2004 年 12 月 15 日 星期三 【晴】

估唔到我而家咁遲先至學識‘的’波
thank you 志豪﹗﹗之後果場波 D 技術即刻好佐好多﹐又扭龍﹐又遠射
我諗終於都係球技上有佐突破喇﹗ 哈哈......

前幾晚﹐唔駛考試住﹐所以好得閒﹐閒來無事拉佐幾下小提琴
估唔到係呢個夜深人靜既夜晚﹐俾人讚我彈小提琴彈得好聽喔(我都彈錯幾多架) ^^
雖然都好謙咁否認﹐但係都開心到連個心都飛埋出黎-------好多年無俾人讚過喇﹐幾乎唔知自己識拉琴添
忽然識佐個‘新’朋友仔.....嘻嘻

四眼仔又返黎﹐又好開心﹗好多野都互相分享﹐話晒都係中學既第一個兄弟﹗
老相好相聚﹐話題梗係不離踢波﹐呢時又再想起遠方既車
無盡感概------被我喜歡的都離開.....//_\\
會唔會係我命犯天煞孤星呢﹖不過都好既﹐佢地可以浸下鹹水

‘你’好隱悔咁叫我祈禱﹐我當然會‘明白’你想講既‘深層’既意思既
OK﹐你都一樣呀﹐主祝福你

聖誕節.......上年既場面﹐一幕幕咁重新浮現出黎(我已經無將果part寫落日記)
希望自己有恍惚症﹐咩都好易唔記得就好喇
同時我都明白﹕一個釘佐落牆既釘﹐就算抆出黎﹐都會留有永不磨滅既傷痕一樣
聖誕節.......上年既場面﹐一幕幕咁重新浮現出黎

>>December 16, 2004 at 4:49:08 PM GMT+8

2004 年 12 月 12 日 星期日 【晴】

考試都算係考完﹐淨返D oral 咋
我既生活模式﹐可能會係今個聖誕前會有大改變﹐至於係咩改變﹐而家就唔知啦
但係就隱隱約約有D契機

生命係一個循環﹐有生有死﹐有每日要做既同一樣野
當生命有改變既時候﹐就係最精彩既一刻
好似每日返工﹑返學咁﹐忽然有一日唔駛做﹐可以玩﹐通常都會額外地興奮
而家開始﹐我就為之前一塌糊塗既生活﹐作個小改變﹐大改善

拋開好多野﹐執返好多野.....做人唔應該將得失睇得咁重
呢個道理就係我持守好耐既其中一個信念
好似學業﹑踢波﹑對某D人....我都完全無將得失放過一丁點兒係心上
琴日fanny叫我唔好將得失睇得咁重﹐我都聽到有D頭痕
究竟係要我再睇淡D﹑or之前無表現出我對佢地其實好淡呢﹖
不過果半粒鐘度既時間﹐都無得講﹐齋聽....
唔arm我既channel﹐不過算啦﹐呢D不嬲我都無‘擺係心度’

令我可以擺係心度既野﹐只係好少好少﹐好少.....

