2003 年 8 月 26 日 星期二 【晴】

今晚仲想寫多一篇日記 副題其實想用生命的價值
事緣今晚既ER講述卡醫生去左非洲做自願醫生
無法想像咁多既病人
無法想像咁簡陋
無法想像只能睇著生命逐漸消失
戰火 逼左眉邊
作為醫生 只能夠盡所有能力物資去救每個病人

瀝瀝在目既一幕 在晚上 醫生門稍微休息一下
藉著一絲燈光在慢慢地跳舞
一個手鎦彈 兩個 三個
爆炸聲稍微停下來
但是喊聲和叫聲卻從遠處...直到一個母親哭著抱著在叫的女兒
整隻腳都是血
在簡陋的情況下 要緊急開刀把一隻腳切出黎
冇手術刀 得菜刀
之後仲要徹走所有病人...

對佢地黎講 生命唔同我地 佢地唔需要我地咁 買靚衫 買野玩
佢地只需要能夠保得著自己的生命多一日已好了
父母只望能看著兒女快樂地長大
....諷刺 越文明的國家越不懂珍惜生命
大家都只懂埋怨 這裏做得不好 那裏做得不好
怎麼大家都不想想能付出多少
自私的人類 是時候要醒了
一段話 同樣是警戒自己...

>>August 27, 2003 at 1:01:29 AM GMT+8

2003 年 8 月 26 日 星期二 【晴】

我嬲人 定係人嬲我

真係唔明 可以咁快同一個人疏 我都唔知係邊個既問題
而家有好多野 變得唔想知 唔想提 唔想理
就算得自己一個都唔在乎

"人冇話冇左邊個唔得"
電視就睇得多 我都唔知原來真係會有咁既一回事
真係有D心淡 講真上年有咁多個fd 我要去玩去邊度都唔休冇人陪
不過之前就永遠係最fd既行先 而家 邊個都冇所謂啦

今日貪玩拎左支K mic出黎 趁冇人唱左幾首日文歌
不過冇得隔左D主音聲 真低爭咁D
最搞野都係我唱到悶悶地玩升key降key 降八度...
跟著自己都唱唔番原本個音...真係咋

風涼水又冷 形容今日既心情一流

今晚又聽到同學間既私鬥喇...唉
今次係我第一次覺得文西好似俾人排斥
我完全唔係太清楚咩一回事
不過我都估唔到啊豪原來都幾有影響力
複雜既人事關係我真係唔多想理
結果文西話聽日去睇戲 我都話去就去啦
唔想掃佢興 結果聽日會幾忙下...

今日開始好番天 希望自己都係一天都光哂啦

感動的淚 比得上失去至親的淚嗎

>>August 27, 2003 at 12:30:02 AM GMT+8

2003 年 8 月 25 日 星期一 【陰】

其實已經plan左成班去唱k成個禮拜咁濟
結果約好今日去
本身約左九個 但係甩底甩左幾個 仲要今朝等既時候先知
講真我真係唔係好開心 因為約o個時個個都話去
之後個個都甩底 我地等左半個鐘都係得五個人 真係成班都好down
講真我做搞手 搞到咁既樣 我自己都真係冇野想講 仲有幾嬲下
尤其是係毒蛙同meimei o個三個
我都知佢地可能唔係好多錢
但係尋晚講好左會去
你今朝我出左門口你先話三條友都唔去 擺明係夾埋毒蛙唔去 啊樂呢個人我一向都知佢份人睇心情大隊呢籠野架喇
不過最火就係等人o個時Carman再打俾毒蛙既時候竟然話陣間mei同樂會去佢屋企
Diu lei,我真係想講句粗口出黎 學carman咁講 你一係就唔好俾我知 你有乜可能咁過份架?!

