2003 年 12 月 2 日 星期二 【寒冷】

第二百一十二篇 - - - Sport Day

原本昨天給寫了一篇很長的文章
但是在按了寫完的鍵後竟然到了無法顯示網頁的畫面
之後文章就沒有了 心機沒有了 沒有心情重新再打過
就讓這些事情的回憶藏在心裏吧

今天 是一年一度的陸運會
但是比平常還要早起床 真是有點不是味道
約了文熙在他樓下等 可是因為要坐巴士的問題
吾也實在無可奈可 比約定的時間晚了好多
之後加上蔡蔡一起到那間在運動場旁的餐廳吃早餐
吃到其他同學打電話來催促我們運動場的門已打開才趕緊離開餐廳
幸好趕上了大隊沒有遲到 聽說當日遲到的人數超過四十人 害得學生長們記名記得手也酸了

每次的陸運會總會感到相當無聊 幸而今次我從頭到尾都在四處跑跑跳跳
幾乎連位子也沒有回過...
謝謝Popo借我相機去拍照...(因為我把相機都給留在學校)
還給我玩到沒電了....

午餐 一眾人走到藍灣某餐廳吃午餐 起初我們要等位
但是害怕沒有位子的大家決定到店子外的露天位子吃
但是 他媽的大風 實在太過份了...吹得手也動不了
東西不太好吃 位子不太好坐 服務時間太慢 被忽視
之後大家走到海邊做一些無聊的動作 流汗停不了

下午有我的比賽 對 就是跳高了
這是我打從進了中學後第一次參加陸運會的跳高比賽
當然 要贏對我而言是沒可能的
抱著志在參與的心情去完成 雖然結果並不理想
但是由他吧...
最有趣的是啊恩不斷把我的名字說錯 當然是故意的
連負責項目的小林也笑了...真是
在我被否出局後就和啊恩一起做工作人員
事實上我只是做些無聊的事情
但是過程卻可以很有趣
最賤是中二的那堆人 只有三個人參加賽事
所以每人最少都可以有一個牌...
真是無聊加無爭勝心...

跑步的各同學也很有趣
話說Fanny和Emma都負責跑步的工作
要看著同學有沒有違規問題
有好一段長時間我都待在終點處和她們一起談談
看著那些參賽者常常在跑的時候都跑在其他線
而其他參賽者也跟著跑錯了線 ...實在蠻有趣的
不過最頂癮都同學都莫過於SiuSiu
她的頭髮依然常常俾人搞
她仍然常常被Emma和星河捉弄(雖然我也有份)
她拿著第七的牌子要給予跑第七的人
但是卻常常沒有足夠的人跑 所以沒有人跑第七
但她還是會在數著第幾第幾...
又或是跟丟了跑第七的同學仔
亂把牌子給那個沒有牌子的同學...
記得她告訴我一件很有趣的事情 就是當她給那個牌子於一個低form的男孩時
男孩很開心地說著"姐姐 我很開心啊 我跑第七"
男孩續說"姐姐 有多少人比賽"
SiuSiu笑著說"有七個人..."
(雙方靜默 冷風吹過...)
SiuSiu暴笑....<<<好殘忍的傢伙 = _ =

陸運會 就是這個樣子的了...

>>December 3, 2003 at 11:26:09 PM GMT+8

2003 年 11 月 30 日 星期日 【颳風】

第二百一十一篇 - - - 享 受 微 風

在不太早的時間起床 經過一輪梳洗後
依了最近的習慣 不gel頭就出街了
出QuarryBay到某間喜歡的店
吃最喜歡吃的白菜"搞"拉麵加個酸"勒"湯做底
寫單的小子年紀和我相若 大概少我一年吧
不過倒是覺得佢幾靚仔是也

食麵既途中睇新聞得知今日又凍左
話禮拜中先會暖番...感覺唔係幾好
之後食完野 心入面有D不安
因為我食親呢間野之後都會唔舒服

最後 出左去銅鑼灣睇風褸
因為尋日同啊C嗲icq o個時有傾過
佢話買左件幾靚既
褸就唔多睇得中 不過就o係馬拉松度睇中左個袋
諗著下個月買 都唔係好貴 兩舊幾
點都好過而家o個個(好厭惡...)

