2003 年 9 月 8 日 星期一 【颳風】

不知為何 我既身子現在經常都忽冷忽熱
最近呢兩日都再次進入感冒既高峰期
坐o係我隔離既簫簫都話我個鼻好紅(因為我既鼻鼻當時剛"申"完鼻涕)
佢仲好搞野俾左張面油紙我叫我搽下個鼻
話上面D白色粉會令我個鼻冇咁紅喎...haha

慘烈既感冒已經令抵抗力漸弱 但係我一向都唔鐘意食藥
亦好認同要鍛鍊下自己既抵抗力 唔應該靠哂藥
不過如果真係嚴重得好緊要我都會食D既

放學本身想約Carman去溫書做功課 不過因為時間唔係好arm 所以都係冇去
最驚嚇就係佢無端端唔見左張八達通 不過佢都好似有D懶懶閒咁
可能係唔見野唔見到冇哂感覺...不過我番到屋企見到佢send左個msg話虛驚一場 原來o係書包...

數學堂自己調位坐左去最尾...點知拎錯左本Chem...仲要俾發仔發現左 但係我又冇理由咁白痴番位拎書格...點都好o係後面玩得好緊要 不過Kin寸我地班個施長衛 做穿腸胃 真係好搞笑啊下...結果我就笑左5分鐘 仲要上緊堂 大笑 結果其實我見到周圍D人都驚鬼左我...算 跟著仲狂同自己網絡既人send msg...上年都冇玩 不過而家覺得好搞野 好曳啊我

好開心咁放左學 但係又去左灣仔 又去左西灣河 跟著仲要由西灣河行番屋企 簡直係報應 又要著冷衫 又要拎一大袋書 又要好熱 結果係行到死咁濟 番到屋企成件衫係濕到透 透過玻璃 我都好驚

呢排都有練下個踩bass 要努力落去啊 鼓真係唔易 好似要將手手腳腳切出黎咁 每個部份都唔一樣 全部都好似要單獨咁 唔可以俾其他既肢體影響度 所以個腦個心要好清楚做乜

ok finish here,want to c other things about today,go to my another diary la

>>September 8, 2003 at 8:57:53 PM GMT+8

2003 年 9 月 7 日 星期日 【乍寒還暖】

唉 唔好意思喇 將呢個版打左落冷宮...
為左補償...我決定...空著先

講下姐,咁我講下自己既近況啦
因為學校而家要狂補課 所以都要搞到好夜先會番屋企架喇
希望遲D唔駛補埋禮拜六啦
之不過到而家我都仲係過緊D少許廢既生活
黎緊個禮拜中秋
家中已經冇咩氣氛 仲有我好似今個禮拜尾已經full booking
由朝到晚都會好唔得閒~~

身體已被纏身既感冒斷斷續續搞左成個月
都唔算甩左佢 希望仲頂得著一排...

帶好多野番學校玩 相信同上年一樣仍然成為老師心目中既壞學生
講起壞學生 我都算班中既表表者喇 坐第一個位 對正啊sir miss
公然堂堂扒o係度訓覺 結果終於被伍sir用個咪扑我個頭(熟睡中...)
睇黎要快D做番好學生喇~~~
早D訓都係件好事黎既

>>September 7, 2003 at 11:26:38 PM GMT+8

2003 年 9 月 4 日 星期四 【乍寒還暖】

唉 一諗起自己已經係F.5既學生 一番到學校都會感到憂慮
以自己既程度 究竟可以去到邊...升F.6 對band one學校既學生易如反掌
但對讀中文中學既我地連英文都難以合格 今年既合格律創開校以來新低
情況非常令人擔憂
經歷無數次白老鼠既我地再次派上場 校長們為左令我地既英文成績狂升
已經下令其中一個Day要留低做pass paper 希望可以幫到我地
呢個方法雖然只作試驗 但係卻要知道成效如何 所以不拿我們去做 還拿誰做
其他的學校 多少也有新的規則等 中文學校希望能藉著最後一個機會努力上位
可憐既學生統統給拿去陪葬
現在每天都只睡四五小時 無疑令課習難以集中 很累
所以每天都要睡午覺...現在也要
每天不睡三四小時難以補充精神
恕我不能常常online了

