2004 年 8 月 17 日 星期二 【陰】

執‧屋‧記

十點幾 房入面就有啊媽o係度抹野 好嘈 之後又complain and complain....搞到我好火滾 咪諗著執開張檯D野黎抹檯囉 點知執執下將成間房D野好多都執過黎....D碟啊 檯上面D垃圾雜物執左一大袋出黎掉 之後抹檯 張紙係灰黑色, 嘩 好污糟啊 ! ! !

另外 o係剛起身既時候 啊媽問我係咪唔見左條毛巾 原來我唔記得左拎出黎洗....之後原來o係毛巾下面仲有D野 咁我拎出黎 噫 有頂帽既 First Feeling : 點解文熙會漏左頂帽o係我個袋入面既 之後原來有張Memo 係蔡蔡送俾我既過期生日禮物 Wakaka Anywayz thzzz~

之後又訓過 就咁就訓到兩點 之後自己叮番D飯食 跟著就出左廳一路聽歌一路溫書 今日D進度慢左好多...又為狂發白日夢 下次都係番番房溫算喇......

之前去曬左去美國既相 原來而家可以將D菲林直接燒落隻碟度 嘩 都幾正喎 雖然o係電腦睇既效果好差 不過當我整左上網之後 噫 又ok 喎

>>August 25, 2004 at 11:42:31 PM GMT+8

2004 年 8 月 16 日 星期一 【晴】

"游"‧"樂"‧記

晨早便已經起了床 接著便到柴灣泳池與文熙 蔡蔡去游水
今天的天氣很好 好得連水都十分暖 而且極熱烈的太陽 令到氣氛更加高漲
中池裏滿是小朋友 我們在那裏待了一會便到大池去

"得六個人???" 這個就是我們起初見到的情況 一下子便跳進大池 Cool 很舒服
同場大家便會聊聊一些無聊的事情 而緊接著 便看見三具死屍在泳池邊暴曬
Oh....後來到了蔡蔡家沖涼...woo 黑左好多啊 ....
之後整左個搞鬼look 同蔡蔡影左張相 妖 部相機上次o係沙灘番黎跌左落地下 而家shot shot地 唉 死喇死喇.....

後來出左上環拎番件西裝同回鄉證 點知我拎完西裝之後唔知條路點行去海港政府大樓 後來問左個賣金魚既姨姨先知 原來o係拎西裝o個度隔離上橋 我仲又過馬路又行錯方向...徙左D時間...之後遞張野去等喊名既時候 佢寫著要等一個鐘 跟著即刻流哂汗 .. 唔係fa....

之後就坐埋一邊 同大部份既其他人 亦都同大家平時lunch完番學校做既野一樣 --- 訓覺...=_=ZZzz
不過途中有兩件事幾搞笑 就係一開波聽到佢第一個叫既名竟然係<譚穎怡女士> 即刻暗叫 唔係咁橋啊馬...=_="" 之後另一件事就係有個o靚女o係度唱 NamiNami
之後好好彩 等左大概四個字到 終於都叫我個名 之後即閃搭地鐵番柴灣再轉小巴上杜杜度...搭小巴o個時又差D上左車去赤柱....又唔知杜杜著o個度叫興民村.....好彩

之後上左去打麻雀 ng....開頭都幾好既 不過後來可能太累喇 開始冇乜心機 D牌又全部都雪糕....仲有一回我坐爸爸下家 我同佢一開牌竟然有八隻原來係一樣喎 ...eeee 爸爸邪著哂...kaka
番到屋企夜晚又上Yahoo打左陣麻雀 不過太累 一路打一路訓 輸左四圈之後就訓~~~

>>August 17, 2004 at 9:04:57 PM GMT+8

2004 年 8 月 16 日 星期一 【晴】

一個特定早起床的時候 很久沒有在早上6時多起床 可以發覺天亮得可以 從狹窄的角度看著些微的海景 又或是從對面高樓大廈的反光玻璃看到船在經過 原來都可以是一件很美好的事情 再加上插著耳筒 播著自己近來最心愛的歌曲 那一份精神上的滿足比什麼都好 有時候 人總要脫離一下現實 不要用很理智的角度都感受身邊的人和事 才可以有多些感受 ... 太現實的人 始終 都無法溝通.

