2003 年 12 月 29 日 星期一 【晴】

第二百四十二篇 - 送上遲來的聖誕歌

by Web fds cookies~

合: 想過開心聖誕 若然要有聖誕歌
開罐頭 聽到厭 就由我去唱首好過
給我新歌試唱 別重播陳年行貨
讓我去唱唱我的感覺 嘗試在悶場求突破

karkar: 聖誕節循環聖誕歌 gogo: 播了再播 我也奈何
smallwingc: 循環舊願望 循環舊夢想 fanny:你也懶去再包裝過
sinman: 年年聖誕節 雷同聖誕歌 jacjac: 怕我老了還在播
step: 但有哪個會覺得不妥 yoyo: 連JINGLE BELL 都照收貨

合: 我想過開心聖誕 若然要有聖誕歌
開罐頭 聽到厭 就由我去唱首好過
給我新歌試唱 別重播陳年行貨
讓我去唱唱我的感覺 嘗試在悶場求突破

jacjac+yoyo: 鹿車 雪撬
sinman+step: 哪裡叫我感觸過
gogo+fanny: 等我 寫過
karkar+smallwing: 有兩句至少關於我
合: 歌 我不懂作過 但詞 也重頭填過
讓聖誕節也有點新意 嘗試在悶場求突破

steps: 又到聖誕 誰人在慨歎
karkar: 又到聖誕 更加之怕冷
karkar+steps: 獨身人最悶的夜晚

gogo: 睇燈飾 攪抽獎 悶都未算慘
smallwing: 佢無約你咪自虐 今晚可以約FRLEND去玩
fanny: 呢班FRIEND 個班FRLEND 預0左陪你玩
smallwing+fanny: 至怕你 怕寂寞 是但執一個仲煩

sinman: 睇身份證 似係大人 個心其實仲細
jacjac: 應該加緊搵幾隻襪 早D 0抖安心等禮物
step: 六月份就話定 係要乜 隔日提 時時提 o黎造勢
sinman+jacjac+step: 你亦明知 俾個個係你老豆黎

yoyo: 神秘禮物買D乜0野 不准超過一百蚊
steps:逢聖誕就有呢味0野 攪抽獎 變做例行
yoyo+steps:打開今年禮物一睇 比起當年確係豆泥
karkar+gogo+smallwing+fanny: 皆因今年市道曳 sinman+jacjac+step+yoyo+steps: 零用0甘少 又未夠駛
合: 即使今年禮物細 其實有心送也矜貴

karkar: 棵聖誕樹就算七呎 karkar+smallwing: 亦冇乜氣氛 都冇落雪
sinman: 穿上厚襪換上手套 sinman+smallwing: 亦冇乜氣氛 都冇落雪
smallwing: 難道要求白雪仙 堂堂大節 唔落雪 karkar+sinman: 點解決
karkar+smallwing+sinman: 只有假日 並無佳節 好彩o係香港 都幾親切

gogo: 看過直播新聞 面前坐滿熟人
fanny: 聖誕突然令我太想一一吻吻
jacjac: 乾坐沒節目 氣氛已經夠動人
gogo+fanny: 我抱住最好友人 gogo+jacjac: 點上幸福香薰
jacjac+fanny: 大家都不缺席 gogo+fanny+jacjac: 已經感激到震

step+yoyo+steps: Silent night, holy night 好姊妹 已到齊
step: 靜靜一家親 yoyo+steps: 已很美麗
yoyo: 靜靜摸杯底 step+steps: 冇聲咁滯
steps: 笑笑口挨住各位 step+yoyo: 好過集體唱爛泥

smallwing+jacjac+steps: We wish you a Merry Christmas
gogo+sinman+yoyo: We wish you a Merry Christmas
karkar+fanny+step: 如果冇乜收到禮物
合: 何來Happy New Year

