2004 年 5 月 17 日 星期一 【晴】

沉默是金？
Buss要去7A上，但係我o地打o左鐘好耐都仲o係課室hea，李sir面黑黑咁走入o黎，重重地語氣嗌我o地上去，行啦。厲害，光速搞掂essay plan，兩堂聽兩題，我係聽日定後日？第三堂同陳江o既五子棋呈膠著狀態，基本上不分高下，唔存在甚麼越o黎越進步，仍然係咁大意。
History睇年表睇地圖抄中文譯名，refernece only唔使記，知下就算。
中化寫演講紀錄，又搞人名，蘇金寶 & 龍格堡！「下一站係共青團站」俄文有冇人識講？原來真係有社會語言學o架？「小心車門買地拖」，港式粵語都不過係地道方言o者，我又唔覺報紙o的文字都開始口語化喎。半抄半作，好似比其他人快做完。
不嬲都o係課室食飯都冇人理，今次無啦啦肥曾走o左入o黎，見到，即刻指名道姓叫我落樓，落囉。
冇得上PE，要入屯門，第七堂空堂，始終唔放過五子棋o既機會。13:55落cover等上車，三班人塞入兩架車，o的大粒prefect姍姍來遲。o係荃官出發去屯門大會堂要幾耐？18分鐘！
18分鐘由荃官入屯門，25分鐘o係大廳門口等入場，同6A其他人打斷兩邊。白先勇講崑曲，用國語講，全部前進，完全聽唔到佢講乜，結果同兩邊o既Billy牛榮一樣去o左搵周公，真係好舒服囉，印象中我好似連夢都發埋。有崑曲示範，嘩，意識大膽，挑戰中國儒家「道德」尺度喎！不愧係白先勇，呢o的台詞都可以咁有文采，肥鵬要好好學習喇！個幾鐘聽唔明o既國語talk完o左喇，冇旅遊巴，原地解散。
唔知下一站係點，一輪密集式大炮，完全唔知發生咩事，淨係知一瞬間一拆三，結果我同Billy就唔知點樣o係屯門市廣場遊蕩o左一輪。冇刻意去搵80M，反正唔急，太子o的貨永遠唔齊o者，仲有其他地方嘛！有時o的o野唔一定要全世界都知o既，我唔需要每個識我或者唔識我o既都知我呢方面o既data永遠唔會流失，我根本冇所謂，我知自己都係字典就得啦？
冇節目／唔知節目o係邊／有節目但係我去唔到，返歸啦，我有快／慢／超慢三個選擇，有得揀快，60X差唔多準備開車，連埋總站四個站就上到大半車人，Dennis Dragon係好舒服，但係爬山能力始終都係Volvo Olympian之下，不幸地屯門公路出九龍初段多上斜(事實上Dennis Dragon係屯門線o既主力囉)，不過都係計算之內o既35分鐘返到屋企。o係屯門搭巴士出九龍都不過係40分鐘左右，又有位坐，點到點，邊會有人搭西鐵？
今日寫唔到talkback添，中史project趕工中，不過仲未做完呀。

