2004 年 9 月 4 日 星期六 【晴】

幾時先可以長大﹖
完佐早堂﹐我週圍拉攏人搭車去基真小學度睇波﹐希望有多D人可以去度啦
哈哈﹐果日媽咪都去﹗﹗﹗
之後﹐有人叫佐我地去EVA屋企唱歌(心諗佢地識做佐好多)﹐不過轉個頭就走晒﹐好無奈
始終都係咁﹐未識理會新既人﹐咁多人都無人會諗起一D人.....
好多時﹐靜係識得諗﹕點解咁耐都唔增長呢﹖
又有無人諗過自己又做過D咩﹐去留住人呀﹗我聽到好多fan既意見﹐都係﹕無人理

呢點我當然知啦﹐我都深深感受過﹐連‘佢’都講得arm﹐你地只係‘溫室中既植物’
識得講呢D野既人﹐你地絕對唔可以嬲佢﹐因為佢實在係愛你地先會咁講
換轉係第2個既話﹐佢地根本就唔會因為你地無理佢而唔開心
相反﹐佢地會諗﹕‘喔~~教會D人係咁既。’
之後就唔會再返我地度﹐甚至連任何一間都唔想去﹐佢地會講﹕‘教會好悶’黎概括個意思
就係咁﹐之後要建立返既話﹐係需要好大既工程

有人既口頭蟬講得好﹕‘無錯﹐今次你地又慢了’
新朋友其實想要既野係好簡單﹐俾佢地知道你地係見得到佢既﹐就已經好滿足架喇
唔只新朋友﹐舊既都一樣﹐任何人都想得到其他人肯定既價值
起碼﹐我地當中有返黎既‘寧﹑婷’﹐就係其中既代表

佈道會又黎喇﹐你地仲無一顆關心別人既心﹐咁無論有幾多人決志﹐一段時間後﹐就會有幾多人離開
佢地肯黎﹐除佐係感動同俾面fan外﹐仲會抱住諗住見識既感覺
而人~~~就係最容易睇到既
我地呢方面如果唔識照顧到其他人既需要﹐人數就會不斷老化同下降

你地幾時先識咁做

>>September 5, 2004 at 1:15:14 PM GMT+8

2004 年 9 月 2 日 星期四 【乍寒還暖】

五顆破碎過的心
今日﹐我總共見到有4顆曾破碎過既心同一顆受緊試探中既心

我地都從某程度上﹐受到一定既傷害
主呀﹐請你體諒我地既軟弱﹐請你早日賜下你既安慰﹐醫治我地既傷口啦
我好睇到神你賜俾我既恩賜﹐我都好應該好好咁利用你俾我既野﹐去堅固其他弟兄姊妹
7月時我既領受﹐而家真係臨到喇﹐我唔識點做先可以將整件事做得最好
不過﹐我覺得單靠我一個﹐真係好難去成事~~~~
主﹐我既眼已經開佐喇﹐請你大大加給我力量同智慧啦
或者﹐我係需要禱告既力量去承托住....
在神你眼入面﹐我係一個浪子﹐不過﹐透過聖經﹐我知道而家既我係比以前受到更多既讚賞

今日﹐我再一次聽到其他既分享﹐原來...我既影響力係可以咁大
我地係令一D弟兄姊妹受傷害

主~~~~~請寬恕我
主~~~~~請安慰受傷既靈魂
主~~~~~我需要力量去完成你俾我既使命

>>September 3, 2004 at 7:01:45 PM GMT+8

2004 年 9 月 1 日 星期三 【酷熱】

聖記....
今日收到聖記(我學校)office既電話﹐叫我返番去聖記度讀書
我諗﹐我都係脫離唔到聖記架喇
各位同學﹐I WILL BE BACK﹗﹗
對於我再黎聖記﹐連我都估唔到﹐成件事都好迂迴曲折﹐由有﹐變無﹐再變返有....(有聖記)
我一直都以為可以唔駛讀書﹐因為讀書真係好悶﹐但係人既安排始終都唔及神既安排....

