2004 年 1 月 24 日 星期六 【晴】

第二百七十二篇 - - - Good bye my friend ~

Good Bye La ~ ~ ~Kikikiss

U are a BIG surprise in our fellowship….

Thz for ur support at everytime.

U are the HAPPY STAR

I believe that u are standing at the greatest position.

Good Luck…

Sorry that I can not to say gd bye at the airport tonite.

Your song is very very gd….That’s true ! ! !

Hope to see u again ~

Enjoy ur studies in Aus~

Bye Bye ~

GOD BLESS YOU KIKI

2004 年 1 月 23 日 星期五 【乍雨乍晴】

第二百七十一篇 - - - 很沒有意思

每年都會感到寒冷 卻甚少在這種時候
這種天氣最想做的...還是睡...
今早 家中要迎賓
為著一些事 家中兩老均十分煩燥 吵鬧
我本想介入 不過也避免"o拿屎上身"

洗個澡後 便到廚房幫媽媽的手
在這之前 便和老爸有口角之爭...
他倒是嚷著要幫我"開年" 因為我這次是甚少的狂搏我老爸咀
雖然如此 但總算無損我的心情 用盡心思的把各樣菜弄好
即使是一盒燒肉 都被我花心思的逐件圍在碟子上
雖然未有什麼美麗特別 但總算有個較好的賣相
不久 我的親戚來了
包括了我最喜愛的婆婆 我和姐姐都一樣 最疼的親人是婆婆
因為....她也最疼我倆個乖孫

在一輪煩忙後 飯送滿佈在這張不算大的桌子上
就此大家總算歡喜地吃飯
不過在食飯途中 不知為何 啊媽同我姨媽本身兩個暗寸
最後終於微吵... 其實繼我話啊媽姨媽兩個都唔arm...
啊媽成日都唔識忍 乜都鐘意爆(除左"粗"之外) 又唔肯心平氣和同人溝通
姨媽亦唔識幫啊媽諗下 而且兩個有D誤會
不過最後兩個人都冇咩事(掛...)
我覺得我啊媽D性格都唔多討人喜愛
成日都覺得自己arm哂 有時都唔睇清楚個真相先...
不過亦因為有佢D臭脾氣 先有我D好脾氣
雖然大家而家唔會點覺得 不過可以話你知 我小學o個時D脾氣係好到要俾人讚
就算係有D野有蝕底 都係一句冇所謂 笑左去就算
所以小學我都算真係幾忍得
而家就唔同咯 開始有D死人脾氣...不過都算好喇 我嬲一個人通常都唔會嬲埋其他人
所以唔會生人勿近既 不過最好都唔好太近喇 Meimei都試過講番 只要我嬲緊既時候聽電話
一定係同平時好唔同 一聽就知....= ="

大家走既時候已經四點 好鬼tired..
跟著車婆婆番番去......行番番黎o個時真係完全feel到勁凍
跟著Toto又話cancel唔去睇煙花
番到屋企勁眼訓...呢頭黎 o個頭就訓
訓到九點幾 連煙花都錯過埋...
睇新聞睇番..keke

起身冇耐啊媽就幫我整咖喱飯 真係好Q好食
一路睇明珠套戲一路食....食到十一點...
D飯同D咖喱都食唔哂...好飽...啊媽煮左兩o麥飯...
平時兩個人都好似食兩o麥多D 而家我一個人食兩o麥 喪架+_+

今日係完全無聊咁過 乜都未做 Oh...no
聽日開始要即刻溫書 dont waste any more time........

p.s 房裏面而家放左盒蛋卷 方便我溫書口癢食...kaka

p.s 點解我要搵既人到今日都仲未搵到

p.s 本身想搵文鍵或A.Ho去睇煙花影想 不過再三問自己 你真係想睇嗎?答案 以n個points否決左
外國既煙花 比呢度靚好多好多 可能我真係睇到厭喇

==================================================================================================

論及兩日前既題目 你想改變的事 (Part 2)

其實我講想改變既野 係關於自己身上 對自己唔滿意既野
主要係性格上既缺點 外表上既野其實唔入範圍以內
一世人 我相信只得一世...可能錯過好多機會
可能你會懶個天 懶世界上既創造者對你唔公平
可能怨過冇呢個咁靚仔靚女 冇呢個咁有天份咁有學識 又或者好似呢個咁有錢 乜都有
我自己都曾經有怨過...
其實我發覺神對我好好 近呢幾日只要我每當有唔見野 深切祈禱既時候 一分鐘都唔駛就即刻搵番 我對神既信心又好似番番黎喇 上星期日 談到既題目係 究竟神對你既期望係幾多呢
有人畫條曲線越黎越多 越大個越多 理由係越黎越懂事 自然越黎越多
其實答案係一條畫在頂端既橫線 從你既生命開始 從你未懂事開始 從你未信主開始已經有最高既期望 佢從未放棄過我地每一個
好想講一個見證:話說我地以前有個教友 同我啊媽差唔多年紀 個教友個啊媽o係醫院過身前幾日 終於都被自己個女說服 信左主 最後含笑而終 但係所有人都相信 雖然佢咁遲先信 但係只要係真信 確切地信 都可以升到天堂
自問心入面有好多缺口 好多野自己都做唔到 好多時都有黑暗既一面
或者係時候改變一下自己...

