2003 年 5 月 16 日 星期五 【晴】

好開心呀...寫到日記喇!


朝五晚七...朝早就返緊工, 有時就算唔使返P記, 返到屋企都成七點啦,
所以D時間都唔係咁o岩用, 可能都未必寫到咁多LU,
唯有星期六、日呀早D起身POST上o黎啦!

>>May 17, 2003 at 6:12:42 AM GMT+8

2003 年 5 月 15 日 星期四 【晴】

今日四點鐘又收左工喇, 又未夠鐘返P記喎咪走左去整頭囉,
本來淨係諗住修下個頭就算架喇, 點知去到Frankie度同佢傾多兩傾就變左電髮喇,
慘啦, 個個都話我電完個頭成個成熟晒呀, 睇落去都似廿零歲呀!
但我而定二十歲都未夠呀, 陰公! 咁咪即係老餅晒? 我唔制呀!


不過Annie、十三呀...都話今次都電得OK, 十三仲話呢個頭好睇唔比人拉返直佢喎!
佢話大個D唔好咩? 不過我覺得唔係唔好...但都慘慘地囉!


返到公司個個都好奇怪咁話人喎, Johnny仲話點解我次次電髮都電得咁突然架,
明明尋日見都唔係咁o既樣架...今日就無聲無色整到唔同晒!!! hehe...新鮮喱??^^


之後收工同左十三仲有Johnny入左鯉景灣食飯飯, 佢地兩個猛傾計,
我就唯有聽囉...唔插咀係咁聽, 所以都聽到好多o野呀!
個個都好煩呀呢排...快D無事就好喇!


>>May 17, 2003 at 6:09:23 AM GMT+8

2003 年 5 月 14 日 星期三 【晴】

今日勁無Mood!


今日唔知我個麻鬼煩死細做咩鬼喎, 成日坐o係個office度把鬼麼!
我又無o野做喎, 佢一陣嫌我得閒架喇, 佢又行出行入喎, 個屎忽尖架!
我積積埋埋又勁Q"支力"喎, 又無得訓...勁慘呀!


十三今日都唔係好我好多咋, 最衰都係我啦, 叫佢教我數筆劃, 累佢又比呀Lam楝左鑊添,
今日見唔到十三, 但我放工果陣佢打比我果陣真係超down囉,
我知佢好多o野煩架, 但佢唔肯講比我聽, 我都幫佢唔到架!


到左夜晚佢心情應該好D掛, 聽佢又好似無之前咁Down咁,
仲o係度發傻, 比佢激死喇~ 佢一路搭車一路同我傾電話,
返到喇屋企猛咁呯自己度房門比我聽, 之後同我講「拿我有房架」、
又比D開燈聲我聽話「我間房有燈架, 好光呀」,
之後猛咁講有咩有咩比我聽又猛咁笑喎, haha...傻左呀佢!
不過佢唔成日傻比我睇我又點會咁開心喎, ha~ 真係唔該晒呀! ^^


希望十三心情快D好返晒啦, 唔好唔開心喇! 你想點我都會支持你架!
我都好希望Simon唔好聽晒一面之詞, 自己有眼睇邊個先真係好架啦,
亦好希望佢唔會揀錯啦。呢度D人事關係真係太覆雜喇, 辛苦晒十三呀!
想佢繼續做又辛苦; 想佢唔做咩而家又難o野做...佢又有屋企人要養,
邊有得淨係諗自己丫, 佢真係夠辛苦喇~

>>May 17, 2003 at 5:58:36 AM GMT+8

2003 年 5 月 13 日 星期二 【陰】

今日唔使返P記, 見唔到十三一放工就返左屋企lu, 唔知佢會唔會掛住我架呢?
不過成鬼日都見架啦...睇o黎都無架喇, 仲可能會有少少解脫咁o既感覺添!


