2005 年 1 月 29 日 星期六 【颳風】

最近呢個星期﹐真係忙到我死呀﹗
AOE......唉~~~~交佐好多學費﹗﹗
SIC= Soccer In Christ ﹐呢個課程已經到尾聲喇﹐返埋聽日就finish個課程﹐唔知咁快可唔可以見到成果呢﹖
呢排雖然忙﹐但係真係開心到爆炸
有好多野好想係日記度分享﹐但係返到屋企就好累﹐完全無精神同時間去寫低D野﹐唉~~

而家放低件心事﹐肯定佐自己既路之後﹐頭腦清晰後﹐又諗返自己既前路﹐真係好漫漫長路

剪佐個樣衰既頭﹐受盡評擊

~MARY AU~ happy birthday ~~~

>>January 30, 2005 at 4:28:35 PM GMT+8

2005 年 1 月 18 日 星期二 【颳風】

上年可能太過累喇﹐今年無風無浪都可以好似以前咁開心~~~
漸漸地﹐我搵返自己
每次睇返全家福﹐都有好多感觸......
事隔超過半年﹐依然歷歷在目

近排生活得好開心﹐好愉快﹐好順利﹐好平安﹐好滿足﹐好充實﹗﹗
日子一天天既過去﹐唔想晒時間係學業果方面﹐好想快D可以工作
賺錢﹐賺錢﹐成家立室~~~哈哈...有D變態

唔知第日有無得做警察呢....祈求﹐必為你們成就....

上星期日果場波﹐NLC既防守發揮得淋漓盡致﹐赤浸既所有攻勢都係隔衣蘇癢
下半場既後防線非常出色﹐子謙﹑德銘﹑施源﹑家寶﹑車﹑RAY﹐建邦....全部滿分既表現
NLC既進步空間真係好大

>>January 19, 2005 at 2:52:53 PM GMT+8

2005 年 1 月 10 日 星期一 【颳風】

我奔跑﹐不像無定向的﹗
原來老邦成日都有睇呢個日記﹐咁我唯有寫多D你想睇到既野啦﹐哈~~
對於教會足球既福音計劃﹐已經初步更完善咁在我﹑fanny同亮既心入面
事關今晚參加個足球領袖訓練既course﹐好多方面﹐都擴闊我地既眼界
只要時機適合﹐我地今晚開始所裝備既事工們就可以為 神工作
多謝fanny替我交既$$$$500報名費﹗﹗﹗﹗﹗﹗
心裡既火熱﹐希望唔好燒完

星期6晚返屋企途中﹐見到一個阿媽兜錘係咁中落佢個女度﹗﹗﹗
個女得3﹑4歲﹐個阿爸都係身邊﹐但阿爸就超級廢兼無用﹐叫老婆唔好打個女﹐老婆都照繼續中個女
我絕對唔做呢D無能既老竇﹐而我都相信我會有個溫柔既老婆
見到呢D情況﹐我都唔知做乜好﹐唯有0係個濺女人隔離對家寶大聲講﹕‘嘩﹗個女人咁衰架﹗’[.\_/.]
可能唔夠大聲﹐又可能個女人太投入﹐聽唔到﹔好彩個無能老竇聽到D﹐都不停細細聲哎唔好
而個女仔就係咁喊﹐見阿媽黎﹐就即刻閃去老竇後面
無論個女仔衰咩﹐咁細個﹐最多迷係咁意打兩巴算囉﹐都唔應該用拳頭‘bang bang’聲咁中落個女度
我好憤怒
之後我用凌厲既眼神﹐係咁挖住個濺女人﹐製造有形既壓力﹐等佢知道呢件傷天害理既事已經俾人知道佐﹐仲post佐上網﹗
慶幸既係﹐個女人可能0係我凌厲既監視下feel到唔對路﹐暫時停手(希望唔好返屋企打得仲勁啦)
我恨我唔係一個警察﹐未可以0係個小朋友弱小既心靈面前建立警察既正義形象

我奔跑﹐不像無定向的﹗(林前九﹕26)

