2003 年 12 月 12 日 星期五 【颳風】

第二百二十二篇 - - - Am I sth wrong ?!

Happy birthday to Emma,sorry that not ready the present to u.
For give me ~ ! ! !

其實今日本身有好多野想講
不過...因為俾人質疑 我極討厭呢種感覺
心情爛得可以 有心情再講啦

我可以控制到我既情緒 但係每個人都有底線
你要嘗試去越過 就要面對後果
我對人如是 人對我如是

>>December 12, 2003 at 11:11:54 PM GMT+8

2003 年 12 月 11 日 星期四 【晴】

第二百二十一篇 - - - 我頂...

頂 點解十二月咁Q多人生日架
想今個月唔山窮水盡都唔得
唉 本身已經無左D收入來源
想買既野已經要無限期閣置
點知而家一眾好同學朋友集體生日 我真係...

十二月十三日 呢個絕對係個好日
我唔明 我唔算多fd 但係就已經有四個人係呢日生日
試問我點能咁快集資呢 識生金蛋都唔得啦
在情在理我作為fd都好應該送份禮賀下大家
但係都唔駛全家逼埋同一日生日架
o個晚係做"歡樂滿東華" 唔係"集體生日嘩啦啦"喎

近來已經唔知將個icq當係乜 淨係等人hi我先爹兩句
其實我好多時都好想同大家詳談
可惜我呢等人好犯賤 一係就唔出聲
一出聲就撩足全村人 講到俾人fit都唔收手
所以而家都係唔好爹咁多喇...

講番今日發生左D咩XX野

話說一番到學坐低第一秒已經開始做econ功課
我都唔知點解會係等二堂就要交架
結果成堂中文就俾我全力用黎做功課
好彩總算做得切...
不過已經做到我死死下...
落到去有少少心機聽下書 點知最尾已經嚴重釣魚
我都唔知點解今日咁Q眼訓架

之後兩堂P.E...玩 人"要"打排球喎
我頂 教埋哂D無聊野 搞到我high high地玩放煙花
不過講high我就真係唔夠儘少high喇
夠膽玩笠死 下次打既時候佢就真係等死
不過講死都唔夠我o個套極前衛既P.E衫抵死
上身以極度不合身咁出現 下身係最新既窄腳蘿萄貼身特別製造完全冇其他加工成份...
總之就係極度出位 簡直要去死

之後上咩Maths堂 我而家真係好憎發仔
妖 佢條友仔唔知做乜Q冇野搵野黎鬧
講真我真係替裕仔抱不平
人家訓覺關你咩樹木啊
仆你個街ah...要人去308 人家好聲氣先同你講句死開咋
你當你自己係新鮮蘿萄皮牙 又唔係唔知裕仔D牌氣架啦
搵次開片你就真係由六樓跳落街

話說我P.E堂已經話好眼訓
點知真係頂唔著 連續兩日
只要係lunch前既中文堂既話 必訓
之後昏昏迷迷咁 打完鐘我都想唔食lunch照訓
點知都係o係學校食...Anyway,食完都係運吉 發白日夢
無聊得濟襯空襠幫啊雞做份News cut
佢o個班都夠仆街喇 做十五份 聽日交
結果個個都黎投靠我地呢幾班...真係有錢齊齊搵 功課齊齊做
好不容易做完份野 文西都好似唔多撩我
而我事實上呢排都好唔come撩
俾人寸得多 日日都寸 寸埋哂D無聊野 我都已經唔多想搭
唔好以為我會嬲 我係覺得好Q煩

Bio 堂 發覺呢個世界上係真係咁唔公平
明明個個都有玩 有乜理由你個伍老狗淨係話我蝦同學架
真係...你個死人ysk 扮好學生 你收啦...>.< 識變臉記得要做間碟
我一定全力介紹你 滿足哂你X咁多個願望
唔公平既野一浪接一浪 連Siusiu畫畫個個都美化係都要醜化我
我知我樣衰都唔駛咁架 唉 心灰意冷
可能呢排實在係太直 真係...

