2003 年 9 月 13 日 星期六 【颱風】

好慘呀! 好慘呀! 死得好慘呀!


今日落左成日雨呀, 我放工o既時間同十三一齊返屋企喎, 點知雨就無咩呀,
但D風就吹到彭彭聲喎, 行行下一陣勁風狂吹喎, 吹左一大輪終於弱咁D啦,
但我把Bugs Bunny遮已經比D風吹到有D遮骨斷左、有D就曲晒,
死得真係好慘慘呀! 我都未試過真係吹爛過把遮架!


我仲幫十三同佢影左兩張相留念添呀!@.@

>>September 15, 2003 at 3:54:07 PM GMT+8

2003 年 9 月 13 日 星期六 【乍寒還暖】

又發現左一個笑話喇, hahha...


今日一早亞媽、細佬同契媽就出左去飲茶啦, 之後仲去左美珍姨度打牌添,
而老豆又要做野喎, 平時如果亞媽、老豆得閒的話都會買定野比我食架嘛,
但點知今日個個都咁忙, 而我又咁懶訓, 最後我訓醒就無人得閒理我喇,
屋企又無野食喎, 真係好慘慘架!!!


但幸好有樣發明叫做home delivery o者, 諗左好耐唔知叫KFC好丫定Pizza Box?
抑或order元綠好...?? 諗左好耐都係決定幫襯返自己公司~Pizza Hut!
咁又同十三傾緊電話喎, 咁佢就話幫我落單啦, 點知就係佢呢件事先會咁搞笑!


我原先係想要一個千層肉醬闊麵o既, 咁我就同十三講要一個肉醬闊麵啦,
點知十三『e e hm hm』左一輪話我咁即係難為佢o者...
但我又get錯喎, 我以為佢話佢無pre好呢種paste啦, 因為少買丫嘛。


點知到我收到個order先發覺好笑, 我一打開盒意粉, 就淨係見到D肉醬,
我都覺得奇怪架啦, 事關千層肉醬闊麵有薯蓉架嘛, 點解呢個無o架呢???"R"晒頭!
之後再搵支叉 "new new"佢啦, 先發覺下面果D唔係闊麵而係闊條麵,
係一個『肉醬闊條麵』呀... 跟住第二個反應就覺得好好笑喇,
我o地公司絕對無呢個product架嘛, 之後仲send message比十三投訴添!
hehe :p


十三聽完我講仲話返我表達能力差添, 勁無辜!
如果平時客人講肉醬闊麵, 我o地都會get到係講緊千層麵架嘛,
我都唔明點解佢會get錯我講闊條麵架。


不過就係因為呢件事, 而令到我就係今日食左個至難食o既意粉喇,
仲要係自己公司出品添, 諗落都幾好笑...haha^^


十三真係勁頂癮囉, 比佢激死又笑死我喇!



>>September 14, 2003 at 8:07:20 AM GMT+8

2003 年 9 月 11 日 星期四 【晴】

今日收到第三份生日禮物喇, 係Big Auntie送比我架,
係一條藍虎眼石手鍊係架, 仲enclose埋一張Brithday Card添。
Big Auntie話藍虎眼石的功能係可以加速實現個人願望架,
希望係真架啦, 多謝Big Auntie!!!!


今晚要返P記呀, 十三又返早喎, 卒之就搞到佢又過返o黎接我收工添,
之後咪去左食飯飯囉, 我今日好似發左顛咁囉,
一路同十三玩又一路講笑, 笑到傻晒咁喎, 失儀失儀添!
同十三咩都笑一大餐, 搞到十三都問我做咩笑得咁開心添,
佢一定以為我食錯藥啦~ hahah....^^ ~

>>September 12, 2003 at 4:23:41 PM GMT+8

2003 年 9 月 10 日 星期三 【酷熱】

今日係中秋節呀, 祝大家中秋節快樂!


