2003 年 4 月 19 日 星期六 【晴】

今日一直o係屋企訓, 訓到十二點零呀媽買左lunch返屋企比我先起左一陣身,
食完又再繼續訓, ZZZ.... 直到四點半, 要起身換衫呀、沖涼呀準備返工先被迫起身咋, he ^^


今日返工都OK啦, 不過瘀就瘀D, 明明換緊衫就大大聲o係公司嗌話自己沖緊涼喎,
都唔知自己做緊咩咁。之後收工同呀珊去左吉之島一轉但間o野都話唔請咯咁咪算囉,
之後就淋淋聲去搵o野食喇, 因為人地真係好好好肚餓呀,
Johnny話o係公司等我地去食飯叫我地返公司搵佢, 但呀珊又唔肚餓所以無去到,
得返我, 返到公司傑仔都o係度, 十三仲搞緊今日條數D手尾未走,
咁Johnny就衰衰咁話自己帶佢條女走咁同十三講笑, 之後十三就問我地去邊啦,
本來十三都唔o黎o架, 但後尾Johnny嗌嗌下佢做完o野就過左離,
之後咪變左同傑仔、呀航、Johnny同埋十三一齊食飯囉。


佢地猛咁講車呀, 仲有好好o野, 雖然得我一個女仔聽佢地講, 但又一D都唔悶喎。
事關佢地仲講自己咁多年o黎o既炒車經驗, 有好危險下o既、有好笑o既、又有好瘀o既,
聽到我都係咁笑, 又好鬼頂呢四個傻佬唔順喎, 一路係咁笑...^^


之後音音又瘀皮左鑊囉, 成個人撞左埋度牆度再比度牆彈返開,
十三見到仲猛咁笑人"磡"頭埋牆、瘀人仲扮人喎, 勁慘又勁瘀皮呀!!!


最後十三送左音音返屋企之後, 再出左去同佢D朋友仔唱K慶祝生日,
十三都唔係咁想去o架, 佢同佢朋友仔話我唔比佢去, 其實就係自己唔想去,
事關聽日十三追更返早, 尋晚又閤得果兩粒鐘, 就比人嘈醒左無得訓,
但佢朋友仔又死叫佢去喎, 最終都要出去陪下佢地、坐下、唱下K。


到左聽日音音都唔知十三點捱喇, 希望聽日D時間過得快D,
等十三可以早D返屋企休息啦。

>>April 21, 2003 at 11:34:29 AM GMT+8

2003 年 4 月 18 日 星期五 【晴】

晏晝一點零, 十三就過到o黎我屋企接我出去食lunch喇,
不過都趕趕地o架, 事關佢返兩點半, 又要預時間返公司喎,
其實都無咩時間食o野, 食完o野又趕住送我返屋企先返工。


之後一返到屋企就見到老豆出門口準備上Johnny屋企喎, 咁我又約左Johnny喎,
咁咪陪老豆一齊出去食tea, 食完咪一齊上Johnny度囉。
其實真係好少有呢D機會, 我有幾可同老豆兩條友坐o係度傾下計丫,
今日陪佢食o野果陣, 真係有少少Dead Air o架, 不過好在食tea都唔係坐好耐o者,
都係咁"倚"搵Do野講吹下水咁, 之後咪上Johnny度囉。


之後本來Johnny話有份part - time叫我去見o架, 咁我無左P記又可以搵條後路,
而Johnny又可以識到呀麵包妹都唔係唔好o既, 點知去到麵包妹未返工喎,
咁Johnny又要呀麵包妹o係度先叫我去見喎, 咁卒之咪見唔成囉,
之後變左陪Johnny買衫。Johnny就買到o野呀, 但音音都無咩戰利品,
本來睇到件Campion o既衫想買比十三o架, 又無佢size, 個 L size 對十三o黎講又太大件,
佢實唔鐘意啦, 所以無買到呀, 但其實件衫衫都幾好睇o架, 又買唔到...激死!


