2003 年 8 月 15 日 星期五 【晴】

看到真的有人回是十分高興的啊 希望大家多D上黎留言喇
對我每篇都俾感想就更加無任歡迎啦
hahaha

今朝都幾早起左身 跟著就o係張床度同啊媽講byebye(佢番大陸~~)
之後再訓一陣 成十一點幾起身 開大個喇叭沖涼<<<㊣
跟著見無聊咪搵左D未睇既DVD黎睇囉
搵到幾套想睇既 最後揀左套"一家之鼠"黎睇
搞笑又唔算特別搞笑 應該感動既部份又唔係真係咁感動
不過會心微笑既位都幾多 仲有有D位其實可以怕得放膽D
不過可能係要顧及埋小朋友啦
anyway都抵睇既

睇緊既其間meimei打黎問我去唔去毒蛙度做功課
之後就約左兩點半o係樓下等
剛剛好睇完套戲動身剛剛好

之後上到去就真係做功課
大概做左兩個幾鐘既phy...
之後meimei冇咩心機做走左用毒蛙部腦
我都開始鑽研數學本暑期作業
見到都想嘔 結果拎左毒蛙本野抄左幾版
搞到差唔多六點幾就走lu

之後同佢去左太安樓買煎釀三寶
D豆腐好好食啊~~~
之後佢就去左佢家姐度
我就番歸睇電視勒

番到去都食左D野
有尋晚既送啦 potato chips la chocolate la...
不過個肚仲係好空虛
算吧

律政新人王大結局 基本上係冇哂D緊張野 最緊張既上一集都出哂
大團圓結局得咁離譜都係第一次見架咋
殺左人都唔駛坐監 你都算得喇...
D劇集又越黎越短 其他既就話拖得耐就悶姐
但係我覺得呢套仲有得做落去既...

好 陣間睇埋怪獸公司先~~~

p.s 1: 多謝哂喎A.Ho 咁你都記得寫多D日記喇 仲有多D黎留言
p.s 2:新仔 我仲以為你消失左tim 多謝你留左咁大段野喎 你近來咁happy 都好應該send相俾我啦 仲有腳繩係唔同手繩 起碼我隻腳係穿唔過條繩先啦 所以應該係有扣同埋冇尾既 幫我搞掂佢啦 thz~~

>>August 16, 2003 at 12:05:30 AM GMT+8

2003 年 8 月 13 日 星期三 【晴】

本身諗著呢度只係寫下D無謂野 講下感受咁
點知另一邊Xanga o個邊好似俾人入侵 我諗呢幾日都會用呢度去寫番D正常野架喇
如果呢個日記仲有人睇既話 希望可以留個言 俾我知道呢度仲有人黎就已經好感動架喇
無謂野寫完 入正題喇

宗 ‧ 教‧ 大 ‧ 不 ‧ 同
朝早十一點幾就俾人催我起身出去同老豆啊媽食早餐
跟著佢地出左去M記啦
咁我換衫戴隱形眼鏡o個D之後先出
出到去先知去錯左M記...之後又要行番番轉頭去另一間麥記
都幾mun架
就o係我行緊既時候 突然有個鬼佬向我招手say hi
唔知點解我又白白痴痴咁同人hi喎(中招勒 ! ! )
之後就俾人截停左 佢地一行兩個人 操呢個幾流利既廣東話
兩個都係鬼佬 我初頭都唔知佢地係咩人 因為主要係講下D無聊野
睇佢地掛心口個name card話咩後期教會之類 咁o個時我仲未諗到佢地係咩教派
以為又有咩新異端出左黎 咁我都同佢地講左話我有番宣道會既教會
直到之後我先估到佢地係摩門教 而佢地亦從來冇講過呢三個字
雖然如此 不過我都同佢地講左好耐野 尤其是我呢D想見下世面既人
佢地講既野好似好有道理 話咩雖然有好多個教派 但係上天堂既都只係一個
雖然我知佢地想講咩 不過又真係令我諗到一樣野 就係自己信既宗教從來都唔知係真係假
我唔係質疑D乜 係想話其實咁多個教派 個個都話自己arm 個個都話自己係唯一 但係係真既真 真係假 冇人知架喎 不過我亦都覺得 其實心入面係有神既話 好多野都唔重要
當然我暫時都未俾佢扯到我過去 而佢地都知唔會令到我信
佢地仲想話想約時間見哂我成家人 咁我當然唔會咁易俾人上我屋企架啦
是但話咩唔得閒 乜都好就推左 最後為求快速了結
親自問佢拎單張入最後一個step 不過傾下傾下都搞左5~10分鐘 頂~