今日公司好好呀, 專登因為中秋放早D, training上到一點仲有中秋Function添呀,
公司搞左個自助大食會, 不過全部o既食物都係o係大家樂度訂o既,
另外仲有Pepperoni o既Pizza、生果、月餅同埋壽司咁囉, 都幾豐富架!


食完飯飯之後我o地小集團又為星期一個Role Play頭痛,
平時睇落去大家都好似好團結咁, 但今日就有少少唔同左囉,
因為傾Role Play o既事有D同事o既Idea比其他同事Band左,
之後再問返佢有咩意見呀, 佢就會話無喎...諸如此類咁啦。
平時大家好似好開心、好好玩咁架嘛, 但到左今日就因為呢D小小o既事推翻晒lu。


之後三點零放左工就返P記接十三放工工, 之後就去左十三屋企食飯飯喇,
起初同佢亞媽都有傾兩句o既, 之後就無咩野傾, 我本身又勁"支力"喎,
事關今朝返8點40分呀, 我7點就要起身喇, 所以真係好"支力"好"支力",
o係十三屋企又無咩野做, 所以咪勁想訓教囉, 可惜又無可能咁隨便o係佢亞媽面前訓架嘛,
咪唯有捱落去囉。直到十三個亞爸放工開飯先無咁慘咋, 十三個亞爸超級可愛囉,
佢自己一個自言自語咁講笑喎, 可能有時講o既野係好無聊o既但又講一大餐囉,
就好似佢一見到我就叫我做欣姐喎, 真係勁比臉囉, haha...


食完飯之後就上左亞Joe度打牌, 本身我真係勁唔想打架, 咪話同十三一家,
叫十三落場打囉, 事關我真係好想訓下, 點知十三打下、我又打下,
打打下就打到成點鐘喇, 聽日十三仲要返早囉, 都唔知佢點算喇。


不過我返到屋企見到今日終於裝好o既Borad Band就急不及待post返D日記仔先,
haha...搞左咁耐終於裝到喇, thank you大表哥幫我買Lan Card啦。^^

>>September 11, 2003 at 5:37:11 PM GMT+8

2003 年 9 月 9 日 星期二 【晴】

今日又要做presentation喇, 不過亞Kay呢個training真係幾有效架,
而家對住一大班人講野都真係唔係咁驚, 不過緊張就真係少不免的。


不過我尋日真係無時間去做preparation囉, 返完P記食完飯又成12點幾lok,
今日又要test telesale techniques喎, 尋晚睇得note黎又要訓教教喇,
心諗咁多人都未必會抽中我啦, 點知就係因為呢一點點o既懶惰就出事喇。


今朝亞Kay做Briefing o既時候就話佢本身好重視呢一次o既presentation,
而且仲係每一個人都要做o既, 我心諗真係大鑊喇, 今朝趕住出門口,
連尋日剪低諗住今日先睇o既剪報都唔記得帶添...
捱得過朝頭早都捱唔到下晝, 最後好在Summer幫我解決左呢個燃眉之急,
佢借左份港聞版比我揀單o岩用o既新聞, 真係唔該晒呀!!!


今朝又好多謝Peggy啦, 一早返到去仲擔心緊考試, 唔知點啦, 又無時間去溫...
但一返到去Peggy就好主動比晒佢問supervisor瀝o既tips我,
而Venessa都有幫手幫手架, 真係唔該晒佢地呀!!! ths~~~


今日又再一次有巧合野發生喇, Lunch time o既時候, Venessa就問我有無約人食lunch,
咁我就話我會同亞Cat仲有Peggy出去啦, 點知Venessa就約我聽日一齊食lunch啦,
聽佢咁講我就問佢今日會同邊個去啦, 點知佢話無, 咁我就反約返佢不如一齊出去食lunch啦,
hehe... 擇日不如狀日丫嘛, 咁Venessa都好比面, 之後咪齊齊出左去食lunch囉。
點知Peggy同Venessa傾傾下計先知道原來Venessa先前都係做亞Cat&Pegge o既舊公司架,
仲要係同期同事o黎囉, 佢地傾返舊公司D同事都好有共鳴呀下, hehe...^^


