2003 年 4 月 1 日 星期二 【陰】

今日音音偷懶無返工工呀!!!
亦應該話今日音音儲心積累今日唔返工lor!!!


音音尋日唔記得帶電話呀, 搞到個個都搵唔到我,
又搞到我個妹嘉怡幫我做接線生,hehe...


尋日下晝四點放工返左屋企無耐, 十三就打o黎搵我喇,
咁尋晚音音要返工, 十三又返早喎, 照常理應該都見唔到佢o架啦,
點知十三放工五點幾買左o野食"nick"o黎音音屋企比音音食喎,
之後返左屋企陪屋企人食飯飯, 食完飯飯又出o黎接音音放工去食飯飯喎,
真係辛苦晒呀! 唔怪得呀媽話我o地使唔使咁痴纏啦, hahah....


一放工佢就坐左o係門口等我喇, 可能費事入o黎見到Eddie唔係咁好卦,
之後行過鯉景灣果陣撞到家雄喎, 之後又撞到神童輝,
佢o地見到十三拖住音音喎, 穿晒煲添! ^^


之後去左一間叫Belia o既餐廳食飯, 果間應該算係一間意大利餐廳o黎o架,
氣氛同情調都幾好丫, 可以靜靜地食下飯、飲下o野、傾下計, 不過餐飯飯好貴lor!!!
同埋Do野食雖然都幾好食, 不過啖啖芝士實肥死呀!


佢帶左D相比我睇呀, 同埋傾下計咁啦, 佢好掛住佢麻麻呀, 都唔知點講,
佢淨係話我未經歷過係唔會明, 可能佢講得o岩。
但十三果時都教我啦, 做人唔可以向後望o架嘛,
雖然我都成日諗起佢呀麻, 成日諗呀麻而家o係邊呢、成日諗呀而家點呢、
成日諗成日諗...但都已經走左咯, 十三唔好唔開心啦!


之後返到屋企又點幾喇, 到今朝又唔想起身返工, 所以乘機偷懶...hehe...^^

>>April 2, 2003 at 9:19:57 AM GMT+8

2003 年 3 月 31 日 星期一 【陰】

點解呢個世界好似越來越亂咁o架? 好似好快就世界末日咁喇!
個個都唔開心, 又非典型肺炎搞到人同人多左層距離,
一陣間又打仗, 無日安寧, 一陣間又有人厭世好人好者快去自殺,
搞到好似好灰咁好辛苦o架o番!!! 希望唔好再有唔開心o既事發生啦。




>>April 2, 2003 at 4:54:42 AM GMT+8

2003 年 3 月 31 日 星期一 【陰】

尋日音音好都慘慘o地呀, 好似搶左人o地個仔咁! 比人怨死喇~


尋日十三送完呀麻返大澳話出o黎搵我o架嘛, 點知趕唔切都算啦,
放左工我咪落左銅鑼灣買左飛先囉, 點知十三又話佢屋企人叫我去佢屋企食飯,
我都唔知佢想點, 問我我又其實無咩所謂o既, 不過呢期勁醜樣呀, 點去喎!
咁我買完飛先得果四點半, 場戲八點先開, 打比十三佢就叫我自己行住街先等佢喎,
一個人叫我去得邊喎, 咁我再打比佢佢話要五點半先到, 咁我咪話咁我返屋企先喇,
晏D先出過o黎啦, 佢又唔使趕、我又唔使等, 都唔係唔好丫。
佢聽完我咁講就話人o地等佢一陣都唔得, D態度又即刻衰晒喎,
同佢收左線都興興o地o架, 仲諗住大不了咪唔出囉!