>>May 18, 2004 at 3:59:00 PM GMT+8

2004 年 5 月 16 日 星期日 【晴】

阿祖安奴o既小志強式直線盤球係好睇o者，不過有線o尋晚做乜唔播A米對布雷西亞喎？話哂都係巴治奧意甲煞科戰啦，幾多球迷想睇？我第一次睇波係1994世界盃，當時比羅馬里奧 + 白必圖o既夢幻組合令我更有印象最深刻o既係以一人之力將意大利帶入決賽o既巴治奧，可惜最後o個球十二碼一飛沖天。巴治奧係我睇波之後第一個鍾意o既球員，佢打埋今季終於榮休喇，o係前後渡過五年o既聖西路球場踢意甲告別戰特別有意義，我諗佢都唔強求自己可以踢歐洲國家盃喇。
正式講日本喇，追源溯始少少background行先，隔離組o的中史o野超得囉，我o地好似得Ninja有o的睇頭，又俾Miss Leung睇我o個幕添！唔好咁早交reading report俾我啦………………我都未做完！
UE開波幾分鐘已經兩個精彩鏡頭，5 + 1未睇哂事實o既全部喎！同隔離位做oral，要知道我隔離係乜水，完完全全被比下去……………我邊有咁好文采o丫？o個個every turn係editor幫我改o架，我o既原裝版本係用every second囉，唔得嘛！平時UE補時幾分鐘係家常便飯﹐今次竟然破天荒等完場。
莫財，繼續捱杯麵o既日子，今日只係多o左包檸檬茶。Judy同思穎早退，去中大architect聽talk，乜原來可以早退聽talk咩？早知我上星期五都請假去GPA啦！
中化又唔記得o係locker拎書，第N次問Miss Fung開locker。佢搵城市論壇做例子，咁場外維園阿伯o既言論應唔應該包括埋o係紀錄裡面？
7A好焗添，Deborah唔知咩事衝o左入o黎，有大工程，一大紙巾都唔夠？
放學乖乖地o係課室做(抄)reading report，有乘機吸收o架，各有各忙，各有各做自己o野。Geog人返o黎喇，發覺我唔係好應該再o係呢個位，阻住哂人o地。o個個都叫鞋盒？原來龜都有玩CM，我真係好耐玩喇，乜可以set無限資金o既咩？之前有人問希同Billy英文，今日又見到o個個女人喇，今次係Cindy被考起，全部突然散開，扮唔識，做o左次衰人添。
英超一打完艾歷臣就公布初步o既歐洲國家盃參賽名單喇，人選有o的意料之中，亦有意外。
占士　羅賓遜　獲加
布歷治　蘇金寶　加歷查　艾殊利高爾　加利尼維利　菲臘尼維利　京治　泰利
碧咸　畢特　祖高爾　戴亞　謝拉特　夏格維斯　林柏特　史高斯
希斯基　奧雲　朗尼　華素爾
後補：迪科爾　柏加　阿倫史密夫　修夫基　厄遜　李察胡禮
老實講張名單係有o的意外o架，睇下伯明翰o既失球數字，就知厄遜o既級數京治唔係佢o個皮，京治都不過係打過一場半場好波o者；加歷查o既位置基本上同菲臘仔完全一樣，係中後場通天老倌喎，選哂兩個係浪費人手，騰出一個空位放埋迪科爾入o黎，前線多個選擇，話哂佢季尾o既狀態幾穩定。前鋒最早估到又最失望o既當然係比亞堤始終都係榜上無名啦，其實踢法上比亞堤應該最適合同奧雲拍檔，可惜艾歷臣一o的都唔留意佢，朗尼、華素爾o既作用差唔多，放棄其中一個補入比亞堤，英格蘭o既進攻模式可以有多o的變化。英格蘭中場人才太多，柏加落選都可以理解o既，夏格維鄞同畢特係艾歷臣愛將，兩個o係國際賽都表現穩定。

>>May 17, 2004 at 3:04:31 PM GMT+8

2004 年 5 月 15 日 星期六 【晴】

開始做中史project，魏晉南北朝清談玄學，去google搵到好多……………好多冇乜用o既料，總算做o左一半，不過一o的都唔長，而且我相信好快就會唔記得哂玄學係咩o黎囉。
今日先知西九龍中心三樓有個車仔檔賣波衫，當然唔係正版啦。好多款喎，國家隊有西班牙、英格蘭、法國、巴西、意大利………………球會仲多，四大聯賽 + 法甲冠軍、皇馬、馬賽、曼城、曼聯、車仔、拜仁、摩納哥、國米、祖記、拉素、帕爾馬………………$58一件$98兩件，仿真度OK高啦，毫不猶豫入貨，當時得令o既華倫(作客) + 摩納哥，超大件超長，店主話我膊頭夠橫，著得到。其實呢句係咪抬舉，膊頭橫？我冇乜身位喳喎！

