2003 年 10 月 12 日 星期日 【晴】

The com hang for a wee aroung,so that I cant write diary,now the com is better but not install the program to type chinese yet.

Thz all of u still come and leave msg

>>October 13, 2003 at 1:22:51 AM GMT+8

2003 年 10 月 6 日 星期一 【晴】

睇番之前自己既日記 連自己都覺得好得意
連自己都唔知點解 話自己大個左又不盡是
但係就係寫既野冇左以前既精彩
雖然我D同學仔都仲係話我D日記好得意 有趣 (一個日記可以有D咁既評價都幾搞野 ^ ^")
笑 就要大聲笑
嬲 就要擺明嬲
要大情大性 唔要背後講人壞話
以前做到既野 絕對唔會而家唔做
以前做唔到既野 我而家都要做到

唔好掛著玩 真係要面對重要既野

同學對我去自修室溫書既評語:下 ? 乜你都會溫書架?
↑ 乜大家真係覺得我係個掛著玩既人黎架
其實自己都好擔心 驚成績不進反退
所以都有諗過一D plan俾自己
真係希望自己生生性性 上堂唔好再咁玩得過火喇

願 : 有病既家人早日康復
願 : 婆婆健健康康 長命百歲
望 : 一家人和和氣氣 自己孝孝順順
望 : 擺脫懶根 早睡早起 生生性性 學業有進冇退

>>October 6, 2003 at 10:49:26 PM GMT+8

2003 年 10 月 6 日 星期一 【晴】

經過尋日既銀包捐血大行動
手頭上的殘金只係淨番廿蚊
最後食埋飯 O ~ ! 玩完 !

今日係異常咁咁咁眼訓 ZZZzzz
訓足四堂兩個小息 O_o
原因係尋晚訓得好差 zzzZZZ
連自己都知自己訓緊既時候既舉動 ~.~
呢種半睡眠但係又醒既狀態 ~.~
令到我今朝起身好辛苦 好唔舒服 --.--
隻手仲好鬼死痛 +_+
今日我既雙眼皮係超級強勁 = =
細雞問我點解今日有咁強既雙眼皮 = =
只可以講一句 真係好tired囉 ~.~
放學相約ChoiChoi,Sai,Kin去自修室溫書 * *
但係個效果好差啊 幾乎冇溫過咁...#_#
o係度狂玩貪食蛇 2 破左Kin既紀錄 有千幾分 ^ ^"
不過原來呢個自修室都可以撞到好多人 @_@
例如今日就見到 細雞,亡命,啊發,Bobo,楊凱文,另外仲有堆佢地既fd @_@
仲見到啊Yui 有條新仔o係身旁 坐左o係對面攬攬錫錫咁啦...! _ !
聽日要Phy quiz 不過我都仲係未買書既 俾啊正知實見我家長都有份~

眾人仲係不斷追問一二號既人物問題
都唔知答唔答好 知既咪稍微爹一爹囉
唔知既就唔講喇
喂~我已經好明顯咁迴避問題架喇 大家就算啦
問黎都冇意思 做好自己啦
今日佢可以做一號 但亦難保他日你會取代佢既位置
喜唔喜歡呢D野好主觀架咋
或者我自己都會成為他人既厭惡之人架
邊知架姐...

>>October 6, 2003 at 10:00:16 PM GMT+8

2003 年 10 月 4 日 星期六 【晴】

又係一個大好既晴天 唉 不過今日真係好眼訓啊
事緣尋晚同啊高icq爹到成兩點幾
之後又同以前個Cathy爹左陣...
今朝十一點就起身...
之後好乖咁同啊媽去買送
本身諗著朝早會溫下書 點知最後都係冇溫
匆匆忙忙食完飯就出左去旺角打鼓
我都唔知係我自己心煩氣燥定係太大壓力(驚遲到)
所以去到旺角覺得有D唔舒服