合: 想過開心聖誕 若然要有聖誕歌
開罐頭 聽到厭 就由我去首歌好過
給我新歌試唱 別重播陳年行貨
讓我去唱唱我的感覺 嘗試在悶場求突破

steps: 我要過聖誕的感覺
合: 報佳音傳遞過

>>December 29, 2003 at 6:25:44 PM GMT+8

2003 年 12 月 28 日 星期日 【晴】

第二百四十一篇 - - - 玩盡自己所擁有的

今日走番去自己個廢網度
話說自己一年幾前心思思搞網頁
仲襯暑假搞到三更半夜
個網站有幾差就唔好提啦
不過話說今日走番去睇下
突然又想心思思搞一搞...hehe
等我做減D功課 溫完書之後睇下可唔可以update下先

>>December 28, 2003 at 2:52:21 PM GMT+8

2003 年 12 月 28 日 星期日 【晴】

第二百四十篇 - - - 提起精神來

一覺訓醒 什麼都好多了
即使現在問題由顯性變成隱性
但對自己來說 一切都已好多了
早上 睡一個好覺 看來比什麼都重要
滿足的感覺 不知從何而來
那都好 溫習 功課 今天要完成半科
不容自己再倒下來 ! ! !

送上一首 "孤單公園"
不是hin也不是我唱 只是網友的歌罷了 但是覺得有夠㊣

>>December 28, 2003 at 2:02:31 PM GMT+8

2003 年 12 月 27 日 星期六 【微冷】

第二百三十九篇 - - - 誰明白我

啊媽尋日其實係收到一個好緊急既電話 所以先會離開左香港一陣
不過就因為咁 一切都變得複雜
問題亦由此生

此刻 總人都好怪我固執
好怪我自討沒趣
怪我自討苦吃
從來沒有考慮過我的感受
既然不相信我 何必要和我待在一起
24小時的空肚 靠著和別人分享乾炒河而充飢

連一點自專都不能拿著...我還是人嗎
還是 拿著自專的人都是愚蠢的人
路過看見的人 你們可以解答到我嗎?

一口氣補多四科補習 將來 路看來很難走
但是卻要努力走下去
縱使世界什麼都沒有
還要走 走到死為止

從來沒有介意過死 隨時都可以拋開一砌

心情差 留下一筆罷了

謝謝留言的朋友 寄唯一一張聖誕咭給我的同學
謝謝你們

願聖誕節慢慢的過 讓我做做功課 溫溫書

>>December 27, 2003 at 5:51:41 PM GMT+8

2003 年 12 月 26 日 星期五 【乍雨乍晴】

第二百三十八篇 - - - 心情極度低落

原來所有問題 所有的根本都是它
發現原來自己極度憎恨受任何人質疑
即使平時EQ再高 只要一撞到這個話題 都會變得極度暴燥
結果 昨晚在街頭上 給親人的一句不信任的話
結果我當著所有人的面前發脾氣 獨自離去
討厭再聽到她的聲音 連電話都關上

在街角上獨自坐上不知多少時候 可幸還有唱碟在陪著我
可是心情就像歌的樂韻一般 心情差的情度屬於極高
可幸 還勉強能和朋友一起
坐在地鐵站的央台上達45分鐘
其實並不太介意還要等多久
只要讓我知道能夠有結果便夠了
其實心在不斷猶疑 該何去何從
返家?還是散心?
直至最後一秒 不知是第八架 還是第九架列車出現之後
才真正決定
其實最主要去的原因 絕不是尖咀有什麼漂亮的燈飾吸引我
只不過我是背負著帶相機的責任 希望能夠完成別人的願望
何曾重視過自己 別人永遠說我常常 但是...

在尖咀的一個電話 看來有人知我不對勁
可幸我還是迴避了問題 盡量分散自己
其實...我今晚已算玩得盡興...

終於都早過三點前回家了.....

我不需要不相信我的人...給我滾 ! ! !

Fanny : Thz ur msg la,look farward to hear more about u ...maybe hv a phone call later,u call me la ! ! !
Newgod: is very great and I introduce to u,but ,my fd said jz laughing in the first part...ad there was filler with Romantic thing at the next half part.