Venessa笑起上o黎好甜好得意架, 佢都幾talk得架, 今日好開心同佢一齊lunch呀!
而Stanley都幾好人, 佢果篇presentation都好成功添, 個個都讚好呀,
最後每組揀一個講得最好o既得主當然係佢啦。勁勁呀!
而Derrot&Godwin都仲係好頂癮, 今日先開始有少少計傾咋,
希望好快大家就可以fd D啦, 因為未來o既日子我地仲有排對架。


之後十三放左工都有o黎接我, 後尾仲同埋亞Joe&亞Cat去食飯飯添,
咁樣食飯都幾開心架, 大家有傾有講, 講返公司野又好講下笑又好,
真係笑餐飽架, 十三仲跟我地學做slogan添, 比佢激死呀! ^^


今日亦都係小妹舊歷生日, 十三送左樣野比我呀, 我超級無敵勁鍾意囉,
就係十三傻相一大張喇, 張相好頂癮架, 我諗就算我點嬲點唔開心都好,
我只要一見到呢張相, 我就可以笑返架喇, 事關實在係太太太好笑囉。
多謝十三張相相啦!!!!! 仲有就係有呢咁好笑o既相都多我標標咋, haha...^^~

>>September 11, 2003 at 5:20:14 PM GMT+8

2003 年 9 月 8 日 星期一 【陰】

今日係第三日返工工呀, 今日o既training要做presentation呀, 好淆lor!


原本我地尋日下晏分開左做training, 一直都唔知今日要做presentation架,
點知臨急比人叫左我地四個新同事出去講喎, 勁勁勁驚同緊張囉。
走走下今日得返我啦、Toby、Rebecca同埋Amy咋, 其他新人都唔知去晒邊lu。


今日都好好笑囉, 今日個title係講座右銘, 80個人當中有一半以上都有講到呀,
其中有D同事就真係講得好好笑架, 例如:有一個同事叫May Poon啦,
但佢又唔會稱呼自己做亞May架喎, 佢一上台就話自己叫『芒果西米露』,
之後就搬晒D孔子、孟子、子槓出o黎喇, 大家都"R"晒頭係咁笑啦,
又講大道、道家喎, 繼續o既就講佢o係SARS果排o既經歷,
講完一跳又跳返去講道家思想喎, 最"螺"命o既就係講完道家思想就講埋鐵達尼號,
搞到個個台下o既同事都笑到收唔到聲呀, hahha....^^


另一個同事就叫亞Ken, 佢就唔知係自己作丫定點喇, 一上到台就寫左句『絕詩』。
就係「山上有花山腳香, 橋下有水橋面涼。」喇,
寫完亞Ken就講佢o既座右銘就係樣樣野都有自己o既定律, 多謝!
講完就走返埋位喇, 個個停左一下, 即刻又勁笑囉,
Manager亞Kay都頂唔緊係咁笑, 之後就叫佢出o黎講多次啦,
佢又重覆返上面o既內容又講多一次, 之後又走返埋位喎,
最終亞Kay都放過佢喇, 引導下佢幫佢打完場。


今日仲好多謝亞Cat同Peggy呀, 佢地兩個都早過我入職所以自然考試考得比我早,
但每次考完試之後佢地都會記低晒D問題比我溫架, 真係唔該晒佢地,
o黎緊我要考果個試我直頭連試卷都有埋呀, 真係多得Peggy同亞Cat咋。