放手 是在乎自己是否真的放下 而不是實際間去要自己作抉擇
冷靜 鎮定 是要對所有有可能發生的事作出預想 因為事情都跟自己之前所預計的一樣 所以就無需害怕 擔憂
冷酷 要對人的感情都放開手 無情的人才可以做到 就像一個專業的殺手般 身邊的事都不會使自己感到任何興趣 時而久之 對身邊所發生的突發事情都不會令自己感到有任何情緒 因為連自己的生命 都感到隨時可以拿去
當你發覺可以去愛人的時候 就去愛吧 發覺自己有保護心愛的人的能力時 無論男或是女 都能夠犧牲自己去保護那個真正你愛的人
無論如何 都要想一個可以讓自己留下來的理由 靠著此堅強起來

>>August 16, 2004 at 7:06:50 AM GMT+8

2004 年 8 月 13 日 星期五 【晴】

hum....特登做電視迷 (定係我一向都係呢?! ^ ^") 由大唐雙龍傳到港姐到奧運開幕都冇停過...同日 諗緊自己會唔會突然死o係個電視前面 稍為離開個電視行一行 就已經個頭暈暈地 呢排都係唔好咁激動喇...繼前一晚用電腦用到四點以為 今晚又睇電親睇到三點...一路同啊冼講電話一路睇 啊冼既路向好多 睇下佢自己想點揀啦~

呢一年奧運係我第一次咁興緻勃勃咁去追黎睇 陰公成差唔多兩點先開始 不過...真係好鬼好鬼好睇 個場好靚好正好多機關 冇現場睇好可惜 冇睇直播既話就更可惜 可惜自己既精神頂到去D人行入黎已經訓下訓下...係咁睇到D人入黎 我忍著唔訓 忍到中國隊o個時已經三點幾 唔得喇 極限 ! 收左線 連最想睇既聖火都冇睇到就訓左 一訓即著....

不過因為實在係 太太太靚 所以特登搵左好多相出黎 因為真係好靚

Opening Ceremony of the ATHENS 2004 Olympic Games

2004 年 8 月 13 日 星期五 【晴】

我這份人 就是太過多愁善感 眼淚總會在不必要的時候白白流下...

整個下午都醉在千嬅的歌裏面 一面番著同學錄 一面番著回憶的一頁
看到別家的同學的照片 都還可以 但是 一番到自家班的 真的 真的忍不著
頭幾頁 那些同學都看來不像太熟識 還可以...
每揭後頁 每揭到那些熟識的同學的一頁 看著你們的一字一句 猶似看著你們親手把字寫上去
看著你們的感受 就如同看著你們曾經在課上 在小息時作過的每件有趣事 ... 搗蛋的事
看著別人對你們寫的字跡 雖然自己沒有為很多的人寫過感受 但是此刻 看著你們的玉照 都禁不著想要寫一千數百字 去形容你這個人
再看看你們的照片 o那些不知從何而來的怪異照 使我憶起曾經某個節日 某個生日 以前 過去...雖然你們身邊的o那個人都不是自己 卻仍然 仍然看得很開心 ...過去為某人某人生日的活動 為某節日某節日搞的Outing.也許都是無聊味道十足 卻發現原來都是能讓人仔細回味 想起你們每個天真的笑容 Gap味十足的句字 都令人想細緻品嘗 記起你們每個對我說過的話 說過的真心話 說過的感受 縱使我不是一個十分好的聆聽者 不是一個很好的知己朋友 你們對我說過的話都會珍惜的藏在心的深處...

每當想到這裏的時候 面上都已經滿滿的兩行...早說過 眼淚不應該輕彈 卻再想想以後的日子 能夠再開心快樂的日子都不多時...

祝各曾與小弟共享過開心快活日子的你都幸福快樂...

>>August 14, 2004 at 6:57:52 PM GMT+8

2004 年 8 月 11 日 星期三 【晴】

正式既放榜日...

沒有特別緊張既心情 就如同昨天 昨晚一般 早上與同學們在麥記共進早餐 各人自己各人的擔憂 幸而一些搞笑的事情為各人稍微紓緩一番

回到學校之後 接過了同學錄 稍事番閱便在課室等待...各人的心情都不一樣 有些很緊張 兩眼在未接過成績以前便已經通紅 或是有些男生如我般輕鬆自在 亦有緊繃著臉的 一切其實都一早註定...