今日都唔算見唔到十三o既, 我放工果陣搭van仔喎,
咁架車個司機又好巧合咁兜左入太安樓油站果面喎,
咁我都諗緊打唔打比佢知好呢...後尾諗諗下都係算啦, 費事煩住晒佢!
點知呢一下我個電話就響喇, 仲要係P記打o黎喎, 但一喂先知唔係佢, 係林仔。
林仔打o黎向我投訴十三呀! 跟住林仔問我o係邊啦, 而我架車又o岩o岩o係公司出面喎,
我就問返佢你見唔見到我呀??我o係van仔度呀!!! hehe^^
跟住佢就見到我喇, 仲同我揮手添, 勁呀! 之後十三見到佢咁就搶左個電話問我o係邊啦,
我咪又話o係公司出面架van仔度囉, 點知十三都望唔到我,
佢話架van黑媽媽望我唔到, 無鬼用呀!
不過之後又比佢叻返之啦, 佢憑住我同佢都有果條電話繩反光先認到我!
佢問我做咩經過都唔打比佢, 當初我都係諗住裝下就算架喇,
點知又會咁o岩打比我喎、又咁o岩架車o係公司出面喎,
仲要果段時間佢啦、林仔啦仲有Annie都o係晒counter,
比我一次過裝晒佢地, 咁多巧合搞到好鬼離奇添!


不過今日好鬼黑仔呀, 我都未坐定個司機就開車喇, 搞到我撞埋條邊度,
而家仲痛緊呀, 又無瘀喎都唔知點解撞到人咁鬼痛架! 豈有此理!


>>May 17, 2003 at 5:57:30 AM GMT+8

2003 年 5 月 12 日 星期一 【晴】

今日又係要返P記呀! 今晚十三返夜, 但我覺得佢心情唔多好咋!
我都唔係咁敢撩佢, 可能今晚又忙忙地啦, 廚房做到咩餅都無晒又唔出聲,
P記咩餅都無得賣喎, 想笑大人個咀咩! 加上佢同呀Lam相處又唔係咁好,
睇呀Lam平時都唔覺佢會咁架, 不過睇睇下佢又真係幾懶、幾蛇、幾"瀉"架喎。
今日佢cut左人又唔加返人, 搞到夜晚又唔夠人; 又預得少o野比下一更,
搞到十三今晚咩都無, 又唔夠人又唔夠o野...所以十三咪慶囉!
收工果陣我問佢今日係唔係唔開心啦, 佢話講比我聽我都唔明喎...
但唔開心總要講比人聽架嘛, 雖然佢唔係次次都講比我聽,
但佢肯講又有人肯聽都總好過屈住屈住咁辛苦嘛,
不過再咁落去都唔知會變成點呀, 十三話遲早比呀Lam跣一鋪勁架喎。


今日一返到P記Johnny就拉住我訴苦喇, Johnny仲大鑊呀,
佢做埋今個月比人減人工迫佢地自動辭職...咁Johnny經濟上就有好大問題喇。
佢之前搬左屋, 裝修買o野碌左十幾萬, 佢話佢每個月還卡數都要成五千蚊呀,
仲要還兩年喎, 而家層樓又仲供緊...每個月又多支出喎, 真係慘喇。
佢話佢老闆今日o係日本返左公司仲即刻開會添, 之後講左要減人工...,
佢知道呢個消息之後佢就無晒心機喇, 為左經濟上o既事好灰呀!
佢又"坤"佢都係想趁後生供返層樓, 唔使呀媽住得咁辛苦o者,
點知會搞成咁...佢計過條數比我聽, 如果真係減人工, 計埋必要o既支出,
就算佢做埋P記都好啦, 一個月都係得一千蚊使咋! 分開o黎計一日得果三十蚊,
真係食飯都唔夠啦...見佢咁愁又幫唔到佢手...我真係無用呀!
而家唯一可以做o既就係佢叫我唔好講比人聽住, 免得轉到佢呀媽耳仔度,
令到佢呀媽擔心喎。唉~做人真係多負擔呀! 尤其是男仔添, 勁辛苦!

>>May 17, 2003 at 5:55:59 AM GMT+8

2003 年 5 月 11 日 星期日 【晴】

之後到左收工就同十三去左食飯飯, 到左夜D十三就約左人去唱K,
掉低音音o係屋企唔理喇!!! 不過我都唔想成日痴住佢, 雖然會悶D,
但佢都有佢自己o既時間同空間架嘛, 只要佢o係自己時間都曉得安份守己、
仲要乖乖地咁就夠架喇, 唔係話我信佢唔過呀, 我只不過信唔過緣份咋,
唔知幾時佢會搵到一個佢更加鍾意o既人, 又唔知會唔會有緣但無份...
雖然話係你就係你、唔係你就點都留唔住o者。但我知道我一定放唔低架,
尤其是我地咁難得先發展成咁, 開頭我都好唔睇好架, 成日覺得自己自作多情,
但後尾知道佢點諗...果下真係開心到爆炸架, 所以十三千祈千祈唔可以呃我呀!