之後又行灣仔 行到好tired...
冇咩特別野想買...
之後發現身體開始出現異樣 即刻番屋企
搭車既時候其實好想有個位坐
個頭已經好痛...
Anyway,我挨到QuarryBay就落左車
唔知點解呢排好鐘意由Quarry Bay行番屋企
本身諗著順路探下我親愛既婆婆 不過真係好唔舒服
番到去就死左o係張床度

之後開電腦用 同ysk一路傾電話 一路icq...
仲同Emma開了個玩笑 不過佢最後都唔知發生咩事...
Need for Speed隻碟有問題 裝唔到
陣間打個電話去complain...

今日學緊點樣去笑...
總好過苦口苦面 惡死能登

>>November 30, 2003 at 8:05:23 PM GMT+8

2003 年 11 月 29 日 星期六 【乍雨乍晴】

第二百一十篇 - - - FILL IN

今日係入冬以黎最凍既一日 天文台話得十五度
hohoho 唔知點解我呢隻冷血怪魔覺得今日仲暖過尋日
可能係同我o個件拍得著羽絨既外套有關 ^ ^""

尋晚兩點幾先去訓 今朝十點幾十一點就起左身
之後同左家姐 啊媽去左麥當當食lunch...
不過唔係食左好多野

之後約左Candy一齊溫數
其實我算係幫佢補 不過我D中四Maths都唔多掂...
大家都可想然之 不過都好 當係溫番上年D野囉~
溫左冇耐 得些少無奈 之後就匆匆忙忙去左尖咀番鼓班

去到都冇遲到 不過就一個人影都冇
其實一向都係咁 咁我自己就練著先啦
點知練左半粒鐘 啊sir同Jason個影都未到
心諗(唔駛好似賓仔咁畫出黎喇):會唔會記錯時間呢
用手機打俾Jason啦 點知:無此用戶...
心慌慌 打俾Tomas 點知連Tomas都話搵佢唔到
之後又諗著打俾Jackie啦 又冇入佢新個number喎
好彩 我醒...估到Drum Map實有佢電話 話哂佢都係o係度教架喎
打俾Jackie 佢話黎緊 都安心D 之後又入番去練鼓
如是者 過左一陣佢就叫我出黎 話四點先上堂
見仲有成半個鐘 坐左o係房外睇o個套"Back to the basic" 好明顯又係講鼓既
上次都睇過架喇 點知今次睇 今次Jackie都有睇 仲一路睇一路講解個人有幾勁
幾勁?真係好勁...Jackie唔知係咪睇到high左 又走入鼓房自己玩
而我就開始見眼訓....

Anyway,Jason最後都冇出現
而Jackie最後都有教我新野 就係Fill In
其實唔係好難 不過初時好難適應
而個beat又要就番我而慢左
咁樣反而我打唔番最初D野
好彩 最後我憑著"唔輸得"同埋"一定要打好"既心理去完成
對自己今日既表現都覺得唔錯咁啦
不過本身諗著唔學架喇 但係每次上完班我都覺得好鐘意打鼓
又好唔捨得...仲有 因為Jason冇黎 結果又係我俾房租
就咁就將唯一既80蚊用哂

仲有 唔知點解我今日既預感好鬼準
準到我都驚 連D應該好唔senseable既野都中
真係...

呢排既日記變左做隔日 其實我都唔想
不過次次我用既時候都係好夜...
如果今晚唔係我家姐唔o係度 我諗我都幾難用得到...
唉 人就係咁架喇...

