2003 年 8 月 14 日 星期四 【晴】

今晚係ACM第一日呀﹐全場爆滿~~~~~感謝主
今次我第二次參加﹐無因為呢個原因而感到唔投入
反而一開場就有眼濕濕既感覺
希望聽晚會有更多人決志信主﹐同埋ACM可以籌到多D既錢啦

今晚ACM既主題係信心﹐講佐好多對神要有信心既見證
我既靈修分享都講過﹕為神做事﹐都未必可以有好既回報﹐可能仲要受苦添﹐所以信心好緊要
估唔到我又有考驗﹗唔係話我信唔過你既安排﹐只不過次次都係咁﹐會令我......
不過今次既我已經唔同晒﹐今次我要~~~~~~~~~~~~~~~‘信心’面對﹗﹗﹗﹗﹗
我對神有信心﹐求神賜我勇氣面對﹗
感謝主

>>August 15, 2003 at 5:00:25 PM GMT+8

2003 年 8 月 12 日 星期二 【晴】

首先﹐希望患病既肢體可以盡早康復啦~~~

而家唔駛返工﹐所謂無事一身輕﹐又再開始無枉管既生活
訓覺﹑起身﹑食野時間都唔需要控制﹐隨‘身’所欲
如果唔駛擔心其他事﹐淨係咁樣過一生既話﹐都幾棧﹐事實偏偏事與願違

‘黑哥’佢話自己今晚好大獲﹐原來係為佐D私人既事
佢就係咁吽佐成晚﹐用已經悲哀既小提琴﹐拉埋D幽怨既曲﹐我就緊係陪佢吽啦
我最中意陪人渡過開心同痛苦既時刻架喇
諗住開解佢﹐點知仲俾D沉重既氣氛感染埋﹐察覺自己原來都唔係0係一個樂觀既位置
最後我就比佢更加自閉~~~
‘黑哥’﹐希望彼此都可以共度時艱啦

>>August 13, 2003 at 4:23:33 PM GMT+8

2003 年 8 月 9 日 星期六 【晴】

問完好幾個人既意見﹐我毅然辭佐而家做緊果份工
普遍黎講﹐我呢個決定都幾受歡迎﹐可能因為D人唔想有一個做保險既朋友掛

到目前為止﹐應該所有既中五學生都決定佐自己未來一﹑兩年既方向
每人所有既恩賜都唔同﹐好好利用神俾我地既優點呀

今日我又剪佐頭髮呀~~~~~Cool

>>August 9, 2003 at 5:03:02 PM GMT+8

2003 年 8 月 5 日 星期二 【晴】

今日放榜喇﹐一起身就已經遲晒大到﹐覺得今日唔方會好運啦
一上佐巴士﹐唔知點解就開始唱‘感激基督帶領﹐恩典賜與我未停......’
之後就已經有人關心我既成績﹐我知我既前路一定係美好既
成九點幾先到學校﹐一到學校就派到我﹐連驚都無得驚
係打開份卷前﹐諗住目標係十二﹑三分﹐慢慢打開後就發現充滿驚喜
六科arm arm 好14分﹐全部加埋仲18分﹐可惜既係英文唔合格......
第一時間我梗係感恩先啦﹐諗番由上年到而家﹐真係一直有 神帶領住我
上年8分有得repeat﹐係第一樣感恩﹐因為之前果年要13分架
最後揀科果陣﹐反而係最苦惱既事
最後問完老師既意見﹐佢地一致應同我揀文科
雖然我覺得D課程同我之前果3年好唔同﹐不過我應為好有挑戰性(英文理科挑戰仲大)
最後都接納佐意見﹐揀‘GPA’同‘企業’
希望下年會收心養性﹐讀下書啦﹐同埋最緊要係英文一定要合格﹐如果唔係就白讀

我都希望成績唔好既弟兄姊妹唔好再對成績灰心﹐同埋信靠 神會俾我地有出路啦
而搵緊學校既弟兄姊妹就可以係聽日入到理想既學校啦




>>August 6, 2003 at 1:52:23 PM GMT+8

2003 年 8 月 3 日 星期日 【雨】

區生今個星期終於都宣佈佐要離開呢間教會喇
佢一家可能唔止要離開教會﹐可能仲要離開香港﹐去外國過新生活
教會入面好多弟兄姊妹都好唔捨得佢地一家﹐當然都包括我在內啦
而我就更同佢地一家唔多唔少都有D‘啦楞’﹐佢地成日鼓勵我參加教會活動
我融入教會﹐除佐係 神外﹐最主要都係因為佢地
區生既事﹐其實一早都有先兆﹕
我由上年暑假開始﹐就無同區生一齊食飯﹐食既話都係自己俾自己果份
因為有一次﹐我同區生一齊食野既時候﹐見佢只係揀D最平既兒童餐食﹐一個大人食又點飽呀﹔
而且區生平時好‘閒’﹐崇拜完或者開夜更果時﹐佢都係去YES度買麵包....

