2003 年 10 月 7 日 星期二 【晴】

今日Hata同Candy坐我旁邊喎, 一路都好地地架, Hata不嬲都好好笑架嘛,
雖然之前唔識佢, 但今日都同佢有傾下計計o既, 佢一開波已經勁好笑喇,
果陣只不過晏晝三點幾, 但佢一瀝起個電話就同人o地講晚安,
佢知我聽到就做左個超女仔o既動作, 勁好笑囉, haha...但又比佢個樣激死喎!


點知之後仲衰, Hata誤會左少少野搞到做錯晒Drecord, 仲比個A.M. Joey Chu撞到正,
見到Joey個樣就知佢好激氣架喇, 猛咁話Hata, 仲驚佢真係鬧人添呀,
點知講兩講, Joey度氣又消左喎, 真係勁好功力囉, 之後再教返Hata。


o係呢件事上面我覺得Joey都幾好囉, 如果比著我個A.M.可能已經鬧左人喇,
一向我都覺得Joey好cool同埋都覺得佢唔係咁鍾意我呢類型o既人架,
有D同事都話Joey好nice, 但一直都唔多覺囉, 但今日總算見識到D Joey o既作風喇。


>>October 9, 2003 at 2:41:12 PM GMT+8

2003 年 10 月 7 日 星期二 【晴】

今日都幾叻叻架喇, 不過我仍然會努力努力架!


今日照慣例都係做survey啦, 前日我o既成功係15張, 尋日都係15張,
但今日個target set得高左, 個人都做到顛左, 狂打電話, 今日打左無數咁多個電話,
但今日成績就比之前好, 今日竟然有31張complete survey, 3張incomplete survey,
total 34張, 不過o係整班人o黎講都唔係咩彪炳成績囉, 事關今日個個都好勁呀,
個個都做到三十零張呀, 但追得上進度我都已經好開心架喇, yeah~~~
亦都好感激今日都有少少運, 與多左好人肯幫我做survey。^^


到meal break果陣, 有個人打去我個『毛包風』度, 果個女仔打比我竟然係做survey喎,
而家我知道做survey有幾苦喇, 所以我都有幫佢做呀, haha...仲好似有D親切感添。^^


希望經過今日之後我仍然會追得上進度啦! 唔需要話特別叻、特別勁,
日日做夠個personal target已經好開心架喇。

>>October 8, 2003 at 3:18:08 PM GMT+8

2003 年 10 月 6 日 星期一 【晴】

今日又係普普通通o既一日, 無咩特別, 又係要返下工工咁囉。


不過我想講o既就係, 唔知點解我每日o既工作表現都好似麻麻咁,
我係好唔滿足架, 我梗係想做好D啦, 雖然做survey都係靠運氣o既成份,
但點解人人都做到咁多survey, 而偏偏我就要包尾尾呢...?
我真係唔肯過佢呀!!! 但又唔知有咩辦法可以做好D呀, 眼見個個都係咁做架啦,
都無咩特別...唔係多勞多得架咩, 點解無論我打幾多電話都好,
我一日都係做得果十零個survey o既, Kirsty兩個鐘就做到31個喇,
點解我咁差勁架, 遲早都係飯碗都不保架喇。


唔通係因為我把聲太乞人憎??令人一聽到就想收線呀???
定係好野就無我份, 衰野就一定痴住我丫??? 真係好煩、好慘呀!

>>October 7, 2003 at 4:41:52 PM GMT+8

2003 年 10 月 4 日 星期六 【晴】

今日同13勁好精力囉!


12點check out左之後就齊齊返香港喇, 返到香港先醫肚, 醫完肚肚就返左13屋企度放低D野,
o係架車度恰左陣, 之後放低晒D野又出左去行街街喇, haha... 我屋企都唔使返架喇,
又出左去"冷"街, 今日配左con、買左件衫衫、行下街又去打下機,
食埋飯成十一點幾先返到屋企咋。


原本都諗住出去搵埋飛飛睇煙花架, 但後尾13又唔想去, 怕迫喎, 所以最終都無去到呀!
好耐無見過飛飛喇, 飛飛今日同埋猩猩仲有飛飛個妹一齊去睇煙花呀,
唔知佢o地玩得開唔開心呢...