>>November 29, 2003 at 10:11:53 PM GMT+8

2003 年 11 月 27 日 星期四 【乍雨乍晴】

第二百零九篇 - - - 請 提 起 精 神 來 ！

今日在學校給同學們讚我有進步
因為整天都不怎樣睡覺
感覺上有些諷刺
Anyway,事實上 我今天不怎樣專心的呢

英文堂在狂玩一筆過畫完的圖型
看見Emma怎麼玩都不能順利完成
往往需要我和Ysk的提示
幸好她最後都用了她的"聰明智慧"
去解決難題

Lunch time 因為企圖窺看 Fanny的銀包
Fanny大發脾氣 第一次觸怒新同學呢
我的位子發生山泥傾瀉
加上某同學的扇風點火
害得我有點怕事情會惡化下去
幸而 我的花言巧語之術還倒能用
只是反被要求"打個車輪"便可以了...(倒抽一口氣...)
Phy 班主任所任教的Phy一直是我最喜歡睡覺的課堂
但是今天我既無心上課 亦不太想睡覺
故只好邊聽書 邊聽歌上課 和ysk討論如何調整耳筒的位置才不被發現
不過途中發生了一件十分驚險的事
話說我們的班主任在收回條的時候 叫我遞交
而我當時正聽音樂中 故下意識拿開耳筒 和他交談一番
但是我只是一邊拿著耳筒 一邊說話
在結束雙方的對話時便把耳筒放在耳朵上
According to Ysk和Emma 的覆述 我以上的所有動作均在班主任的視線範圍內
簡單而言 他該看到我聽音樂的一幕...
算了吧 他既冇責罰 忘記則罷

p.s 關於Danny's Xanga內 黑仔們被撩求救之事宜

大概就係起初眾女孩俾班飛仔撩 同行既黑仔同啊崙又剛巧碰到同班的一個同學A
A君同時也與一堆女一起 故當兩批人合併時 變成三個男孩加好多女...
之後A君與飛仔發生口舌之爭 對方欲過來 幸而雙方有一馬路相隔
但黑仔等人已決定 若對方到達附近時便立即登上的士脫離
幸而 對方終沒有過來發生進一步爭執

其實都算小事一樁...但可幸的是她們仍能無恙
好彩

>>November 28, 2003 at 1:10:05 AM GMT+8

2003 年 11 月 26 日 星期三 【晴】

第二百零八篇 - - - 愛 ‧ 恨 怎麼如此難分

昨天才抱怨家姐把電腦給弄壞
在幻想當所有東西都被刪掉
數個月的回憶化為烏有
在想每次當家人從外地回家都會把電腦弄壞
想把所有的責任推予別人
想對她發一個極強的脾氣

今天 卻令我感到她的愛
電腦已整好 還從外地給我買了好吃的朱古力
還有我出生年份月份的外國雜誌
整個事件 是神對我的考驗嗎?
若然是 明顯地 I failed

是神應許了我的祈禱嗎
不知道 卻要感謝祂 因為我相信祂已幫了我很多
不想再對別人猜疑了
也不想抱怨了...

今日...過得充實了一點
若然能夠維持是多好的
沒有蠟頭髮 沒有戴隱形眼鏡
看上去有點potato
回校...趕得連什麼Day也忘記
幸得站在門口當學生長的小旋提一提...

一天雖然過得平凡
但是只要在一些細微的事情上能得到快樂
大概已經無憾了

>>November 26, 2003 at 6:44:45 PM GMT+8

2003 年 11 月 24 日 星期一 【晴】

第二百零七篇 - - - 累 ‧ 鬥 ‧ 累

從來未試過這麼疲累...
早上實在是難以起來 但因為害怕遲到
結果反而比平常更早起
可是還是乘上最後的一班車...
唯一與平常不同的是連儒少也和我一起乘最後一班車
有人陪我跑步 這個運動接近每天都做...
每天的早上都是汗流夾背的...

