2004 年 6 月 16 日 星期三 【晴】

最轟烈o既Buss，雖然得90頁書要讀，但係都仲好驚，唔知會點出，吹唔到。6A好熱鬧，臨開波前問Geog人CEPA & 自由行 & 9+2全名，最後全部唔使用。
上路喇，七題SQ + 三條Case Study + 兩條essay，好多吹水，原來所謂「一條Case Study會拆開a-g題」係題題一兩分，宦都係寫三四行。題目好多都要吹水，MFN明顯o係書搵唔到，講香港經濟轉營o個題Case Study作者係咪雷鼎鳴？兩條essay都係SR，好彩背哂書，不過都好似答得好少，人人都加紙，我冇。考考下唔知邊度有電話響，扮冇反應，交o左卷全房起勢咁講，嘈住Geog人添。即刻就派model answer，唔想咁快面對死亡，不過算啦，已經比上學期好得多o架喇，至少寫到10版半，有進步就OK啦。
睇落最難捱o個科捱過o左，但係好驚自己會即刻掉以輕心，UE Syatem可能又炒。

Re REAL:有毒奶粉好似有蝦人答喎，冇「仁」就唔會有錯啦，但係點解會冇呢？陷阱～

>>June 17, 2004 at 2:00:54 PM GMT+8

2004 年 6 月 15 日 星期二 【綿綿細雨】

終於考試喇，第一日就連考三份卷，賽程密到o丫。
一入課室，上學期o既不速之客，明明考writing先，不過主攻中化，無謂估點出啦，根本tip唔到。
Writing題目好似冇上學期咁易寫，不過都只係3分鐘揀題 + 5分鐘做planning，寫器官捐贈。唔係理科人所以有好多vocab唔識，齋計諗point應該問題唔大，不過language拉低哂化個總分。寫o左610字，仲有5分鐘proof-reading，成績應該過得去o掛………希望啦。
考完o係六樓後座hea，不斷「檢討」得失，過o左去就唔好提啦，所以走去同人講波經，講o尋晚o既金球。
下學期地獄式操練Practical Skills就係想靠呢份唔使點require語文能力o既卷拉高個分，以為做o左15份今次仲唔得米？我太天真喇，份似曾相識o既Practical Skills難都唔知想點，task 2完全唔知佢想問乜，task 3都唔係搵到好多，結果只可以靠task 1搶分，仲要唔知有冇寫錯下款，人人都加紙係我冇加，蝕水？
首之出現o既lunch組合：我 + 小妹 + Cindy + Candy + 希衝去維苑，唔想食太貴，又叫公仔麵。狂煲中化，背關聯感應、類比論證，乜真係有用o架咩？食食下講講下走o左去講camp，大測試？我唔要做阿四！
差唔多開波先返到學校，蠢o左，點解佢o地有lift搭？未開考就有得裝題目，斌仔遺書好長。原來真係唔使背o野o架，完全係大吹特吹，唔知點解唔想答安樂死，好似好難講，藝術 + 科學。藝術題有得套用陶傑o個o的唔知接唔接受o既point，裸體唔一定就係色情，泛道德主義害死中國人(呢句唔敢寫)；科學題，做得中化問題首先就絕對唔可以踩中國文化，冇辦法，我o地點都要讚少少，好彩有睇報紙 + 新聞，舉到兩個活生生o既例子，或者執到少少分。唔會唔合格o既，一半左右囉。
聽日係最燦爛o既Buss，垂死掙扎完，唯有聽天由命啦。
早幾年話「稱霸西岸等於稱霸聯盟」，今季活塞將呢個「定律」徹底打破，以為湖人闖過衛冕o既馬刺、當紮o既木狼，仲唔食糊？瓣瓣都俾活塞食住，一o的優勢都佔唔到，最後狂風掃落咁1比4慘敗，四大天王被廢武力，證明籃球最重要都係防守。命裡無時莫強求，馬龍等o左足足18年，自降身價o黎湖人都不過係為o左隻冠軍指環，點知唔係你o既始終唔係你o既；Payton仲好意思叫「四大天王」，退化速度驚人，冇料到，另謀高就啦。未來o既湖人要o黎一次徹底o既重組喇，騰出兩三年時間，以年輕化為目標，將O'neal以外所有30歲以上o既球員送哂去弱隊，換o的年輕球員或者前10位o既選秀權返o黎，加強球隊o既活力，幾年後再同東西岸死敵決一高下，不過事實有冇咁完美？

