2003 年 9 月 17 日 星期三 【微雨】

噫 好似得罪左Carman 但係自己仲未知得罪左D咩
但係feel到好似有D唔妥 暫時唔理著 因為我處理D人際關係一向好差
算吧...無力做既野勉強自己只會把所有事做得更差

請勿將我當成一個變態佬 咩成日溝女
吾可是完全沒有打算在今年與任何人發生特別既關係
唉 若果愛真是如此簡單 若果吾的吸引力是這般大 早就走去和每個人做好朋友了
現在的問題是 自己太低能了 如果快D調位就好了 因為這樣才可以放膽傾偈
其實現在和鄰座的簫簫關係也不錯 能夠做到互相有朋友的關係已是吾的成功了...

行運超人卡通版 之前電視播過了 健買左vcd借我看
ng...不過唔係全部都睇到 成日跳線 跳到機都hang埋...

最終兵器都換左碟勒 不過未睇 好想睇埋個結尾 不過又好似唔多arm啊媽o係度既時候睇...

苦的事 還有多少

>>September 17, 2003 at 9:39:42 PM GMT+8

2003 年 9 月 16 日 星期二 【雨】

其實今日仲有D鎖碎野係arm arm記得既 係咁意講下啦~!
首先一朝有兩個人,carman and 爸爸(同學)都還/借碟俾我
搞到一番到學校個"櫃筒"就爆鬼左...都唔知咩事

另一樣野仲搞野 就係我隔離o個個新同學,蕭蕭
o係今日閒聊既時候 佢話我聽尋晚發夢聽到校長話佢唔駛drop geog 之後佢就o係個位度
對著校長喊左句"仆街" 講真我覺得都幾搞野
其實事緣蕭蕭係留班既 但係因為geog好多人讀 爆左 所以校長就要佢(其實啊dick都要)drop左佢
唔俾佢讀
所以我都話佢日有所思夜有所夢 掛著讀geog又嬲校長 o係個夢度同校長講粗口(雖然我都成日講....)

噫?! 內今日冇留言既 好傷心啊
(假既...keke)

>>September 16, 2003 at 11:16:39 PM GMT+8

2003 年 9 月 16 日 星期二 【雨】

今日照樣係有D廢廢地既生活 數學堂啊sir講左咁耐書 我都係自己做自己野
一句都冇聽過 不過我都算好乖既人 起碼冇狂講野 都係自己做下數咁姐
唉 發覺自己好似蠢左D 今舖真係要將勤補拙

本身放學有個Chem quiz 咁我用左成堂bio一路聽mp3一路溫(睇下我呢D咩學生黎...)
發覺自己其實都應該溫下bio 點都好啦 其實都唔係咁應該玩架喇

講起玩 今日既英文堂玩到爆炸 不過唔係我啦 總之成班係嘈到 個mrs用咪黎講野都完全聽唔到
佢又似理不理喎 就係咁去到落堂

今日都係好倦 一放學見啊媽o係房度用緊電腦 咪訓左o係張梳化度 點知一訓就去到食飯...

有D相我放左o係另一個diary acc度
大家有時間可以去睇下
順便都可以o係呢度寫番D comment~
仲有唔該記著 呢度睇既野唔好周圍講 如果唔係人地覺得我冇口齒 以為我口疏
有時D野心知肚明就好喇

>>September 16, 2003 at 9:18:50 PM GMT+8

2003 年 9 月 14 日 星期日 【乍寒還暖】

好眼訓~好眼訓~好眼訓
尋晚十一點幾番到屋企 之後唔知自己搞左D乜就訓左
記得訓之前 就"轟"一聲落起雨上黎 但係我都估唔到會落咁耐
我醒既時候都成點 但係雨仲係未停
不過我一點起身其實都仲係好眼訓
之後同老豆老母去飲茶 一路飲 一路半釣魚 D野又唔好食 真係以後都唔好再去o個間
之後同老豆行左一陣電器野先番
番去五點幾 但係D眼訓仲係未停 結果我就繼績訓勒
訓到七點 唔知聽到咩食飯之類就彈左起身食雲吞勒
之後先算醒醒地 食飽訓夠之後就真係的起心肝去做野
咁一路溫chem一路做功課 都幾好
其實仲要做grammar同中文問答 但係冇帶簿 頂
聽日有兩個test 但係都未溫 而家要溫喇 我話過會努力溫書架
得番半年 仲有得追既
再講一次 如果我同其他勁既人相差既只有努力既話 我一定可以追到

