2003 年 12 月 6 日 星期六 【乍暖還寒】

今日一返到公司Briefing就比人插喇, 話上星期D Show跌得好勁,
但ACM JC都話明白我地因咩事洩左度氣, 我地都明白佢好勞氣,
但有好Show唔通我地唔想做咩, 但JC只希望我地做好D星期二有70個Show o者,
我地當然會盡量做啦, 邊個想衰先得架??


但我地公司越來越變態, 今日已經無meal break足夠我地食飯架啦, 仲要OT,
OT係例牌菜都算喇, 仲要無埋冷氣, 中央冷氣10PM就熄架啦嘛,
個個焗餐死, 好喇OT完仲要Briefing, Briefing果陣仲要Ricky叫Anita同我地講啦,
Anita又唔肯又推埋比Ricky講, 你推我我又推返比你, 最終就無人講咩事。
好喇, 之後終於知道佢地想講咩喇, 又要等佢地搵返份新Script去print,
之後再要等佢地影印...好喇, 等左一大輪仲要話print唔到, 最終叫我地走先喎,
真係屎都滾埋呀!!!


之後餓到我同Peggy即刻走左去沙爹皇食飯飯, 好似餓鬼纏身咁囉, order左好多野食,
搞到D人都有點先質疑我同Peggy有幾大個胃呀, 之後仲要飽到滯住訓唔著囉,
但聽日又返早喎, 成7am要起身, 要訓又訓唔到、一時有得食又滯親、一時又餓過飢...
呢份工真係做到人都顛喇!!!

>>December 8, 2003 at 1:28:54 PM GMT+8

2003 年 12 月 5 日 星期五 【乍暖還寒】

今朝仲要好多謝Branky添呀, 事關我星期五果個Off, 但就約左個客今日1pm囉,
星期四走果陣又唔記得交低比super, 同交個客張Logsheet, 所以無做到Booking,
如果我今朝唔係扎醒左醒起呢件事, 個客上左o黎但我無Book到, 我都幾大鑊呀!!!


之後o拿o拿淋打返公司, Branky聽左我個電話, 同佢講完佢仲一手一腳幫我搞掂埋,
真係唔該晒佢呀!!! 我開頭仲諗住佢又唔係我個Super, 佢實會pass返比Anita幫我搞添,
而我仲有心理準備一返到去實比Anita鬧添, 點知我返到去Anita同我講我有一個Show,
之後我問返Anita係唔係我唔記做Booking果個客啦, 先知道Anita完全豪不知情囉,
最終Anita又無話我, 個客又真係Show左囉, 真係多得Branky咋, 唔該晒你呀!!!

>>December 6, 2003 at 6:55:48 PM GMT+8

2003 年 12 月 5 日 星期五 【乍暖還寒】

今日勁勁勁頭痛呀, 唔知點解一返到公司埋位打call就開始頭痛喇,
仲要講講下自己都唔知自己講緊D咩, 之後又無人肯聽我講野喎,
咪試打返D follow up客囉, 點知又比我撞到個客o岩o岩o係會展喎,
仲肯即刻過o黎添, 真係勁好彩囉, haha...好付碌咁做左個即食喇。


但之後都仲係好無心機咁打call, 直到第一輪o既同事仔去晒食飯,
Anita見我隔離有位就走左過o黎坐喇, 之後唔知佢講D咩,
講講下我就stop左D call同佢傾計喇, 總之係唔明又好、假唔明又好,
關我事又好、唔關我事又好咩都問一餐, 卒之傾左45mins都無入過call,
之後上一班出左去食飯o既同事仔返左o黎, 輪到我地第二輪o既同事仔去食飯飯喇,
足足偷懶左45mins呀, haha...


食緊飯果陣又好擔心喎, 今日行131策略喎, 除左做到今日個booking之外,
我聽日有3個booking都未做過呀, 如果聽日要追3隻即食都幾難喇。
諗過陣都唔知自己可以點架, 追數總之就係慘架啦!


好彩之後返到去都做到2個聽日同一個星期二o既booking,
而家仲爭一個聽日o既booking就完成個131策略喇, 希望聽日好彩啦。


之後放工Peggy就同我講話佢效法左我個方法, 狂拉住亞Anita傾計,
足之佢又傾左45mins呀, haha...不停咁問佢不停咁問佢野, 咁樣時間就好快過啦。
放左工仲去左搵13同亞邦去太興食飯添, 後尾Peggy都join埋我地,
咁樣傾下講下都幾開心丫, 希望我地同亞邦o既對話無嚇親Peggy啦。

>>December 6, 2003 at 6:44:04 PM GMT+8

2003 年 12 月 4 日 星期四 【陰晴不定】

尋晚去左13度訓, 不過次次最終都唔係太開心架!


