2003 年 4 月 29 日 星期二 【晴】

終於有時間post返D日記上o黎喇, 事關聽日放假假丫嘛。


今日我又做左衰女喇, 放左呀Lam飛機無返P記呀, 之後同左十三去左睇《X-men2》,
十三等呢套戲等左好耐架喇, 所以今日一上畫就急不及待要去睇。
所以後尾咪做衰女陪左十三囉, 不過十三都無介紹錯, 套戲都幾好睇丫,
不過我音音話o既由聽日起唔會再因為同十三去街街而唔返工。
一來我唔想累左十三啦, 二來都唔可以咁無責任感架嘛!


睇完戲去左唱K, 成二點先返到屋企呀, 好彩聽日小妹同十三都返夜,
可以有多D時間休息, 唔使咁辛苦丫嘛。

>>May 17, 2003 at 5:32:25 AM GMT+8

2003 年 4 月 28 日 星期一 【晴】

呢兩日同十三都唔係咁開心, um...咩原因都真係唔係咁記得喇,
係種感覺囉, 就好似今日咁佢上左我公司接我返P記,
晏左走又等唔到車咁咪打的走囉, 佢無啦啦唔出聲,
我都唔知咩事, 之後去左聚茶軒飲左杯o野, 佢都一路無出聲,
都唔知點解!


到左收工, 我諗住佢都唔打比我o架喇, 事關佢話今晚唔過o黎搵我、
想早D訓丫嘛。但到左收工, 佢又打比我喎,
佢終於講左比我知佢點解佢晏晝無啦啦唔出聲喇。
原來我未走得果陣, 我叫左佢入我Office坐, 等佢唔使企o係出面比蚊叮,
之後出左canteen做野留左佢o係Office, 佢又無野做就睇左我電話D message,
點知我好衰唔衰, 又無delete到之前個男朋友send比我個message喎,
我唔係要瞞住十三、我又唔係掛住我以前個男朋友喎,
但我又唔知咩原因將佢個message一直keep到而家。
最後十三咪因為呢個message嬲左我, 其實我都知佢嬲,
但開頭真係唔知因為D咩之嘛。之後佢打得比我當然就係無事啦,
佢話佢都諗清楚, 都過左去啦, 佢都無再嬲lor。


之後傾左好耐電話, 我都講左我又聽到一件事比佢聽,
我諗得咁多都係因為佢多口囉, Annie聽完件事都覺得"銀"耳呀,
何況係我? 不過十三梗係話無呢件事啦, 佢實係咁講格,
不過算啦, 十三都應承左我以後要收歛D就算佢啦。


>>May 7, 2003 at 8:49:25 AM GMT+8

2003 年 4 月 27 日 星期日 【晴】

Table Time Bewteen 29 April to 7 May
29 April : Work Form 0800 - 2200
30 April : Work Form 0800 - 2200
01 May : Work Form 1800 - 2230
02 May : Work Form 0800 - 2200
03 May : Work Form 1100 - 2100
04 May : Maybe go to Lantau Island with 13 ~~~
05 May : Work Form 0800 - 1830
06 May : Work Form 0800 - 2200
07 May : Work Form 0800 - 2200


真係想"支力"喇! 邊有人返咁多工o架!!!
今次真係咩時間都無喇, 十三又返早, 連拖都唔使旨意拍喇,
我成日凝住我未捱完呢九日都已經暈低左喇。

>>April 30, 2003 at 7:33:42 PM GMT+8

2003 年 4 月 26 日 星期六 【晴】

今朝十點幾就起身出門口喇, 又返早呀! 咁早出門口就係買早餐比十三囉。
雖然今日十三都返早, 但佢好鬼衰呀! 一係就唔蒲頭, 一蒲頭就打人!
我咪搣返佢囉, 搣佢佢又詐晒型, 話我應承過唔搣佢, 但佢又要整我喎,
邊有咁唔公平o架。我又悶到好鬼炆喎, 叫左佢唔好再郁手郁腳o架啦,
之後佢又整我, 我好大力咁打佢&搣返佢, 咁我心情又唔多好喇喎,
咪發左佢脾四囉。佢都有嬲我o架, 佢收五點一放工就走左去唔理人。
我都知佢嬲, 但我都唔順氣呀。


我諗住佢今晚都唔會過o黎搵我o架啦, 佢咁嬲, 況且佢又返早喎。
但我又唔知點收科, 佢又無打比我, 咁o既情況下我又唔會肯打比佢,
又例牌鬧氣...今晚都幾忙呀, 猛摺盒、猛聽電話... 到九點鐘差不多清晒d單,
就見到佢已經返到公司喇, Eddie見佢返左o黎但我又收十喎,
所以Eddie就即刻叫我走先, 放早喎勁開心~ hoho...^^


之後同左十三去食飯, 講返起晏晝, 大家都無o野啦, 佢仲帶左湯湯比音音飲,
問個waiter "nick" 左隻碗飲湯, 但我地係o係扒王之王食飯o架喎,
飲完啦, 個waiter 收碗果陣一睇, "R" 晒頭喎猛睇D湯渣唔同左o既,
但又唔出得聲喎。 haha... 之後去左側公行左陣就返屋企喇。
聽日又要返工呀!