可是今天真的十分累
除了頭兩課Maths做了一些數外
Phy可謂睡了一大半 而且屬於完全昏迷...
Maths卷和Phy卷的成績 簡直是差得要命
無可否認 今次所出的力實在是太少了
連自己也覺得差得不可以 就真的是不可以了

目標 每天都一定要溫書 溫兩科
溫一科常科 和 看英文書 希望在最短的時間令英文有所進步
確實連留班的勇氣也沒有
我絕不能在這年 敗下來 絕不可以
今年 要有鬥心

日子過得很快 過多幾天便十二月了
剩下的日子極少...但是我相信
只要不放棄 什麼事都能做到的

>>November 24, 2003 at 8:47:01 PM GMT+8

2003 年 11 月 22 日 星期六 【晴】

第二百零六篇 - - - 再 次 墜 入 憂 慮 當 中

不知是否壓力所逼 最近經常墜進會考的恐懼之中
經常都在擔心不夠分升中六
將來...自己會有將來嗎
不知道 越想越擔心 執想越害怕
一些同學大概都有了打算 有了後路
反而是自己 什麼都沒有決定.

難道升中六是我唯一的路 若答案告訴我"是"的話
那麼我確實應該從今天起 便要努力一番
放學後和Emma邊看籃球組練波邊談
佢倒像個姐姐般告訴我應該做什麼
一方面令我更清楚 另一方面又使我更擔心
確實 現在的5T 讀書氣氛確實太差了
無疑自己也沒有什麼心機上課...可惡 ! ! !
難道還玩不夠嗎 ? ?

嘆氣了...真的嘆了一口氣
沒有什麼想 只想沉在歌中...逃避嗎
不知道 也許吧 但是沒有經歷過
又豈能嘗甜與苦 是甜是苦 直到現在自己仍有能力改變時
我相信 我定能走出困局

>>November 24, 2003 at 8:18:19 PM GMT+8

2003 年 11 月 21 日 星期五 【晴】

第二百零五篇 - - - 沉 冤 得 雪 ? !

Shit 一早就俾啊媽叫我起身
不過佢係講"你遲硬到喇" 如是者就醒哂兼即刻變身
事實上我只係比平時遲左兩分鐘起身...
不過即使我幾時起身 都係咁鬼遲出門口 真係好鬼死趕
結果 又送車尾 趕最最最遲既一班車
因為今day要P.E 所以跑步都好麻煩
o係學校門口有林瑞庚同我講加油 但係我都估到我當時個樣都唔方好睇
o係我前面既係一個form one仔同馮宛清 點知李副截哂佢地當遲到
而我就襯佢唔為意o係佢後面走過 避過一劫
入toliet整整件衫個頭 心諗今年陸運會唔報跑步真係唔抵
而家我日日都練習...由地鐵站跑到學校實唔止一百米啦

番到學校既第一堂 中文 訓左...
之後既econ堂醒哂 不過就成日都同後面o個個爹 冇咩理利德晶
之後recess要換衫上PE 點知換落先知原來D衫衫褲褲超唔arm著
著衫就好似短到露臍 褲就窄到死...
呢堂仲要玩划艇機 划五百米...未到三百已經死左
玩完之後D手手腳腳都唔郁得...差D連部機都落唔到
好彩施長借一借力

之後上Maths堂 林廣發仲係咁麻煩 我都唔鬼理佢
獨個兒研究3A個ex.發覺係極無聊 之後醒起要做Maths功課
是但納左本就抄 之後中文堂好少有咁邊發白日夢邊聽書
之後就同Ysk,豪到大家樂吃野 不過間野今日竟然有位喎
真係估都估唔到...之後三條友都食肉"將"意粉
某君又話唔食pig,cow 但係又食肉醬意粉...