>>June 16, 2004 at 3:18:24 PM GMT+8

2004 年 6 月 14 日 星期一 【綿綿細雨】

天光都好地地，一出力生就開始有雨，仲越落越大，冇帶遮添。Miss Yu搵我同龜龜做拯救行動，有幾個F.3圍困o係惠康，要人送遮營救｜最後當然不負所託啦………有冇Service Award頒？
入hall睇頒獎，得11個6A坐埋一齊，好多獎要頒，聽住阿釗吐苦水，之後又講中化，有拍手o架。
以為會搞足三堂，點知快到最後o既History可以上，冇帶notes喎。唔緊要，Miss Leung影相冇到，o係7A玩，o尋日o個兩個螞蟻變o左乾屍。
同Geog人一齊o係課室溫書，有o的堅持上7A，刨Buss進度麻麻。最後五分鐘周sir入替李sir監堂，唔知咩事，自己冇乜做到o野。
考試前最後一次5 + 1堂，串我扮豬依老虎，冇呀，我真係豬o架！明顯佢想做listening，不過佢又係講得太多，冇哂時間。
唔知點解13:15都冇乜人返o黎，勁度冷場o既笑話，呆哂。
拎咁多o野上7A做乜？三堂中史做唔到o的乜o野，四大才子掛住嗲中化oral題，笑到反檯。派陳年DBQ + 測驗，差到o丫，話我o地冇o的女仔進步得咁好喎。最後幾分鐘要上六棲後座sitting rehersal，好似好難o係後門出入，我再tun後o的牛榮就會冇位。
放學中化考個人短講，未咁快上去住，俾肥曾隨手捉o左去執不明物體。尾二o個個，之前係咁八 & 估會遇到乜o野題目。「月亮，外國，故鄉」，事先知道會有呢題，係咁寫，點知原來都淨53秒未講，Miss Fung黑我面呀，不過好彩都有9分！評語o個欄又係寫o個o的老問題，有冇機會改善？
聽日就考試喇，依家好似科科都未準備好，會唔會轟轟烈烈咁慘死？

Re Pang:唔使曬命o既，懶醒，我都係考九日o者，趕得切睇八強。一於約出o黎踢波啦，我都好想再同你o地踢，期待中。冇行，蘇連遜、保方都著哂火，雖然冇睇，但係意大利o既4-2-3-1似乎未發揮到最大威力，因為冇派路 + 加度素？
Re Cafu:冇所謂o既，其實本身都夠人，而且你冇o黎我o地都守得算係穩。