Re Billy:呢o的point幾得喎，言之有物，字字珠機。大部分人都追求內在o既、靈魂o既富足，偏偏有人就不斷叫人有外在o既、物質上o既滿足就夠，食飯多件叉燒就夠？或者佢覺得夠囉，我可能大貪o的o掛，我可唔可以食少件叉燒，換一張選票？回歸後o既香港教育最令人討厭o既係佢不斷向未來社會棟樑灌輸所謂o既「國家觀念」，雖然冇直接講明，但係就明顯刻意地將「政權」代入「國家」裡面，將兩者等同化，又將「公民意識」代入「政治意識」，將擁護國家(政權)視為「公民責任」。最精彩o既當然係discourage人對政治o既參與，扼殺政治人才o係香港o既發展空間，然後「冠冕堂皇」咁話香港冇政治人才，唔適合有民主，自編自導自演，好戲！
駭客又係乜o野？

>>May 16, 2004 at 1:53:10 PM GMT+8

2004 年 5 月 14 日 星期五 【晴】

一段時間冇寫，一寫即登，我、Cindy、Step齊齊上哂今日o既talkback，不過我o的wording俾人勁改。
先係「大班」鄭經翰，之後係「癲狗」黃毓民，相繼有名咀封咪，吳志森o係港台黃金時段o既節目都俾人郁，如果話佢o地冇受過乜o野政治壓力，講出o黎都冇人信。
固然，香港人仍然可以自由發表意見，總算守得住言論自由呢條防線，不過連呢兩把敢於批評政府o既聲音都要消失，會冇香港人擔心佢o地最自豪o既言論自由正係逐步逐步咁俾強權蠶食？o係「封咪事件」之前一段時間，已經有唔少公眾人物俾人威嚇，華叔o的朋友當街當巷俾人推撞同粗口問候，大班同毓民o既公司都俾人淋紅油，後者仲有食o左一拳，劉惠卿o既議員辦事處俾人淋米田共，就連基本上同民主派關係唔大o既莊陳有o係城市論壇都要俾維園阿伯鬧「死盲鬼」，咁多事件，警方乜都做唔到，完全冇盡到保護市民o既責任。香港政府更加冇好好捍衛言論自由，堅持「冇證據顯示言論自由受到威嚇」，唔到人唔懷疑政府係默許呢種情況惡化落去。
依家就連網上自由交流討論意見o既空間都受到步步進迫，香港數一數二o既「香港高登」討論版已經多次有支持民主o既留言被刪除，有關會員o既會籍都凍結埋…………反而粗言穢語同有色情成份o既留言就安然無恙。民主倒董力量、基本法第45條關注組、支聯會o既website不斷收到垃圾e-mail易已經唔係新聞，前兩者更加試過俾駭客嚴重破壞，懷疑係內地專業駭客所為。以往警方捉駭客o既表現唔錯，再狡猾o既都有辦法對付…………只係呢幾單警方就偏係做唔到。有選民被威嚇投票o個陣要用手機影低選票證明自己投票俾「愛國愛港」o既團體，o尋日講o左犯法o架，選舉事務處總選舉主任李榮話唔會立法禁止帶手機入投票站咁「擾民」不特止，仲教人出古惑：影完相，撕爛張選票，拎多張投你想投o個個。我o地俾人恐嚇，你叫我o地忍，叫我o地息事寧人，冇o野好講囉。

2004年Eric好歌流行榜(第20週)：
1)大雄(古巨基)
2)大方(方力申)
3)找我(梁漢文)
4)講妳知(張學友)
5)六呎風雲(李克勤)
6)戰爭(陳冠希)
7)繼續微笑(許冠傑 & Sam's Angels)new
8)思覺失調(劉浩龍)
9)狠心愛我(梁詠琪)
10)世上只有(容祖兒)new

