2003 年 8 月 23 日 星期六 【晴】

今日約左GC同牛屎去踩單車...但一起身就聽到外面狂風呼呼...已經掛起3號風球...
於是打去問GC點...佢話佢果邊好好天...照踩喎...

諗住還掂都冇野做...於是都出左去...

係九龍塘轉車既時候...就撞到GC同牛屎...見到D雨好似倒水咁淋落黎...仲踩屁咩...
結果...3條友去左沙田行街...

冒雨買左魔盜王既飛...為我地失落既一日聊表慰藉...
套野真係幾好睇...節奏明快...特技...打鬥都好出色...
雖然劇情老土左D...不過E 家D戲有咩劇情唔老土0Y...特別係D愛情片...
而且係D緊張情節之下偶見幽默...相當唔錯既作品...值70分...

之後本來想係沙田大魚大肉一返...但係牛屎又話飽...GC又話冇錢...唯有大家樂見...
返到屋企...有少少疲...又係睇左陣波就同王DULL打機...
不過我同佢都認為開學在即...都係唔好打太多...

>>August 25, 2003 at 4:07:43 PM GMT+8

2003 年 8 月 22 日 星期五 【晴】

今日突然間想講下煩惱既問題...每個人都有各自既煩惱...
我都有我所煩惱既事...

不過煩惱大致可以分為兩種...一種可以話係先天既...深深值根係你既生活入面...
例如你身患頑疾...或者冇左隻腳...又或者有個爛賭老豆...以及係你屋企人身上面發生既種種事情...
e d煩惱可以話係冇得避既...係真正既煩惱...

而另一種煩惱就係自找既煩惱...即係e d 既煩惱幾乎全部都係自己羅黎既...
例如鐘意左某人...夜夜單思...自己煩自己...
又例如冇啦啦為左d冇聊事同朋友反面...又或者成日覺得自己俾人排擠...
e d煩惱大部分其實都係係度自己煩自己...

e兩種煩惱...前者係固有同長期既...有可能解決...但亦可能陪伴你一世...
後者就可以話係自尋煩惱...其實自找既煩惱基本上全部都係可以迴避既...
e 種煩惱既本質就係建基係物慾之上...
你想要一樣野...先至會為點樣得到同保有果樣野而煩惱...
如果你唔係想要好多好多錢...基本上你就唔會有錢既煩惱(當然有人窮到連食都冇得食...果d就係真正既煩惱......)
其他所謂既煩惱...其實就不過係自己既思想鬥爭...
如果你唔係咩野都要同朋友斤斤計較...基本上你既朋友都好難同你反面...
如果你唔係咁小氣...就更加唔會為左d無聊事同你既朋友反面...

我的煩惱並不少...幸運地...屬於前者的煩惱並不多...
至於擔憂個普通話試考成點...好明顯係屬於自己羅黎煩既煩惱...呵呵...咁就廢事溫囉...
(不過減少自己煩自己既煩惱...並唔代表要逃避現實...只係要大家唔好諗太多無謂野...做好自己...知足就得...)

@@@夜車準備中...

結果...所謂既夜車都只係個幾鐘...

朝早起身返左去同joey lunch...諗住順手再練下普通話既...點知兩個人都冇咩心情練...於是行行企企算...

考試...當然唔多掂喇...@@@(因為都冇咩點溫...)
好多字都係亂up算...不過應該都合格既...

>>August 24, 2003 at 4:31:22 PM GMT+8

2003 年 8 月 21 日 星期四 【晴】

今日約左大丸一齊食飯...所以雖然昨日同大佬打機打到好夜...
但係係12點都自己起左身...(竟然鬧鐘未響都知道準時醒..神奇...)

走左去上次同大佬食飯果間餐廳仔度食...覺得果度d野食都ok...又座得舒服...
不過估唔到下午去會咁多人...好在仲有位...而大丸更巧遇佢公司d同事...

唔知係0米太多人既關係...食物既水準同服務都冇夜晚去咁好...但都係係水準以上...
大大塊牛柳連湯連餐飲都係$38...(不過唔知點解冇左餐包...上次夜晚食有d好正既蒜容包..唔通晚市先有?但係我都冇問佢點解冇..因為食舊牛柳已經夠飽...@@@)

今次同霸王丸食飯食左成粒鐘...傾左好多野...e餐飯都算食得幾開心...@@@希望有機會第日再食過喇...