上到Band房得Jason一個
咁我都襯啊sir遲到未黎既時候練一練
但係自己對腳...唉 仲未練好 仲好似越黎越衰
今堂仲俾啊sir話 話我揮棍好有問題
而且冷氣又凍 D手指都冰哂
今堂自己要執既野好多
又要將兩個唔同既節奏mix埋一齊...真係唔易
不過我諗左陣(冥想)試下上鼓就做到
幾開心 聽Jason講話Martin話要兩個月先做到
而家自己已經勉強做到~~
不過驕兵必敗 疏於練習只會落後於人
唔甘心 就唔好再咁懶

放左之後街都唔行就歸家
因為之前出黎既時候太急 漏左好多野 例如錢
呢幾日用左好多好多錢 呢個禮拜用左成四百蚊
好仆街啊...
出左地鐵站步行返家既途中
差十米左右就到樓下大堂
點知無端端俾個差人截停喎
一開波就話打開個袋黎睇下
咁我又唔係犯毒 入面又唔係有四仔 怕咩俾佢睇ai
之後佢見到我對鼓棍 跟著聊我傾偈
問呢問路 咁我D咁既親善大使都好樂意同佢爹一番既
之後又要人地俾個銀包佢睇
講起都羞家 因為今日淨係帶左廿蚊出街
連埋搭車打鼓來回得番幾雞 我諗個差人都覺得好奇怪點解呢條粉腸連一張紙都冇
之後又要人拎張身份證俾佢睇 我又諗 你armarm搜我個銀包又唔拎黎睇 而家又要人拎
我都講過我三歲o個時個樣同而家已經冇咩分別 所以張身份證睇落好似只係尋日影咁既樣
個差人仲問我幾時換身份證 D咁既白痴問題佢都問得出既 咁我咪答佢十八歲囉...佢又冇聲出
之後等緊佢call台既時候 佢o係度狂講唔好意思 因為個call台D人好似好忙唔得閒理佢咁 我聽到好似有D咩事發生咁 咪八卦問下囉 跟著佢又講埋哂D無厘頭野 話咩D車 我都唔知咩事
算數~
跟著佢又話見我行路心神恍彿既樣先截我喎
真係想回佢一句我一向都係咁架啦
跟著我咪問佢話係咪我面目可憎啊
佢好匆忙咁話 唔係 唔好咁講 同面目可憎冇關既...
幾搞野 ! ! !
之後佢問少年警訊間野o係邊 指左條路佢行之後就返家
入電梯既時候先醒起間野好似今日唔開架喎
不過自己都唔多肯定 由他吧
十六歲兩次被"逗"
真係...想唔話自己係面目可憎都冇人信...

為免陣間出去又中招
所以特登整番條頭巾
用心咁整左D花款 就係通常綁完之後都會有塊野突左出黎
咁通常都會摺入去既
我今次就特登整多D出黎 用橡巾紮左佢
好似有條辮咁
個人覺得個效果都唔錯ah
之後坐地車去柴灣
o係街市join大大佢地 之後買哂野上Bobo家勒
搞左一陣就開波打邊爐
不過今次細雞同亡命都唔得閒
但係都仲有八個人 有我,bobo,楊凱文,大大,小旋,啊傑,強,發
成班都禽獸黎架
D野瞬間被食哂 D人都好似唔理D野食熟左未
狂夾狂夾 ...
食左啖見未熟又掟番落去"綠" 總之煲野就好混濁
之後打麻雀 我上下家分別係啊發同楊海文 兩個都唔係咁識打牌
但係唔知點解楊凱文狂食糊(雞糊...)
所以遲遲都未一圈
好彩之後話三番起糊 咁D進度先快DD
大佬唔識打牌 就同大大一齊打 兩個研究一番
我都間唔鐘寸下啊發同大佬
覺得自己有D狗tim...不過都幾好玩

p.s 今日完左鼓o係旺角行緊去地鐵站途中
突然有個無法識別既電話
咁我好直覺咁諗番起之前有個人白撞咁浪廢我既電話廢
聽既時候我又唔知佢邊個 佢又好似知我係邊個
直情同上次一樣咁 咁我咪好鬼mun囉
佢又唔講係邊個 又要話我識佢...
最後發現原來係家姐打長途番黎
爹左一陣話要買咩買咩
原來佢o個邊放summer
November就會番...應該係應付mork既時候黎
相信都唔會得閒架喇