>>January 10, 2005 at 4:59:00 PM GMT+8

2005 年 1 月 8 日 星期六 【颳風】


琴日去佐無雷公咁遠既樂富踢波﹐好特別﹐係同教會比賽
記得既名有阿芬﹐李擇文﹐皮皮~_~﹐麻豆
‘五旬節聖潔會永光堂’係其中一間有<福音足球>既教會﹐參考完人地既足球隊表面既運作
之後就即刻同我地既高層商討有關福音加上足球﹐究竟可唔可以成功既可能性
佢地既教會好大﹐組織好複雜﹐主要分有5大組織﹐其中一個組織下又有5個團契﹐其中一個團契就係佢地‘尼西’

之後到西灣河搵老邦食飯﹐再返團契
哈哈﹐琴晚講電話﹐知道其實好多教會都有同我地差唔多既情況
之後又出現短暫既復興﹐繼而又慢慢地跌返落黎
而我地既團契活動﹐基本上無乜做過﹐其實重點只係開會姐
團契後見班長同德謙無乜野做﹐本來都想叫班長捉棋﹐不過行唔開﹐果日無耐﹐佢地雙雙離開

夜晚打通宵機﹐好勁﹗﹗﹗﹗
之後又儘量頂﹐唱埋K

忽然覺得自己好偉大﹐決定捐器官
‘因為自己無用﹐無需要攬住離開’

>>January 9, 2005 at 1:27:42 PM GMT+8

2005 年 1 月 7 日 星期五 【晴】



我愛姚琪
琴日老師俾我地睇佐英文科既成績﹐40分合格架﹐我竟然有41分﹗﹗﹗
姚琪絕對係居功至偉~~ 我愛你﹗﹗﹗ (o^.^o)
唔係你﹐我諗我一世都唔會合格
有人問我﹐如果唔係姚琪既話﹐我A-LevelL點算﹖哈哈﹐我只要讀完F7姐﹐其他唔太理
我諗今年既平均分有50度.....

最近都算係失驚無神同姑姑熟佐﹐聽佐佢講好多野(佢真係好多野講)原來好多方面佢同我都幾似
I will pray along for u 同生日快樂

黎緊呢個星期﹐好多精彩既約會﹗﹗ 我地既5CH又聚會喇﹐希望可以兩全其味啦

>>January 8, 2005 at 12:12:46 AM GMT+8

2005 年 1 月 1 日 星期六 【乍雨乍晴】


感恩呀﹐最近既生活過得好舒適﹐無牽無掛
31號晚去佐亮哥屋企附近到踢波﹐之後到佢屋企食佐一餐﹐飲佐杯叫‘紅酒’既液體
原來紅酒一D都唔好飲﹐始終都係中意汽水多D
8點零鐘﹐我同家寶走先﹐因為約佐另一批人

後尾搵埋佢地後﹐去太古行佐一陣﹐跟住就去佐家寶屋企打下麻雀仔
呢晚好凍﹐打牌打到2點零3點﹐竟然一齊唱起詩歌黎
家寶彈吉他﹐其他人就一齊唱﹐run佐一次美樂頌入面好聽既歌﹐之後仲祈埋禱添
最後就送佐佢地去地鐵站﹐一落街﹐就feel到刺骨既(琴晚寫到呢度就訓佐)寒風
夜深人靜﹐由得佢地返屋企﹐加上又咁凍﹐絕對感到過意唔去(第二日仲病埋添)
再到家寶屋企﹐吹下水﹐打陣機﹐直到6點鐘先訓

10點幾鐘起身﹐再打多陣winning﹐再聽家寶既‘有感而發’﹐不經不覺又1點
去小西灣踢‘賀歲杯’﹐可惜無場﹐再到杏花村踢
好盡興﹐好好玩﹐入佐3球都係好靚既波^^v﹐6點左右就返屋企沖涼
因為又有next booking﹐去尖沙嘴搵raymond食飯﹑傾偈(恭喜晒^^)
再返到家寶度都已經搞到11點﹐今日佢真係痴佐線﹐極度活躍﹐睇埋波成凌晨4點先可以抖下
呢個假期﹐就係咁緊逼既安排下走向尾聲(都係有好多人想搵但又delay佐)

>>January 3, 2005 at 4:19:51 PM GMT+8

2004 年 12 月 29 日 星期三 【颳風】



呢幾日都可以訓到好晏先至起身﹐真係好喇
唉~~個假期就黎完喇﹐都未抖夠~~~(年假快D到啦)
個聖誕假好似好多野做佐﹐又似乜都無攪過一樣

往事如煙~~~
最近我既精神上已經到達無欲無求既境界﹐好似百無了賴咁
前排好想打winning eleven﹐想睇功夫﹐想訓覺...
水壺無間道好好睇﹐Chi Lam好型﹐黎姿好勁..... ㊣_㊣.....係個鏡頭成日都影住果度