13放左3日大假今日要返工工喇, 但佢就懶到死囉, 叫極佢起身都唔起,
叫到我自己都"炆炆"地喇, 咪唔理佢囉, 之後佢一起身就要嘈醒晒人,
仲要佢一叫人地就要起果隻囉, 咁樣真係唔係咁好, 我勁唔鍾意咁樣囉!!!
之後我都唔係咁想睬佢呀, 事關我果時真係好"炆"呀!


之後上左巴士, 見到佢因為我而唔開心, 我先至下左啖氣咋,
同佢講返之後, 佢仲要話唔知係佢懶訓定我懶訓囉, 真係激鬼氣呀!!!
佢永遠都講到咩都為我諗左先, 而我就永遠係唔識諗果隻囉,
佢話見我訓左費事嘈醒我喎, 但又唔講下自己叫極都唔起身, 仲叫我咪嘈佢添喎,
但佢一起身刷完牙就要扯人起身囉。真係慘呀!!!


之後都算喇, 落左啖氣我都唔想再提D唔開心o既野喇。

>>December 5, 2003 at 10:49:45 AM GMT+8

2003 年 12 月 3 日 星期三 【陰晴不定】

今日D Call好難打囉, 個個都唔理人地想講D咩就Drop, 真係蠻塞呀!


之後放工我地Anita's team就比亞Kat(CM)留低晒做Briefing囉, 除左Team Member外,
仲有兩個ACM JC、Ricky & Anita在場囉, 但全程Anita齋坐埋一面無出過聲囉,
我覺得佢完全一D悔意都無呀, 我地都唔係話要佢同我地say sorry丫,
只不過想佢講兩句野, 大家有個共識都好丫嘛, 點知佢全程都無出過一句聲,
可能甚至乎都唔覺得自己有問題, 我諗佢如果唔係唔想無左份工的話, 佢都唔會正視呢件事呀!
而今次Briefing我覺得仲完全係亞Kat o既意思添, 有呢個Super真悲哀呀!


之後就去左13屋企食飯飯, 13個老豆真係一絕o黎架, 雖然13成日話佢煩,
但我就覺得佢好鬼過癮喇, haha...

>>December 5, 2003 at 10:37:09 AM GMT+8

2003 年 12 月 2 日 星期二 【颳風】

今朝早勁唔想起身返工呀, 一來因為無心機返啦要extend, 二來尋晚唔夠訓啦。
但之後我最終都揀左返去o既, 費事啦尋日知道過唔到probation今日就請假。
不過就算返到去都無用啦, 真係勁無心機打call囉, 又"支力"喎,
唔係諗住返多兩日就有假放o既話, 我諗我都無咁好動力返去呀!
都未開工咋已經同Vanessa有晒同感喇, 勁唔想打call!!!!


之後打打下又無咩結果, 打call...比人drop line、打call...無興趣、打call...唔需要...
之後打打下就比JC(ACM)叫左入房傾野, 同場仲有幾個team mate, Vanessa、亞Mike同Kristy。
JC主要都係安慰、鼓勵下我地仲話會幫我地train返好D skill咁囉,
雖然都知道佢都講得好完滑, 但係人都知呢D係門面功夫,
但聽完佢講個心又舒服返好多喎, 至少我有返心機打call先啦,
出左房無耐就做左3個Booking喇。我覺得JC都幾勁架喎, 勁有說服力,
聽完佢講都有返D心機去做野。


就好笑o既就係人地team個super都曉o黎安慰下自己, 反而自己team個super無囉,
可能因為我尋晚同亞Cat傾電話果陣, 亞Ken又打比亞Cat啦, 事關呢期玩關心丫嘛。
之後亞Cat唔覺意講左少少內容比佢聽卦, 搞到佢今日都走埋o黎叫我唔咁介懷、
唔好咁唔開心、因為extend影響左performance就唔好呀等等....
佢又幫Anita講說話囉, 話其實我extend最主要o既原因唔關個super事囉,
但偏偏個個都知每個team mate o既report都係由自己team個super寫架囉。
連平時無兩句o既super都走埋o黎呀, 反而Anita無囉, 就算之後走埋o黎都係問數咋,
真係幾好人呀! 又負責任喎、又take care我地...我有呢D super 真係係人都恨唔到呀,
Unique同Mini Group真係幸福呀!

