2003 年 10 月 7 日 星期二 【晴】

昨晚竟然冇打機同開電腦...只係係度睇小說...短短3日已經睇左成7百幾頁...
證明在下睇書都可以睇得好快既....

唔知係0米因為冇接觸d電視,電腦...所以特別好訓...2點幾就訓左...好耐未試過咁早訓了^^

一早起身...精神飽滿...係返學途中仲撞到小t...真係行哂大運^^

之後上香港史...又被迫聽一d垃圾present...唉...差...

之後上西人堂...精神飽滿既我...竟然...訓左成堂...zzzzzzzzzzz

食飯冇左阿剛...好悶呀...charles既禽獸行為...令人髮指...真係有d難頂...

之後又鋤啤...david上哂隱...(汗...)

再上西人堂...又係zzzzzzzzzzz...奇...昨日明明好好訓...


對某人十分失望...
有些人...表面上看來像是十分直率的樣子...
雖然一些充滿個人主觀意志的行為十分惹人討厭...但我認為貫徹自己的看法並不是一件壞事...
只是每個人的表達方式不同罷了...
但口中說著討厭耍機心...裝得自己很簡單...對朋友點好點好...
但背地裡卻是另一回事的傢伙...
對這些傢伙...只能說一句...鄙其為人...
即使是有心還是無意...也足將其劣根性表露無遺...


>>October 8, 2003 at 2:35:22 PM GMT+8

2003 年 10 月 5 日 星期日 【晴】

昨日又再一夜無眠...腦袋清醒但身體和精神疲倦的感覺並不好受...
但我有時睡午覺又唔使1分鐘就訓得著...真係諷刺...

今日返去上西人堂...今堂幾充實...學左唔少野...
答西人問題既時候...覺得自己既英語會話麻麻...唔係用字同組織既問題...反而係要時間將腦入面既野轉化成英文...第一句有10分...到第二句得7分...第3句開始斷斷續續...因為個腦開始翻譯唔切...e個問題...好難解決...

下午同曹8...囡囡...流氓佢地去左飲茶...間茶樓無雷公咁遠...不過d野都ok...而且食得好開心...
大家都有傾有講...只係45紋...又幾貴..(相對於聯福...不過食物質同量都好過聯福好多...)

之後上香港史...都唔係上堂...只係同joey..王dull係度傾計同玩...e兩個同學成日騷擾我e d 認真上堂既同學...真係唔多要得...

同joey一齊放學...一路行一路傾左好多野...估唔到佢知道咁多機密...
一直都覺得...joey係一個好sensitive既人...同佢傾計都係一件相當之舒服同愉快既事...
我對佢講既野...非常之認同...有d野都係要諗清楚至好做...唔係想像中咁簡單...

返到屋企同大姐chat左一陣...發覺有d野即使你點樂觀都冇用...
都係果句...既然無法可想...與其苦著面面對...不如笑多點吧...
即使解決不了問題也起碼開心一點...


嗚啊啊啊...
食太多...拉肚子~~~~~~


>>October 6, 2003 at 5:45:49 PM GMT+8

2003 年 10 月 4 日 星期六 【晴】

最近夜夜無眠...救命啊...
以而家既走勢...現在的我是無可能返8:30堂的...要成5:00先訓得著...都唔知點算好...
身體非常疲累...但腦袋非常清醒...唔知大家有冇試過e d情況...有好橋就麻煩話我知喇...^^

昨日同王dull冇打機...本來想一早offline...但竟然由一點半同佢chat到4點...真係咩都冇做...只係係msn傾計...果陣同terry...martin都係晚晚係咁傾...往事真是不堪回首啊...(汗...)

e個星期...再次懶到出汁...d野全都是11月先開波...到時便死梗了...
今個星期都只係做proposal...現階段也只有睇下notes...做下準備工夫...但睇完又好快唔記得...搞到冇咩動力睇...