放學竟然重要做pass paper 真係想唔pass都唔得
好彩我坐o個個位避開左個風口位
如果唔係好似儘少咁凍到口都震埋就真係...
重有你
劉少玲 你啤咩啊 你諗著我個電話又響又俾個機會你黎潤我牙
你收啦 我知個人又唔係好衰 不過你黑人憎o個時又真係幾黑人憎
我同你無緣 你都係算把啦
如果唔係我真係驚講左賓仔句"XX你"啊

發覺呢度D人氣急速上升 睇怕o係第三百篇出現前個人氣已經唔知去左邊
不過D人又要睇又唔留言 好鬼死賤啊下 唔好扮野啊 話緊你啊
重唔即刻同我留個msg?! 唔好咁唔俾面

聽日十二月十二號 某勢力要擺大壽 睇黎都係要買賀禮架喇

>>December 11, 2003 at 8:48:50 PM GMT+8

2003 年 12 月 10 日 星期三 【晴】

第二百二十篇 - - - wt the ....

一早就要爭廁所 結果比平時晚了許多出門
幸而我的手錶總是較快點 致使我還是趕上了地鐵
今天的精神其實不太好 整整一點才真正睡著
結果七時便要起身....

今天的課堂是極度混亂 班房升級成為戰場
起初小小的戰區到最後竟然演變成有半班同學的大型戰爭
英文堂 大概都只是如此罷了
苦了今天要做清潔的我們....可怒也

數學課 發仔繼續他的極權統治
確實對我們有效 整班都頗靜
似知非知地學習他所說的 不過最後我還是放棄
這種連加減數也會計錯的老師
我冇任何興趣加入他的遊戲

中文課 經過四堂的精神及肉體轟炸
加上晚上睡眠不足 使我陷入極強的睡眠狀態
一直睡 睡到食飯時間...甚至飯後我還是半睡半醒的

午飯 到了雞記 也就是KFC了
享用了一頓不太美味的午飯
而且在整餐午飯都給眾人寸之下
完全使情緒陷入低落之中

午後兩課 Phy
大家都呆呆的 沒有反應
雖然對正叔的解題完全不明白
但我還是罕有地嘗試和他的思緒掛勾
非但沒有睡覺 還頗專心 (即使到最後又不明白...)

最後有一課班主任課 我們要做一份問卷
變態Emma以極速完成
可是大家襯空檔時間 正叔叔蛇王的一陣子間玩起捉來
結果正叔番來大吵一大頓...
幸好我沒有加入 不過其實也沒有什麼大分別
只是可憐的我還要在正叔監管下清潔課室
要當著那個黑口黑面的人工作
還真是吃力.....

之後正叔走後 眾人借了課室來用
啊龍教啊雞 啊Sai Chem
啊Bun教我和Tsoi Tsoi Maths
bra bra不知幹什麼四處走
Meimei則自修中文...
眾人各自各精彩...
不過新學的數學實在不容易做到
加上自己那個差得可憐的數學底子...
實在是錯漏百出...

其後教大家Chem的歐陽sir出現
監管眾人的溫習情況
而我和MeiMei則蛇到樓下玩table tennis和買飲的
這樣一玩又半個鐘了....
當回到課室時 大夥兒已經進入吹水狀態
講了許多...大家也太過開心了...
其實有點東西確實不應讓他知道的
始終在背後講別人壞話是不太好的...

最後在將近七時才與小雞一起回家..
又講起別人的事情...不過只是略談罷了

p.s 1 Emma,恩,李桌豪今天齊齊請了半天假 真是有點搞野...
p.s 2 Cathy今天被我糟則得有點那個 竟然給我把那條掉到地上的蝦條給我塞到她的嘴裏 ... 什麼 叫做害人終害己...顯而易見
p.s 3 Fanny仍然只能輕微說話 她的喉嚨痛嚴重得可以.....
p.s 4 花姐在icq問我 "你係咪有女朋友" (............) 完全無言 沒有回覆任何東西...反正說什麼大家都還是老樣子 不澄清不解釋了 大家想怎樣就怎樣吧...

