2003 年 7 月 20 日 星期日 【晴】

e幾日既生活都好頹廢...
都係好夜訓...4點上床之後就一點不露...(好在0米至於3點不露既情況...仲有得救...)

最終兵器彼女睇左一半...故事終於開始較認真了...(雖然仍然有點亂來...)不失為一套值得一看之作...加上有線每日播一個鐘亂馬...搞到d時間好似唔多夠用...令我想快點搞掂份research...離開屍會...

休戰左一排..又同王dull仔仔晚晚通宵打機...阿爸例牌4點行出黎鬧一輪...我又例牌唔理...

今日夜晚走左去同阿平...gali佢地打邊爐...仲有大胸迪比等人...
係咁食又唔見左一舊水...不過都食得好開心...阿民又回澳門周仔共和國讀書...當是與他的最後晚餐吧...



>>July 23, 2003 at 5:43:04 AM GMT+8

2003 年 7 月 19 日 星期六 【晴】

今日終於到左測普通話既重要日子...
特登早一個鐘頭返去同joey練普通話...但結果都係傾計...冇咩點溫...

不過幸好...d題目唔算艱深...應該可以0岩一半既...下堂口試同做話劇...先係真正既考驗...

今日終於了解左粉仔真面目係咩...食粉仔...誤己誤人呀...

昨日溫普通話溫到成兩點幾...之後諗住早d想床休息之際...於榻上搌轉反則...午夜夢迴之間...
忽覺這二十年間的種種所為...每有小人之行...心胸狹而不能容物...包藏機心以猜度君子...善人之腹...遇困難而只知逃避...凡此種種...皆無足以自存於天地之間...實感汗顏...

由是使我下定決心紏正自己的種種所為...重新面對自己和肯定自己...
長久以來...我都經常覺得自己的自信嚴重不足...總覺得自己比別人差...重他人的看法而忽略了自己的所作所為...故每有貽笑大方之舉...

我希望我可以建立起真正的自我...主動爭取自己喜歡的東西...為什麼一定要在意別人的看法?
自己喜歡...認為是對的便行了...總不能一定要等其他人踏出第一步...開了綠燈...表明前路暢通無阻後...自己才向前邁進吧...

我不知怎樣做才是正確的方法...也不知道怎樣做才能夠做到最好的...但勇於嘗試總好過沒有嘗試...

希望身邊的人能成為我的一面鏡子...給予我種種勸戒與真知卓見...誘導我走正確的路...
假使有一天我真能踏上成功路上...我一定不會吝嗇...與一眾愛護我的良朋好友分享我的快樂和喜悅...

>>July 19, 2003 at 4:47:06 PM GMT+8

2003 年 7 月 17 日 星期四 【晴】

今日下午又去左游水....好耐未同gec先生去游過了...九龍公園難得竟然冇咩人...游得好開心...
d 狀態開始返來了....愈游愈有勁...

係曬太陽既時候...從Gec口中得知...某位朋友終於都大個仔了...失敗乃成功之母...不要灰心啊...

之後食完tea...同gec分別之後...我突然俾裕華國貨門口既幾隻字吸引住..."亞洲美食節"...
即時衝入去睇下有咩好野食...買左好多看上去很美味的東東...特別是那個草莓千層蛋糕...好像很美味呢...

發覺自己也算是很喜歡逛街的人...不過看的多數是vcd...games和食物...玩具等等...

出去游一游水...咁又唔見左兩舊...明天仲要測普通話...不過仲未溫過...
而且我好像沒有什麼學語言的天份...還是求其立下就算了...@@@@(已有必死的覺悟...)

深夜兩點...溫普通話溫到人都顛...不過都熟左唔少...(不過距離見得人既level仲爭好遠...)
真係悶到抽筋...真係好想放棄...不過加埋溫左既實際時間應該唔夠3個鐘...但實在係太悶喇...

夜晚開左舊千層蛋糕黎食..感覺上整得太實喇...硬左少少...加埋太甜...不過廿紋貨仔係咁上下...
起碼頂到肚先...不過好漏...@@@...加埋杯提子汁...食宵夜真係人生一樂...^^

>>July 18, 2003 at 6:13:42 PM GMT+8

2003 年 7 月 16 日 星期三 【晴】

今日下午貓貓怪(又稱貓妖)走左上黎我屋企食飯...回想起來...對上一次招呼朋友來家已是差不多7,8年前的事了...為左整到間屋企理D...唔好太樣衰...我努力咁執屋執左2,3日...睇到D書同D雜物擺得整整齊齊...真係令人感動...

貓妖入屋之後...第一件事就係鎖左度鐵閘個橫率...唔通佢想玩密室殺人事件???到而家都唔明佢仲咩要咁做...果然係一個奇人...

