2003 年 12 月 14 日 星期日 【乍雨乍晴】

今日放早, 放左工同Peggy去左銀行入票啦, 仲叫Peggy教定我點搭車入香港仔,
事關Peggy個BF住華富村架嘛, 佢成日都會有機會出香港仔, 唔問佢問邊個喎,
Peggy仲好好呀, 佢幫我打比佢BF問之外仲帶我去睇邊度有咩車搭呀,
邊度有站呀、邊架會近利港廣場呀等等...真係多謝Peggy仲有文俊哥呀!!!


之後就約左13 o係西灣河等, 之後就同13、Peggy去左挪亞方舟食TEA,
食完TEA就同左13去左香港仔間舖實地考察, 一去到見到果面個A.M.亞寶,
就係因為亞寶辭左職, 所以今次Simon先會調左13入去咋, 仲要13 part果兩個都係女經理o黎架,
唔知難唔難頂架呢??亞寶帶左13去行下間舖, 而我就自己坐埋一面等,
其實都幾無聊架我, 不過我都想知13o係D咩環境度做野, 又想陪下13先同佢一齊去咋,
睇完一輪, 之後就同左13出左去旺角行街, 之後13就叫我去左佢屋企度訓,
事關佢同我聽日都放假假嘛, 遲D都唔會有D咁o既機會架喇。

>>December 16, 2003 at 6:32:55 PM GMT+8

2003 年 12 月 13 日 星期六 【乍雨乍晴】

今日放假假, 一早起身去左同亞婆、亞姨仲有亞爸、亞媽、細佬去飲茶,
之後仲去左shopping添, 但都係行左一陣間咋, 事關我尋晚睇碟睇到成四點,
訓得幾粒鐘又要起身去飲茶喇, 所以行無一陣都唔想行lu, 於是就返屋企恰左陣,
事關我今晚仲要返P記嘛, 仲應承左13會去接佢放工工添。


之後4點就返左公司搵13, 之後同13去左食TEA兼行左陣咁啦,
諗住佢聽日返早無得見嘛, 所以咪爭取下時間囉, haha...
點知6點鐘13送完我返公司之後去左做GYM, 做完GYM佢返左公司等我。


我又好好彩喎, 今晚P記勁旺, D 1.25L o既Pepsi又賣晒喎, Eddie就叫左我出去買,
仲要一買買5支添, 試問我一個人點瀝丫, 但無計都要頂硬上架喇,
果陣時咁忙唔通我搵多個人陪我咩, 根本無可能架嘛, 咪唯有自己一個去囉,
點知搵晒太安樓o既shop都唔見有Pepsi賣喎, 真奇怪!
之後咪唯有再返公司睇下點辨囉, 點知就撞o岩13返o黎,
13知道我要出去買D咁重o既野就第一時間幫我頂左, 變左佢幫我出去買,
真係多得佢及時出現咋, 如果唔係Eddie要我行到去頗遠o既super market買都咪話唔死呀!
仲要多得13咋, 辛苦晒。


之後放左公就同13去左扒王之王食飯飯, 食完飯就返屋企喇。

>>December 16, 2003 at 6:20:52 PM GMT+8

2003 年 12 月 12 日 星期五 【颳風】

尋晚夜訓搞到今日唔願起身, 結果返夜都遲到!!!
返到公司就比Super Anita"娥"左我一輪, 事關我一返到去同佢say sorry果陣唔夠凝重卦,
佢就話佢覺得呢件事一D都唔好笑喎, 話我好笑笑口咁款喎, 吹漲!
唔通我喊晒好咁同佢講野佢先開心咩??不過事後佢都無咩野, 咁我咪又無咩囉!