同大佬買埋外賣...返到屋企...又同王dull打機...~~~~~~(改左下午打...夜晚做其他野...)
明天仲要考普通話...但係完全唔想溫...死得...希望明天joey照住我喇~~



>>August 22, 2003 at 11:22:03 AM GMT+8

2003 年 8 月 20 日 星期三 【晴】

放暑假放到d生活唔多正常...晚晚同王dull打機打到4點...e個本來都唔係問題...最大既問題係收機之後仲係訓唔著...往往要典到5點幾6點先訓得著...昨晚又係咁...眼光光...等天光...
終於見識到咩野係黍明前既黑暗...好累...但個腦仲好清醒...要諗下計之得...唔係開學果陣就等死...

馬B係咁打電話黎...相信佢一定係非常之沈悶同埋無聊...因為有d問題係冇太大迫切性既...
12點幾...本來仲好眼訓....但就俾佢24內既第4通電話嘈醒左...zzzzzzzzzzz

今日去屍會傾我篇文...原本以前一陣就搞掂...自此就脫離屍會成為冇拘冇束既自由人...
點知一傾就傾左成個鐘...先前以前冇懈可擊既文章原來有咁多漏洞...真係人地唔講都唔知...
始終寫篇咁多字既文...係有佢既困難係度...

其實我都好清楚我寫論文既缺點...就係缺乏科學方法...或者寫出黎既野冇咩學術性...
不過e個一向係我既風格...我都冇打算改...成日講理論...講科學方法...做d表面功夫...反而令到篇文冇左個靈魂...

不過做hon pro 就一定要注意返今次e篇文所犯既毛病...footnotes呀...仲有好多奇奇怪怪而又一向冇注意既野...今次做屍會e篇文對我做hon pro真係有好大既幫助...係一個好好既經驗...

對浸會d教授既治學態度真係有d失望...我d論文既格式錯左咁多年...但就冇一個人話過俾我聽出左d咩野問題...(事實上..基本上次次我d文既格式都唔一樣...)

結果...篇文又要再執過...zzzzzzzzzzzz....搞返d駐腳都有排...@@@






>>August 21, 2003 at 1:08:51 PM GMT+8

2003 年 8 月 18 日 星期一 【晴】

起身難得好天...於是同小剛去左九公游水...
條廢柴再次遲到...仲將責任推係地鐵公司之上...實在係人神共憤...

九龍公園個池好係好...但更衣室既冷氣例牌好凍...仲要開恆個風扇...
完全唔知係咩野心態...

出到去太陽尚算猛烈...但係當小剛講左幾次:"萬里無晴"(佢係想講萬里放晴...)之後個天就開始黑...e 條友真係烏鴉口黎...

之後都係時晴時暗...冇太陽果陣就入去游...有d陽光就衝出去曬太陽...
其實成日都冇咩點游過...大部分既體力都係池中間既嬉戲上面消耗左...(係深水既地方玩同傾計係件好消耗體力既事...)最後走之前大家都一口氣游左5個塘...不過全日加埋都係游左十幾個堂到...唔算太多...但已經好累...

離開既時候...阿剛再講左d得罪個天既說話...開始落起大雨...><><

ps. 估唔到GC今日都有去游水...不過我見佢唔到...佢話見我同個猛男(阿剛!!!????)一齊曬太陽...廢事阻住我喎...阿剛...係...猛...男....

>>August 20, 2003 at 9:38:29 AM GMT+8

2003 年 8 月 16 日 星期六 【晴】

昨日返普通話堂...正值落大雨...
答地鐵既時候...出入口例牌塞滿哂避雨既人...
行落去既時候...真係逐寸逐寸迫入去咁...世界有好多好荒謬既事...
而最荒謬既就係一個咁細既島仔竟然迫左幾百萬人係度住...

係d咁迫既地方...落雨真係好難唔濕身...唔係俾雨水整濕...而係俾人地d庶整濕...點解d人一定要塞係個出入口避雨?點解唔可以落下面避呢...係要塞住人條路...真係唔明...