之後十三o黎左接我放工工喎, 不過之後佢又要送我返P記開工工。
但一返到P記就聽到一個好好好開心o既消息喇, 就係Annie有喜呀!!!!!
我聽到佢地講我都唔係咁信架, 但經Annie證實後原來Annie已經有左大約40日喇,
真係好好好戥佢開心呀! o係度祝Annie身體健康, 生返個肥肥白白o既Baby啦。
恭喜恭喜~~~ hehe ^^


另一件事好開心就係一返到屋企就收到細佬送比我o既生日禮物喇,
係一隻叮噹杯o黎架, 我都知道細佬好有我心, 抵我咁鍚佢o既。>3<

>>September 11, 2003 at 5:19:32 PM GMT+8

2003 年 9 月 7 日 星期日 【陰】


今日返第二日工工, 今日好好笑、好開心囉!


今日一返到去CCM 亞Kay就話今日我地o既亞爺(即大大老闆)由亞根庭o黎左香港,
而且今日仲會就公司添, 所以就諗左D Slogan歡迎佢喇, 仲懶cyber咁講互動喎,
點知個Slogan同個所謂好互動o既動作呢....就肉酸到痺呀!haha...^^


我地個小集團有Godwin、Derrot、Stanley、Benny、Candy、Mavis、Kristy、
Venessa仲有Summer。當中Godwin、Derrot同Stanley好鬼死搞笑囉,
雖然同佢o地真係唔熟, 但聽見佢o地講野就好似o係P記咁,
咁當然我而家呢班同事仔講D野無P記班同事仔咁衰啦。
不過好可惜呀, 上個星期同我一齊做新同事果位Kimy今日已經唔見左人喇,
我地team個Supervisor Anita就話Kimy覺得唔係太習慣, 所以決定唔做喇喎。
而家全team的新丁得返小妹一個咋。


不過今日下晏分開做training o既時侯發現左D搞笑野囉,
我啦、Rebecca、Toby同Amy趁break time o既時候就傾下計咁啦,
咁我就多口好奇啦就問個樣好細好細, 但就著晒成套suit o既Amy幾多歲啦,
Amy就答我佢今年21歲, 但Amy個樣勁唔似囉, 佢個樣頂多得16~17歲咋, 勁羨慕囉。
跟住就到Toby喇, Toby就話佢就o黎20歲, 咁我又問佢幾時生日啦,
Toby就話佢9月生日, 咁我話我又係喎, 我就問埋佢幾多號啦,
點知原來Toby同我都係同一日生日架, 真係勁巧合囉。
我同Toby都好希望好希望生日可以齊齊放假假又或者返早啦。

>>September 11, 2003 at 5:19:07 PM GMT+8

2003 年 9 月 4 日 星期四 【乍寒還暖】

今日淚腺非常之發達呀! 唔多開心囉!


原本今日著得斯斯文文咁返工工啦, 點知返到去上training勁悶囉,
坐o係度係咁聽聽聽...勁放蚊! 又唔係同亞Cat同team, 對住一大班陌生人,
但就算真係比我同佢一team都好啦, 我地又唔熟, 都係無用!
我果team叫『小集團』, 有十個人到啦, Supervisor叫Anita Lo,
基本上公司個個同事都幾好笑、幾好玩o既, 尤其是做briefing果陣添。
Lunch仲兩team一齊去食飯飯添, Lunch之後就分開左o黎train,
我同七個都係今日先返工o既同事跟左亞Kay去左另一面train,
亞Kay係我地in charge Manager o黎架, 佢都幾nice、幾講得笑架,
都好似仲幾叻咁添, 都幾羨慕佢架! Train完一大輪好唔容易先捱到收工,
之後又要"拱"返P記喇...