>>December 13, 2004 at 3:20:24 AM GMT+8

2004 年 12 月 5 日 星期日 【微冷】

聽日終於可以‘12點’食lunch喇
事關聽日開始要考試
唔講住
溫習

>>December 6, 2004 at 3:22:11 PM GMT+8

2004 年 12 月 4 日 星期六 【晴】

男朋友與普通朋友的分別

普通朋友：半夜會找妳玩ICQ聊天到很晚。
男朋友：半夜看妳還在ICQ上會趕你下線(但還是用了好幾分鐘)。
---------------------------------------------
普通朋友：他會找你出去玩,叫妳放棄報告或遲些做功課。
男朋友：他會催妳快寫作業,或者想要跟你討論功課。
---------------------------------------------
普通朋友：在你生病時，會講好話關心妳。
男朋友：在你生病時，他會關心到你很煩，比醫生問得還詳細。
------------------------------------------
普通朋友：他會盡量說好話來討好妳，妳會覺得他很棒。
男朋友：他所說的話，都是關心妳的！但通常像是在命令妳，妳會覺得他討厭。
--------------------------------------------
普通朋友：他什麼事情都會配合著你，只要你高興。
男朋友：他什麼事情都會希望你可以配合他﹐你會怪他比別人來得煩。
-----------------------------------------
普通朋友：他會幫你買消夜，送宵夜，載你上下課。
男朋友：他會幫你買宵夜，不過他會提醒你，吃什麼比較健康。
-----------------------------------
普通朋友：無論他做錯甚麼事﹐你都會原諒他。
男朋友：他做錯的瑣碎事﹐你卻很易發怒﹐而且這時你的記性特別好。
-----------------------------------
普通朋友：他會說他要給你最大的幸福。
男朋友：他會說，他跟妳在一起，他才是最幸福。
----------------------------------------
普通朋友：他只有想到現在。
男朋友：他已經預見將來，該怎麼自我努力，好給你幸福。

>>December 5, 2004 at 1:34:52 PM GMT+8

2004 年 12 月 3 日 星期五 【晴】

無限感概
我在一個偶然的情況下﹐看到了‘你’的照片
你的每張照片﹐我都有仔細地研究
在我的心中﹐你是完美的﹐就像大自然裡的景物﹐渾然天成﹐絕無雕琢
不過今天的你﹐卻令我改觀了--------
不知是因何緣故﹐你已失去了在我心靈裡的那股震撼的力量
你瘦了﹐顯得臉長了﹔我還發現你修剪過眉毛﹔沒有紮辮子﹐在我腦海裡的形象完全兩樣

在我床頭上貼的那張合照﹐裡面的你笑得很可愛﹐而我又是那麼地區緊﹑害羞
我銀包裡有很多你的貼紙照﹐我還很清楚記得在那年的復活節前﹐偷偷地把你的貼紙簿偷來﹐彩色影印後又在放假後第一個上課天6點半到你的課室﹐把相簿放回桌裡的情形
就連你校的校刊﹐我也有辦法弄來...還研究了你的每個同學﹐你在電視裡該見過你的同學吧

在那時的我﹐從不敢與你的眼對望﹐但每一次的接觸又是那麼地刺激
我竟傻得對著你的背影素描﹐那是我畢生的第一次﹐也肯定是唯一的一次
我不是一個對任何人都做同一樣事情的人-------縱使你從不知道我的存在﹗
‘依依背影幾銷魂﹐片片回憶半生憾’

雙目盈盈不回首﹐我又可曾在心頭
青絲白頭仍無悔﹐思念斷腸感懷傷
憾而無悔苦中甜﹐回想不是處處悲

兩年發生過的事﹐一點一滴的又在心中彙聚﹐不勝唏噓
見你的照片﹐現在你身旁那位不是你的男友
讓我想起戀愛的不實在和甜蜜當中的剎那光輝

>>December 4, 2004 at 4:47:11 AM GMT+8

2004 年 11 月 28 日 星期日 【微冷】

最近我發現唔見佐樣野﹐就係迷失佐‘自己’
又或者係﹕我失去佐一樣野﹐係一樣唔屬於我既野 d/_\b
係迷好玄呢﹖ ^^".......
總之就一句講晒﹐心靈空虛﹐好想唔俾自己有一秒鐘可以停落黎﹐唔俾自己用腦諗野
要停既話﹐就只有訓覺﹐仲要係一訓就唔識起身﹐好似昏迷果種

神為我們所預備的﹐是我們能夠渡過的試探﹗
要黎既﹐始終都會黎﹐只係我一直無承認﹐握緊自己姐

好想有個長假﹐差下電

琴日係小西灣﹐同北星踢佐場波
教會VS北星 ﹐ 2﹕4

>>November 29, 2004 at 3:51:00 PM GMT+8

2004 年 11 月 24 日 星期三 【微冷】

前日俾我亂咁咁制既情況下﹐竟然俾我搵返之前以為miss佐既‘重要’file呀﹗
勁開心~~~又覺無聊....