無論如何﹐總之....大家原來都可以一齊食lunch喇
施源﹑黃嶽﹑哨牙雞....你願意同我一齊共進午餐嗎﹖ ^^

>>September 2, 2004 at 5:03:34 PM GMT+8

2004 年 8 月 26 日 星期四 【乍寒還暖】

前路茫茫
放佐工去佐教會問麥sir關於我揀科既意見
﹖﹖﹖﹖奇喇﹐唔係話佐瑪利亞咩﹐又轉﹖無錯﹐係又轉﹗
因為D私校理科收唔夠水魚﹐所以無班開(要去九龍城先有)﹐我就係咁而同瑪利亞絕緣
見完麥sir後﹐我仲加煩﹐因為佢俾佐新提議我﹐叫我試下IVE
心理學同理科已經煩到嘔﹐仲加埋IVE......^^"

所以﹐聽日星期6我就試下IVE有無arm我既course﹐如果唔係我就10成去硬‘地利亞’
雖然就快開學﹐我都唔需要擔心無書讀既
因為第1﹕前路自然有神安排同帶領
2﹕14分讀私校都好定

相信﹕明天會更好﹗﹗

>>August 27, 2004 at 4:00:58 PM GMT+8

2004 年 8 月 23 日 星期一 【乍寒還暖】

文章分享....
每一段感情要長久地維持下去是要雙方努力、一同付出、互相支持，一起維繫才可，如果在一段感情當中只有單方面的不停付出，那麼其中的一方便會很辛苦，雖然愛情不是要說什麼公不公平，但當只有單方面的努力和付出，而沒有回應時，這時付出的那方便會更加痛苦。

這一切一切我都清楚得很，是因為我為我愛的人不停地付出，可是卻得不到任何的回應，我更知道單戀的那一種痛的感覺，明知是不會有任何的結果，但我卻避不開她給我的這一個大難題，是因為我而中不知不覺間深深中了她的魔咒。

單戀是一件很不好受的事，每當自己愛的人和其他異性談天甚至玩到追來跑去時，心中總是酸酸的；當聽到她和某人的傳聞時，雖然裝出毫不再意的模樣﹐但心中則是狠狠地被割開了；每當看到她開心時，自己的心裏也會莫名其妙地開心起來；每當看到她流淚時，自己的心也會默默地流淚；當看見她病了痛了，我的心比她更痛。有時會為她一句不經意的話，使我可以歡喜一整天，也可以使我的心破得支離破碎。她所說過的每一句都會在我的腦海中，但我對她所說過的話，她又會記得多少，還是她根本由此至終連十秒都沒有認真地聽過？

我會為她而開心、為她而悲傷、為她而失眠、為她而難咽﹑為她而流下眼淚……。我也會盡我能力去保護她、想盡辦法去令她笑，為了她，我可以付出我的一切﹗但，但我的付出、我的等待有用麼，相信答案是沒有罷，要不是為何她仍是彷如是一塊沒被我感動過，一塊繼續沈默而沒有感覺的石頭呢？不過我沒有怪過她，因為試問誰又可以去愛一個自己並不愛的人？

其實有時我也很佩服自己，因為我是一個做什麼事也沒什麼大恆心的人，沒有什麼大耐性的人，一個很懶的人，但我竟然可以在她的身邊守候了這麼久和可以每天為她做這麼多的東西。我有時也會笑自己白痴，明知自己守候的是永遠也不會屬於自己的人，為何仍是傻傻地浪費自己的時間等下去，我自己也不清楚是因為什麼，可能因為這就是愛，也許是因為自己犯賤罷。

其實她亦給了我很多的東西，她給了我心痛的感覺，給了我心上的無數的傷痕。她讓我學懂了等待，讓我學懂了忍耐，讓我學懂了付出，讓我已封閉已久的淚孔再次流下眼淚，讓我學懂了什麼叫做單戀，我很感謝她給我上了這麼深刻的一課，讓我真正的醒過來和真正的成長的一課，可是她給我的這一切都是我負荷不來的。