>>October 5, 2003 at 8:30:02 AM GMT+8

2003 年 10 月 2 日 星期四 【晴】

今日再次一早起身...去見Dr. 丁 傾hon pro...昨日唔知做咩...一夜無眠...搞到冇咩精神...
見丁生既過程都好順利...佢話我個outline都幾詳盡...所以一眼就知道哂我想講d咩...同個結構有d咩野值得注意既問題...不過都唔算太多...反而佢叫我要注意d理論既應用...而我就最唔擅長e 家野...唔夠半個鐘就搞掂走人...

之後去左圖書館找學術期刊d論文...我唔鐘意係電腦search...而係一本一本慢慢睇...
但係都俾我找到好多有用既資料...影印都印左成40紋...好重皮...見到有d係阿剛個hon pro有用既...
順手幫佢影埋...仲唔記得慢佢收錢tim...還錢呀!!!

本來下午打算同gc食飯...不過佢又放我飛機...去左同佢d fri飲茶...本來真係好慶...但過左一陣...就覺得e d 事嬲黎都無謂...友情既破裂往往都係由於e d咁白痴既事...於是吞左啖氣佢...好辛苦...

legal system...又睇到d 垃圾 present...唔係扮哂西人口音就可以係一個好既present嫁...俾d誠意喇...
見到e d present有時真係好慶...同時亦都非常擔心我自己果堆group prsentation...希望d 組員生生性性既...唉...

下午食左幾舊包...就同gc去左游水...如果果陣唔快d消左道氣...咁下午黑口黑面就唔會游得開心了...其實同親gc游...都係曬太陽多過游...10月仲咁好陽光...真係難得...大家訓係d太陽椅上面傾計...何其寫意...大家都係講埋d好深入既事...不過多數都係佢講...我反而好少同人講自己d野...(汗)

大家都認同而家既生活嘻嘻哈哈得黎又好枯燥乏味...講起拍下散拖諸如此類既問題...我就覺得好難因為無聊而去專登了女仔或者搵拖拍...
人與人之間的關係實在係非常之奇妙...經常看到一些本來互無關係的男女走在一起...而男的就跟出跟入...大獻恩勤...發起一波又一波的愛情攻勢...追求他心目中的完美女神...
但我卻不太習慣這些事情...與人交往相處者,精要在於誠於人...而在大獻恩勤的過程中...其實已破壞了誠的本質...因為你的行為帶有一個明確的目的性存在...對人耍心計...手段...花心思...以取悅對方...相對於這些...我比較喜歡那些自自然然的關係...

人與人之間的奇妙之處...莫過於一些本來很要好的人...為了一些事情反面而互視對方為仇敵...
每想到或看到這些事情...我便覺得很滑稽...在上一刻仍要好得像是孖生兄弟...但下一刻佢反目成仇...惡言相向...那往昔在一起的歡欣快樂...共同度過的時光又算是什麼?

人直則心剛...既要誠於事...更要誠於人...

雖然生活無聊和缺乏意義...但時間仍是慢慢的流逝...不會變化與會變化的事物...在我的身邊慢慢地流動著...我相信不斷重覆的這些平凡普通的日子...也會慢慢逐少逐少的...移動和改變...





>>October 5, 2003 at 8:22:06 AM GMT+8

2003 年 10 月 1 日 星期三 【晴】

今天係msn同terry哥 chat 左一陣...
佢真係非常之上進...每天都在進步...反之...我便比以前退步多了...
反省了一會後...我便去了打機...

打左陣機...之後就做左d 好耐都冇做既野...就係備下課...
睇返legal system d notes 同整理其他科既 資料...好大堆...e 幾個星期影印左好多資料...真係辛苦了影印店的那個架眼鏡的...態度溫柔親切(^^)的漂亮姐姐了...^^

睇左陣notes...發覺好多英文生字都係識睇...識解...但唔識串唔識讀...覺得咁樣好唔掂...
於是效法terry...決定強化下d英文...發動自由學習西文讀寫學習計劃...藉串,記,讀3個階段以多快好省地建設西文主義...記得以前都做過d 串生字之類既事...係真係有用...可惜以前做的筆記都散失了...

ps.今日下午個icq慘受無聊人轟炸...國際社會唔會容許同支持e d恐怖主義兼且禽獸不如既惡劣行為...同聲譴責佢...(不過可能人肥心理就會唔多平衡...諗深一層佢都係一個可憐人...唉...)

pps.大丸既日記又更新了...真係感動...睇黎佢已經痛改前非了...

