2003 年 9 月 23 日 星期二 【晴】

呢幾個星期...或者係成個暑假至到而家...我都有d類似行屍走肉既感覺...
回想起暑假的每一天..除了另有節目外...每天都是起身...打機...訓覺...的重複著...

開學後...學問沒有進步...每天照舊沈迷玩樂...雖然完成了hon pro outline...亦看了一些書和notes...
但這些本來便是我要做的東西...但諸如備課...自習之類上sem也有做的東西...今sem完全沒有做...
我對現在的自己極不滿意...覺得自己快變成一個廢物了...終日只是嘻嘻哈哈的...不知道在幹什麼...

每次打左成日機...我都會好內疚...但內疚完之後...又會再打...不斷在重複這個循環...
不想學習的原因...大概在於沒有學習的動力吧...因為學問做多了...也好像沒有什麼用的...
系內的學習氣氛也不太好...班中都是一些以不閱讀為常睇...多看書為變態的傢伙...
我是個沒有勉勵的伙伴便提不起勁一個人幹的傢伙...回想起a level時...大家一起努力...互相交流學問的日子...真是令人懷念...雖然...學的都是一些死記爛背的東西...但辛苦之餘覺得很充實...當時的努力...亦為現在提供了不錯的基礎...

但進了大學後...人明顯地懶散了...特別是year2開始...經常玩樂...慢慢地失去了生活的充實感...
每天都好像快樂之餘卻沒有什麼意義似的...而同學們則經常為了一些白痴的事互相爭吵...把心力時間都花在這些事情上...看到sondy這些天天到處忙的傢伙...我想...這些才是真正的生活吧...

漸漸地發現...打機和做事...(諸如工作...溫習...做paper等)兩者最大的分別為...
打機時產生的充實感...滿足感...和快樂...存在於打機的過程...一旦熄機...便什麼也沒有了...只餘下空虛的感覺...
而做事時...滿足感和快樂存在於工作完結的一刻...那種感覺是持續的...
好像上年暑假...在公司完成了oracle的修復後...問題多多的資料庫漸上軌道...那種充實...滿足的感覺...真是難以形容...

又或者考試完結後...那種受到無窮壓迫...從崩緊的神經中突然鬆脫的爽快感覺...那一刻...我確實地感覺到了我存在的理由...

換言之...做事...工作...能賦予我充實的感覺...
並不是成就感或滿足感如此簡單...而是...生活的感覺...

ps.阿丸個日記終update了...這次她打得很有心機...看完後...令我切實地感覺到...
她真是一個好傢伙...^^



>>September 23, 2003 at 7:09:33 PM GMT+8

2003 年 9 月 22 日 星期一 【晴】

昨日打機打到夜夜先訓...
今日難得早起...點知一online又俾王dull叫左去打機...
真係...日打夜打...好在...佢要出街...唔係又打一個下午...

下午同sindy通左陣電話...e個人...真係好勤力...令我羞愧...
定係...係我太懶呢??人家ed...先係學習既態度...
可惜係其他"正常"人既眼中...就係痴線同變態...何時才可以重新發力呢?
看來沒可能了...誘惑太多了...唯有把必須做的東西做得更好...現階段的我也只能做到這樣吧...

睇左陣notes..勵志左一陣...竟然頂唔順...走左去zzzzzzzzzzzz...
唔係電話響都唔知訓到幾時...(汗)

夜晚6:30堂...d位俾人座哂...都係廢剛冇啦啦要取影印累事...
座到好後...唔知條友up咩同寫d咩...成堂唔知做咩...zzzzz

之後tony 叛變...廢剛返屋企食飯...我就一條友去左肯德基食野...
一個人食野...竟然出奇地舒服同寧靜...特別係食飽之後...挨住張登...果種feel...竟然好正...

回到家中...義正詞嚴咁拒絕左王dull e 隻魔鬼打機既要求...勁!!!

>>September 23, 2003 at 3:35:15 PM GMT+8

2003 年 9 月 21 日 星期日 【晴】

近日拜讀石原 先生的大作 日本可以說不...
真是愈看愈有趣味...雖然石原慎太郎係一個非常之有名既日本右翼民族主義者...
不過無可否認...佢講既野真係好有point...同強詞奪理好唔同...
文學家真係文學家...