>>December 10, 2003 at 10:06:32 PM GMT+8

2003 年 12 月 9 日 星期二 【乍暖還寒】

第二百一十九篇 - - - My Love

大家都係唔好太期待我會寫D乜
寫番篇澄清啟事就差唔多...
話說我第五第六堂好開心咁清左筒Cheese Ball之後已經唔係好肚餓
本身都唔多諗著食飯(咪再話我咩食唔飽啊 Shut Up ! ! !)
不過因為友人考完試得閒 所以相約了一齊食lunch
點知我以為今日最少人既地方偏偏個個都黎
仲要個個我都識 結果係成個鐘都流著大汗...
我都未試過食飯食得咁唔自然架...唉...

今日特登搵番張小學影既相出黎
雖然已經舊到X咁濟
不過其實o個時既自己都真係幾天真可愛既
亦因為自己o個時仲係一個超級大白痴
個腦完全未開過 所以除左係一個超級乖學生之外
其他既野簡直係...hahaha

不過小弟第一次拍拖係o係一年班
不過我諗當時連為咩拍拖都唔知 (雖然而家我都唔知)
唔好亂諗野 我地o個種純友誼性質既男女朋友關係
只有拖手 冇其他野架喇
或者大家連自己小一做過咩都唔知
本身我都唔應該記得 因為我有少年失憶症
不過最近又浮番好多野出黎...唔知點解呢
講番先啦 其實我小一o個段所謂既戀情o係人家讀小二既時候 佢就飛左去加拿大lu....

關於小學既種種 有機會再講啦~

今晚Cathy狂介紹D外國歌手俾我 實在係好正
不過仲未有個可以動搖到Westlife既地位
因為我自己都幾鐘意一group人唱歌 又guitar,drum...有和音
咁就已經可以好正 亦則係真正既歌
算啦 大家都應該唔多明架喇

Santana<<<"La Din"????
Gareth Gates<<Radiohead<<

>>December 9, 2003 at 11:46:29 PM GMT+8

2003 年 12 月 8 日 星期一 【晴】

第二百一十八篇 - - - Wt the boring life

最近既生活都好似不太充實
其實唔係好想繼續呢個狀態
因為而家跟本係好argent既...
我做左好多野 不過有更多野要做
所以我要 溫書 溫書
而家真係唔係一個值得玩既時期

Westlife 太正喇~~~感動到喊....咁濟....
繼續怒煲 大家繼續介紹DWestlife既正歌俾我啦~

>>December 8, 2003 at 9:51:18 PM GMT+8

2003 年 12 月 7 日 星期日 【晴】

第二百一十七篇 - - - Fallen in the Westlife sky

今日都算幾日起身 之後就同杜杜,黃浩賢,Cathy Ng同啊龍去sing k
Anyway,jz make fun together,but not really enjoy.
Acturally,jz making fun together and Aj Aj and AJ

算啦 跟著去左中環飲茶
不過俾人昆左D野 所以令到自己好尷尬
我真係幾嬲 但係o係D叔伯面前
我都係變臉中 有時都覺得自己好假
笑得咁開心做乜 不過都係廢事大家尷尬啦
仲要見到令自己好嬲既人好鬼開心
仲有心情同我講笑 我真係笑唔出
對著佢做左個"收爹啦"既口型就別個面去
不過我都一直保持著自己既微笑同禮貌
時間過得好快 走既時候乜都唔多講就自己閃左去lu

番到屋企 好眼訓 攤左o係張sofa度就訓左喇
一訓就六點幾七點 跟著老豆叫我出灣仔食飯
係咪痴線架 走黎走去貪得意咩
車錢都o係番度啦 Anyway,推左啦
o係屋企狂煲Westlife既歌 嘩 真係正到媽咁聲囉
尤其是Tonight,簡直係近期至愛
極度推介

今日算好開心 雖然講左D唔開心既野
但係人就係得一世架咋 而家唔開心 等幾時呢
我煩 不過我唔希望要人地一齊煩
我唔開心都唔會要人陪我唔開心
呢個就係點解我從來都唔講D真係好貼身既事既原因

>>December 7, 2003 at 11:40:23 PM GMT+8

2003 年 12 月 6 日 星期六 【晴】

第二百一十六篇 - - - Memory(s) of life

難得有朝可以訓晏D 所以精神尚算飽滿
可憐既家姐今日仍然要早起身番工
真係幾慘既...

