2003 年 4 月 12 日 星期六 【晴】

呢兩日d工作進度好慢...唔係同jackie打機就係掛住icq...
份soc paper原本預計星期三做完...但...而家先得1700字...唉...
本來呢兩日係用黎備課既...但...結果當然咩都做唔到...慘...

前幾日係網上同gc chat左一輪...好少可我會咁有pt...希望佢真係冇事啦...

明天復課...但夜訓既習慣...唉...
聽日都唔知點起身...


>>April 13, 2003 at 9:36:33 AM GMT+8

2003 年 4 月 9 日 星期三 【晴】

呢幾日都係同terry佢地瘋狂咁打aoc...雖然幾好玩...
但始終最懷念同martin拍擋既日子...可惜我地打既板本係1.0c...佢玩唔到...

為左做soc份paper...呢兩日都係度睇全球化d野...慢慢覺得自己變左經濟專家(感覺上咋...事實當然唔係...)不過金融機制真係一樣非常之複雜既東西...睇到頭都大埋...雖然幾有趣..不過可惜我冇咁多時間慢慢研究...到e家d匯率係點計我都唔係太明...

近來愈來愈覺得最大既快樂要係最大既痛苦之後(或者係壓力)先可以感受得到...一直以黎都有呢個感覺...只係呢個概念最近先愈來愈清晰...

星期一就復課...到底會有幾多人唔怕死響應我飲茶既號召呢...

再次捱眼訓睇波...結果換黎一肚火...都好耐未試過睇波睇到咁好火了...唉...好在冇嘈醒熟睡中的家人...愈睇愈火滾...真係無眼睇...

>>April 10, 2003 at 9:35:49 PM GMT+8

2003 年 4 月 8 日 星期二 【晴】

對上一次出街...(落街買野唔算...)...已經係上星期三既事...日日係屋企隱居...
唔悶不特止...d時間仲過得好快...真係唔知點解...

想找易京之戰的資料...但找來找去也只得很少資料...慘...

最近呢兩日都係同Jackie打aoc...陪佢打電腦...比想像中好玩...不過當然對人刺激好多...
學業在這個突如其來的假期完全給荒廢了...真是...唉...

希望可以快d搞掂d paper啦...唉...

夜晚同terry打完aoc就睇波...曼聯對皇馬...
場波真係冇令我失望...係一場水準非常之高既賽事...雖然曼聯輸3:1...但唔係冇攻勢...
根本成場波兩隊都係度鬥攻...球球都差少少就入咁...個半鐘...話咁快就過去...

雖然場波咁精彩...但我阿哥睇到一半就陣亡左...臨終前迫令我幫佢打埋果關打左一半既三國無雙...(因為要睇波...佢打到一半停左...)真係以為我唔使訓咩...關左佢佢又未save...唉...慘...

睇到佢終於冇事...真係放心哂...



>>April 8, 2003 at 8:42:47 PM GMT+8

2003 年 4 月 5 日 星期六 【晴】

唔經唔覺停課已經停左一個星期...
而我就浪費左一個星期...

昨日真係估唔到利記會俾紅魔鬼大炒4蛋...真係慘...雖然多波入...但場波真係唔多好睇...
曼聯打得唔多好...利記又係正牌悶波...真係zzzzz...

落街買麥記食...令我相當之失望...可愛的女孩全不見了...換成了一班服務態度十分惡劣的男生...
連帶令食物的品質也變差了...東西都是凍的...加大的薯條給了我中號的...><...慘...

今日睇左一份丁偉notes...希望快d追返d落後左既進度喇...

而家又唔知大學d堂復課之後點安排...交paper同做present係0米一切如期...真係...
麻煩...

今日整個下午個頭痛到好似裂開咁...懷疑係精神分裂...同時鼻水長流...好辛苦...

同時...證實患上左非典型廢言呢個世紀絕症......

>>April 6, 2003 at 6:59:59 PM GMT+8

2003 年 4 月 3 日 星期四 【晴】

突如其來既悠長假期令我既生活日夜顛倒...
日日都兩點先起身...四,五點先訓...真係唔多健康...

呢兩,三日都冇出街...只係留係屋企打機,上網...
非典型肺炎令到好難找人出街玩...唱k又危險...睇戲又唔安全...飲茶更加係大忌...