其實本身唔諗著會講到去神度 不過可能真係受感動啦
God Bless U Everyone ! ! !

大家得閒就去埋我呢邊個diary啦 放番D影左好耐既相...不過因為一次過放得太多 所以搞到而家好鬼慢 所以要好有耐心先按下面條link

Dannyjip

2004 年 1 月 22 日 星期四 【晴】

第二百七十篇 - - - 大年初一 大感觸

人與人相處是緣
可能一個決定 就把緣給抓著 或是 給錯過了
或許一句問路 借一個電話已經開始了一切...

今天的自己 好像變得nice了不少
呢個晚上 就不同與icq的朋友chat
自己多久沒有這樣做過呢 連自己都不知道
不過就真的和大家都了解深了

大家chat chat下 話題就越黎越深入
好像是相識數十年的知己般
如果我給人這種感覺就好了...

昨晚說的東西 所擁有的感覺 也許在早上醒來後已經消失得無影無宗
不過 是曾經發生過的 就是發生過 縱使只有一分鐘 只要大家都處於相同的情緒當中
能夠彼此以真正的心去溝通 便足夠...thz

不少icq上的朋友都覺得同我傾偈幾舒服 點解呢? 是我真正的把心交出吧....
我肯定 現實中 大家不會對我有這種感覺

越來越不介意利是的多少 我寧可使用自己的雙手去建立自己的一切
要建立得多 就要不斷努力 不斷提醒自己 現實並不如自己所想般容易...

Thz Sai sell左首勁好聽既歌俾我 強烈推介
Celine Dion & Andrea Bocelli - The Prayer
有機會post呢首歌上黎

今晚既心情 就以帶著眼淚的心情結束吧

>>January 23, 2004 at 1:19:19 AM GMT+8

2004 年 1 月 21 日 星期三 【晴】

第二百六十九 - - - Tonite

整天都對著電腦 好像很沒有意思
但是今個晚上 我和兩個人icq時卻有新的思維
清醒的自己 把一切的因果都想得清楚
為了解決疑問 不停去切身處地去想
為了讓別人明白 說了不少例子

出生時 一張白紙...
受身邊的東西影響 漸漸形成一種屬於自己的性格
有正面 有負面 所以有時我也會想
或者一個人所謂的黑人憎 只不過是大家性格上的相異
人 適性極高的動物 從人生的開始到結束 都不斷在改變
所以有時也不能怪責別人 別人的生長環境與自己不同
怎可能要求別人以相同的價值觀看事

所以 能夠做到切身處地很不容易
要犧牲自己的利益 以別人為先...
今晚 新的問題出現了

你想作出什麼改變?請大家在留言板上答我 我期待著你們的答覆

p.s 不知道大家有否聽到這裏的bg music
今回或許要把聲音扭大一點 等得久點
因為這次不是用rm file 而是wma file 還要是16k
有時也許會聽聽下中斷了 或許是太多人同時使用吧...
不過這首歌真的好正 是給我新思維的臬

明晚有空再為大家解釋今晚所想的 謝謹記留言

>>January 22, 2004 at 1:37:18 AM GMT+8

2004 年 1 月 21 日 星期三 【晴】

第二百六十八篇 - - - Everytime

BRITNEY SPEARS LYRICS

"Everytime"

Notice me
Take my hand
Why are we
Strangers when
Our love is strong
Why carry on without me?

Everytime I try to fly
I fall without my wings
I feel so small
I guess I need you baby
And everytime I see you in my dreams
I see your face, it's haunting me
I guess I need you baby

I make believe
That you are here
It's the only way
I see clear
What have I done
You seem to move on easy

And everytime I try to fly
I fall without my wings
I feel so small
I guess I need you baby
And everytime I see you in my dreams
I see your face, you're haunting me
I guess I need you baby

I may have made it rain
Please forgive me
My weakness caused you pain
And this song is my sorry

Ohhhh

At night I pray
That soon your face
Will fade away

And everytime I try to fly
I fall without my wings
I feel so small
I guess I need you baby
And everytime I see you in my dreams
I see your face, you're haunting me
I guess I need you baby

After all...
After all...