之後返工啦, 今日都OK啦唔係太忙, 可能D單大啦好快就做夠個target,
而且張張都三、四百蚊, 落單都落得唔係太辛苦咁o既, heheh...^^
不過今日送貨人就唔多夠, 個個車手都辛苦到有D微言,
佢o地個個都好遲埋數, 咁十三咪叫我同Elaine齊齊幫Annie手收尾囉。
本來講好同十三一齊過去見工o架, 所以Johnny知有十三陪就自己同呀Bun走先,
話過吉之島等喎, 點知等埋十三埋得條數o黎都成十點九喇, 而吉之島又收十一點,
咁我咪打比Johnny話今日唔過住喇, 聽日等埋呀珊先再過啦,
點知Johnny又話人地顧住瘟仔, 真係慘呀...比人咁話都唔係咁開心咋。


到十三真係收左工喇, 我地又去左東輝食飯飯, 都有預感一定會撞到狐狸o架啦,
點知又中喎, 之後狐狸講起買左飛睇《刀槍不入一憎侶》, 十三又話想睇喎,
最終咪齊齊去左睇午夜場囉, 睇完就返歸喇,
事關十三次次送完我都要捱成粒半鐘先返到屋企o架。
聽日又要返工真係辛苦晒呀!!!

>>April 20, 2003 at 6:38:44 PM GMT+8

2003 年 4 月 17 日 星期四 【晴】

今日返早呀, 尋日咁夜訓今日差D訓到唔知醒遲到呀,
一搞掂就即刻飛的返公司喇。


今朝我返十一點要做收銀, 自己本身都夠論盡o架啦, 今日仲要唔夠訓添,
又要收銀我真係好驚short數呀。好彩尋日十三驚我一個人辛苦就嗌埋Annie返早陪我。
Annie返十二點, 今日晏晝又唔算忙又有人傾下計D時間都唔係難過。
十三今日就返兩點半, 好快又有十三陪我, 又有Johnny、呀Bun,
呀Bun同Johnny就成日搵我同十三講笑, 成班聽完齊齊hehehaha, 好快就到夜晚lu。
雖然夜晚就無咁好玩, 但捱到收工音音就同小珊珊去左食飯飯,
之後就等埋十三放工先走。


食緊飯果陣, Annie打比我喎話買左隻《Harry Plotter》但唔記得"nick",
叫我幫佢"nick"一"nick"去路口等佢, 咁我同呀珊都未食完飯飯,
咁琪琪又好心急想睇喎, 咪諗住一陣返公司果陣先幫佢"nick:"囉,
之後約佢o係中途等咪唔使Annie行咁遠囉, 我咪當同十三散下步囉。
之後"nick"到Annie屋企樓下, 都仲未見佢就打比佢啦,
點知佢又行左落公司, 最終又要行返轉頭, 本來想幫佢慳D腳骨力都唔得添,
反而累佢行多左咁多"淵"枉路。真係唔好意思呀!
我真係好鬼無用兼論盡o架, 越幫越忙就有我份。><


之後同十三走啦, 十三就見到佢個豬朋狗友喎, 十三問佢肯左架車"渣"。
佢好耐無"渣"車喇, 一"渣"就發顛咁, 開到彭彭聲咁去, 想嚇死我咩,
佢送到我返屋企果陣仲話呢個速度已經係最慢o架喇喎,
但我就帶住個頭盆都唱到成個頭亂晒, 又比D頭髮係咁"聲"喎, 幾慘呀, 痛死呀。
因為"渣"車o既關係所以今日好早就返到屋企喇, 佢"渣"車"渣"成咁真係好驚佢又炒,
好彩佢都算乖, 返到屋企自動自覺打比我報平安, 佢仲約我聽日晏晝食lunch,
我就事先聲明唔再坐佢車, hehe...佢話我狗都係咁話o架喇, 我唔想又比人"聲"呀!
經過今次之後佢又心思思喇, 佢話佢"渣"車十五分鐘就可以返到屋企,
但搭車呢佢就要成個半鐘先返到屋企, 我諗呀如果佢有錢佢實心思思又買車o者。
到時就唔知係好事定唔好事喇...完全唔敢想像呀!!!