食飯之後派Bio卷 講真合格係預期之事 但係對自己既成績好唔滿意
講真唔係自己哂命 但係我覺得如果唔係錯埋D低B無聊野既話
三十幾分我係拎硬 而且成日唔睇題目 所以有成兩分既題目冇做
兩分既圖俾人話條線唔夠似又冇左 MC都有三四條錯得好唔抵
拎哂呢十幾分既話 我已經可以有三十幾四十分啦
真係對自己既成績感到好遺憾

放學調位 Yeah 同Ysk坐 後面係啊的 好似仲有peach
裕同衛就坐一條河既隔離
霜霜同啊恩就坐前面
唔知點解Lok一見完自己坐咩位就喊出黎...
真係好情緒化...不過我都一如以往既數十次調位 坐o係佢既八個方位之一
簡單D黎講又o係佢附近 唔通我係佢既守護星...(又或者係禍星-.-)
Fanny同Carman坐 不過好不幸係坐頭位
不過講到最不幸都算Meimei喇 坐o係最前不在話下
仲要坐李海華隔離 你都幾生收到喇...hahaha

之後落禮堂做PassPaper...但係有隻蝴蝶黎踩場
結果搞左好耐隻野先唔見左
點知條帶一播完 隻野又飛黎飛去
D人又再叫咁 點知 啊崔o係遠處一手捉著佢...
=_+

放學...番屋企睇新買既Cartoon 係WeiB(白色狩獵者)
覺得好好睇 但係就唔似上次睇既同系列咁逐個故事
播左三集都未完 相信全套十三集都應該係呢個故事掛
不過劇情幾緊湊 好緊張Tim

過左一排戲既淡季之後突然上左好多我好想睇既新戲
例如<廿八日後> <奪命集作3> <尋找周杰倫> 仲有幾套愛情片咁
不過要睇哂破"橙"都唔得...

回留言:Ysk,I believe u can pass Maths ge...dont play too more ,sleep mor early la.
新仔,I know wts going on,I reli know wt u feel,ng I dont know wt should I say,maybe thats "退一步海闊天空".Acturally,if me,I must fright with her...>.<

>>November 24, 2003 at 8:17:35 PM GMT+8

2003 年 11 月 18 日 星期二 【微雨】

第二百零四篇 - - - 我忍耐 不代表我專重

早上 晚了出門...急步趕到地鐵站
想不到的是連地鐵也比平常晚到達
當到達柴灣的時候 已經過了踏八時一刻
和幾個同校的同學一起跑步 由地鐵站到學校
平常步行最少五至十分鐘的路程 現在用三 四分鐘跑到
當跑到學校馬路對面的一個巴士站時 看到一輛巴士剛停下
下車的我校學生立即"跳車"加開Turbo 還看見啊的
可惜他未見我已奔走了 我未能順利追上已被紅燈所干擾...
幸而我在車與車之間危險移動 到達校門前聽到鐘聲已響
當進入學校便被老師所截停 因為我未"索"呔 連原本"攝"好的衫也因跑步而走了出來
稍微到廁所執下個頭 濕下隻手 再買了支水便上樓了
入到課室正叔講左句話我遲入課室就講其他野

同場仲見到大雯,啊恩電了髮
不過只見整天大雯都抱怨說髮型師把她的陰都給電了...
啊恩倒是電得不錯 蠻有趣
班上的女孩子都頗喜歡電髮...如Eva,lok...還有大雞

數學堂 集無數負能量於一身的Danny終於都爆發了
事緣Danny今天是有意追上落後的數學進度
所以調到Popo隔離(因為Popo和龍和賓仔在我附近 而且他們的成績都不錯)
可惜同時賓仔歸還昨天借我的鼓棍
如是者Hins和龍又拿去把玩一番 那我當然插兩口咀
點知被林廣發揭發 又話我調位又話我傾偈又話我唔理佢
想罰我企出去咁話 哼 我豈會就此讓步 大家一向河水唔犯井水
你自己獨個兒發up瘋我唔糟著你你就咪搞我啦
又話我唔聽佢講書喎 我都未學到 你估全世界都跟你個進度架
又唔係教得人明喎...經過好多波折之後 我終於都坐番埋位
點知我借左俾Hins同龍既鼓棍又俾個仆街收左喎
花姐淨係同我講左句"你都係訓啦" 咁人家好唔抵喎
佢又拎人家支野去篤呢度篤o個度 整到成支野都係粉喎
正一"百佳咸雞蛋"...落堂仲要唔俾番我喎...diu
不過佢呢堂都好唔妥架喇 狂罰人喎 勁低B 做D野又唔fair 唔想再提呢個人(著)