Re Billy:冇咁多人同我o地爭，咁仲好。好極，唔理你投俾邊個，你有投票就代表你有為香港o既未來出過一分力。

P.S.眾望所歸，南非主辦2010年世界盃決賽週，睇波差不多10年，終於睇到o係南半球舉行o既世界盃。兩年前o既南韓、日本各有10個球場，南非一個國家就用13個球場搞比賽，真係要咁多？

>>May 15, 2004 at 3:20:48 PM GMT+8

2004 年 5 月 13 日 星期四 【綿綿細雨】

紐卡素入唔到歐聯，紐卡素季中放走路亞路亞同蘇蘭奴，結果俾佢o地兩個倒戈踢紐卡素出前四名，有人將「倒戈」同「賭波」搞亂o左，佢唔知倒戈點解，不過人講o個句的確係事實。
5 + 1遲到，用一堂時間解釋點解遲到。
o係歐洲返o黎日本喇，嚇死，唔使1603年讀起，不過1952打後o既要讀，讀o既approach同以前唔同哂。好多參考書，基本上唔會點睇，不過挺或者會o係深圳執平貨。冇教過書，Miss Leung問我o地大學都讀邊o的科，問呢o的都有得串人，酒店管理、樟腦(Journal)、建築暫時係好多人o既首選，好彩仲未搵到有任何人同我o既GPA一樣！
終於俾我打破佢不敗之身喇～
Buss做Case Study，本來要做兩題o架，多得Billy同李sir話要測中史，做一題就算。差唔多兩堂時間先做得一題，諗住溫中史，睇睇下又走去講波經、CM經，陳江玩阿仙奴竟然借到湯馬臣，不過唔夠我當年CM 01/02咁精彩。玩曼聯玩五季贏哂英超同足總盃，除o左第一季之外季季都贏到歐聯，其實戰績唔算得o的乜，最醒都係當洛雲、伊巴謙莫域、雲保美全部係自由身簽返o黎，祖高爾同馬田拿臣都不過係12M同3.2M，仲將奧雲o既職業生涯摧毀；除o左玩曼聯仲create另一個人教埋英格蘭國家隊，贏埋2006世界盃。
Lunch以咖哩海鮮杯麵渡過，成效麻麻，又走去五子棋。
測中史喇，初時以為測哂黃冊 + 魚鱗圖冊 + 一條鞭法(一條黃魚？)，今朝先知原來唔使註明數量，唔緊要，根本冇溫過。得一題冇得揀，讀過o既o野大致上記得，組織到，不過寫得唔多，博大霧拎返課室寫都係得三版三行；某人三番四次話自己乜都唔記得，又三番四次寫到要加紙！下次都係問Lim Sir要多張紙先啦。
對埋中化listening，始終都係過唔到30分。睇畫，我唔識藝術，不過我係覺得西洋畫靚o的。孔子唔鍾意快歌，我提議o係曲阜孔廟門口播《雙截棍》，再唔係《衝口而出》都得！
諗中國地理題？數錯國家數目添，幸運地有三幾題成功入選，1號同16號圖買返o黎基本上係廢o既，有人備課為名，XX為實。o尋日仲有人保住金剛不敗之身，今日所有已經至少輸o左三場。
仲有三日，仲有三日喳，距離立法會選舉選民登記截止日期仲有三日喳！如果有任何人俾壓力你，威迫利誘你到時一定投票俾某組人，唔聽佢講你或者你身邊o既人就會有麻煩，唔使怕，忠於自己，覺得邊個最有資格代表你就投票俾邊個，不記名投票之下冇人奈得你何，而且o係投票站影相－唔理你係咪影張選票，都係犯法o既，絕對唔要得。唔可以屈服o係政治壓力之下，唔理呢個選舉o既作用究竟有幾大，都應該要絕對公平、公正、公開－唔包括你張選票。

