2003 年 5 月 24 日 星期六 【晴】

之後等到十三收工先打比佢啦, 原來今日都發生左幾多事喎,
繼有個顛佬走o黎無啦啦鬧狐狸後, 今日又有自己人內訌搞到十三好煩呀,
雖然我無返到工, 但成件事都大約知係點o既...
Annie都真係幾委屈架喎, 最衰都係小健囉, 小健份人係點真係係人都知,
我都知Annie好無辜, 但最大問題係唔應該o係個客面前嘈囉,
如果唔係咁十三都唔會咁煩啦。十三猛話煩我又唔知點安慰佢喎,
搞到"nick"住個電話都唔知同佢講咩好, 最後連我都無晒心機同佢傾添。


佢放左工會約佢D經理朋友去飲o野、食宵夜, 佢D朋友都係做經理o既,
希望會幫到佢啦、希望佢食完宵夜唔好再咁煩、咁唔開心就好喇。

>>May 31, 2003 at 3:06:15 AM GMT+8

2003 年 5 月 23 日 星期五 【晴】

今朝返早呀, 十三一早過o黎接我食早餐啦, 之後再送我返公司。
今日發生左好多事、好黑仔lor! Simon無啦啦走落o黎做CER喎,
我又未試過唔知要點做架嘛, 衰晒, 佢問我十樣我九樣都唔識,
做唔到佢要求, 但佢可能知我part time啦, 都無咩點扣我o地間舖分,
呢樣係唯一不幸之中o既大幸啦。


之後晏晝同Johnny o係counter傾計, 好彩佢都係返早晒, 佢成日都話失戀,
搞到我都唔知點安慰佢好, 我知呀花係好呀, 但始終大家都唔識,
朋友都未做到咁可以點喎...


到左收工十三返左公司接我, 之後同左Johnny一齊去食飯飯,
Johnny都離唔開講呀花...又勁灰喎, 咪搵Do野搞下開心下囉,
之後食完飯就叫左Johnny同十三一齊去左唱K囉, Johnny就點晒D好慘o既歌,
唱到最中果一句就豎起隻手指手指指咁喎, 十三咪學佢囉,
Johnny唱唱下又大嗌Peggy, 真係比佢笑死喇! 點D sweet sweet o既歌啦,
Johnny又叫我同十三唔好咁對佢喎, 佢同十三又一齊顛, 笑鬼死我呀!


之後Johnny有"渣"車咪送我返去囉, 十三就搭車走, 咁佢就可以早D返到去訓喇,
返到屋企樓下仲同Johnny傾左好耐計添, 聽聽埋埋、傾下傾下都傾左成粒鐘,
成四點先訓呀, 聽日契媽、契爺又出o黎我屋企燒o野食喎, 都無咩時間休息喇,
星期一又返工喎, 仲要係返兩邊添...又要捱返一個禮拜先放假假喇。


仲有呀...聽日就係十三同音音三個月o既日子喇, 真係唔經唔覺呀!
呢三個月都發生左好多事, 有開心、有唔開心o既, 唔知仲有幾多個三個月呀,
不過要多謝十三啦, 多謝佢對我好囉。

>>May 25, 2003 at 7:04:08 AM GMT+8

2003 年 5 月 22 日 星期四 【晴】

今日我個麻煩老細話屋企有D事晨咁早就走左喇,
加上今日係星期五所以自自然然就無咩o野做啦, 勁正!
不過佢就留左好多手尾比我跟, 不過都無咩所謂啦, 去呀銀行呀、交下水費o者,
只要唔使對住佢我咩都覺得唔係問題呀!