無論如何﹐區生既離去已成事實﹐
希望大家禱告紀念~~~~

>>August 4, 2003 at 5:49:28 PM GMT+8

2003 年 8 月 3 日 星期日 【雨】

區生今個星期終於都宣佈佐要離開呢間教會喇
佢一家可能唔止要離開教會﹐可能仲要離開香港﹐去外國過新生活
教會入面好多弟兄姊妹都好唔捨得佢地一家﹐當然都包括我在內啦
而我就更同佢地一家唔多唔少都有D‘啦楞’﹐佢地成日鼓勵我參加教會活動
我融入教會﹐除佐係 神外﹐最主要都係因為佢地
區生既事﹐其實一早都有先兆﹕
我由上年暑假開始﹐就無同區生一齊食飯﹐食既話都係自己俾自己果份
因為有一次﹐我同區生一齊食野既時候﹐見佢只係揀D最平既兒童餐食﹐一個大人食又點飽呀﹔
而且區生平時好‘閒’﹐崇拜完或者開夜更果時﹐佢都係去YES度買麵包....

無論如何﹐區生既離去已成事實﹐
希望大家禱告紀念~~~~

>>August 4, 2003 at 5:44:55 PM GMT+8

2003 年 8 月 1 日 星期五 【晴】

你情人在那裡 心不心痛 試問我怎麼懂
你情人在那裡 與他見面才痛哭
在我這裡 只得招呼跟告別兩種
無聊地說著最近天氣太蠢
最後這份愛心無力贈送


>>August 2, 2003 at 2:17:57 PM GMT+8

2003 年 8 月 1 日 星期五 【晴】

日記式小說週記連載(第十六日)

2002年6月2日 雨
今日係戲劇比賽既日子﹐對於我黎講絕對唔係一個好日子。
我已連續經過十幾日既心靈創傷﹐根本毫無番學既動力。
當比賽開始既時候﹐個個人都好認真﹑好投入去做佢地既本份﹐
而男女主角就自然做得更加痴纏﹐更加肉。
我就由開始既一分鐘﹐到戲劇既結束都好睇唔過眼﹐好不忿。
但係諗深一層﹐寶琳又係我既邊個﹖佢同邊個一齊﹐根本就唔關我事﹐亦無須要問我呀﹗
我對佢黎講﹐只不過係一個三唔識七既白痴仔。
我今日真係心碎喇﹗
做完戲﹐個個都留低慶功﹑食野﹐我就由寶馬山一直跑﹑一直跑﹐一直跑番屋企。
呢個時候﹐雨又開始落喇﹐我記得半年前亦都做過同樣既事~~~~~~

每次我傷心既時候﹐都好中意用跑步黎發泄﹐只有跑步先可以將我既不快完全排出。
雨點再次洒係我既身上﹐汗水同雨水已經融為一體。
雖然我好難受﹐但係就真係好舒暢﹐我都決定﹐以後寧願淋雨﹐都唔帶遮出街。
因為我中意‘琳’

暫完~~~~~~~~~~~~~~~~~~~~~~~~~~~~~~~~~~~~~~~~~~~


>>August 1, 2003 at 5:45:01 PM GMT+8

2003 年 7 月 30 日 星期三 【晴】

今日域拖18歲既生日﹐不過我就無乜特別既準備就到佐教會喇
當然﹐我又整佐樣佢唔太適合既禮物俾佢﹐佢亦都好正常咁發脾氣
整體黎講﹐雖然同域拖慶祝既人唔係太多﹐我覺得域拖今日心情真係勁靚呀

佢上次都幫佐我唔少﹐雖然佢覺得無乜野﹐甚至唔知幫我D乜﹐不過我會記得架
希望佢繼續傻傻地﹑開開心心咁過每一日啦


>>July 31, 2003 at 5:00:51 PM GMT+8

2003 年 7 月 26 日 星期六 【晴】

敬拜營2003

今日諗佐好耐﹐終於都參加佐個敬拜camp
經過萬水千山﹐終於都到佐目的地﹐個個都行到身水身汗大臭味
一擺低野就上堂先﹐係咁上﹑係咁上
6點既就食飯﹐之後就開始敬拜既活動﹐先唱詩﹐仲有信息既分享
唔知點解﹐今次既野同平時大致上差唔多﹐但係氣氛就好好多
就算完晒整個過程﹐我地都仲繼續唱歌﹐唔捨得走
我地每人情緒都好高漲﹐大部份都訓唔著覺
番到房﹐而我就俾人趕佐出房到行添
德哥就同三個人係房........^^"
我走佐出黎諗住見下週圍D海景﹐發覺夜晚既長洲一D都唔靚﹐仲好恐怖
不過就有一份安祥﹑平安既寧靜
而且營入面既人﹐無人知我夜mang mang﹐係山上面週圍走....

第二朝一早就起身﹐食完野就實習敬拜﹐再食埋lunch﹐就離開長洲咯
‘個camp真係好有意義’-------我同德哥﹐仲有個個人都係咁講

>>July 29, 2003 at 6:07:00 PM GMT+8