>>September 4, 2003 at 4:40:41 PM GMT+8

2003 年 9 月 3 日 星期三 【驟雨】

清晨...唉 好灰啊
個風真係如我所料 黎得快 走得快
話咁快就走喇...
而最失望既就係完全唔覺得個風有咩咁勁
我feel唔到啊 風又唔係好大 雨又唔係好勁(雖然唔關窗D雨會飛入黎...)
點都好 聽日我諗要番學
而家仲做緊功課 好tried啊 聽日仲要早番 要早起身...
歐陽today俾左張咩補課缺值既紙我地 要冇番既人交番封家長信黎喎
真係麻鬼煩 我記得o個日眼訓得濟冇番一日
而家又要交信...咪又係o個D理由 唔係小兒不適就係家中有事架啦
點都好 等我而家做埋D bio先

>>September 3, 2003 at 1:38:19 AM GMT+8

2003 年 9 月 2 日 星期二 【驟雨】

因為悶得濟 所以再寫多少少
因為聽日打唔成風既話我就要番學
而聽日除左中英數就仲有econ同bio
而呢兩樣功課我都未做過...so bad.,...(而且econ好似仲話要quiz)
點都好啦 我陣間一定要做好呢兩樣功課兼溫好書
未做完冇得睇電視同用電腦
只有定下對自己的嚴緊規則
才能使自己能不懶惰地工作下去

放學既時候o係丁圳部PDA(死有錢仔....)見到段片
段片show既係韓國一段跆拳道既比賽片段
個黑帶超級勁 將king of frighter 入面啊金既絕招show哂出黎
真係好好好勁 等我仲以為只有遊戲先可以做到咁既程度 原來人都得既
真係世上無其不有~~~

個天又暗左 好似冬天咁六點未到已經冇太陽...
風都感受到少少 不過仲未feel到有幾勁
仍然期待中

>>September 2, 2003 at 5:34:53 PM GMT+8

2003 年 9 月 2 日 星期二 【驟雨】

颱風杜鵑襲港 風就打得成 不過係o係D唔適當既時間打
傍晚八點幾將會登陸 早黎早走 我諗聽日都係要番學架喇
聽講個風好鬼勁咁既 有兩個風眼 啊正話要做到兩個風眼需要好多能量
而且佢未登陸過 則係冇energy lost 所以一吹埋黎會有好多能量咁啦下
另外天文台(新聞)話個風好紮實 分分鐘勁過九九年個乜鬼十號風
Anyway其實我到而家都仲未feel到個風how strong 淨係細細雨細細雨咁落
不過仲係好期待佢究竟可以勁到咩程度~

番學...遲左到 某程度上係因為我好人 坐最最遲班車 之後用5分鐘由地鐵站跑番到學校
點知o係學校門口個報紙檔見到大大 咁咪同佢傾 順便幫埋佢打電話俾細雞...哼
點知條友仔已經番左去 所以當我地跑入學校時已經遲到 人生既污點都莫過於一開學遲到
而且今年既品行好重要 所以以後要再早D出門口 ...

坐正先生前面 除左無奈 都仲係無奈 不過今日同隔離 仲有後面既人都傾得幾開心 相信日後會相處得幾好既 不過坐到最前 可以玩到D咩ai...聽日要買D potato chips番去吃先~~

好眼訓 買野番屋企吃 吃完就覺得好眼訓 一訓就訓到四點 如果聽日都係咁就pk喇...