2004 年 1 月 20 日 星期二 【晴】

第二百六十七篇 - - - 反斗上學天

今日係放長假前既最後一日番學
基本上大家個心都已經飄左唔知去邊
幾堂都仲未諗好走唔走
走咩呢 當然係未到放學先閃人啦
原本我都覺得番全日冇咩問題
不過又好似有唔少人走 所以最後lunch time 都係走左

冇番5個 走既最少7個 ...真係

到而家已經唔係好明走堂既意義
尤其是呢D非常時期
只此一次 下不為例...
好少可咁樣成日打麻雀 不過都不失為一個好機會訓練下自己既
特別係同o個D有師奶別稱既高手對戰係特別正
遇強愈強 曾經成為過自己既性格
而家...我跟本係一無是處

中文堂派左篇作文 開頭睇 得三十九點五分...
唔合格...個人down down地 一路諗點解自己會作D咁差既文
最後發覺原來o個個係 x0.7之後既分黎...
儘管如此 其實56分 睇黎係啊sir鬆手先會架姐
冇實力 所以冇信心...
諗起放假要作兩篇文俾啊sir 陣間動筆
Mrs Ho都叫我地作文 或者我都應該作多幾篇 當係考驗下自己又好 當玩殘Mrs Ho囉
溫習 刻不容緩 但自己...竟然連補習都唔去 我做咩咁鬼廢啊

夜晚 打邊爐...冇想像中咁多野食 不過都食左好多野
約左蜜記去年宵 出到去 都冇咩睇野買野...
會合埋班野佢地又已經散勒...唉...
跟本就唔應該浪廢時間 加上自己唔舒服
所以都冇咩講過野 成日都有D想嘔...
犯賤...?!

今日講開幼稚園既趣聞...突然間諗番起自己好細個既時候作既一句廢野
"年廿八 洗蠟 ,年廿九 差唔多,年三十 搞掂哂"
細個做既野可能好無聊 好白痴 但係亦因為有以前白痴既你 先有而家成熟既你

人地話 細個好靚仔 大個好樣衰 細個好樣衰 大個好靚仔
又有話 靚仔冇本心 有本心實唔會係靚仔...
咁你會點揀

對唔著 所有曾經對我有期望 有付出既人
我一次又一次令你地失望喇...
我...其實跟本係一個廢人
吾非狹泰山以超北海之類 乃為長者折枝之類
既然有能力而唔用 我生存黎做咩
我好佩服TsoiTsoi 相信係你既勤力又再改變我...

記得低form既時候 有個同學只係考七十幾八十 而我o個時就考廿名以內
之後 自己越黎越懶散 現在兩者位置彼此對調

夠喇 Stop the crazy

>>January 21, 2004 at 2:38:04 PM GMT+8

2004 年 1 月 19 日 星期一 【乍雨乍晴】

第二百六十六篇 - - - Wt's my crazy life ?!

睡眠不足 致使我又踏進遲到的邊緣
被叫醒 踏四...極速衝進洗手間梳洗
外面的天氣就好像四五點一般 溫度則冷得有點兒寒
故此外穿一件大外套 掛上一條頸巾
拿上一把傘子 便匆匆出門

近來每天早上的生活都如是
匆匆忙忙 沒有好好地吸一口空氣
在下電梯時剛巧見到一輛地鐵開門
一向沒有"地鐵運"的我當然不能錯失最後機會
奔進地鐵...
一入地鐵 受到一眾人的目光注視
找了個位子坐下 忽外覺得自己的衣著好像有點誇張
說真的 除了褲子外 跟本沒有人可以認出我是學生
不過論及最可怕的 便是就眼所見 一個文理的學生都沒有
心裏想著不知道會否遲到呢...
誰知盤算不久 胃便開始痛了...說真的 很辛苦...
但是也沒有時間嚷苦 一下車便看到謙和家裕
隨即三人便開始早上的"晨操"
可幸的是我仍然趕得及打鐘前趕到
沿路看見SiuSiu和龍 除了一邊催促SiuSiu走快點外
還感謝龍提醒我脫下那件暖暖的外套...否則又得被不知什麼老師教訓一頓

在洗手間坐下時又再感到胃痛
直至班主任課時 已經不能躺直身子了
故此頭兩課的Maths都給我扒在桌上閉目養神
雖然眼閉了 但是胃痛卻沒有停
由九點睡到十點 除了耳朵聽著發仔無意義的說話外
還有間中聽到一些吵鬧聲 雖然心裏想去看看發生了什麼事情
但是身子卻不容我這樣做
最後決定要早退

第一個小息 就在我把包袱都給整理好閃人時
發現原來有同道中人,Cathy
她說頭痛非常...故亦不宜上課...
就此 兩人到二樓找正叔時 遇到Carman...跟著連她也說早退
正叔看見我們三人都早退時 明顯地感到懷疑
但是也沒有辦法 只好跟我們去打電話
學校的電話不知痴什麼線..."沙沙聲"...結果老媽子還沒有知道我何事時便給cut線了
最初我們能夠順利自行離開 豈知突然殺出一個三角型頭的校長
說什麼一定要家長接送....結果大家都無法聯絡到家長
而正叔也要去上堂 故著我們到Sick Room休息
三人走進一個不太大的Sick Room 床一張 長桌一張...
Cathy一早便上了床 而我和Carman則伏在床邊睡
名義上是睡 但實則上是傾八卦野 不斷找不同的話題談
尤其是一系列的私人問題...
還有在SickRoom的旁邊就是form 6的班房
Carman有時站在床上透過天窗看看別人上課的情況...