聽完佢件事之後...先知原來件事真係非常非常之複雜...
複雜到根本就冇咩可能有一個好好既結果或者解決方法...即使有...亦是一個痛苦的解決方法...
我都唔多鼓勵佢咁做...
不過佢真係好堅強(或者可以話迫住要堅強...)
有關呢方面既經歷我可以話係非常之少...
更加未試過面對呢d咁困難既處境...所以都俾唔到咩野有用既意見...
希望佢可以繼續堅強更面對啦...

既然短時間解決唔到...係我就會唔好諗咁多...因為諗黎都棧自己煩...(佢睇黎都明白呢一點...真係令我非常之安慰)或者將d咁複雜既關係同事情用文字寫出黎亦可能會有d幫助(可以清楚d)...

不過lee找我傾訴...偶很高興呢...鬱埋真係無益(雖然我成日都係咁)...找人傾下係一件好事...

今日打完機...睇埋報紙...我好罕有咁走去睇IR 既notes...雖然只係好心散咁睇左一個鐘...
不過已經係一個非常之好既開始...希望可以睇多些少...

對於自己思考的問題...終於有一定的頭緒了...有點似Soc 既 the I 同 the Self既問題...

舉一個例...

處境: 見到一個面目可憎,非常之奸狡既人(例如王dull仔仔)...好想質佢兩鎚...

但係有把聲音話俾你知...打佢係唔0岩既...因為你唔可以因為一個人樣衰就打佢...
於是我就唔打佢...

咁到底邊一個先係真正既我呢?想打佢既我?定係唔想打佢既我呢?
我係因為受到d norms既規範所以唔打佢0y...定係自己本身唔想打佢呢?

好難諗...總係差少少咁...到底咩野先係真正既自己呢?到底我既行為係出於虛偽定係本意?
搞唔清楚...




>>April 4, 2003 at 8:04:46 PM GMT+8

2003 年 4 月 2 日 星期三 【晴】

又再停課多一個星期...香港而家真係衰到貼哂地...
到底香港將來會點呢...真係冇人知...

見到佢咁唔開心同咁辛苦...真係登佢難過...
不過人係會成日遇到同埋面對一大堆唔愉快既事情...既然呢d事情出現左...又冇一個好好既解決方法...繼續係呢d唔開心既事情上面鑽牛角尖都冇用...
都係權衡輕重,兩害取其輕...盡量將個負面影響減到最細...
最忌就係自己將d唔開心鬱埋鬱埋...悶係個心度...令到d唔愉快既事無止境咁擴大...
不過點都好...希望佢件事會有d轉機啦...見到妳唔開心真係搞到我都難過埋一份呀...><

近呢幾年...真係覺得自己人性化左好多...慢慢地對表裡的我有較深的了解了...
經常感覺到自己把握了某些重要的東西...但卻總是沒有辦法將它具體地整理出來...
只是差一點而已...

今日成日都肚瀉...冇端端變左直腸直肚之人...一食野....0古...0古....
在肚瀉之中大吃大喝真是別有一番滋味...(不算太好便是了)

>>April 3, 2003 at 7:31:09 PM GMT+8

2003 年 4 月 1 日 星期二 【晴】

今日終於開始溫下書...同埋準備下做paper...不過屋企咩書都冇...靠吹水頂住先啦...唯有...

對於Joey既遭遇...真係深表同情...難以相信會發生d咁既事...希望佢可以解決到啦...
講返果句...又唔係世界末日...睇開d就冇事...(講係咁講...要做到就幾難...)

大學冇啦啦停課...但我借既書又過左期...唯有特登返去還書...順手借書做paper...

約左大家姐係銅鑼灣食飯...一早應承請佢食(佢上兩個星期生日)...點知連二家姐都出黎痴餐...
加埋阿媽...阿姨...成5個人...去左食韓燒...埋單600...真係有d肉痛@@@
不過一年先得一次...是但啦...

結果食得好飽...我更加因為食得太多既關係...大嘔特嘔...真係千祈唔好食咁飽呀...


冇啦啦行過書店...買左本曹操傳...猶豫左好耐買佢定買秦始皇好...最後都買左曹操...
雖然已經知道哂關於佢既生平...但知多d都係一件好事...

夜晚土耳其對英格蘭...雖敗不辱...
希望佢隊波有進一步既發展啦...


>>April 2, 2003 at 9:53:24 PM GMT+8

2003 年 4 月 1 日 星期二 【晴】

今日約左gali同王dull出黎睇鐵案懸疑...
呢套野都算偏門...唔係間間戲院有...結果我地3個去左影藝睇...(3個都係第一次去影藝睇...)