>>October 5, 2003 at 6:29:52 PM GMT+8

2003 年 10 月 3 日 星期五 【晴】

終於捱到check out喇, 之後入住左第二間酒店, 今之住火車站大酒店,
呢間好得好喇, 夠大啦分新同舊翼, 我o地住新翼果面D設施又新又乾淨,
比起尋晚住果度簡直係惡夢呀!


之後就同埋晒佢o地出左去醫肚肚, 去左羅湖商業城一間叫玉貴軒o既酒樓飲茶茶,
果度D野食都service都幾好架, 仲有D特色野食試, 而且都接受到都幾好食架,
雖然佢果度D野價錢都拍得住香港呀, 但都值架! 分分鐘仲多款、好食過香港添呀!


飲完茶就去左東門行街街, 事前我亞媽都叫我盡量唔好去東門架喇, 佢話好雜喎!
但我聽完都唔理啦, 亞Cat、亞Joe仲有13都去唔通我唔去, 又或者叫佢o地唔好去咩,
仲以為亞媽講得誇張o者, 邊有咁猖獗丫...點知去度先知亞媽講得無錯o既。


去到東門附近, 有個十三、四歲o既男仔走左埋13後面扒野喎, 好彩13發覺得到咋,
但真係完全唔知咩事囉。13專登咩個腰bag o係後面, 但個腰bag入面咩都無架喎,
咩腰bag o既用途就係遮住放o係後褲袋入面果個銀包, 點知個o靚仔離譜到跟住我o地行,
越行越近就邊行邊拉13個腰bag果D拉鏈, 13 feel到一令過去就捉到佢正, 無得賴!
13都話得我o岩o既, 我行13隔離都完全feel唔到有人跟住我o地。


好啦, 之後都繼續行啦, 點知行行下亞Cat同亞Joe又發現有個男人跟住我o地幾條街喇喎,
雖然都唔知果個人有咩居心呀, 又或者講丫都唔知果條友係唔係真係衰人呀,
但我o地都係撇甩佢走左入間超市度行下先好D囉, 防人之心不可無呀!
都未行晒東門我都已經好驚喇, haha...


之後行到咁上下就去左做massage, 勁抵囉, 做左按腳同全身按摩共兩個鐘,
埋單都係RM$58位咋, 咁抵真係唔知去邊度搵呀, 又好好奇佢o地收得咁平究竟賺到D咩錢呀?
之後去左行街買左好多大陸版o既零食, 例如卡樂B有d味道淨係大陸先有o既,
就同亞Cat一齊掃, 反正今晚果兩個傻佬有波睇丫嘛, 多多都食得晒呀,
而且又勁平囉, 包包都個零銀錢架咋, 勁低消費囉。


之後晚飯去食豬骨煲, 食完先返酒店, 咁樣搞搞下又一日喇, 今晚仲有3場波做直播,
亞Joe同亞Cat就上左我同13度, 男o既有男o既睇, 好o既就有女o既傾,
之後先休息休息, 聽日就要走喇, 又要早起身喎, 事關間房12:00就要check out喇。


>>October 5, 2003 at 6:20:26 PM GMT+8

2003 年 10 月 2 日 星期四 【晴】

今日同13、亞Cat仲有亞Joe齊齊返深圳玩呀!


不過可惜無啦啦今個月我同亞Cat擘晒更, 亞Cat返早、我就返夜喎,
所以都有少少唔知想點架, 最後亞Cat就同亞Joe上去先, 之後13等我放左工先上去,
不過我放工都21:30啦, 羅湖關口又收23:30, 結果又趕餐死o既。


之後咪飛的去火車站囉, 都趕得切, 之後上到去宵完夜就返左酒店休息喇,
間酒店就真係唔多掂喇, 叫好來登酒店呀, 勁恐怖! 可能係我本身都無咩膽啦,
搞到我成晚都訓唔到, 勁慘! 唔係話見到D咩野所以我咁驚呀, 而係果度太暗喇,
搞到我成日都疑神疑鬼都唔知點咁, 好唔容易先捱到天光咋,
我都係天光先恰左陣再等check out咋, 夜晚根本訓都唔夠膽訓呀!