>>April 30, 2003 at 7:32:41 PM GMT+8

2003 年 4 月 25 日 星期五 【晴】

今日返早呀, 十三九點幾就到左我屋企接我去食早餐喇。
之後送埋我返工添, Dick見到我同十三一齊返到公司就猛望住十三陰陰咀笑喎,
比佢激死喇, 佢又唔係唔知,都兩個月啦仲笑人地!
我咪多口問下佢做咩見到十三咁開心囉, 佢又唔叻講o野o既,
之後又九唔答八咁行左入toilet! hehe...佢都係傻o架!!!
今朝得我一個人返早, 慘慘呀! 十三又放假喎,
佢驚我悶所以佢就詐詐帝帝話編更陪多左我一陣。


不過佢都唔係陪得我好耐咋, 但都無計啦, 佢已經好好o架喇。
到晏晝都係好鬼悶! 我叫Johnny幫我買o野食, 仲諗住請Johnny食飯o架,
點知呀Lam又搭Johnny買, 搞搞下後尾就變埋呀Lam請我同Johnny食飯添,
真係唔好意思呀, 比返錢呀Lam, 呀Lam就話唔偏心, 請得Johnny就請埋我喎, thx r!!!
好唔容易先捱到五點Annie返工, 話晒叫有人傾下計丫嘛,
到左夜晚雖然唔係咁忙, 但真係悶悶地呀勁"支力"呀,
"支力"到想死呀! 不過呀Chim帶埋猩猩o黎探我, 果下幾開心呀,
又醒左醒神喎, 之後咪同呀Chim傾左兩句囉, 佢o地就走左lu,
我就要返入去繼續"支力"、繼續坐到收工。><
之後Annie約左人收早, 就得返我同小珊珊, 埋數又趕喎、又唔o岩數。
雖然係"支力"都要得埋小珊珊, 唔可以唔理佢o架嘛! 之後遲左成粒鐘先走,
十一點先去食飯飯, 可能係"支力"啦, 都無咩o野講,
淨係一齊一路食飯一路睇Cosmo girl & 睇到Cosmo girl 提及果個變性人,
由女變男喎, 雖然唔係未聽過, 但個療程真係幾難以至信囉。
食完飯返到屋企, 就即刻訓喇, 救命! 聽日又返早呀。

>>April 30, 2003 at 7:32:00 PM GMT+8

2003 年 4 月 24 日 星期四 【晴】

兩個月lor ~


今日十三返夜呀, 我夜晚又要返P記, 之後收工咪去左食飯飯囉,
再行左陣、o係海旁坐左一陣傾下計咁...好平靜咁過...
話咁快就兩個月喇, 唔開心都梗有啦, 但大致上都開心o既。
十三已經plan到兩年之後o既日子喇, 真係快呀!
我地而家先得果兩個月之嘛咁快就plan定, 懶有計劃咁喎。^^
但我都唔知可唔可以過渡到呀...有好多o野都唔係我地兩個可以掌握o既。


最好笑今日見到好多神怪人, 我地又抵唔住頸笑下人、話下人喎。
放工食飯果陣又撞到兩個學生喎, 係Form 5 的宿生o黎o架,
仲拍緊拖拖添, 平時都覺得有Do野o架喇, 估中左~叻叻呀!
學林永浩話齋咁都撞到呀! ha ^^

>>April 30, 2003 at 7:31:04 PM GMT+8

2003 年 4 月 23 日 星期三 【晴】

今日好乖呀, 放工就返左屋企喇, 無去街街, 本來呀盈打o黎約我去街街o架,
但佢又有朋友o係度我又唔識, 所以最後都推左呀。


之後返到屋企好想早D訓, 好想好想即刻訓, 因為真係好"支力"好"支力"呀!
我十點鐘就搞掂晒Do野, 沖好涼上埋床諗住睇陣書就訓o架喇,
但點知後尾小珊珊打比我, 講講下就將我plan好o既計劃擱置左喇, haha...
事關呢排真係好少坐低同定定講下心事仔, 可能係因為唔係成日見到啦,
如果見到都係o係公司, 但公司又有太多人o係度、又多o野做, 邊有時間講丫,
玩下、講下D無謂o野就得o既, 所以今日我地兩個八妹仔一傾就傾左粒幾鐘喇。


之後再睇左陣我前幾日行街買果本新小說先訓, 不過成日話會早訓、
想趁今日早返早D訓、又或者話即刻訓, 但都係得把口做唔到。熊貓仔就有我份! ><
今晚又十二點幾訓呀, 聽日又"支力"死喇! 因為聽晚仲要返P記,
之後放左工仲約左十三喎, 事關聽日我地就兩個月喇, 雖然唔知有咩節目,
可能都係食下飯呀咁啦, 但收得工o黎都成十一點啦, 出得去o黎都唔慌早返喇。
後日同大後日, 即星期六同星期日都返早呀, 由朝踩到尾都唔使旨意夠訓喇,
星期一又話要返full-time, 又要早起身, 哼~有時都會諗點解我會咁坎坷o架!
好似淨係識得返工咁, 大部份時間都係返工, 行屍走肉!
最慘又唔覺自己搵得多錢喎, 真係勁灰呀, 捱餐死都唔知為咩...