>>December 27, 2003 at 4:03:24 PM GMT+8

2003 年 12 月 25 日 星期四 【晴】

第二百三十七篇 - - - Lonely Chrismas ?!

冥冥中的主牢 彷似無數的巧合
只要人的心有稍微不一樣 這樣的巧合也會改變
整天的巧合 是暗示著香港真的是這麼少
還是在訴說著什麼...

日上三干 傷風使我不能再待在那個又暖又冷的被舖
起身後 吃個飯
待在電腦前一會 知道自己不該浪"廢"這個假期來嘻戲
拿著數學書來研究 用牛速來解決一些數學題
盡量用盡自己的知識來解決面前的難題
難題 其實不難 是因為自己平時不專心上課所致嗎?
我不知道 但絕不承認 因為我深信上課也學不到

大約三時 唐華先生罕有的打電話來找我出街
唐華 廿三歲 之前黑黑實實 高高大大
而家就白左好多 更高更肥
少數我要抬頭抬得少許難受的人
趕忙和網上的朋友同學say gd bye之後就上街了
我們一路走到西灣河 從在路上的交談得知
原來這個看來火爆的小男孩 經過兩年在保險業中的浸淫
已經變成在公司裏數一數二的sales
看來他不屈不縷的精神一直都使他順利

我們一直走到天悅 打了個轉
發覺還是沒有找到他所需的東西
原本還打算走到炮台山一趟
不過因為收到兩個電話 所以不得不趕一點時間
從來都討厭別人食煙的我
也不得不饒他只抽一根
想當年他每天抽的數目大概會嚇得死別人吧
巧合:在路上遇池泳恩 不過大家連話都沒有說過 側身而過
告別後 獨自回家 順道看看今晚"地下鐵"的票何時有

七時多 出門 順道拿著優惠卷一看
"eee 利舞台???"
然則 優惠卷的使用地點是有限制的
沒有選擇的餘地 只好拿著八達通去四通八達一番
到了銅鑼灣 可幸的 十一時半還算有不少的位子
從來沒有在利舞台看過電影的我
一時間不知道該選什麼位置才好(中間的靚位早已給買了)
最後只好拼一拼 選了第六行的位置
不過利舞台起初給我的感覺是極度舊的
因為劃位還是使用紙張 其他戲院早已電腦化了

回家途中 媽電聯我說給我買吃的
故此我到吉島與她會合
豈知早到的我遇上了第二個巧合
"eee...啊高喎..."
啊高和他的爸正父子情深般路過
不知道該否叫他的我最後選擇靜
一路看著他們走去 同時看見媽在同一個方向走來
"eee....啊高你地做咩行番轉頭啊..."
什麼都沒做 瞬間從人堆中消失

晚餐 公仔麵
特意付出心機去整 還蠻久才完成呢...

十一時多 匆匆忙忙和姐到利舞台
她還買了魷魚片和麥精
在戲院裏真真正正地享受一番
<地下鐵>確實是一套值得看的戲
裏面有的是兩個故事 是兩個值得感動的故事
絕對值得看啊~~~~~~~~

看畢 已經一時多了
在Times Square中等P.K
巧合再現 我竟看到冼sir拖著女伴走過
這次我當然不會阻著別人啦
只是看一看罷了..
原本打算到蘭桂芳找敏
豈知電話裏的她已經回到家
看來她還蠻醉呢...
Anyway,放棄到蘭桂芳
大家轉乘巴士N8回家
豈知又再遇到崔和蜜桃
真的太多巧合 每一個決定都影響著巧合

他們都累得可以 不過他們這次出門看來並不太開心呢
怎樣也好 大家都在車上稍談一會
後來我想大概是蜜桃真的太不適了
所以他們在則涌便下車了
而我和姐則到西灣河太安樓狂食野
吃到大家都很飽啊...
倒是P.K的豉油黃炒麵實在太油了
使我真的卻步

返家 已經四時了
連續三天都晚過三時回家....=_=

>>December 26, 2003 at 2:35:23 PM GMT+8

2003 年 12 月 24 日 星期三 【晴】

第二百三十六篇 - - - 平安夜 講好Yeah 若果開心能夠永夠 我一定...