>>October 5, 2003 at 6:22:28 PM GMT+8

2003 年 9 月 30 日 星期二 【晴】

今日好好天呀! 正好無遮無掩可以睇到好靚o既煙花喇!


今日一早就約左十三喇, 佢過左o黎接我去佢屋企, 都未到九點幾就到左佢屋企,
之後同佢亞媽、佢亞媽個朋友李太齊齊飲茶喇, 之後就入左東涌佢亞妹屋企喇,
佢亞妹同男朋友住架, 仲係D幾豪o既地方o黎添呀, 個view又向海都幾靚、D裝修又modern喎,
所以我都幾鍾意佢住果度架, 不過可惜睇怕我都無D咁o既福份喇, 羨慕下就得o既。


今次睇煙花都係佢亞妹住果度果個Club House搞o既function o黎之嘛,
大約十二點零啦就搭車上左山頂喇, 我同13一上車就即刻訓左喇, 事關真係大眼訓喇,
今日咁早起身! 之後上到山頂行左兩粒鐘倒啦, 就去左淺水灣大佛口食坊食飯,
但果陣都係得五點幾咋下, 竟然就安排我o地去食飯飯, 之後又搭車去北角碼頭上船喇,
都未到七點就上左船喇之後就游下船河咁啦, 游到八點終於等到戲玉喇,
就係Firework放煙花喇, yeah~~~13仲幫我影左好多相相呀, 張張都有影到煙花架,
不過個model又即係小妹我呀個樣就衰D, haha...鬼咩~o係架船度勁Q大風呀, 點影得靚丫!


之後散band就送左13媽咪去搭車, 之後就同13去左食宵夜喇,
今日睇到煙花真係好開心架, 13個老豆又好笑喎, 今日佢請唔到假一齊去玩,
佢就差不多一break就打比13、13個妹又或者13個亞媽, 個個都打暈晒呀,
到左夜晚電視一齊做直播, 而13個老豆又無o黎到, 搞到自己一個人o係屋企睇電視,
而佢o地個個就o係現場睇, 所以13個老豆不甘寂寞就打比13啦,
o係個電話度狂嗌:『嘩...嘩...、好靚呀...嘩...』, 13聽到都唔知好嬲定好笑,
事關佢又鬼咁唔我閒咁影緊相喎, 但佢老豆又打o黎猛咁嘩喎, haha...


今日好開心睇到煙花, 事關都好耐無睇喇, 雖然今次都無上次o係獅子星度睇咁靚,
但今次勝在夠多人, 有13、13個媽咪、13個妹、佢個妹個男朋友亞文,
仲有佢亞妹一大班鄰居, 其中有D細路仔、細路女都好得意架,
o係個甲板度玩, 超可愛, haha...所以今次咪夠晒熱鬧囉。

>>October 5, 2003 at 5:25:43 PM GMT+8

2003 年 9 月 29 日 星期一 【晴】

今日畢業喇, 終於上完個training course喇, 不過壓力又隨之而o黎喇!


今日一早返到公司四圍撲, 事關都係我無用啦, 亞Kat要我o地一人整一頂畢業帽,
咁我又懶喎, 一心諗住求奇買一頂頂檔算啦, 亞Cat都贊成仲叫我幫佢買埋添,
點知佢今次咪就係所託非人囉, 我唔記得左買囉, 搞到一鑊粥咁呀,
一早四圍撲邊度都去暈都買唔到呀, 仲累埋亞Cat無帽用添, 真係Sorry呀!
好在有Peggy同Jerry都整多左一頂, 最尾都借到返o黎, 我同亞Cat今次都過到屈。


之後就玩game啦, 玩完game就全公司開左個project meeting,
個project meeting十足十assumby咁呀, 宣佈下頒下獎咁喎,
不過今日我都有份瀝畢業證書呀, 悶都無計啦!
haha...一直以o黎都好似玩緊咁, 好似重返校園咁款, 又要做功課,
又要考試又要默書, 而家仲有證書瀝添, 勁頂癮囉,
不過我個鬼佬boss Alan就慘D喇, 今日逐個逐個頒畢業證書,
對住個個o既對白Congulations又握手百幾次喎, 真係辛苦晒呀!