就係咁5條友就咁出發去Green Box
開頭啊C,蜜桃都唔係好唱歌 之後carman細雞就揀唔少女仔歌 所以我地都淨左一陣
就咁唱左個幾鐘之後 肥仔同偉就黎左 事緣肥仔本身今日要打波 但係我尋晚見到仲打緊風 九成九都取消 所以我同細雞各自send左個msg叫佢去唱k 但係佢成晚都冇覆我地 但係o係去緊途中 收到佢個電話 咁我就叫佢出黎 咁佢就同埋偉仔出黎 咁多左人 自然開心D架啦

咁我地好開心咁又唱左一陣歌 又收到啊樂既電話 我諗係去到銅鑼灣既時候Carman有打過俾佢
anyway我見到佢打黎 一聽就話"八婆 咩事啊" 咁問我地邊間房 跟著一分鐘到就入黎 其實佢地黎 我係想話佢地唔係唔黎架咩 不過算啦 其實我知細雞幾想meimei去 咁我都無謂令氣紛搞到好差
不過大家最後都打成一片 玩得幾開心 唱到四點

跟著走左去銅鑼灣廣場夾糖 之後佢地就睇野 我地就走左去打機 搞到六點幾 俾人追call番屋企 咁成班就走 不過o係打機既尾段時間我地玩photo hunt 呢個係個好賤既game黎 要搵兩張photo既不同處 但係D photo有唔少都係D幾sexy...then班淫野玩既時候(當然有我份) 個個o係度話 咩D bra帶粗幼唔一樣架 個X又少左D咩咁 (不過我呢個咁斯文既小朋友係唔會同佢地同流合烏 所以好少可好似佢地講出面 直接篤落去仲快...........)不過我地都玩得幾勁 有成三十幾四十張 不過record最勁係我地既一倍以上(分數上係一倍 但係每過一張每次加既分都會少D 所以我諗有成百幾張)

番黎仲未食得飯 原來Johnny叔叔去加拿大前去我地度食飯 咁我地食雲吞 叔叔仲買左三文魚生 好正啊~~~ 不過一有客人我就唔多會食得多野 廢事有咩失儀態就唔係幾好 呢個係咁多年黎同啊爸o個一大堆親戚食咁N多次飯(次次都o係酒樓 次次都係龍蝦 魚刺 一年又最少有5,6次...)所得既個人習慣.所以我一食完就去睇電視用電腦...反正uncle又唔係同我傾偈 搵我老豆傾姐

聽日又要番Chem 好憎 上次原來除左我有好多人冇番 我諗聽日應該多番人架喇...不過好似要做功課 唔理喇 聽日先算啦

呢排都有少少失眠 所以限制自己要較番好個生理時鐘 不過都搞到成三點先訓 希望可以盡快去番早D訓 如果唔係番學時真係大煲 仲有而家我個頭係有色既 所以番學前要剪番短D同厚D 如果唔係第一日就俾老狗捉就...仲有要買定支黑彩 頭o個個禮拜都一定要噴 如果唔係又係好大劑 必要時仲可能要染番黑

呢次K action整體黎講 勉強地都叫成功 不過我諗經過今次之後 我都唔會再同啊mei咁fd 起碼短期內都唔會 本身尋日仲出街好地地 而家就搞成咁...真係諷刺
所以佢話黎緊個禮拜六話去沙灘我應該都唔會去...而且我都覺得搞唔成 呢個係我既經驗同直覺
等我聽日搵文西游水仲好啦 shit~!

>>August 26, 2003 at 12:38:25 AM GMT+8

2003 年 8 月 23 日 星期六 【雨】

討厭的雨天...幸好今天只有晚上才下大雨 不然我真的又要在家裏一整天

今天十一點近十二點起床 匆匆吃飯便出灣仔補習
今次是在暑假的最後一課 原本啊sir定既quiz都因為冇時間做唔到
上堂依然係hehe同haha

下午自己也忘記是怎樣呆過
晚上看了戀愛自由式的大結局
大團圓是預料之內 不過大致都圓滿了結

之後看了香港小姐 說真的確實比之前的數年做得好
但是三位司儀卻有點那個...不太行呢
冠軍老豆撕機票o個度的確好有戲劇性
而且小春 霆鋒 Ｅ神 唱歌跳舞o個度真係好睇
整體黎講除左最後有點草草收場之外都算不錯的了

之後同啊媽一齊研究左D英文功課
總算開始了進度...

