2003 年 6 月 3 日 星期二 【晴】

尋日食完飯之後同十三去左旺角百老匯睇《衰鬼上帝》,
占基利咪就係勁搞笑囉! 我就覺得OK啦, 反而十三就幾鍾意呢套戲。
有一幕講佢得到左能力之後開心到唱左句I got the power~
就笑死左十三, 而十三都好鍾意呢幕。
而我就最鍾意占基利整鬼佢同事果幕, 真係笑到死呀!


睇完都成兩點啦, 之後去左食宵夜, 食完再去左Neway唱K,
唱到今朝五點幾, 之後唯有打的返歸啦, 返到屋企都成六點喇,
有得玩就唔覺"支力", 但一返到屋企就"支力"到死左lu,
成晚最奇怪o既就係我呀媽竟然一個電話都無打比我喎,
平時去夜D佢都猛打比我o架嘛, 但今次玩左成晚一個都無喎,
我同十三都覺得奇架喇, 我仲咋十三嬌話我呀媽唔要我添...^^
返到屋企沖緊涼果陣, 我呀媽剛剛起身, 仲好奇怪我點解咁早洗白白,
原來佢成晚都唔知我未返, 仲好失察咁訓左添, 平時佢都好少咁失察格。
不過我都無呃佢, 我都話比佢知我都係剛剛返到, 佢都無哦我lu。


之後洗完白白就即刻去訓喇, 一擘大眼就下晝四點lu, 不過一起身就勁樣衰囉,
可能戴con戴得耐, 尋晚返到屋企除左副con對眼就開始好痕喇,
都無為意就邊"R" 邊訓啦, 一訓醒就腫晒、大細眼喎, 勁樣衰!!! ><
今晚仲要返工架, 實嚇死人啦!!! 猛做D補救功夫...
好彩到左臨返工又好似消左少少腫、同埋無大細得咁雜譜囉。


之後放工, 十三o黎左接我, 佢今日返到去訓左無耐就起左身整屋,
今日又係端午節佢又要同佢屋企人食飯, 都無得停, 仲話放假喎,
辛苦死佢喇。之後同左十三去食飯, 食完飯就返左屋企喇,
聽日又要返工呀! 真係勁唔想返呀! 而十三又返早喎, 要早D訓喇。

>>June 10, 2003 at 11:42:38 AM GMT+8

2003 年 6 月 2 日 星期一 【晴】

今晚好慘呀! 點解今晚會拍住Elaine同Candy架??


事前我都知今晚自己拍住Elaine, 都鬼晒咁嘈架喇,
但萬萬都估唔到今晚仲有Candy, 真係撞鬼囉!
雖然我地無咩衝突, 但我同佢地不嬲都唔o岩傾架啦, 尤其是Elaine添。


而今晚我拍住佢地就簡直悶到要死呀, 佢地就傾唔停, 咩都唔使做,
雖然今晚十三返夜, 但佢都唔係好人o黎架, 我都好嬲佢呀!
拍住Elaine我都唔係咁願幫佢手架喇, 點知十三就偏偏自動自覺去幫佢手,
平時個個十三都唔幫, 偏偏係佢就走去幫, 平時仲話點唔鍾意佢,
睇o黎都係大話o黎架咋, 十三真係好衰架!


之後我都唔係太想理十三呀, 佢知我嬲佢就問我嬲咩,
但我知我又嬲得幾無理取鬧, 所以我都費事講喇。
之後個衰人就匿埋o係經理房啦, 我以為佢掉返轉頭發我脾四啦,
點知佢九唔九走出o黎問我係唔係嬲佢呢樣、嬲佢果樣,
原來佢匿埋o係房就係諗我嬲佢咩, 之後諗諗下都嬲佢唔落喇,
同佢講佢實覺得我無理取鬧格, 十三正一衰人o黎架!
其實我都知個個都好"霖"佢架啦, 就算十三點唔認,
我都知個個都好鍾意飲佢果杯荼架啦, 諗落都吹佢唔漲o既。
都唔怪得晒佢o既, 要怪就怪所有男人都不知所謂啦!