收工果陣, 我同Peggy、May May、Ricky、Jess同CS果面一個女同事同Lift,
點知Ricky突然間見到地下有包野喎, 之後佢就問佢旁邊o既May May係咪跌左野啦,
點知當時企o係May May另外一邊o既我又八喎, 咪裝下係咩o黎架囉,
唔望都還好, 一望完個反應快到收唔到口, 驚死人唔知果包係咩o黎咁,
o係架Lift度大大聲話M巾呀!!! 跟住Ricky話佢都知係M巾, 咁邊個跌左呀咁問喎,
跟住May May即刻話唔係佢啦, 之後Peggy又好驚比人懷疑咁猛話自己唔係用呢隻牌子喎,
May May又話佢又唔係用呢隻牌子, 佢用開咩咩牌子咁o係架Lift度開始o黎料喇,
haha...之後Ricky即刻制止佢地兩個, Ricky著晒燈咁話佢唔係太想知你地用咩牌子囉。


真係唔知Ricky使唔使咁都著燈呀!!!講下M巾o者, 面都紅埋, 真搞笑!

>>December 13, 2003 at 5:15:16 PM GMT+8

2003 年 12 月 11 日 星期四 【乍雨乍晴】

我地公司Family First係由兩間美國大o既上市公司組成,
一間叫WR Berkley Coroperation, 而另一間叫Northwestern Mutual Life International。

今日就係Family First o既總裁同WR Berkley o既總裁過o黎探訪o既日子,
搞到全公司上上下下所有員工無論返咩Shift, 放咩假都好都要全部8:30am返晒公司,
最慘o既就係今日小音音係返夜架, 無啦啦都要晨咁早返公司開Meeting,
個總裁Bill Berkley仲要每個員工都頒一個扣針、握手仲要影一張相囉,
搞左一輪, 仲要係我地call centre個部門排到最尾, 其實個Meeting就好少時間咋,
但我地足足搞左成個幾鐘。開完Meeting就放工, 之後到下晏15:00又返工囉, 勁無聊!
搞到果幾個鐘都唔知做咩好。


好彩o既就係有13車我返工囉, 唔使我咁早起身可以訓多半個鐘。
個Meeting開到10:00am到啦, 原本話要踩whole o既Peggy又話唔使踩喇,
咁咪同埋13仲有Peggy去食早餐囉, 食完早餐, 13就去做GYM,
我就同Peggy去左搭van仔返屋企恰多陣, 之後15:45又返工。


之後放左工我約左13今晚去睇戲, 但我今晚咁o岩又唔使OT,
咁咪返西灣河搵13囉, 好啦又同Peggy去搭van仔。
返到西灣河撞到亞馬同顏烈源, 咪同亞馬傾左兩句囉,
之後等埋13放工又去左搭van仔返銅鑼灣,
好喇去睇完《無間道III》又去左搭van仔返屋企。


回想起...今日我就係咁不停咁搭van仔搭van仔...
但來來去去都係銅鑼灣 ~ 西灣河 ~ 筲箕灣...
我都唔知想點, 覺得自己好似係咁兜轉咁...搭到我都開始覺得煩喇!

>>December 13, 2003 at 5:14:22 PM GMT+8

2003 年 12 月 10 日 星期三 【颳風】

13好快就要調去香港仔喇, 音音好唔捨得佢呀, 以後我地會少左好多時間見架喇!!!><


呢排13都猛咁同D同事, 例如:文仔、亞健、Ivan、亞偉等等...去食飯、打機,
佢話遲D好少再有咁o既機會架喇。


o係今晚就輪到同細佬去食飯飯, 細佬真好係搞笑架, 好斯文、好怕醜咁款,
唔聲唔聲, 見到我同13講笑玩下串, 就淨係識得笑, 不過咁都好o既,
起碼細佬都係一個好人, 純純品品咁唔會害人都幾好丫。


不過好快就會好少呢D機會可以一齊食飯、一齊返工、一齊放工去玩o既機會架喇,
就算係我同13都少左好多機會見面架喇, 所以都唔知點算喇,
我真係好唔想好唔想13掉走架, 雖然唔係太關我事, 但一向都有人話,
如果有下屬同個經理拍拖, 通常都唔可以做埋一間舖架。
但如果有得揀, 我寧願我辭職13唔調走; 好過我繼續做, 13又要調走呀!!!
因為13咁樣調走左, 13返工又遠左、又少見左、工作又多左, 大家都辛苦左...