>>October 5, 2003 at 1:11:00 AM GMT+8

2003 年 10 月 3 日 星期五 【晴】

今日係普天同慶既水運會
好開心啊 扮perfect落左去個泳池度
同一班fd玩左一個朝早 玩盡成個泳池
好開心呢 詳情就要睇我另一個diary site la (http://www.xanga.com/home.aspx?user=Dannyjip)
↑賣廣告.........XDD

四點鐘就出左去 約左啊發佢地去大球場睇show.
點解有show睇 ?就係因為我地之前十一o個個巡遊有送飛俾我地睇呢個綜藝晚會
講真賣點大家都係沖著一個 就係Joey勒
我地去之前諗著去Welcome買定D野飲野食啦
仲買左幾支大既野飲
點知去到發現唔俾帶膠樽入場 無奈之下最後幾樽野都係沉落垃圾筒底
好hurt啊 o個度成廿蚊架...

我好叻 因為開頭得我一個霸位
仲要一個霸八個...無意中揀左貴賓位隔離o個排
好開心啊~~~
其實我都算好好彩架喇
因為之後我跌左個電話 後面D麻煩啊姑提下我我先知
精彩既咪解放軍表現囉 表現既內容固然吸引
但係真正令人拍案叫絕既係二百幾人既一致性
簡直係嘆為觀止

由五點幾排隊 七點幾開場 到差唔多十點散水
之後去左食扒 不過o個度D服務又差 食物水準又低 D野又貴
講真唔覺得抵...
亡命一路食 一路似鬧咁既樣
好搞野 成日都玩亡命
佢食完又拎D potato chips上張table度食
好寸啊下 終有一日佢真係會亡命
之後就我同啊發坐MTR番歸 佢地就坐巴士
其實我地都為巴士地鐵既問題講左好耐
好煩 想坐咩咪坐咩囉
反正我都唔多適宜坐巴士既

>>October 5, 2003 at 12:23:20 AM GMT+8

2003 年 10 月 2 日 星期四 【晴】

為著一D事 我始終都係要解釋一下既
關於某人既事 其實吾真係唔再想點提
但係最近接二連三咁俾人問起
我諗話唔定好快就會揚開去...唉...命苦
為著此其實都要解釋一番既
其實都唔知應該由邊度講起
只可以話人唔會永遠去憎任何一個人
因為咁樣個人會好辛苦
而我個人既善忘程度亦非常之高(啊媽成日話我有少年失憶症...)
所以有好多野都唔會記著 當然我唔係話唔記得佢做過既野(畢竟佢而家仲做緊)
只係唔記得左憎呢個人既感覺
你可以話我睇得化 我既無意同人爭咩地位 名利
亦冇興趣講咩複雜既人際關係
做人做朋友可以好簡單: 鐘意 唔鐘意
敢怒敢言 係我而家做人既原則
雖則如此 但係好多時都要睇下人既面色 唔好影響大局
睇落去好似好複雜咁 其實呢D野都係要累積番黎
睇下你會唔會大...識得諗
即使而家既大人 做野其實都係好幼稚

一個人既成長 好睇環境
點解一樣米可以養百樣人 都係同樣既道理
仲有每個人既性格...
我憎既人 話唔定其實背後有好多唔開心既野發生
好多野都可以影響一個人
所謂人言可畏...其實自己都經歷過
所以有時都係唔好計較咁多

o係呢度講既野只不過係自己既感受
唔需要認同,否定
有咩想講即管留言
唔需要太介意
我唔需要人為我既言而改變
何況這是冇可能的
沒有憎過人 又怎會珍惜友好的朋友

若然我在過去曾經為著一些說話而得罪過別人
那麼我可以道歉
不為你的原諒
只為一個交代
補上一句 即使道歉了 我仍是我
不會為了你一個而改變的
因為呢個叫DANNY既人
就係咁固執

>>October 2, 2003 at 1:49:45 PM GMT+8

2003 年 9 月 30 日 星期二 【微冷】

喂喂~請注意
本日記本的內容純屬個人感受
只與本小子有關 要打就打我啦~ ! ! !
不過記得圍內野就圍內講啦
過左呢個IE就當粉筆字咁抹左佢啦(<<<其實冇可能做到吧...>.<)
仲有最好就唔好周圍唱啦(好serious)
我都唔想成日得罪人既...
有D野 知我講咩既咪知我諗乜囉 唔知既都唔好咁執著
大家相處多D 就自然可以摸清我D低B心態架喇~! ! !