>>April 21, 2003 at 11:29:59 AM GMT+8

2003 年 4 月 16 日 星期三 【晴】

今日都係咁啦, 又要返 part - time, 到頭o黎話就話放假呀,
但實質都無咩時間休息, 反而仲夜訓。


今日又返夜, 我收十放左工就等埋十三啦, 佢話有地方帶我去喎,
到左收工原來佢plan定同我睇《Johnny English》o架, 仲收晒風話太古有得睇,
點知原來收左風, 白去左太古一程先出返尖沙咀。
出到華懋又鬼咁多人喎, 場場都滿晒喎, 邊個話戲院無生意o架??
我地買左下一場o既飛, 場戲開一點幾睇完都成三點lu,
套戲真係好鬼頂癮o架, 戇豆先生又鬼咁得喎, 成套戲真係笑餐懵o既。haha ^^
之後返到屋企都成四點幾先訓, 十三仲慘送完我返去, 再返屋企要成五點幾先有得訓,
我地聽日仲要返P記, 不過我就慘D返早, 十三叫做好D啦, 返兩點,
不過日日返工好快就放晒個假期lu。
真係好唔想呀!!!

>>April 20, 2003 at 5:41:39 PM GMT+8

2003 年 4 月 15 日 星期二 【陰】

今日都唔知做咩, 都唔知係唔係真係當黑呀!
尋日同今日真係差天拱地呀, 尋日好開心, 今日就好唔開心!


今日十三返夜, 佢成日都無打比我, 我都無為意啦諗住一陣返P記都見到佢啦。
點知一返到去P記, 成個氣氛都唔係咁得喎, 好鬼秘。
個個都好似見你唔到咁, 連十三都係咁, 仲以為做咩添呀。
後尾十三淨係同我講叫我唔使等佢, 叫我同呀珊走,
又叫我廿一號唔使上佢度食飯, 講完就行左去喎。
之後我咪興囉, 人地唔上又話人地唔上、唔鍚佢屋企人,
到人地應承左佢上喇, 佢一句叫人唔使上就唔使上,
都無理人感受, 我咪嬲佢囉, 成晚都唔睬佢。


之後收工理都唔理佢就同呀珊走, 但走果陣見到佢個樣真係好唔掂又有D擔心喎,
等到公司D人走晒先打返比佢, 開頭佢都扮無o野o架,
後尾佢心情好返D又叫我當咩事都無發生過喎, 咩叫當呀??
死都要佢講、佢就死都唔講, 後尾真係要講到人興佢喇、唔睬佢, 佢先肯講。
原來佢聽到Do野就自己一路亂諗, 諗到好唔開心。
係邊個講就無謂提喇, 事關佢都係講到一半就行左去, 都唔知佢想講咩,
十三o係果個人面前就扮無o野, 不過其實自己就一路亂諗, 仲要關我事o架喎。
我唔睬佢比佢話我唔關心佢就梗o架啦, 都唔知佢想要D咩, 淨係識得話我。><
之後佢先話唔使去佢屋企食飯喇, 係因為佢呀麻走左無耐所以唔上得去住喎,
佢又唔講清楚, 一返到公司就同人講得果兩句o野就行左去, 人o地點知喎...
不過最後都無事, 正正經經咁傾左粒幾鐘電話, 十三講左好多現實發生緊o既o野比我聽,
雖然我都係衰, 十三都咁話我o架, 衰在我咩都唔呷醋、咩都愛理不理喎...
話我好似一D都唔緊佢咁喎。


我終於知道同一間公司點解唔好喇, 有太多是是非非、
唔知有幾多個呢D人、唔知幾時又搵D咩o黎講、
唔知幾時聽完又會亂諗o野...原來真係會好麻煩o架!

>>April 16, 2003 at 6:46:41 PM GMT+8

2003 年 4 月 14 日 星期一 【陰】

今朝十一點半十三就打比音音叫音音起身喇, 十二點半十三就o黎到音音屋企接音音,
我地搭完地鐵再轉火車去左太禾, 入到太禾都兩點喇,
之後o係太禾村商場間美心酒樓飲茶, 飲完茶再上路,
今次轉左一程van仔就終於到左我o地o既目的地『林村』喇。
林村願望樹睇電視就睇得多, 但去願望樹、仲要真係拜神掟寶疊喎, 真係第一次咋。
不過都幾好玩喎, 其實都唔係好難o架咋, 音音掟左三次就掟到上願望樹度喇, 幾叻 ~
雖然唔夠十三掟得高, 但都好心滿意足o架喇。hehe....^^