>>June 15, 2004 at 3:26:02 PM GMT+8

2004 年 6 月 13 日 星期日 【清涼】

冇睇波，不過好遲先起身，地鐵好迫。
終於搞清楚Buss考試範圍，三日後生死次戰！初時都有睇Buss，不過後來就開始又講波，o尋晚太球迷奇遇記喇，o的話題多到o丫。陳江又問我今晚點睇，最初我講得意大利贏唔到丹麥o架，不過冇o左干查，最有威脅o既側擊冇o左一半，今晚丹麥對住意大利o既銅牆鐵壁會好難打。
History有totalitarianism essay派，有做哂，好低分，不過Miss Leung就話我開始摸到寫eassy門路，只係時間控制唔夠好，冇計啦，呢課我真係超唔熟，連我自己都唔知APOD係乜o野o既short form，考試有得唔揀就唔揀………我上次考試都好似話多數唔會答Unification題。最近學校o既蟻患開始嚴重，o係課室玩蟻，Miss Leung好似話白蟻好玩o的喎，捉o左兩隻蟻，月餅盒 + 字典囚禁住人1o地先，聽日慢慢玩。
黑白o既Miss Fung早就講o左做閱讀理解，有o的好快搞掂有o的超深超長，第六篇o既甲乙掉轉o左，我速度已經唔再係問題，反而準繩度就………似乎收油唔一定幫到我o岩多o的。
要o係美食軒打包趕返課室，可能係今屆歐洲國家盃最戲劇性o既賽事，法國對英格蘭。又話泰利可以復出，最後都係京治搭蘇金保，一開波兩隊o既毫無保留，法國主攻英格蘭死守。老實講場波唔算精彩，英格蘭刻意o係中後場屯重兵，亨利冇乜活動空間，係施丹o係中路、皮利斯o係右路不斷策動攻勢，不過都係埋門乏力。o個邊廂英格蘭o既反擊都唔見得有效，奧雲全場唔見影，李沙拉素唔助攻，杜林 + 施維斯達，以英格蘭o既疲弱攻力根本考唔起巴夫斯。英格蘭打開穩守突擊，主要入球板斧除o左快速突襲就係死球，碧咸右路罰球傳中，林柏特時間o岩o岩好，睇準位置跳頂，全灶頭兩三次進攻就打開紀錄，林柏特果然狀態大勇，死球戰術非常奏效。睇緊精華o個陣，Head Girl又入o左o黎，又勒令收檔………
今年最後一次PE，唔博盡等幾時？再次患上選擇性失聰，算啦，吳sir講o野冇人聽o架。Cafu又話會助陣，甩底，得T朗拿度一個外援。後防線有o的變動，阿沈代替陳從願鎮守中路，Judy移去右閘，果然收到少少效果。可能對面今日臨場狀態不穩，有威脅o既攻勢唔見得好多。吳sir幫人守龍門，第一次掂波就送大禮，彈地波，吳sir屙蛋直接漏波入網！多謝！其實我基本上係冇攻勢可言，幾次反擊都交到唔知去o左邊，只係對手o係中場斷纜都好多，肥峰做掃蕩(馬基利尼？)，阿釗又成日返o黎後場幫手(其實佢唔需要下下都退得咁後)，舒利亞無論左路定右路都俾唔到大威脅。始終對手入楔快，又走漏舒利亞，左腳射過我，好彩中柱，回身擒住又俾佢踢甩射空門，當然係犯規啦。有時真係冤枉o黎冤枉去，靠吳sir屙蛋先打破悶局，舒利亞壓過牛榮右路傳中，o係柱近移返入中間，唔使出，因為冇對手o係禁區，不過阿沈o係龍門諗左腳撞個波向龍門，移動中o既我突如其來舉高雙手都阻唔到，被扳平！失o左波即刻反擊，又係由我o係後場大腳放波，前面大把空位，唔知點樣好亂，最後濕九半空門射入，呢球唔符碌喇。繼續捱打，繼續穩守，繼續冇乜威脅o既埋門，俾人左路cut入禁區，又波打機，永遠只會彈走唔會彈向龍門，得閒。又俾舒利亞走甩o左，單刀殺入禁區，好彩反應快 + 夠運，擋出底線。「球季」最後一場以2比1勝利作結，場場都係咁上下o既對碰，其實都有o的悶，下季對手會有兩個主力離隊，不如玩o的新o野？
又係熱檸水，更衣室焗到o丫，俾人話行性感，唔想換衫，涼風扇，唔想返課室，雖然有冷氣。
Class Period人丁單簿到o丫，得11個o係課室，睇片，有聊，discussion係咁意做下，黑面o既Miss Fung之後又冇叫人匯報，無聲無息咁走埋。
半班走上去考中化oral，等Head Girl入過o黎之後先繼續法國對英格蘭。唔夠時間，飛上半場飛半場精華，其實下半場前段都係悶戰，法國攻英格蘭又好似兩年前對巴西咁死守。英格蘭o既防守其實係滴水不漏，完全唔俾機會亨利輕鬆起腳，查斯古特又俾人貼實，施丹面前又有血肉長城，法國o既進攻考唔起占士。再跳，由70分鐘睇起，朗尼o係國際大賽處子戰夠哂勤力，係咁搶，偷甩杜林個波快放殺入禁區，施維斯達冇辦法唔踢低佢，十二碼。碧咸操刀，巴夫斯好似早就捉到佢路，網仔都俾佢飛撲救出，好波！碧咸唔算射得差o架喇，已經擺網仔，只係唔知係咪俾巴夫斯留意到想射邊度，唔怪得哂佢。再跳，其實呢場波頭89分鐘唔睇都得，補時先係最精彩。希斯基o係危險地帶犯規，俾機會法國叫糊，果然施丹不負所託，加上占士企錯位，睇住個波入，補時扳平！英格蘭咁輸一球其實已經好唔抵，更精彩o既o係後頭，其實十二碼宴客o既碧咸唔算罪入(邊有十二碼入硬)，謝拉特唔知發乜神經，o係自己半場30碼放自殺式回傳，係回傳就向底線大力o的傳啦，俾亨利睇穿，截糊，單刀，過埋占士，占士冇辦法唔拉低佢，謝拉特搞到英格蘭完場前一刻輸十二碼！施丹射得超靚，占士捉錯埋路，英格蘭明明守足89分鐘，就o係補時階段將袋袋平安o既3分啞哂出o黎，冇得偷雞成功！其實英格蘭算係打得幾好，施丹都話英格蘭比想像中難對付，下場對瑞士應該打得開勝利之門，瑞士第一場贏唔到克羅地亞，呢場焗攻，開正英格蘭o個瓣，林柏特會唔會又後上殺手？朗尼有冇機會創造歷史？奧雲………唔睇好。
19:00擰去亞視睇RTHK節目，講青年人o既戀愛觀，原來有好多我都唔知，不過佢o地o個o的都唔係青年人戀愛觀o既全部o既。邵家榛又好似講得幾o岩，社會上有好多關於青年人o既調查，不過全部都係大人對我o地做o既，其實反映o既係咪事實o既全部？