尋晚三點幾先訓 今朝十點幾就要起身
極度不願意啊 不過都無計 因為今日又要補習
勉強拖著疲累的身驅 今天紫薇都唔補
得我同啊敏,Nicky三條友

Ricky話 今日補習既女仔都著得好靚
我覺得...都係差唔多姐...今日照樣講好多野
我依舊係盡力去明 但係究竟可以用番幾多出黎 我自己都唔知
收到Fanny既召集電話 不過佢好搞笑
打黎問我訓醒未...我真係想即刻死o係度...
訓...我都好想

三點鐘 準時放人 而我都速速閃人
o係架車度大家都係傾傾講講咁啦
不過我估唔到既係竟然啊敏約我聽日去蘭桂芳
我見又有得去玩 所以都即刻應承啦

番到屋企 匆忙一番 打番尋日遍日記就閃人
去左醫院探婆婆 好彩唔係好嚴重姐
應該可以好快出院架喇

之後番到屋企 食左兩個烏冬㊣ 跟著就即刻出門喇
不過都係遲左三個字 真係so sorry la..
上左車之後四條友(Me+Fanny+SiuSiu+BunBun)o係度玩十五二十
開心既時刻過得特別快 話咁快就到左中環
話 一出到去 好靚啊 ~~~ 而望遠D已經見到棵勁大勁閃既聖誕樹 ㊣
跟著我地見到有D人戴著D好鬼得意既聖誕帽 點得意法呢
ng...有D難形容...大概係頂帽上面有條野好長好長咁吊著個波 行路o個時就會彈下彈下
咁我地全部人都諗著買啦...細問個老伯先知原來o係屈記買既
之後我地走左去匯豐度等埋Sai,Toto,浩然,TsoiTsoi 匯豐棵聖誕樹雖然唔係好大棵 不過都好靚啊

跟著成班人浩浩蕩蕩咁走去屈記啦 點知去到...
勁多人囉 o個隻咁特別既帽已經賣哂...本來想買其他架啦
點知班仔又要話Gel頭 我超...我唔係gel左頭咩
成班人之後又行番去大樹度啦 話說我過緊一條馬路既時候
o係我既90度角亦則係正後方就係電車黎
Toto無端端擰我過去...咁架電車就高速駛緊黎
嘩...乜料啊而家 個心諗緊會發生D咩事呢
點知架電車減速 原來係有個站o係前面 加上係紅燈
我即係做流汗手勢 跟著繼續行啦
然o係度狂笑喎 咁我開頭以為佢笑我啦
點知原來佢笑緊另一個人 話說o個個女人都係同時同我地一樣企o係行人路度等綠燈
當佢見到我好似就黎俾架電車撞既時候就好驚咁做左個嚇一嚇既手勢同樣
所以然見到就狂笑勒

去番棵大樹先啦 靚 就梗係啦
不過個大樹show都幾盞鬼 睇到我拍哂手掌
之後我地行去金鐘 行去睇戲
睇o個套"鬼咁多大屋" 點知去到已經冇位喇
唔通真係坐頭兩行咩...

之後去地鐵站會埋蜜記(Peach)
去太古買飛 嘩 我地竟然睇兩點?第一次睇子夜場...
之後行去西灣河 o係路上 十二點已經降臨
我地成班一齊對著街上既車講Merry Chrismas
勁好玩~~~
大家先到太安樓買D野食 跟著去左明記食糖水
o係糖水舖既門口竟然見到我地P.E啊sir...
吹左幾句水之後我地拎飛啦 點知啊sir竟然自己唔拎飛
然則我地就好賤咁遲黎先入場勒
食到咁上下 走左去QuarryBay Park 因為尋日我地漏左隻公仔o係公園度
公仔就搵唔番喇 玩就玩左一餐...
之後夠鐘就番去睇戲...