>>September 14, 2003 at 11:47:07 PM GMT+8

2003 年 9 月 13 日 星期六 【晴】

去左同小旋,大大,細雞,布布,啊發,馬騮
不過最初大大 小旋 馬騮未黎 我同其他人去先
不過細雞知道馬騮都會黎好似有點兒那個既樣子 因為我唔識馬騮架 所以完全唔知發生咩事
點都好啦 去到就好開心咁唱 講真俾同平時唱開o個班友仔仲好玩
其實我一路都覺得大大同小旋有D唔妥架喇 點解好似有D其怪咁既 原來佢地真係拖埋一齊 真係唔知喎 不過估到啦 不過佢兩個都幾搞野架喎 各有各玩 好似驚死有人知佢兩個既關係
不過o係K房都發生左D野既 事緣點左有首歌播緊既時候冇人唱 咁啊法問邊個識唱 咁跟著冇人答佢 咁咪cut歌囉 但係大大又話想唔好cut 但係點知都已經cut左勒 冇計 兩條友開始嘈起上黎 講嘈交 大大實輸俾人 結果啊法講講下嬲起上黎就飛過remote落將table兼"冼"到去大大前面 話要點番就自己插 結果兩個就反反地面 不過好彩 最後又布布既驚人變態低B演出 令到個氣氛變到好正好開心 我地最後成班低B仔仲影埋相tim.不過細雞幫我地影o個張好樣X 激死我喇

仲有原來啊法把聲好似小春 當啊法唱緊小春既"啼笑因緣"既時候 布布不斷較伴唱 但係把聲都仲係好似一樣咁...haha 而馬騮把聲又真係好好似王傑 簡直係冇得頂 最平既聲音就梗係我啦 又唔夠佢地把聲咁厚喎 唉 算吧

o係銅鑼灣見到許志安 我同小旋o係上面影佢相既時候佢仲望左上黎啊 但係o個部死野好cheap 影得又慢 佢又行得快 又冇哂位 都唔知TCME條仆街做乜咁賤架 32mb既save card都借得俾人既 好賤 真係好唔抵囉

夜晚去旺角 行左好耐好耐 行到腳脾 o個間CD舖真係幾正 不過可惜我真係一個初心者 仲未搵到一隊真真正正極arm自己既band team.點都好 接觸o個類音樂真係好好玩 不過當中有D歌係反基督既 有D就好邪既 有D講古文 作為基督徙 我都好應該考慮下既.

未做功課 未溫書 = 好曳 聽日全日都要做 搞掂 收工

>>September 14, 2003 at 1:15:19 AM GMT+8

2003 年 9 月 12 日 星期五 【晴】

ai yaya 今朝一點幾先起身 其實十二點幾已經醒過 總聽到老豆啊媽入左我房用電腦 我個心仲諗"開party咩 間屋咁大仲要逼哂D人入黎"不過好快就訓番 因為真係好tired
一點幾起身落床既第一個感覺係 對腳好痛 D根拉著哂 行入toliet都覺得辛苦 之後換衫諗著出去買飯食 點知啊媽又叫我買西餅 老豆又叫我買麵包 諗諗下覺得夜晚可能仲要用錢 所以都冇買飯食 買西餅o個時見到條拿破崙都幾平 咁又執多條 之後去左UNY買我最鐘意既北海道包 摸到個底仲熱熱地就好開心買完番屋企 其實本身麵包舖隔離仲有一間賣朱古力puff既檔 好香好香 不過幾貴下 所以忍口就閃lu

之後番到屋企就用電腦用到六點幾 記得細雞好似要搞攤位 咁就打個電話俾佢 跟著就走左去佢度 之前順便買左pack電 因為部數碼相機冇哂電 影唔到相
去到見到大家都玩得好開心 而且全部都係街坊街里(雖然唔係我既街坊) 不過好搞野負責呢個攤位既全部(九成)都係我地文理既fd 所以都幾好玩 過左一陣我就幫手代替大大做收飛 一做就個幾兩個鐘 雖然大家都覺得我做左份苦差 不過其實我都覺得幾好玩 唔算太悶 起碼都見到好多有趣既野 例如有D細佬好cool咁掟張飛入個袋度 有D好有禮貌講唔該 有D家長幫仔女排隊 但係到佢玩個仔女都仲未黎 結果不斷同後面既人調位 有D細佬我見佢玩完又玩 咪同佢地搭訕一番 又幾好傾喎 不過到左最後o個半個鐘到九個字 因為仲有好多禮物 而D人已經少左好多 咁我地為求送哂D禮物出去 所以狂派狂送 點知又好似去得太快 結果又好慳好慳 點知突然又有D禮物補充 跟著又放鬆再狂送 當然D有用又靚既禮物o係送出去之前會俾我地"過濾"左先啦~~

