2003 年 9 月 27 日 星期六 【晴】

能夠在每天的上學的路途上看見刺眼且溫暖的太陽
不知何解自己很享往這種感覺 暗地裏在感謝神

今日番學同尋日好唔同 一堂都冇訓過 連自己都覺得神奇
頭兩堂Econ 利德晶發老脾話我地唔溫書 結果兩堂都冇教書 要我地自修喎
唉 真係無鬼奈 不過算啦 呢D野我唔想理喇

Chem堂歐陽繼續極速教書 表面上知佢做乜 實際上一知半解
歐陽個人好講效率 要D人日日都溫佢o個科 好似世界上淨係得化學咁
跟著又不忘踩下我地o個班...無言
不過今日做實驗好危險
話說我地要做一個關於"酯"既實驗
但係Carman唔小心整番成個試管架 支前個實驗既"Ｉ"都倒哂出黎
成本書既一大角變左橙橙地色
之後又唔知做乜跌左支試管落個"升"盤度 應聲斷成兩截
當我地做到個實驗既尾聲既時候 叫啊雞熄左D火
點知佢扭錯左 開左隔離個gas 差D D火燒到D gas就死勒
而我都差D倒瀉野 不過好彩冇咩事...

英文堂無無聊聊咁睇埋本江湖血淚史下冊 真係幾好睇
但係由上冊睇到而家 完全唔覺得有任何好笑既地方
我真係好認真咁睇...

最後bio堂 本身諗著同ysk坐 一早已經同ysk講好 連書都俾埋佢keep著
點知某人又唔知醜坐左喎 咁ysk一向都冇所謂咁架啦 咁我都算勒
結果最後坐左TCME後面 啊的同我坐
真係覺得啊的好鬼正 幾好人架 我地用左一堂以上既時間去講下佢會考D野
佢又不厭其煩咁講我聽 好開心

講番某人 本身諗著同自己班D人fd番 點知憎既兩個人既格一D都冇變
我真係覺得好煩啊 尤其是某人 唔知點解最近黐實我 儒少 同 ysk
所謂司馬超之心路人皆知 佢之前俾人胚割到咁 而家就黎黐黎黐去
而我對於ysk同儘少既性格都好熟識 所以我都冇咩好講喇
反正之前D唔俾人知得既野睇黎都會好快俾人爆出黎

其實吾都算係流動組 基本上食飯就一定同ysk同儒少 不過其實同女仔
文hay o個堆都冇咩所謂 其實同蔡蔡,文hay,爸爸,啊朱 都算幾熟(單方面覺得)
至於某人二號其實又唔係好憎 不過係覺得佢超級擦鞋仔同好嘈
有D時候上上下堂o係度擦人鞋 講無聊野 又大大聲...真係幾憎
不過都冇某人一號咁乞人憎

夜晚本身話同啊雞佢地去食野
約左八點半 遲左少少去到 見到啊雞媽同爸 仲有啊雞同傑傑
跟著唔等其他人就入左去個room度成班街坊講番上次攤位D野
跟著o係o個度無聊左一陣 大大 小旋 啊發 bobo 楊楊都黎左
又搞左一輪野咩派下證書啊 影下相 之後我就同啊發暫時離隊一齊去左馬拉松
因為佢聽日有比賽(而家先黎買鞋) 同行既仲有楊楊 好搞野
不斷俾我寸 不過覺得自己有D位都係收歛下好既
啊發搞左好耐都未揀到 之後試鞋又冇咩size...
之後買完就番左去join番佢地 佢地踢緊波
啊發就送楊楊番屋企
而我就約左軒軒...所以又暫時離隊

