2003 年 9 月 29 日 星期一 【晴】

‘朋友’究竟係乜野既意思呢﹖

對我黎講﹐佢地會係陪我渡過每個快樂﹑悲哀﹐高潮﹑低潮既人。我會毫無保留咁同‘朋友’分享所有所有我生活既點點滴滴﹐因為﹐我知佢地會好樂意咁做。
而我﹐亦都會毫無保留咁同‘朋友’分享所有所有佢生活既點點滴滴﹐因為﹐我好樂意咁做。
我知道﹐朋友並唔需要物質上既支持﹐朋友係需要精神上既倚靠同扶持。

當朋友對唔住我既時候﹐我會原諒佢﹐因為我都會有犯錯既機會。
而且﹐佢地通常都係一D無心之失﹐同埋唔覺意而犯錯﹐所以係應該值得體諒佢地。
但係如果唔係一D無心之失﹐而且我已經一早講佐我既立場後﹐佢依然無改變﹐甚至變本加厲﹐同一樣既錯再犯多一次﹑兩次﹑三次......我就知呢個已經唔係我所認識既‘朋友’喇。
因為佢已經一早知道我既想法﹐知道我既底線﹐知道我既思想﹐但係又偏偏令我崩潰﹐讓我一而再﹐再而三咁心靈受創。試問我又點可以同佢一齊﹖

我唔會同女仔分享我自己既事﹐所以我無異性既朋友﹐而我又根本唔會有興趣去知道佢地既事
除非係有公事要做﹐否則我都唔會主動去同一個女仔講野﹐因為大家既想法係好唔同。
如果女仔同我講野既話﹐我都會寒喧幾句﹐無幾耐就走。
我咁既諗法﹐係好天真﹑自大﹐不過我係唔會因為呢個原因導致失去異性朋友而感唔開心。
因為就算真係成為朋友既話﹐就知我既想法﹐唔會嬲﹔唔係朋友既話﹐失去都唔會可惜。

但係﹐
我既生命﹐出現一位令我主動去搵佢既女仔﹐但係﹐佢從未主動搵過我。
我會不斷不斷等待佢搵我既一日﹐我唔知搵佢同等佢既日子幾時會完結﹐我會等﹐我會等...
當我唔再想等佢既時候﹐就會將佢變番做一般異性去看待。
究竟﹐我有無當過佢係我既朋友﹖

>>October 1, 2003 at 9:09:22 AM GMT+8

2003 年 9 月 25 日 星期四 【酷熱】

愛上了自閉~~~
自閉有好多好處﹕
可以係大家好努力咁做緊自己工作既時候﹐獨自諗D人地唔知既野﹔
可以係大家唔覺既時候﹐靜靜雞咁訓覺﹔
可以係大家一齊玩既時候﹐唔駛俾人叫去應酬﹔
可以係大家諗緊之後有邊度去既時候﹐自己黯然咁離去。

愛上了自閉~~~
自閉有好多感覺﹕
可以係大家好努力咁做緊自己工作既時候﹐諗緊做緊乜﹔
可以係大家唔覺既時候﹐靜靜雞發個好夢﹔
可以係大家一齊玩既時候﹐唔駛同人握手﹔
可以係大家諗緊之後有邊度去既時候﹐黯然咁繼續自閉。

我愛上了自閉~~~

哈利路亞~~~

>>September 26, 2003 at 2:56:19 PM GMT+8

2003 年 9 月 23 日 星期二 【晴】

今日終於又再提起精神上堂喇﹐每堂都好留心
無他既﹐因為今日有成三堂空堂呀﹐可以好好咁休息
星期三有得咁樣休息﹐實在係一件美事黎架
儘管今日有咁多時間可以休息﹐不過我係用晒黎做功課﹐我覺得咁既生活先似番個學生
一個中六既學生﹗
日日都有咁多空堂就好喇~~~(好彩聽日仲有兩堂空堂)

哈利路亞~~~

>>September 24, 2003 at 4:18:10 PM GMT+8

2003 年 9 月 22 日 星期一 【晴】

‘我是真的真的真的很愛妳 以為付出的一切就非得有意義’

今日好眼訓﹐又再番番過去兩年既學校生活﹐提唔起勁
lunch既時候﹐拿拿淋落佐去買飯食﹐俾佐錢先至醒起﹐小息食佐好多野(唔怪得唔肚餓啦)
不過既然錢俾佐喇﹐錯就由得佢繼續錯落去啦﹐話唔定呢D都係冥冥中既安排呢
而且我仲可以幫助香港既經濟起飛﹐話唔定呢十幾蚊會有大幫助呢
不過諗都諗到間咁既爛鬼公司都係唔會稀罕架喇~~~
或者無人似我咁傻﹐見到個‘火山雞翼’﹐就連自己俾佐錢都唔知
雖然D飯食唔晒﹐我都無篩到﹐食埋D‘火山雞翼’先﹐橫掂都唔知咩叫‘火山雞翼’