兩堂並不難過 在小息時Ivy和雙雙均潛進來一起chat
其實該時身體已經好多了 而Ivy更說出我們三人的"離去"給班上帶來哄動
大家都想著要早退般....
起初我和Cathy都考慮早否上五六堂的econ
但一聽到要quiz...便都選擇繼續待在sick room
正叔在打鐘前不久又進來 說什麼校長要家長接送的原因
是引一個上年的案例 說一個St Paul學生在早退時死Q左的說法
說我們單獨回家危險...
她媽的...Carman隨即說"個個單獨番屋企都死 又唔見校長自己番屋企o個時死?!"
勁正~
我也說了句校長一定要嫁個姓屎的(校長叫廖璊珊)

結果五六堂 四小妖齊集 鐘師奶和雙雙有空堂自然來"探病" 想不到連大文都Skip電腦堂
結果大夥兒齊齊Chat...Chat的話題包括這間學校的傳說 賤人...
還有相學...發脾氣的反應等........................
就此我的首六堂就在睡 與 Chat中渡過
大家聽到Lunch鐘響時回到課室 想著是否早退好
只見MeiMei,SiuSiu,LokLok呢三件art group人已經準備哂閃人
加上Toto也走了...Carman也走了
但是最後大家都竟然選擇留下....

大家對我的回來都感到詑異
wt ever...lunch回來後都沒有做過什麼
無無聊聊就過了
放學後 我,TsoiTsoi,Sai,Brabra 留在學校Chat一會
便接到Toto的電話說到他家
跟著大家便上了去...

路程其實不短 不過已經比想像中快
去到最初只是看看大夥兒在聽歌等
後來開了麻雀 大家為求快結 便可以無番起胡
途中啊雞的暴走瘀事把所有人都弄笑了
笑聲此起彼落 加上飲料和小食供應
大家都玩到六時多才閃人...

今天也實在有夠"方糖"
不過我想明天會更加劇烈
因為在放假前的一天
大家都Plan好像SARS放長假前一天一樣
全體同人 晏朝閃人

溫度很冷 只有十一二度
明天更加可怕 約九度
看來要加衣服了.............

Bouns:
在Toto家時 把SiuSiu頭上的夾都給除下來
再以不同的角度插進她頭上的"計"裏
想不到她到最後竟然問我把夾放到那裡去
而更有趣的是 我也忘記了

在打麻雀時 有一回我把牌抽到
一萬 二萬 三萬 四萬 五萬 六萬 七萬 八萬 九萬 發財
勁靚囉...無多無少 單吊發仔 不過吃不到 真是可惜

Evtry :
今天再開icq 感覺好像被炸一般
首先出現三個birthday提示 隨後炸出五六個不知那些日子的offline msg 還有無數的地球......
不過那個猴子十二樂坊很有趣呢...

今天不夠時間去Xanga寫日記...早點睡吧

>>January 19, 2004 at 11:19:26 PM GMT+8

2004 年 1 月 18 日 星期日 【雨】

第二百六十五篇 - - - 瘋狂一天... 亡命 逃命

話說尋晚唔知黐邊條線打日記打到三點幾
之後俾人叫起身已經十一點
用左半個鐘電腦 順便同啊發電聯下
之後就去左沖涼 趕頭趕命咁出左去
番到church 主要原因都係因為今日可能係最後一day見到Kiki呢個笑彈喇
所以幾忙都要出現下 順便著下條新褲
都幾好feel wor...

之後趕頭趕命咁又去mtr站度join埋小璇 細雞 大大 喪傑 啊法
要佢地等我真係好唔好意思 本身知道自己會遲硬到 所以都send左SMS叫佢地唔好等我
不過佢地最後都等埋我 Thz all of u
其實由朝早陰陰天 個個都已經好擔心會落雨架喇
不過都去左啦 由他吧...
我地走到去大埔墟再轉小巴去單車場...
小巴無其他人 一行7人包哂 個司機仲同我地講應該唔會落雨
毛毛雨o係我地租車既時候已經不知不覺地落下
而當大家都試好車出發既時候 雨 亦變得越黎越大粒
但係大家邊抱著俾左錢冇理由唔踩既歪理 邊抱著大無畏既精神 決定勇闖~

越過一個陡斜既小山 眼前出現一係長橋 橋既另一端係一個不知名既小島
7人o係橋上面自由既狂踩 不過雨越黎越大 不消一會眾人既衫褲鞋襪無一不濕透
不過最可怕既係橋面上仲出現多到數唔到既綠色昆蟲...極可怕
呢種識飛既蟲蟲佈滿橋中央既一部份 大家o係踩單車既同時 蟲蟲亦空降到面上 身上...
最後大家都抵不著蟲蟲 折返了...帶著一個濕透既身軀同佈滿蟲蟲既衣服 加上一點點 的泥在背面
實在可怕得很...租單車給我們的人看見大家乾身乾頭去 濕哂既番黎 都唔知講咩說話好勒...
之後大家o係舖入面用哂人地一卷廁紙抹頭抹身...