果次同阿東講過d類似既說話...佢竟然話: 你個死漢奸(汗^^)...
其實我覺得...觀點e d野...唔應該滲入太多民族感情...0岩就0岩...唔0岩就唔0岩...
好似中國國家隊...唔勁就唔勁...捧黎做咩?

事實上...我們的祖國亦沒有太多值得我們自豪的地方...在外人眼中雖是急遽冒起的泱泱大國...
但國內卻是千瘡百孔...雖然中國國土廣...資源豐厚...國力看似很大...均資源來說...它連50名也不入...
加上教育不普及...德育辦得差...在我眼中...國內人民的質素並不高...只像是一堆只知拜金的暴發戶罷了...
而且地方主義盛行...看看平日經常看到一些xx省長和市長對香港的事務指指點點...一派和中央唱反調的反應便一清二楚了...

雖然如此...我仍然以生為中國人的身分而驕傲...我們有5000年的文化和歷史...
精神文明博大精神...我覺得現在已是我們中國人要去尋根的時候了...

>>September 21, 2003 at 12:30:11 PM GMT+8

2003 年 9 月 20 日 星期六 【晴】

昨日修咸頓贏波..好野...場波上半場睇到訓左...下半場一路睇一路食野...即刻精神哂...
估唔到咁好睇...可惜 phillips差少少先可以連中三元...不幸..兩球中柱...慘...

下午一起身就同王dull打機...今日試下打full data...點知慢到人都顛...
load game load到快抓狂了...

已經連續兩日冇做過體能了...今日再做返...唔知係0米冇做兩日...即時有d好累既感覺...

今日大佬結束佢既桂林十日之旅返黎...隻腳爛得好核突呀...仲show 俾人睇...
變態佬@@@@

第一次...睇迪迪咁耐以黎派既野...未睇之前...我連讀緊果科係d咩同要做d咩...有咩要求都唔知...
上左三個星期堂...已經...仲咁樣...真係陰公...

還返d學費黎!!!

本來昨日想約豬妖他們出來一聚的...但只有太子仔一個響應...我又想睇波...結果不了了之...
好掛住豬妖呀...



>>September 21, 2003 at 11:13:08 AM GMT+8

2003 年 9 月 18 日 星期四 【晴】

9月19日0時14分...hon pro outline完成...^^

午飯之約...人家病了...因而取消...有一點失落的感覺...可能是我對是次飯局有所期待吧...因為好少同佢食飯...下次喇...唯有...

結果...同左阿東食(勉強地^^)...

返到屋企...打左個電話睇下佢有冇事...不過佢好似就快斷氣咁...我都廢事阻住哂...byebye^^

夜晚...約左牛屎同李生食飯...王小姐個所謂function就冇哂消息...真係有d慶...好冇交帶呀...e位大小姐...難為約人果個...

好耐冇同牛屎and 李生食飯...玩得都幾開心...
係世貿門口見到無間道2既function...之後仲出埋黃秋生同陳冠希等人...李生同牛屎即時衝左過去睇...我唯有跟埋去..勁多人...企左個好位...睇左一陣之後就覺得愈來愈熱...而且個function又好無聊...身邊又有好多妙齡少女迫過黎...都唔知有咩好迫...冇d禮貌...真係想一拳打走佢地...(汗...)
睇多一陣...我頂唔順...自己走左去行街..

等到個無聊function完左..走去會合返李生佢地...一行人去左維園同中央圖書館發顛...
一d高難度動作仲引黎途人側目...係中央圖書館門口搗亂既時候(已經關左門...封哂閘...)...個保安用d唔多友善既眼光望住我地...仲特登巡來巡去...好似想迫我地走咁...但我地不為所動...繼續搞事...

玩得好開心...可惜天氣太熱...身上面好似有層油咁...

返到去沖過涼就同王dull打機...一個鐘唔夠...佢又訓左...
仲要等左兩個鐘佢都唔醒...以後盡可能都唔會係夜晚同佢玩...太多類似經驗...zzzzzzzz
打機打到返工咁...累就收機訓喇...死仔包(殺)....