>>October 2, 2003 at 11:10:06 AM GMT+8

2003 年 9 月 30 日 星期二 【晴】

今日一早起身...皆因約左丁偉先生...傾個hon pro...
準時10點去到佢office 門口...冇人既???(搞錯!!!)

睇notes...食早餐...睇書...斷斷續續咁上左去幾次...都係冇人...
終於12點再上去一次...終於見到偉大既丁博士座係入面...由於等到超慶既關係....差d想爆門入去...幸好本王幼承庭訓...乃有教養之人...於是擠出一絲笑容開門而入...

hon pro 星期五再傾...不過走果陣d氣消哂...不過好疲...

之後同縵頭傾proposal...好過另一科喇...個效率同進度...
覺得縵頭同馬b有d似...緊張大師...成日搞到小事化大...

之後...見證左一次好冇效率既discussion...一個proposal 0者...使唔使傾3個鐘呀...亦都浪費左我3個鐘...因為要等某人...

等到頂唔順...行左去香港電台散步...咁就出左一身汗...

legal system...好留心..難得地...

上完堂之後...又同阿剛去左食KFC...食得痛苦...笑得快樂...
一桶雞食左兩個鐘...笑到個胃好痛...不過小剛好似仲慘過我...d 互動效果真係勁!!!!!!

同其他人講廢話真係好難有咁既效果...笑到胃抽搐...真係未試過...(小剛仲差d噴野...)





>>October 1, 2003 at 8:20:54 AM GMT+8

2003 年 9 月 28 日 星期日 【晴】

好無聊呀!!!!今日有兩堂唔使上...只係返一堂...
而果堂又係超級無聊...完全唔知返黎做咩...但係交proposal...唔返又好似唔係咁好...
輝哥既工作基本上只係點名...點完就走得...或者成班人戇居居座係度...完全唔知佢想點...

今日著左件露臂衫返學...結果不斷受周圍d變態同學騷擾...原來我d 同學大部分都係唔正常既...(汗...)

下午同肥展一班人去左島仔吧食飯...有大丸...8婆...阿榮等...同e班人一齊食飯話題自然離唔開一d明星同娛樂新聞...我對e d新聞可以話係興趣不大...成日都覺得 e d news 係女生先會感興趣...大部分的男生大概都是為了找話題才留意這些新聞吧...

想到這裏...突然想到耐性和付出的問題...我想我大概是兩者皆無吧...
想到從前和一個略帶好感的女生去逛街...起始時還是相當快樂的...但當出現了一些售賣 "卡哇兒"精品的店舖時...一切便改變了...
我完全無法理解為什麼女生可以在一間蚊芝(同大學既廁所差唔多咁大...大一d喇...我諗...)咁大間既精品店停留個幾鐘...(真係個幾鐘!!!)
"哇...好得意呀!!!"
"啊...係咩?" 間舖基本上我行十分鐘已經行完...行完自然想走...冇得走自然不爽...
雖然已是很久以前的事...但回想起來仍是一個相當痛苦的經歷...(逃...)

基本上我也是一個喜歡逛街的人...但我喜歡的是到處走走...到處看看...請勿要我停留在一個地方半小時以上!!!(除非間舖好大喇...但d "卡哇兒"精品店我就真係頂唔順...

本來食完野之後想去做下gym(咁遠返黎上一堂...實在無聊...)...點知gym room 要用黎上堂...
唯有返歸...

返屋企既途中...突然好想做引體...但行左一大段路...返到屋企之後...做左幾下就完全唔想做了...
係屋企做...又唔舒服又麻煩...都係係gym room 做好d...
突然諗起食飯果陣提到下巴貼地做掌上壓既問題...於是放棄左做引體...試下咁樣做掌上壓...
做得24下...就冇力了...下巴貼地真係累好多...我諗即使冇做引體...平時最多都係做到三十幾下就收工...

