2006 年 3 月 28 日 星期二 【晴】

今日去左官塘見工，以最快既方法，61M-->42C-->22M去到見工間小學，總共要一個半小時，好遠呀！計番車錢單程要$16.9，好唔化算。再加上個校長好MIC DIE，望住佢講野好似對住個MIC DIE 屐咁，HAHA，一D都唔驚佢！但就好唔想做依份工，所以都無乜心機見，而且仲要俾佢講左一個好真既事實，畢左業兩年，讀書既野好耐都無掂過！

見完即刻坐的士『曉明街工業學院』約番大隻HP同埋小宝TERENCE WONG飲野，可惜TERENCE佢要開會，落左黎兩分鐘佢就上番去，但諗番起都好開心，佢特登落黎見我喎！！同大隻講左半個鐘，之後就坐大隻既順風車落地鐵站。但上車果下好鬼祟呀！唔可以俾D學生見到。

今日返KT IVE得到一樣野，就係HP既一句說話『你畢左業之後都潑左出去做左兩年，點解要返黎呢！』無錯！我就係要依句說話。因為我成日都諗，或者D人都同我講：『點解唔做番你讀書果行呢？』但係加埋V V講既說話『讀書之前好想做D ACTIVE既野，覺得MEDIA好CREATIVE，但讀完三年之後，發覺唔係，每日日日夜夜都係到趕JOB，趕完之後交左，咪又再趕第二份囉！好死既工作』仲有SUSAN同我講既事，令我開始有種想法，就好似當初好想好想做領隊既想法同決心咁，依家我諗到自己想做既工，好想向依方面發展！！多謝你地同我既啓發，希望我可以向依方向發展啦！！

夜晚同三年無見既豆腐食飯，好煩呀依個人，成日都攞我D短處出黎講。又話我夾R貪心，一次夾咁多，最後都係夾到一個！！之後佢話要睇戲，一於就睇『得閒飲茶』因為依套我未睇嘛！睇之前陪佢落番去地方陪佢食煙，係佢食煙既時候我地望左好多人，最搞笑係我地見到一Pair情侶，男既係腳上面紋左『大地在我腳下』.........而重要既係我地又係戲院入面遇番成對情侶，佢地就坐我地前面咋。

我同豆腐兩個人好似傻瓜咁，成晚係到望住一pair pair既情侶，淨係一個扶手電梯，竟然有三四pair既情侶做既動作都係一樣，好討厭呀！但豆腐成都係到埋怨依果、果個男人咁既樣都有女朋友，唉.....小氣既男人呀...

>>March 29, 2006 at 1:23:27 AM GMT+8

2006 年 3 月 27 日 星期一 【晴】

搵緊鯨魚既你幾時返黎呀？我好掛住你呀！haha！快d返黎香港啦！就黎悶死我啦！點解我會掛住你既？好驚呀！

>>March 27, 2006 at 12:59:57 PM GMT+8

2006 年 3 月 25 日 星期六 【雨】

今日同cherry出左葵芳睇<獨家試愛>，越睇就越覺得個心好痛，可能因為太有共鳴。依部戲唔適合第一次拍拖，又仲係好SWEET既倩侶去睇，因為佢地未經歷過。部戲好多TOUCH既位，眼淺既女仔一定會哭，但我哭並唔係因為劇情，而係因為點解我唔可以好似戲入面既方力申咁，最後可以得到最終發現自己最愛既人原諒自己，返番黎自己身邊。其實答案係心入面已經好清楚。

我覺得吳佩慈做第三者好衰，同時間都係話緊自己。但係有邊一個人又鐘意做第三者呢！

但有一句說話好岩，就係"牛唔飲水，唔襟得牛頭底"，總結番依半年黎我遇到既男人嘛！唔多，四個有三個，都發現佢地最愛既人都係佢地自己，明明已經有一個好好既女朋友，但當佢地發現曾經想得到既野或者有新既目標，係身邊出現，佢地首先會confirm左真係可以得到依個目標先，之後至會作出下一步既決定。男人嘛！就係鐘意尋求自己得唔到既野，而又會傷害左佢身邊最愛佢果個人。

男仕們，請你們好好珍惜係你身邊，全世界最愛你既人。世界上無可能同時間愛兩個人，如果你說出口話有，咁你可能根本兩個都唔愛﹔或者你口頭上說『仍然愛』的那個她，但又時冷時熱咁對她，又對她說唔想害左佢，咁請你地一開始就同她講『我已經唔愛妳』，因為你答『仍然愛』隨左侮辱左她對你的愛外，咁請問係你身邊果位新女朋友算係咩？