戲 冇想像中好睇 可謂跌眼鏡
笑 又笑唔出(勁AJ...) 驚 又唔係好驚...其實好多地方可以做得深入D
而家兩頭唔到岸...唉
睇完都四點黎緊 眾人o係接緊冇人既地鐵站度漫步
點知o係買飛度 見到"爸爸",Jerry兩隻野跳跳紮
唔知佢兩個搞乜又搞到三點幾 Anyway,佢地就閃哂
我咪自己一個人行番屋企囉~

幾好玩ah
Merry Chrismas...~

點解冇人留msg俾我既...傷心 >.<

>>December 26, 2003 at 3:39:44 AM GMT+8

2003 年 12 月 23 日 星期二 【晴】

第二百三十五篇 - - - 七分疲累 七分憂心 七分開心 Happy Chrismas Ball

好累 真的...
而且現在十分趕時間
要極速留字 話說大家看見的這篇日記已是第二天所寫
而且在寫之時我只是剛回家不久 跟著又要出門了...
何解呢?
又話說這個十二月二十三日的早上十時半
好不容易從被窩裡捲出來
之後和啊敏,Nicky去補習
何解不見紫薇呢?Oh...先賣個關子

在地鐵的旅程中 Nicky告訴我今天是要補五個小時的英文
WHAT???在完全打散了Danny的如意算盤之後
無可奈何之下還是要上 如是者 當我們到達Mc記之後 竟然只有我一個吃東西乎?
不過有趣的是 該公關姐姐的聲音我覺得蠻似Yumiko的
而當我們坐下吃東西之際
敏在看過公關姐姐扭了隻不知什麼給一小孩後 竟有嚷著要...+_+
(眾流汗...)
最後公關姐姐好像聽到訴求似的 扭了隻"白兔"給敏
但是兩個剛巧清潔的婆婆竟也說它像隻老鼠...眾又流汗加笑...
結果我們一直笑到最後 公關姐姐好像又聽到大家對它的微言
竟走過來遞上一隻兔子 冇錯 這次沒有引號了
敏十分高興 還要說些我有你冇之類的話 我和Nicky立即找尋什麼打算篤爆它
在到補習社的路上 大家都在討論著若果它在補習社爆了怎辦
如是者走了一會 我看見氣球上有個Mc記的貼紙 說著好核突之類之話
敏便立即去撕它 我說著可能一撕便會漏氣 可能那裏有個缺口呢
點知敏一撕便....
BOOM ! ! ! !
我和Nicky當然是狂笑啦~~~
敏的樣子大概可以聯想到

補習 五個小時 十二點至五點
竟然令到我整個人呆到死般樣子...
當然 大部分的同學都不例外 無可否認
學到了十分多的東西 多得連自己也感到吃不消
一邊盡力去明白Ricky的說話 一邊想著自己過去錯了多少的東西
簡直是想死...
未幾 紫薇到了 拿著一大袋的Mc記的她 看來十分狼狽
不過她看起來比我們更呆 原來她一早九時已經在學校補英文了
加上這五個小時 足足八個小時
我們還真替她感到慘
在補習的過程中 收到很多人的電話
有媽媽的(我告訴她放兩點) 有Fanny的 也有其他不同同學的
有點兒感到十分煩忙
不過這也是第一次看見同時三百多人在補習 因為我們中五班和中七班的人都合在一起上課 甚至要用到兩層的課室才夠
第一次係Ricky上堂 不過他個人係勁搞野 不過此搞野同A.Wong並不相同
不過今堂真的是超搞笑 話說有個學生送他一張聖誕咭 內容大致上說他的那個氣官常常都死氣沉沉 又不知如何有些液體流出...etc 而禮物就是一look類似紅腸的東西 hehehe

五時 放學 趕時間 立即到地鐵站回家
不過在尖咀大家準備上車的時候
話說我上車的時候已經在"嘟嘟嘟"中
而啊敏緊跟我在後 也勉強順利上車
唯獨紫薇還有一少段路
她竟然站在原地尖叫 之後才衝上車
她上車時剛好車門完全關上了
敏問她 若果你上不到車如何辦
佢說 "那麼只好叫你們在金鐘站等我囉
不過我最怕都係俾到門夾到咋" 到時就真係Gd Fish喇