>>May 14, 2004 at 2:53:44 PM GMT+8

2004 年 5 月 12 日 星期三 【晴】

朝早繁忙時間o既長沙灣站，地鐵竟然係每5分鐘，不過遲都完全唔係問題。
Hall冷氣壞o左，而我o地o既聲浪太大，自己知自己事，為免影響考試，提早升班，全日轉上7A上。
7A上Econ，中史又返7S上，久違o既五子棋。單係唐代notes已經有成個治亂興衰咁厚，左計右計原來隋文帝係唐太宗o既姨丈公。
5 + 1未試過咁叫人個名，一聽到個個都呆o左一呆。佢今日好似講o左唔少o野，唔記得哂。
中化listening講王丹，巧合，今日《蘋果日報》有佢隔星期四刊登o既專欄，有部分內容即係tape所講o既父母為佢奔波。記憶中以前睇過呢個記者會，又記得少少內容，所以佔o左少少優勢，不過點解有兩分咁簡單o既我唔識作o野o架？六年前王丹俾中共放逐去美國之後，上年護照到o左期，佢去中國駐美大使館申請續期，一年後o既依家都未有回音，佢話佢只係想做番中國人。
History極速講哂成課Great Depression，連reading report都極速完成，不過我堅持要自己睇哂成課再重做，俾Miss Leung見到我勁核突o既睡相添。差唔多告別Paper 1歐洲喇，下堂帶Beasley日本，1603年讀起？讀300年？
Buss聽超長presentation，匯豐報告，李sir都讚我o地忍耐力強。
5 + 1完全冇提過放學有enhancement，個TA早就入o左6A，諗住鎖好lock即走都唔得添。我、牛榮、肥峰、陳江一組，胡鬧，Individual還正常，Discussion作反喇，私下cut時間，牛榮亂o黎，"Under this school management, I can do nothing!"講哂呢個廢o既題目，好似得我講到一兩句稍為有point，未完哂就收工！
想o係學校hea耐o的，不過要補習，測中史？冇乜心機睇notes添！

>>May 13, 2004 at 3:13:51 PM GMT+8

2004 年 5 月 11 日 星期二 【晴】

History算唔算講o左少少考試範圍？Miss Leung仲猶豫緊好唔好加埋日本落essay裡面，佢考試前話一定會講到少少日本，但係就想我o地focus歐洲多o的。我都想o架，俾我有機會揀哂兩題World War 1啦！
坐Step隔離做UE Listening好有壓迫感，佢好串地將錯tense都當錯，都有89分；我已經放自己幾隻馬，都仲差九條街囉……………5 + 1特別提醒今次唔好再收唔齊key，終於收齊喇。
Lim Sir咁有火o既？佢睇夠我o地o的essay寫o黎寫去都係三版多o的收貨，由呢刻開始我o地要展開地獄式特訓，瘋狂DBQ瘋狂測驗，表現再冇乜改善就要無間道式特訓…………搵槍指住我o地個頭迫我o地寫四版？
Buss有考試範圍喇，主要考下學期o既o野，仍然冇得揀題目，今次有冇機會合格？李sir睇到我去o左搵周公添，又俾肥峰睇到我睇exam添，話就話包o左膠套 + 警告標語o者，本o野根本冇乜好18禁。唔知點樣講起打機，講講下《多啦A夢大富翁》點險勝，提起o的陳年game，好懷念《大富翁3》o既小丹尼，不過最記憶猶新o既都係Win 3.1年代有隻《交通大亨》玩極唔厭！
中化講園林講書法講清明上河圖，顏真卿o的書法似我o地o的字？咁我o地o的功課咪又係書法？草書嘛！
交Practical Skills，唔見o左Set 6所以做o係影印本度，掟上簿架之後5 + 特登走o黎話佢唔得影印本(Under this school management, I can do nothing?)，要搵單行紙再做。放學ADT on duty把握時間開工，阿釗睇霍金o既宇宙大爆炸，Vincent睇Stephen Lee，一粒鐘時間抄好哂，不過冇得睇Stephen Lee添，諗住今日搞掂Great Depression嘛！
返課室，做o左電燈膽添，覺得有o的o野做錯o左。唔知點解包M & M碎哂，花生味冇朱古力味咁好食，睇o左幾版Stephen Lee，第一part都未睇哂，死喇死喇，自己好唔通氣呀。
入地鐵，三個大鄉里出城，嘈喧巴閉，News Board有乜咁值得大驚小怪？
返到屋企繼續睇o野？冇喇，睇報紙、發夢，Stephen Lee被打入冷宮！
謎語：北朝皇帝(猜荃官中六學生，中史男生唔准答！)