夜晚去左屍會開會...開左個半鐘...不過成個會入面我幾乎冇講過野...
個會真係愈開愈慶...根本D人就係係度UP廢話...成日兜大圈...
明明講緊a...未有結論就跳去b...講講下b...又跳返去a...根本就係吹水會...都唔係傾野既...
講來講去都係果3幅皮...d女又懶係勁咁每句野加一d英文落去...不中不西咁...加上內容非常空洞....真係令我聽得好唔耐煩...我既壞習慣就係咁...一見到d唔順眼既人同事...我就會用d非常之不屑既眼光去看待佢地...於是全場黑口黑面...唔係唔想soso...只係見到佢地就咩心機都冇哂...

我地傾既係牛頭角下村既衛生環境問題...結果傾左個半鐘...結論就係大家每人返去諗下...有d咩野衛生問題...你覺得是最嚴重的...下次開會時present返出黎喇...個半鐘就係搞左d咁既野出黎...個project既搞手根本就唔知想搞d咩...整左份問卷...有哂d data先思考想要係d data度得出d咩野...
完全冇計劃...亦唔知下一步要點做...都係煮到埋黎就食...餐餐食完餐餐清...原本都想為e個project出一分力既...但開完個會之後真係唔想再幫手...決定左快d搞掂篇文就離開屍會算...

走果陣我都係粒聲唔出咁一個人了左去...可能走之前講返句"妳行邊邊會有禮貌d"...但真係唔想再同e 班人再有任何接觸...(我都唔知點解果陣會咁慶...)我諗佢地係我走左之後一定會話...乜e 條友咁k怪既...

>>July 18, 2003 at 10:15:59 AM GMT+8

2003 年 7 月 15 日 星期二 【晴】

今日約左肥鋒...柏豪仔佢地去游水...啊...是闊別已久的維園泳池啊...
很久沒有來過了...呢度既5米池可以話係獨一無二...唔知係0米太耐冇游既關係...
硬係覺得d水好重...游既地方愈深就愈累...d水好似好飄...有d浪既感覺...游得好吃力...
不過後來愈游愈有...但加埋都游唔夠十個塘...

係3米深既地方俾李姓朋友按個頭落水兼cu頸...令我痛苦非常...下次游水都係0米找佢...@@@

游完之後周圍行左一陣...又買左3本書...結果今日又用左成兩舊...希望有多點時間看便好了...

回家之後繼續執屋...已經連續執左3日了...每次執幾個鐘...但都只係執左個廳既雜物既一部分...
本來唔難執..只恨d物件太多塵...好難抹...你信唔信一舊擺左係同一個位置...幾年冇移動既擦膠竟然會融左0y!!!???真係好難相信...點解屋企平日冇人做家務...記憶之中得我會執...不過今次執得咁大規模都係第一次...

夜晚得知葉劉辭職既消息...gali為左咁好唔高興...話佢係政府入面少數做得野既高官喎...
咁又係既...回想廿三條之前...葉劉既民望接近有成60分...而家搞成咁...的確令人不勝唏噓...

不過計我話gali根本唔使難過...仲應該登葉劉高興至0岩...其實佢愈遲走...愈難翻身...
一出事就肯好快咁辭職...起碼證明左佢係一個有擔當既人...仲可以引起一部分人既同情...
好過日日企係個3殺位做箭靶俾人射先...呢方面佢好明顯比董伯伯聰明得多...
如果佢賴死唔走...d人更加憎佢...民憤亦難以抒解...佢走左..d人啖氣一過...又可以出返黎再撈過...
講真...以佢既資歷同背景...驚佢會冇得撈咩...
所以佢辭職反而係一件好事...起碼保住佢既政治前途先...

夜d...再收到阿虫死埋既消息...可惜...佢辭職得太遲...其實買車果陣佢已經應該走...
賴死唔走仲要俾人贊佢高尚情操...真係俾佢吹脹...佢死都係遲它早既分別...
而家先識走頭已經太遲...佢已經可以話係從此玩完...

不過佢做e個財政司又除笨有精既...起碼令用佢既地位追求到一個國寶老婆0y麻...(雖然我覺得佢唔多靚...)

執屋執到好疲...仲要溫普通話...已經唔想溫...


>>July 16, 2003 at 1:45:44 PM GMT+8

2003 年 7 月 14 日 星期一 【晴】

昨夜睡覺時突然諗到我係特首會點做既問題...又諗d無謂野搞到訓唔著...(但唔知點解...係我腦海之中出現既新特首係林保貽...奇怪)思考之中想到理想的政制的問題...今天便談談這個問題吧...