琴日踢波﹐無乜好表現﹐但係就都入佐兩粒﹐一球扭龍﹐一球超遠射

開學就派卷喇....
事實上好耐無試過放假放得咁自在﹐了無牽掛
“隨便玩玩﹐讓我治療舊傷患”----“隨風飄飄﹐天地任逍遙”

>>December 30, 2004 at 7:54:51 AM GMT+8

2004 年 12 月 25 日 星期六 【微冷】


琴日係聖誕節﹐教會放假﹐平安夜果晚整既垃圾堆到成個教會都係
24號攪既佈置又要pack返好﹐收埋
簡單D黎講﹐真係好多野整
好彩教會有Karen﹑衡﹑Fanny﹑Joecole﹑Ray﹑班長﹐先可以用3個鐘既時間執好D野兼清潔

之後分別去佐兩個既聚會﹕‘北星’同‘圍內’
聖誕節的確好好﹐起碼有個時間做返好多同人聯絡既機會﹐見到好多好多好多想見既人
呢個假期終於設計好個plan﹐日日都full晒﹐晚晚都唔訓覺----我唔可以訓覺﹗
3點既先返到屋企﹐沖埋涼之後﹐睇返好多收到既msg﹐好worm~~~ ^^
再將D得意既send 黎send 去﹐哈~~ 哈﹐真係搞笑.... XD

5點幾鐘先至睇睇下書訓佐

9點鐘起身﹐返教會聚會﹐完佐又去另一個約會

匆忙間﹐3點4先到浸禮既場地﹐arm arm過一陣就開始浸禮落水
完晒浸禮﹐同家寶一齊去祝福受浸既弟兄﹐順便痴相影
哈哈﹐同母會既弟兄姊妹講既野﹐仲多過呢兩日同自己團契既人播~~
cMan好得意﹐叫佐我兩次﹐但係又唔知講乜既
母會有好多人我都識﹐佢地都仲記得我
臨走前figo仲話黎緊一定可以受浸添﹐犀利﹗﹗& 恭喜﹗﹗

6點幾﹐再去今日行程最後一站....會展
幾經艱辛﹐終於見到一個‘過度活躍症’既人(開頭唔係諗住真係搵佢﹐純粹唔想訓覺)
同埋佢﹑家寶一齊識麥記﹐未試過﹑未諗過一餐麥記可以食得咁happy
快樂不知時日過﹐差唔多成個鐘都係麥記度~~
返到屋企都10點幾
同我一齊既fan﹐全部都已經昏迷緊

我知道利物浦贏5蛋後﹐都訓佐
聖誕節好精彩﹗ 仲有好多人未見.....

>>December 27, 2004 at 4:17:15 AM GMT+8

2004 年 12 月 19 日 星期日 【晴】

經過埋今日既聖誕聯歡﹐上學期都基本上係叫做完結喇

人﹐真係世界上最複雜既生物
靜係講思想果part﹐已經無得解釋
又富感情﹐一個感情上既問題又有成千上萬個既解釋...
今日講野都詞不達意﹐唔好介意

我要不停訓覺﹗﹗﹗﹗

>>December 20, 2004 at 2:03:58 PM GMT+8

2004 年 12 月 19 日 星期日 【晴】

又到聖誕﹐又到聖誕....
今年好似應承佐去好多地方玩﹐睇黎放假又累過返學喇
不過我好似唔太識得選擇參加邊度既活動
自己始終都係耳仔軟既人﹐叫多兩次﹐我就心軟﹔
再叫多兩次﹐我就應承

聖誕節有街去都幾煩﹐有人建議帶埋班人去埋聚會迷可以兩全其味囉
但係坦白講﹐參加得果度﹐就唔多唔少有D希望逃避另一度

英文oral我真係超廢﹐姚琪俾我1.5分咋----可惡﹗
原無意外﹐都係又炒英文呢科架喇
語言方面既IQ真係唔掂
派佐企業份卷﹐成績雖然唔係好標青﹐但係not bad wor~~~(付出半斤﹐裸返10兩)
GPA都有少少擔心.....

>>December 19, 2004 at 4:48:37 PM GMT+8