下晝空堂時﹐我借佐本金庸第一悲劇小說-----連城訣
呢次係我第一次番睇以前睇過既書﹐通常D書我都認為自己睇過而唔會再睇﹐會無晒新鮮感
今次又破例喇﹐今日又白過佐喇﹐我都唔知生活點先叫有意義~~~~

哈利路亞~~~

>>September 23, 2003 at 4:38:14 PM GMT+8

2003 年 9 月 20 日 星期六 【乍寒還暖】

琴晚去佐‘小鹿聖會’﹐得到個小鹿鈕釦﹐向 神立約﹐願意將婚姻交俾 神﹐
並願意一生過貞潔既生活
吳牧師講過有幾句話﹐令我有好大既鼓勵﹐我好想同大家分享﹐大概意思係﹕

< 神都會嫉妒我地敬拜另外既 神(偶像)﹐因為 神愛我地﹐唔想我地拜奉其他既野。正如我地愛人一樣﹐自己中意既人同另外既人講野﹐我地都會嫉妒﹐都會用射呢眼望果D人>

<我地舉起‘貞潔’既手﹐承諾願意一生都過貞潔既生活>

<我地而家向 神立約﹐願意將婚姻交俾 神﹐並願意一生過貞潔既生活。我地相信﹐過貞潔既生活一樣可以好豐盛﹐好精彩同好快樂>

呢幾句說話真係令我身心受用﹐令我一向所堅持既貞潔態度不謀而合。雖然我自己所設既所謂貞潔﹐令所有人都表示震驚﹐不過係我既角度就認為自己其實根本唔會蝕底。因為我只係願意將所有既野奉獻俾自己真正中意﹑將會同自己一齊生活既人。況且﹐我覺得如果將寶貴既回憶付出俾一個唔中意自己既人﹐倒不如將D寶貴既野﹐留俾一個懂得珍惜自己既人啦﹗

我既呢個‘貞潔’既想法﹐對於所有人黎講﹐都係十分愚拙。好多人都想改變我既保守態度﹐而我亦都有諗過好唔好改變自己﹐去迎合世上所有人呢﹖呢個想法都困擾佐我一段日子﹐不過今日既講題又再堅定佐我既信念。
‘Eric係一個運動員﹐星期日係唔會參加比賽。呢點無人逼佢咁諗﹐但係佢認為星期日應該奉獻俾 神。終於佢都憑住對 神既信心﹐堅決星期日唔比賽﹐最後而贏得賽事。’
我都好想好似佢咁﹐堅持自己既信念﹐最後贏得世人既認同。

哈利路亞~~~

>>September 21, 2003 at 2:38:47 PM GMT+8

2003 年 9 月 16 日 星期二 【晴】

今日學校攪水運會﹐今日係我做Prefect既第一日﹐我就負責做番D Prefect要做既野喇
今日做既時候﹐發覺都有少少做警察既 feel ﹐可以捉人﹐可以維持秩序
雖然我見到D人違規﹐不過我都無捉佢﹐只係警告就算
天氣十分熱﹐我果班又無人參加﹐所以都好悶
差唔多兩點就完喇﹐後尾就同佐班舊同學食野(John﹑肥楊﹑鵬等等)