完左個project meeting就同左自己部門o既全部同事去9/F皇廷酒家食飯飯,
邊食飯邊講笑, 食完飯仲玩『呯o彭嘩』添, 玩得好開心、好好笑,
之後下晝返公司就頒埋其他Award咁又一日喇, 出完糧就收工、聽日放假, yeah~~


之後就同亞Cat、Faye仲有亞Faye's 男朋友仔去左睇袋袋&食壽司,
食完飯飯亞Faye就同佢朋友仔走左, 我就繼續同亞Cat去行街街,
今次都係睇『爸爸』多呀, 但張票都未入, 睇左都無得買住。>.<


好期待聽日呀, 聽日同13仲有13's Family去睇煙花呀!!!
好想睇煙花好耐喇, 新年果陣錯過左, 我記得我仲同飛飛呻過無得睇唔開心添架,
聽日終於有得補返數喇, 而且仲係坐遊艇出維多利亞港中心睇添呀,
真係唔怪得我咁興奮咁開心囉, 希望聽日全日都玩得開開心心啦,
難得放假假喎, 加上13屋企原本plan左去旅行架嘛, 而家又全部都唔去喎,
又有野搞喎, 梗係萬分之期望聽日玩得開開心心架啦。




>>September 30, 2003 at 5:10:37 PM GMT+8

2003 年 9 月 28 日 星期日 【晴】

今日又係無無聊聊咁囉!


今朝一早已經好唔開心喇, 今日出左roster呀, 個更編得一D都唔好囉,
原本星期五預計返早架嘛, 放工咪可以同亞Cat、亞Joe仲有13上深圳玩囉,
點知亞Cat就好呀, 佢返早, 而我就要返夜, 搞到一鑊粥咁呀!
之後仲發現打後成碌roster都同亞Cat擘更喎, 都唔知搵邊個陪我食飯飯好喇!


個training越來越唔掂喇, 日日玩game喎, 悶到lulu咁呀!
今朝一早就擲波仔、答問題, 下晏就玩超級無敵馬拉從同問答遊戲,
連今日同A.M.個one by one meeting都係無聊到極果隻添呀,
面對面聽個A.M.照稿讀, 讀完就問我明唔明...都唔到5分鐘又話meeting完咯, 都唔知為咩!
又無得同亞Cat坐喎, 唯有同Markco、Kennis、Carol傾左成個下晏計,
倒數幾時先可以放工工...勁慘!


之後同13去左食飯飯, 行街街, 維園果度唔知係唔係又搞嘉年華呢,
今日去行, 好多野食賣啦, 仲有D類似吹氣遊戲玩同$1拍賣會玩,
果D吹氣遊戲有D就係攀石啦、有D就係踩單車, 有個就係用一條大橡筋彈個人上半空,
同埋就係$1拍賣會囉, 個sale狂話:『要買就買、唔買就拜拜』, 懶順口咁喎!
學Markco話齋個sale「聲大大、無貨賣!」先真囉, 狂煩呀! 同13企左一陣都比佢煩死左喇!

>>September 29, 2003 at 1:50:56 PM GMT+8

2003 年 9 月 24 日 星期三 【晴】

唔想再講從事的事喇, 從前根本無意義, 最重要係而家丫嘛!


Kathy今日問起我好多以前o既事呀, 雖然傾得好開心, 但從前的事真係好耐好耐喇,
問起我都唔知點去解釋比佢聽好, 我都唔想去諗lu...都係而家最緊要。


Kathy都講左好多佢o既野比我聽呀, 我都好佩服佢咁硬淨,
如果發生o係我身上我一定會發顛架, 希望大家一路都fd落去啦。


好開心識到Kathy呢個新朋友仔lor!!! 成日無聊同佢玩猜謎語,
haha...好好笑喎 ^^

>>September 25, 2003 at 4:33:26 PM GMT+8