Lunch time,好眼訓 見到Carman o係個位度咁好訓
結果我都冇食飯 一齊o係個班房度訓
不過訓完都係咁Tired....
之後襯lunch time未完蛇左出去對面買Kinder Bun Fun 樂 同 朱古力夾心餅 正~

第八堂之後個 ICAC 公關黎我地班講talk 不過極度混亂 Anyway,幾開心啦

放學之後去毒蛙家 去之前我 ,細雞同Carman去太安樓買車仔麵 嘩 好正啊~~~~
之後玩到六點就有奪命追魂Call 要閃
最搞笑就莫過於細雞o係毒蛙家訓左好幾個鐘...蛙媽不斷話"佢係得架喇.."

玩飽食醉之後 明天又要努力喇

>>November 18, 2003 at 11:53:05 PM GMT+8

2003 年 11 月 17 日 星期一 【晴】

第二百零三篇 - - - K room filled with CCHK student(s)

測驗日 大家都不甚緊張
但係當我做完Maths卷 發覺開始有野錯既時候
真係有D想死 錯得好唔抵啊 明明識計都...唉 都唔知仲會有幾多野錯
Phy卷,望到份卷 做第一題......唔識做
超大打擊...心入面諗唔好俾佢影響度 做著下條先啦
點知下面既都係唔識做...之後已經係完全唔想做落去
成個死左咁既樣 納下眼見到人地寫得超多野 好鬼死驚
自己就得一兩行...唉 今回都唔知有冇廿分...
Bio,較為安慰 因為大部份都識 不過佢開頭long ques有條畫咩時間唔知咩圖 我乜都唔諗就畫左o係張格仔紙度 點知去到第三條既last part 又要畫圖 仲話要畫落格仔紙度 暗地裏講左聲仆街就擦哂所有野...好彩做得切 仲有D時間剩 大致黎講算滿意咁啦

放左學之後 眾人相討去唱k,而家我先發現原來文理既同學們都係好鐘意唱k ga,無論係皇室堡定銅鑼灣廣場二期o個邊既GREEN BOX 都俾我地文理包哂 個counter既都好奇怪點解呢間學校咁早放(我地11:48 就放學喇) D文理既一批又一批...
直情係見到D同學去完呢間房 轉過頭過對面間房 走黎走去
開頭得我,wai,高高,啊崔同啊平 唱左一陣就到 lok,eva,ling,yan,water五個女仔黎
不過佢地黎到又唱番哂我地之前唱左既歌.........(= =)
不過我都唱左好多"崎喱"野 又唱日文歌 ayumi 又唱英文歌 Westlife 又唱羅文...
Anyway都算幾開心啦 大家都係當做一個釋放姐
不過啊崔成場都唔多拎mic, yan又好似陪坐咁 又係唔用mic...真係
我地唱到四點幾 之後過左楊楊o個邊又唱 因為聽日係啊楊生日 所以大夥兒都celebrated
啊平仲開左支香檳 第一次飲 D味幾似果汁 Wahaha
不過啊傑好似好眼訓咁
是搞野都莫過於啊楊狂鬧個夥記 因為我地幾個係插又去 所以個waiter見到好cheap咁叫我地一係俾錢一係走 所以啊楊同大家就好勞氣咁狂拎支mic話個夥計...又轉大房又投射大銀幕 總之就搞左好多野啦 之後我六點都閃先 番屋企喇

今日好眼訓 不易再講咁多 尋晚又唔夠訓 今日都唔訓我聽日就死架喇
晚安喇

>>November 18, 2003 at 12:08:50 AM GMT+8