去左舖對面既一間餐廳 看見雨大得那個模樣 大家都表演得十分婉惜
而我 其實並無後悔冇去補習 因為既然我已經係豁出去 就不必去介意結果
之後大家用單車換左三架家庭車 所謂既家庭車就係上面有個頂 三個位 後面對個踩
原來呢個玩意係極瘋狂...我同大大 大佬一車 啊發同璇啊桐 喪傑自己一車
之後我地鬥快 跟著勁變態 大風大雨成班野o係路上面狂踩 加上喪傑係咁撞黎撞去 簡直好似玩碰碰車 有一次 啊傑又黎撞我地 結果我地將佢架車硬碰硬 反佢車...佢勁搞野咁九十度反左車....
大家High到狂亡命 踩著架車呢度片 o個度片 呢度撞 o個度撞 我就試過o係後面踩踩下因為撞柱成個冼左落架車下面...諗番起都幾似Jackass...=_=

不過租單車俾我地o個班哥仔全部都好Q勁 識得一個人踩架家庭車 玩花式 成架車則哂去一邊 另一邊擰空咁行 又識超勁甩尾...不過我地同啊發佢地架車最後一次撞 將隔離檔個牌(A字型 則係A字左右兩邊就係個牌 中間有條野連著)成個撞爛左 又要賠錢又要報警 跟著成班野即刻down哂 當然我地唔會好白痴咁任佢黎啦 我地追番逃之夭夭既啊發 之後大家傾左好耐 跟著啊傑話租單車o個班哥哥仔叫我地快D走...跟著大家就商量點算好啦 最後我地越過馬路去還番架車俾人 然之後坐小巴坐 不過當中發生左好多好多野 難以三言兩語解釋...

Anyway,今晚又要出去食飯 仲要7點o係中環出現 但係試問滿身濕哂 勁狼狽既我點可以就咁見人呢 結果o係九龍塘88左啊雞 啊桐 啊傑 啊法之後就同大大 大佬一齊坐地鐵返家
途中 小璇同啊媽一路都不斷傾電話 講兩句 收線 兩分鐘後又黎...睇黎都幾煩
不過人地既野我都理唔到架喇 而且有大大o係隔離 小璇唔會有咩野既...

跑番屋企已經7點一個字 極速將D衫褲鞋襪掟落洗衣機 之後即刻沖涼
四個字之後 已經係一個著得好整齊 Gel番哂頭既Danny...
我去到中環間酒樓都未齊人...所以都暗呼一口氣
送就一向都係差唔多 係個翅今次好次變左D東瓜盅 + 好多翅食~
糖水由紅豆沙變做熱布甸 勁㊣囉~
晚餐進行其間勁同"頂芬" Uncle Ten 仲有一眾堂兄弟切磋牌技
跟著係勁寸人地....XD
今晚好tired.......唔寫喇
早睡早起啦...

頭痛 偏頭痛 尋日今日齊齊黎 冷親今日冇可能冇 不過點解我都仲係唔多病既
可能真係神save me喇

尋日去增值 見到個著校服 背後睇勁似啊C既人........
噫 點解戴眼鏡既 唔通就係傳說中既 C永泰?!
我諗都係架喇 終於都見到真身喇 Wahahaha

>>January 19, 2004 at 10:08:59 PM GMT+8

2004 年 1 月 17 日 星期六 【晴】

第二百六十四篇 - - - 爆瘀記

原來這個日記真的很多人看呢...
我想不會有人看到指著瑩幕來笑吧 +=+
我還是會給大家帶來快樂的
"有點似紫薇的精句"

話說今天補習的時候遲到 急急步走到補習社
在樓下撞巧遇到行得像龜般的啊敏及紫薇
上到樓 步進課室 Niki給我們都霸位置
Niki坐在最前的一行 左邊一個空位 右邊兩個
起初我以為所有的空位都是她霸的
看到最右邊的空位有一個bag在那裏
驟眼看蠻似啊敏的袋 故此我毫不猶疑的把袋子拿起來 打算坐下
就在我拿起袋子的一刻 我完全感到Phy的第三條定律
"作用力=反作用力"
噫~回頭一看 看見一個女子正歇力扯著袋子 原來旁邊的位是她霸的
就此 Danny就帶點面朦的被這三個少女狂笑...
不過 最有趣的莫過於有案件重演的環節
敏及紫薇均十分High地不斷做我剛才所做的瘀野
連我都笑起來 看來似嘲笑旁邊的那位少女似的