>>June 14, 2004 at 3:28:05 PM GMT+8

2004 年 6 月 12 日 星期六 【晴】

o尋晚堅持睇歐洲國家盃揭幕戰，葡萄牙對希臘。滿地眼鏡碎，賽前被一致睇好o既東道主葡萄牙又重蹈兩年前世界盃o既覆轍，後防兩次犯錯最後1比2爆冷輸波。34歲o既古圖同32歲o既雷哥斯達早就以驚人o既速度退化，球隊o既計時炸彈，「當打、有態、有身材」o既迪高明顯有威力得多，或者古圖o既位置應該由華倫迪或者卡華奴代替。C朗拿度下半場入o黎o係左路有料到，o個球犯規唔怪得哂佢(佢撞人o地就入)，史高拉利之後兩場應該都會擺佢後備落場扭。費高算係唔錯o架喇，獨力難支，不過次次C朗拿度左邊發難佢就冇o係右邊follow，要改啦。葡萄牙仲有機會出線o既………如果及早變陣o既話，不過似乎史高拉利唔會改變正選陣容，話哂呢個講明係「『黃金一代』o既歐洲國家盃」，葡萄牙要犧牲o架喇。希臘o既穩守突擊非常奏效，滴水不漏o既防守配合快速反擊，把握力一流，餘下兩場守和西班牙同俄羅斯都出到線，佢大把o係手喇。
睇波睇到02:00，好晏先起到身，又將全日奉獻哂出o黎刨書，Buss & 中史。Buss有得睇o既課文已經睇哂，經濟史 + 宗教史o既notes都整理埋，睇哂唐代田制稅制，係咪睇埋明代會穩陣o的？
睇《鏗鏘集》，梁文道講o野好有point，將恐懼o既自由、表態式政治、持平、理性、共識呢o的常用o既term完全define得恰到好處，言之有物，不愧係哲學人。太多有力o既point喇，記都記唔哂！

