2004 年 5 月 27 日 星期四 【乍寒還暖】

o個個只係用o左唔到四次o既露營背囊已經好耐冇拎出o黎，反轉成個櫃都搵唔到，原來係唔記得o左其實擺o左o係一個超級隱蔽o既地方，我自己都唔知o個度原來有位擺o野。o尋日熱得好厲害，捱到五月尾，今年第一次夜晚開冷氣，的確好舒服，差o的又唔知醒，好彩好彩。
繼續中化繼續發夢，唔知點解我硬係覺得西洋畫係靚o的囉。
又有新notes，新組合傾o野，甚麼national study好多字唔識，都係Step親自出馬啦。
上親Buss都好嘈，今日李sir終於忍唔住喇，大恩姐present完即刻捉人出o黎鬧，話我o地已經係F.6，應該要自制，連我都拖埋落水，全場冇人再敢出聲，中史notes都唔敢睇住。
5 + 1有呼風喚雨o既能力？今朝仲係風和日麗，天氣報告都話今日大致天晴，一到12:00就開始落下，越落越大，不過理論上對我冇影響，因為我早就諗邊食杯麵邊刨中史，5 + 1竟然又補時8分鐘。
遲o左8分鐘落樓，cover已經迫爆人，條隊長到o丫，諗住慢慢等，邊睇邊等，等到人o地o係出面食完返o黎都未有得食，維他話一早準備o左100個杯麵都要再開箱，食唔到XO醬海鮮味。
幾個上o左7A刨，上埋去，不過同挺講是非，俾人o殊添。先上一堂，Tony Parker速度完o左五化十國 + 少少宋，呢期玩光速。第一次測治亂史，淨係測秦代，本來Lim Sir出o左一條喳，好彩出多條，我完全冇溫統一因素。秦亡的確唔算難寫，而且呢個同History Essay差唔多，難得中史得有得吹水，個approach好似唔錯，重返考試水準，法定時間三版六行收工，太強喇。
子建又返o黎，放o左學又o係課室大玩特玩，玩埋電腦，A3紙大過A4紙，我幾時變o左乖乖？o係荃灣入沙田使幾耐？雖則有冇位係另一回事。幫手做跑腿，買KFC，自己又肚餓，又唔識理財喇。Down我 勁皺，俾人歧，唔好鎖機呀！落cover食，杯汽水唔好飲o架，飲奶茶啦，原來已經好耐冇食葡撻，食過蛋撻喳……………幾年冇上青仔屋企，所以冇燕窩撻食。Candy成村人搞board，我冇落手，同余寶講人是非，呢兩條友都係廢柴，但係outcome截然不同，一個自己知自己事一個冇料扮有料。聰返o黎呀，陪佢坐，去新翼打個round，老實講我都冇認真睇過成棟新翼。o係學校hea到18:00先走，繼續聽某人爆料，一單略有所聞，一單完全諗都冇諗過，得啖笑。

>>May 28, 2004 at 3:34:23 PM GMT+8

2004 年 5 月 26 日 星期三 【酷熱】

o尋晚咁早off-line係因為要半夜起身睇波，摩納哥對波圖o既歐聯決賽。諗住場波一定勢均力敵，點知古利打o左20分鐘就抬o左出場，摩納哥o既組織即刻死哂，冇人餵波俾摩連迪斯，結果俾波圖lead住o黎打，縮後少少等摩納哥攻埋o黎，搵機會打反擊，咁就o係驚波o既羅馬手上o趙三粒(留意阿倫尼切夫o個球)。摩納哥應該逃唔過星散o既命運，「只此一次，下不為例」o既波圖至少會冇o左摩連奴，我就係唔信呢兩隊下季再打得入決賽。
校o左鬧鐘先有得準時起身，不過唔太準時出門口。以為前晚用o左成粒鐘寫o既talkback唔會唔登，世事冇絕對，如意算盤未必打得響添。
超級嚴重睡眠不足，Triple Buss毫無精神可言，下次終於唔使再一個present喇。
History繼續睇presentation，狀態未返哂o黎，都係算啦。對DBQ，呆o左，竟然唔記得two-sided呢個永恆法則，都係留番俾Miss Leung睇我o既表現過唔過到關。
中化分組discuss紀要，頭大身細兼爛尾，400字乜都包真係好核突囉。教哂咁多類實用文喇，F.7要做o既只係密集式操練，會唔會練到好似A米咁？
晏晝要英文drama，之前話lunch要排，不過搞呢樣搞o個樣都未練，早知唔使麻煩小妹買車仔麵。差唔多完lunch先有時間講兩句，brief極短時間就掂，打天才波。打o左鐘仲o係cover玩，循例上樓點o左名，搞兩搞返落去換衫。唔使大大聲話俾街外人知自己除緊褲o既，想俾人睇咪行出去囉。新界校際debate，咁o既題目廢到o丫，根本唔使辯，係o的人堅持有呢點喳嘛！
第三個社出場，o係cover左hea右hea，江天俊好有住家男人feel，同李天商量好唔好搬玩o野唱歌搞guest，都係算啦。同中文drama一樣，唔明講乜，而且後台係拉雜成軍，排得唔多(甚至算係零)，同演員冇默契，light fade out見佢o地仲o係台，唔知已經要出去，兩次轉景都係咁，渾渾噩噩套劇完o左o架喇？
玩槍，玩曬太陽，入hall等賽果。嘩，Step個假髮好激喎，我點解會諗到佢之前係紮辮？宣佈賽果，企Bamboo隔離，睇住佢o地做大贏家，video同live show都第一，全場總冠軍當然走唔甩，恭喜哂喜極而泣o既阿魚！
子建返o左o黎，o係課室玩，混戰，影唔到相添。想hea耐o的玩耐o的，不過要補習，16:35要走。早知再遲o的先啦，一出學校門口見到前面有5 + 1，諗住收油唔好撞到佢，後面有肥歐………