整個課室的歡樂氣氛 除了有不少來自A.Wong這個白痴才子外
當然少不了紫薇這個大笑彈
尤其是啊敏,Niki在訴說她的瘀事時 即使沒有親眼看到也笑得前仰後番
還是回到A.Wong那裏吧
A.Wong說的第一句話 : 黎個深呼吸 而家進入Part B勒
跟著我和紫薇真的深呼吸...跟著狂笑 Niki首次說頂我倆不順 ^o^
當A.Wong 在說話途中 Ricky忽然停帶插話 而電視中A.Wong的樣子則極度頂癮 我真的指著他來笑
Ricky走過來關冷氣時發生了有趣的事情 不知大家看到嗎
要關上我們班的冷氣步驟如下
Step 1:踏上不轉動的椅子
Step 2:按動搖控器
Step 3:轉動身子離開椅子
基本上Ricky進行頭兩個部驟均十分順利及型
但是當他轉身想下來的時候 不知是否太大力 整個身子給撞到牆上 雖然他的補救動作不錯
但是我忍著笑的樣子早已揭穿了他...當他回望過來的時候 不得不以笑遮醜 不過也許他真的是回應敏的"天使的微笑"也不定
A.Wong 被懷疑飲可樂飲上癮 在空檔的時間 我們親眼看到他極大啖般把一整罐可樂短時間內飲完 其中我們的對白如下
"我懷疑A.Wong佢飲可樂飲上癮 你睇下佢飲得幾狼"
紫薇欲說什麼有趣的事 "我睇過本XX雜誌講過..."
"你睇下 佢又飲喇"大家完全無理會
"喂...我..."
"又飲喇 又飲喇...嘩"
"噫 都冇人理我既..."
"你講啦 咩雜誌講乜啊"Niki好心讓紫薇講下去 當然 A.Wong嗆可樂既表演已經完結
"唔講喇 唔講喇"
"算啦 你唔好逼佢啦 佢陣間實會自己拎過黎講架"啊敏睇死紫薇會忍唔著講
最後 紫薇都係冇講
( To 紫薇: 當你睇到呢度既時候請勿懶型咁擺出一個沾沾自喜既樣 我睇死你實會架 ! )
A.Wong將D人名番譯都好有一手
例如:
Peter Chan → 陳皮蛋 (仲要邊講邊走音)
e.g 1 : "大家黎睇下呢個粉腸叫咩名 哦~ 原來係叫Peter Chan,陳皮蛋"
e.g 2 : "個校長寫封推"賤"信俾陳皮蛋..."
陳皮蛋個表妹Juia → 祖你亞~ (如果真係唔知個笑位o係邊 你就真係幾純真)
A.Wong既笑料部份大致到呢度勒...

Bouns LAUGH ^ ^"
最後一個大笑位黎自坐o係我地同行既一個學生
當我地接到紫薇既報告望過去既時候
赫然見到一個眼鏡男著有帽衛衣 戴著頂帽 孖潤腸仲要 O字口 目不轉精咁望著前面的大螢幕
嘩 跟著係激大笑...^ o ^
不如等我地睇下D評價先:
Niki : 我覺得佢好似林過雲.......
啊敏 : 我覺得佢似午夜屠夫多D...
真係好好笑...不過唔係親身經歷係差少少架喇

放學落樓梯既時候 因為等埋呢三個少女"放水" 所以已經係冇人
紫薇就一邊落樓梯 一邊發出一D優美得可以比美怪獸既叫聲
當轉到唔知幾樓時 迎面而來出現另一個人上樓
o個個人都未消失哂 紫薇就用佢把怪獸聲話"原來有人架 原來有人架..."

行落去 啊敏 紫薇呢兩個煙民依舊煲佢地既煙
不過枝煙通常剛好到MTR站就吸完
誰知啊敏要去中途站Sasa買野 所以仲有少半枝煙
呢兩隻野好順手咁大街大巷掉煙頭加踩熄
紫薇仲要一邊做一邊話冇人睇到冇人睇到
而我就feel到好似即刻有D人望過黎......

送別呢兩隻野後 就動身到最愛既HMV
途中依舊買左兩舊砵仔糕黎食 次次去親HMV都會買...
今日D碟既擺位已經update左 不過就唔係聽左好多碟姐
以好聲著名既雜錦碟 不過今日唔係好arm feel 所以冇詳聽 其實應該唔錯
成功聽到獨照既原聲版 好肯定個網友唱得好過佢
今日狀態不佳 冇心情聽D咁快既歌 而且發覺歌路都唔arm我
非常欣賞呢個歌手 不過當時狀態唔好 聽左一首歌就閃
呢隻所謂既新碟我好耐之前上佢個官網度已經見過 唔知點解出現o係new release一欄度 細聽頭一首歌Pray ㊣~
<安室奈美"胃"> 聽左一首我以為之前聽過既歌 不過原來唔係 雖然同係Hip Hop 不過個Feel冇lovin it 咁好
佢隻碟既歌因為趕時間 只係聽左第一首 不過唔係我想像中既結他加和音純歌聲 失望
<何韻詩新碟> 單睇個碟面並不討好 而HMV播既其中一首歌 Intro,歌路都似迷你與我 不過唱得其實唔算好好 我鐘意既 會係唱沙既C