>>March 26, 2006 at 4:15:17 AM GMT+8

2006 年 3 月 22 日 星期三 【晴】

終於都去完台灣旅行返黎啦！短短既四日，咁快就過左，第一日由molly既哥哥車我地出機場，d時間完全好似平時d客人咁晏，成六點九先至到，一落車望去港龍F區，嘩~好多人呀！好似旺季咁既？去到搵新華既領隊攞機票，我地倆個呆左囉！又話團體票，點解我地係要再把隊自己寄行李既？不過都唔緊要，都係一樣隉C

去程班機原來有兩團永安，初初我地只係CHECK到一團叫MARCO既KG同事，另一團嘛....個同事係見過既，但就唔記得叫咩名。我同MOLLY初初仲同MARCO講我地係新年跟過佢團，點知呃唔到佢，又講其實我地係另一位BRIAN既表妹黎，好好玩，不過到最後，當我地係中正機場排緊隊做落地簽証既時候，MARCO竟然叫到我個名出黎！好驚呀！

由中正機場出市區我地選擇左坐飛狗，『依架車係特登為香港人而設，係飛狗最靚最豪華，最快捷既巴士！直接去到各位既酒店！』依D說話係個位識得講廣東話既長車既開場白，之後仲有多，但其實都係重覆再重覆，『你係咪住一樂園？第一次黎台灣？一樂園五生架喎！』(吓，唔係三星既咩？)『三星級房間，兩星級LOBBY，係咪五星呀！』『你地有咩地方想去都可以問我架！九份？你諗著自己去呀？好煩好論盡架喎！又要轉火車，又要迫巴士，你根我公司既行程行岩架啦！』『八點鐘酒店集合，之後去維格，以前無架！不過好多人話要去，咪停十分鐘，自己搞掂，好多人買，我地一定停維格，實去架喎！』<--依句說前後講左四、五次，四十五分既車程入面依個車長一刻鐘都無停過！

依個旅行做左好多我地平時帶團唔會做既野，浸左兩次溫泉，一次係烏來，第二次係北投，兩個人赤裸裸咁係溫泉區入面訓覺(大家唔好咁色呀！我地係有大毛巾遮架！)。除左溫泉之外，我地仲係淡水踩單車，但我地兩個傻婆問錯人，仲要眼大眼過龍，初初問人淡水依邊話無單車租，但我地竟然係CAFE坐左成個鐘，先至發現到隔離舖係租單車，好呆呀！

但太耐無做運動既代價係，腳勁酸痛呀！踩完單車果地返過去士林用晚餐，我同molly兩個人一路食豪大大雞排、柯仔煎，一面等師兄brian，等到brian之後我地轉地方飲野，跟住放free既marco亦都黎到，最後等埋tm既mandy我地走左去食我最鐘意水煎包(不過brian要帶d客返酒店走先)，又食埋街邊既{老)味，我最鐘意食既肝，睇住佢俾marco吞左落肚，勁唔開心呀！又唔敢出聲....哎......無得食....唔制呀！食飽我地又轉左地方，join番brian，不過佢就同個guide一齊，佢地既兄弟文仔(又係佢識我，我唔識佢果d，話就話大家見過，我唔記得喎)，亦都係我上次台灣拍到個guide阿蔣既細佬，之後又再一轉地方，因為我地隔黎枱坐左一枱台灣黑幫。最後我地去左marco酒店附近既 CHAMPAGNE，好高級既地方呀！仲遇到個女侍應係識講廣東話，因為佢媽咪係馬來西亞華僑。睇住文仔係到界女，又摸人地隻手，D男人真係好討厭.....

其實成個台灣行程重點係去龍山寺求簽指點迷津，點知Molly拜月老時支香跌左落地下，好唔吉利呀！我地兩個人成日都係到話『月老我幫唔到你，你唔好求我啦！(依個時候月老就會er主頭，原地踏步，之後好似d電影咁突然消失，不過係消失前留下最後一句)我真係幫你唔到呢！！！走啦！唔好搵我！！時候到我會黎搵你架啦！！』

而我埋姻緣求左上上簽，簽文係咁寫:
『欲求好事喜非常，爭奈姻親只暫忙
畢竟到頭成好事，貴人接引貴人鄉』
但事業嘛，就中簽
『宛如抱虎過山前，戰戰兢兢膽碎寒
幸得山前逄妙手，方能保得一身安』