套野都幾好睇...不過果個自殺鏡頭真係令人不安(睇緊人自殺時更傳黎哥哥自殺既消息...好唔真實...感覺)...套野既結果都算出人意表...不過最後d謎題真係解清哂你聽先完場...咁既做法有好又唔好啦...

睇戲前後同王dull佢地閒逛左好一陣...期間會發生王dull誠信破產事件...唉...我真係信錯左佢...

行188既時候買左聖鬥士既北歐篇...d碟就快冇位擺囉...
點算既時候亦發現有d碟借左俾人好耐d契弟竟然仲未睇完...我甚至懷疑佢地仲存唔存係世上...

高達...一年戰爭(5cd完)...借出期...將滿3年...(唔通一年先睇一隻碟?)
純情房東俏房客.....借出期...一年多d...
真係shit 呀...

我幾鐘意哥哥...但竟然對佢死冇咩反應...可能真係同佢冇太多親密既接觸...因而感受唔到咩野哀痛...
即使前幾年摯愛既戴安娜死...我都冇咸...(反而世界杯西班牙俾南韓踢出局就咸左出黎...)
難以解釋...


>>April 2, 2003 at 6:58:35 AM GMT+8

2003 年 3 月 29 日 星期六 【晴】

冇啦啦有一個星期假...真係唔知做咩好...
見到d人唔敢出街又戴哂口罩咁真係覺得有d好笑...
完全係羊群心理...戴左口罩唔見得一定冇事...冇戴亦唔一定賴野...關鍵只係你身處既地方有冇果d病菌0者...留係屋企亦唔見得安全0y...好似淘大花國咁0米賴到大大獲囉...
而且賴野又唔一定會死...邊有可能驚得咁多...好似車禍死人既比率仲高過肺炎啦...咁係0米要永遠唔出街唔答車0y?

呢兩日都係屋企打機...呢個假期為我帶黎既影響睇怕都係負面居多...王dull俾左隻三國志9同cm4我...好明顯就係想我玩物喪志...其心可誅...

佢返左屯門之後因為冇野做...竟然叫我係icq腥隻cm4俾佢...我一路打三國志9一路同佢搞...
搞左成日終於腥完...但仲差一個daemon既file...我部機果個腥左俾佢又用唔到(奇怪)...

於是唯有換碟啦(記得有一隻cd有呢個程式)...(我當時仲打緊三國志...而且未save...)
換碟既一刻...出現左下列字句...san9程式發生錯誤...即將關閉(大意如此吧)
在蒙糊的淚光中,看著三國志9既遊戲畫面從電腦螢幕消失...我感到我的心亦好像被撕裂了...
有一種莫名的失落...

今日只係睇左幾頁notes...始終覺得時間好似仲有好多...冇咩野心機睇...

ps. 在家旁的McDonald ....那裡的的員工...最近才發現原來全部都是青春少女呢(連經理也是^^)...看到她們甜美的笑容...買東西也特別愉快呢(反正她們全都是很可愛的便是了)
暑假在這裡打工好了^^


>>March 30, 2003 at 7:34:36 PM GMT+8

2003 年 3 月 27 日 星期四 【晴】

曹Viv仲唔知錯...真係令我非常之失望...
希望佢女麻女麻快d教訓下佢...

今朝又係返8:30...好彩只係上兩個鐘堂...精神力要求比較低...
所以都尚算精神...

之後就要偶兩個鐘等同阿婉佢地食飯...zzzzzzzzzzz

終於發現了cm4的取得條件...
1.時間必須於3月28日以後
2. 發生了和吳彥祖接觸的事件
3. 和王dull的關係是信賴

然後到王dull既hall就會引發事件...幫佢部電腦換左wallpaper之後...王dull甚為欣賞然後贈與cm4...

吳彥祖既fans異常瘋狂...完全唔明白d人迷偶像既心理...我問gali佢有咩咁叻...
gali話: 佢拍過好多電影..電視嫁...
但咁又點?又有咩野可敬之處??唔知點解...我對男或者女明星都冇咩特別感覺...覺得佢地不過係普通人一個...冇咩大不了...

返到屋企先知道下星期停課...本來打算溫書都立刻改變主意打機...
cm4 run 好慢呀!!!

今日大事: 同 terry拍擋令我取得近兩星期以黎既aoc首場勝仗...
我愛Terry哥^^

>>March 28, 2003 at 7:45:00 PM GMT+8