Re Billy:咁又係，不過都應該要睇熟課文o的concept先易寫啦？

>>June 13, 2004 at 2:32:16 PM GMT+8

2004 年 6 月 11 日 星期五 【晴】

6.12大件事，歐洲國家盃今晚開鑼嘛，唔止o既，小妹、牛榮生日快樂！
星期三就考試，睇o黎死o既多，太冇心機喇，科科都冇乜點準備，自殺中。開始為Buss準備，但係發覺要睇o既課文講唔上好多，似乎考試會多o的發揮題，咁先至驚，應該唔可能純吹o架嘛。
表弟考完CE得閒到死，大把時間到edit哂16隊決賽週球隊o既大軍名單 + 號碼，用英格蘭大玩模擬歐洲國家盃。分組賽0比0守和法國，布歷治助攻史高斯o既世界波1比0贏瑞士，最後又0比0和埋克羅地亞，次名同法國攜手出線。八強對住西班牙，畢特食紅牌，不過又成功悶和，射十二碼4比3晉級。朗尼加時上半場入銀球，四強淘汰埋捷克，決賽再遇上法國。一開波夏格維斯就接應角球成功偷雞，之後又死守，亨利兩次近距離都射唔過羅賓遜，英格蘭越打越後，放棄進攻，結果執埋最後o個場，捧埋盃。
一球不失之下奪標，但係六場入得三球咁大把。其實我都唔想打得咁守勢，我識用英格蘭玩主攻o架，不過唔慣用冇比亞堤、阿倫史密夫o既前鋒線，唔識協調朗尼 + 奧雲，所以完全冇進攻板斧，靠反擊 + 死球；好彩後防冇o左李奧費迪南做到都滴水不漏，京治相當對辦，鑽石型中場保護到後防，加上少少運氣，最後以防守取勝。英格蘭o係決賽週都係咁就好喇～

2004年Eric好歌流行榜(第24週)：
1)世上只有(容祖兒)
2)繼續微笑(許冠傑 & Sam's Angels)
3)常言道(劉德華)
4)丟架(Twins)
5)大方(方力申)
6)六呎風雲(李克勤)
7)大雄(古巨基)
8)我在存在(黃貫中)
9)處處吻(楊千嬅)new
10)給朋友(張學友)