Re Tra:我覺得「羅白蔡」有意思過「林白蔡」喎～

>>May 27, 2004 at 3:20:09 PM GMT+8

2004 年 5 月 25 日 星期二 【晴】

約o左公公、細姨去黃埔食飯，蔡瀾食坊o既「鼎泰豐」食上海菜。表弟考完哂喇，佢話佢Econ大炒，History又係o個條骷髏骨kick住，如意算盤可能打唔響喎。
四大聯賽全部打完，得今晚歐聯決賽未打，今季o既球壇有好多難忘o既鏡頭，講o黎講去其實都係足球o既不二定律：錢唔係萬能。皇馬貫徹「每年一星」o既政策，結果一敗塗地；車仔狂燒銀紙，重要關頭最靠得住o既都係一批舊將；阿仙奴冇錢買人，英超全季不敗；華倫、波圖、摩納哥都唔係響噹噹，不過強隊對住佢o地都要吃盡苦頭。
2003-2004球壇之最
最有價值球員：亨利
已經唔使多講，睇阿仙奴o既成績同亨利o既入球數字已經可以解釋一切。
最佳進步球員：林柏特
壓倒華朗o係中場線人才過剩o既車仔長期正選，上上落落攻又見佢守又見佢，標準鐵人，次次入波都救車仔一命。
最佳新人：加卡
佢似唔似第一季o係意甲踢波o既球員先？700萬歐元o係聖保羅轉投A米，火速融入球隊，盡顯未來球王風範，連李華度都俾佢迫走，最佳新人捨佢其誰？
最屈機球員：阿祖安奴、艾列頓
現實版小志強，私家左棍猛虎射球收死意甲龍門，季初o係帕爾馬已經威力無窮，重返國米又係入球機器，下季唔使韋利喇。艾列頓肥但係快，德甲根本冇後衛截得住佢，佢係衰反骨o者。
最大起大落球員：彭迪安尼
頭八場西甲場場有波入，之後差唔多十場入球荒，歐聯重開腳風即順，抵卓斯坦要屈o係後備席。
最無辜球員：布朗
復出撞正李奧費迪南停賽同沙夏加盟，一落場就面對巨大壓力，冇狀態費sir仲繼續用佢，結果錯漏百出，o係曼聯網遭到維園阿伯式辱罵。
最大救星：戴維斯
季初俾納比擺落雪櫃，季中借去水深火熱o既巴塞，即時加強球隊o既攔截力，17場西甲不敗，佢功不可抹，祖記走寶喇。
最物非所價球員：華朗 + 基斯普 + 梅度
加埋洗o左車仔5000萬鎊，完全交唔出功課，得梅度季初有o的睇頭，華朗直頭連鬥心都冇埋，基斯普又成日受傷，雲尼亞里可以依賴o既得古莊臣 + 哈索賓基。
退步最大球員：簡尼
世界金球獎得主，一度係世界最佳龍門，一單婚外情醜聞搞到佢水準大跌，屙蛋甩手企錯位乜都有，千年道行一朝喪，都算係咎由自取咯。
最失望球員：魯爾
上季踢輔鋒o既效果唔錯，不過今季表現大跌watt，空門都可以唔入，搞到肥哨入球負擔大增，關唔關離婚事？
最被出賣球員：巴夫斯
明明係上季曼聯重奪英超冠軍o既功臣，今季毫無道理之下俾費sir以侯活放棄，連後備都冇得做。好彩季中返到馬賽即刻上身，狠狠打o左費sir一大把，未來佢仍然會係法國首席門神。
最大鬧劇：艾列頓入籍卡塔爾
為o左錢而代表毫無關係o既卡塔爾，好彩FIFA出面干預，如果唔係有錢國家玩哂。
最冇品：皇馬球迷
球隊打得唔好，fans應該繼續支持佢o地撐到尾，下場打好o的，皇馬fans例牌只會噓，魯賓犯錯噓到佢喊，冇態俾馬略卡玩照噓，球員冇鬥志或多或少都關fans事(有幾何奧脫福會有人噓紅魔？)。
最冇眼光領隊：卜比笠臣
季中借走路亞路亞，賣走蘇蘭奴，結果佢o地兩個倒戈對紐卡素都搞到母會狼狽不堪，好彩紐卡素最後搭到足協盃尾班車，如果唔係卜比笠臣邊度都唔使去。
最犯眾憎人物：白禮達
冇o個樣搞o個樣，英格蘭足總審李奧o係度指手劃腳，唔俾喀麥隆著一件頭，但係又叫女子球員著緊身衫，之後輪到研究令比賽唔好打和結束，正式阿茂整餅。
最有頭威冇尾陣球隊：皇家馬德里
季初單靠6條A仲可以高踞西甲榜首，不過放走摩連迪斯、馬基利尼都放得走，結果冇後防、冇後備，季尾o的巨星殘哂都冇人夠實力頂替，歐聯俾自己友淘汰，西甲最後七場輸六場，連三甲都保唔住，四大皆空。
最悲哀球隊：賓菲加
一季內有兩個球員突然死亡，先係費希爾打打下o係球場暴斃，季尾青年軍隊長食完飯o係餐廳門口趴低死埋，仲慘過喀麥隆。
最慘球隊：列斯聯、切爾達
一隊以前洗腳唔抹腳搞到依家球員冇糧出，冇哂戰意，整定重蹈費倫天拿覆徹；另一隊又歐聯又西甲，兩頭唔到岸，連級都護唔到，又有球壇大特賣。