唉~ 一係就唔好諗、唔好比我有感覺; 一諗起就......灰晒!

>>April 30, 2003 at 7:30:26 PM GMT+8

2003 年 4 月 22 日 星期二 【晴】

今日十三放假, 收左工十三o黎左接我去食飯,
之後去左睇《PTU》, 睇完覺得都幾搞笑o架喎套戲,
尢其是果個肥佬林雪呀, 而佢做咩角色都咁掂! 勁~抵咁多戲都有佢份架!
套戲又好寫實喎, 都幾得o既, 十三睇到勁投入呀, 佢話佢有個朋友仔都係做PTU架喎,
成日聽佢朋友仔講D工作上o既o野同部戲講o既都真係差唔多,
都唔怪得佢睇到眼定定啦。 我地睇七點幾果場, 睇完先得九點咋, 去行左陣先返屋企,
好似我地D節目次次都咁上下, 都唔知咁係好定唔好,
次次都同佢玩到顛咁, 狂互串又郁手郁腳, 都唔知有無人咁拍拖o架,
不過又幾好笑架喎。haha...^^


>>April 30, 2003 at 7:29:51 PM GMT+8

2003 年 4 月 21 日 星期一 【晴】

唉, 今日開始正式開學喇, 換句話即係開始正式返返工喇~
又要o係公司坐監咁坐、又要見到個衰人、反口覆舌、不知所謂o既老細。
都幾無心機返o架, 放假可以狂訓, 而家無喇, 所以好"支力",
又要頂硬上, 捱落去....


本來今日放左工仲要返P記o架, 不過臨時公司發生左D事,
所以遲左走, 而且十三o黎左接我, 最終就打返P記請假, 放左Eddie飛機。
我都夠晒衰呀!


之後同左十三出左旺角食飯飯、行街街, 仲o係地鐵站同十三影左兩張相添呀,
雖然地鐵即影即有出晒名唔掂, 但今次呢部有框揀o架喎,
十足十貼紙相咁, 影出o黎都幾靚丫, 我都唔明點解咁鐘意同佢影相相o架,
又難得佢又咁鐘意影喎, hoho.... 之後o係花園餐廳食完飯就去左銅鑼灣搭叮叮,
佢話想搭喎, 所以就專登出返銅鑼灣搭囉, 搭到返屋企都成十二點喇。
雖然今日係"支力" , 但十三今日勁多瘀o野喎, 我淨係笑佢都笑餐死呀,
行到屋企附近講起傑仔同Johnny, 就比我地見到傑仔o係對面馬路喇,
傑仔同十三兩個傻佬隔住條馬路都仲要鬥傻, 傑仔扮除鞋掟十三,
十三就"nick"住隻杯扮掟傑仔, 佢地個樣又好激動喎, 跟住我地尾果D人就驚左驚,
我就笑到收唔到聲, 真係比佢地兩個傻佬激死喇! ^^


>>April 30, 2003 at 7:29:17 PM GMT+8

2003 年 4 月 20 日 星期日 【陰】

今日十三又無想像中咁"支力"喎, 佢仲識講笑、仲識玩、仲做到o野。
咁都無咁擔心, 唔怪得飛飛都話佢係鐵人啦。


今朝音音又開始要返full time喇, 聽日開始開學所以就算今日係紅日都要開工,
返公司做preparation。不過今朝返工又好趕喎, 出門口唔記得"nick"電話,
搞到十三搵我唔到, 十三搵我唔到就打比小珊珊, 但佢應該都知我公司電話o架,
係要煩下呀珊佢先安樂o既。之後呀珊打比我佢話我知十三打鑼咁搵我,
十三仲同呀珊講唔知我老細收埋左我o係邊, 同呀珊講到懶嚴重, 比佢激死呀。
我仲諗住唔咁早阻住佢吞 pop 添, 點知佢咁早...
之後十三仲話佢搵我唔到今日就發脾氣呀, 鬧鬼廚房班人。
之後心情好返D就入晒我數同佢o地講今朝搵唔到自己女朋友心情唔好,
所以火遮眼鬧左佢o地, 十三真係想害死我呀。


不過今日十三都幾忙呀, 今日佢呀麻安神位, 請左D人返屋企搞左成日,
今晚仲要一齊食飯呀, 唔知佢有無時間休息呢, 佢聽日又返早呀, 陰公!!!

>>April 21, 2003 at 11:49:36 AM GMT+8