今日既香港d人成日嘈住要普選特首...但係我覺得普選並唔代表民主...
無論由咩野地方睇...選舉都係一種最失敗既制度...

第一...普選須要浪費大量金錢...要有錢宣傳先有可能成功...
第二...普選須要同好多人競爭...於是就冇所不用其極咁抹黑對手...非常黑暗...
第三...大多數人民對政治都是無知和短視的...容易受人煽動...普選就好似係外行選內行...
第四...普選所強調既優點就係一個民選產生既政府...可以符合市民既意願...但其實選舉就有如街市買橙一樣...你冇可能知道邊個橙最甜...你只可以由外觀決定邊個橙最靚同冇爛...正如選舉一樣...選民對候選人的了解完全來自媒體和政治宣傳...有如瞎子摸象...
第五...基於上述原因...能夠操縱媒體和夠虛偽...識得討人歡心(亦即係假到死既人)就可以係選舉之中有好大優勢...

因此...我認為選舉所體現的並不是真正的民主...而只是一種屬於有錢人的民主...
真正的民主在於體現市民監督政府的能力...我認為人民不應該有選舉政府的權利...而應該只有罷免政府的權力...每五年舉行一次全民投票(正如選舉一樣...)決定各主要官員連任與否...經過了五年時間的管治...做得好唔好...大家心知肚明...如果個政府俾人擺免左...就再由一班政治精英所組成既選舉委員會選個人出黎...再由人民投票是否接受...

我覺得咁先可以體現真正既民主...政治唔係選明星...如果係普選既話...好似韓非咁既人永遠冇可能做到高官...王莽...賈似道...徐福之類既吹水人將可以把持政治...實非人民之福...



>>July 15, 2003 at 7:07:39 AM GMT+8

2003 年 7 月 13 日 星期日 【晴】

今日一早起床...便收到久違了的妖婉的來電...(其實已經12點幾...)佢份工真係令人羨慕...有人工仲係我屋企隔離...兼且d員工仲鐘意講波tim...

3點一到...又返屍會傾野...見到zoey好似好多野做...而我就因為上個星期潛左水而十分清閒^^
俾人贊我的文章十分生動有趣...真係令人振奮...(不過叫我要小心d用字唔好太過火就是了...換過角度一想...說我的文章生動唔通係一個變相既警告??)

又於將有朋友來訪既關係...一回家就猛咁執屋...因為間屋實在太亂...太樣衰了...
執到成身汗先執左一小部分...唉...

答車既時候罕有咁傾左十幾分鐘電話...sindy 姐真係好有精神呢...竟然6點幾都未收工...(汗....)

夜晚約左大家姐同姐夫出去配眼鏡兼食飯...連阿e都俾面出來...真係開心...
間眼鏡廠係觀塘...雖然好遠...但真係平到震...以前配一副分分鐘要成千紋...今次3分1價錢就搞掂...夜晚再請埋其他人食飯...成日就唔見左5舊...

深夜...飛天大蟑螂來襲...令屋企出現左一陣混亂...噴左一輪殺虫水就即時走入房避難...出返黎之後隻飛虫下落不明...一年入面咁既情況一定會出現6,7次...

又同好耐冇返屋企既大佬打機...打到3,4點...@@



>>July 15, 2003 at 6:46:29 AM GMT+8

2003 年 7 月 11 日 星期五 【晴】

又係非常之平穩既一天...無咩野驚喜...

又係一早返去練普通話同互相參考功課...到了comm room 門口就睇到Joey(又稱maryan)成條死魚咁癱係張登...原來佢又試胃痛啊...真係唔知話佢身體好(佢聲稱自己好少病痛)定係身體差好...
佢一見到我就沉沉吐出3個字: "哼!!!遲到!!!"然後雙眼對我射出120度既仇恨火焰...

我只是遲到了6,7分鐘...用不著這樣啊...於是我以我那一貫溫柔親切兼友善的態度解釋是次遲到的原因...她才慢慢回復正常...

普通話堂一向沉悶...今堂亦不例外...而且節奏很慢...令我成日鐘下鐘下...

在這裏要多謝joey一聲...沒有佢陪伴真是一早俾堂普通話悶死了...加上經常對我的普通話進行指導(雖然進步不大...)又常給我弄來一些好吃的...真是要多謝她...
不過成日放飛機便不太值得鼓勵了...

普通話真的很難...可能我對一些沒有內容的東西沒有什麼學習和記憶的動力...
但我認為自己對聲音是很敏銳的...電視的配音員很快便認出來...(例如賭神個劉德華把聲係配音既...但一直冇人信我...)但不知怎的...便是記不了普通話的聲調音節...