Re Tra:係咩？不過「史廖羅白蔡」順口o的喎～

>>May 26, 2004 at 2:55:37 PM GMT+8

2004 年 5 月 24 日 星期一 【綿綿細雨】

明明好早搵周公，不過好耐都未搵到佢，唔緊要，冇遲。兩個英華仔好差勁囉，車廂多人，都要兩個人企住三個人位，特登o係中間隔空個位出o黎，人o地邊有位企？唔怪得咁迫。
GPA高級導師蔡子強寫o左本叫《新君王論》o既書，評論唔同o既政治家(佢對孫中山o既評價唔係完全正面)，《都市日報》節錄o左部分內容之餘，仲送埋免費換領o既印花，不過竟然o係……………10:00銅鑼灣天后換，點去喎？我好想好想好想要呀！今晚寫talkback要即中，改策略問5 + 1要書券買書，再o係六四deadline前寫多一次letter一次talkback，繼續count落去，之後改番百佳！
唔知要Morning Assembly添，考試announcement，點解今年兩次考試都咁密？因為"Under this school management, I can do nothing"論調，我其實冇所謂，反正疏好密好都係死。
Triple History玩分組presentation，魚、Judy、Step、我同組，個個睇o野都快過我，佢o地諗point，我講。唔好用現代經濟學角度睇300年前o既日本，路可以係行人路，日本清明上河圖。
UE特別難捱，測vocab出超技術，僥倖過關。又嘈喇，話自己"talk too much about sex"，長篇大論，度日如年。
李綺蘭話Miss Yu早幾日lunch入過課室，所以都係避避先，落cover食。挺re-take完CE History返o黎，今年又有不明所以o既DBQ，咁o既cartoon都有，essay唔難，AL模式超淺。子建終於考哂喇，又返埋o黎，恭喜哂啦，你考完到我o地就快考喇。上星期係Billy，今日係君，Happy Birthday先，真係tiramitsu喎，咖啡味唔錯，不過又係o的味唔係我o地食得出。o個條友真係唔知死字點寫，呢o的o野點到即止好啦，一係請你食雞翼喇？
Miss Fung入hall，中史唔使上，繼續研究History題目，懶理改實用文。
Lim Sir又o黎喇，「陳李張黃何，史廖羅白蔡」，非常順口。我都有笑話，唐朝滅亡係因為朱溫………唔係鼠疫。唔經唔覺隋唐都完埋，治亂史差唔多又完喇，又要做DBQ？UE要做practical skills + system，中史又要做DBQ，呢個weekend忙死！
放學o係課室同子建玩，有大把餘興，免費250紙包，陳江被迫劈雪碧。研究聽晚摩納哥對波圖o既歐聯決賽點買，唔玩主客和唔玩大細單雙唔玩波膽，全攻半全場 + 首球，要食尾糊呀。