開始派發成績單 沒有特別留意到什麼 就在不久只見啊恩攬著了大雯在哭 而之後課室都開始混亂起來 Fanny在接過成績單時已經眼紅 可惜的成績成就大局 後來又聽到Emma嚷著得13分 這邊好像很不抵的抱不平氣勢 那邊廂已經淚兩行...而Baba就飲恨11分炒中英文(事實上他其他科的成績還比我好 只要佢中英文合格已經可以升班) TsoiTsoi則見他眼水滾滾...看來是失大望吧...轉個頭發覺SiuSiu憑著Art有個B才剛好可以升班 Carman,MeiMei,Toto,Peach的成績只可以用慘不忍睹來形容...雖然Carman說過只已的成績都不會怎麼的一個好樣子 但是心中當然還是想著會比預期好一點的吧...誰知...所以喊都是預其之事

班中最好成績乃Cathy,21分使她安居樂業,而霜霜則12分...不過時間很緊逼 只得12分的我都不知道該如何是好 就打算先填上一份repeat的form...後來到二樓影印份會考分紙的時候 Emma不斷問我是否打算加入中六試升考慮之列 我起初都聽不明白 直至發現原來我full cert可以去駁下升中六才知道 便又立即到禮堂...後來又填了一份中六的form...當時Emma已經非常著急 明顯地心煩氣燥 直至我真正知道有5個人爭最後兩個位才明白原來不是一件樂觀的事情 就這樣排左很長時間的隊伍...反而在這時候有點著急 尤其是當最後5人爭兩個位 有我,Emma,雙雙,Jimmy同盧敏慧

縱觀大勢 分數的利益當然是Emma 同 Jimmy ,但係我同雙雙就Full cert...魚與熊掌 很難決擇 但再看多一點 Jimmy主科孖炒 看似機會甚微 而Emma修Maths group 無人爭 亦看似大機會成功...其實老師們就在不遠處在密密針 我地幾個就企o係度望著等 等左幾個字 這次係我唯一有點著急的地方 自己故然有勝算 可是又看似不大樂觀 但眼見Emma又開水喉 就當然希望佢得啦 老師們將大家的form都集合起來商量 你指著這個位在說 我又指著那個位在駁 其實個人來說以Bio Group的成績 我-6在Bio拿了個C所以才有丁點的信心 但是看著她們均指來指去都沒有指我那張 咁我對雙雙話 "佢地都唔指我o個張form既 我諗我應該都冇份架喇" 雙雙開玩笑話可以已經in左我呢 仲叫我去祈禱 咁我就真係低頭祈禱 希望主可以指導我去一條佢安排我走既路 如果唔得既 就即刻報原校repeat 去劉永生咁....

大概過了十二時的時候 佢地忽然叫我個名 第一個in左我 有少少意外 跟著就稍到Emma好緊張般 dum哂地....跟著發水老師就同我講 話我已經係最尾一個升到架喇 叫我一定要俾心機追 又同我講呢個位係用哂老師D酌情權先得 叫我一定要o係度讀 唔好waste左個位佢 呢個真係我自己都估唔到會發生既事...係啊 要追既野真係好多....自己乜料自己好清楚....不過就更加替佢地擔心...之後點知會in Jimmy 跟著係全部人都估唔到 o個時連我自己都變得好燥 係咁鬧佢啊....雙雙呢個時候同屋企人爹左兩句就閃左 而Emma就更加激動...我自己都替Emma唔抵 但畢竟我係羅左佢一個位 或者有如Emma所言 如果我唔升既話 就一定會升佢...咁我亦免得太貓哭老鼠啦 不過o個個時候真係太dun Emma唔抵 一估淚意直衝上眼 之後我亦不大好意思留在此地 不過係升得唔開心 一來係搶左Emma個位 二黎一聽到Jimmy升到我就好火滾....沿途不停鬧Jimmy ....

後來聽聞伍Sir可能會開多個位俾Emma...我真心希望會成事實...後來去雞記食野途中遇到細雞 又爹左好耐 之後隔離班既人又同我講 "你唔係去第二度讀咩" 呢件事好似全級連D老師都唔知點解個個都知....非常流汗...

番到屋企 同媽記交代下 點知仲要俾人話...真係好嬲好down好sad好火滾 呢頭Emma單野已經搞到我好唔安落 o個頭啊媽又不斷同我講你覺得升到上去好咩??? 一副要踢走我既模樣 佢完全不替我升到上中六感到有什何喜悅既情緒 次次都係咁 o係美國搵學校o個時又係咁 而家又係咁 我真係好唔開心 人地升班可以好開心 人地見到我升班會恭起我 但係我升班連一D既開心都冇 我贏到一席既學位卻連一絲既快樂都沒有 我既眼淚沒有在學校流過 卻反而灑在自己的床上....連用電腦的心情都沒有 轉個頭便在床上模模糊糊的昏睡過去

醒來之時 還以為是早上 看看手錶才知道原來連晚飯都沒有吃過 精神上出現了透支 害得連基本的理智都沒有....晚上的心情沒有怎樣的好下來 後來聽著千嬅的音樂 一邊看著同學錄 由C班開始 每番一頁 眼睛便不其然濕一濕.....