>>March 26, 2006 at 9:40:04 PM GMT+8

2006 年 3 月 16 日 星期四 【晴】

今朝一早mg既某人打黎，一聽到佢把聲就好討厭，竟然問我今日返工定放假，『唔好意思，我食緊早餐.....』就咁CUT左佢線！

下午入左元朗同MOLLY、JEFF仲有GLORIA一齊食飯，見到佢地既樣，同佢地仲係同事身份時既感覺好唔同，精神左，SMART左。希望自己都可以同佢地一樣。

諗著SEND個MSG約人聽晚行下街街食下飯，點知D人一個MSG都唔覆，真係嬲嬲地。唔約啦！！

>>March 17, 2006 at 2:53:40 AM GMT+8

2006 年 3 月 15 日 星期三 【晴】

係柬埔寨寄既明信片終於都返到香港，個同事send msg黎多謝已經夠！無啦啦打黎，一時間都認唔到佢係邊個，又要交待依家既近況，點解我仲要向佢交待，同邊個去旅行呢！

越黎越近去台灣既日子啦！但酒店都仲未訂到，點算呢！好彩anada既同事有介紹，話晒蘇經理講到出口話要平俾我地，呵呵~rich graden deluxe room都係700 (include ++)真係好抵呀！

>>March 16, 2006 at 12:00:20 AM GMT+8

2006 年 3 月 13 日 星期一 【雨】

今日過左好充實既一日，主要黎講開始準備我同molly既台灣旅行，之後就出去交制服，交完制服之後覺得成個人都鬆散，同依間公司再無關係，同果個人任何關係都唔再係，連同事既關係都無啦！

夜晚同元朗一班同事食飯，好開心，dR又好好味，個個都想隊阿FUN，HAHA~依餐飯有WANNY姐姐、ALAN SUI、WALLANCE黃俊俊、BRIAN、我BB既DADDY 阿秋(呵呵，阿秋問我點解唔做，咁我咪講因為有左佢骨肉，佢竟然扮到好認真，係我個肚隔離講︰『BB, 叫爸爸！』激死我)、FAN、SHINGO、MOLLY、MEANN

自己攬住喊緊既MEANN，心內面係到諗，邊一個太投入，果個就會輸，戀愛就係咁既一回事。

尋晚SIMON講既野，其實都俾左好多安慰我，或著佢講既故事，我唔知真定係假，但係我知道果個人本身的而且確係一個好花心既人，亦都係一個好識講大話既人，一個大話可以隱瞞到兩年，真係好叻。

>>March 14, 2006 at 8:03:25 PM GMT+8

2006 年 3 月 10 日 星期五 【晴】

明明只係離職左兩日，但係屋企既時間就好似過左兩個禮拜咁長。

仲以為自己唔會再喊，但係收到佢既MSG『SORRY，我原本真係想自私咁，留你係我身邊，但我...見到你咁痛苦，我真係好痛心』我喊...並唔係我覺得感動，而係好嬲，佢做既野，同佢講既說話根本就係兩回事，我恨佢...恨佢用同情與施捨既心態對我.....

依段日子，我好多謝身邊支持我既朋友MOLLY，特別係V V，七號個晚我竟然係街頭拎住電話向妳哭訴，係你令我平復心情，亦都多謝係日記留言既朋友CATHY、史提芬周、仲有你WAYNE

>>March 11, 2006 at 2:54:18 AM GMT+8

2006 年 3 月 9 日 星期四 【晴】

喜事喜事，恭喜晒，就算經過幾多風雨，有情人終成眷屬，六月既幸福新娘Emily。

>>March 9, 2006 at 11:31:03 PM GMT+8

2006 年 3 月 8 日 星期三 【晴】

今日遞左信，主管無留我，無講任何野，可能之前佢曾經暗示過要我走，果一刻我唔明白，但我依一刻知道佢講既說話。

夜晚send左個msg俾爹地，佢既回覆係『以後要自已照顧自己，笑多d，得閒打俾我啦！』
果一刻好感動，依兩年佢教左我好多野，好錫我，好睇住我，如果無佢，就無依家既我，因為係佢一手教我出黎。

今晚食左好開心既一個晚餐，有connie wong, tracy, 同埋阿芬，諗番起，其實係到做左兩年好值得，因為我識左好多好多朋友。

其實水瓶座明白雙子座講既說話既！

>>March 9, 2006 at 3:01:20 AM GMT+8