本身約左佢去明記食糖水
不過最後諗落都係算喇 就咁近近地麥記就算勒
去到我叫左杯Milk shake 軒就要左杯新地
不過個職員好GAY 同個經理兩個人十指緊扣
真係...............
因為當時都成十點幾 所以都冇咩人 咁我就同軒傾左半個鐘偈
講真我同佢都好似冇見好耐lu 不過我今日好罕有咁健談
乜都講一餐...半個小時 講既並唔多 但係就互相明白得多左
番到去 乜人都冇 覺得D氣氛好似有D唔妥 其實之前影相已經覺得好似有D問題
不過算啦 係耍花槍就算啦 真係嘈既話呢段野好快就會玩完架喇
之後去左西灣河太安樓 諗著食雲吞麵
突然有兩個police衝過黎 問係咪我地報警
大家都一頭霧水 但係聽閒好似有人o係附近開片之類啦
之後發覺間雲吞麵收左 去左隔離間粥店
我地八個人 將兩張table合埋坐 點知冇人食野 得啊雞
而個福建老闆就話我地阻著佢做生意
但係其實都冇咩人啦 唉 真係好煩
D態度差得離譜 可怒也

之後食完本身諗著去則公無聊一下 點知bobo又話要返家訓覺
大大又唔可以夜番 結果曲終人散

>>September 27, 2003 at 1:27:36 AM GMT+8

2003 年 9 月 25 日 星期四 【炎熱】

好.......................眼.........................訓.......................
尋晚飲左傳說中既合仔茶
之後聽收音機 再搞下D無謂野 搞到原本十二點幾就訓得著
結果而家成兩點先訓
跟著今朝又六點幾起身沖涼洗頭 之後出門口前啪左粒傷風丸
跟著番學校昏迷...

因為D藥既關係 所以我真係o係頭兩堂既中文堂訓左 訓到好著
冇聽過佢講野咁濟 跟著食完飯第八堂本身好專心上緊數學堂
睇緊杜汶澤既"江湖血淚史 下冊" 點知係眼訓到睇睇下扒左o係張table度昏迷
連落左堂都唔知 仍然昏迷........



>>September 25, 2003 at 11:27:48 PM GMT+8

2003 年 9 月 24 日 星期三 【晴】

常常都想有D鬼仔性格
可以放D 唔駛咁拘緊 生得高大 唔會好似而家咁瘦(雖然好多女仔投以吾羨慕的眼光)
好想過美國啊~~~~~~~~~~~~~~~
放心 我唔會溝鬼妹 即使身材唔錯 不過啊sir話佢地老得快 唔及中國人咁come擺...(<<<呢條死仔都唔知up乜Q...)

講開呢個啊sir...話說吾今日上bio堂既時候唔小心好揚咁拎左部相機出黎影相俾人發現左 跟著個啊sir叫我收埋佢 仲問我乜部相機可以影到D咁近既相咩?!(當時吾正影緊隔離o個個((ysk))隻手 佢插左隻手落個相機套度 好鬼似斷左隻手架 下次post上黎俾大家睇啦

同時今日都有"納"過新同學bun仔本記事簿(則係organiser) 料唔少 不過用得好少 入面仲簿中有簿 幾搞野啊下
講起新同學 轉校生啊霜好唔好彩俾人記左唔少名 例如紮頭既頭飾其實個顏色差好少 但係遇到大鼻Lee仲要咁arm俾佢撞到 真係佢唔好彩 今日o係班房度食野又俾個perfert捕佢 又係唔好彩囉 我唔知其他學校有咩校規 但係我地o個間真係好鬼無理架 所以某程度先會因為咁出我呢D咁既反叛學生

今日有呢個碎朱古力鮮牛奶包 睇到個名好似幾好食咁 睇落又幾靚(圓型架) 所以買左兩個 順便買埋ivy o個份 最近班內興起呢個麵包熱 好多人都買麵包番學校吃(全班人都係無視校規)
不過朝早食麵包真係會好飽架 搞到連lunch都唔想食

講開lunch,今日有少少火 話說今日同李卓豪,儒少同ysk去大家樂食午餐 咁我就坐左o係張table啦 叫佢地幫我買埋 點知個個買完野番黎 之後先你眼望我眼咁話唔記得買喎 不過吾既態度好和善(雖然個心有D火) 不過算啦 又唔係特登 我唔會介意既 (原則上..keke)