點幾兩點同細雞,carman 三line傾電話搞到三點幾 結果俾啊媽怒炒一番
不過講講下我都只係聽 冇咩點講...

對呢 大家對下年其實都睇得好淡..........
說真連repeat的信心也沒有....

新聽既歌 其實都係舊歌 :有克勤既live版"紅日"<<<真係佩服他 我都係第一次見到可以拉個尾音去到咁長咁靚咁完美 真係一山還有一山高

>>August 24, 2003 at 4:13:20 AM GMT+8

2003 年 8 月 21 日 星期四 【晴】

尋晚唔知做乜 明明第二日就要番學應該好早訓
咁我都比平時早訓 兩點幾
不過唔知係太緊張定係做乜 我竟然失眠
搞下搞下成六點先訓著左
跟著八點醒過諗著番學補課
不過諗起好似話要quiz 咁我又繼續訓.........冇番到

下午 別人的幾句話把我搞亂了
真的是驚喜呢
不過某程度上是陪著別人從傷心的地步走過來
自己何苦要把別人再推下去呢
所以 請原諒我吧

但是不知道為什麼 我竟然是一個十分被動的人
我想已經是第三個向我說這種話了...
怎麼了 自己真的是膽小
做個男子倒是要決斷一點
這是我從妳那裏所學到的呢 謝謝

今晚的鼓堂 Jackie說我差了
其實這星期真的沒有十分努力去練習
或許好勝會使人進步也說不定
不知道呢 我只知道我很多東西已經落後了許多
自己又不勤力不努力 空話倒說了不少
真的冇用

明天 若果天氣好 該會去燒烤吧
還有該會拍幾張照片
什麼也好 這個暑假 我玩得太多了
要做的沒有做 不應做的卻把時間表擠得滿滿...

我的主 請原諒我

COME ON BABY CHEER UP

>>August 22, 2003 at 12:29:21 AM GMT+8

2003 年 8 月 20 日 星期三 【晴】

絕對係變化系
心情真係日日都唔一樣
尋晚先好似down down地 今日又生猛番哂
Wahaha...多謝大家既支持~呢個係真心haha黎架

ai ya....我要做英文功課啊
但係我真係唔識做啊~~~~~~~~~~~~~~~~~~~~~~~~~~~~~~~~~~
Ask for help...
聽日又要chem補課 但係未溫書不特止 聽晚既drum course 都未練習...
結果我尋晚訓緊o個時諗起 即刻拎對鼓棍出黎練習
訓o係張床度猛咁"發"棍 又要跟拍子 又要arm姿勢 真係唔易
尤其是我隻左手唔係好得 我研究左好耐 我諗係因為我唔慣隻左手拎D咁重既野
亦即係話我要用多D左手先得 但係又冇啞鈴舉...唔知點

今日訓到成點先起身 啊媽話 "你再搞到咁夜 番學就適應唔到"之類既野...我都只係三點幾訓姐...
訓九個鐘既感覺就係.....好似昏迷左咁...

今日去探婆婆 看來精神唔錯 次次都對我咁好 果然係我最愛既家人~ ! ~
I luv U ~~~~

而家既補習真係有D悶 不過今堂講既野我都吸收到既~~~不過如果冇左三隻百厭鬼同我玩就真係悶到訓著

新口頭蟬 " GO GO GO " and " COME ON BABY CHEER UP "

放補習番屋企時買左個大既菠蘿味雪糕食 點知食到底既時候D雪糕竟然食到飛出黎 好狼狽啊

暫時心情唔錯~夜D就唔知喇

COME ON BABY CHEER UP

>>August 20, 2003 at 6:29:19 PM GMT+8

2003 年 8 月 19 日 星期二 【陰】

很奇怪 在寫這份日記前 不知是否受到感動 剛剛看到幾個故事
對 人總是幸福的 能夠睡在軟床上
父母仍然健在 即使每天都囉囉嗦嗦 但是卻是點明了一個人的人生
這個歲數 或許會依從父母的話 卻沒有幾多個是愛他們的父母
像我這種近乎伍逆的 簡直是...
或許人真的要學懂珍惜 或許要懂失去時 才會懂得珍惜
或許房間沒有吵鬧聲 沒有囉囉嗦嗦 沒有老火湯 沒有溫暖牌時
或許一世都空虛時 才會懂得躲在一角空虛後悔
或許 在現在好像一切安好
但時間過得十分快 眼看父母的雛紋漸多 體力漸少 白髮也滿頭 常常嚷著這裏痛那裏不舒服
.............請珍惜身邊的親人吧