回到家勉強還有約半小時的空檔 匆匆洗個澡
換一件衣服便出門 去到看見Peach原來在同一班車
之後會合Fanny,Sai,TsoiTsoi,Toto一起回校
其實大家的裝束雖然不算特別隆重 但是還蠻可接受
Fanny罕有地穿上短裙 雖然加上外套酷似網球手 不過其實蠻不錯
Sai的全橙色的奇裝異服 不其然使人極度流汗 裝束極似跳跳虎 有趣有趣
卓豪看起來穿得較為隆重 不過我對穿上皮鞋上這種普通的學校ball的人覺得有點造作
志華兄則穿得有點兒太過輕便了....
好 分析過大家的裝扮後 立即進入場地
其實今天禮堂佈置得還不錯 好有Feel...
黑黑的一片配上一棵不停閃的聖誕樹 還有Westlife的歌
食物方面 其實ok豐富的 不過好多東西當我想食的時候已經沒有了
例如cheese cake,意粉等...
跳舞方面"收獲"還不錯 不過真正的大贏家當然不是我啦
想不到一向cool開的Kenson今晚大為活躍 hohoho
而啊華和啊金這對情侶也跳得不錯 使得全場都為他們鼓掌 啊金今天的樣子加上露膊頭的晚裝 Oh...真是不簡單 兩個人最後還上台跳呢~
開上了Turbo 故兩隻舞步很快便學識了
而各女生們還算對我賞面 不過大步份在跳舞的時間都會狂傾一番
又有我無端端發神經撩起我地學校變態佬溫華清先生 使得他在禮堂追了我兩個圈 幸好痴線人也懂如何痴線 總算能應付他 =_=
之後的抽獎部份 hohoho 冇抽獎運的我竟然能夠抽中一盒UNO 還是類似豪華版~Yeah

在完了所有節目後 大夥兒到了明記吃糖水 不過要等埋SiuSiu就有點兒那個 我和Fanny可真有點被玩之感 現在確實不是一個好時候吃雜果糖水 因為現在的mango特別酸的呢
吃完後大家走左去海邊 玩石春路 嘩 好 好 好...痛啊...之後又大玩狂玩激玩 玩到竟然全部人男男女女公然o係街邊跳舞...

兩點鐘 要番屋企喇...

聽朝仲要補習 慘
今日咁玩法 殘

o係Ball既途中收到電話話婆婆入左醫院 好擔心佢 心臟衰歇?!唔係化 電視剛剛先做完咋喎.......

>>December 24, 2003 at 7:33:39 PM GMT+8

2003 年 12 月 22 日 星期一 【晴】

第二百三十四篇 - - - Chrismas Party ( Is it really happy,the answer is : NO )

估唔到今日仲要比平時早起身
不過為左唔好遲到 所以早D都要架喇
好準時咁七點半去到毒蛙屋企樓下
真係要再一次thz 毒蛙媽~
跟著一個鼓機加一盆食物就用左我兩隻手
當我到達左賓仔間舖既時候
對手已經好鬼酸痛
跟著 等...等...再等...
等左十分鐘都唔見人 如是者仲未見啊的啊bun...
隻手已經係XXX...
最後大家成踏一先截的的上車 去到都踏四lu...
不過一路上個司機狂同我地講野
大家都有D似係敷洐佢...不過佢睇黎自得其樂 死唔斷氣 講到去到學校為止
不過今次個party除左食物之外都唔算搞過D咩
全部人都有D亂...各有各小圈子既歸多
Anyway,個main point係 Mei Mei
完全唔係好知點解佢今日兇成咁
本身尋日仲見佢好地地 一點完名就閃左人
唉...其實大家都好擔心佢 個個都想佢唔好咁
不過一個人嬲既時候係要時間冷靜下既