[補充:o係我收飛其間有個F.3既o靚仔認得我係文理既 跟著哂自己張文理學生證出黎 我而家先知我o係文理既知名度都唔低 仲因此唔知點解多左兩盒野飲 其實事前我o係學校既P.E堂完左換番衫o個時都有條o靚仔走埋黎 然之後問我係咪live in 太古架 咁我話係啊 跟著佢話我識你架 咁我其實認得佢個樣 好似之前唔知做過咩大家見過面 咁我咪話 我都識你 (肥的按:點解你唔一開始就話識佢既) 原來個o靚仔係F.1 不過我又印象中見過佢好多次 應該識左好多年 點都好 下次搵埋佢影相先]

走o個時我地去左明記食糖水 咁細雞搵多個四歲叫嵐嵐既小妹妹一齊去 其間細雞狂被我地話 又話佢教壞細路 壓死個細路o係行人路上 又狂同個細路女講唔好痴著o個個姐姐....總之講到去明記 講到個細路女都驚 點都好 今晚明記真係好好好多人...等碗野我諗等左都有三四五個字以上 之後由於大家唔同路既關係 所以得我同細雞同嵐嵐係同一個方向 不過以我既同細路溝通既特殊能力 個細路女同我地講野講得好勁 同頭先係差天共地 不過其實我都諗番起自己幾歲去pasty去食野見既覺得好大個既哥哥姐姐 其實好有可能都只係有十幾歲 真係唔簡單
咁我同佢o係巴士站分別 諗著經太古城中心落去番屋企啦 點知已經關左 咁唯有過馬路由地鐵站過啦 點知連地鐵下面都關埋 之後有D瘀瘀地咁出番去 o係佢地唔知見唔見到我既情況下走另一條路程長D既路番屋企~

聽日可能會去唱K 不過仲未有人打俾我 Drum course都改左期 不過唔知係幾時 打俾Jackie係超嘈 差唔多聽唔到佢講乜 打俾Jason又冇人聽...點都好 原來我又唔記得約左啊May o係邊個商場度等...頂~

>>September 13, 2003 at 2:31:26 AM GMT+8

2003 年 9 月 12 日 星期五 【晴】

覆番DD留言啦
對於眾人問候既留言:多謝大家既關心 呢個病到今晚終於有D轉機 其實我平時出街都唔會有事 但係只要一發作就停唔到...而家好好多喇
對於ET既留言:其實呢D野係我主觀角度黎架姐 你唔好嬲我喎 而且其實我都估唔到你會睇番之前D留言架喎 睇黎大家對我既私生活好有興趣喎~~
對於其他種類既留言:um...其實有時D野我都唔知點去覆 我只可以話我每個留言都有盡心咁睇 而我o係可能既情況下都會覆既 不過好多時一寫日記就唔記得左 so sorry.但係大家既留言會令到我好開心 因為都叫有人睇下我個diary~

不要去羨慕 不要去妒忌 只要自己也過得好 每天都活得開心快樂有意義 能夠有一班相熟的朋友陪伴自己便足夠了

>>September 13, 2003 at 1:54:27 AM GMT+8

2003 年 9 月 11 日 星期四 【晴】

開學以來過得最開心既一日~~
今日冇英文堂 所以好多野都唔駛煩同做同交 幾驚又要八堂都趕功課
三四堂既P.E 無端端又跑九 結果我係跑到就黎死既 跑完之後係ringring地
估唔到班內都有唔少運動高手喎 女仔入面有Ivy 男仔入面 李海華 張煥謙 同 張子軒都幾勁
除此之外 我仲係跑到隻腳D根超緊 隨時都會抽咁既樣...搞到第二日都...
跟著第七八堂係bio 坐左去後面玩同狂影相 我都覺得自己好低能
搵件冷衫(冇袖)包著部相機 跟著狂影 布布又狂摺花 跟著我同toto將D花又插o係個頭度又"zip"落件衫度 之後做個實驗就係要短時間內接著由上面跌落黎既間尺 跟著啊樂做極都做唔到 結果並冠以呢個56k既名...
最低B既就係我影相既時候利用左D角度上既誤差 令到影出黎既相既人好似咀緊咁 好賤啊
仲有影左D人訓覺o個時既樣 都幾搞野
放左學之後成級要留低落禮堂做英文pass paper...但係個禮堂凍到我嘔泡 又要坐最前喎 o係禮堂考左咁耐都未試過要坐最前架 今舖真係雙重連環獎...份卷其實又唔算太難 之不過我又唔覺得自己會做得arm咁囉 希望考出黎既成績好似都會有類似C既成績就好喇(無可能 ! ! !)