常常都在想 究竟用舊版好還是新版好
到現在 又再猶疑起來
說真的 日記版的功能 當然是新的比較好 但也有不方便的地方
相比起新的 舊的版 也就是這個 或許功能沒這個好 但是卻簡簡單單說了一切
而且別人留言也十分方便
何況用久了 有了一份情在...

晚上 一陣大風大雨出現 自己站在窗邊享受這陣大風 有種relax的感覺
風雖大 卻不感到很猛烈 內裏夾雜了一些雨點 很清爽

為何我會掛念這個人 真的愛嗎 還是只是想擁有?
搞不清楚呢
煩惱 不是太多

還有 想聯系感情用電話會比用icq好一百倍
在icq 每個人都可以用他的文采去寫出精彩的東西
但內裏有多少是出自真心 常常看到hahaha 但是又有多少是真心去笑
我有時也會對著別人打hahaha 但是有時卻是用最冇表情的樣子打出去
收的人永遠都不知道
人這樣虛假 真的好嗎?不知道

Fri 看來會去燒烤...在camp在燒了 又燒 不悶的嗎
但是我想找一個人一起去 不知是否可以呢...
我怕別人介意 卻想去清楚一些事情.

短短的一篇小記 和平常寫的不太一樣 心情在晚上是這樣的了

p.s 1 聽番<再見 露絲瑪利>和<我找到了> 好正 而家怒聽 希望可以錄呢兩首歌 用自己的聲音
p.s 1.1 不過要錄 其實我想搵啊正 話哂佢同我o係camp度算係最fd 唔知可唔可以去佢屋企呢 樂富唔係一個問題~~不過佢最近失左宗 都唔知仲會唔會見番 最衰o個時只係拎左佢icq 但係就一次都冇傾過 而家仲消失埋 雖然見過佢o係某個網度留過言 但係又唔肯定係咪佢...唉

請積極留言

>>August 20, 2003 at 2:06:13 AM GMT+8

2003 年 8 月 18 日 星期一 【晴】

雜談 有趣的戲 --- 一家之鼠

好睇 不過冇想像中咁好笑
都唔可以咁講 應該話爆笑既位唔算好多
反而係好有會心微笑feel 再加埋美國片既AJ野
令到睇呢套野既心情非常好
另外感情戲方面有好多都做得唔錯
包括係佐治同老鼠仔 由最初好憎唔接納佢 到好開心一齊做好一件事
仲有當發現超力鼠俾人綁左去 佐治即刻貼哂大頭相去搵佢
另外超力鼠同佐治既爸媽關係都好微妙 雖然最初由孤兒院度有咁多小朋友唔接 接隻老鼠係幾怪
不過都突出左佢地既愛心 作為父母既佢地又有愛心又錫D仔女又成日鼓勵佢地 戲入面做得唔錯
至於呢隻貓本身係奸角 但係我又覺得奸得幾有道理 本身係貓食老鼠 但係此刻老鼠成為自己屋企既一份子,大過自己 又真係幾唔憤氣既 (違反食物lin...haha)
不過略嫌隻貓唔算太奸...不過作為俾細路仔睇既戲都算唔錯
而一眾真正反派野貓一堆又真係幾過場feel...雖然出場時間都唔少 不過一D都唔驚險兼且好搞笑 似係俾隻老鼠仔玩番轉頭...
另一反派 偽老鼠仔 扮做超力仔既爸媽 接佢番去等D貓食...佢地就真係幾奸 不過個結尾係唔錯既 就係偽老鼠媽唔引心將老鼠仔俾D貓食 所以同偽老鼠爸都放左佢 好搞野架最後...