之後搭地鐵返到筲箕灣佢就打o黎喇問我o係邊, 我話返緊屋企囉,
佢話佢出緊o黎去我屋企搵我算帳, 佢話頭先無諗住返屋企仲諗住應該趕得切出o黎,
但佢同佢呀爸呀媽有好多o野『nick』咁無理由走左去,
佢話果幾袋o野袋袋都有我咁重, 咁就幫佢呀爸呀媽搬o左返屋企先再出o黎,
咁我又唔係嬲佢, 佢就猛咁話人, 我只不過話晏D再出過去之嘛。
之後佢話今日呀麻出殯呀, 佢屋企人想佢o係屋企食飯所以叫埋我上去,
佢話我點解唔去佢度, 我唔上去, 佢就出o黎搵我搞到佢呀媽發脾氣,
總之就全部入晒我數啦。


本來都無咩mood o架喇, 但講晒出o黎又無咩喇,
加上十三呢個衰人打比人話落錯車唔知自己去左邊,
咁大個人喇少少路都唔認得, 笑完佢我咩都唔記得晒喇。
教佢點行過o黎咪出去截佢喇, 諗住佢實行到都好熱啦咪買定o野比佢飲囉,
比完錢就見到佢行到o黎喇。
之後大家都無咩點提頭先o既事, 去左睇《玩串婚後事》,
套戲都幾搞笑o架, 笑到佢傻左o係度係咁狂笑。


睇完就去左Anytime食飯飯, 原來佢有個friend o係果度做, 佢咪順便去探探佢囉。
食食下飯, 佢就講左好多o野比我聽, 佢話我成日都唔睬佢、唔理佢、
又話人o地唔鍚佢、又唔鍚佢屋企人、成日發佢脾氣, 我話既然我咁衰咪叫佢揀過囉。
其實佢肯咁話我都唔係話唔好o既, 至少佢會講真心話先啦, 唔會咩都收收埋埋,
再搵下方法大家可以點樣相處囉, 不過我都唔想成日話嬲、話唔開心呀!
咁o既日子真係會好難捱o架!!!

>>April 2, 2003 at 4:47:26 AM GMT+8

2003 年 3 月 30 日 星期日 【晴】

今日十三又要好早起身喇, 佢今朝五點就要起身送呀麻返大澳。
呢幾日佢都訓得果幾粒鐘, 都唔知佢頂唔頂得緊呀!
不過聽佢把聲應該都無咩事o既, 都唔會好似之前咁擔心佢唔開心喇。
反而而家係擔心佢休得唔夠多Do者。
佢一陣會上o黎接音音收工呀, 都唔知佢夠唔夠訓o架!
聽日佢又要返工喇!


今日又見到K.Ying呀, 上星期五就同呀馬就o係office狂傾, 傾足一個上晝,
今日K.Ying 每考完一科都有個Break o架嘛, 今次就係 canteen 傾, 傾足一個 Break。^^
可能真係太耐無見喇, 上星期五又無咩時間同K.Ying傾, 淨係同佢& Ma一齊食飯飯,
今次都係傾返D近況啦, 好快佢又要考第二節喇, 不過聽日又見到佢喇,
都係見埋聽日咋, 之後又要自己一個人悶悶lu, 慘慘呀!

>>April 2, 2003 at 4:42:20 AM GMT+8

2003 年 3 月 29 日 星期六 【晴】

今日好勁呀, 咩都無做過o係屋企狂訓, 做懶訓豬!


可能因為尋日夜訓啦, 成五點幾先訓, 今日一訓就訓到十二點幾喇,
之後食o野, 食完o野就自己做左個mask同埋寫左篇日記,
之後又去左『教教豬』, 個mask最少要敷半粒鐘, 雖然無話最多唔可以超過幾多個鐘,
但我敷完之後走去訓, 足足敷左三個幾鐘訓左唔記得左洗,
好彩塊面又好似無咩敏感咋如果唔係都唔知點算。hehe...^^


之後三點幾迫於無奈一定要去洗白白, 因為今晚要返P記丫嘛,
今晚都唔知咩事, 勁旺喎, 狂聽電話, 狂講o野, 最慘就係要帶口罩呀!
帶住個口罩勁焗, 又要猛講o野真係勁辛苦呀!
好唔容易先清晒D單、計數、埋數、數錢...最後終於捱到收工,
好彩今日o岩數咋, 唔使左搵右搵邊度出錯, 又好彩今日拍呀珊收尾,
有佢幫我手計其他數咋, 如果唔係真係有排我計呀。


之後同左呀珊去左食飯飯, 食完飯飯又返屋企『教教豬』lor。
好似訓極都唔夠咁o既! 本來睇中左個袋袋想出去睇下個實物o架,
但後尾都係淨係顧住訓無去到添!