今日雖然無參加比賽﹐但係就係我人生最特別既一日
~~~~~~~~~~~~~~~~~~~~~~~~~~~~~~~~~~~~~~9月17日~~~~~~~~~~~~~~~~~~~~~~~~~~~~~~~~~~~~

哈利路亞~~~

>>September 17, 2003 at 4:01:17 PM GMT+8

2003 年 9 月 14 日 星期日 【晴】

結果星期日既祈禱會﹐我今日覺得學校既生活已經大有改善
雖然琴晚訓唔著﹐今日等唔到車﹐差D遲到﹐不過我就係0係呢D情況下識到一個新同學
佢唔係我果班架﹐而且係之前佢識我﹐我唔識佢﹐佢仲可以講得出我咁難講既名添
雖然我第一次識佢﹐但係就唔係第一次見佢﹐因為之前我幫詩敏去協同既時候見過佢
當時佢俾我既印象都好深刻(佢有兩科B﹐不過13分﹐本來讀協同無問題﹐可惜到佢就無位喇)
哈哈﹐呢D都係我之前積落既福黎架﹐又或者係佢既福啦﹐因為神俾我遇到羊仔﹐我點會放過

今日有成三堂既空堂﹐我如常坐係同一個地方發‘拗抖’
後尾就有我地班一齊自修既同學教我點做功課﹐真係好呀
因為佢係新同學﹐後尾佢地仲同我訴苦﹐令到我對佢地有好大改觀
佢地同我講D比較深入既野﹐我睇得出某程度佢地都認為我係好人掛~~~

我認為呢D都係基督徒同一般人與別不同既地方
感謝主~~~~因為平時我都唔會主動去識人﹐但係 神就不斷咁令我可以識到好多既同學﹑朋友
好似今日咁﹐我乜都無做過﹐就已經有三個新朋友喇
希望D朋友多得黎又可以成為知己啦

哈利路亞~~~~


>>September 16, 2003 at 1:58:38 PM GMT+8

2003 年 9 月 10 日 星期三 【晴】

今日係中秋正日呀﹐AXA返工果幾個人一齊去佐尖沙嘴捧區生場
令我喜出望外既係區太﹑頌恩同IVY都有去呀
而家我地聚埋一齊食野既機會﹐隨住日子而漸漸減少喇﹐所以我地慢慢食﹐爭取時間見面
食完就係尖沙嘴附近行下﹐賞月~~~

記得上年都同區生一家過架﹕2002年9月20日 星期五
下晝﹐我好肚餓﹐同另外一個人去YES買包食﹐佢仲請我食添
果日有個中秋感恩會﹐睇電影既﹐之後我地一班人去‘棕櫚’食飯﹐隨即就去佐車屋企
可惜又係睇戲﹐所以我地班年輕人去玩Bridge同去球場燒蠟燭﹑數字球
好夜喇﹐我地(浩倫﹑John﹑阿珊﹑詩敏﹑域拖﹑家寶)一齊行去小西灣﹐去浩倫屋企bridge天光
-----呢朝﹐我望住窗外既景色訓﹐唔係因為中秋景色靚﹐而係我可以見到‘我可以見到既野’

原來咁樣就已經過佐一年喇﹐真係好快﹐呢年入面有好多好多既變遷
單單係我既性格﹐就已經有好多既改變

哈利路亞~~~




>>September 12, 2003 at 1:31:33 PM GMT+8

2003 年 9 月 6 日 星期六 【乍寒還暖】

我只在乎你

我們兩個到底是不是朋友？你曾經告訴過我，但我不記得了。
現在請用真心再說一遍，那麼我就可以說：
我在這裏，因為你。在所有我認識的朋友當中，你是讓我永難忘懷的一個。
如果我比你先走一步，我會在天堂（我確信我會到天堂）等待和你重逢。
什麼叫做緣分呢？
一見鍾情？相知相惜？平平淡淡？日久生情？
我想......
只有真正努力的人，才能遇上好緣分。
親愛的朋友，想對你說三個感謝 ...
（第一） 謝謝你讓我走入你的生命，作你的朋友，
或許我不是你最精采的，但是我總是盡力作到最好。
（第二） 謝謝你願意走進我的生命，扮演朋友的角色，
或許你不是最好的，但卻是我生命中最精采的。
（第三） 謝謝你這一路走來,很多的包容、安慰、關心、 用心......
所有的深刻都在你給我的回憶裡.
在這美麗的星空裡....你在想誰呢??
我就當然想起你啦 －－ 親愛的好朋友，
有緣做到朋友是很難得的，只要大家將心交出來，沒有事情是不可能的，
不過千萬不要勉強，right？
人的思緒是複雜而凌亂的...當夜深人靜時..你會想起誰？
我會想起，與各位認識的種種...也會想起，發生過的點點滴滴...
直到我們都年老時...
是否會像現在這樣，坐在電腦前互訴心聲？
我想.........到那時候...大家都已經老到無法打字了吧。
不管如何，我們永遠是最真誠相對的好朋友。
繁星點點，跨越銀河能否與妳相見？
不怕遙遠，只盼此刻飛奔到妳身邊。
往事如煙，魂縈夢牽，增添我心中思念；
縱然追尋萬年，今生的情緣不變！

朋友就像是奇妙的寶物帶給我們歡樂～
-----------------------------------------------------------
love u all...............
如果沒有遇見你 我將會是在哪裡
日子過的怎麼樣 人生是否要珍惜
也許認識某一人 過著平凡的日子
不知道會不會 也有愛情甜如蜜
任時光匆匆流去 我只在乎你～～～

心甘情願感染你的氣息
人生幾何能夠得到知己
失去生命的力量也不可惜
所以我求求你~別讓我離開你
除了你我不能感到一絲絲情意

如果有那麼一天 你說即將要離去
我會迷失我自己 走入無邊人海裡
不要什麼諾言 只要天天在一起
我不能只倚靠 遍遍回憶活下去



>>September 7, 2003 at 1:31:45 PM GMT+8

2003 年 9 月 5 日 星期五 【乍寒還暖】

今晚教會有個感恩會﹐雖然我第一次臨時拉夫做powerpoint﹐做落又有D驚
但係都無阻我參加呢次感恩會既雅興
做powerpoint都有好處架﹐因為可以邊做邊跪﹐唔駛理其他人
不過就認真略嫌比較少人參加喇

今日係頌恩最後一次參加團契﹐基本上佢係團契既主要骨幹
在公﹐平時佢為教會做司琴﹑影印﹑聯絡......好多事務﹐之後好多野都要分俾我地做lu
在私﹐佢平時又叫我細妹番教會﹐佢一家都好照顧我地
我可以咁快溶入教會同浸禮﹐完全都係因為區生一家
你走時﹐我都送埋同區生一樣既歌詞俾你啦
在教會裡再相遇啦~~~~願耶和華永遠保護你

~~~~~~~~~~~~~~~~~~~~願耶和華在賜福給你﹐願耶和華永遠保護你~~~~~~~~~~~~~~~~~~~~~~~~


>>September 6, 2003 at 4:38:47 PM GMT+8