愛上聽番千嬅既"數你"同"仲夏夜之夢" 真係好正

>>September 24, 2003 at 10:02:38 PM GMT+8

2003 年 9 月 23 日 星期二 【炎熱】

ngng...好多謝大家有留言既人 縱使有時都不明所以
但係對於大家既好意惡意 吾都十分感動...(假的...)
點都好 努力 ! ! ! 呢個係大前題

今日既感冒發得好好好勁 已經用左幾張紙巾 而鄰座既花姐都好似受到感染...前面既啊樂又係病病地 希望唔好擴散開去啦

今日派番上次既中文小測 比我想像中既兩三分更少 得分半...輕微既心痛之外 竟意外發現花姐得一分 突然又開心番少少 我納度後面既twins都有八九分 跟著個大佬不斷追問我幾多分 咁我咁羞家 廢事哂俾人啦 咪唔講囉 點知佢又扯衫 乜都做齊...有D反感 發左極輕微既脾氣...不過因為極輕微 所以冇人知....等於冇發

番到屋企食大腳八雪條 都幾好食 聽日想食MERSUM(好似類似咁寸) o個隻 好似幾正咁喎
Ivy叫我聽日買包吃 咁我究竟駛唔駛買佢o個份呢...唔知喎 但係一食包 差唔多晏奏都唔多駛食野架喇喎...

有功課 不過唔想做 而且今日心情似好非好 似壞非壞 唔多知乜事

又有相睇喇 記得用呢個網址去啊
http://www.xanga.com/home.aspx?user=Dannyjip

>>September 23, 2003 at 11:28:42 PM GMT+8

2003 年 9 月 22 日 星期一 【暴雨】

放學 收到媽媽寄予自己的郵件
心中確是動了些心 一直以來 自己在家務上的幫忙是0
沒有體諒過別人 什麼都沒有做過 其實私底下卻是有一些擔心
可惜吾是一個大男孩 不是小女孩 吾可不會跟家人談心事
討厭別人樣樣事都說明白 把自己當作小朋友一般
對其他人可以和藹可親 對家人卻板起口面
雖然沒有挑起事端 但卻像房東房客般
有時候心裏暗想 若果在這裏是不開心的話 倒不如分隔開更好
其實吾很羨慕細雞一家 相處好融洽好開心 可惜吾不是黐家的人
始終女性不能明白男性的想法 不能以女孩子的規矩去套用在男孩子身上
即使同是自己所生 也不能把相同的制度用於兩人身上
我與家姐 一男一女 大家的生活亦不一樣 性格上是一小個極端
兩人亦毫不相似...

回應:其實吾極之喜愛北海道包
但是當時媽只是說那是個蛋糕
所以才不理會(心想反正是個獨立包裝的吧...明天帶回學校食吧)
還有 媽常把吾用電腦的時間當作是打機
聽起來十分討厭 說起來也有數個月沒有玩遊戲了
連最基本的什麼接龍也沒有
極討厭被人誤會 故意挑起爭端
這是從小四某事件所形成的性格
尤其當我問及關於自己戶口的錢時
竟被當作要把自己的錢拿回(其實是想拿出來舒緩一番)...哼...豈有不怒的道理
我明白我的媽 但是我沒有用行動來回應 我就是默默的人 在沒有人的時候 反而是最自覺的時候
反而是媽不明我 我亦不想去解釋 因為 我的話已經說夠了...

很多事情 不是不想說 有時是不想更令人憂心 認為自己能解決的 多數也讓它默默過去
但更多時候 是太熟識別人的性格 連反應也料到 一想到說了和不說並冇分別 甚至反被人鬧..還是由他吧...