>>June 12, 2004 at 3:58:37 PM GMT+8

2004 年 6 月 10 日 星期四 【酷熱】

Miss Fung冇返，Miss Cheung上o黎點名，無視佢o既存在，自己有自己做o野。
Triple History快快手搞掂封恐嚇信，即刻o黎份DBQ要o係recess前趕好！老實講地圖 + 文字唔算太難，不過卡通就………以為只係印得唔好，原來個美國佬係透明o架？同埋佢係咪食緊煙？事後Miss Leung話我捉到鹿唔識脫角，睇到坐中間o既英國佬應該係話事人，而全場得佢係正經食o野。我又犯o左長篇大論o既毛病，將7分題當10分題咁吹，差唔多打鐘先埋尾。原來最後o個題要大包圍o架，我呢樣又漏o個樣又漏添！
o係冇乜點recess之下迎接Triple UE終極折磨，其實課室同簿架之間得八步距離o者，來回使幾耐？Practical Skills犯o左好嚴重o既錯誤，task 3炒得乾乾淨淨，其實單計point我唔差o架；派埋JUPAS Essay，錯埋o的grammatical mistake連我都覺得離哂譜。1小時45分簡直有成世人咁長，生活淡淡似是湖水，承認自己係俾人迫走，o的笑位多到o丫，膽大包天地o係佢背後飲水。我o係天主教伍X恩紀念中學打o既係係乜o野工？洗廁所？學校canteen係咪龜記？有冇龜苓膏？
5 + 1補時足足補o左11分鐘，三文治賣哂，閣下自理。衝去美食軒車仔麵Tony Parker速度飛返SA房，快唔一定係好事，即刻俾人徵召做跑腿！冇所謂啦，唔知小妹講緊邊間舖頭，求其搵間有腸粉賣o既(腸粉似灌湯餃？)，再維他搞掂埋燒賣，冇所謂啦？我唔要做乖乖，我唔乖o架嘛！小妹聽日生日，提前拆禮物，no comment份份都呆o左，太空人、沖涼房。打鐘前5 + 1又入o左o黎，終於出o左UE oral group discussion時間表喇，佢叫我有o的gentlemen風度？冇得一日考哂三個oral添，同組o既有阿釗、大恩姐同鄧淑欣，好惡搞喎！
中化唔使上，同陳江做………Practical Skills + 中化小組討論？算o架，又要extract data又要整理又要達成共識，難o架！發覺我o地咁o既approach根本好難有乜成果，不過算啦，首次名太難估喇，冇分頭！
諗住唔咁快上7A，反正都係溫書，Candy落o黎話Lim Sir叫上樓，冇計啦，俾佢窒多兩o野。我有做o野o架，兩堂加埋o既進度係………半個唐朝。隔離o個group不斷咁tip題目，Lim Sir係咪露o左端倪？
Geog人走哂去測驗，放學諗住做comprehension，太分心喇，以前o係學校做得好過o係屋企，依家相反。明明冇料到，外行人扮內行人講o野添，輔助o者，應該冇錯o既。原來陳江等青仔，好耐冇見過佢喇！佢o既遲到理由傳統得o黎相當新穎，搭一個站喳喎。都係放棄啦，16:50同青仔一齊走，去自力搵past paper，之後力生o個檔閂o左門。其實青仔唔講我都略知一二，不過o個o的人反應係咪大o左o的？呢位仁兄唔係大紅人o黎o既咩？見怪不怪啦！
夜晚睇電視，媽媽放心都得，呢個應該冇可能！

>>June 11, 2004 at 4:20:29 PM GMT+8

2004 年 6 月 9 日 星期三 【酷熱】

懵到o丫，去到工廠大廈先發覺冇帶中史notes，十萬火急衝返屋企拎，遇到最經典o既地鐵乘客。
好彩得一堂UE喳，長極有限o既5 + 1長篇大論，聽日派JUPAS Essay喇，會唔會俾佢窒？
好彩o尋日Miss Leung唔係認真，得個講字，分組睇恐嚇信，一係就我搵你著數，一係就你俾人打，我o地係兄弟嘛。寶靈街早就聽過啦，遲o的會帶我o地去甚麼政府資料檔案室，好似好吸引，如果我好彩讀到GPA都應該可以再拜會拜會，睇巴士相？我o係80M買o左好多啦，最型丹拿A係第二最愛。
Triple Buss完全空閒，先係睇住報紙大講波經，唔要拿臣要伊巴謙莫域，仲買古華特？陳江堅持扒冷tip小組首次名，老實講根本冇乜分頭，唔通拉脫維亞、希臘、瑞士咩？倒不如逐場波膽，德荷大戰可能大手交易，B組至少會有兩場交白卷。之後李sir突然好似無名火起，唔肯定，即時收聲，各有各做o野，煲中史，原來冇事，李sir都好似知道我o既志願。
成個lunch幾乎奉獻o左俾中史，不過又睇notes又傾閒計，好冇效率。
仲有教書先，Tony Parker速度講哂成個鴉片戰爭，快到唔知去o左邊，o的內容好中國式極端民族主義。Lim Sir俾唔夠40分鐘我o地測，漢武帝好似容易o的，第一題更加冇乜限制，諗乜寫乜。壞習慣又o黎喇，前段o既軍事、政治寫得太多，o岩o岩好兩版，之後o既文化學術同經濟都好rush咁寫，Lim Sir走埋，再夠哂鐘都未寫完。狂俾人騷擾，一開總括而言，暫時擱置，返課室繼續埋尾，Miss Fung等緊我o地，潦多兩筆終於嘔完喇。
中化正式收尾，藝術唔係成日出？？？？更難o既考試題目，更多背書，等死，唯有寄望多o的自由發揮題。
Lim Sir係咪唔記得聽日要測隋唐？我真係唔溫o架！考試將近，o的人走得好快，我都返歸喇。
補習，同tutor傾閒計(in English)，原來大家o既school mgt都惹人詬病，無論官校定教會學校都一樣。間間學校都越高form越有特權，其實校規有時係咪唔使執行得咁緊？唔好以為日本人對性越o黎越唔熱衷係佢o地自己o既家事，唔關其他地方事(係周展程大件事o者)，原來真係會影響東南亞經濟o架！
夜晚同某人傾極短o既電話，原來我真係乜都唔知，不過唔知又做得o的乜？