答扶手電梯既時候...例牌會有人成舊木咁企係左手面...講真...stand on the right 係答扶手電梯最基本既禮儀...但係竟然有好多人都唔識...見到e d人...我個心就一定會鬧佢地冇文化同擋路狗(唔知點解真係會即時諗起e個terms)...

其實香港而家咁多問題...0米就係因為太多人囉...太多人失業...太多人取綜援...太多人飽食終日..冇所事事...係人口咁多既情況下面...你真係好難說服其他人..話俾佢聽...生命係寶貴既...
到底寶貴在邊度?價值在邊度??例如一個判左終生監禁..冇可能假釋而且無親冇故既囚犯...咁佢既生命仲有冇意義?

基於e個觀點...所以我成日覺得果d(大部分喇...)咩咩救援人道組織係一d好白痴既機構...
至於點解我會咁諗?有機會再慢慢講...

>>August 17, 2003 at 8:03:55 PM GMT+8

2003 年 8 月 15 日 星期五 【晴】

昨日打左成晚...終於搞掂屍會篇文...
埋單計數...打左成萬字...之後做文字處理...同排位都搞左成個鐘...

搞完已經成點...之後同王dull傾左陣計就入房同大佬打機...(都係打機...汗...)
入左大學之後...d文全部都係用電腦打既...搞到寫字慢左好多...而且有好多字變左識打唔識寫...真係非常之無奈...

成套最佳拍擋終於4集睇哂...好難相信係廿年前既片...相比起而家既大部分電影...e d 舊片老套得黎但係好睇好多...

今日又係上普通話...joey因有要事處理...(王dull話佢要去耕田...所以咁多野做...我就不予置評...)搞到我一個人上普通話...令已經悶既普通話堂比平時更加悶左十倍...不過學左成個sem...或多或少都有d進步既...

夜晚同大佬出左去食飯...去左屋企符近試下d未食過既餐廳...竟然比我地搵到間好野...
仲食到我至愛既牛柳tim...^^

英超終於開羅...期待...

>>August 16, 2003 at 4:19:26 PM GMT+8

2003 年 8 月 13 日 星期三 【晴】

本來今日約左小剛去游水...不過天公再不做美...
係咁落下呀...唯有留係屋企同王dull仔仔打cm...日打夜打...生活頹廢...

夜晚約左王dull...gali佢地去食巴西燒烤...但由於班契弟要上堂既關係...要餓到成9:30先有得食...
平時我6,7點已經餓到抽筋...而家9:30就更加難頂喇...
記得幾年前...由於阿媽等極都音訊全冇...餓到我發哂火...摧毀左屋企既一度門...可見飢餓既力量係幾咁大...所以我之前都食左少少野先...(其實都食左幾多野...)

間巴西燒烤既食物...同我想像中完全唔同...原本我以為係大舊大舊燒牛柳咁俾你狂食....點知肉類既選擇就欠奉...反而果d古靈精怪既食物就鬼死咁多...好似d甜餅呀...蛋糕呀...多到你食唔哂...而且水準亦都唔錯...不過始終有d失望...因為我最鐘意食牛柳...而佢竟然冇咩牛類供應...有都係d燒火腿...燒雞翼...不過埋單都係$65...計返食左既野...都算抵嫁喇...不過由於之前已經食左野既關係...始終胃口都唔太好...

返到屋企已經成12點...屍會篇文??留返聽日先打囉...仲同你通宵咩...

>>August 16, 2003 at 4:07:41 PM GMT+8

2003 年 8 月 10 日 星期日 【晴】

又係星期一...唔經唔覺個暑假已經過左一大半...有d失落既感覺...

今日又係返屍會開會...真係有d抗拒係烈日當空之下行3個幾字...熱死人...
次次一入office第一件事就係座睇擦汗...其實係屍會做intern 既工作都可以話並不困難...
簡單黎講佢就係將一個project 拆開做10份...每人派一份...度d野出黎...再由個搞手負責砌同西選...
由上個星期開始...我都係負責度牛頭角個project 既小冊子既內容...同埋個社區活動要點搞法...
e次我掉左好多心機入去...加入左好多意念...而最開心既就係大部分意見都俾人採用左...其實向人提意見之前最好一定要做哂萬全既準備先...最低限度要俾到個版人地睇...所以次次都係我自己做哂先...然後再問人地咁樣好唔好...如果唔採用0米當係搞左d小玩意黎消磨自己既時間囉...