之後搭火車出左紅磡, 又行左陣尖咀, 之後我地就去左科學館喇,
我同十三同圍玩人Do野, 無啦啦都行餐懵、笑餐飽o既,
唔覺唔覺就由七點行到九點鐘收館喇, 之後又返返去黃埔行街街。
行完諗住可以搭船返北角啦, 點知碼頭又收左喎, 咁咪搭巴士出返觀塘囉。
之後就去左做D高危活動, 係咩呢....?? 登登登登...咪就係唱K囉。,
中文係有限公司o既十三唱《501》果陣將第一句「藍褲子很『殘』」
好有感情咁唱左「藍褲子很『賤』」, 本來好慘o既歌比佢一唱完第一句之後,
我地就狂笑狂笑...笑到肚仔痛。之後返屋企等緊地鐵果陣音音又串十三喎,
音音問十三, 如果下次我想問我個樣殘唔殘果陣...係唔係應該問我個樣賤唔賤呀,
之後我地兩個又狂笑...仲圍繞住呢個話題諗左好多o野、講左好耐,
haha.....就係笑餐死之嘛!!!


一日之間, 音音同十三去左好多度玩呀, 佢本來話想入長洲添o架,
後尾我話唔去先無去到咋, 如果唔係我地連離島都去埋呀。
今日玩得好開心, 仲有另一大個收穫就係影左一疊仔i-zone相相,
等音音第時睇返都可以記得我地今日去過邊丫嘛。
今日係咁不停咁影, 邊度都影, o係酒樓又影、林村又影、科學館又影、唱K都影,
張張相十三個樣都古靈精怪, 張張相音音都據為己有喇, 唔比返十三o架喇。hahah....^^

>>April 15, 2003 at 7:40:43 PM GMT+8

2003 年 4 月 13 日 星期日 【陰】

今日約左飛飛去左shopping呀, 好耐無一齊行街街喇,
今日o既戰利品包括有1個tote bag、1件衫衫同1把Bugs Bunny o既遮遮,
點解會去買遮呢?? haha...咪就係見飛飛揀得咁開心,
而且D遮又咁鬼靚咪買埋一份囉, hoho...


之後飛飛約左佢家姐, 音音又約左十三喎,
所以到5點我地就各散東西喇, 多謝飛飛陪左小音音成個晏晝啦,
但小音音就無陪飛飛等埋佢家姐就走左, 真係唔好意思呀!!!
我咁狗對飛飛我都有照實話比十三聽呀, 十三話下次唔好唔理朋友仔喎,
佢話佢等多陣唔緊要o架, 我都話十三唔會嬲我o架啦,
所以飛飛都唔使驚十三會唔睬我喎。hehe ^^


之後同十三去左睇《失憶"界"女王》喎, 飛飛講得o岩呀,
又真係鬼咁touching o架喎, 應采兒又大顛大肺, 想笑死人咩, haha...
最後就去左我好想去試下果間上海餐廳度食飯飯, 都真係唔錯o架喎,
裝修同埋d "mum mum" 都一樣咁靚、咁四正, 唔怪得上晒雜誌啦。
食完飯飯就返歸喇, 事關聽日十三放假假, 佢話有地方帶音音去喎,
而且仲要一早起身起程咁話喎, 唔知去邊度咁神秘呢??


>>April 15, 2003 at 6:37:48 PM GMT+8

2003 年 4 月 11 日 星期五 【陰】

呢排天氣都陰陰沉沉, 今日終於有少少陽光喇,
最可惜今日要返工工啦, 仲要返早喎, 無我去街街。
不過好彩十三今日都返早, 佢大部份時間都坐o係我隔離陪我,
傾下計、佢又會幫下我手, 事關今日又係得我一個返早,
佢話等我無咁辛苦喎, 真係唔該晒呀! ^^


不過之後呀Lam...即係manager返左離佢就無咩時間陪我lu,
又得返自己一個人, 不過佢都好好o既得閒會o黎睇下我o既,
如果唔係真係悶死音音lor。


之後收工十三今日無返o黎喇, 佢叫我陪下呀珊喎,
收工我咪同小珊珊去左食飯飯囉, 佢都無咩事喇, 不過就要幫手搞埋D手尾囉。
希望由今日起變返做以前o既生活啦, 雖然係要捱, 但總算安定D丫,
無咁多人o既離開、無咁多戰爭同埋無咁多病毒。
而家個氣氛咁灰, 生活都好似死D咁呀, 無晒生氣, 咁點得o架?
希望快D無事, 快D控制到非典型、個個都開心D、天氣都要好D,
好想快D夏天呀, 就算點熱都總好過而家D天氣咁陰沉呀。

>>April 12, 2003 at 6:17:03 PM GMT+8

2003 年 4 月 10 日 星期四 【陰】

今日又有唔開心o野...