請不要隨便問吾的私事 因為吾的事乃私之事 可以說的不會瞞你 不想說的亦請不要追問
當然吾的朋友不少 可以談心的也不少 當然對不同的朋友 可以說的程度也不一樣

不要妄想從我的面上能看透一切 因為一切都只藏在心裏 在我真的有需要的時候 絕對可以做到喜怒不形於色 我讓你發怒不駁咀 是讓你發放怒氣 是忍耐 吾的忍耐力早已練得極高 吾的性情的變化也練到很強的力量 變臉是特技 技巧便是只要一想起不開心的事情 可以一下子從大笑的臉上變過來 說起來很恐佈似的 但是吾 也是經歷過不少的
各人間的心裏所想 同學間的私鬥 為名為利 尤其是這間中學 確實是一個令人極速成長的地方
每個人說的話 動機 調刺 暗寸 所有的理由 明眼人一眼便看穿 單純的人永遠是最好的 可惜我不是 幸好吾的人緣其實也不算很差 當然其實是說不上好 但是 玩得 就是我的特性 所以大夥兒跟我一起其實也不錯(吧)

今天的日記比之前的不太相同...見諒

>>September 22, 2003 at 7:10:04 PM GMT+8

2003 年 9 月 21 日 星期日 【乍寒還暖】

其實十點幾已經起左身 不過等啊媽出門口先起身
之後開電腦寫番篇日記(Xanga) 之後就睇埋最後一集既最終兵器彼女
感覺係類似EVA 但係所表達既野係好唔同既
唔係好知點講 但係細緻既劇情的確係好正
雖然都係Bad Ending...但係真係覺得好完美
千瀨永遠都會在世上最後的人類 修次的心裏活著
每個人都希望活下去 沒人希望死
所以...大家都要堅強一點

朝早冇沖到涼 個人都好似特別唔自在
短短既兩日就咁過左 好似又係虛度咁樣
所以都係快D溫書啦

>>September 21, 2003 at 5:59:25 PM GMT+8

2003 年 9 月 20 日 星期六 【綿綿細雨】

深水灣BBQ~~~~~~~
大圍野另一邊講左喇 呢邊講下D花邊八卦"林嬸"野啦
其實坐巴士去緊既時候唔知點解兩pair情侶都好似有D火氣
靜左一陣 不過到站之前大家又唔知點解好番
愛就係咁難解釋 而我就只好同其他單身人士在流汗...

去到都五點幾 其實大家都唔係咁想落水
不過最後都係落哂水(除左小旋同細雞)
最搞野既係我地一落左水就即刻有廣播話十五分鐘之後就冇救生員
咁我仲話 噫 要上水喇喎 都有少許搞笑

多謝某人(唔記得係楊凱文定王文傑)借副泳鏡俾我
唔係既話我戴著con實唔會落水
游水(其實吾只係玩水)既時候啊發好搞野
不斷"禁"D人落水 吾之力很少
幾經辛苦才成功禁到佢落水一次

燒野食既時候 傻強同啊傑勁搞野 互爆之前兩條友上堂D搞笑野
不過有D都幾鹹 唔講 最搞野就係啊傑話傻強教佢唱卡通片歌
咩小黑咪喎...唔記得既時候仲唱哂成首出黎...笑到我地死咁濟
之後唔知點解傻強寸細雞咩丁滿 彭彭 跟著成班人討論D卡通片播出時間
又係好好好笑

燒到個火好旺既時候 開始落D雨點 大家開始講緊D雨落黎點算
o係度講埋哂D低B無聊既方法 點知真係落個大雨
細雞先趕去拎把遮出黎 好彩雨只係落左一陣
(大大真係天氣先生 燒之前知道有雨會落 落緊既時候又知只係落一陣)

燒到最後 得我同小旋,細雞同傻強燒番淨低既野食
點知其實都淨低唔少野 個火又越黎越細
咁我地就落D蜜糖落去 個火即刻大到爆 雖然只係一陣
不過已經夠我地燒到D野熟 一個人拎兩隻叉o係度燒
不過估唔到當我地拎D野食出去沙灘o個邊放低左之後去左玩
過左陣望番過黎見到D野食跌哂落D沙度...waste.......