P.S.乜o野係WUC？皇馬o既買賣完全係佩雷斯、華丹奴話哂事，教練基本上冇o野做，老細俾唔到足夠材料個廚師，廚師煮唔出乜o野好菜式(至少好睇唔好食)，結果廚師食豉椒炒魷，無辜。冇後防、冇後備，一睇就知冇可能行得通o既巨星 + 年青球員政策，基羅斯再巴閉都打唔出乜o野成績。《明報》今日講呢單料，數基羅斯o既罪狀：堅持用魯爾、夾硬擺碧咸打防中，冇o野講囉，根本冇選擇。基羅斯返曼聯做副領隊啦，繼續教球員用波同組織，唔使再下下只係o係後場大腳吊上前面衝。如果曼聯o既增兵計劃好似我所講o既一樣，未來一兩季曼聯應該可以重回正軌。

>>May 25, 2004 at 4:06:50 PM GMT+8

2004 年 5 月 23 日 星期日 【晴】

正老襯，以前買親波都輸到渣都冇，o尋晚西甲煞科唔想再掟錢落鹹水海，齋tip唔買，我tip皇馬同華倫都輸，二串三有$300落袋，以前買乜都輸，呢晚竟然俾我中o左………………
呢個唔係好方法？
原來星期六登o左我o既talkback，唔知添，以為星期三寫o既星期五唔登就冇，好彩搵到copy，第四次喇。5 + 1定埋「六四」係talkback最後限期，呢日之前登o左三次就可以繼續寫。我o係呢日之前寫多次問題應該唔大，好唔好博重新o黎過三次？Step好沙膽喎，o係5 + 1面前攤開報紙，引發佢又次長篇大論 + 自誇！有份關於言論自由o既article，要好好睇下先。
History睇新notes，o尋日睇o左大半，加o的補充明o左好多，其實知道background就應該得啦。Genroku Era香港都有，1995年開始持續到依家，似乎未有衰退o既跡象。
Buss又得頭兩堂真正有上，，睇三個presentation，俾李sir串，我唔覺我o的題目淺過其他喎，其他o個o的好似易做得多！將會o係暑假舉行，由香港中學生聯盟同香港人權監察合辦o既o既「2004香港青年圓桌會議」o既宣傳單張終於送到學校喇，要向Kit佢o地講1000萬個sorry先，因為屋企唔俾，我從來冇去開會，感覺到你o地東撲西撲好辛苦，連F.5都要出動到三月，我就反而乜都冇幫手！諗住呢個活動唔慌有人留意，點知大恩姐、Vincent就極有興趣咁問我呢樣問我o個樣，係冇expect過o架，只可惜我唔太知最準確o既情報。其他學校收到宣傳單張未？任何人有任何問題，我可以代你o地轉達俾有關人士，歡迎參加呀，唔使理60人上限o架。又有例牌波經時間，批死肥哨咁o既身型一過30歲就會急速走下坡，葡萄牙有攻冇守，費高、迪高、雷哥斯達爭控波都爭死，「保你大」等執雞，曼聯錯過o左馬田拿臣呢塊寶，下季維拉中路好強。
諗住o係美食軒買返課室食，撞見李天、豬紅佢o地，一齊食。o係七仔買夠$20有歐洲國家盃球隊咭咭送，李天抽到希臘，我屋企原來有法國，仲要係三張………………佢一定羨慕死。
中史速度快到o丫，我堅持唐代宦禍notes裡面o既「缺憾」應該係「缺陷」，後者指生理嘛！勁講「變佢做自己友」，我唔覺得明代宦禍o既破壞冇唐代咁厲害喎，明代好似恐怖得多囉。
正式收到考試時間表，一個星期多o的要考哂oral以外所有科，咁仲好，快o的考完快o的有得玩。Miss Fung此言差矣，我o地o的中化功課有表達情感o架，表達唔願意做功課o既情感嘛，所以勉強算係書法o架！
大條道理唔enhancement，中化小組討論，得我、龜、Vincent三個，「香港應與內地看齊推行簡化字」，我同龜都唔贊成，圍毆Vincent一個，結果俾Vincent大把講o野機會。有o的差勁添，事後先記得界題界得好o的我就大把位入，連施政質素都可以suggest埋。返課室enhancement完埋，做電燈膽，之後俾人叫入hall英文drama幫手，冇得做自己o野添。同豬紅、李天o係後台玩，扮William Hung扮阿叻扮獎門人，改歌詞，人手不足，阻住人o地二人世界添。隻公仔幾似某某頭形喎，cute喎，邊個邊個覺唔覺？