>>April 1, 2003 at 9:53:44 AM GMT+8

2003 年 3 月 28 日 星期五 【陰】

今日諗住見唔到個傻佬o架啦, 點知今朝一早佢就打過o黎屋企接我再送我返公司喇。
同十三食完早餐佢就送我返工, 之後再去搞呀麻出殯Do野。
今日由開舖踩到收舖呀, 又得我一個人返早喎, 都幾鬼悶o架!
不過今日都OK啦枕住都有生意做, D時間都唔算難過。


到左收工十三返左公司接我, 之後同左狐狸同小珊珊去左東輝食飯,
其實都無咩共同話題o架, 不過有狐狸都唔會有悶場o既,
狐狸講Do野我都有D get 唔到呀, 講完諗多陣或聽佢o地講多兩句我先明,
嘩...我D轉數真係慢到唔使恨呀! 仲比人話我蠢添呀! ><


仲要一入到東輝就比我見到呀馬、顏烈源同埋保險界巨子 Kenneth 添呀,
真係諗都諗唔到會撞到佢呀, 好耐無見喇, 仲要聽聞佢搬左入 tuen mum o架,
咁都撞到都有少少出奇, 之後同佢o地打左個招呼咁囉。


之後食完飯, 同十三落左尖咀華懋睇《The Life of David Gale》,
套戲都OK啦, 不過要睇到最後先可以組織返之前o既內容囉,
所以開頭都有少少唔知佢想講咩o架。
但睇晒成套戲就明白晒啦, 同埋D位都講得通o既, 所以都幾好睇丫。
我o地睇一點八果場睇完都成三點九喇, 佢聽日仲要九點鐘起身添,
實"支力"死佢喇。之後返到屋企都成四點半,
搞得o黎我都成五點先訓, 臨訓前打比佢佢先返到屋企無耐咋,
佢沖得涼o黎都訓無幾多個鐘, 都唔知佢今日點捱呀!!!


今日仲好瘀添呀! o係條街度同佢玩, 佢一手扯住人粗魯到死,
o岩o岩撞埋佢度佢咁o岩行喎, kick 一 kick 我企唔穩就成個跣低左喇。
比佢笑都笑到面黃呀...笑到佢坐埋落地呀, kick 完人仲要笑人、串人碌街喎!
十三真係衰到死呀!!! 無人性o架!


今日都同佢有少少唔知點咁, 都係因為睇戲囉, 我唔想佢咁夜都唔訓,
聽日咁早起身, 所以開頭話唔睇o架, 咁睇唔成都有少少覺得無聊o架,
專登搭車出到o黎又要返屋企, 無咩點出聲囉。
十三就話人o地嬲佢, 我都唔係! 之後又拉返人o地轉頭去睇戲, 仲話我成日發佢脾氣添!
都唔知點講, 我又真係唔係嬲佢, 我都唔想佢辛苦o架嘛, 係有少少無咩心機之嘛,
佢話佢都有嬲我o架, 嬲左三分鐘喎之後就無事喇。
佢又唔明我想點, 就話我嬲佢, 我又唔知點講, 無心機果下就咩都唔想講o架啦,
好彩最後都無事, 都係因為我碌街囉, 碌完同佢笑到咩都唔記我晒。haha...^^

>>March 30, 2003 at 4:23:46 AM GMT+8

2003 年 3 月 28 日 星期五 【陰】

呢幾日都見唔到十三o架喇!


佢今日要o係殯儀館準備d野, 聽晚要幫呀麻守夜,
後日就出殯同埋送呀麻返大澳上山。


所以佢呢幾日都唔得閒o架喇, 見唔到都唔緊要啦, 費事佢辛苦丫嘛,
佢又住得遠喎, 搭車都『shine』晒d時間喇。
我反而驚佢唔開心咋, 雖然佢話搞掂晒反而會輕鬆d, 佢又點會捨得呀麻丫!
陪唔到佢就點都會擔心佢o架喇。所以都唔知點算又唔知佢會點添o架....>< ~
好擔心lor!

>>March 28, 2003 at 12:00:26 PM GMT+8

2003 年 3 月 27 日 星期四 【晴】


尋晚最終都無出去食飯飯又無返屋企同屋企人食飯飯添!
呢期真係有異性無左人性添!