我相信我為她做的一切﹐她並不是真的毫無感覺﹐只是她不懂得怎樣去面對罷了。有誰能狠心去得下去傷害一個愛自己的人呢﹖最少﹐我已感動了所有她身邊的人﹐他們會替我製造不同的場合﹑氣氛甚至言語去讓她感受我對她的愛。

現在我已經並無他望，只是希望假若有一日她亦是單戀別人，也是在痛苦當中，默默地守候時，懇請她在淡淡的記憶中回想起曾經也有一個像她現在一樣的我，也曾為她這樣守候過、痛苦過﹐直到現在﹑到永遠……。

>>August 24, 2004 at 11:06:27 AM GMT+8

2004 年 8 月 21 日 星期六 【綿綿細雨】

2日1夜營
呢兩日﹐去佐個camp﹐係圍內性質既﹐即係自己同自己人玩﹐唔駛太住意D咩
係今日之前﹐我都為住驚會唔夠人參加而無咁好玩 (好彩﹐最好都同預計既人數差唔多)
而且﹐今日又落雨......~_~ (好彩﹐到佐貝澳後一滴雨都無)
由西灣河出發既時候﹐心情都唔知點﹐覺得有好多野都唔太自然

呢兩日既活動同諗法﹐我都唔打算係度分享 (鬼叫你地唔去呀﹗﹗)
其實想知既話﹐都可以問返我既

總之﹐覺得‘一係唔黎﹐黎佐就要玩晒佢啦’~~~雖然張床好舒服﹐甚至正過屋企果張
不過﹐我都係一秒都無訓過﹐好累時就係地下訓佐一陣
到走果陣﹐充滿依依不捨既感覺
覺得victall好勁﹐可以算係搞得唔錯
後尾順路去探下區生屋企﹐之後先返屋企

>>August 24, 2004 at 10:45:41 AM GMT+8

2004 年 8 月 16 日 星期一 【晴】

屯門之旅
今日做問卷﹐被編去屯門度做
我覺得係老頂gary懲罰我﹐因為我今過星期6﹑日﹑1要請假
所以佢編到我老遠既地方做.....

屯門醫院而家已經唔係以前咁遠﹐仲無我想象中咁遠
個零鐘頭就到喇﹐好彩有西鐵
雖然好遠﹐好早起身﹐不過精神同狀態方面都好好

我唔知道點解﹐有人話我講野方面唔好
不過﹐呢兩年既暑假﹐我都係無獨有偶地靠把口搵食(保險﹑問卷)
哈哈﹐可能呢D就係俾我既訓練啦^^
多謝joecole﹐亦對唔住joecole......

19號要去機場﹑20號去大埔﹗﹗﹗﹗好好好遠呀﹗﹗﹗~_~
就黎開學喇﹐點開口講辭工呀

>>August 17, 2004 at 3:28:19 PM GMT+8

2004 年 8 月 13 日 星期五 【清涼】

東龍島
今日團契既節目就係會東龍島喇﹐雖然熱到喊兼臭哼哼﹐不過都有價值既
今日真係好開心﹐好開心﹗團契應該係咁既氣氛﹗好耐都無咁樣過團契lu....
我開心﹐唔只係因為自己開心﹐更重要既就係﹕
‘你同你地每一個都係咁開心’﹗
你地都係我既朋友﹐你地開心我就會開心架喇

首先﹐要同團友們講聲sorry先﹐因為我今日好留意你地每一個面上既表情(偷望佐都幾耐)
見到你地個個都洋溢住遮都遮唔住既笑面

好多謝tracy搞盡腦汁去為‘我地’既團契安排一切既環節﹐無以為報
不過我都相信﹐你絕對同我地每個都係咁開心-------因為整個活動都好融洽﹐順利
班長都係﹐為我地做埋咁多幕後既工作﹐我地係知道架﹗為神去犧牲自己﹐good!
係我就一定做唔到咁偉大喇(成個下晝無得玩喔)
成年無返團契既‘團友’都黎埋﹐感覺真係既好