唔識死同反叛既態度要改 發脾氣要刻制 作野要三思而行 唔可以懶 要勤力 狂做pass paper 話左做就十全十美咁做 要寬恕別人 要同人地搞好關係 唔好AJ..........
↑呢 D 都 係 今 年 既 目 標

>>September 2, 2003 at 5:01:47 PM GMT+8

2003 年 8 月 31 日 星期日 【晴】

唉 能夠o係番學前既最後一晚(朝) 寫日記 都算係做一個紀念啦
好不容易先做完哂所有要做既功課
將自己個死人頭又剪短又染番黑...
真係好想即刻訓覺....
點都好 舊既一年已經過去
新既一年 大家都要加把勁
都係一個目標
先到中六 或者出去讀

Come On Baby Cheer Up
jz support and pls non stop


>>September 1, 2003 at 3:51:51 AM GMT+8

2003 年 8 月 30 日 星期六 【晴】

番學前既最後兩日 仲係好多功課未做...不過都係算啦
約左紫薇 不過因為要拎錢 所以遲左好多
跟著就去左尖咀搵o個間傳說中既補習社
不過我地搵左好耐 行左好多條街都見唔到
最後問人之後先搵到 不過只係睇下D章程
講真我都唔知補唔補o個度好...唉
行到好Q "支力" 結果兩條友去左許留山食野
不過我個人覺得都係鐘意食明記D甜品 keke
之後無聊咁行左陣就走左去買書

買書之前我都已經知去燒野食o個班搞到一團糟架喇
一路行去買書一路同細雞傾電話
又話要買呢樣又話要買o個樣 真係煩到爆炸
講真由o個陣時我都興興地
所以o係買書前既地方有幾個人問我係咪買書
咁我一時間諗唔起唔應該係o個間書店既手法 隨手俾左張書單佢
跟著一諗起就問佢係邊間既 咁佢話 前面一D o個間姐
一聽到即刻搶番張書單兼講左個X就走左入書店...

跟著入去石澳之前再打俾佢地買乜
跟著o係度同我講話買彩色棉花糖要椰絲
跟著原來個個都已經燒緊 仲要食完咁濟
咁我真係都幾火 所以雖然細雞拎左個電話講 不過我都係都狂講粗口
好少可會咁火 呢樣野自己要學下節制...
入到去都九點 咁基本上個個都係趙完鬆 全部出哂去玩
得番我地幾個同文西燒
不過都好 見到火星 好得意啊 一粒橙色既野

再之後我地玩數字球 話輸左要去問個唔識既人拎電話
haha 細雞第一圈輸左 真係走左去問人拎電話 呢D先叫玩得起ai ma
算啦 我係咁奸架喇...不過我唔係最奸啦 >.<
個個第二round想屈屎爺 不過點知俾人屈番轉頭...haha
點都好 叫做玩得幾開心啦
之後出到黎都十二點半
柴灣o個堆佢地坐的番去
我同細雞啊C就坐尾二班地鐵...

番到去沖左涼就訓 個人一"支力"就好易訓得著架喇
好似呢晚咁一訓就著 冇好似前幾晚咁失失地眠

p.s 自己呢排都唔係幾好脾氣 冇左呢個啊摺既性格tim...要慢慢培養番出黎喇
不過都係做功課吧~~~

>>August 31, 2003 at 5:34:54 PM GMT+8

2003 年 8 月 28 日 星期四 【晴】

Yo yo yo ~ ~ ~
好開心啊今日 haha
去左睇尋日影既相 超搞野
今日post左D 聽日繼續
YEAH ! ! !
GO GO GO < COME ON BABY CHEER UP
http://www.xanga.com/home.aspx?user=Dannyjip

>>August 29, 2003 at 1:13:28 AM GMT+8

2003 年 8 月 27 日 星期三 【晴】

而家都兩點幾 本身唔諗著寫日記 不過今日又過得幾得意 值得寫既

其實尋晚都算幾好 兩點幾就訓得著 可能真係tried...啦
所以今朝起身都點幾 跟著面都未駛就開著部電腦(其實係啊媽用緊...)
之後啊媽話兩點同大伯去飲茶 咁我本身話要補習既
但係諗到其實都係補三點半左右姐 都ok ga...
anyway 我沖完涼其實都已經兩點 跟著啊媽就催我出去
行之前 有個auntie就搵我啊媽問補習D野
點知講講下又話要我講 結果我就同個auntie講左一陣
啊媽就去搵位先囉...其實我覺得o個度補maths一般架咋...不過當時啊媽o係度就唔講啦 廢事到時又追問我點唔好 又要轉補習社
之後我去既時候到成兩點半 出到去先知大伯塞緊車
咁我咪叫著野食先囉
點知食食下佢地就到勒 跟著就真係o係度狂講我啊爸啊爺D野 都幾得意既
大伯仲叫左好多點心tim 可惜我都要走...