之後收工同左Johnny去左食飯, 傾到呀棠同呀Lam, 真係好唔fair囉,
佢搞左咁多o野出o黎鋪鋪呀Lam都補佢, 都唔知點解會咁架。
而十三今日心情都好左好多喇, 佢話搵左高人指點喎。
果個高人咪就係Kenny囉, 佢今日開心返咁多都係多得佢咋。


>>June 10, 2003 at 11:36:42 AM GMT+8

2003 年 6 月 1 日 星期日 【晴】

點解公司會越來越麻煩o架?? 點解呢排個個都咁黑仔o既?
繼Johnny之後, 我驚身邊又有人會面臨失業呀!
最衰就係呀Lam、呀棠仲有林仔啦, 十三真係黑呀,
有親D咩事都係o係佢個更發生咁o既, 今晚雖然我唔使返工,
但而家公司有親D咩事我就一定會收到風咁o既,
開頭我都仲未知咩事, 但到聽完十三講我先知事態嚴重喇。


事緣林仔同呀棠嘈, 嘈完喇, 林仔知同呀Lam講都無用o架啦,
就直接打比分區經理Simon, Simon 同林仔有咩交情我就唔知喇,
我淨係知林仔之前賣左自己架自動綿比Simon所以都有兩句卦。
但我唔知林仔有無考慮過會累死十三囉, 所以十三而家好愁呀!
呀Lam又瀉晒比十三喎, 林仔咁即係無型中幫左呀Lam一把,
佢就係好事多磨、好做唔做之嘛, 搞到十三勁唔開心!
十三又要還卡數喎, 計落佢同Johnny都真係相差無幾o架咋,
但我又幫唔到十三手喎, 佢話佢自己都有八成機會比人炒o架喇,
雖然叫佢唔好諗到咁灰, 但大家都心中有數啦。


不過與其做得唔開心, 咁不如趁仲後生搵過份工仲好啦,
況且呢份工十三都做左成十年啦, 雖然而家轉工係難, 但係都係時候啦,
如果唔係第時想轉工都無人請呀。而家最後一個希望就係睇Simon喇,
Simon做左咁耐A.C.睇下佢識唔識睇人啦, 到最終佢要留低邊個都係佢話事o既,
希望佢係一個公平、肯聽人意見o既上司啦。


第一次, 今日係第一次十三話唔要我呀, 佢話如果佢真係咩都無的話,
佢就連我都唔要喎, 佢話佢唔想我跟住佢捱, 但畢竟佢今都係第一次話唔要我!
雖然佢講到佢都係為我好, 但聽到果下都唔理因為D咩原因而咁講都唔安樂左先lu。
我知十三成日都會諗將來想點過, 雖然我唔係無諗過, 但將來... 離我地實在太遠喇!


難怪十三成日都講『有幾多故事最後 愛人仍然同一個』啦!

>>June 10, 2003 at 11:35:07 AM GMT+8

2003 年 5 月 31 日 星期六 【晴】

尋日十二點幾起身就約左Annie出去食lunch&買今晚BBQ用o既野喇。
之後就上左Annie屋企醃o野喇, 買o野都買到成三點半呀,
Annie返五點、我就返六點, 趕餐死呀。


之後返到公司Annie又勁瘀喎, 事緣琪琪打o黎公司搵Annie,
話自己同雯雯都好肚餓, 問Annie有咩食, Annie想話櫃果度有『百力滋』,
想叫琪琪自己去"nick"o黎食, 點知佢又醒唔起包o野叫百力滋喎,
就講左個櫃有『碧麗珠』呀自己去"nick"o黎食啦咁喎,
我聽到即刻忍唔住勁笑, 之後Annie收左線佢問我笑咩,
佢先知自己講錯o野。我講左比十三聽, 十三都話咁都得呀??
之後Annie仲話琪琪都慣o架喇, 佢地兩母女溝通到, 應該明佢想講咩喎。^^


到左收工, 就book左架紅van齊齊入石澳喇。
今晚有我啦、十三啦、Johnny、Annie、琪琪、Annie老公、
林仔、林仔老婆、煒烙仔、文仔、天沛、細佬仲有呀偉。
不過今晚都幾好玩丫, 琪琪同煒烙仔勁好笑、勁得意,
尤其是煒烙仔呀, 今晚勁多o野講, 講o野又夠得意、夠直接,
得三歲咋諗到咩就講咩, Annie做佢又即刻跟住做, 笑死我同Annie呀!
琪琪就成日整鬼十三, 同十三玩到顛晒, 十三又古靈精怪笑到琪琪傻晒!