P.S.基羅斯做o左皇馬球季徹底失敗o既o既代罪羔羊，一於返曼聯啦！

>>May 24, 2004 at 3:17:45 PM GMT+8

2004 年 5 月 22 日 星期六 【晴】

曼聯今季好彩未至於四大皆空，3比0大炒完全唔夠班o既米禾爾，總算執隻足總盃返屋企，不過相信唔會有曼聯球迷認為曼聯今季稱得上合格。
其實曼聯季初o既表現一o的都唔差，2003年完結前仍然高踞英超榜首，打入歐聯十六強，侯活、卡巴遜、C朗拿度呢o的新面孔尚算對辦。不過一踏入2004年，形勢逆轉，先o係歐聯俾波圖踢出局，聯賽俾阿仙奴、車路士過頭，亞軍都保唔住，好彩足總盃四強贏到阿仙奴，保住個盃仔。
賣走碧咸、華朗，中場冇o左兩個派牌能力強o既keyman，無論傑斯定係史高斯都未可以為球隊鋪橋搭路，好辛苦先入到一兩球。好彩球隊o係4-2-3-1陣式之下防守力極強，李奧費迪南率領o既防線仲可以守得住對手o既攻勢，而且球員經驗豐富，攻力不足問題未完全暴露出o黎。
季中兩大原因將曼聯駛離成功o既道路：大哥李奧費迪南停賽，由傷癒後狀態不足o既布朗頂替，後防突然變得群龍無首，錯漏百出，連帶施維斯達同奧沙都受影響而不穩。巴夫斯無理被棄用兼放逐，侯活上半季都叫對辦，但係輸經驗同心理質素，李奧一唔o係度，後防多個稍有經驗o既都冇(加利仔一個咁大把)，曼聯因為咁o係聯賽至少失o左10分。本來一對中堅前面又有一對防守中場做截擊，幫輕後防o既負擔，問題應該唔會大得咁厲害(好似上季馬基利尼o係皇馬咁)，可惜沙夏季中o係富咸高價加盟，曼聯被迫改踢4-4-2陣式，將史高斯移落中場中路，犧牲o左個防守中場，結果中堅o係唔夠掩護之下不斷正面受壓，漏洞完完全全暴露出o黎，失波數字一下子急升。而前線加o左個沙夏，雲尼斯達萊唔再以單箭頭姿態出現，明顯唔習慣身邊有個作用同自己相似o既拍檔，沙夏本身亦唔係雙箭頭出身，結果各有各打，位置重疊，打亂哂成隊o既運作。C朗拿度著得件7號衫，全世界都寄予厚望，可惜佢花巧有餘，成日死扭爛扭扭到甩腳，合作性麻麻，不過季尾幾場佢好似慢慢證明到費sir季初唔係高價買次貨；費查大路o的，不過技術尚待磨練，似乎派路o個類型o既中場位置適合佢多o的。
曼聯呢個暑假有4000萬鎊資金擴軍，話多唔多話少唔少，曼聯o既陣容o係幾方面有需要作出調整。曼聯o既中場線創造力不足，史高斯o既最佳位置始終都係後上前鋒，傑斯識突破(仲有少少啦)唔識派牌，可以用1200萬鎊收購雲達華治，期望佢同雲尼呢對荷蘭組合擦得出火花；如果爭輸俾巴塞就唯有貴o的1600-1800萬打迪高主意，可惜波圖今季咁搶眼未必會放人；再唔係就古利，不過阿仙奴機會大o的。之前傳過曼聯會以3000萬 + 科蘭o係馬體會撬費蘭度托里斯應該得個吹字，因為阿倫史密夫幾乎肯定會以800萬鎊加盟(都係壓唔到價)，o係4-2-3-1陣式之下唔需要太多踢最前o既箭頭，滿心期待費sir點樣治得掂阿倫史密夫呢隻辣椒仔。李奧費迪南停賽係曼聯季中之後水準大跌o既主因，增加一個有級數o既後衛補充兵源係組軍o既重要一環，貼得錢送巴夫斯去馬賽(500萬掟煲費)，嘗試800萬買雲貝頓唔係冇可能，再唔係就麥薩斯，700萬左右，不過傳聞曼聯已經落實以600萬收購巴黎聖日耳門o既阿根廷左閘軒斯(仲要左閘？)。堅尼已經走下坡，唔一定要下季即刻有，不過依家係時候物色接班人。曼聯之所以唔夠創造力，擺兩個純攔截型中場係原因之一，所以keyman以外o既新中場最好係全能上上落落型，林柏特好可能唔同車路士續約，沙比艾朗素亦講明唔會留o係o係皇蘇，一於同國米、皇馬拗手瓜，集中火力1800-2000萬o趙其中一個(艾朗素應該唔使咁貴)；索察o既法國國腳柏迪堤應該平o的，500萬成交。
踢法上亦需要改進，單箭頭係曼聯未來o既主要戰術，沙夏要改少少自己o既位置，轉營做既可以輔鋒亦可以正前鋒，俾雲尼固定打最前o個個。傑斯年紀慢慢大，不過仲有控球能力，唔使佢周圍跑，擺佢o係前場偏側(佢打到右o架)俾波、等回傳，其他球員勤o的走動配合佢。
曼聯有冇棄將？季初仲對科曲有少少期望，依家冇哂喇，佢連鬥心都冇埋，200萬都照踢佢走啦。蘇斯克查靠經驗仲有o係曼聯立足o既餘地，好多曼聯迷愛死佢o架，留佢o係度一定有賺。畢特基本上可賣可唔賣，不過話哂佢o係曼聯出道，呢o的球隊忠臣有得用就繼續用住啦，唔太想佢著伯明翰波衫。貝利安有希望o架，不過下季曼聯o既前線會繼續增兵，借佢出去吸收下經驗好過長打後備。
處於新舊交接期o既曼聯的確好難執，且看費sir仲有幾多本事。