去到補習稍遲左D 不過今堂係冇講過maths既野
又唔可咁講 應該話係教我地點樣對付會考既MC 尤其是當我地唔識做
可以點推個答案...可以話係用D旁門左道既方法 不過都總算係獲益良多
不過黎緊個禮拜5要補課 不過成堂其實都幾眼訓 成個人係o牛o牛地...

之後去左TCME家 好順利迅速咁去到 跟著見到佢間房已經裝修好
真係好正啊~~~個書櫃好靚 我都好想要個咁既書櫃 不過我間房都係搞好冇耐
可惜得特式 但係一D都唔實用 呢樣野都係算啦
跟著叫佢俾左支mic我同借部數碼相機俾我影相
跟著就o係度狂影相 好好玩
跟著仲搵到佢件好搞野既背心 係掘地工人o個D瑩光衫黎
總之玩下玩下就搞到六點九先番屋企
走o個時因為要追丁丁搞到差D俾車撞死(因為到丁丁站前有條幾長既馬路 而o個時又由紅燈轉綠燈喎((俾車睇o個盞)) 好彩個司機剎車同有神既保祐...如果唔係我就一命XX了 不過架丁丁好Q衰 個司機將架野停到最前 搞到我跑左好耐 仲要我未上完架丁丁就關門 上慢D都夾死...)

番到去見到大伯同大伯娘都未走 仲用緊我部腦.....跟著大伯就開始曬自己對上網有幾熟 對D program有幾熟 佢當我啊媽唔熟就算啦 有咩理由連我都當係stupid架 要講上網我sale俾佢仲多啦 跟著又搞呢樣搞o個樣...仲差D搞跨 呢部電腦有邊個熟得過我同啊爸架 好彩最後憑著我對眼 好辛苦咁將佢搞番...

之後我就去訂pazza食 都唔錯 幾正 不過係食唔哂囉...真係我都冇計
不過佢地一路都o係度傾偈...咁我都冇咩點講野
聽既仲多啦
之後約左文西九點半出黎睇戲 我睇錶o個時都踏七勒...即刻拿拿林出門口啦
見到文西都等左好似好耐咁
點都好 我地上戲院買飛既時候我先記得冇帶部相機出黎
不過我地睇既係十點一既戲 仲有成三個字先開始入場
咁我就同文西響一邊o係度傾 傾左好多搞笑野

總括黎講套野(魔盜王)都真係幾好睇既 故事就係講述女主角細個o個時o係一次行船中救左男主角(個女仔既爸爸大概係唔知咩高級人士 好多兵((海軍))咁啦) 但係佢發覺個男主角身上面有個海盜金幣 佢驚個男主角有事所以私下收埋左佢(當時個男主多剛被救起 暈左)
十年左右之後 大家都變左大人 女主角依然要做大方得體既海軍上尉個女 而男主角就跟鐵匠做學徙做劍 而且練得一身好劍法 但係個鎮好快就俾傳說中既黑珍珠海盜搶域略 因為個金幣...
總之套野就真係唔錯 不過一睇就兩個幾鐘 睇完出黎都已經十二點幾 咁我同啊西就此再會勒

番到黎見到大伯同大伯娘仲未走...睇黎佢地傾得幾開心 跟著搞到成點佢地先走去打的番屋企
而我就繼續玩自拍 應該聽日有得睇D相架喇
TCME仲話要幫我出寫真...真係想XXXX 點都好 而家都已經三點 我都係時候訓覺 聽朝仲要做功課 練鼓等..............

請 積 極 留 言 ~

>>August 28, 2003 at 2:57:19 AM GMT+8