>>December 3, 2003 at 4:05:44 PM GMT+8

2003 年 12 月 1 日 星期一 【颳風】

好灰呀!!! 今日終於知道左喇, 做左3個月都係一事無成, 我過唔到Probation呀!
勁灰囉! 點努力都係好, o係佢o地眼中完全唔係一回事, 有數就咩都得, 無數呢就慘過咩!
你估見到個個有數而自己無好受架?


仲要好似機械人咁款囉, 同我o地個個都係話條數爭D喎,
其實過到Probation o既條數都未必係好好, 有D同我一樣做一個月做到成七、八個都過到,
但我都係過唔到囉, 不過過唔到都算喇, 但連亞Mike都有份就真係唔多抵囉,
亞Mike有成13隻都走唔甩, 原因仲要係因為佢講call o既時候郁o黎郁去喎,
激到亞Mike彈起呀! 佢仲即刻話唔做添。不過比著我係佢我都會係咁啦,
平時亞Mike又唔係無做野, 又唔係數差, 係就係有時講得投入果陣會坐o係度邊令邊講call,
但公司或者call centre有邊條例唔比人郁架??真係過份!


今日Ricky同我o地講我o地要extend多一個月o既時候, 其實大家都心知好快就無得做,
但Ricky仲死口唔認囉, 叫我o地比心機未必係壞消息o黎喎, 真係鬼信喇!

>>December 2, 2003 at 1:36:02 PM GMT+8

2003 年 11 月 30 日 星期日 【颳風】

今日轉新Script, 又轎口又唔吸引, 都唔知點同D客講, 個個都話唔知咩係One Card,
加上今次又係做Discount Card, 跟本都唔夠上次果D cash coupon吸引。


今日仲要幾經辛苦先做到一個Booking, 同呢個客傾左20分鐘先講得掂佢做到個Booking,
終於約到個客13號喇, 老實講我做完呢個call都好有成功感架。


點知當我個super問我做唔做到o既時候咪照實同佢講囉, 約到一個係下星期六o既,
點知仲要比佢話囉, 佢話我做咩要約到咁後喎。喂~大佬呀, 人o地有工要返架,
我話約就約o既, 我一日閒閒地幫你約百零二百打啦, 唔通我專同錢鬥氣架??
但而家唔係我話事架嘛, 我話要佢上o黎佢就會上o黎咩??


佢仲話我做咩講咁多野比個客聽囉, 唉~我都係純粹照Script讀之嘛,
將我要講比佢知都講晒啦, 無多無少! 唔通個客話呢幾日唔得閒,
我就即刻同個客講咁我唔講咁多比你知喇咁呀?真奇怪!?


其實個客上唔上o黎真係另一回事囉, 就算我今日約左個客有幾frim都好,
聽日有好多時咪又係無o黎到, 我都唔知係我錯定係佢錯...煩!
雖然係約得後成16號o既事, 但總算有個機會丫, 又話做野要Postive又咁話人囉, super喎!


今日又有一個壞消息喇, Cathy Cheung同事仔比人炒左喇, 佢衰衝動囉,
其實佢都幾好玩架, 點知以後都無得見佢lu。

>>December 1, 2003 at 6:02:46 PM GMT+8

2003 年 11 月 25 日 星期二 【微冷】

幾經辛苦今日終於交到三個數喇, 不過又擔心佢甩底, 真係超煩呀!


之後放左工同Peggy去左Regala食tea, 食完就返左P記lu, 標標煲左菜乾湯呀,
13專登落左個message叫我返公司飲湯, 情況就好似亞媽叫個女返歸飲湯咁, 都幾頂架,haha...^^ 不過返到去13勁多野做囉, 見得佢10分鐘我就走左喇。
事關今日勁"支力", 尋晚做完份script之後一直都訓唔著, 唔覺唔覺就天光咯,
都好似無訓過咁, 今日又返早喎, 所以都幾辛苦呀!!!

>>November 26, 2003 at 3:28:40 PM GMT+8

2003 年 11 月 24 日 星期一 【颳風】

呢兩日返夜都交唔到數呀, 竟然衰到半個booking都做唔到呀, 講call講到人都顛喇!
搞到Anita狂聽我講call囉, 佢話我講得斯文又唔夠信心喎...
但即使聽佢講完我都仍然係一頭霧水, 都唔知點講自為子o岩。


我真係好想好想可以做好呢份工架, 雖然我又唔係叻, 但我話過要比心機做就一定要做到架嘛,
但點知就連13都唔幫我, 淨係識問我幾時辭職, 又叫我不如快D辭職啦等等...唉~
連13都一口咬定我做唔掂呀, 去幫度搵信心返o黎丫...><

>>November 26, 2003 at 3:41:09 PM GMT+8