去到M記叫左個big mac餐轉菠蘿特飲 呢排幾鐘意飯飲呢個菠蘿特飲 haha
之後送左啊爸去車站就番歸勒

下朝諗著出去補習既時候出左去先記得冇帶銀包 咁諗著番屋企拎啦
點知連鎖匙都冇帶 哼 真xx 好彩有帶電話 即刻叫o係附近既啊媽番黎
不過去到都遲左D 坐低冇耐就聽到ET打黎約我地鐵站等...
跟著成堂補習都冇咩心機聽 仲好想訓 之後佢又講得慢
我又趕時間 咁我唯有早走 呢幾堂既補習都係咁 唉
不過去會人前仲要去時間廊搞番D無謂野
結果坐坐下車都係俾meimei催
咁我又唔係控制架地鐵 我都冇計架
唔理 之後去左ET屋企 咁我就例牌講D好好好客氣既野啦
咁其實我地既目的都係想染髮姐
初頭諗著o係人地個廁所搞姐
點知佢啊媽又好熱誠咁要我地o係個廳度搞
之後我地都變左一陣面 不過又冇點拒絕人既
之後染啦 不過我唔知點解染得唔係好均勻 好失敗啊我
原本諗著染好D後面 點知則邊始終都係一截截色 頂

另外想提下屋入面有個五歲半既男仔 佢都好得意架
淨係著底褲 就咁坐o係個廳度睇電視
其實一路都冇咩交流
但係o係meimei洗頭o個時 咁我無聊八卦就搵個細路仔傾下偈囉<<<佢o個時一個人食緊飯 不過佢食既飯仲多過我...應該係掛 有問題架 睇落去就知>>>
咁我問下問下先知(其實係ET某程度上引導個細路答) 原來佢唔係ET既細路 係ET老豆公司同事個仔 唔知話如果帶個仔番屋企既話 佢老婆就會飛個仔落街之後自殺咁話 之後就live in ET's home 先勒 不過其實我覺得ET家人對個細路仔唔算幾好 ET媽要個細路仔食都幾大碗飯 對個咁細既小朋友黎講我覺得都幾慘 聽講仲日日食到嘔(都要食哂) 咁就證明好有問題啦 另外ET都好多時會引導個細路仔 例如狂問佢Yes No question 講真個咁細既細路仔邊識諗咁多野 分對錯都唔識架啦 講真我都唔知算唔算係蝦佢 相反我就好錫D咁得意既小朋友喇 所以我走o個時佢同我講 "哥哥 拜拜 " 啊 勁鐘意佢 不過我覺得件事應該仲會有下文 呢D野我都唔清楚 喇

夜晚狂煲電視...kekeke 完

p.s 今日見到A.Ho個日記 八卦咁睇左一陣 竟然有自己個名出現過 有DD開心
本身想留個言俾佢 但係搵唔到有qb 所以都係算數

咁既然呢度有得留言 希望大家會留番個言啦>>>>>>>>>

>>August 14, 2003 at 1:11:32 AM GMT+8

2003 年 8 月 12 日 星期二 【晴】

估唔到一跳就黎到十二號 本身上次仲講緊camp既野 不過都係算把啦
呢度亦再唔會用黎記事 主要都係會講下自己近來心情上既變化
其實一路都想更清楚自己 不過有時連自己都唔明白自己
不過講真我近來既情緒都唔係好好
好多時人地只係好意 不過自己竟然好可惡咁反駁人
我都知好令人反感 但係其實連我自己都唔知點解要咁做
好似o係個腦度下意思就係要用呢種態度去對佢 唉 點解呢?
定性?! 自己好明顯就未啦 起碼我仲係好叛逆 連自己都睇到
想試新野 想比人好 乜都做得唔好 又心散 真係...

最近發覺功課多到唔知點算 反而更想放棄 唉
不過又放唔哂 我決定一定要今晚就做到好多好多 雖然明知個結果可能都唔會做到好多
但係我堅決可以盡力去做 人地話其實盡力做就好足夠
但係其實有真正決心既話 並唔且要盡力去做
仲要比有盡力更強既決心 恆心
我而家就仲未做到 但係總有一日我會成功 ! ! !