利德晶...我都唔知係一個好人定係壞人
對學生黎講 佢係一個剋星 好麻煩 好剋人憎
成日都講D幾過份既野 人人得而誅之
但係平心而論 有時又真係我地唔爭氣
有時佢又好似好想我地好 好似真係好用心咁
我明一個人係想人地睇到佢付出既努力既
但係又唔需要成日曬既...
而且佢D咁燥既性格唔改就真係乜都唔駛講.....
今日我都唔知話我黑仔定係點...
算啦~

今日好白痴番學同學校門口既四位老師講早晨
但係某位陳性mrs竟然以怨報得
襯我微"谷公"既時候竟然要我去洗頭(話我jel頭)
哼 好過份...點知出番黎佢都唔見左人 正仆街

做足六堂功課(淨番o個兩堂PE)
覺得自己完全100%浪廢時間


心情好 寫多D野

淺談---伴著大家的 " P r i n g l e s"

或者大家唔係咁清楚究竟咩係Pringles呢
其實就係大家成日食開一筒筒既品客薯片勒
相信大家對o個個鬍鬚叔叔(唔係文理泳會o個個啊)一定非常熟識
不過據我既記憶 好似在我小時候的時候
呢個"uncle"唔係咁既樣架喎
D表情同目光都有D唔一樣架 點都好啦
雖然而家越出越多味 越出越古靈精怪
喜愛唯一的我 最後揀選Sour Cream & Onion呢隻元老既味
唔係我古板 固越 而係我真係搵唔到一隻好味過呢隻
當然呢D只係個人喜好 你應該同我唔一樣既
不過我相信大家都唔係全部味都咁鐘意既

搵出最喜愛的味道吧 (雖然好熱氣)

>>September 30, 2003 at 11:09:40 PM GMT+8

2003 年 9 月 29 日 星期一 【晴】

用左四堂黎做功課
自己的人生如此廢柴 有點死不足惜的感覺
正式黎講我今日係冇上過堂
英文 數學拎黎做功課同埋溫第五六堂既中文默書
中文默完書就o係度睇埋本江湖血淚史下冊
唔知點解睇都冇咩感覺...反而自己而家覺得上冊好睇好笑D
Phy堂就溫放學之後既Chem Quiz...
雖然係有答案 但係自己都想睇下D題目
就係咁 今日係過得非常白痴

放學既Chem quiz途中 突然feel到個褲袋振
襯啊sir唔為時既時候睇下邊個打黎 原來係啊媽~
咁我就悄悄地send左個SMS俾啊媽聽話我quiz緊
quiz完之後就打番俾啊媽睇下咩事啦
原來啊媽話過緊關 叫我"自紙顧自紙"咁啦

跟著大夥兒又相討去我屋企
唔知點解 個口話冇咩所謂 但係個心又有D唔想
可能係有太多陰影喇<<<(大夥兒曾到我家搗亂一番 害得吾執左成日屋去還原D野)
點都好啦 我都唔多希望今次間屋又變做廢墟
o係我最想影相既時候先要還番部相機俾人...唉 無天理啊
呢個禮拜係我最想影相既一個禮拜 因為聽日係便服日,後日D同學去我屋企,禮拜五水運會...
唉 算啦 部機係人地既 自己冇任何既擁有權 可以點?