一路上堂個肚一路打鼓...諗住落堂即刻衝去又一城食野...不過勁多人...發誓以後e個鐘數都唔撞去又一城食野...唯有係上環大吃一頓...

返到屋企依然係混混鯥鯥...打文速度其慢...其實有好多野做...不過可惜我冇心做...一日便就此浪費了...

久違了的sindy姐約我食lunch....唯有快d搞掂哂手頭上d野喇...@@@

最近成日係屋企煎牛肉乾食...實在太美味喇...(為左驚佢變...雪左係雪櫃...硬哂好難食...先打算煎下佢..點知勁香勁好味...正)

有人說交談的藝術不單是要在適當的時候說適當的話...還要在最想講的時候忍著口不說不適當的話...但我發覺當我忍口不亂up廿四的話...我不單是一個悶蛋...更是一個啞吧...

睇到董伯伯...令我明白到年歲並不一定會增加智慧...通常只有年歲獨個兒來...






>>July 12, 2003 at 7:07:18 PM GMT+8

2003 年 7 月 10 日 星期四 【晴】

呢幾日屍會叫我幫手條友都冇同我聯絡...令我可以名正言順咁係屋企抖...
短短3日...買返黎既兩套柯南就睇左兩次(某d場面仲睇左4,5次....)...多數都係食飯或者同王dull打機冇野做先播黎睇....睇完令我更加想買哂d劇場版返黎...@@@

屯門公路九巴失事飛落橋...香港近排好似特別黑咁...咁嚴重既車禍真係近年少見...

我就快會洸左隻AOC...真係愈打愈無意思...
愈來愈乏味...好無隱...得2,3隻兵就派去打人...半個鐘打完一場...最多兵果件都得3,4十隻...不如唔好打...
係屋企訓覺好過...zzzzzzzzzzzz

>>July 11, 2003 at 4:38:51 PM GMT+8

2003 年 7 月 7 日 星期一 【晴】

今日要去中央圖書館幫假William(屍會d staff)手做Sars d野...唔知係0米咁既原因...一直訓下醒下(但感覺上係訓得好舒服)...明明得返一個鐘就要起身...但好似訓極都有咁...估唔到一個鐘都咁好搣...
由2點做到成7點幾...由於圖書館d電腦唔多掂既關係...大家效率都唔多高...
假William 仲做到發哂脾4 tim...真係一個好鬼死暴躁既人...
睇左成日資料...再寫時序...真係搞到眼都突埋...我唔知我做得好唔好...(因為d人慣性對d intern 好客氣...係唔係都話做得幾好)希望真係幫到手喇...

係屍會做左一個月...真係學識左唔少野...例如點搞一d社區活動...(原來要做好多planning 同聯絡工夫)點係政府d網頁找資料...(原來真係可以找到好多野...)點找立法會d 辯論議案...點係圖書館找報紙資料...
老實講..e d 咁簡單既野我一直都唔識...特別係圖書館果個wisenews 系統...可以好似yahoo咁打幾個關鍵字係d報紙堆度search 標題...內文等等...可以選埋想要邊日至邊日...邊份報紙...(香港以至外國既都有...)真係好有用...(不過用之前要有心理準備...因為圖書館d電腦唔多掂...)

返到屋企抖左陣就終於陏手搞自己個research....個intro 都整左成2粒鐘....真係好鬼難落筆...
資料多多...都唔知點整理好...

中間睇左陣黑澤明既影武者...我真係好鐘意佢拍出黎果個feel...佢有好多靜態畫面...睇佢d片真係要好有耐性...我唔會諗佢d靜態畫面背後有咩特別意思...而只係會感受佢拍出黎果種feeling...
黑澤明d電影一向d配樂都麻麻...所以可能有d人覺得會有悶既感覺...但d場面真係拍得好認真...
如果d配樂搞返勁少少...真係可以吸引到好多人睇...(我始終唔明白點解d 日本人拍古裝一定要靜英英既...)
d場面成日嚴肅得黎又好搞笑...打開個衣櫃(實際上係一間細到無論既房...)就有3個侍者座係入面...真係好搞笑...

歷史真的很有趣...在中學時...教科書只教導我們一些想當然的東西...加上xx演義之類的勳圖(唔記得左點打)令我們往往只看到某一個事物的其中一面...例如諸葛亮是全知全能的...秦檜是一個又廢又賤的人等等...但看多點有關文獻便會找到一個較全面的答案了...^^

唔..迷惑...有些事情...決定了去做只是第一步...但應該怎樣去做??成功了又應如何如何??
不能確定和完全理解的東西便是麻煩的東西...@@@



>>July 9, 2003 at 4:11:02 AM GMT+8