>>June 10, 2004 at 3:16:59 PM GMT+8

2004 年 6 月 8 日 星期二 【酷熱】

睡夢中驚醒，左腳小腿腳筋突然抽得好厲害，痛到死咁滯，起身返學都要屹下屹下。
PA人落哂校長室長彈劾，肥峰過o左差唔多成堂先o黎上中史，向Lim Sir大派定心丸，佢竟然學老懵太口吻。呢份清代高壓懷柔notes未必帶得入大陸，踩共產黨踩到不留餘力，o的觀點絕對認同，佢解答o左我學期初對中化o既大疑問：o係共產黨統治之下，中國已經再冇傳統文化。聽日後日都要測中史？唔係o掛？
5 + 1又又唔知邊度o黎o既火，大談「讀書為甚麼」o既道理，乘機第N次吐相同o既苦水。之後呢個又暗串o個個又暗串，先係李鵬(佢唔係串鄧小平)，跟住係Head Boy，毫不俾面咁插，o的prefect笑哂。涼冷氣？定係鼻敏感？開始不停咁打乞嚏，真係無間斷咁打打打，多謝眾人心理(問候)同生理(紙巾)上o既關心。
上次中化listening講六四，今次輪到五四。簡直………完全係董建華o既演講模式，老實講我係專登咳o架，既然係佢o既口吻又點會聽得明？靠中史料搭夠，真係好難囉，好似跳o黎跳去，又好似冇講過，試問點會越戰越勇？四級半難度僅僅過半，證明做中化listening就算你事前對個topic略有認識都冇用。
諗住又o係課室邊lunch邊播帶，英格蘭對冰島，當然又搞到人o地搬地盤啦。食食下，搞錄影機，唔小心o的飲整跌o左落地！冇得食添！冇辦法啦，鬼叫自己論盡咩，速速又o黎個杯麵頂住。所以話唔明點解艾歷臣唔帶埋厄遜去葡萄牙，連泰利都傷埋，用加歷查打中堅，佢o係利物浦不嬲都打兩閘o架喎。其實對冰島o既最後熱身冇乜參考價值，因為對手實在太弱，英格蘭咁疲弱o既攻力都守唔到，英格蘭壓o係前場攻，踢得好爽，史高斯o係國家隊可以改做二傳，兩次橫傳俾林柏特、朗尼射入世界波；加利仔右路好生，造就朗尼梅開二度。英格蘭守角球好大意，將o係英超唔玩人盯人o既陋習帶埋去國際賽，斬去遠柱回傳中路即刻錯漏百出。陳江錯過哂上半場o個四球，回味馬半場精華之際，余雪瑩殺o左入o黎，之前幾次佢當睇唔到o架，今次嗌熄電視！
先係繼續o尋日o既條約，我似乎偏離o左少少，用中國做比較。之後分組傾另一條，仍然不停咁打乞嚏，打得唔o岩時間，俾Miss Leung歧；個個都好似唔太活躍，Miss Leung提醒我o地應該要試下講多o的。Diary唔係講波經就係講政經？唔係o掛？其實平時o既生活都係行行企企食飯幾味冇乜好講，倒不如講多o的身邊o既人同事，分享下自己o的觀點感受。Miss Leung講笑喳嘛？唔好搵我o黎玩啦！
Buss基本上自由時間，開始睇中史，攻西漢，可惜冇心機，轉睇明報歐洲國家盃專輯，o的資料錯到離哂大譜。
收o野又遇到障礙，o的key又收唔齊，邊個膽大包天唔交？3A又冇人，搵馮sir搵唔到，最後唔知點樣得到阿釗獲准唔使上去。既然冇Head Girl，課室繼續英格蘭對冰島o既下半場，英格蘭一換就換走九件正選，最後11個換哂。華素爾係一直都俾人低估o既射手，佢分分鐘可能比奧雲更有威脅，對法國o個場一於中途換佢入o黎玩李沙拉素啦………俾佢mark人會唔會又拉又掃。相反祖高爾o既表演慾太強，太獨食，又要單對單射斜，艾歷臣點放心派佢落場？都係危急關頭先兵行險著用佢同戴亞博一博，正規戰術用唔著佢o地。迪科爾唔係落選o架咩？有得後備入替o既？
邊睇波邊同陳江tip神射手，咁o既買法似乎保險o的，不過成本好高。照錄歐洲國家盃分組賽？錄o左都冇時間睇啦，我寧願考完試先錄八強四強返學校睇，應該精彩得多！