約左小璇 大大 啊發 啊雞佢地行街買衫
啊發 大大 小璇一齊之前走左去剪頭髮
個個都剪得幾好 不過就算係咁我都唔會跟你地走去將軍澳剪咁顛架
之後行尖咀 兩間去開買衫既舖頭 一間我已經放棄左o個度D衫
不過無意中發現一件迷彩棒球褸 幾靚 兩舊
另一間冇咩新發現 不過佢地做緊半價 所以都可以有衫值得買既 仲有D新帽都吸引到我
之後大大去左一間舖度睇波鞋 索價7舊 不過冇咁多錢既我自然唔會留連o個度 無意中發現左個勁靚既Puma袋 180蚊 如果把持不定真係即刻就買左佢...
之後又走左上一間上樓舖 不過D衫啊o個D係勁貴 Jz window shopping only
最後去左一間舖頭 我地搵左好耐先搵到個地址 不過冇咩特別野睇 反而鄰近佢既舖頭D鞋啊 衫啊就幾靚
同期等啊雞由toilet出黎既時候 啊發 小璇用面油紙
豈知啊發用既時候 係全張變做透明 絕對可以做獅球嘜代言人...
結果係用多一張都抹唔哂佢D油 勁驚...

之後一行五人出發旺角 我地既目標係搵小丑褲
所以一開波啊雞 小璇就消失左o係旺中既人群中
而我地三個就行隔離既新之堡 行到咁上下落番樓既時候
突然電話響 噫?Siu記喎 好詑異佢會打電話俾我
跟著佢問我o係邊...原來佢同我一樣都o係同一個商場度
跟著佢又話頭先見到我 不過講兩講又唔見左我
我同佢講話 我地落左樓...(心諗 佢應該仲o係樓上度周圍搵...)
之後一路講 佢話落緊黎 跟著落左好耐都見佢唔到 等我仲以為佢"高"得濟見佢唔到
終於見到佢 當然包括"鄭中基"啦 依舊問"鄭中基"拎簽名 XDD...........................=_=
因為啊發同大大都o係度 又唔識佢地 所以講左幾句就離別左勒

一行人行左去個唔知咩堡既商場度行 最後我地去左間舖頭度 大玩o個個Sales姐姐
玩到佢殘...不過都係唔好詳記喇 如果唔係聽朝都打唔完
話說我開頭睇arm左條褲 但係啊發鐘意o個個色咁arm斷左碼
咁佢又唔想買 同個姐姐擾嚷左一陣就我買啦
點知行行下 發仔都係話要買 結果又番去間舖 個姐姐剛巧有生意 我地就o係出面隔著塊玻璃見到佢將D紙"閉" 放入個牛奶仔盒入面 之後上面放盒散紙 我地o係出面嘩然 除左因為好有錢之外 仲詑異有咩可能放左盒散紙仲關到個盒 原來只係放在面 之後搵D野遮著 關櫃"筒"
之後我地一入去第一句就係話 "我地要牛奶仔~"
雖然啊發要唔到佢心愛隻色 不過我覺得另一隻色都好好睇 係啊發先著到咁掂

呢度行 o個度行 走埋去波鞋街 大大俾左7舊水買波鞋 會合埋兩位小姐 一齊去食野
九點幾 大快活 都幾多人
大家樂 多人到逼番出黎.......
又係M記...
不過個個都唔食野 得我一個食...真係...
之後去埋瓊華 啊發又買左衫同棒球褸
嘩 D刺繡褸250咋 勁抵 襯未漲價快D買先得

今日係第一次篇日記打左兩個幾鐘 但係係冇咩意思 以下來黎先係想講既野

報紙上說 消廢指數激升八成 → 一行五人最少每人一袋
天文台說 這數天會轉冷 → 熱得把外套脫了不知多少次
星座書說 這星期沒有愛情運 → 從來都不覺得自己擁有著

若然是同路人 自然能了解我想說什麼

書的外表華麗 厚厚的書頁 便宜的價錢 一番開 字佈滿每一頁
妳的外表不俗 而且不難入手 可惜我卻沒有好好的了解妳每一個優點
每一個性格的背後 我為何沒有去了解作者般了解妳
醉翁之意不在酒

電話的響聲 我錯過了三遍 會有一次是你嗎
你會期待著我嗎 還是 再一次失望



送上最近好鐘意聽既歌 :
終身學習 原唱:鄭融

街中盼望你 我懂得靜候也是種福氣
有天等到你 然後我學會極勇敢不會逃避
再學習容納你 嘗試天天謹記每點相處的甜味
能夠學懂怎親你 定會很回味 如有點情迷意亂
讓我許個願 尊注地眷戀 而恆心亦不耗損