我最驚反而係驚Johnny悶囉, 本來家雄、呀邦、狐狸同西西都講o黎o架,
但後尾梗係放晒飛機啦, 佢o地都唔使返工, 又點會咁神心返o黎搵我o地丫。
本身家雄都有到o架, 但我o地等人等得耐, 佢又約左人所以未去就走左。
本來諗住叫Johnny出o黎玩下、開心下, 但後尾好似悶親佢咁。


之後同左十三行左一陣沙灘到四點先走呀, 返到屋企搞搞成七點先訓,
一直訓到今日十二點幾, 呀媽買左o野比我食, 但唔知點解好似無咩胃口,
後尾電視做《陽光警察》, 我又無睇過喎, 又好似幾好睇喎咪又睇囉,
睇完又即刻走去訓訓訓...到五先起身, 之後返工先買o野食,
有得訓真係咩都唔理o架喇! 到放工同十三去食飯飯, 個衰人尋晚可能吹親呀、
又唔夠訓, 搞到今日頭痛又傷風, 真係辛苦死佢呀!

>>June 10, 2003 at 12:14:08 PM GMT+8

2003 年 5 月 29 日 星期四 【晴】


呢個十三想食肥我, 等我變左做個大肥婆就唔要我!


今日晏晝食完lunch十三又買左糖水上o黎學校比我同D同事仔食喎,
個廚房師傅笑我話十三"o水"得我幾咁開心, 其實要多謝十三對我咁好。
不過佢真係會好辛苦o架囉, 我驚佢唔夠訓呀, 又返夜又早起身,
上完o黎又要返工, 都唔知佢點頂喇。


呢個衰人今個月又買左好多o野喇, 全部都係買o黎添置佢間房o既,
佢話佢買左個電視機+電腦+LCD Moniter o既物體喎,
佢就o黎淨係識匿埋o係自己間房度, 三步不出閨門o架喇!


放左工就返P記接埋琪琪一齊去玩, 佢地個個都笑人地話我揍女呀, 陰公...
不過o黎o黎去去都唔知有咩節目, 咪又係麥當奴、冒險樂園。
到左八點零陪Johnny個家姐去完換電話之後就同Johnny&琪琪去食扒王之王喇。
本來等到十三同Annie收工先去接十三&帶返琪琪比Annie o架,
點知晏得滯先去食飯後尾都趕唔切, 反而要呀珊、Annie同十三o黎搵我o地。
之後食完飯十三話想去唱K, 所以我地兩個就去左唱K喇,
佢地就走晒lu, 到左聽晚放工又可以去玩lu, yeah!
不過聽晚約果d人都有少少騎呢, 希望玩得開心啦。

>>May 31, 2003 at 3:19:07 AM GMT+8

2003 年 5 月 28 日 星期三 【晴】

今日十三學人o地! 佢今日晏晝買左D蛋糕上o黎比音音,
但我公司計計埋埋都係得三、四個人咋喎,
十三唔知道就買左十五件蛋糕喎, 都唔知點食lu。
今晚音音又唔使返工但都見到十三喎, 至怕係佢辛苦咋,
夜晚又夜訓, 朝早專登早D起身買o野比我之後又返工工, 辛苦死佢喇!