Re Pang:會唔會又好似三年前對費城咁失o左第一場之後連贏四場？面對住底特律似乎湖人都冇必勝把握，對手防守太強喇，綠葉球員又時好時壞，Payton早已經夕陽西下，都係打最傳統o既三角戰術強攻內線啦。

P.S.或者洪天明真係傻傻地，不過為夢想奮鬥，的確比任何事更有推動力。

>>June 9, 2004 at 3:27:10 PM GMT+8

2004 年 6 月 7 日 星期一 【晴】

呢幾日都好遲先起身，有個夢發下都話好o丫，乜都冇。
開始Treaty of Kanagawa，冇精神聽，捱得勁辛苦，都係聽日先慢慢理解。
UE listening長到嘔白泡，又集中唔到聽，亂哂，兩堂都未聽得完，成個recess冇o左。派key對答案，不過去到42題就冇o左，點登分？全人類都唔登住，寫紙仔俾5 + 1知，睇佢聽日有乜o野講。
空堂完全俾中化佔據，睇past paper，估下出邊題，又開始記marking scheme，睇唔到。
中史又係好多o野抄，小評，唔係鄧小平，揀o黎教，教o個o的我唔係好想讀，冇教o個o的我反而好想讀。
Lunch仍然俾中化佔據，記書o個o的理論？完全唔覺得呢o的concept答題目用得著，都係吹水為主，求求其其決定放棄。o尋日o係美孚地利店換o個本歐洲國家盃特刊一拎出o黎就俾人「借」走，尼維特，粗獷型男。
Buss人o地自修，我同Billy繼續惡補PA，今日balance sheet + 幾個ratio開始要背o野，下年o的ratio會仲多，依家連最基本o既都搞唔掂就大檸樂。總算應付得o黎，呢個暑假就要完全掌握好哂，話難唔難話易唔易。
測中史喇，某人話呢題最冇機會出，就出呢題！其實冇所謂，反正都係一樣，係咁潦，寫字速度都算OK快，只係言之無物，自己都唔知寫o左o的乜。唔收，派marking scheme交換對，即係唔使對。o的past paper一本本重次出現，咦，97 & 01去o左邊？反轉課室都搵唔到，登失物啟事冇人應。返到屋企，所有o既謎全部都解開哂！

Re Pang:下年financial mgt要識睇balance sheet嘛，所以未放暑假就要開始準備，如果下年就會聽唔明。

>>June 8, 2004 at 3:46:11 PM GMT+8