2003 年 6 月 28 日 星期六 【晴】

好眼訓 隨便吹兩句就算
詳請睇英文版o個邊啦 呢邊係用黎補充下架咋
今日o係旺角買o個架Tomy既Tomas車車真係好得意啊
其實我之前o係銅鑼灣都有睇過 不過覺得咁細架又咁貴
但係今日再見既時候佢賣到好平 所以就即刻買左

唉 今日一行又唔見左舊幾水
本身諗著儲錢 但係而家越儲越少錢 ...= ="
好多野想買
但係又唔係有好多錢....苦啊

夜晚同啊May出去食飯真係超正囉
不過真係最衰真係唔夠18
入得機舖但係又唔隊得酒
仲有兩年啊~~~~~~~~~~

睇黎都係時候要解除GBA既封印喇................

眼訓 收筆

>>June 29, 2003 at 1:32:19 AM GMT+8

2003 年 6 月 27 日 星期五 【晴】

想講既野都已經o係另一個日記度講左
所以都唔想講太多....要寫兩個日記實在係太辛苦喇
但係我又唔想放棄呢個喎 雖然呢個唔係咁好用
開放黎用既時間又荷刻 不過都叫用左咁耐啦
唉 有少少唔捨得啊...

ha 到聽日都仲有人慶祝我生日...
真係好開心呢~!

好耐冇打過波喇............點啊 乜都唔識
死得啦..........

眼訓 收筆

>>June 28, 2003 at 1:10:12 AM GMT+8

2003 年 6 月 26 日 星期四 【晴】

六月二十六日

今日係我既生日 成日既心情都唔錯架下
一朝啊雞就叫我去溜冰 不過最後都係因為冇咩人去而自己走左出去灣仔度買野
最開心就係買左條新既電話繩 仲係Hunter小剛~~Yeah ! ! 終於都唔駛用隨機附送o個條喇
之後番左屋企稍休一會 就o係我好開心咁打緊機既時候 收到啊樂既電話 話去睇戲喎...咁開心 梗係去啦 原來我地係去睇<千機變>(去到先知睇乜...)套野都算不過不失 有唔少笑位 連D唔應該笑既位都令人笑 不過呢套野冇我想像中咁好睇 我原本諗著會有D驚啦 點知唔驚不特止 仲要笑得好開心 真係有點兒那個...
走既時候啊樂佢地送左張生日咕(都算係掛...)俾我 雖則寸人成份十足 不過還是蠻開心的.....
番到黎食西餐 雖然就唔多飽 不過就真係好食 多謝哂老豆老母勒
開電腦開左個新既日記acc,唔係呢度既...我覺得好好用...起碼可以post圖又唔會load得慢到死ai...
呢個Diary暫時都唔知會幾時擱置(放棄) 不過暫時都仲會用著先 則係話每日寫兩篇日記....真係正
聽日就會收到成績喇 講真真係有D擔心 最擔心既係英文作文同maths2唔合格 最怕要重考...唉 剛剛才進步 現在又退步番...唉......
希望神能幫助我 我一切都交託於他
原他原諒我的錯 讓我悔改
使身邊的人也有健康的身體
感謝主 啊們

>>June 27, 2003 at 8:01:16 AM GMT+8

2003 年 6 月 25 日 星期三 【晴】

今日係賴屎生日 一開icq就同佢講生日快樂喇...~~~
勉強都叫溫哂econ 成與敗?!
某程度上真係唔係我話事...........
精神講真已經係接近崩潰 如果係會考我真係驚我會成個月都失眠啊
其實自己都已經好tried 仲要咁撐落去真係有D勉強
如果今日冇咩特別野做既話就去游水喇....
啊西就好啦 考哂 放兩日假.........
我都想咁嘆
噫~啊健好似有叫我去佢屋企喎....咁我聽日咪超級忙?!
去邊度好呢(其實都好有可能係番屋企訓覺)

>>June 25, 2003 at 1:16:12 AM GMT+8

2003 年 6 月 24 日 星期二 【晴】

本身oral搞到一堆屎咁 都諗著抄硬架喇 不過又好似冇事喎
事緣老妖今朝番學話我應該合格既...
老妖都咁講 我諗都過到骨掛

今日做chem都叫做尚算順利 不過最怕係錯左都唔知咋
話哂係最差既一科 點都有D壓力既
今日做卷有進步 冇做做下訓著左...=o=
仲有一科咋~~~~~

成個下午本身想睇書 點知都係訓著左
所以我話o係床上面睇書真係好易訓著
一訓又四點喇...........
搞左一輪先開始溫書...
不過最麻煩既係econ 6~7課有好多野要記
超麻煩....
最慘就係我記完個腦仲係好空咁....呢舖真係正喇....