>>August 12, 2003 at 9:53:57 PM GMT+8

2003 年 8 月 1 日 星期五 【晴】

之後就到寫1號既日記
無錯 就係我第一日入camp勒
基本上我係自己去既 不過唔知點解上到車就見到嘉豪,細同ming...之後就同行
亦都唔知點解又會見到同學崔,yan同kenson 之後就走左去同佢地傾偈到落車為止
到左有兩個我唔知道既人 一個係啊hay,一個係kiki既fd,叫做啊正<<<估唔到o係camp度同我玩到最癲既人就係佢 不過此乃後話
之後去既原路都係無無聊聊咁過 而團花kiki則成為此行既唯一一個女性(不過其後有兩個女性加入 同樣都係後話)
去camp site 當然就係例牌要聽下D負責人係咁e講下D地方o係邊 幾點食飯,無燈,廁所o係邊咁 之後就分房 亦即係分你訓覺既房 但係連我自己都估唔到 我一日都未訓過自己間房....而我間房到最後竟然係接近空房...都係後話

因為時間關係 呢一日會分開兩次寫 待續

>>August 4, 2003 at 5:52:45 PM GMT+8

2003 年 7 月 31 日 星期四 【晴】

四號寫番三十一號既日記 感覺比寫番前一日既日記更奇怪
不過都冇所謂啦 只要有人睇既話

三十一日:去camp既前一日 番左一日學 悶左一個朝早 不過講到最好玩 都係終於可以去游水
去到係見到一片人海 唔到你唔驚 結果join左meimei,frog之後 就o係大池度游左一陣 之後就開始join埋cc,metal,choi一齋玩D低B野 例如meimei o係度練片石轉身 ,cc,偉玩踩板(則係一個o係水底做板,另一個踩o係上面...),之後又成班玩水底講野...總之係好好玩...wahahaha

作為去camp前既活動我覺得非常之正~完

>>August 4, 2003 at 5:35:27 PM GMT+8

2003 年 7 月 29 日 星期二 【晴】

唉 好耐冇用呢個網喇 而家已經差唔多轉哂做Xanga既天下
不過仍然會間唔鐘黎呢度畫兩筆囉(只要我仲未俾人刪除呢個acc)
唉 呢個暑假好似仲係好廢
黎緊個camp都唔覺得有咩特別

在意既人唔在意我
唔在意既人更加唔會在意我
擔心加煩
達成本週啊摺之樣

不過 發覺自己 其實都仲係一樣姐

好耐冇游水喇 我 要 游 啊~~~~~~~

>>July 29, 2003 at 4:59:31 PM GMT+8

2003 年 7 月 17 日 星期四 【晴】

何謂開心?
心內沒有空虛?有很多朋友?有一位知己?有一個戀人?

尋日 同啊崔啊偉仲有方大叔去左游水 好搞野啊 我帶去o個副鏡差唔多借哂俾大叔用 自己未用過 不過下次都係叫佢方大面好D haha
不過大叔就慘喇 我地游夜水 大叔live in 東涌 游完著番套校套 食野 搞到九點幾 之後由柴灣坐地鐵番東涌...真係我番到屋企沖完涼佢都未番到...

今日
估唔到真係咁Q tried一番到學校 發仔黎上數學堂 我本身同meimei坐o係最前對正先生位 之後啊mei去左同啊雞坐 淨番我一個 咁我咪唔鬼理發仔 自己做暑期作業 點知做做下係眼訓到扒左o係本暑期作業度訓 一路訓到佢落堂叫起立 全世界講緊88 o個時 我無端端彈起身(最搞野係無人叫我起身喎...雖然成班得廿幾人番姐...)之後見到佢啤左我一眼 不過我企左起身講左半句88之後就扒番o係張desk度繼續訓 訓左成個小息 到中文啊sir黎左一陣 教緊書o個時先醒醒地 所以上得最精神係之後既econ堂 因為之前走左堂 所以miss左唔少野 呢堂都算有俾心機去溫既.

跟著之後我又再走堂 諗著同meimei啊雞啊樂走 唔鬼上英文啦 點知個校工竟然唔俾我地走...最搞野既係成個校門仲堆左7,8個F.6 又係想走 我地想行後梯個門 點知今日又鎖鬼左 之後超級搞笑 啊雞,meimei見到個校公剛剛行開(行緊開)咁佢地即刻急急腳走去門口 仲叫埋我同啊樂 不過唔知點解 個校工突然間擰轉頭 佢地即刻好似定左形咁 好似玩紅綠燈咁 唔駛講 又衰左啦 ! 之後佢地又躲左o係D墊後面 隔離就係另一個緊急出口 但係因為我同啊樂都未過去 咁佢地又唔想出去喎 哈 最後佢地都出左去 不過俾校工發現 開大門出去捉佢兩個入番黎 勁搞野 .結果我地同D F.6 o係度玩啤牌:鋤Dee,蓋棉被(唔識打)同七級珠...就咁本身係上緊英文堂既時間就俾我地o係canteen度過左 不過其間班主任有經過過 不過見唔見到我地就真係唔知喇..................