本來返到去係好開心架, 加上又係十三返夜喎, 都算幾好咁啦!
但點知後尾真係好慘呀...人地正經做緊野, 十三又話人黑口黑面,
聽完已經唔係咁開心架喇, 佢仲話唔想o係P記見到我,
之後又有少少誤會, 佢又會錯意發脾氣。


到放左工同佢去食飯飯啦, 佢問我咩事我又唔想再講喎,
話晒都放左工啦, 頭先D野我就係唔想再提丫嘛。
講講下佢又叫我唔好搵佢喇, 話我越來越似佢以前個『至愛』喎,
又講到信錯左我呀、話我又點又點呀...最終我同佢會點會點呀...
果下我咩感覺都無囉, 又唔係怨屈氣、又唔係唔開心...
但唔知點解就係好想喊, 終於咪就係忍唔住囉。


佢見我咁樣又o水人地喇喎, 佢話自己心情唔好、好煩。
但係唔理佢之後講咩都好啦, 有D野真係一下子補唔返囉,
之後佢講咩都好似無咩用咁, 我無覺得好過返D, 仲係淨係想喊,
果一刻問我喊係因為D咩, 我真係唔知道。淨係想喊....想喊!


我唔係要憑今日o既事去否決晒佢平時o既好, 我都知我有十三都算幾好彩,
但返到屋企一諗起頭先o既事就真係好自然咁喊囉, 可能係有少少hurt卦!

>>September 5, 2003 at 7:05:32 PM GMT+8

2003 年 9 月 3 日 星期三 【乍寒還暖】

舊歌一大首但好好聽、好有意思....By 13~~~
同王菲首約定同一個旋律架!


約定 ~ 周蕙


詞:姚若龍 曲:陳小霞


遠處的鐘聲迴盪在雨裡 我們在屋簷底下牽手聽
幻想教堂裡頭那場婚禮 是為祝褔我倆而舉行
一路從泥濘走到了美景 習慣在彼此眼中找勇氣
累到無力總會想吻你 才能忘了情路艱辛


你我約定難過的往事不許提 也答應永遠都不讓對方擔心
要做快樂的自己 照顧自己 就算某天一個人孤寂
你我約定一爭吵很快要喊停 也說好沒有秘密彼此很透明
我會好好的愛你 傻傻愛你 不去計較公平不公平

>>September 3, 2003 at 6:07:17 PM GMT+8

2003 年 9 月 2 日 星期二 【乍寒還暖】

今日十三放假假, 佢訓醒就過左o黎我屋企接我,
之後陪左我落時代見返尋日約左見果份工工。


份工係十三個朋友亞Joe個女朋友亞Cat介紹o架,
而亞Cat亦都返緊呢份工, 不過而家都係做緊training o者。
間公司叫Family First, 係做finanice, 今日見果個Manager叫Joey Chu,
佢話呢間公司係由兩間美國上市公司o既子公司o黎o架,
人工都福利都算幾好, 仲要好到而家呢個時世真係好難求果隻。
我apply個post係telemarketer, 頭一個月要上training即係亞Cat而家上緊果個。


見完工之後都算架喇, 見得成當然好啦, 見唔成我都無計,
加上自己都無咩信心佢會請我, 而且十三陪我去, 我仲怕會十三令失望添。
之後見完無幾耐就同左十三去食野、行街, 行行下亞Cat打比我問我點啦,
我咪照講囉, 我同亞Cat都仲估估下咁添...之後返到P記, 亞Cat又打o黎,
亞Cat話見完工之後Joey提起過我, Joey話我好乖但講野技巧唔算係好果隻,
咁亞Cat就問佢咁我會幾時返工, Joey就答佢星期五喎, 好奇怪都唔知點解佢咁答,
佢又無話請我喎, 亞Cat話照計應該會請, 但一日未有正式通知一日都唔知係唔係請o架。


但如果佢真係請我就一定會比心機去做囉, 話晒都幾好人工。
呢面仲比我返Giordano好得多喎, 幾大都去博啦!
但條件又好到惹人懷疑囉!!! 都唔知點~


到左P記放工就同十三去左食飯飯, 食完飯飯先返屋企喇。







>>September 3, 2003 at 4:51:25 PM GMT+8