講番D野食 其實大家都整得好好
以我既記憶而論啦 其實我食既野唔多 不過都盡論講下啦

雞翼 : 由鐘師奶整 足足有一百隻 食既時候仲熱熱地 成為每個人個口必備之品 不過最後都係食唔哂
壽司 : 由闊太整 errr 味到一般左少少 舊飯又硬左D 不過對於佢黎講都算係咁啦
意粉 : Dick媽出手 必無失手...不過我個人唔係好鐘意呢隻肉醬...都係大家樂適合我D
Mango 布甸 : Fanny炮製 事前極度擔心製成品令人反胃 但係最後係全個盆空空如也 所謂臭名遠播 如果真係唔好食既話實淨好多 無可否認呢個時候既芒果酸D 不過都整得幾好食 有D似乳絡 都唔錯ah
三文治 : by 王樂 賣相其實唔錯 謂我冇福品嘗 不過看銷量已知味道不錯 加油 下次番學整番盆黎慰勞下一眾同學仔啦
波羅腸仔 : 由毒蛙媽整 賣相非常正 不過其實本身都暖暖地架 點知因為等人等車等食既時間關係 所以食落去既時候都凍左lu...anyway,thz a lot
Jelly糖 : 唔記得邊個整(好似係蘇記) 食左一粒 發覺唔落椰絲跟本唔算Jelly糖...

之後本身又話夾band 不過因為自己既不濟同埋同學們對個鼓機既興趣
所以連自己掂下支鼓棍既機會都唔多 算啦
其實見到大家對部機咁熱情 我都估到做唔到D咩架喇
Anyway...Jz enjoy the party...
之後叫做玩下D低B但係又個個都好鐘意玩既集體遊戲
又話說我玩大風吹既時候太過趕時間
所以隻手刮到好勁 所以啊布同我玩既時候
我都叫佢唔好搞我隻右手
幸好花姐借左兩塊好cute既膠布俾我 所以都可以用黎頂陣檔
今次抽獎冇中任何大中細安慰獎 不過都冇乜所謂啦
唔算太在意呢D野 反而見到人地抽中左獎既喜悅更大

之後子軒表現黑帶唔知幾斷既踢板
一野斷成兩半 同樣附近有好多相機同攝錄機在工作進行中...
跟著大夥兒相討去邊度玩好 又話唱K 又話睇戲
最後都係去左BunBun度打牌
其實大家都唔知算唔算玩得盡興
不過就有D似上次打邊爐咁一堆人玩
頂癮既SiuSiu依然好搞野 搞到大家笑料百出

之後又落左去買野食 Fan師奶真係掂 廚房煮食以至家頭細務都可以搞得掂
眾人食過公仔麵之後漸覺眼訓 大家都搵D地方休息下
之後七點左右就閃喇 其實幾個鐘發生左好多事
不過 有D野放在心中就得啦
啊爸啊媽今晚上啊嬤家食盆菜
諗著唔駛再食飯既我而家竟然覺得超級肚餓
唉 唔講喇 快快手買D野食下先 ! !

>>December 22, 2003 at 11:00:14 PM GMT+8

2003 年 12 月 22 日 星期一 【炎熱】

第二百三十三篇 - - - 好慚愧

無意中看到一篇日記
看到別人的人生常常都有意義 有喜樂
反而是自己 每天都過著看似非常愉快的日子
卻從來沒有真真正正打從心中感受到快樂
到頭來 心裏還是滿覺得空虛
這位人兄的日記 每個字都帶著信主的決心
是神要顯神力讓我看?是要帶我離開這個充滿罪惡的身體嗎?
不知道 可是淚水卻有點多 多得把眼睛都濕潤了
不知道結果 不知道去向 縱使已經是在兩個月前的最後一篇日記
可是仍可見每天有很多很多不同的朋友留下msg
縱使不知道他會否回覆 卻真的想打從心底去給一些鼓勵
我也不例外...

>>December 22, 2003 at 9:35:20 PM GMT+8