對著電腦一會 同一眾人兄chat左一陣就要出銀行交學廢
超激多人 間銀行又要裝修 好大塵
個經理開始逐個人派野 我開頭以為派籌...
原來係口罩 結果一拎之下發現呢個白色既紙口罩咁可愛
唔戴就唔係幾好啦 無奈下就戴左佢 講真戴口罩D感覺一D都唔陌生
派左廿分鐘 先到我(好彩有Discman陪我)
好快搞掂番去食飯
食得黎都成點幾 上班網睇下個msg box
開頭見點解TCME D文筆咁好既
差D想send icq msg讚下佢
點知原來係copy啊龍's 雖然係有品既copy
但係冇creative跟本就唔係5T既所為
Anyway,大家發洩完就要開心番喇
大把野等著我地做 糾纏o係D過去既野度好無謂
大家要向前看...有料既 那怕無勝利既一天

之後出去打鼓 今堂Jason仍然係ABS 不過就有Martin
咁奈無見 我差D認佢唔到 一入黎我係瞪大對眼秒幾兩秒先講句halo
Martin學早我三個月 但係已經好鬼勁...
今堂新發現既Problem 1.手腳唔協調 2.唔跟beat
希望一個禮拜會做番好啦 (大家見到我上堂fing下手 郁下腳千祈唔好以為我係晨輝)

之後去左旺角拎塊對con 好鬼多人...唔係話M.K 係話間舖
不過唔係搞左好耐 兼且多左個新黎既仔 幾似個老闆 可能真係兄弟都唔出奇
個shopkeeper同我講 換埋今次就冇架喇
兼且我又買多支cleaner...全副身家冇哂....

說時遲那時快 請將時間調較到7:15pm
話說婆婆同姨媽都黎左我地度食dinner
點知老豆竟然將以前既video變左做vcd黎播
咩叫以前既video呢 就係十幾年前則係我得三四歲既生活片
可見當時我既低B程度與一眾同年紀既小朋友相若
講cute我都覺得自己幾cute 講發o牛斗都真係幾勁
雖然係burn左做vcd 但係都唔駛旨意我會send俾大家睇
如果唔係今回真係會好大鑊 ...
所以No way,never~
( O _ O )"""

p.s 唔知大家有冇聽過Westlife既"My Love"
真係好好好鬼正 雖然係好耐之前 不過正既歌係絕對經得起考驗既
極度建議大家dl黎聽 仲有新既single,"Mandy" 同樣咁正 support

>>December 7, 2003 at 10:03:08 AM GMT+8

2003 年 12 月 5 日 星期五 【晴】

第二百一十五篇 - - - 下半場 (續二百一十四篇)

特別鐘意影相既同學 在午後照樣全程出動
加上走左既"衛理四金花"同Ivy
自己班都算冷清得可以

其實班內都有唔少人病病地
啊嬤塊面白到見底
Fanny把聲沙到認唔番
唉 Hope every sick ppl get well soon ! ! !

杜杜幾勁喎 跑100連星河都鏈贏
有個銀牌...
Him都勁 拎左一金一銀...見到D人咁鬼勁
好鬼死驚...

放學 小半班留o係運動場影相
搞鬼野 1 :同N班打對台 企正面對面不足一米距離 完全博打
搞賤野 2::N班D人要我地幫佢地影相 全場散Band.........+_+
搞笑野 3 :Lok最後憤勇出去幫手影相 結果被贈以四五部相機...成手都係
搞死野 4 :N班完全無理會溫華清 所以全班影相係少左個人

我地都影左好多搞野相既 最meaningful既當然係大家o係看台到排左個T字
GD~~~
之後一眾吹水團決定決戰藍灣海片
不過去之前...要買D野食既
Park n Shop, 則係百佳 最後淪落到被我地呢玩野反轉
入超級市場第一樣野要做 拎架車
不過架車一開波已經full左....+ +"
之後C.S小姐就坐左去架車前面 後面就有堆"猛男"幫佢推
推兩推 C.S君終於都挨唔著飛車了
跟著我諗著又玩下啦 點知變左碰碰車....Shit~
跟著賓仔全場暴走 見到乜都飛哂D野去架車到
好似D野唔駛錢咁......$_$
最後大家都揀左D Potato Chips,bread同sushi

海皮 大夥兒好開心咁走出去
點知一開門出去就見到李偉成老師在"泡女"中
眾人見到即輕微流汗 意志大減 兼且變成蟹咁行左去另一邊
跟著就係狂傾偈 講盡班內賤人
數盡各個奇人...當然 呢D野係冇可能透露出黎
(因為有D人我都唔識既...)

