2003 年 9 月 8 日 星期一 【晴】

昨日又受唔住誘惑...打機打到4點...

凌晨時份,又係食宵夜既時候...於是醒起祖兒醒左舊極北家族自製月餅俾我...
於是即時拎出黎試下...

圓型的...大大舊...中間有一塊紅色...有d似叮噹果d豆沙餅既加大版...即時擺落口...
第一口...覺得味道怪怪的...但係還可以...
第二口...食到想暈低...
第三口...覺得愈食愈有勁...一定可以食得哂...
第四口...想吐...
第五口...但願沒有吃過...><(汗...)

作為小點...是還可以的...但體積實在太大了...吃了很久才吃得完...
同我chat緊既王dull仲叫我唔好食..掉左佢...e個人真係衰...浪費食物...

食左一舊...睇真d...原來仲有一舊...分一星期食既話....應該都唔難應付...

下午起床...睇下個鐘...3:25...昏昏沈沈竟然訓左咁耐...

好在今日返6點半堂...唔使咁趕...
一早約左少林鐵肩一齊返學...堂legal system感覺好似上歷史堂咁...
但條友應該冇上年個肥佬教得咁差...(上年果個好似劣評如潮...)

上完堂...本來話返屋企捱公仔麵既鐵肩突然改變主意...同我一齊食肯德基...
真係有d食上隱...一路傾計一路食...竟然食左成個幾鐘咁滯...同鐵肩講野真係一件幾開心既事...
不過就係d對話咩內容...@@@

>>September 11, 2003 at 5:55:28 PM GMT+8

2003 年 9 月 7 日 星期日 【晴】

按錯制...打好的日記冇哂...即時down 哂...

可惡的介面...可惡的hotkey...

已經兩日冇打日記...因為冇咩野值得打...本來欲在此廢言一返...但按錯制...罷了

皇入課室, 見一青年虎背熊腰, 面目猙獰, 卻不是王兜是誰? 皇見之大喜, 急與之聚. 卻有一彼頭散髮之青年擋路, 其人頭髮蓬鬆, 滿面怒容, 卻是皇之舊部霸王軒.
皇見之曰: 公何以至此? 軒曰: 吾受學於黃文江, 欲與之遊. 皇喜, 曰: 如此甚善.

正歡聚間, 突有一女獻一番果, 皇見之大怒.
原來此女名祖兒, 乃極北之地之夷人也, 其地盛產奇花異果,以神獸衛之, 遇生人吠聲不絕.
月前此女亦曾獻一番果予皇, 皇不知其名且食不得其法, 固笑之.
皇怒目斥之曰: 汝多番戲吾, 今再獻此番果, 意欲何為? 欲斬之, 眾勸方免.皇餘怒不止.
正是江山英雄相聚地, 每有妖孽亂朝綱.
欲知後事如何, 請購大威傳.


>>September 8, 2003 at 3:30:44 PM GMT+8

2003 年 9 月 4 日 星期四 【晴】

今日唔使上legal system..令到有4日連假...本來打算係e 4日做掂過hon pro既...
可惜...仍然係行行企企...遊手好閒過日辰...話做hon pro...其實都係立下d資料...而家發覺個題目愈來愈大獲...好難做...

下午肥佬牛突然打電話黎問我出唔出去食飯...話同迪比補祝生日喎...迪比雖然可以不理...但既然冇野做(雖然有hon pro...但唔多想做...)...就應承左夜晚出去...

同迪比佢地食飯...都係例牌果d人...難得既係竟然羅記會出現...係好事定壞事就廢事多講喇...
搵食飯地點...照舊效率奇慢...7:25左右齊人...8:30先有得食(去邊度食猶豫不決....)...好餓呀...
結果去左食日本野...90紋...食左好多野...但唔多飽...

提議去食甜品黎填補我既空虛...但係返到屋企一樣要食宵夜填肚...

另外...同場加映金百利奇珍異獸表演...

ps...多謝將軍特登返屋企借漫畫俾我...tktk

夜晚...大佬買左隻高達返黎...打左成晚...唉...

>>September 6, 2003 at 11:44:19 AM GMT+8

2003 年 9 月 2 日 星期二 【晴】

由於颱風既關係...搞到昨日唔使返學...可惜個颱風一早就走左(不過早走都係一件好事...帶黎既損失太大...雖然有假放...)