跟著講下D予盾點
1.點解老鼠可以同人類溝通...關於呢方面我都明係劇情需要 但係老鼠又可以同貓溝通 咁咪則係話貓都可以同人類溝通?!但係劇入面既貓都仲係識得對著人叫聲"貓"
2.遙控車同遙控船竟然可以由老鼠仔在內駕駛 而唔需要遙控器 非常奇怪 尤其是架車 明明係遙控既 但係竟然可以 由老鼠仔自己駕駛兼且行成個鎮都仲有電o個下先勁

有趣點:理察家族:
1.一眾親戚<<<佢地既出場非常之重要 冇左佢地會令成部戲失色不少 佢地個個都好戲劇feel 又肯幫超力仔一家...
2.理察家口頭蟬~~~<<<句野用中文講係好核突 但係o係英文講就會覺得好得意 所以都建議大家有機會都係睇英文

關於呢套野就講到呢度先 下次會同大家講下<怪獸公司>
===========================================================================================

心情略記:
尋日做功課搞到四點幾 但係九點幾就醒左 又醒又訓既情況下搞到十一點幾先起身 睇左一陣四大才子 不過今日連續發左兩個惡夢...好驚 唉 呢幾日都係咁 我都唔知點解 而o係做緊某D野時候 突然聽到(腦海中)Give thanks呢首歌...一絲感動

啊媽番左黎 唔知點解真係冇心情同佢講野 大家既關係真係差左 第一次係想同佢傾偈 但係一傾就成個都好煩燥 唉 希望我可以有耐心同佢好好地傾下 不過唔該唔好講我既學業前途 我自己都好煩架喇...都希望同神既關係去番一個好既位 自己做既錯事實在太多喇 某程度上自己都唔原諒自己...

===========================================================================================
p.s To 表妹:haha 你終於都黎拿 好開心啊 多D留字啦 我個頭而家係啡色架 都九月啦 你都係唔好染喇 做番你既乖學生啦 仲有我另一個diary都用番中文喇 得閒去睇下啦 o個度就真係我既日記生活 呢度係我用黎講下無聊野架姐(無聊野都講一堆...)

p.s.2 To 新仔:你都成日失"中"架喎 成日都唔見你留言既 等你啊下

p.s.3 To everyone:多謝大家既支持 呢個廢日記先可以run到而家都仲未死兼且人氣過一千 都係一句 黎得既 不妨留個言 講乜都好 見到有人睇我就好開心架喇

>>August 18, 2003 at 5:16:49 PM GMT+8

2003 年 8 月 17 日 星期日 【雨】

呢個樣就好明顯係一一般般啦
成日o係屋企 真係幾悶
原本諗著做既野一係就取消左
一係就遲左
結果成日都幾廢下
不過最近日日都睇番之前D戲
感覺其實都幾寫意
<千與千尋>係一部好戲
有機會再講下佢點好法啦
Xanga又好番 呢度再次成為雜談之地
希望大家仍然多D黎留言 啦

>>August 18, 2003 at 4:21:29 PM GMT+8

2003 年 8 月 16 日 星期六 【陰】

心情永比想像中差 其實又唔算特別大件事 只不過真係覺得好down...
原本四個人諗著出黎踩單車 講左成個禮拜有個突然話唔黎得
得番三個人咪唔去踩囉 但係連做乜都諗唔到
樣樣野都係得我一個人去做 我都會覺得好tried架

今日十二點幾去補習 咩都未食 肚餓到爆
到補完落Shau Kei Wan安利食野已經三點幾
之後上左church度做功課 但係係成個人tried到扒左o係張table度訓
結果o牛左一粒鐘就走
啊May叫我聽日番去佢地崇拜 我諗都應該會去既
最後 D功課仲係未做哂 要的起心肝聽日完成喇...唉

有兩首歌今晚聽番仲係咁正既
一首係何韻詩既再見露絲瑪利
一首係gigi既花火國語版

人在激烈完 仲要靜一會

>>August 17, 2003 at 12:47:30 AM GMT+8