13話佢自己就住北區、佢返工就返南區、我就住東區, 玩晒野咁囉,
唔講唔覺得香港原來都大大地架, 而且交通都唔係話咁方便, 一諗起咁就煩喇!!!


所以我勁勁勁唔想呢件事發生呀!!! 不過唔想都無用, 13做埋14號,
15號就正正式式last day調走喇, 16號放假假, 到左17號就要返香港仔喇...唔制呀!!!><

>>December 16, 2003 at 6:03:54 PM GMT+8

2003 年 12 月 9 日 星期二 【陰晴不定】

今日Sick Leave!!!

今日小音音好曳曳呀, 真係扮病Sick Leave喎! 打俾Anita果陣佢仲要套我講野囉,
問我地尋晚食飯飯D野, 其實分明就一定係講公司野架啦, 咁點丫??


但我發覺Sick Leave o既代價都幾貴架, 首先會比人扣人工, 之後仲要去睇醫生,
就係因為Sick Leave就用左幾舊水喇。但今日Sick Leave唯一好處就係有時間去買野,
事關聽日要踩Whole, 星期五仲要有3隻鬼(總公司總裁)o黎踩場囉,
如果今日唔係Sick Leave有時間去買套U要有o既野, 例如褲、外套等等,
我都唔知星期五可以著咩呀!!!


不過今個月要儲錢就要加倍努力喇!!!>~<


今日原先我有7個Booking架, 但今日聽Anita講Show得一個咋, 都唔知有無搞錯呀!
聽日仲要踩whole添呀, 又唔知罰企要罰幾耐喇!

>>December 10, 2003 at 3:51:42 PM GMT+8

2003 年 12 月 8 日 星期一 【陰晴不定】

好低B! 真係好低B呀!!!


今朝一返到公司就係個黑面ACM~Ricky 做Briefing, 個樣真係黑到呀, 超衰!
佢話今日個target係5個Booking, 仲係每個鐘一個Booking添, 邊有可能丫。
點知仲要絕到做到Booking先可以坐低囉, 勁變態呀!
一開波發覺個Script, 可以話係越改越衰呀, 個內容係勁隱晦囉,
我成朝都Book唔到一個呀, 之後到左11點幾要開Project Meeting,
D Super叫左我、Hata、Emily、Regina同Kelly出去做Call Centre代表囉,
之後開完Meeting返入去打左無耐先有第一個Booking咋,
不過都由8點幾企到12點呀, 都唔知想點囉, 條頸又勁痛囉,
事關成朝烏低身睇個Screen丫嘛, 仲慘過比人打左一身呀!


到左收工就同左Peggy去左行街街, 行左一陣就去左Join班同事仔食飯,
事關今晚約左Mavis、Vanessa、Kennis、Peggy、Charles同Darryl去香格里拉食Buffet,
雖然成晚都係講公司野, 但今晚都食得好開心呀, Darryl同Charles講野勁好笑囉,
而我都算比佢地串得少喇, 而Mavis佢就勁比Charles講笑勁串囉, haha...^^
食完都仲係狂傾計囉, 食到成11點先走呀, 聽日仲要返早添!!!

>>December 10, 2003 at 3:49:53 PM GMT+8

2003 年 12 月 8 日 星期一 【陰晴不定】

之後13打比我話佢同亞Joe去唱K, 跟住我咪講下話我又要去囉,
跟住13就話如果我聽日Sick Leave就比我去喎。
返工又好似好慘, 唔返工又好似好無責任心, 之後我都決定唔到,
13就幫我決定話去玩聽日Sick Leave喇, 之後我都有問佢想唔想我去架,
果陣我都係貪得意扭下計話去之嘛, 13當然話想啦, 但後尾就慘喇,
去到原來亞Joe佢地係慶祝亞Cat生日, 個個都有禮物送比亞Cat,
而我同13又唔知道亞Cat生日, 點知就帶左兩梳蕉上去。