>>September 19, 2003 at 6:54:36 PM GMT+8

2003 年 9 月 16 日 星期二 【晴】

今日又返8:30...點知...有神秘人按熄左我個鬧鐘...搞到我8點先醒...其實都唔係第一次個鬧鐘冇緣冇故自己熄左...真係非常奇怪...
雖然我8:00先起身....但我竟然可以係5分鐘內做哂刷牙...換衫...同食早餐幾樣野飛出門口...
結果返到去都8點9...唔算遲太多...

疾走返學既時候...好鬼死熱呀!!!!d人又排哂人牆擋住我條路...令我感覺到香港真係一個好擠迫既地方...

joey一見到我就話....你一定未訓醒同冇疏頭...係咩...我個頭唔係好型咩?豈有此理...

上迪迪堂...好無聊...堂堂都做d冇咩意義既野...結果成堂都同slave 鐵肩大師係度玩...迪迪一句說話令到鐵肩俾人玩弄左成日...可憐...

食完飯...鋤完啤...又係迪迪...更加無聊...有d上堂上到精神崩潰既感覺...頂唔順呀!!!

ps. 玩扮聲玩左成日...返到屋企把聲即時沙哂...冇計...變聲變左幾個鐘...唔沙就假...

>>September 17, 2003 at 2:02:06 PM GMT+8

2003 年 9 月 14 日 星期日 【晴】

星期一...本來想早d起身返去拉記做hon pro...但點知訓過龍...於是廢事早去再訓過...
點知...再次訓過龍...令我遲大到...真係走死人...(慘...)

朝早果兩堂都幾無謂...特別係輝哥果堂...真係唔知佢想點...

下午同東and terry去新記lunch...d飯係好平...但....(汗+逃...)
阿東贏左波...發左大達都唔請人食野...果然係一個孤寒佬...

兩粒飯...幾秒食完...之後去左拉記做野...借左好多書...
香港史...真係唔錯...上得好舒服...聽故仔咁...好...

返屋企既途中...由於渣住太多書同把爛遮既關係...加上地下勁滑...p左個大k...
左手因此殘廢...(好似打率角咁...手錚一野鋤落石屎地...)極度樣衰...即時彈起身...
忍痛繞道而行...真係一路行一路痛到想喊...

近年愈來愈少睇電視...覺得夜晚係d所謂黃金時段播既電視劇都是垃圾...
偶然屋企人係廳既時候都會開電視黎睇...睇到d劇情...真係即時爆一句...膚淺!!!
當佢地去做其他野既時候...我會好快咁熄左佢...

而家d電視劇...黎黎去去都係幾種模式...一係古裝劇...一係武俠片...另一樣就係sell低能白痴既笑劇...拍來拍去...都拍不出一些比較接近生活...反映社會...認真一點的劇集出來...電影也是如是...
總拍不出類似人家驕陽似我...月黑高飛之類的大作出來...只能靠緊張的動作和情節吸引觀眾...
記得有次和幾個電視迷朋友一起看電視...佢地一路津津有味咁睇...一路話咁低能既...係0米白痴嫁... 問佢地d電視劇有咩咁好睇...相信佢地都答唔出...夠低能?定係夠好笑?
電視而家我只睇老友記...可惜已經播完...佢雖然都係笑劇...但人地好笑既係d幽默既對白...而唔係因為夠白痴...
當然..無聊笑劇都係劇集既一種...有佢存在既價值...但係當得返呢一種劇集存在既時候...就會成為一堆垃圾...
總覺得日劇的生活感強多了...(雖然已經好耐冇睇...)


>>September 15, 2003 at 3:07:26 PM GMT+8

2003 年 9 月 12 日 星期五 【晴】

新學期開始之後...就沈痾於低谷之中...總覺得浪費左e幾年...英文...各種專業技能...以致普通話等等好似咩都唔識咁...自責...內疚...總覺得現在的自己幹什麼都會失敗似的...

但突然想起比亞提說的一句話: 我不會刻意和他人比較,我何時何地都對自己的能力很有信心...
我想這才是正確的生活態度吧...讓失敗的感覺纏繞著自己...刻意把自己營做成一個失敗者...有什麼意義?從今天開始慢慢努力吧...

hon pro...經過一輪消化後...終於找到了方向...覺得自己d狀態開始返黎喇...
由下午3點9開始...做做做...做到11點...中間食飯休息打機用左3個鐘左右...即係我大約都做左4,5個鐘野...上網又睇到一大堆資料...個outline打完又再改..不斷磨磨合合...終於成形...
成篇論文應該分5part...打左1part半...都有成千幾字...加埋footnote就2千...打幾多都唔係問題...最緊要真係知道自己想做d咩....想講d咩...而家又打算再改...用返簡潔既point form...