之後我兩點幾就走左喇, 約埋呀珊做埋我要做o既公事之後就同佢去行街街,
仲買左條褲褲添, 之後到左五點就返左公司搵十三, 同佢行左一陣街就返左屋企喇,
我都有叫佢不如唔好出啦, 都唔知去得邊, 所以就無咩心機行囉,
但我知佢又驚我話佢唔陪我, 所以最終都出左去一陣咪返屋企囉,
十三就話我發佢脾氣...佢以為我嬲佢唔陪我, 所以猛同我say sorry,
佢真係一個傻佬o黎o架, 之後佢返到屋企就打比我啦,
同佢傾左一陣電話, 其實我同佢都有好多o野收收埋埋,
大家都無攤開過o黎傾, 所以咪咁囉, 總之我o地o既關係就有待改善啦!
唔知最後會變成點架, 盡左力都唔得的話都無辦法o架!

>>May 25, 2003 at 6:36:29 AM GMT+8

2003 年 5 月 21 日 星期三 【晴】

今日終於頂唔順喇, 真係"支力"到想死喇...所以都係打左比呀Lam請假,
但之後都無返到屋企休息, 同十三去左睇,
事關十三想睇呢套戲想左好耐, 本來預計聽日去睇架,
但十三知我唔返工就忍唔住即刻要去睇喇。
雖然十三同我都好"支力", 但佢話唔睇就會心思思訓唔著喎,
到頭來都係"支力"死, 咁不如睇完了左件心事好過啦,
所以咪陪左佢去睇囉, 雖然我都無睇第一集, 但係都無所謂啦。


睇完戲就即刻飛返屋企喇...沖完涼即訓, 之後原來Johnny搵過我都唔知道添,
我諗佢都係想搵我send message啦, 但我已經頂唔順去左教教豬喇,
真係唔好意思呀!!!><

>>May 25, 2003 at 5:06:10 AM GMT+8

2003 年 5 月 20 日 星期二 【晴】

今日要返P記呀, 十三又放假假可以去玩! 其實我真係極級唔想返工呀!
唔係因為十三唔使返可以去拍拖拖o既, 係因為我真係極級之"支力"呀,
呢排就算夜晚唔使返P記我都好夜訓呀! 都係因為要幫Johnny send message啦。
但係我又唔想呀Lam誤會我同十三顧住拍拖而唔返工喎, 所以都要頂硬上。


到左放工十三o黎左接我, 之後同左林仔、呀珊仲有Johnny去左飲o野,
大家都o係度狂傾狂傾, 雖然係"支力"但傾得好開心呀, 淨係飲o野都飲左粒幾鐘,
今晚都成十二點幾先返到屋企呀! 就快"支力"死我喇!


>>May 25, 2003 at 5:04:39 AM GMT+8

2003 年 5 月 19 日 星期一 【晴】

今日又唔使返P記呀! 仲好敗家地打的返屋企...加上朝朝都打的返工,
我份人工o既大部份都係用左o係搭車上面。
仲想早D返去休息添, 點知又做唔到, 返到去就開ICQ仲玩左成晚添,
之後又幫Johnny send message比果個女仔, 搞搞下都成點半先訓呀, 超"支力"呀!
今日開ICQ 識左呀花, 而呀花就係Johnny想識果個女仔喇,
我用自己個身份add佢同佢傾左陣啦, 都幾好傾架o番, 佢仲應該幾好人添架,
唔怪得Johnny咁傾心啦, haha...不過呀花講到明唔鍾意人呃佢,
唔知我咁做算唔算呃佢呢?? 如果可以我都想同佢做下朋友o既, 佢都幾nice丫!


又同健健同Henry傾, 好耐無同佢地chat喇, Henry就好想搵個女朋友仔,
希望佢唔好咁灰、快D搵到個又靚又好o既女朋友仔啦。
另外, 除左問下呀健o既近況之外, 仲問左佢識唔識得個同事叫細Joe呀,
從呀健口中得知細Joe今年又係o係柴灣度做,
咁各位朋友仔要約去游水減肥都唔好約我去柴灣呀唔該! hehe ^^
其實都唔係因為D咩o既, 不過有得揀唔撞好過撞到囉。
健健就超正啦住柴灣又o係柴灣返正喎, 想羨慕死我咩...
如果我份工可以好似佢果份咁近呀, 我諗我車錢都慳返唔少呀!