搵學校 大家既打算已經係去到最壞
諗點搵學校 點樣去最快(竟然係跑步)
講下D學校點賤
寶馬山 竟然o係八月六日成為香港島所有中五學生既競技場
大家唔通真係相處多幾個月就緣盡?!

十二月 真係要開始發力喇

>>December 7, 2003 at 9:24:25 AM GMT+8

2003 年 12 月 5 日 星期五 【晴】

第二百一十四篇 - - - Sport Day
副題 : 樂 與 怒

原本想輕描淡寫的事情
在看過班網上的留言後好像有點特別的感想
所以在這篇遲來的日記上 將特意留多個字
有什麼感興的請留下msg

話說好一日的星期五
一個不用上課的星期五
進行著陸運會

因為沒有約別人去吃早餐
故能睡多一點點...
稍微弄一下自己散亂的頭髮便出發了
順利的 趕上了巴士
趕上了人群 趕上了大門
今天的大門比平日早開了
不知何故老狗成隻屹立在當眼的位置四處仰望
剛到達的時候因為沒有戴上眼鏡 故看不見老狗
幸得4T班的某同學拉一拉我
才快速收起仍然在播放著的Discman

秋高氣爽 在沒有什麼冬天的寒冷氣氛下
便要立即進行跳遠的比賽
可悲的自己...連位置還沒有坐暖時便要立即去更衣了
跳遠一向並不是自己的強項
卻是每年都會參加的比賽
連自己都不太明白參加的用意
儘管如此 其實冠亞軍早已花落誰加
眾人只是在陪襯一番吧...
胡耀充(望吾並無打錯字) 跳遠跑步能手
往往擔當著第一 跟本就沒有什麼好玩
一跳就5.70m 真係冇得比
之後又黎個六米 除左聽到歡呼聲 掌聲外 大概也沒有什麼其他
亞軍 無雖置疑是黑仔
因為他真的好強啊
在沙地上顯而易見他的衝力
最後 在得知入不到決賽後 便加入了攝影胡的一隊
只見拿著相機的人已經十分多 連同圍觀的人
突然覺得不過是一個個人show罷了

之後便是全場到處跑 到處拍照 尤其是接力的部份
故意跑到第一接棒區 去鼓勵一下子軒 龍 和 Meimei
事實上我從來沒有置疑過他們的實力 不過面對著星河,胡那一隊
(看看星河的 二頭肌便知道)
確實有點力不從心 但是能夠得到第二已經是值得絃耀的了

跟著是啦啦隊的比賽 人少 沒有計劃 沒有道具是我們敗北的主因
或許大家今次是有點兒輕視了 啊的在之前有說過
在比賽前一個月已經進行籌備了
相比大家在賽前兩三天才進行道具的製備 也許是趕了點吧
當然 自己並沒有什麼權利去批評大家吧...
不公平 世界上就是充斥著不公平
要在不公平的秤上拿到勝利 談何容易
別人說過的東西請恕吾不再加以詳談了
工作人員 比賽者 Perfect 攝影組 如此多的人不在隊伍之中
憑什麼去贏呢...

Surely 我們是靠著心去贏的
即使不能夠去贏什麼獎牌
但只要我們能夠盡全力為比賽中的同學去打氣
已是盡了啦啦隊最大的責任
相對上那些比賽有點兒顯得無聊...
當然 其中有部份的同學其實並沒有用心去打氣
令到班內的氣勢都強不到怎樣
如果對自己班有多點歸屬感 不要怕什麼形像
We are the best ! ! !