>>May 23, 2004 at 3:05:17 PM GMT+8

2004 年 5 月 21 日 星期五 【晴】

唔經唔覺原來又返o左o黎呢日，呢一年o黎，究竟我achieve到o的乜？抑或其實我可以achieve得o的乜？我係咪已經到o左我可以到o既極限？
新城唱好原創音樂會，我 + Su + 好耐冇見o既Zoe + 小邪 & 佢一班同學，因為有特別渠道o既$10飛，o係會展搞，19:15灣仔MTR等，20:00開場係指呢個鐘頭數可以入會場，氣球棒唔難吹，做o左吹氣工人。
甚麼Cotton USA贊助，今晚o既出場歌手陣容鼎盛，按出場次序有Gigi + Edison(三個都係為佢而o黎) + 千嬅 + 周啟生(客串兩首) + 李國能(o係新城好紅o既DJ) + 2R + 關心妍 + Edmond(佢fans club俾飛我o地) + Hocc(所以佢o係愉景咁早走) + 許志安，大概每人唱三首。
Gigi件衫幾OK喎，又玩唱作賣點，佢唱Sammi歌都係麻麻地；Edison + 陳奐仁 + MC仁接力，全埸第一個高潮，high到個個彈起哂，鬥hip-hop鬥rap，終於見到胡蓓蔚喇；千fer兩首我鍾意唔太舊o既歌，新歌我感覺唔太好，style好似唔多o岩佢；走o左千fer無端端出o左件周啟生，以為佢就咁玩陣結他dum波鐘，原來都有歌唱，Eason金曲呀，encore啦！李國能，真係識佢老鼠，又係唱到好聽，o係新城紅囉。2R一出，全場少男為之一振，呢個係正常現象，上次o係forum出現2R出浴照，成村人湧入去睇，2R係指…………朗拿度 + 李華度；關心妍唱o左首以前未o係live唱過o既歌，三首都好新。原來伍樂城係上年新城勁爆榜成績最好o既音樂人，今晚特登頒個獎俾佢，又搵歌手演繹，2R難得有機會扮死對頭，Jade呢首先係最得。o黎喇o黎喇，終於到Edmond喇，坐o係Edmond fans區，企哂起身fing牌跟住唱，佢o的歌喉好得呀，最衰冇佢拿手o既自彈自唱喳；大忙人Hocc尾二，個樣有少少不倫不類，大玩rock味，話驚好似o係愉景咁嘈親o的細路，點都整首慢歌入去，呢首又係鍾意呀；壓軸嘉賓安仔，一段時間冇唱歌，即係送兩首聽出耳油之作，冇生疏，又識搞氣氛，勁啦。人人都係唱三首，佢可以唱四首，新城寵兒。20:00-22:00係作o架喳，根本冇可能咁快唱哂八個，差唔多23:15先到冇人睇o既祝酒儀式。
平時o係會展返屋企會詔隔離搭船尖咀轉巴士，我好唔想o係今晨經過尖咀，所以都係跟大隊搭地鐵，唔係Zoe講我都唔知要布位坐唔一定要中環轉。兩個tutor大吐苦水，o的o靚仔點點點，其實唔使太認真囉，無謂傷身。
一日食足四餐，出門口前食o既雲吞米落哂格，七仔星州炒米宵夜。
今晚聽過N咁多首歌，認到幾多？又係順次序o架。
為我好　必先要別離讓我明白到 　誰人能於溫室快樂去裝老
突然面前是愛不起的一個危機　差一些我將摔死
如何落淚　落到山腰都經已化做霧　如何寂寞　候鳥飛機統統飛不到
原來小小感覺　可以縮細放大　只要將雙眼擘大　有咁大得咁大
成日顧前顧後　想不透行左轉右 　是我打的仗自作自受
跌得起　輸得起　搵塊鏡照下自已　香港人至叻　唔使靠人個個靠自已
誰也好　即使愛侶都沒有必要待我好　甜辣酸苦都一樣當寶
世界將我包圍　誓死都一齊　壯觀得有如懸崖的婚禮
你小心　一吻便顛倒眾生　一吻便救一個人　給你拯救的體溫　總會再捐給某人
仍多麼需要你　仍多麼需要你　如今天失去了　怎麼退怎麼進
快樂從不接近我　被動地去等某君經過　失戀的只得我星座的錯　有發奮努力彌補錯
忘形地唱　沈迷的唱　抬頭看只得我跟四面牆　無人願接上　就成絕唱　行行斷句　我怎麼唱
唇膏　將初戀紀錄低　浪漫盡情浪費　肌膚色彩因你變得高貴　這份情內藏在我心
去吧　猶如候鳥飛走吧　未奢想你迷途知返　自由　來換失戀那代價　你真的相信值得嗎
坐上他玩厭了後未暖的椅墊　你對我若毫無誠意　仍把我當後備免了
也許這個理由不便形容你未夠膽講　也許不愛我只因渺視我未能似藝人好看
即管貶低我　諷刺我難成大器　家中餐檯　不想招呼三五知己
連朋友們也知道　現在他只對她好　維持往日慣常拖手散步　當為我好
捨不得有幾多　得不到有幾多　這感覺大概你都遭遇過
蒙你的稱讚　它開心過幾晚　但是愛我實在太難　你太懂得去揀
要是農民白領總統都將我們當經典　彈彈彈　編編編　完成無瑕的唱片　走過紅紅地毯
曾經　將一顆心埋在這地　殘留回憶獻技　這空氣　太鋒利　傷心亦分離　留下傳記　無劇情講心死
我想我想我想這麼死了就算　但突然之間多很多心願　我很緊張緊張緊得一咬便斷　但又忘記了我怎會損
欣賞我　攻擊我　我也很惹火　平淡角色這麼多　情願像個Mirror Ball
明知眼淚沒有光　仍然很想閃一下　如果我是金剛鑽　問你更在乎嗎
然而誰明白我　沒你們所想的堅壯　我很想找個人　對我說別要慌
我信那兩秒的我　曾經是最開心的人　幸福純屬偶然　誰介意沒永生
問了你也不聽　就算聽了卻還是沉默不說　最後擠出那些言不由衷的理由
無論夜深我又冷又捱餓　仍然值得盡全力來度過　等到日出　先知道明日會　會怎麼獎勵我