仲有呀! 真係好唔公平架...點解淨係得love13.com但就無love15.com丫,
對十五真係好唔公平呀! 點解淨係得[email protected], 但就無[email protected]喎,
仲要唔知十三點亂打亂撞之下搵到呢個網喎...十三話係因為要十五鍾意十三多D喎!
唔公平唔公平呀!咩都偏心十三o既,Ha~ 十三真係衰呀! ^^


>>May 25, 2003 at 5:03:42 AM GMT+8

2003 年 5 月 19 日 星期一 【晴】


唉~原來呀盈講果份part-time咪就係傳銷囉, 勁灰! 其實之前我已經覺得係架喇,
但佢又唔認, 尋日收工十三打比我, 我講左比佢聽話有朋友介紹工比我...
佢聽完都覺得應該係傳銷, 佢仲千叮囑萬叮囑叫我自己小心唔好上當添!
點知真係中晒喎! 我唔係話覺得呢行呃人...但我覺得唔o岩我、我做唔o黎囉,
見到呀盈真係搵到我都真係戥佢高興囉, 但呢D錢我怕我真係搵唔o黎呀!


之後終於返到屋企喇, 十三電話就到喇, haha...次次都係咁架啦! 勁"橋"呀!
佢打o黎我就即刻同佢狂講我點慘、點"支力"啦, 好似受左好多氣咁猛講,
跟住十三同我傾左好耐計呀, 佢猛咁聽我講又開解我囉,
聽佢講完我都無咁辛苦、 開心返D, 真係唔該晒佢呀!
傾到成十一點幾, 十三係o係公司打比我架嘛, 十三顧住同我傾都仲o係公司未走喎,
咁咪收線囉...^^之後食完飯飯就教教豬喇, 今日十三講左好多道理、
解釋左好多o野比我聽呀! 真係多得佢咋!!!

>>May 25, 2003 at 5:02:58 AM GMT+8

2003 年 5 月 18 日 星期日 【晴】

今日老豆生日呀, 唔經唔覺佢都成四十幾歲喇, 其實佢都算勁架喇,
佢一個人捱起成頭家, 雖然屋企唔算有錢, 但都算係咁啦,
雖然老豆份人幾好但日常同佢吵吵鬧鬧都少不免,
不過大家都要返工, 見面、相處時間都唔多, 都無咩磨擦o既,
希望佢身體健康、生日快樂啦, 我都好想有能力等佢唔使咁辛苦架,
可惜我又無咁叻...無用到死! 不過今晚佢放左工仲要返學呀, 都同唔到佢食飯lu。


而我今晚可能會去呀盈公司見工, 暫時希望係搵過份part time啦,
十三都唔想我做P記, 有我o係度佢唔多唔少都會有D分心,
佢又話無論做D咩事佢都有顧慮, 所以佢都唔想我做P記好耐喇,
我唔辭職佢就唯有等公司cut人, 或者我出去搵過份工都係一件好事o黎o既。
我都擔心緊過多一個月我做返無業游民喇, 而家咁難搵o野做都唔知點算好喇,
我又唔想再續約喎, 我覺得o係呢度好浪費時間呀, 又無咩學到喎,
我真係唔想再留o係度呀! 完左contact有份工做住先點都好D丫! 希望搵得成啦....


>>May 25, 2003 at 5:01:29 AM GMT+8

2003 年 5 月 17 日 星期六 【晴】

今日訓得唔係咁好咋, 半睡半醒咁又發夢喎, 個夢仲要好得人驚架,
唔講比人聽又好驚會變成真喎, 但想講又唔知可以講得比邊個聽好,
好hurt架, 醒左仲有D眼濕濕添, 訓得又唔好又要返早,
好彩今日有呀珊陪我咋, 不過都幾"支力"呀! 仲要拍呀Lam喎,
呀Lam一定嫌我同呀珊嘈o者, hehe...