上到去都算喇, 仲要見到13個ex喎, 13一見到佢就即刻話我最唔想見到果個人都o係度,
咁o係度又點o者, 都無計架! 點知13仲要話我都叫左你唔好o黎架啦咁喎,
激到我丫, 好似講到我夾硬跟佢去咁喎, 慶慶地咪出左房抖下氣打左比Peggy囉,
Peggy對於我o既遭遇都十分同情, 仲叫我走添, 但我又唔想掃亞Cat慶都諗緊點架喇,
點知13走左出o黎搵我喎, 同Peggy講講下電話就同13嘈左兩句,
13仲一怒之下拉左我走添, 但13一直都以為係關佢個ex事囉, 永遠都唔檢討下自己架!
之後傾傾下仲要開門見山同佢講佢先知係自己問題, 如果唔係佢果一句野我都唔會咁慶囉,
就係因為佢果句野呀, 真係勁Hurt!!! 之後佢o水返我將頭先果一句說話解釋做一個誤會,
同我say sorry, 之後就車左我返佢屋企訓喇。

>>December 10, 2003 at 3:39:36 PM GMT+8

2003 年 12 月 7 日 星期日 【颳風】

真係人都顛喇...好慘!


今朝全部人一早返到公司就比亞Kat插喇, 4個Super、2個ACM同亞Kat好似食晒屎咁囉,
話上星期D Show跌得好勁, 之後全部入晒我地數囉, 足足比人話左45mins呀, 咁仲有士氣做野咩?
話我地個個o既Script都唔同會影響公司聲譽, 佢舉果D例我相信個個都好明白。


但之前又係佢地自己班Super叫我地一人可以有自己o既Style去講Call,
最緊要係D main point一個都唔可以漏, 個客上到o黎要知道做D咩。
好啦個個都有一個自己講得舒服又OK o既Script喇, 而家就話我地好改Script!!!
唔知之前係邊個改新Script、改禮物, 搞左張One Card出o黎又Lucky Draw,
做左兩日唔work, 轉個又叫我地講舊Script, 唔知邊個搞到我地那手唔成世呢??
之前D Show都好地地, 都唔知係邊個鍾意轉野呀!!!


而家仲要我地一式一樣照住佢自己份Script, 一式一樣每一個字、每一個次序跟住講,
個個講到甩甩cut cut, 個個交唔到Booking喇, 又卒數, 唔比食飯、唔比收工、要OT, 比人插,
仲要比人話我地鑿穿自己條船囉, 舵衰家!! 我真係好同意Charles話齋唔知邊個鑿穿自己條船呀。


之後下晝班同我地下場係一樣囉, 佢地仲慘D比人話左成粒鐘,
比佢話完係服o既當然會好過D啦, 但最慘係我地個個都唔服, 神又係佢、鬼又係佢,
咁我地實會有心機、有士氣去做Call囉!!!

仲要干涉埋我地D私生活囉, 叫我地最好放工邊度都唔好去,
好似做得呢間公司就要24小時stand by比晒D時間佢咁喎,
仲要講到明放工就最好即刻返屋企訓教, 日日咁重覆, 打call同訓教,
呢D就係好員工喇, 除左呢兩樣咩都唔好做就最好喇,
真係『焗冷氣』呀!!! 激死!!!

>>December 8, 2003 at 1:09:40 PM GMT+8

2003 年 12 月 7 日 星期日 【颳風】

今日係好好彩o岩o岩好交到Booking可以4:30pm放工呀, 但都足足OT左成粒鐘。
之後去左做Facial, 做完Facial Money打比我叫我去唱K, 我真係好想去架,
佢都好似約得幾多人去, 而且個個都好耐無見架喇, 加上又搵唔到亞Chim, 勁可惜...><
聽日我要返早呀, 加上今日又追更又OT, 我真係頂唔緊喇, 希望下次有機會啦。

>>December 8, 2003 at 1:03:56 PM GMT+8