>>May 12, 2004 at 3:26:32 PM GMT+8

2004 年 5 月 10 日 星期一 【晴】

完全係意料之中～～～～～～
一次過收到Step三份剪報，聽日前要reply好哂，大劑，份份都水蛇春咁長，自己唔好意思唔寫多o的。
中化睜開眼發夢，睇建築，莫斯科馬戲團o既帳棚有冇o的似八角攢尖？
History講success，發緊夢，Miss Leung話我講o黎講去都係reputation，係你叫我可以跟番之前講過o既point嘛！個個都不在狀態，又有人聲稱自己冇精神都可以光速睇書囉！
今日交JUPAS Essay，o尋日手寫一份，諗住交o個份都得，點知見到全世界都print哂出o黎。以防萬一，都係即搵電腦極速打多份再print，recess圖書館太多人，小妹o係SA房幫Billy打，真係超快。Recess之後落library開工，好快打好，因為太少字，臨急臨忙加多一段廢話，加埋400字都唔夠，呢鑊5 + 1省硬！李sir監考，Buss唔使上，返課室，做埋後期工夫，趕剪報。
對唔見得光o既UE System，補時6分鐘。
問校長問題？梗係問下對呢間學校資歷深厚o個o的英文老師有乜感覺啦，仲有對即將退休o既老師o既睇法！
鄧思偉返o黎裝我o地o係7A上中史？多得Candy極力爭取，星期五先測中史！Holiday Mood發作，抄time flow特別慢過人，去得好快，Lim Sir聲稱呢個topic唔太重要，算。
放學諗住o係課室hea一陣就走，小妹佢o地幫Step補祝生日，蛋糕親手加料，個人覺得套衫其實唔錯，只係當時冇鞋襯喳(都話男更衣室有對我唔要o既白鞋咯)。小妹戴廚師帽好得喎，記唔記得田味吉？反正今日都係左玩右玩，小妹不如扮埋William Hung啦！Reply剪報有蛋糕食，多謝哂喎！