放左學番到屋企已經六點 跟著就要出去做節食飯 不過今餐雖然冇去正陽數咁死板 不過都唔見得好食 唉 結果只係食左好少野就算喇 反正諗著入小西灣食
跟著大夥兒約左十點半小西既circle K度等 但係因為我十點已經到左 所以叫左啊健陪我行過去 到大家都到左既時候都唔早 跟著去惠康買蠟燭 買左十五盒同三個火機 之後又為夾錢既野又嘈左一陣 咁我D性格又係覺得好煩兼開始唔好老脾 不過事不關己 所以都冇出聲廢事又更多野出黎
行左一陣就行上山 個山都幾高 行上去都用左唔少時間 不過行到差唔多墳場o個邊既時候 其實已經係目的地 跟著有一大班人去燒野食 啊西又話好多人 驚D人報寸話我地煲蠟 跟著又唔行過去 咁我咪o係度話 "你去到邊都要驚架啦 你去邊都唔驚 驚人報寸?"<<<類似呢D野啦 跟著同佢又辯論左陣 結果去左目的地個亭對開有一段平地(其實係山邊 平地再行得出D就會碌落山) 大夥兒開頭o係度玩用鎗射蠟燭 咁我就見到個景好靚 o係度影相就冇玩 之後大家就開始真係玩野勒 開頭我就玩下D蠟燭仔 覺得都幾好 而文西都同我一齊玩緊 之後玩左陣佢就起番塊蠟底出黎再開始煲 而我當時仲未正式幫手 只係無聊燒下d螞蟻 其實自己都覺得好殘忍 所以一二三隻之後就冇玩 點知呢個時候又有條粉腸學我燒螞蟻 咁我都唔鬼理佢啦(佢後來都俾同行既人話...活該 =p) 咁我加蔡蔡加文西就開始玩煲蠟啦 其實整體上我都唔算好勁咁幫手既 不過係o係上面既周圍點一D蠟爆 免得太黑難以清除D蠟入面既雜質(因為我地係要完美既煲蠟...)與此同時某頭先提過既粉腸又o係度話我地咩點解要咁樣煲又唔咁樣 解釋左好耐 發覺佢係同我地唔多arm channel 想玩火咋~其間都有好多搞笑野架 例如choichoi(蔡蔡)玩火機 將D氣谷落隻手入面 之後一放出黎隻手就好似有火咁 啊朱又搵D藥引用黎燒 跟著好似食煙咁 好搞野 文西將一D燃燒中既(則係放o係煲蠟下面既燃料)野拎出黎 然之後好似聖火咁 so funny~~就係咁大夥兒就已經搞到兩點幾三點 其間儒少打過幾次黎 咁其實我已經好想X佢地架喇 明明話左黎 結果自己又約埋第二班走左去玩 我已經好唔happy咁架啦 跟著又打黎唔知想點 o係佢last o個次打黎 之後我講 咁我就問佢 你黎定唔黎 其實我都引導左佢答唔黎 一來佢冇可能而家先過黎 第二要搵人接佢地上黎又係煩 一來一回半個鐘到九個字就少不免 ysk都係 我地幾個人都打過幾次電話俾佢 一次就出左去 一次就訓左覺 跟著仲有好多唔同既應對 全部都係佢啊媽講既 其實佢呢籠野我都見識過好多次 其實極有可能係佢打緊機或者係其他原因唔聽電話 跟著就叫啊媽o個D幫佢截左佢 點都好 我都唔想再理 好煩...

玩到差唔多三點幾 跟著我好似係唔知影緊相之類 跟著成班野拎左煲蠟走去兩三米外既地方叫我快D走 跟著我都唔知咩事 跟著話類似個打火機漏氣隨時會爆之類 不過last走之前都冇爆到 我地落番山之後就去左籃灣既circle K度買野飲 之後話去買宵夜 但係最後都係決定去7-11 o係過馬路前 對面有條癡線佬好大聲咁講野 咁我地唔理佢過左馬路入7-11 點知條友竟然跟埋黎 咁我其實好懷疑係我忍左佢入黎 之後其實我唔理佢去揀杯麵 點知佢竟然對著我地黎鬧(?!) 咁我雖然唔理佢揀緊杯麵食 但係其實個心入面已經係幾火 佢再糟著我我就真係會同佢吵過架喇 不過唔記得左邊個講得arm 你千祈唔好同佢糟 一同佢糟就麻煩勒...好彩佢後黎纏著左另外入黎既兩個人 咁我地就成機走左 之後又去另一間Circle K度買杯麵食<<<(唔鬼知點解小西灣可以有咁多Circle K架)之後又左去小西灣個大大屋"寸"度食啦 本身想買入面既熟食架 點知睇落去同教育電視入面D情況勁似 買甜湯o個檔我一睇就知好唔衛生 拎出黎都唔夠凍啦 另外有度係燒D野黎食 好似腸仔 扒之類 但係健同啊朱都話食o個檔野次次都會肚瀉 咁我梗係唔想食啦 但係其實有檔燒魷魚好香架 不過大家o個時都散緊 而且都好似冇人食咁 咁我廢事咁低能啦