今日又係有D唔開心 想做既野做唔到 唔應該做既野做哂
有時都問自己 究竟係咪自己既人緣真係咁差呢?!
唔知

想要D肉 我唔可以再咁瘦架喇 D肉都要結實D 有D musle就好勒
想 好多野都想 不過唔做 咁又有咩用

>>September 29, 2003 at 11:42:49 PM GMT+8

2003 年 9 月 28 日 星期日 【晴】

腐敗

難得放棄更多的睡眠 都要鼓起精神去那裏
可是結果跟本沒有變

人 仍然如此無聊
連自己也不知何時離開了圈子
不再關心那裏的事情
即使想回到那裏 卻發覺比什麼都困難
人變得複雜 現實 很多事情都與自己不合
是自己仍然懷念過去的日子 單純的人生
或是這裏真的變了
不知道

努力去踏進 用了不少笑容 廢了不少精力
卻仍然是遭某些人的白眼
一分耕耘 沒有一分收獲
我應否繼續留下 或是再次展開新的嘗試
不知問了幾多次的問題
難以解決 亦難以解答
算了吧...

意試到有些事 是自己應該做主動
到最後卻什麼也沒做
在網上的自己能夠很健談
無奈現實中的我郤是常常沉默的人
常常在想東西 想無聊的東西?

不知如何 有些事情勉強不得
只要自己繼續做好自己
不必去為誰做任何事 把自己的大情大性都表現出來就算吧

>>September 28, 2003 at 6:05:50 PM GMT+8

2003 年 9 月 27 日 星期六 【晴】

唉 嘆氣...
今日過得好down下 為自己既失敗而落寞

事緣今日趕趕地時間出去drum course
因為起身都唔早 所以連lunch都食唔切
好彩去到都算準時 去到原來Tomas,簫俊傑同Jason已經到左(仲要勁早就到....)
咁我都襯啊sir遲左幾個字既時間上過下鼓
點知今日係失敗既
對腳仲係唔多聽洗 唔可以做到一下一下咁踩 唉...
啊sir今日好"mun" 因為我地個個都唔係做得咁好
而我都有為自己既無能慚愧一番...
因為一個禮拜過左 唔單止冇做好到 反而係停濟不前
新既節奏已經出左黎 要我地練

其實啊sir已經講左一個main point
就係打鼓要一下一下 每下都要做到最好
可以諗 可以唔跟節奏 但係每下都要打得好
而我今堂既面色都有點差 唔止係因為個冷氣凍 仲因為自己做得唔好啊~~~

Anyway,呢個唔開心既情緒延續到完左之後
一個人漫無目的咁行 本身諗著行去最近既地鐵站 去左油麻地
點知之後去到個站度換完飛又唔想走著
跟著自己一個人行左去太子 無方向 無咩特別想行 無咩想睇
之後又去番旺角...搭車去左尖咀
想睇下有咩靚衫 咁諗著下個月可以買咁啦
點知行行下入左間有好靚既cap帽賣既舖頭
跟著個背脊無端端俾人拍...回頭一看
原來係林翠群(新同學) 同行既仲有佢既一個fd
問候幾句之後佢同個老闆唔知訂乜
而我都一個人走左勒

之後想搵番個地鐵站去搭船去灣仔
點知路痴啊摺搵左好耐都搵唔到
就咁靠D路標行左去個較遠既地鐵站
之後發覺個碼頭好遠 就係咁我決定坐地鐵站算
去左灣仔 無心咁行左一陣
突然間發覺灣仔既衫店好唔update
下次去銅鑼灣遊玩一番吧...

就係咁我番左去屋企 心情已經比之前好DD
覺得自己真係樣樣野都要努力D
目標係 : 放
唔係放任,係放髮
唔係放軟自己,係放盡自己去做每樣野
決定唔再介意人地既睇法
要盡顯自己既過性

肚濟tim 飲番杯熱水先<<<啊媽之前教既
點解肚濟呢 因為尋晚今日都冇食飯
今日仲亂食野 食左好多奇怪野
今朝食左少少包就出門口 去到旺角買左杯峰蜜紅茶
之後一路都冇食野 去到灣仔先再買左兩個手卷黎食(十蚊咋 不過又唔算好抵既)
之後番到屋企o個邊買左MAGUMN雪條食 番到屋企再飲奶...
自己玩搞肚...活該

尋晚寫日記既時候竟然tired到一路寫一路訓...
所以後面係接近唔知寫乜....算啦

唉 ~ 嘆氣

>>September 27, 2003 at 11:06:27 PM GMT+8