完左lunch都無咩o野做, 坐左o係office都唔知做咩好,
之後諗諗下先諗起要約人喎, 之前Annie話想星期六BBQ,
之前都係得個講字, 再打比Annie confirm 啦, 佢話琪琪不知幾興奮呀,
咁又唔可以比小朋友失望o架嘛, 所以我成個下晝就o係office打電話約人喇,
約得人就梗係唔係約完就bye bye o架啦, 同Annie傾下、同琪琪傾下、
同呀珊傾、呀同Johnny傾下仲有同十三傾下, haha....
就係咁就消磨左成個下晏。之後放工就返左屋企同屋企人食飯飯喇。


今日琪琪又好好笑喎, 佢問我同邊個去燒o野食?? 我話約多D哥哥姐姐囉,
佢又問我約邊個哥哥呀??我話講比你聽你都唔知邊個啦。
點知琪琪點都話要知邊個喎, 我咪求其講囉, 我問琪琪你知唔知邊個Johnny呀,
佢竟然話知喎, ,琪琪話咪係成日話媽咪十八歲果個囉,
我話係喎仲好好奇佢又知o既, 之後我話叫埋大色狼去囉,
琪琪即刻好開心咁話好呀, 叫埋大色狼去, haha...
之後夜晚同十三傾電話我講左琪琪講過呢番的說話比十三聽,
十三聽完都唔知好嬲定好笑! 淨係話我教壞琪琪!
其實係琪琪教我先真喎!^^

>>May 31, 2003 at 3:20:05 AM GMT+8

2003 年 5 月 27 日 星期二 【陰】

呢排唔知做咩事我瘋狂地買小說喎, 都唔夠一個禮拜就睇完兩本喇,
可能返工真係無聊得滯啦, 晏晝無o野做可以o係office猛咁睇。
今日放左工又去左商務揀多左兩本小說呀!
之後落左吉之島個super market買左D壽司返公司比十三同埋D同事仔食,
我事前都無諗住咁o架, 不過一上到的士就諗到咪咁做囉,
買左差唔多返到公司先打比十三叫佢出後門等我囉,
唔知佢地鍾唔鍾意食o架, 不過我好想見到十三呀咪順便買o野齊齊食囉。
不過事先聲明呀, 我唔識揀三文魚架, 我見佢個樣靚靚o地就買架喇,
食左有咩事唔好入我數呀! he ~^^


不過又好瘀架呢...比人勁笑、勁瘀呀!
我諗住唔比十三知我買左幾多錢, 驚佢又話我"shine"錢丫嘛,
點知就係叻得滯唔記"nick"返張單喎, 係應該話我無留意有張單喎,
加上自己又"nick"左個袋呀、書呀, 根本上無留意到, 比完十三就返左屋企食飯飯。
又再一次飛的返屋企o既途中, 接到呀珊電話我先知自己瘀到爆,
仲要激動到o係架的士都大嗌...好瘀呀! 勁慘!
之後呀珊比左個電話十三聽, 又比十三話我"shine"錢&蠢呀!!!><

>>May 31, 2003 at 3:10:12 AM GMT+8

2003 年 5 月 26 日 星期一 【雨】


今日好Down呀, 唔知點解硬係有Do野"銀住銀住"咁, 好唔開心。
我知道今日十三都好唔開心, 因為呀Lam囉, 但佢都察覺到我,
佢問我係唔係唔開心我梗係話唔係啦, 因為我都唔知自己想點。
之後十三匿o係經理房發脾四, 仲整親隻手添, 但佢開返房門我入左去搵佢,
佢又話無事, 講左小小比我聽之後佢就叫我唔使擔心佢。


今日唔開心D時間都過得特別慢咁o既...到左十點鐘, 終於等到收工啦,
但我仲好似遊緊魂咁, 好似咩都無做過咁、未夠十點就去左換衫衫喇。
之後出左公司門口坐等埋十三, 無啦啦唔知諗緊D咩竟然有D想喊喎...
到左等到十三同呀珊喇, 講去邊度食飯啦, 講講下...都係未行企左o係公司出面,
講講下到最後十三就叫我同呀珊自己去食飯, 之後轉個身發脾氣就走左去喇。
而我同呀珊就各自返歸, 我自己心情唔好o者, 我唔想有人陪我, 我想自己一個。
返到屋企我都知道十三唔會搵我o架喇, 佢實嬲死我啦。
而我都無咩心機講電話, 如果唔係我都打左比十三啦,
之後沖完涼就去左訓教喇。我唔知十三最後點、去左邊...
我淨係知佢一定會話我唔夠關心佢、成日發脾氣...
與其打去比佢話, 如果係咁我寧願唔打喇, 我唔想更唔開心呀!
況且我真係覺得佢見唔到我、唔同我一齊佢會開心D。

>>May 31, 2003 at 3:09:35 AM GMT+8

2003 年 5 月 25 日 星期日 【晴】

今日返完P記食左一餐勁好笑o既飯飯lor!