今日呀Shan話佢白痴、低能....仲叫我飛左佢添, 咁我多口同佢講啦,
點知佢話知我有一日一定會唔要佢喎, 所以佢要先下手為強後下手遭殃喎...
咁係咪即係唔要我喇?? ><睇o黎十三都唔係咁鍾意我咋...我都唔知點算喇! 唉~

>>May 17, 2003 at 5:54:42 AM GMT+8

2003 年 5 月 11 日 星期日 【晴】

嘩~今日唔知係咩好日子呢, 今晚返P記見返好多舊同事喎,
佢地仲要唔係約埋一齊架喎, 個個都自動蒲頭o既, 真難得呀!


好似我淨係見都有兩個EX-Manager 呀Yin&Tommy, 真係好耐無見喇,
佢地兩個都係我o岩o岩做P記果陣o既Manager o黎架, 講返起都成兩年幾前o既事lu!
果陣仲有Charles 架, 不過無幾耐, Tommy掉左舖, Tommy走左就掉左Kenny過o黎,
之後Charles又比人掉走左, 之後就掉左十三過o黎, 就係咁我同十三先會識左咋,
之後就輪到呀Yin比人炒左, 之後Kenny又比人調走左, 到而家o既呀Lam。
今日見返呢兩個經理都諗返起好多o野呀!


Tommy就依然係咁叻、咁有生意頭腦, 有份o岩佢o既工, 都幾好丫;
而呀Yin雖然都仲係咁無聊, 但總算係咁啦, 有份工日子都係咁過。
不過Tommy企o係counter果陣時四圍望, 有咩唔同左、有咩無左、有咩多左,
都走唔甩佢對眼呀, 走果陣仲好感觸咁添, 唔知點解佢呢個樣好深刻喎!
覺得佢對呢間舖始終都好有感情。


聽呀Shan講...今日晏晝仲有Coconut同Kenneth返過o黎添,
真係唔知咩日子無啦啦咁熱鬧o既! ha ~


>>May 17, 2003 at 5:53:09 AM GMT+8

2003 年 5 月 11 日 星期日 【晴】

今日十三一起身就打比我喇, 個衰人話好掛住音音, 仲話尋日好開心喎,
開心就係因為我聽佢講著左一次裙、佢覺得好靚、覺得自己比平時更加鐘意我;
開心就係因為佢覺得尋日我好鐘意佢喎, 我話你淨你覺得我尋日先鐘意你架咋??
佢仲要話係, 真係激死人喇!!! 不過我尋日又真係好掛住十三呀, 好想攬住佢唔放,
我都唔知點解會咁, 雖然佢唔似得之前咁咁細心呀咩都諗左我先,
但我真係覺得自己好鐘意佢, 仲越來越鐘意添, 真係幣傢伙呀!
只不過佢唔覺得、Feel唔到之嘛。我知我o係佢心目中唔係一個好女朋友,
佢成日話我發脾氣...幾廿萬個缺點, 永遠都無一個優點! 佢成日勸我要檢討下自己,
但o係我o既立場我反而覺得佢要檢討下, 雖然我唔似得佢會講出口,
但我忍左啖氣就咩都唔記得架喇。不過如果一唔開心就咩都浮返晒出o黎我都唔想架,
鬼叫問題永遠都o係度咩, 我唔想攤開o黎講係因為我唔想同佢嘈, 但佢唔同,
佢無考慮到我會因為咁而唔開心, 所以先成日發佢脾四。
不過我都知人永遠都係唔滿足o既, 就連我自己都一樣囉, 佢有幾鍚我,
我就算知道都好, 佢一無對我咁好、無咁細心, 我同樣都有怨言o既,
不過佢千祈千祈唔好呃我呀, 我真係好驚, 唔知點解我成日凝住佢會呃我咁o既。

