2006 年 9 月 21 日 星期四 【晴】

今日出左去交制服，之後就等mil mil收工，無無聊聊去左九龍公園一個人係到食雪糕，食到一半mil mil就到左，之後去左海港城行街，對我地兩個女仔黎，更係window shopping啦！以前讀書時好鐘意行citysuper，因為成日都可以買想試既野帶番學校同d人share，果種感覺好開心，但依家唔得lu~而且依家買左好多時都未必會開黎食，所以都係行左一陣就走。

今餐晚餐過於豐富，相信以後既餐食要更為清淡，大家樂既燒春雞鐵板餐真係好正！！！好好味！頭盤焗縲(唔揀焗縲可以揀甜品香蕉船)、酥皮粟米湯、焗薯、大大隻既燒春雞~

食飽之後去左海旁傾偈，講左好多工作上既野，又講左感情事...

v v總於都平安由泰國回港！！好野~

>>September 22, 2006 at 1:18:16 AM GMT+8

2006 年 9 月 20 日 星期三 【晴】

今日男友放假，但又唔知佢會幾點鐘起身，所以自己都一早起準備，換好衫再等，點知等下等下條友仔成十二點幾先起身。傾好左去飲茶，咁自己就出門口去攞位先！但估唔到大會堂海霸都有分雅座、同平台位，兩種唔同茶錢。

飲完茶起程去濕地公園，嘩~一去到好多人呀！原來平時都有咁多老人團，學生黎玩！！入左場第一時間同男友去左搵貝貝先，haha~靚女過泰國d貝貝~之後又出左outdoor行，去到紅樹林區，見到好多紅蟹，又見到個師奶，個師奶問個阿差保安：『d蟹食唔食得架？』
阿差保安︰『食得！』
師奶︰『點解唔見街市有得賣既？』
點解香港會有d咁既人係到架？？

個半鐘真係唔夠行晒成個濕地公園！因為好多展館都未行，就己經夠鐘閉館啦！行完成個人都好攰，可能因為少行路，好攰...兩個人去左新元朗中心坐底飲野，等夠鐘睇戲，兩個人好無聊，於是就各自send一個msg俾 v v，睇下v v會send番俾邊個先就當win~點知阿華俾v v罵番轉頭，話佢『有異性無人性！』！而我就得到一『哼』字~hahah~

"夜宴"真係好好睇，每個場面都好靚，色彩好豐富，連d血腥場面，d血濺出黎都特別靚，完全唔覺得核突。而且成個故事其實就係講緊愛情，咁就講左兩個鐘...睇完已經十點鐘，搞到男友趕唔到分行既飯局，甩底。但我就好開心，因為可以獨佔男友陪我食晚飯！heheh~

今日過左好好好開心既一日。

>>September 21, 2006 at 1:01:57 AM GMT+8

2006 年 9 月 19 日 星期二 【晴】

今日出左天水圍同左molly and steven一齊睇"韓流怪嚇"，一套好似搞笑片，又似恐怖片。集結左之前因為睇"鬼船"既後遺症，所以套戲既每一個核突shot，都會避開唔睇，如果唔係我都唔知幾時先至可以忘記到d畫面！！！成套戲我覺得值四十分，因為都唔知講咩！但都幾抵，成兩個鐘咁長！！

睇完戲上左steven屋企攞野，未上去之前，molly問我地兩個女仔，係咪steven第一個帶番屋企既女仔，可惜唔係呢！！跟住唔緊要，steven話我同molly可以做佢屋企今日第一個女客人，我地三個人又係到討論邊個入屋先。

今日好多謝molly陪左我咁耐，因為我真係想等阿華食飯，多謝你呀！如果無你陪我，我都唔知點算好！今日又講左好多我地以前好開心既工作情況。

今晚男朋友講左好多野，最主要係因為佢遇到個ER 屐，佢形容借個電話俾個客報警既情況，又真係幾好笑，但心入面都會好擔心，講真，遇到D咁既屐係你面前嘈，真係好煩，好難受。

>>September 20, 2006 at 12:37:28 AM GMT+8

2006 年 9 月 18 日 星期一 【晴】

今朝十點鐘起身，唔知點解好想洗被，但自己用緊張被好似之前先洗過，所以就鏟左仲訓緊覺既細妹起身，攞晒佢d被單、枕頭套去洗，搞掂晒之後果人既感覺好少少，可能因為個心入面煩緊好多野，搵d野分下心，個人都會好過d。

尋晚同左一個有一段時間無見既人食飯，係邊個？我唔講，身邊個個人都會知，依行既人消息仍然好靈通。初初都有d唔想出去，因為感覺好似要去見訓導老師，唔知對方會講d咩？不過可能因為食飯之前我講左唔想老師既教訓，所以最後變左係見社工咁，好輕鬆咁傾偈。之後既內容同經過嘛！(一概刪除....)不過印象最深刻，就係對方一提到小咪咪依個人，就好似特別開心，不知道佢自己有無發覺。

>>September 18, 2006 at 6:51:14 PM GMT+8

2006 年 9 月 16 日 星期六 【晴】

希望雨過天晴！

最近好鐘意SHE既新歌"紫藤花"，歌詞入面寫到

《愛情最折磨的不是別離　而是感動的回憶
讓人很容易　站在原地　以為還回得去'》

今日陪左媽咪係沙灘坐左一陣，媽咪話快D搵番份工啦！大個女！要養自己，要養佢，而且小白都要食飯架！！媽咪話小白老啦！唔擺得幾耐，好多病痛....諗諗下，小白係我屋企都十年有多.....