之後去左毒蛙度坐一陣 之後我就番左屋企同Kenson,ar崔打波 不過我今次真係好差 唔知點解 覺得自己好廢 但係有一段時間我好serious又突然準左 唔知咩事....

陣間應該會俾番對roller俾啊朗 N年冇見佢喇~~~~

>>July 17, 2003 at 7:39:30 PM GMT+8

2003 年 7 月 14 日 星期一 【晴】

重遇呢個畫面 重新登入 重寫日記
七月十四日
很難受 拿到一張不錯的成績表回家 匆匆吃過午餐 睡了一場不太舒服的覺
夢中自己很詫異別人有些很好的成績 自己好像給比下去
夢 害我連電話聲也聽不到...

上網 與人談了一會 突然發覺沒有了以往的感覺
一切都好像很淡薄 從前的自己 對所做的事情很有信心 對別人的想法也會清楚的領會
但是現在不知是為何 整個人都是倒下了 能夠扶起我的 不是什麼 只是一份溫暖 一份關心和自己的一份信念 我說過 自己不知何解要做人 做人怎麼好像很空虛 自己怎麼一定要找事情幹 讓自己忘記那份空虛 其實 仍然只有你才能填補它吧.

如果只是覺得 或許我仍然能夠去改變
若果別人親口跟你這樣說 你或許真的會站不下去
就是受過這種苦 故才恭恭敬敬 盡可能讓自己不要得罪別人吧
能夠脫下這種苦嗎 我怕 呢世都做唔到

>>July 14, 2003 at 3:27:50 PM GMT+8

2003 年 7 月 4 日 星期五 【晴】

而家超憎呢個朝2晚7先其間先可以寫日記既政策 所以呢個日記既使用量會進一步減少 掛
所以大家多D去我個新日記度啦
呢排我其實係好好想去打波架...無奈吾之技術超不行......實在是不能見人 但係總有一日我會練好既 總有一日.,..........
朝早冇咩想講出諗 收筆

>>July 4, 2003 at 12:36:40 PM GMT+8

2003 年 7 月 1 日 星期二 【晴】

6月30日
其實應該寫番6月30號既野 不過我都唔想用時間黎分兩篇野寫
呢度順便寫番啦
其實三十號主要就係番學校拎卷 之後就到下個禮拜先至番學架喇
都係講番D卷先啦 其實所有卷都算係不過不失
一方面做卷之前已經有唔少既Tips
而且份卷都出得比之前淺 所以其實係可以做得更好既
不過無奈時間真係非常之緊逼...
較唔滿意就當然係中文啦...有咁多Tips...但係都係得四字頭...實在係有點兒感傷
o係學校有睇過下份卷 見到最尾用5分鐘黎做既o個條Long Question都係得四份一既分數左右 講真我自己都已經係無話可說 一方面唔知考官既marking 一方面唔知要答咩 所以乜都答乜都作 一方面又面對著時間既不足...........唉

之後番左屋企再出去啊健的家玩 做左好多低B野 詳情睇另一個日記

7月1日

今日唔知搞乜 點半先起身
起身之時啊媽已經食左飯 要我自己搞掂
未食飯之時 文西打電話俾我 問我出唔出黎打機
傾左陣就相約o係地鐵站見面
一去到見佢塊面好似開完片咁傷痕纍纍 問落先知佢尋日去左3H既班聚 玩低B野搞成咁
之後因為話遊行人士太多 天后同銅鑼灣站都塞爆人 咁我地就o係灣仔度落車
邊遊玩邊去番銅鑼灣o個邊 正當我地想進入某機舖條街時
已見人堆多到爆 路又封埋
既然如此 啊摺把心一橫 決定參加遊行
自此啊摺便與文西二人困在銅鑼灣兩三小時才能進入維園且開始行
之後的事情有點兒那個 省略不提
但是有樣東西要提的便是香港人是真的好團結 因為我地塞左o係馬路前面過唔到去維園 結果大夥兒一面叫"向前~向前" "過馬路~過馬路"一面走了過去...㊣

之後我地去左食M...叫左個加大餐再加麥樂雞
我實在係太肚餓喇 午餐加晚餐黎架......
之後就去左打機 玩左好多野
明顯文西玩鎗機既技術比我好N倍.......睇黎係訓練有數
另外頭文機玩既人數少左好多 空機有成半
可能因為我地去得遲既原故都唔定

超tried 收筆

>>July 2, 2003 at 1:43:14 AM GMT+8