夜晚...做做下野竟然見到cat thin 同我係網上say hello...第一次見佢online...真係好似執到金咁開心...同佢都chat左好耐...e個人...平日唔了人...一了就問d咁深入既問題...(汗....)不過我都同佢討論左一陣...第一次和女生說這些事情和經驗呢^^...她也說了一些自己的...^^

之後就好似做左成日野...唔服輸咁同王dull打左成晚機...打到4點幾...佢再次頂唔順係電腦既另一邊訓著左...而我就懷住打機打到極為興奮既心情上床訓覺...結果...訓唔著...
終於發現...我失眠既原因..,應該就係因為成日打機...



>>September 14, 2003 at 5:47:12 AM GMT+8

2003 年 9 月 10 日 星期三 【晴】

今日係中秋佳節...各位中秋快樂啊...
今日我一起身...上左陣網同睇左陣亂馬之後...(其實都用左成兩粒鐘做e d 野...)就即刻開波搞hon pro....個outline...
真係發夢都估唔到咁難打...打左篇前言...已經用左成兩個鐘了...幸好..已經整理出少少方向...
對日本既認識始終太少...好難深入...苦惱...

夜晚出去做節...又係果間酒家...又係果d食物...不過今日個乳豬拼盤唔錯...可惜隻脆皮雞係我食緊翅(有人唔食...所以我可以食3碗...)既時候俾人搶哂...真係慘...不過d翅竟然好飽肚...平時食都唔覺...(但亦好快餓....)

8:30食完..本來可望趕及王舊同學既生日聚會...但點知原來要拜月光...(年年都有...但今年忘了...)
唯有含淚推左佢...王舊同學...鎖你呀...(本來可以打電話同佢講生日快樂...但我唔多鐘意講電話...於是...算...)

返到屋企已經11點幾...即刻上網找王dull打機...但佢竟然成晚唔出現...
不過估唔到小t都有上網...仲同佢chat左一陣...總算都遇到d好事^^

游水...希望得閒既時候可以找人同我游多次...@@

>>September 11, 2003 at 6:17:52 PM GMT+8

2003 年 9 月 9 日 星期二 【晴】

由於要返8:30...所以點幾就訓左...但早訓既結果竟然係...
夜晚責醒訓唔返...4:45典到天光...
起身睇左一個鐘漫畫(汗)都於是無補...
典到7點起身...個腦仲好清醒...仲可以好優閒咁上網同食早餐...食左d野...順手做左陣體能...
就出門口返學...

上香港史...先發現除左joey...阿hin都係同一班條tall...之後仲倍左佢去食早餐...多謝佢請我飲野...

迪迪堂...照舊唔知做咩...係時候自修喇...搞完個hon pro outline就開始...

落堂有成3個鐘...本來想玥去落富食平價餐...但charles堅持飲茶...冇計...
途中遇到小t等人...我好友善,親切咁同小t打招呼...見佢地行去舊can自尋死路...我都只能係心入面為佢地祈禱...

可惜...茶樓既境況唔好得太多...d員工態度非常惡劣...冇錯...我地係少人...但都話遲d有人黎囉...唔使咁既嘴面掛...之後仲落錯單...落兩張就唔見兩張...成個鐘先得幾籠點心落肚...大發雷霆找人鬧都冇補於是...冇人想要道歉...我地想要食物...最後e餐都係草草了事...食到慶...

之後又係上另一堂迪迪...e 堂d 內容好似唔錯...但可惜我力戰一日...疲態畢露...結果成堂係度zzzz淪為笑柄...十個慘...

放學果陣又見到小t...於是我當然係再次好友善...好親切...好有禮貌咁同佢打招呼喇...
點知就換來佢惡毒既指責......誤解太深...我都冇辦法...

落車既時候...小t凌厲兇狠既眼神彷彿仍留在我心中...

返到屋企...食飽飯...就即刻大覺訓...訓醒望下鐘...12:45...唔係呀化...
人地訓既時候就係我起身既時候...(汗)...

>>September 11, 2003 at 6:09:54 PM GMT+8