今日決定唔同王dull打機...勵精圖治吧!!!

>>September 29, 2003 at 8:34:20 AM GMT+8

2003 年 9 月 26 日 星期五 【晴】

下午都係係度睇洋人果科個proposal d 資料...tony 仲係消聲匿跡...如果到左交proposal 果日佢都唔找我同charles...e 個男人就真係...

夜晚睇完波之後就同王dull打機...本來話左夜晚唔打機既(會訓唔著...)但又忍唔住想打...
打完機...已經3點9...睇多陣報紙...食埋第二次宵夜就上床訓覺...

但最可怕既就係...竟然夢見自己係度打機...畫面...資料...咩都應有盡有...同清醒果陣打冇分別...
完全唔明白個腦點解可以處理咁多資料...個腦到底有冇休息過嫁...
發d咁既打機夢...次次訓醒都好累...

>>September 28, 2003 at 5:01:51 AM GMT+8

2003 年 9 月 25 日 星期四 【晴】

今天終於就proposal 同 charles 傾左十分鐘...tony 講左堆 sorry...very sorry 唔得閒...
遲d打俾你地傾...就消失了...

借左一堆書...先找charles傾...叫有d方向喇...開始...不過38頁...4十幾分鐘...點講咁多...不過都係見步行步...求神賜我一個b...

帶住個hon pro outline去找丁偉...佢見到我講左一堆歌功頌德同發誓效忠既說話之後...
就叫我下星期再找佢...又要早起...唉...

圖書館努力一返後...便回家了...

返到屋企...又是遊手好閒一番...

夜晚約左太子豬妖...馬b等出去搞版聚...都成個幾兩個月無見了...
豬妖實在是個很有才華和幽默的傢伙...
傅明繼續發揮度叔性格...食野時...每個人既飯菜佢都要取d黎食...
又唔可以話佢斤斤計較...但有時e個男人真係好度...

期待下次版聚再見...^^

返到屋企...再次係深宵時份大飲大食...到底d食左既野去左邊呢??(汗...)



>>September 28, 2003 at 4:56:57 AM GMT+8

2003 年 9 月 24 日 星期三 【晴】

星期四....是day off 的一天...
懶洋洋地閒蕩在家中...無所事事的...
寫意之餘亦覺得十分無聊和浪費時間...說真的...人生中又有那一天不是在浪費時間的呢?
只是重複又重複地做著自以為很有意義的事情...

無聊之際...想起了雪櫃內的蒜蓉大蝦...炒些來吃...好味...^^
食完大蝦...醒起冰箱仲有0節0節冰...又取左條出黎食...正...

阿媽今日唔買飯盒...突然話想煮飯...當然話好...不過唯一既壞處就係...遲開飯(煮都要時間...)
雖然下午茶食左堆蝦(5點食)...不過6點半打後已經好餓(胃的機能真強...汗...)唯有食果凍頂肚...
清爽香甜的感覺~~~~~~

開飯了...好耐冇食過媽媽煮的飯菜了...味道很好...好多食送...但得我一個食(阿媽一早食飽...其他人不在家...)好飽...d菜始終清唔哂...之前吃太多雜食了...

吃飽之後做體能...一直是我的習慣...吃得愈飽...運動的意慾愈強...(奇怪...汗)
如果不做運動...便會很想睡...但出了一身汗...人便精神多了...^^




和一些不知所謂的傢伙共事...令人非常憤怒...總之便是很不爽...給我的感覺是胡胡混混過去便算了...很慶...星期一要搞掂的東西...早前叫做...沒有人理會...這個要present...那個要返工...
好了...殺到埋身了...一樣冇人得閒...那如何辦?

一起去死好了!!!

出黎傾???留底傾???咁麻煩...唔得閒呀...一論呢d對白之後...
"不如電話傾或者icq聯絡喇..."
記住...一旦出現e句野...你唔使旨意有得做...返屋企自求多福吧...

自英文present以後...很久沒有這樣的感覺了...
慶的感覺...

我...真的很討厭teamwork...





>>September 25, 2003 at 3:00:26 PM GMT+8