至從果日﹐決心為主做事之後﹐果然係會有微少既改變(可能好大)
好希望可以如我所領受咁﹐咁就真係功得完滿咯
每位新朋友其實好怕醜﹐請大家協力為‘我地’既教會努力
教會無只係一個玩既地方
最偉大既野﹐就係‘愛’﹐請大家都要激發關心別人既心﹐去關懷身邊既人

好想‘你’會有好既轉變

>>August 14, 2004 at 12:19:21 PM GMT+8

2004 年 8 月 11 日 星期三 【乍寒還暖】

咁都得
琴晚我去樓下信箱執到封成績通知書﹐D細分如我所料
作文因為離題有F﹐其他都有E﹐之不過﹐拉埋竟然會係F
我自己都無乜所謂既﹐橫掂年年都考架啦﹐而且咁既成績都係得F
我諗呢D都係神既安排﹐唔想我咁快出黎做警察﹐要我服侍教會多1﹑2年先

今日﹐我就如計劃去報私校讀F7﹐去到發生一年好好笑既對白
A﹕主任 T﹕老師 我﹕即係我

A﹕你想讀咩FORM
我﹕中7啦﹐不過中6都無所謂既
T﹕但係你會考英文F喔﹐(問主任)﹕F7咁得唔得架
A﹕係喔﹐英文唔合格報唔到大學過喔
T(問我)﹕過20雖未﹖
A﹕夠呀﹐係喔﹐咁迷可以以自修生身份考AL囉。(對我說)﹕咁你諗住讀咩科﹖
我﹕BIO 加 企業啦
B﹕AL理科要計實驗分喔﹐如果你F7轉既話係唔得架﹐如果文﹑商科就OK

我就係講佐呢兩句話﹐改變佐我既一生
亦因為呢兩句話﹐我決定無讀F7﹐再黎中6
俾我考企業+經濟呢兩科既話﹐我寧願揀隊 lum 教育署長好過喇
最後決定中6﹐理科Phy﹑Camp﹑Bio
勞勞碌碌﹐最後都係變返上年既舊路﹐除佐大佐一歲之外﹐咩都無變過
不過﹐就少佐2樣好寶貴既野~~~~~
PS﹕原來6分就可以升到F6﹐我好似行多佐好多咁......

>>August 12, 2004 at 11:13:04 AM GMT+8

2004 年 8 月 10 日 星期二 【乍寒還暖】

放榜....
今日又到一年一度放榜既日子﹐最近好似年年放榜都關我事咁
事實上﹐今次係我第3年會考喇
今次雖然只考一科英文﹐但係重要程度絕對唔比之前既低
因為我準備報考警察

今年教會既放榜成績比往年平均較好﹐北星既隊友都不過不失咁啦
之前我已經拒絕佐聖記既repeat﹐因為下學期既成績好差﹐而我自己又絕對唔能夠再讀中6
以前成日串人地年年都係聖記﹐笑佢地都係做無間道入面咁既臥底﹐或者調查學校失槍事件等
今年﹐終於又到我無里頭咁repeat
無計啦﹐呢D事係神一早安排好晒既﹐要我渡過人生最艱苦既一年(中6)

我一直都無提我考試既成績點﹐因為到呢一刻為止我都未知住
一黎﹕我唔太重視
二黎﹕我整唔見佐個考生編號﹐login唔到
三黎﹕無心機睇

未來既事﹐繼續交俾神去帶領啦﹐我相信最我艱難既日子已經過去喇﹔
未來既事﹐無野可以難阻我
預計呢1﹑2日會報考警察

>>August 11, 2004 at 7:25:48 AM GMT+8