Re邪：我唔怕爪～

>>May 11, 2004 at 4:17:48 PM GMT+8

2004 年 5 月 9 日 星期日 【晴】

今季四大聯賽都係唔使打哂就決出冠軍，衛冕球隊(曼聯、皇馬、祖記、拜仁)全部衰哂，某程度上都係輸o係自己手上。華倫2比0掃低西維爾，提早兩週由皇馬手上重奪失落一季o既西甲冠軍。固然華倫今季演出穩定，一班西班牙國腳長期保持最高水準，打出o係西甲唔常見o既攻守足球，加上唔使打歐聯，以逸待勞，但係似乎華倫冇阿仙奴同A米o個種王者之風。上半季西甲演出最好o既應該係皇馬，不過皇馬o個條「芝麻開門」o既後防同嚴重不足o既兵源將成隊波拖垮(其實由上半季我已經唔睇好皇馬)，下半季最佳球隊係一度17場不敗o既巴塞，只可惜佢o地發力o個陣已經落後太多，冇球隊可以一氣呵成，造就華倫冷手執隻熱煎堆。餘下兩週西甲，已經四大皆空o既皇馬會唔會再次失分，俾巴塞過埋頭，連亞軍都不保，下季要踢歐聯外圍賽？巴塞下季會唔會重奪失落o左六季o既西甲冠軍？邊隊都好，唔係皇馬就得。
纏擾o左我成個假期o既JUPAS Essay終於寫好，唔理夠唔夠料入呢個致命問題，我填o既依然係政政系，亂咁寫，邊寫邊諗，點解荃官從來都冇派學生去城市論壇o既？我唔怕維園阿伯問候o架喎！
o尋日Kuto生日，今晚Regular Meeting(其實早已經唔係Regular)慶祝，19:00準備剛剛好趕到荃灣MTR A，最遲。Kuto、Mina、小B、蝦、六叔同我6個行先，Pizza Hut似乎貴o左些少。Fan、Lo、死魚、琪琪過一陣o黎埋，兩個289餐，得我一個飲湯。長檯美中不足o既地方係檯頭o既人未必聽到檯尾o的人講乜，斬開兩截，o個邊o的內容好似好搞笑，講大學、講人疊人、講笑話，「o係某長途交通工具o既飲用器具」早有所聞，不過唔使大大聲講全場聽到o掛？道具薯條好唔好食？Kuto想做邊行？食食下見到補完習o左Su同蚊，貓貓個頭好得意呀，情不自禁衝o左出去想摸摸添！
食食食食到21:20左右散場，飛去青衣救人？各有各走，問Geog，都係問A Geog o個o的啦，o係綠楊見到個天有舊雲，個型勁似哈索賓基o既膊頭，比例o岩o岩好。

>>May 10, 2004 at 3:45:24 PM GMT+8

2004 年 5 月 8 日 星期六 【晴】

祝天下間各位母親今日母親節快樂～
屋企冇送禮物o既傳統，我生日都冇屋企禮物，爹娘生日當然亦都禮物，呢o的o野係講心，禮物唔代表乜o野，不過我當然唔否認禮物本身有一定o既意義啦，我決定18歲開始送！
世間上唔係個個媽媽都咁幸福有仔女孝順佢o地，每年o既母親節，「天安門母親」丁子霖都特別傷感。1989年6月，佢唯一o既仔仔手無寸鐵咁o係天安門廣場死o係坦克車同軍隊o既炮彈下，至今呢班無辜o既死難者仲未得到應有o既平反，連帶為佢o地爭取o既人都不斷受到政治迫害。呢個平反夢幾時會成真？定係「此恨綿綿無絕期」？
仲有一星期，距離今年立法會選舉o既選民登記截止日期仲有一星期喳，邊個o係今日7月26日或之前年滿18歲而又未登記o既，請盡快去各區o既民政事務處(我諗冇人唔知荃灣o個間o係邊o掛)領取登記表格。你o既一票，非常重要！
剪髮，洗剪吹，都算好短，短o的好，唔使咁快又要再剪。

[左擁右抱　陳小春]
她　她一生想我好　她親手牽我上路　還為我三餐　也煮理好
她　她長得比我高　亦未敢跟我抱抱　如做到　定會超級風騷
世上最愛我是母親　想睇到我愛的情人　勤勞完為了看著我極幸福一家親

從當初出生的懷抱　尋找到苦戀的懷抱　我信靠賣力會做到　我信愛令兩位都得到
巴不得左擁右抱　全家福般左擁右抱　而我最愛為何未來到　我信我盡孝心總會得好報

她　她只得一個心　天天催逼要見人　期望我早點　拍拖結婚
她　她喜歡給我等　若是可飾演正印　誰及我令兩位都開心
世上最愛我是母親　想睇到我愛的情人　勤勞完為了看著我極幸福一家親

從當初出生的懷抱　尋找到苦戀的懷抱　我信靠賣力會做到　我信愛令兩位都得到
巴不得左擁右抱　全家福般左擁右抱　而我最愛為何未來到　我信我盡孝心總會得好報

從當初出生的懷抱　去到今天苦戀的懷抱　我信靠賣力會做到　我信愛令兩位都得到
巴不得左擁右抱　全家福般左擁右抱　而我最愛暫時未來到　誰也說我孝順會得到好報

>>May 9, 2004 at 2:21:13 PM GMT+8