小冊子既content 上個星期度左我成晚...最後採用既內容大約只係3份之1...不過我整既slogan就評價唔錯...(又係係屋企整哂作哂之後先問人地加落去好唔好...)

今次開會又係小圈子3個人傾...開之前以為人小小...好快搞掂...點知一開就開成兩個鐘...開到頭都昏埋...始終都係一直返part time....冇咩工作狀態...
近e兩個星期...起屍會真係有d愈做愈開心既感覺...因為開始覺得自己做既野有意義...唔係黎呃履歷...
不過開完個會之後...其實我都知道牛頭角個project其實出黎既效果多數都唔係咁好...屍會太少人手...太多project...d project 好多既參與者都係客串性質既...根本帶唔起個計劃...而且人手不足...好多我預期可以做既野都做唔到...

仲有...原來平時人地周街派果d小冊子既做價唔平嫁...派3,4千份就可以過萬...而份小冊子既design更加係用左人地好多既心機...真係如果唔睇就0米囉喇...大家以後...

其實係屍會做intern都可以話係學左唔少野...特別係e 個兩月 開既幾次會...
上年做德昌...d會就係同大陸人一齊開既...今年就全部既會都係同d香港人開...感覺好唔同...
開會既秘訣其實好簡單...就係千祈唔好太多無關重要既廢話...特別係你唔多明個會講緊d咩或者條友up d咩既時候...對個會冇咩幫助既問題都最好唔好問...最好係散會之後私底下問其他人...而要避免e d情況當然就係事前做足準備功夫喇...

開會唔係考oral...冇idea 座埋一邊唔出聲都無所謂...真係切忌講廢話同問d基本問題呀...(已經見過太多人咁做...有d人為左多d野講...仲會明知故問...e d 唔理係開會一話同同事交帶工作既時候出現...都係大忌....)

唔知點解今日會打咁多關於工作上既野...e幾年...唔理係校內活動又好...返工又好...得出既經驗就係...與蠢人只可為友...(做朋友都有d勉強...)不可與之共仕...唔係結果只會有幾個...
一就係你會好煩...二就係你會工作量大憎...三你會好激氣...4係同佢一齊手貝獲...


>>August 12, 2003 at 4:32:39 PM GMT+8

2003 年 8 月 8 日 星期五 【晴】

e幾日都係掛住同大佬打winning...搞到冇咩時間做其他野...e集整得相當唔錯...起碼對電腦難打左先...又可以做更多既組織...可惜出波難左好多...成日落到底線但個波就唔知斬左去邊...

昨日又返左屍會開會...點知d人遲到...唯有座係度等喇...係一間office入面...無野慘得過人人都有野做...而你就冇野做戇居居咁座係度...但又唔想俾人知你冇野做...總之個感覺就唔多自在喇...

今次開會得3個人...因為Yanyan話上次開個會太廢..廢事叫d無謂人黎徙時間喎...
所以e次個會開得有效率得多...

而係個會上面..我亦提出左唔少意見...當然...e d 意見都係我既想當然...仲係相當之幼嫩既意念...
始終個project雖然唔大...但係我負責同接觸到既只係冰山一角...就好比核桃既殼...果子既皮...只係外層既一部分...不過作為一個intern...仲要係一個無錢既intern...我覺得我既表現都算ok...

今日又係上普通話..上次走左一堂...今堂又要出去講野...所以冇走...
普通話既功課...可以話係我一生做過既功課之中最悶既...望住一堆冇意義既英文字母...寫個無意義既中文字出黎...真係做多少少就人都顛...

上堂上到一半...意識開始迷糊...只係下意識咁跟住其他人一齊讀生字...
豬洲...昂膠..潤豬脾...讀緊咩真係唔知...zzzzzzz...只有joey係旁邊不斷冷笑...

今日終於的起心肝打左陣屍會份research...又打多左千幾字...大約打多3千字就完成喇...^^

夜晚一齊打機既王dull仔仔係隻game進行auto save 既 短短幾分鐘入面...快速進入昏迷狀態...
唯有熄機訓覺...


>>August 10, 2003 at 8:59:09 AM GMT+8