今晚我放左工就返左P記啦, 本來都唔係咁想返o架,
因為我覺得十三見唔到我會開心過見到我! 所以咪諗住唔返囉。
唔知點解我會有呢種諗法呀, 但我真係咁覺得。


之後十點零鐘... Johnny返左公司喎, 仲有呀航添, 唔知佢兩個去完邊o黎啦,
Johnny 就撩我同十三仲有傑仔一齊去食宵夜喎!
咁十三都無所謂o既...無一齊去囉, 不過我唔明Johnny同呀航囉,
明明同傑仔都唔o岩嘴型o架啦, 但又叫埋佢去喎,
一坐低Johnny有Johnny同呀航傾、我又同十三一齊啦,
特左傑仔出o黎, 十三都有同佢傾計o既, 但感覺同分"木台"坐無咩分別。


之後講開去唱K啦, 呀航問而家去唱K會唔會平D呀, Johnny同十三都話平鬼呀!
Johnny想話就算人頭費點平, nuts & 果盤費咪一樣, 但Johnny唔識講果盤喎,
佢大大聲話nuts同生果籃貴咪一樣, 我聽到覺得好好笑啦,
好自然即刻話探病呀生果籃, 跟住佢o地四個都o係度笑啦,
Johnny笑住話唔知點講丫嘛, 呀航就即刻扮卡拉OK waiter,
笑口噬噬咁"nick"住兩個果籃話先生你果兩個生果籃呀, 大家都即刻狂笑...
Johnny仲搣鬼我添, 十三又唔幫人o地仲話好鍾意捉人字"失"。
仲摷返D舊o野o黎話人, 咁有時爭一個字就差好遠o架啦嘛,
就好似Johnny咁邊有卡拉OK搵生果籃招呼人o架! 真係大吉利是嚕!

>>May 31, 2003 at 3:08:59 AM GMT+8

2003 年 5 月 24 日 星期六 【陰】

今日本來諗住起身同契媽出去飲茶o架, 但無奈尋日咁夜訓,
到最後真係起唔到身! 仲要變左呀媽同契媽掉返轉頭買o野比我食,
但今晚燒o野食, 見佢o地咁多o野要買我都費事叫佢買喇,
所以自己就嗌左pizza同細佬妹一齊食就算喇。


之後頂左一陣間腳, ha...竟然贏錢喎, 不過都唔係多十五蚊o者,
我打牌有幾可會贏先得o架~ 所以都已經好滿足喇!
之後姑姐o黎到就比左佢打, 我又唔想留o係屋企喎,
呀妹就叫我陪佢去買衫, 佢份人無咩主見o架嘛,
所以佢次次叫我陪佢都係想我幫佢揀埋, 咩都信晒人, 真係令人好鬼擔心架!
同佢行左一陣咋就使幾舊水喇, 但佢就大有收穫不知幾開心呀佢!
但今日又氣真係好焗好焗, 行到我都唔想行就返左屋企啦,
返到去睇無兩頁水說就頂唔順訓左喇, 訓到夜晚燒o野食先起身,
咪就係勁懶、勁"支力"之嘛!


今日有契媽啦、契爺啦、姑姐&姑丈、呀源、美珍姨、傑豪仲有雄仔叔添,
雄仔同呀契爺都真係幾talk得架喎, 佢o地都唔識o既, 但就咩都傾得一餐,
佢o地由頭帶到尾, 真係有D料到o架!^^

>>May 31, 2003 at 3:07:01 AM GMT+8