尋晚細佬最後都係決定左唔出去食, 但就 order 左 pizza 返屋企食,
而我本來話返去同屋企人一齊食飯o架, 事關都無諗住見到佢。
係後尾男朋友仔搞掂晒佢呀麻D o野先上o黎接我收工,
所以先走左去拍拖拖無返屋企食飯之嘛。


之後我o地去o左油麻地行街街, 行行下又去左廟街,
去玩左鋪塔羅牌占左一年o既運程。不過都唔知準唔準o既,
幫我占果個人叫常歡老師, 佢話我上半年健康唔係太好啦,
又話有貴人呀、工作上都OK啦, o係感情上叫我冷靜d、唔好咁花心喎。
又話有d野要靠自己把握、要知足, 唔惜珍惜失去左就搵唔返個咁好o架喇喎!
下半年運程會好d囉, 但就唔係咁記得佢講咩lu。
呀常歡老師又幫我同佢睇左少少相, 話佢係聰明仔喎,
不過早年就財來財去喎, 晚年就會好d。
而我就ok啦, 佢話我d牙就唔係咁靚囉, 其他都幾好o既。
之後又玩左個雀仔估我性咩果地灘, 都真係估得中o架喎,
兼且求左支簽, 支簽求自身o既。
解簽果個婆婆同常歡老師講d野都差唔多o既, 不過準唔準就係未知之數喇。


之後同佢去左Spaghetti House 食飯飯, 最後就去左搭船船返中環喇。

>>March 28, 2003 at 11:59:05 AM GMT+8

2003 年 3 月 26 日 星期三 【晴】

今日佢一早又要入大澳幫佢呀麻搵地呀,
尋晚又整到咁夜今朝一早七點就要入大澳,
入到去又要跟住個風水師傅周山走, 辛苦晒呀!
打後呢幾日都見唔到佢o架喇, 佢要忙佢呀麻o既身後事,
我就日日都要返工, 唯有見少D啦, 最緊要唔好咁辛苦呀!
佢話佢呀媽叫我去上住香比呀麻喎, 但佢又話驚嚇親我唔比我去喎,
咩都係佢講晒, 不過無所謂啦, 來日方長有機會o既,
至緊要佢呀麻唔好怪我就得喇!

>>March 28, 2003 at 11:57:43 AM GMT+8

2003 年 3 月 26 日 星期三 【晴】

尋晚返工真係笑餐死呀, 呀彬同林仔兩個一唱一和串佢喎,
仲要全部玩爆肚, 想笑死人咩! 雖然個個都知我同佢拍緊拖,
但佢o地個個對我都算係咁o架喇, 都唔會點串我, 淨係串佢之嘛。hoho...^^
佢比人串到無聲出又話返呀彬同林仔, o係度猛玩猛笑。


加埋有Annie陪我先無咁悶咋! 原本尋晚係得我一個人返夜o架,
星期三除左要做 cashier 之外又有好多數要計喎。
但尋晚佢返夜, 佢話驚我辛苦所以叫左Annie返o黎幫我計數,
我就淨係埋cashier果條數。都唔知話佢鍚我好丫定係我真係咁無用好!
但真係好鬼邪o架喎, 兩日拍佢做cashier兩日都唔o岩數o既,
我真係覺得我都真係幾失敗o架喎! 但佢成話我無用、蠢呀、論盡呀...
雖然呢D有時都係事實, 但我又唔順氣喎! 死未!


之後收工同佢去左吹水站食飯, 今日Annie同佢猛話我面色唔好睇,
好似面青口唇白咁, 其實我都大概都知係因為咩事, 但我都無辦法o架。
佢食飯果陣就猛塞我食o野, 想肥死人咩! 我又無咩胃口喎,
佢就猛咁話我面色唔好要食多D, 但佢自己又唔食喎! 淨係顧住飲酒!
唔怪得佢咁大個肚dum呀! 不過飲左酒佢真係好似轉得慢左D喎,
有少少語無倫次, 比我狂捉到佢痛腳猛笑佢!hehe...



>>March 28, 2003 at 11:56:28 AM GMT+8