好耐都冇返學上堂了...第一堂就係上西人迪迪既堂...佢既堂...仲係同以前一樣冇咩重點...
問d係人都知既問題...或者講d無謂既例子...感覺上比較空洞...係內容方面...

不過實在太耐冇見過d同學...所以都好開心...下午同阿剛佢地lunch...笑足兩粒鐘...相當愉快...

下午...又係鬼佬迪迪...仲悶過上堂...zzzzzzzzzzzzzzzz

ps. 多謝大姐隻杯...隻杯好靚呀...不過雖然我收左你隻杯...但估唔到妳會咁對我.....嗚wawawa...好慘呀!!!

夜晚又係冇所事事...打機過日辰...cm係咁輸...慶...

同頑愚女係網上傾左一輪...幫佢唔到...死吧!!!

hon pro...借左一大堆唔update既書...未睇過...未做過...慵懶...

真係要問下自己...e兩年...做過d咩...意志力...集中力...語文水平...豰力咩都大不如前...
講到尾...真係覺得同間大學既學習氣氛同環境有好大關係...友懠之間...缺乏學習既推動力...我係度浪費左2年...

>>September 5, 2003 at 6:37:16 AM GMT+8

2003 年 8 月 31 日 星期日 【晴】

今日已經係9月1日...聽日就要返學喇...慘...

昨日又一夜無眠...無喇喇訓既時候回憶返起上個暑假既人同事...有dd遺憾...有dd後悔...有dd甜蜜...亦有dd滿足...搞到成晚訓唔著...

相比起上年...今個暑假空洞太多...只係識得玩...玩...玩...

雖然係最後一個暑假...但係感覺上好似浪費左咁...(雖然過得好開心)...

日文沒有學...普通話又冇俾心機讀...hon pro 又冇做...學術書又冇睇...中英文又由佢荒廢...
intern又唔係成日返...學左既野唔係太多...(雖然都有用...)

回想起大學生活既兩年...識左唔少朋友...學業成績亦都算唔錯...但其實所學到...所得到既野係非常之皮毛同膚淺...十幾萬學費...與其話買知識...不如話係用左黎買一種(大學)生活既體驗...
教得唔好咩??學科冇用咩??最大既問題都係自己冇俾心機學...過左考試就算...

真係不如用大學e 3年時間黎自學...學自己想學既野好過...後悔...為左一個學位已用左無數金錢同3年時間...(不過都有d得著既...但全都是思考方式上...實質學到既野唔多...)

暑假最後一日...又同gc去左游水...體力...透支...

>>September 1, 2003 at 2:01:52 PM GMT+8

2003 年 8 月 28 日 星期四 【晴】

今日一覺訓醒...見到大佬仲係度訓緊...原來佢今日返夜晚6點...真係好...
於是下午就同大佬打機...本來諗住攻略hon pro既計劃亦都隨之冇限期押後...

大佬出左門口之後...馬b又打黎煩住哂...後來搞搞下搵埋豬妖夜晚出黎食飯...如果有埋負明咁就fit哂...可惜佢已經返左hall...於是夜晚出黎3人行...

今年同豬妖佢地出街既次數仲多過7wisdom班同學既聚會次數...唔覺唔覺...都有4,5次之多...
不過講真...香港真係一個冇咩娛樂既地方...我成日覺得出街最開心既節目就係食飯...
食完飯之後就真係行行企企...無事找事做...一係唱k...一係打機...冇其他節目...
就算去人地屋企過夜唔係打機就係打牌...真係枯燥...

而我地食完飯亦都只不過係去左行街...諗住去188買下vcd或者game喇...點知就10室9空...
集成又封左上層...於是成班人(其實得3條友...)真係走左去打機...$$$$$(一直唔鐘意打街機既感覺...覺得又嘈又雜...不過又冇野做...唯有一齊玩...)

暑假又少一日...
返到屋企...發現炒車整傷果隻腳緟哂...好痛...><

後記...同豬妖傾開將來既事...對前途真係唔多樂觀...讀果科係吹水科...
英文...普通話又半桶水...唔多掂...連一向引以為傲既中文都退步中...(近e一兩年太依賴電腦...變得好少寫字...搞到好多字都唔記得點寫...成日錯別字...)真係唔知點算@@@

>>August 29, 2003 at 4:25:23 PM GMT+8

2003 年 8 月 27 日 星期三 【晴】

今日約左gc下午游水...但我又成5點幾先訓...真係驚唔夠精神...
咁夜訓全因睇波...曼聯對狼隊...