不過玩既時候都有好多搞鬼野 我地玩number ball既時候
有次細雞輸左 要同個唔識既異性握手
佢個揀個鬼佬握 點知個鬼佬玩鬼佢 伸隻手出黎又縮番
好搞野啊~~~~~~最後都同佢握到(事後啊雞話從來都未握過咁大舊肉...)
小旋輸左就要問唔識既人影相 啊傑輸左要問個唔識既異性中文全名同年齡
傻強輸左要同人講我愛你 我輸左要同個唔識既異性影相...
我地之後仲有玩"掉手巾"(小學生遊戲) bobo輸左跟著要唱歌俾隔離o個堆人聽
人地armarm要走 跟著搞下搞下佢都唔肯唱 最後bobo既下場係俾我地跌D沙落佢度
請自行想像俾九個人圍著佢踢D沙落佢度既景像...之後佢條女好體貼咁搵毛巾掃番D沙...凍死

成功補著張一百蚊紙 不過就爭人三十幾蚊...因為得番張一百蚊紙 冇錢搭車...

>>September 21, 2003 at 5:51:27 PM GMT+8

2003 年 9 月 19 日 星期五 【晴】

訓左一個小覺 心情比之前好多了
今日上既堂唔係好tired 不過唔知點解番到屋企都仲係會好眼訓
點都好啦 還是要多謝支持我的人
平時都係我撐人 間唔鐘有人撐都幾開心架喎
新仔 多謝哂喇 聖誕黎香港既話實陪你出去玩啊
軒 and 康 你兩兄弟又係好好人架喎<<<我覺得 點都好thz
心情既然好 咁就要放D相上網喇 不過今日真係要溫書
唔用咁多電腦喇 聽日會去玩
玩完開心再同大家分享啦

(黎到都唔留言 個個都冇義氣...)

>>September 19, 2003 at 9:46:52 PM GMT+8

2003 年 9 月 19 日 星期五 【晴】

分心 . . .

在學校都可以忘記在家中的事 實在是太好了
為什麼常常都覺得冷 不知是否打從心裏冷出去的呢
回到家中 又再厭惡起來
無法共同相處 彼此間的牆厚得不能想像
關係就像房東與房客一樣
我是一個極獨立的人 即使沒有人關心我也可以正常地活下去
因為已經 "習 慣 了"
想不到她竟然還埋怨我的冷漠 真可笑

會考的時間表已經到手 極不幸的是我所考的科目全都是連續不斷的
相信屆時壓力將會激烈上升...或許是時候要閉關了
沒錯 電腦所佔的時間確實不少 而且也用了不少的精神

昨晚在無心機之下完全早睡了 大約在十二時正前便入睡了
可算是開學以來最早睡的一晚

傷心 究竟是誰傷誰的心
什麼都沒有變 仍然是我的錯
整個人看來也沒變 唯獨是心已漸漸地變
什麼都不是 仍然是錢...

>>September 19, 2003 at 4:41:25 PM GMT+8

2003 年 9 月 18 日 星期四 【晴】

哼 估唔到學完鼓番黎又係火遮眼
乜都係錢 乜都係我錯 我就係出氣袋
我就要就人 咁邊個黎就我啊
話就話我成日用錢 D錢而家我拎去玩架
唔係番學就係補習 最好都係學鼓姐
自己已經唔係人緣好架啦 只係想搵番些少特別既長處姐
哼 冇人會體諒我架 又係錢 乜都係錢
咁我唔番學出去打工好未啊
每個月俾少幾百蚊 分分鐘仲有income tim.
我都知屋企唔係好好境 淨番棟咁既死人樓
乜料啊而家 armarm先諗著放盡條命去打鼓
呢頭你話我waste money用黎無聊一番
早幾日老豆先話會盡量support我去學野
而家啊媽就話乜錢都冇 點啊 邊個係幫我邊個係玩我啊

我 受 夠 喇

>>September 18, 2003 at 11:20:46 PM GMT+8