我真係好想聽下你把聲，好想俾你知道我做緊咩。

每一次打俾你，你總會有好多藉口去收線，今晚亦都唔例外。有時諗番起，每次我發生重要既事時，其實第一時間我都有打俾你，好似九月份我係韶關撞車，我打俾你，可惜電話吾通。或著個天果時已經想話俾我知，對方根本唔關心你生死囉！你話俾佢知都無用架。

>>February 21, 2006 at 12:19:59 AM GMT+8

2006 年 2 月 19 日 星期日 【晴】

今晚既行程係去侏儒吧，我只係坐係側邊聽歌，見到歌手彈結他，令我諗番起半年前既某一晚，果一晚我做左好錯既事，講左好hurt人既說話，但係我真係好後悔，其實當初對wayne既執著，只因為我從來得唔到既憧憬，當時見nooby既傷害，心入面其實已經對wayne有種憎恨。

本來心入面己經插左把刀係到，但係聽到依句答案之後，把刀插得更深，更痛，你有無掛住我呀？『少少啦！』果一刻自己一個係酒店控制唔到咁大聲咁痛哭起來， 曾經有一刻真係想傷害自己，但係心入其實有答案，就算我死左，對方都唔會有感覺。人地話一對戀人既相遇係前世種下既結果，我真係想知道，我上一世欠左ken什麼，點解我為左佢眼淚仲從都無停過。

>>February 21, 2006 at 12:08:27 AM GMT+8

2006 年 2 月 18 日 星期六 【晴】

尋晚一早訓左，因為第一日太早起身，十二點鐘突然間電話響起，睡夢中仲以為係自己m/c電話響，cut左線前聽到一把熟悉既聲音，好在佢仲打多次電話黎。雖然只係問左兩句，但起碼代表佢係開心我，但當收左線時，佢既語氣令我感到好不安，佢好似有其他說話想同我講，突然間不知所操。

>>February 20, 2006 at 11:17:07 PM GMT+8

2006 年 2 月 17 日 星期五 【晴】

今日一早出到機場送團，完全無錢賺，但又要做好多野，又要受氣，好在依程的士可以claim公司，如果唔係真係唔值囉！d客無禮貌，連c/o william都唔抵得串番佢地。

送晒自已班客之後九點半，心諗唔知可唔可以等得到佢出現，見一陣都好丫！落左樓下諗著買水，順便買埋俾佢，好彩佢都係我諗入禁區前到左機場，無論係因為佢平時預早到機場習慣，定係順便早少少陪下我，雖然一齊既時間唔多，但心入面已經非常開心，臨入禁區前，好唔捨得，因為今日一別之後，唔知幾時再可以見到面，因為唔知幾時人地至願意見我。

好記得阿ken講過馬尼拉既黃昏好靚，果然無錯，真係好靚。

>>February 20, 2006 at 11:11:08 PM GMT+8

2006 年 2 月 16 日 星期四 【晴】

本來打算聽日可以一齊食早餐，點知最後我俾安排勁早出機場送團，變左我既希望落空，本來已經唔開心，變得更加唔開心，但有人就甩難啦，可以如願唔使咁早起身~

依排我越黎越大頭蝦，成日都唔見晒d野，真係好怕自己會好似『擁抱這分鐘』果女主角咁，但果女主角身邊有個好愛佢既男人，但我身邊無。

越愛你，心就越痛，我忙記唔到自己見到既果張相，有好多野想問，有好多野想知，但係........我好怕失去，我知道自己其實已經輸左........

>>February 16, 2006 at 10:39:21 PM GMT+8

2006 年 2 月 15 日 星期三 【晴】

今日過左最開心，亦都係最唔開心既一日，心情好複雜，躺著係熟識既肩膀上，感覺好溫暖，但聽到問題果一刻，除左可以答『唔介意！』唔通走去答介意佢身邊已經有人存在咩？就好似見到銀包入面果張相一樣，心入面係流緊血，流緊眼淚，但又可以點做？咪又係裝唔知。公司annual dinna食到一半，唔見左佢，個心好慌，係到諗唔通佢已經走左，去左她既身邊？到散場果一刻好唔捨得，因為知道佢又要返去佢身邊，但我阻止唔到。

>>February 16, 2006 at 1:22:52 AM GMT+8

2006 年 2 月 14 日 星期二 【晴】

心入面極痛，好痛，好痛.....連返緊工既時候都會覺得個心好痛，真係會懷疑自己有無心臟病。有種好想辭職既心態，可能因為唔想待係有佢既世界掛，重新面對新既生活，但當然仲有好多同事都係唔捨得！

我討厭『隨緣』依兩個字，因為機會係靠自己去爭取架嘛！人係要努力才會有收穫架，我只不過係爭取我想要既野。但唔想去恨一個人，因為去恨人係好痛苦既事，但偏偏對方就係要我去恨去佢，要我唔開心。

>>February 15, 2006 at 10:47:57 AM GMT+8

2006 年 2 月 14 日 星期二 【晴】

今日情人節，全日黎講分行無人收過花，winne就同levin鬧左交，不過收工時好似好番，另外食飯時又收到號外，就係mangol原來係同緊mg某某女同事拍緊拖，仲三月份一齊去布吉添~呵呵~仲未有機會同G68講！

收左工得自己一個人係到行街，見到個個都同男朋友一齊，唔多唔少都會羨慕，記得上一年情人節嘛，係出緊華東五天，個一團係出發集合個朝早，仲好記得有個客一早六點幾特登拎左份禮物黎機場送俾我，條頸鏈都OK幾靚架，不過最後都送左俾家姐，有時女仔好怪架，唔係自己鐘意既人送既禮物，係唔會愛架！

感覺天氣冷了　就加件毛衣
而不是急著躲進　某個人的懷裡
這麼簡單的常識　我竟然忘記
直到你離去　才恢復記憶

＊還可以呼吸　心跳也還規律
　只除了寂寞　它還不肯馬上就平息
　相戀和失戀　如果說都需要練習
　一次學會兩種也算好事情＊

＃謝謝你教會我愛需要兩顆心
　謝謝你示範了什麼人該放棄
　謝謝你提醒我痛會喚醒勇氣
　謝謝你曾讓我這樣的　愛過你＃

尋晚好似已經將我所有既眼淚用晒咁，今日好堅強咁起身返工，面對新既一日

CATHY多謝你，我更係支持你啦！我仲係馬來西亞幫你買左你要既咖啡返黎，但唔知點俾你好！

>>February 14, 2006 at 9:27:35 PM GMT+8

2006 年 2 月 13 日 星期一 【晴】

尋晚好似傻婆咁，一個人坐係輕鐵站到對住個電話係到喊，係到等待既時候係到諗，自己其實點解要咁做，點解呢？

曾經都同朋友討論過點解我會入行，其實好大既原因真係因為我識到ken，而入行之後會分手，都係因為依一行好似一個花花世界咁，人係會迷失，當中曾經遇過好多人，一個意為自己真係愛上，但感覺好快無左，一個可能我地倆個人都只係把對方作為充當寂寞代替品，一個只不過係因為佢得唔到，男人既虛榮心作祟，到最後佢都返番去JESSICSA身邊，一個係好好既同事，當我係分行做錯野，俾主管罵到第二日想辭職時，係佢安慰我，只不過真係無感覺，雖然連d TC都話佢係乖乖仔，但唔想害左佢。走左好遠既路後，到最後我返番原地，但係原地既人已經走左，想同佢話我最愛既人係佢都唔得LU.....

>>February 14, 2006 at 7:54:57 AM GMT+8