場波就一般...但聽何輝拍江忠德講波真係好正...幽默風趣之餘亦好有內容...

一起身就發覺天陰陰...近e幾年去親swim 都係咁...於是同gc講...不如踩單車囉...就咁開始左沙田征戰之旅...

學識踩單車都係今年既事...所以我既技術同認路方面都唔多好...加上架單車踩踩下先發覺減速好有問題...結果終於起落斜時出事...

其時gc在先...我在後...但條死仔竟然突然減速...而我就係後面以高速殺落黎...唯有即時煞車...(架車個減速輕輕一按都有好大反應...成個太即時鎖死...)於是我避得開gc但個人就直抄地面...

幸好小弟武功卓愈...係落地既時候即時用右手兩指虛捏成鳳啄狀急點地面...同時左掌輕輕一按...巧妙咁輕輕一滑...避過左膝頭落地既慘劇...一見到我靈巧既身影同優美既落地姿勢...gc立時失聲驚呼: 好一招鳳雙飛!!!???

雖然落地果下落鬼好...但都俾架單車個腳踏刮損左...好痛...

炒完車之後...架車好似神神地...個腳踏鬆哂...一落斜就失控...點較都較唔返好...令我踩得非常辛苦...

不過都叫做愈踩愈熟練...一次比一次進步...

今日踩左3個鐘...唔算太多...但由於渣架爛車既關係...踩到非常之疲...一返到屋企沖過涼就即時zzzz





>>August 29, 2003 at 4:12:11 PM GMT+8

2003 年 8 月 26 日 星期二 【晴】

上星期六買既西瓜...今日終於開左黎食...
圍住個西瓜跳一輪舞...舉行左簡單而隆重既儀式感謝神既恩典之後...正式將西瓜分解...

西瓜唔算太甜...但勝在汁多且味道清香...計計埋埋已經成年冇食過西瓜...真係非常感動...

又到左發up風既時間...
成日覺得而家d人盲目咁崇洋同崇日...好似外國既月亮特別圓咁...好似台灣人...成日踩大陸...甚至唱衰香港...一副暴發戶式既流氓氣派...令我非常反感...

事實上...有好多香港人只知空喊民主同自由既口號...但對民主...自由既真義卻缺乏了解...只認為由佢地自己話哂事就係民主...稍為逆佢地意就係干預佢地既自由...但對於民主...自由的發展過程和歷史沿革卻毫不理解...甚至盲目要求將美式民主搬來香港...而忽視其當中之弊端...

民權時至今日已經成為某d有心人用黎對抗政府...謀取個人利益既武器...好似公屋戶e d所謂弱勢社群...平日住政府的...領綜援卻對政府指指點點...違反條例以致綜援被扣就聲大夾惡..甚至毆打政府人員...好似領綜援是老奉的實際收入...公屋扣分制落實之後...更加有人上演街頭劇去抗議政府唔俾佢地養寵物...違反佢地既自由...住公屋的理應是社會上的低收入人仕...當中有人話唔減屋租就冇飯食...但竟然有人有多餘錢養番狗...正一係神又係你...鬼又係你...想要著數既時候就高呼要捍衛自己既權利...有咩唔如意就話俾人剝削自由...

在民主..自由的偉大口號之下...相信這些人連權利和義務亦混淆不清...假若香港要服兵役...強制他們接受軍訓捍衛國家的時候...佢地又會聲大夾惡咁話服兵役干預左佢地既自由的了...

香港自來接受英國殖民地管治..有些喝洋水長大的人甚至聲稱自己不是中國人...而是香港人...
令人慨嘆...這些人正如自少喝牛奶長大的人一樣...牛奶喝久了...便誤認乳牛是自己的母親...
把不得英國對中國再來一場鴉片戰爭...那他們便可以回歸主人的懷抱了...

>>August 26, 2003 at 4:53:49 PM GMT+8

2003 年 8 月 25 日 星期一 【晴】

今日係屋企執屍會篇文..D格式好難執...一搞就搞左成個鐘...
好在得到TERRY哥仗義相助...真係要好好多謝佢先得...

睇報紙見到D人抗議政府唔減公屋租金...咸哂口咁話冇錢交租...食飯...鬧政府輸打贏要...
見到E D人真係好慶...