>>May 17, 2003 at 5:51:50 AM GMT+8

2003 年 5 月 10 日 星期六 【晴】


今日九點就要起身喇, 之後就請婆婆、呀媽仲有幾個呀姨去飲茶,
飲完茶上左呀婆陪左呀婆一陣咋就要走喇, 我都好耐無見過呀婆喇,
我都邊不時好掛住呀婆o架, 但就無時間去探佢。


之後點三就約左Annie仲有琪琪去扒王之王喇, Annie好搞鬼喎,
可能佢尋日打完通宵麻雀啦, 今日有少少神智不清掉轉晒Do野o黎講,
食完走果陣咁我嗌左埋單啦, 唔知係個waiter唔記得左丫定係點,
等左好耐都無人理我地喎, 咁Annie就叫左個waiter埋o黎叫佢埋數喎,
個waiter又無出聲行開左, 我"R"晒頭喎事關我聽到Annie叫佢埋數喎,
咁我問返Annie你頭先叫佢咩話?埋數? 跟住Annie仲要話係呀我話埋數呀,
今次Annie先知自己講錯左, o係度猛咁大笑, 琪琪都知咩事呀,
琪琪就話媽咪以為o係公司先叫人埋數呀咁串Annie喎,
Annie都同琪琪講媽咪好瘀皮呀! hahah...


之後琪琪話想去冒險樂園咪帶左佢去囉, 順便o係太古城Shopping,
琪琪一個人玩都玩到顛晒, 玩到好開心, 見到佢咁得意可愛、
又成日古古惑惑連我同Annie幾開心埋一份添。之後又同琪琪影左張貼紙相,
好鐘意呀又好開心呀!haha...之後又帶左琪琪去食麥記,
小朋友最鐘意做o既, 今日都陪琪琪做晒, 又有人聽佢講o野喎,
今日個感覺都算幾溫馨架, 我係琪琪就好喇。


今日Annie都應該幾開心架, 琪琪同雯雯古古惑惑咁送左紮花o黎公司比Annie,
Annie都幾Surprise架, 見到佢地咁連我都覺得好正呀。hehe....


琪琪又好搞笑喎, 咁我比我同十三影果D相比Annie睇,
咁琪琪見到咁我就梗係比埋佢睇啦, 跟住Annie就問琪琪認唔認得果個男仔係邊個,
唔知琪琪係唔認得丫定點, 就答Annie話十三係大色狼,
笑到我同Annie都忍唔住, 但又唔明點解琪琪會咁講喎,
返到公司講比十三聽啦, 又激到十三啤左一聲, haha....^^

>>May 17, 2003 at 5:50:17 AM GMT+8

2003 年 5 月 10 日 星期六 【晴】

今日P記好忙呀, 十三晏晝打比我都擔心我今晚會餓親,
佢話今晚會好忙無時間食野架喇, 講到好似打仗飢荒咁, 仲猛叫我食左野先好返工。
不過十三就慘啦, 今日咁辛苦, 佢就咩都要做, 辛苦晒呀!
我又好驚佢心情唔好喎, 咁多野做佢一"炆"就發脾四搵人o黎鬧架喇。
比佢鬧果個又唔開心, 鬧人果個又咁"炆"、咁辛苦都唔好丫嘛。
好彩今晚忙還忙, 但忙得o黎都叫順順利利, 雖然今晚做唔到呀Lam個target,
但經濟咁差公司生意都仲好過上年都算好架喇!


之後不停做埋D手尾果陣Annie都不忘搞笑, 個客打o黎問點解意粉唔跟包頭,
咁Annie想答佢而家改左所無包跟架喇, 點知又講錯左喎,
Annie話係呀D包無意粉架咁喎, 無厘頭咁又比Candy聽到喎, 之後我地先get到,
成班TOT & Eddie hehehaha咁又笑左一餐, 死未? 都係多得Candy轉數高囉,
仲好厲害添, 今日咁忙佢做足一日cashier都無多無少, 真係好勁lor!


收左工就同左林仔仲有十三去食飯, 食完飯同十三行左陣,
呢個衰人呢就成日望住人地, 話未見過人地著短裙喎,
仲叫人地行遠D比佢望, 激死呀~ 唔怪得琪琪話佢係大色狼啦!


>>May 17, 2003 at 5:49:12 AM GMT+8