之後十三返夜, 都OK啦, 但後尾佢叫我同呀珊走喎,
但我又唔想喎事關我好似無咩心情咁, 想一個人靜下,
到最後我咪無同呀珊走又無等十三自己走囉。


點知十三打比我搵唔到我, 之後我o岩o岩返到屋企佢就打o黎喇,
佢打o黎就係話人地做咩走左去唔等佢喎。
o係佢o既立場就話我唔陪呀珊就應該等埋佢啦, 點知我又無咁做,
但我點知喎...點知唔同呀珊一齊就要等佢喎, 又係佢叫我陪呀珊o既,
咁我想一個人咪叫呀珊唔使等我之嘛。就係咁搞搞下十三都"炆"我,
佢話佢呢排都幾黑仔又唔開心, 點知我又唔o係佢身邊喎...
話覺得個種感覺就好似呀麻走果陣咁, 以為我唔搵佢喇喎, 佢真係傻架!
我話唔該下次講清講楚啦, 我唔想下次又係咁喎!
之後同佢傾傾下就無事喇, 不過今個禮拜就慘喇,
我放假十三就返工, 我返工果日十三就放假所以陪唔到、仲見唔到十三喇,
但咁都真係無計啦, 邊個叫個更表編得咁絕喎! 唉~都唔知點算喇!


同十三傾完電話之後, 今日又繼續代我個朋友仔Johnny用ICQ同佢想識果個女仔chat,
但我都唔明果個女仔o既, 又好似比機會、又唔睬人、唔應人喎, 咁即係點o者,
Johnny又勁Down喎話自己呢排頭頭撞著黑, 勁灰喎!
雖然我係眼訓, 但都要幫佢一把o架, Johnny唔識玩ICQ,
個女仔就偏偏比個ICQ No Johnny, 叫Johnny send message 比佢喎,
但send 比佢佢又唔覆, 都唔知想點呀! 我都好戥Johnny唔抵架!
不過我覺得今次Johnny好似有點兒唐突! 都唔知成唔成功呢?
希望佢掂啦!




>>May 25, 2003 at 5:02:06 AM GMT+8

2003 年 5 月 16 日 星期五 【晴】

今日返夜呀! 今日都唔記我有咩特別o野發生過lu, 日日都差唔多架啦!
不過呢排十三好似幾黑仔囉, 今晚埋數無啦啦manual條數同電腦又唔match喎,
但又搵唔到邊度出錯喎, 所以搞左都幾耐呀! 搞掂先去食飯飯同睇戲,
今次睇左《向左愛、向右愛》, 雖然都幾感動...但都未至於要喊生喊死架,
但十三就話我冷血、無動於衷喎!


我最鍾意就係個男主角開頭第一次見面就對女主角一見鍾情,
男主角為免錯失機會就即刻同個女仔表白左, 點知令到個女主角好反感,
為左向個女主角道歉, 所以即刻專誠買左個鐘&將個時間撥後左一個鐘頭,
跟住同個女主角講希望可以時光倒流去一個鐘頭前,
佢無講過令到個女主角好反感果段說話, 仲話下一次見面就同要個女主角做朋友,
車太賢個樣超好笑! 呢幕就好好笑、好sweet sweet啦!


到左後尾男主角同女主角仲有一個角色係女主角o既好朋友都做左好朋友,
但女主角後來病死左, 佢死o既時候就得唯一呢個好朋友o係佢身邊,
佢o地o既友情感動之餘, 女主角個好朋友都將靈堂上個鐘都"nick"左o黎發洩,
佢可能係因為鐘意個男主角o既關係啦, 都比個男仔影響左,
學個男仔咁打爛左個鐘, 同樣將D時針逆行, 希望時光倒流返去佢朋友未死果陣。
今次呢幕就好慘好慘、好sad好sad, 所以最深刻、最鍾意呢個對比喇!
如果我都有個咁好o既朋友就好喇。


同埋呢套戲有好多白痴但好有意思o既兒時玩意架,
搞到十三都話要學佢地喎, 以後我就叫呀Dick; 佢就叫呀音喎! he ^^


>>May 25, 2003 at 4:57:35 AM GMT+8