E D 公屋戶有好多都伸請綜援..佢地食政府既..羅政府既...住政府既...而家仲要為左蠅頭小利去告政府?雖然政府有法不依係唔0岩...但係而家財赤嚴重...你要佢減租都算喇...仲要佢退埋果D多收...左既租金...房委會真係會隨時破產...

政府雖然不得人望...但並唔代表我地要有風駛盡柁...踩多佢一腳...只係識得靠政府...鬧政府...話政府多收租金...但又唔諗下D公屋既質素同服務好過先十年幾多...只係識得插政府...但又唔做好自己...見小利而忘大義...俾你地分哂政府D錢...政府破左產..倒左台又點???0米大家攬住死囉...

弱勢社群其實並不存在...只係D人成日將自己塑造成被迫害...企係下風既一方...好似果D同性戀權益爭取者...行為令人髮指...卑視佢地...

夜晚係MSN同馬田傾下佢果邊既發展情況...不過睇黎佢進展不大...但都算係朝住一個正確既方向...始終第一步係最難走既...

好似小弟咁...平日廢話多多...但對住夢中既完美女神就即時口疾疾...唔知講咩好...可能我E D 讀男校既人都係缺乏經驗...心情往往非常緊張...成日有d俾人牽住鼻子走既感覺...加上原來冷面美人對睇戲...游水之類我喜愛既康體運動既興趣並唔濃厚...實在令我手足無操...

我自問個腦都叫做轉得快...但就完全唔知e位時髦非常,魅力迫人既青春美少女係度諗緊d咩...

,,,,,,,無言思考中

>>August 26, 2003 at 4:27:27 PM GMT+8

2003 年 8 月 25 日 星期一 【晴】

今日好疲呀...

老媽星期日去左北京玩...要一個星期先返...留返我一個係屋企自生自滅...結果我要自己落街買報紙...洸衫...掠衫...買野食...真係陰公...

繼上次大丸來訪而對家中客龐進行大清洗之後...今日將侵略既目標轉向清理房中雜物...
執到一半...就覺得陷入左一個泥沼之中..就好似德軍當年入侵蘇聯一樣...

遊戲光碟...不知明既錄音帶..阿媽既陳年眼鏡...入面冇左副牌既uno空盒...冇朱古力係入面既鐵盒一個...大量不知名既垃圾...舊鬧鐘...破碎既衣物...用哂既藥膏...95年既報紙...96年既電費單...已經壞左既按摩器...新衫既價錢牌...大量扣針...

同時發現一個收藏大量貨幣既寶箱...得到一大堆氧化得難以辨認既港幣...d錢唔係貼埋左一齊...就係變哂氧化到變左藍色...有d嚴重既竟然可以徙手毀滅佢...

於是我成個鐘頭就用左黎洸錢(真係洗錢...)將d銀仔打磨到似返個大餅既樣就算...求其洗完掉哂落執屋時發現既可憐狗錢包度就算...俾阿媽遲d用黎答車...

大家真係要小心處理屋企既硬幣...堆埋一齊擺好易氧化嫁...

夜晚冇飯食...於是展開自力更新自我改造計劃...出發去大快樂食飯...
3十幾紋...大大碟...仲有好多野食...其實就真係幾抵...

最近又重新研究歐洲史...知道左唔少猶太人既歷史同資料...例如點解猶太人會周圍走..冇自己既國家同受人迫害等等...

雖然係睇左唔少書同埋網站...不過對歐洲既民族,國家同文明發展始終都整理唔出一個好明晰既脈絡...只係知道發展既大概...而唔可以好似中史咁倒背如流...

慢慢我就知道點解會咁...只係由於中,西史既本質好唔同...
中史係以中國一個國家既發展為中心...而睇歐洲史就係成個歐洲咁睇...冇咩凝聚力...亦都比較散同亂...好似睇中史咁...我地都只係知道中國一處地方既朝代更替...而好似朝鮮呀...西域果d地方發生咩事我地係完全唔知...所以比較易記同得到一個清晰既了解...

而西方民族就太多...而且彊界遷移不定..冇明確既國界...好似法蘭西...一時又係高盧人...一時又係日耳曼人...人種民族太多...太亂以致比較難了解成個西方既發展概況.

哎也...冇啦啦又係度發up風tim...

>>August 26, 2003 at 4:26:43 PM GMT+8