2004年Eric好歌流行榜(第21週)：
1)大方(方力申)
2)大雄(古巨基)
3)六呎風雲(李克勤)
4)狠心愛我(梁詠琪)
5)世上只有(容祖兒)
6)戰爭(陳冠希)
7)找我(梁漢文)
8)心照(鄭伊健)re
9)繼續微笑(許冠傑 & Sam's Angels)
10)殺她死(Ping Pung)new

>>May 23, 2004 at 2:05:29 PM GMT+8

2004 年 5 月 20 日 星期四 【乍寒還暖】

入夏以o黎落過幾次雨，今日係第一次要擔遮。
肥峰厲害喎，一晚時間就趕得哂份中史project，佢同Billy玩手帳俾Lim Sir狂炳，好精神咁聽書添。
5 + 1隻中指……………好火到o丫，唔俾趴低，又話呢個又話o個個，Billy好o野，力抗到底！
中化玩oral，正到o丫，偶像，俾我講，我一定會話我偶像係……………………威廉．孔慶翔！Billy勁啦，教Polly講偶像係董建華，「曲線救港」，幫港人重過樸素o既生活，又令香港人團體起o黎倒佢，仲喚醒港人o既民主意識，大英雄！仲有一題問會帶外國人去邊度，我會帶佢去維園，感受下中國傳統o既「家國情懷」，「愛國」o既維園阿伯點樣鍥而不捨o既對付「國家」o既敵人！
終於捱到最後一日lunch捱杯麵喇，o尋晚History睇o左好快就唔記得哂，邊食邊刨，join埋蝦佢o地交流，竟然發夢，人o地好似get到好多，但我就……………呢樣記o的o個樣記o的就算喇。
1D有人用，過1E測，事先張揚只會出Mussolini + Hitler比較題，揀feature。大把point諗到，不過time management太差，前段寫得太多，臨時飛point都唔夠時間，半份contrast同最重要o既conclusion都未做，死得。
Buss仲未諗到新o野，不過李sir照叫我present住先，佢話佢知呢個唔係SR題………似UE作文題，o的point差到o丫，中到少少都唔識發大o黎講，勞煩李sir大量補充。
放學有o的唔好意思咁又入SA房打機，今日加埋我都得三個人，懷疑應唔應該入，不過其實課室都唔太應該入囉，唔知去邊好。SA房o既話嚴重兒童不宜，不過o的o既年輕係18, 17, 15喎，有o的都係唔好依家問啦，大過o的就自然會知o架喇，前後上下遲o的自己領悟啦，內儉o架！經過今日，SA房立體彈珠臺得分龍虎榜前五名已經完全由我佔據，要打上o黎唔該450萬分！