連續三日有人生日
首先打頭炮既係黃志華........
不過最大既問題係---我唔記得左...,hoho

最後一日喇 都係時候計劃下 點樣玩法喇~~~
聽日應該會去同啊文西游水掛
講開游水 呢排真係熱到我飛起
唔開冷氣又覺得超熱
開左冷氣又覺得好凍........
而家兩頭唔到岸.......真係慘啊....

本身話約左唐唐去食野 點知唔記得左........

>>June 25, 2003 at 1:11:23 AM GMT+8

2003 年 6 月 22 日 星期日 【雨】

先回覆幾個表妹既留言先啦:
1.好多謝你黎啊 我仲以為我寫既野已經冇人睇tim
2.Pretty Boy係我無意中搵到既一首歌 係幾好聽 不過最近我已經被Joan Osborne既One of us侵佔 左喇
3.請繼續留言吧

好勒 又係啊摺寫日記既時候勒
開波:
今朝照原訂既時間九點幾就起身
目的係為左睇電視既
結果終於可以睇到Gundam Wing OVA既大結局 了左件心事
另外亦都諗著番church 所以就好早睇完電視就去沖個涼 醒醒神勒
點知今日唔係有好多人番...
Never mind啦 呢D野都預左架喇
個個都為問答比賽而努力
而我自己就繼續低我自己既B啦
估唔到走既時候俾kiki寸(無言...)

今日既天氣同時都非非常常之反覆既
時而落大雨時而出陽光
我真係俾佢玩死啊
到而家都仲未開始溫chem...
不過我下左決心一定要今日溫一半架喇
冇野可以阻到我既
Remember I am ar Jip (都係忘記吧啦)

尋晚同某君講開低B同白痴既問題
某君話自己好低B
跟著我問佢點知啊
某君話因為佢醒囉
結果顯示醒既人係唔會低B既 所以佢唔係低B
佢聽完之後問我 你呢
跟著我唯有爆出我一早就係白痴派之論......
總之係有夠無聊

最近成日都諗起D舊事
以我呢個失憶既人黎講係好少見

又掛念婆婆 等我遲D去探佢先~~~

>>June 22, 2003 at 3:12:00 PM GMT+8

2003 年 6 月 20 日 星期五 【晴】

其實今日既天氣包含哂晴陰雨 用一個晴字實在有點那個...
不過冇所謂啦

今日兩份maths卷都唔算易
maths 1勉強挨過去喇
不過maths2我真係完全唔識做啊
但係最搞野係我做做下訓著左
因為呢排實在係太tried喇
仲要訓著左兩次喎
加埋有好多題目唔識
所以有成十幾題都係撞既
睇黎我都係要重考架喇...苦啊
今日明明係蔡蔡生日
諗著去同佢一齊出街啦
點知都係冇去 ....
不過都係算啦~~~呢D野唔係自己控制到既
黎緊淨番chem同econ 應該可以輕鬆D既
我要訓覺啊~~~~~~~~~

>>June 25, 2003 at 1:16:56 AM GMT+8

2003 年 6 月 20 日 星期五 【晴】

早上 一早便起來
稍稍溫過一會兒考的數學
開了一會兒的電腦
早上的感覺
一陣很輕很輕的感覺
是因為整個身子的骨都還沒睡醒吧
三天以來睡了14小時
仍能挨下去吧...
很眼訓...轉歌吧(從合唱版的發奮轉了舞吧舞吧)

未試過咁早便開電腦寫日記
ngng...今日開始便是生日週
一個六月廿X日的生日週
打頭炮就係蔡蔡勒
尋日因為太過眼訓
十一時多便伏在桌上睡了
其實我可以上床訓的
但是我說了在icq跟蔡蔡說生日快樂
所以還是撐下去
結果15分才醒來
說了便立即關電腦死在床上......太累了ZZZZZzzzzz

數學沒有什麼溫習過....
還是願主保祐 阿門

>>June 20, 2003 at 6:49:50 AM GMT+8