未如願相戀 便學習單戀 談情如跳舞 間中轉個圈
從來未放棄嘗試最大志願 也不管這過程多麼辛酸
縱使尋常地又失戀 學習未會完 直到有一天
內心等到美麗大團圓 若快樂太少 但太多兜轉
從來未厭倦

不忍告別你 縱使多寂寞也學懂捨棄
看穿這真理 明白快樂永未夠多不夠回味
要學習原諒你 才瞭解怎麼你我竟走到這田地
能夠學懂不憎你 便有新轉機 如有點情迷意亂
讓我許個願 尊注地眷戀 而恆心亦不耗損

#未如願相戀 便學習單戀 談情如跳舞
間中轉個圈 從來未放棄嘗試最大志願
也不管這過程多麼辛酸
縱使尋常地又失戀 學習未會完 直到有一天
內心等到美麗大團圓 若快樂太少 但太多兜轉

repeat #

從來未厭倦 從來未間斷 直到你走遠

>>January 18, 2004 at 3:03:57 AM GMT+8

2004 年 1 月 16 日 星期五 【晴】

第二百六十三篇 - - - 新的一天 新的開始...我就是我

多日以來均是一邊聽著孫燕芝的< 遇見 >
一邊寫日記...不斷重播著不知多少遍 感覺蠻不錯
今天 我選了這首歌作為今天的心情
< 終生學習 > 鄭融
希望大家都是同時聽著這首歌...所以不在這裏播歌了 是因為覺得自己太自私了吧

原本昨天在打第二篇日記 Server down了 所以我也不知道日記是否能貼出來
心裡想著 若果不能就由他吧 一切都會過去的
但是今天上的時候還是看到了...終於成為本年的第一條傷疤

整天除了Pass Paper 還是Pass paper 將精力都放在Maths精讀
謝謝爸爸借我題解了 確實幫了我許多 Thz
今天正叔冇番 少左個煩人
同時Ysk都冇番 Emma,So記都覺得今日有D唔同...
我 ? 少了一個談話的對像
不過卻換來與啊的和爸爸的Free for chat...
無聊的課堂總會過去 不知不覺...又到星期五

今天 把昨天發生的都忘記了
所以不用擔心我呢 用情緒化來形容我也許也錯不了
堂堂被同一種感覺困著在同一個空間
但是只要一覺醒來 一切還原...
我 仍是我

今天 同樣不知道是個什麼日子
除了同學的一個親人在殯儀館內
在晚上同樣聽到一個朋友的一個親人突然過親
同樣在殯儀館
生命 永遠就是如此
對著沒有深感情的人 不會愛 不會恨 不會哭 不會笑

在學校被N人圍 臉部的肌內都給人扯下來了
開心了 看來今天的感覺是應該選開心吧
若然永遠記著笑的感覺 那麼該是一件值得高興的事情
也許這就是樂觀的人
還有 在被圍的最後 給樂在後面以極大力扭耳仔
她一邊說會聰明點 但是我就親耳聽到耳仔發出啪啪聲
嚇得我要死 唯恐耳仔忽然掉下來
不過若果真的會聰明了 我一定會"禮尚往來"
走著瞧吧...

沒有時間再想著一些冇意義的事
繼續做Pass Paper
衷心祝福大家努努力力 順順利利...

今天回到家後 流下了一滴淚
不是開心 更不是傷心 連自己都不知為何
但是我卻享受著 在上一次有眼淚從眼裡掉下來
應該已經有接近兩年的時間了...

p.s 近來已經完全沒有心機用icq 是那種感到很浪廢時間的東西 若真的有東西想與我談 請e-mail給我 [email protected] 定必長篇大論與你詳談

Reply 積聚多日的留言:
樂 : 既然是重生的樂 何解仍讓自己放縱下去?
表妹 : 、謝謝了 你絕對是我的好友 感動 , <大隻佬> 可惜我看不到結局 恕未能完全和你分享感覺 但是卻不失為一套好的電影 只是有點感到不足 嚴格而言 還不足以令我步進電影院看
新仔 : 不知有多久沒有聽到你支持的聲音 為了妳 為了自己 還是會努力下去的
Jerry : 冇預期到連你都會黎 真係唔知你覺得我點喎 學校的Danny和寫著日記的Danny其實就是兩個人 是代表著自己兩種性格 個性的自己
花姐 : 放一百個心 既然跌得起 就一定能站起來 既然曾經痛過心 也一定會從新振作
如你的留言 Danny 就是 Danny : 我 就是我

今天以被人扯臉皮的慘叫聲作結束
"啊~~~~~~~~~~" > . <

>>January 16, 2004 at 9:50:51 PM GMT+8