今日晏晝小珊珊打比音音都無咩o野o架, 都係傾下計咁囉,
大家諗住夜晚都要返P記咁咪諗住收工去唱K囉, 好啦, 講完就收左線。


之後無耐十三打比我, 我同十三傾緊果陣小珊珊諗起有o野想講又打比音音喎,
咁我就同小珊珊講轉頭打比佢啦, 一切都仲係好地地咁格。
之後音音今晚要返工咪走去換衫沖涼囉, 沖完就打返比小珊珊,
點知小珊珊一聽電話就係咁喊, 我仲以為佢比『探射燈』鬧添,
後尾聽聽下先知唔關『探射燈』事, 原來今次到小珊珊個麻麻走左。
成件事都好突然, 豪無先兆。呀珊一聽到都好突然猛咁喊...
我聽到都好突然&好驚呀, 又唔識安慰佢喎, 無用到死! ><
之後佢趕住走, 我都無再打搞佢諗住晏D先再搵佢。


之後五點, 十三入左音音屋企接音音再送音音返公司, 音音都同十三講,
十三見我無咩心機就叫我唔好唔開心, 其實講唔開心又點夠呀珊唔開心丫,
我只係覺得好無常同埋好擔心呀珊o者。


今年四月真係好差, 身邊咁多人唔o係度, 雖然唔係我屋企人有事,
但見到身邊o既朋友屋企有事都覺得唔係咁好過。
仲要見到自己朋友仔咁唔開心就更加"心UP"...
自己又幫唔到咩手...真係覺得自己好鬼無用o架!

>>April 12, 2003 at 6:01:28 PM GMT+8

2003 年 4 月 10 日 星期四 【晴】

之後十三十點鐘返左公司接音音收工去左食飯飯。


十三講左好多o野比音音聽, 仲打左個好差o既比喻佢話如果有日佢送完我返工,
轉個頭"o彭"一聲無左的話, 叫我唔好咁唔開心喎。
點可以搵自己做比喻o架, 呢個比喻太差喇, 千祈唔可以發生呀。


返緊工果陣打過比呀珊, 見佢無咩o野, 心情平復返都放心D。
之後食飯果陣同十三傾計, 因為呀珊呢件事十三就諗起佢呀麻喇,
佢講返佢同呀麻Do野比我聽, 唔知點解我又好鍾意聽o架喎,
講左好多之後又東講下西講下...我就同十三講我覺得今年呢個四月好似好唔掂,
又非典型, 身邊o既人又咁多事, 好似好灰咁呀, 我仲話覺得呢個四月過得特別慢咁,
今日先十一號咋幾時先過晒呢個不知所謂o既四月呀, 十三聽完我講就笑人地婆仔喎,
話人地迷信, 但我真係咁樣覺得丫嘛。笑人...衰到死~ ><
之後十三又話咁多人死可能係因為伊拉克打仗死左好多人,
而家D人搵替死鬼喎, haha...難道我仲迷信得過十三, 佢咁都諗都喎, 真係比佢激死呀。
不過佢講得好好笑喎, 唔怪我成日話佢思覺失調啦。hahah...^^


之後約左呀盈陪佢食飯, 雖然佢係我表妹但都好耐無見佢喇。
今次同佢傾開計發覺佢唔同左好多, 好似成熟左咁。
可能佢咁細個就出o黎做o野, 經歷得多啦, 屋企又有負擔,
佢今日都有同我講佢D現實朋友呀, 難怪佢會變成而家咁啦。
希望佢唔好咁辛苦啦, 因住捱壞自己呀。

>>April 12, 2003 at 5:40:57 PM GMT+8