>>May 21, 2004 at 3:14:13 PM GMT+8

2004 年 5 月 19 日 星期三 【晴】

今朝有突擊U-check，小妹同我o尋晚打哂鑼鼓都搵佢唔到，懵然不知o既佢逃唔過miss duty呢個命運！佢miss duty好似冇乜大不了，我大檸樂喎，o尋日ADT全世界都miss duty，我、釗、何建生打鐘前搵馮sir，俾佢照肺，語氣極重咁鬧點解我o地一個二個都冇去，我o既解釋睇落最充分，不過都逃唔過被炳o既下場。話我o地一直都冇跟足程序，又話o的F.3係client，我o地o黎唔到都要事先通知其他人。鬧鬧鬧，打o左上堂鐘都仲繼續鬧，遲入課室添。
諗住趁空堂搞掂Buss Presentation，當然係有外援都唔識plan啦。
以為Beasley漏o左o係課室，原來係唔記得帶返學，睇Miss Leung俾我印o既notes頂住檔。
UE Listening難到唔知點o既樣，快到o丫，連博哂大霧勉強過半，今次又好彩收得哂o的key喇。
Lunch前會走火警，堂半中史，點形容安史之亂呢？安史之亂就好似一拳窩落心口度，好痛，不過死唔去，但係藩鎮同民變就係一刀劈開條大動脈，即死。好難得走火警冇其他o野講，早放早食，入SA房立體彈珠臺，860萬分。明明未做完Buss，但係又真係乜point都諗唔出，又五子棋，玩o左一段時間，其實五子棋同足球都係差唔多，全攻型好o的定係穩守突發好o的？華倫最好，賓尼迪斯話齋：「守要穩，攻要急。」
照直同李sir講唔識做，唔使今日present住，又係咁添，咁係嘛，條題目完全唔關SR事，上次o個條research & development又係冇得跟topic做，o的唔可以systematic咁諗，難得多。
中化終於頂唔住喇，寫境寫意唔識分，「試述倒掛金釣與中國藝術精神之關係」。
放學又立體彈珠臺，o係SA房聽人講是非，又講埋一份，有o的o野真係唔講唔知，諗都冇諗過，粉底人(W)、睇死佢唔會咁(我覺得世事無絕對囉)、我不入地獄誰入地獄(太陽西邊升起)。經過今日，SA房立體彈珠臺得分龍虎榜o既前四名都已經由我佔據，歡迎任何人踢我落o黎！

Re Billy:唔使客氣，依家得我一個未夠秤喳。

>>May 20, 2004 at 3:34:06 PM GMT+8

2004 年 5 月 18 日 星期二 【晴】

Billy生日快樂呀，我之前對呢日係有少少印象o架，不過唔肯定，要提先100%知！
Talkback冇我份，Alison簡直係字字珠機，小弟甘拜下風，雖然我o既topic唔同，但係抵我冇得登！
中化講o尋日o既崑曲，甚麼藝術精神完全apply唔到，隔離位搞掂。
點解我份日本天皇帝系表 & 地圖 + Buss題目會o係Step個file裡面o架？Beasley絕對o係Stephen Lee之上囉，當正我o地知道哂o的fact，唔多睇得明，第一課唔明講乜，好彩唔太重要。
Recess先有新鮮明報，葡萄牙都公布o左參賽名單，冇人明點解普斯迪加都有得入反而般莫迪落選。
李sir監考，兩堂Buss唔使上，把握機會，快手快腳趕埋中史project，SA房俾人用o左o黎做義工，prefect房做，暗，好彩打字OK快，5000字多o的，份project已經可完可唔完，隨時交得。
UE唔知點解比平時舒服，Alison同林敏o既觀點截然不同，可以互相比較，我係認同前者囉。
Lunch光速o係課室食完，唔知又會唔會有人衝入o黎趕我落樓。SA房有蛋糕食，愛心蛋糕，落錯鹽都會係甜o既，但係蛋糕師傅點都唔肯食自己o既精心傑作，唔會肚屙o架！唔錯啦，反正蛋糕真正o既味道唔係我o地呢o的等閒之輩食得出，不過蠟燭咁怪o既？俾女主角知道我o既死穴添，追殺，俾Deborah串！
子建返o左o黎，周圍癲，唔好亂畫啦，唔係支支筆都擦得甩o架！
三堂中史，抄抄抄，武則天唔教，間書間書再間書，Lim Sir提聽日交project，仲有人一o的都未做！
3A俾人霸o左，唔知ADT使唔使on duty，課室hea到16:00就走，近一兩個月最早返屋企係今日。

Re挺：又係o既，不過o個o的所謂口語好似用o黎寫文都冇問題喎。

P.S.終於知道Ceci似邊個喇～

>>May 19, 2004 at 2:57:48 PM GMT+8