午間前 進行了500米的師生比賽
其實不過是一些形式上的東西罷了
所有的班旗都在跑道上飛揚
其實也算壯觀非常 事實上 站在隊伍最後方的5T班同學們
可謂有點混亂...女的一團 男的一堆 持旗的一堆
如果大家能夠走得更貼 或許真的有夠壯大
不過事實上 我們起步的時候 別人已跑了300米有多 走在我們後方
不過最後的100米路段上 除了同學們拿著大聲公在不知說什麼之外
還有給老狗"追打"要我們跑快點
在終點線上 在所有人都差不多回到座位上 在所有目光下
5T的同學們 一起衝線 為lunch前的高潮畫上句號

(待續)

>>December 6, 2003 at 1:59:11 PM GMT+8

2003 年 12 月 4 日 星期四 【晴】

第二百一十三篇 - - - 不要太執著

越來越早出門 而且還遇上最不想見的廖盛華
在考慮是否與她同車 最後還是勉強走進車廂

數學課 無聊的林廣發開始實施小學的懲罰制度
對於身為中學生(還要高中生)的我感到羞恥
不過看來大家都感到頗開心
最後 我還是做我的事 請不如隨便呼我答問題
什麼repeater就不用聽書 沒有repeat就要
Shit ! ! ! Thats noun of ur businese ! ! ! Shut up
總之我幹我的 不要限制我

Phy...還是忍受不著㊣先生的催眠功
稍事睡眠...第一次邊睡邊聽書
事實上我真的有聽到他說什麼 例如做那個練習那題...很強吧 = ="

最近人緣很差嗎?不知為什麼想想都被人圍...
I want to be more strong...how can I do...
妖 好X黑人爭憎 明明唔關佢事又要懶八咁混水
人混水佢混水都混得咁刻人爭 成張凳車埋黎都得
再唔係就襯人唔為意飛螢光筆...好心你唔好咁賤啦

有時感到很無助 尤其是面對麻煩的女孩...

放學 去左籃球場睇隔離班5N vs 7S既basketball match.
點知睇睇下 無端端 體育部兼訓導署既老狗 Mrs趙 同 袁sir都出現
好似話打波既人都唔著校服 跟著前兩者就狂鬧之類
跟著聽番四處既人講話呢個私鬥雖然之前已經問准過校長
不過好似都唔係咁好咁啦....
Anyway,我冇等佢地鬧完人就閃左喇
之後去左Hall度睇細雞佢地班(4T)既badminton match,不過佢地五點幾先開波
之前我同MeiMei就o係出面片左一陣波
點知又見到老狗 跟著同哂出面D人講唔打得波 但係Hall入面比緊賽又唔打得
Fuck,關你咩事啊 又唔係打爆你盞燈
之後老狗放公閃左 淨番張詠佳同佢班學生(3C<<<4T既敵人)
咁Meimei之後就番入去同啊C打 點知張詠佳又鬧人
仲響哂MeiMei全朵叫佢唔好打 成個Hall都靜哂

最好睇都係女雙 係矮矮既啊雞同毒蛙
不過佢地都發揮都好強既水準
其實我地都估到人地會蝦啊雞矮實笠佢架喇
不過啊雞好爭氣 毒蛙又好好彩 對手又犯錯多
所以最後贏得好光彩
最緊要就係我地人多勢眾 有幾班人都撐啊雞既 全部都係自己人
記得有次人地笠左啊雞 跟著個3C個男仔唔知講咩矮咩咁
跟著我同啊MeiMei唔理Mrs張坐o係佢隔離 一齊用手指指著佢話"你講咩啊"
唔知係Mrs張驚左我地咁兇定係點 總之就好快咁講左句 "放心啦 我話左佢架喇"
不過我諗我地o個時個樣都幾兇 不過我唔記得左戴左眼鏡既我係應該斯文D...

雖然男雙女雙贏左 不過其他都因為失左D水準而輸左
不過我點都撐啊雞架喇 因為佢係我個fd...(不過唔知點解好似我地仲緊張過佢自己o個班D人 +_+)
搞到六點幾先走...唉...

聽日又係Sport Day 大家都要努力啊~~~

>>December 5, 2003 at 12:29:36 AM GMT+8