>>September 16, 2006 at 12:56:20 AM GMT+8

2006 年 9 月 14 日 星期四 【晴】

係沙巴sapi island同個guide一齊影既相，估唔到要九個月後既今日，終於都收到啦！！不過我都己經唔記得個客係咩樣，但我都仲好記得果團，因為係我一生人暫時唯一一次去既地方......沙巴。記得神山，記得燒雞亦、記得希拉利、記得一個好似豆腐既guide...所以一定要post出黎！

唉.........依家返新工，d腳都唔岩傾，個個d樣，如果依前出團遇到依d人，一定無計傾......因為唔知幾時俾佢地冼一鑊.....就算以前曾經係同一間公司既人，都係信唔過.....要點樣先至可以係到生存到！！？

唔想每日收工都要喊.................................

諗下諗下，公司都無同我簽過任何合約，我都唔知係咪依間公司既員
制服又要著人舊衫，窮到~I既公司
對依間公司既印象分扣二十.....
編左返旺角，舖面裝收，一個字......殘................扣十分
做行程無系統，線路雜亂，亂做行程，唔check會唔會改，就係咁做....浪費紙張，遲早俾樹精咬死！！....扣十分
十世無填過既報名表，感覺有少少落後，一張好落後又唔實用既報名表...好多column都要改啦！！.....扣十分
好先進，但一d都唔user friendly既電腦system，check野好慢，果然daddy話依d電腦好費，我完全感覺到！.......扣十分
真正今日唔知聽日事既duty，扣二十分！！
扣左八十大分，，仲值得我留係到既二十分，係咩呢？？有無人話我知？？

>>September 15, 2006 at 12:15:40 AM GMT+8

2006 年 9 月 12 日 星期二 【晴】

前幾日係電視到睇緊大地任我行，介紹馬來西亞，不其然就諗番起kyo，望任個主持人係到介紹馬六甲，果條街係我同kyo一齊行過架！馬六甲依個地方對我黎講，印象好深好深刻~

跟住尋晚kyo就打黎，haha~感覺都幾開心，係我返工前一晚打黎！但又扮大哥哥咁教我做人呢！！有一件事就係，我真係唔希望佢對戀愛失去信心，唔好因為我，而令到另一個女仔失去左幸福。另外唔好見到煙花就會唔開心，既然諗起以前既事，我會覺得好開心好幸福，因為我曾經有咁既過去呀！！

haha~ v v 今團鬼連遇到一個咸濕伯父，hahaha~

>>September 12, 2006 at 4:59:56 AM GMT+8

2006 年 9 月 11 日 星期一 【晴】

今日好難得陪左我媽咪出去買R，因為我順路要去找咭數，遲左交咭數呀.....今個月成二千八蚊咭，好想死囉！個戶口又得番幾百蚊，原來我留係香港既話，一定！！！儲唔到錢！點解我以前可以儲儲埋埋都可以積少成多，但依家...哈哈！窮到褲穿呀！又係時候好好咁去搵錢！！！

尋晚發夢，夢到d唔應該見到既野，希望唔好再夢到啦！好驚架我~

聽日要返工啦！！好緊張︳好擔心.....

>>September 11, 2006 at 5:30:25 PM GMT+8

2006 年 9 月 9 日 星期六 【晴】

尋日悶悶地走左去天水圍睇牙！等左好耐，我諗自己都有成兩、三年無去checking牙！但醫生都話唔係特別需要洗呀！但以前補果隻牙成日都痛痛地....

我估我係全世界最蠢既女人，就係心軟，諗著真係安慰下果個心情低落既人，點知仲要俾人串番轉頭，話我係無禮貌既人，又話我邊有咁多人追，係到吹牛。咁我真係無講大話，同佢一齊果時真係有其他人追過嘛！但我從來都無提起過隉I不過身邊既朋友都知道依d事~

但係最近分手既男友黎講，我對佢係最誠實，任何事都會同佢講，但佢返而覺得我俾唔到安全感佢，原來唔係所有事都可以講出黎，唔通真係好似套戲"獨家試愛"入面所講，每個人入面都有一個秘密？？？咁既相處先置叫開心？？不過我會將依D經驗，好好咁等將來既男友出現時，警惕自己啦！！

>>September 9, 2006 at 8:56:39 PM GMT+8

2006 年 9 月 6 日 星期三 【晴】

返到香港收到幾個信息，感覺有d奇怪，咩事？就係既第一任男朋友既現任女朋友send左兩個msg過黎，見到d內容就燥燥地！指責我無把佢現任依位男朋友當好朋友，唔關心佢既近況，無幫佢渡過無錢又無工作既生活！！

真係唔好意思講一句，請問依家邊位係個男仔既女朋友呢？要幫既，我都幫左，錢....借左，有問過佢解決財政問題未，係個男仔無答我！！！約佢出黎，就話要去睇波唔得閒......況且個男仔曾經講過佢依家依位現任女朋友無錢，佢都會俾錢女朋友使，咁真係要講句，我仲需要幫依位前前前男友，關心佢，關心埋佢女朋友，借錢俾佢，再借埋俾佢女朋友嘛？？？？？

今晚同左好耐無見面既樊小姐食飯，haha！多謝請客~下次有機會拍團，我請你食番宵夜啦~

>>September 7, 2006 at 12:27:04 AM GMT+8