接過不少親朋戚友的來電 很差的心情只不過是應了幾句便草草掛線 媽又對我說堂兄弟一個14分在找什麼不知名的學友讀三年便可以大學畢業 而另一個雖然只有7分卻主攻旅遊發展 言下之意 只不過在說我這個沒有目標的人在虛度光蔭 聽在耳裏的我就更加壞心情 很差很差 人升班我升班 升到要俾人話 俾人侄...還有 媽在看報紙 還要我去看交流生計劃 我說不會去的 她卻說你可以汲收一下這方面的資料 其實她從來都沒有放棄過要把我送走...可惜她更加不明白我這個學位是毀了多少人的希望和心血淚水換來的 我跟本就不可以白白waste去....

我越來越憎媽子...

晚上十二時多與友人在樓下談天 一直去到兩點半 雖然大家久未見面 但是相信情誼未減 大家的話題雖然少了 但願仍然沒有關係變淡 妳仍然是唯一一個與我曾經互通逾百封信的"致"友...

我會為你們每一個有需要的人逐一祈禱 這是我現在唯一可以做的事情 我記得自己離開了神很久 直到前幾天我再做一次禱告求神指印我的路的時候 我哭了 你可以說我受了感動 亦可以說這是神跡...當你真正相信 願意打開心窗的時候 你真的會發覺祂就在你的心裏 你真的可以感受到溫暖 只有信靠 才可以得救 無論你是否真正的相信 當你真的到了走投無路的時候 儘管嘗試雙手合十 低頭祈禱 沒有特別的儀式 只需要把你想對神說的話都真正的說出來就可以...

爸說 : 你真係揀呢條路就要好好咁走 唔可以再好似以前咁讀書 首先你要執好間房 連間房都管理唔到就冇用架喇...=_=" (其實老爹同樣想我到外國 只不過他尊重我自己的決定罷了)

雖然我唔鐘意我媽 但我仍希望有神跡可以改善我倆的關係...

Aman

>>August 12, 2004 at 3:46:02 AM GMT+8

2004 年 8 月 11 日 星期三 【晴】

過左十二點 終於都踏入到二零零四年八月十一日香港中學會考放榜日

以前

不斷睇新聞 係咁見到人喊 係咁見D人又飛的又撲呢度撲o個度 心入面都唔知係D咩心情 可能係事不關己 而到左今年 終於都水浸眼眉勒 但係 點解D心情都係好似冇咩分別咁既

而家

兩點喇 仲有5個鐘就要起身 7個鐘之後就真正拎成績單...仲記得當其時5月考完會考 大家都仲諗緊點樣可以過到個咁長既假呢...而家再諗番 幾個月好似真係過得幾快 玩下悶下咁又過左 唔聲唔聲又到喇 過埋聽日 中五既生活就真真正正咁成為過去 睇黎都係時候整番個中五生涯回顧咁既野喇

未來

一個人既未來...呢個人既未來...無人可以真真正正決定到既...始終都係由自己一手一腳創造

無論點樣 都o係度祝福大家啦 ! ! !

>>August 11, 2004 at 2:07:02 AM GMT+8

2004 年 8 月 10 日 星期二 【晴】

放榜日前夕....

到了杜杜的家打牌 同檯的有baba,黃浩賢同埋SiuSiu....後來因為SiuSiu同黃浩賢都走左 so that Toto又call佢o個個工作中既老豆番黎打牌
見到Uncle咁nice咁好人咁friendly....我真係非常非常羨慕啊....佢媽媽又係D勁好人既人...D咁既父母可以去邊度搵ah....
珍惜 一直係各界都俾我既口訊 但係...我諗除非自己真係要經過失去 先會知道珍惜既重要性 失去 或者唔需要o係現實發生 或者 或者只需要o係夢入面好深刻既經歷過 就夠...

今日last day...不忘同大家都會聊到會考既事情 而Baba竟然話佢自己可能會喊...而更令我詫異竟然係認為我唔會喊 仲會好堅強咁面對...(好似講到經歷完唐山大地震咁...) 乜我真係一個俾人印象係咁堅強既人咩???

聽日 你可以話係聽天尤命 對某D人黎講可以話係十拿九穩...可是...我心諗自己可能只係得7分都絕不出奇 但係低過呢個數我諗真係會超失望...而心目中就梗係希望高過啦...所謂既咩睇低一線 心入面好過D 其實咪又係自欺欺人....

驚乜都冇用 而事實上其實心入面都幾平靜 係咪因為從來都冇期待過D咩呢...

感謝主 平靜是你給我的安慰...

>>August 11, 2004 at 1:56:49 AM GMT+8