最後我地去左一處冇人既地方煲 但係我都唔知點解大家係超級靜 大聲D都驚 話驚附近既居民見到喎...咁我都係咁 唔多理佢地 用左唔少既蠟燭就將D蠟好快咁熔番 點知一諗著拎開D火既時候就倒瀉左 好彩冇人有事 不過原來有D人係唔想玩 因為一瀉左就話算啦 唔玩喇 走啦 咁
點都好啦 之後大家就散兼閃 咁我同 啊朱 志華 啊馬(我記得係呢個名 因為我本身唔識佢) 某粉腸就坐小巴去地鐵站 再轉通宵地錢(條粉腸live o係地鐵站附近 冇同我地搭地鐵) 咁我上左地鐵就訓著左 好彩佢地幾個落車既時候叫醒我 叫我唔好訓著 如果唔係分分鐘去左上環~

番到屋企換衫刷牙除con就訓 因為我真係好tired~~~~~~~~~~~~~~~~~~~~~~~~~~~~~~

今篇野我諗應該冇一萬字掛

>>September 12, 2003 at 6:58:45 PM GMT+8

2003 年 9 月 10 日 星期三 【晴】

功課的進度很慢 用了數堂來研究 我唔係抄功課既人
每一樣功課每一個答案我都好希望係用自己既能力去解決
我明白何謂學業上的強者 因為我曾經當過
我更明白弱者的心情 因為我也當過
唯有拋開一切 盡心盡力去做到最好 才能夠重新把強者的地位給保著
我沒有當強者的天份 沒有那一份聰明智慧 沒有那一份一絲不苛的耐性
沒有好的學習態度 什麼也沒有
或許已得到了許多 卻不足以我所需
沒有言語 因為怕在開口後又被反駁
接近沒有愛 連絲毫的眼淚也滴不出來
沒有大志 沒有朋友 沒有其他的專長
連唯有的謙虛耐性忍讓 都被別人用另一種眼光去看
錯折不斷 但我又能如何
人怪我從沒有去關心 我卻已拿出了僅有的愛心
我的力量不足 給別人丟白眼
在常常充滿的笑容下 卻露出了冷冷的眼
即使是真正的笑容 亦只會被別人用白痴來指責
為何我能極速從笑容中板了口臉 只因為我從來都沒有真正去笑過
若然又回到兩年前的自己 恐怕又會成為真真正正的無心人

兩年前的一段黑暗日子 真是把我重新給改變
請不要再提起 請不要再憶起
因為已經成為我人生中的一大黑暗之處

姐姐在外地病得極嚴重 願無事安穩則好了

不知何故心情蠻差 不寫了

>>September 10, 2003 at 7:53:45 PM GMT+8

2003 年 9 月 9 日 星期二 【酷熱】

頂 好鬼熱啊 又搞到成件衫濕哂(我已經唔係大汗既人黎)
放左學同Carman去左毒蛙家 就咁就無聊到六點幾
其實原本我地諗著溫書既 不過毒蛙家實在太正喇~~~

因為番到屋企都六點半有多 沖埋涼飲埋湯 都成七點 約左Free Yan班人同啊迪 但係去到都遲左成三個字...So sorry about it.
跟著去左意粉屋度食野 雖然我其實食得唔多 不過都好多謝啊迪
Then我地去左愛主堂度傾偈 大家都好雀躍咁講自己會有幾多個A 而我連英文合格都唔知做唔做到 大家實在相差太大喇 唉 何去何從呢 開心 傷心 壓力 似有似冇 似多似少 已經冇力去講 聽俾講更多 實在沒有什麼了

冇力去愛 連自己都負擔都未放得低 何得何能照顧別人
幼稚的自己 常常都在無聊無聊和無聊 實力才是最重要
請讓我把自己的所有能力發揮出來吧

>>September 10, 2003 at 7:37:04 PM GMT+8