今日返學﹐係今年第1次正式遲到
好衰唔衰今日爆袋老師發脾氣﹐亂咁鬧人﹐我仲俾佢開刀添
話我成日遲到同請病假
唔係呀嘛﹐都話明病假﹐就梗係有病先請架啦
我好記得架﹐請佐1次全日同2次2堂......;:)

睇黎以後既日子都係唔好過架喇.....$-$::

>>November 25, 2004 at 3:04:55 PM GMT+8

2004 年 11 月 20 日 星期六 【颳風】

最近﹐發現自己慢慢咁變做一個和尚----無欲無求﹐無嗔無喜﹐無色無味......
世界既事對我黎講都係唔關我事咁﹗
心靈入面平靜無波,連我平時好中意諗既人和事都無動力去做﹐呢種感覺好恐怖
試諗下﹐一個人消失佐外界應有既刺激﹐失去衝勁﹐係一件何等無耐既事﹖
好想有個安靜既時間﹐好好咁訓返一個好似昏迷一樣既覺

琴日﹐到佐珍寶海鮮舫去飲﹐食完都仲覺得肚餓
事關同一台既老人家真係搶得好快﹐我咁斯文﹐仲遇著而家咁與世無爭既高尚性格﹐真係無啖好食
講真﹐係珍寶度擺酒真係好有氣魄
呢3個月內﹐參加佐3個婚宴

多多生日快樂

專心﹗專心~專心^^
記住﹕要注意身體﹐有充足既睡眠

>>November 21, 2004 at 4:13:57 PM GMT+8

2004 年 11 月 16 日 星期二 【晴】

有梁生既幫手﹐加埋我既冒險進取性格﹐終於亂搞亂撞都整好部電腦
雖然都救得返﹐不過我最唔想miss既果D files都miss晒~~~
講就話可以重新save過姐﹐但係都搞到我心灰意冷﹐事關呢D情況出現佐好多次
哎.......算吧啦~~~唔係我既就唔係我﹐係我既始終都係我既﹗

都唔知呢D性格係我如天生道家聽天由命既思想﹐抑或係神對我既安排﹐令我最近無欲無求
事實上﹐呢個世界上可以令我動心既事物﹐真係少到離晒譜

差唔多又考first term既試﹐經過test之後﹐我非常之有信心可以考到一個滿意既成績

轉涼喇﹐你都記得著多件衫喔 ^^

>>November 17, 2004 at 3:10:15 PM GMT+8

2004 年 11 月 7 日 星期日 【微冷】

上星期好累呀﹐好多野都唔想做﹐靜係想訓覺
每日都將精﹑氣﹑神耗盡咁制
頭三日test﹐後2日派返~~~~中化﹑企業同部份英文都有佐結果
英文頭果part既閱讀理解成績好理想﹐有8/12﹐其他part都有50%既分﹐本來應該合格既
不過就真係有一part連1分都無﹐搞到拉埋又差少少......
企業既中規中矩啦﹐50%多少少 (我repeat﹐所以應該一定要合格啦)
而中化﹐就應該相比之下係最好既﹐不過溫得最少既又係呢一科(好似無溫過﹐齋坐車時睇過下)
因為有一份卷係語文修辭﹐我有55/80﹐所以幫我拉到好多分﹐另外果份卷唔合格都無所謂

團契既節目係關於<人生的意義>﹐其實關於呢個 topic﹐一路以來我都有不停既摸索
所以基本上係隨隨便便都講到幾百樣睇法﹐不過基于多人既關係﹐只係講佐10萬分之1度

星期日好開心

>>November 8, 2004 at 3:04:47 PM GMT+8