2003 年 12 月 19 日 星期五 【乍雨乍晴】

今晚去佐一個爸爸朋友既女既婚禮(請飲)~~~
其實我都唔識佢架﹐不過媽叫到要我陪佢去食飯﹐咁迷去囉
係大會堂既美心皇宮度擺酒﹐延開50席﹖﹗﹗再睇睇門口既婚紗相﹐我都不禁嘆起---郎才(財)女貌
新娘係我所參加既結婚宴會中最靚架﹗新郎讀喇沙﹑足球﹑籃球隊長﹐越野冠軍....開50席.....
好幸福﹐好幸福....好羨慕﹗而且仲係教堂搞婚禮﹐即係話佢地仲係基督徒添.......

食飯前都係好多人所選既做法﹐播佐一D佢地懈逅既片段﹐真係好幸福.......

食飽都成11點﹐番果時凍到抽筋﹗

願人人都幸幸福福﹐唔好經歷咁多波折...
哈利路亞~~~

>>December 21, 2003 at 1:36:54 PM GMT+8

2003 年 12 月 18 日 星期四 【乍雨乍晴】

今日學校搞聖誕聯歡﹐有D班好多野食﹐而我果班就無乜野食 ......
不過聖誕聯歡都係最緊要聯歡姐﹐見到璇璇整佐一盤餃子番黎﹐真係十分之感動﹐為呢班錫果僅存既食物加添色彩﹗
後尾﹐佢仲送我一份少少既禮物~~~的確十分偉大﹗﹗﹗
本來諗住玩既游戲﹐因為大家都掛住影相﹑傾偈﹐都無乜點玩......
放學我地去佐踢波﹐今日我狀態勁 fit 呀﹐成條左路俾我走晒﹐兼入佐一球靚波﹗
開始放假 lu﹐唔知得唔得閒溫書呢﹖

哈利路亞~~~

>>December 19, 2003 at 5:54:22 PM GMT+8

2003 年 12 月 16 日 星期二 【乍雨乍晴】

呢排無乜點訓﹐時間好多﹐所以覺得時間過得好慢﹐而我就心力交瘁... ...(~_~)

星期一
我點零鐘去教會借野﹐本來呢個鐘數教會係無人架﹐但係我都撞到麥Sir﹐湯太﹐車媽咪
好好彩俾我再次遇到神恩﹐借到野
佢地即刻為我既近況祈禱... ...
一坐低﹐麥Sir按手我﹐我D眼淚就開始湧流而出﹗我都想開聲講野﹐訴說近來既辛酸
好辛苦先谷佐‘主呀’兩字﹐相信‘我舌頭上的話﹐他沒一句不知道’
D淚水好似瀑布咁激噴(最勁一定係呢次)﹐車媽咪俾佐張紙巾我﹐一抹即刻成斤重... ...
我將所有既﹐都交托晒俾佢﹐而事實上﹐我只能咁做

琴日既Listening﹐今日既演講﹐都考得唔好
今晚應該暫時可以訓好D喇

哈利路亞~~~

>>December 17, 2003 at 3:58:44 PM GMT+8

2003 年 12 月 14 日 星期日 【乍雨乍晴】

施源幫到手﹐再好也沒有~~~~講過就係架喇﹐放假就麻煩你喇
最浪費時間既事﹐原來係訓覺﹗
放假既時候﹐一訓就過佐好多個鐘﹐覺得無咩做過
平時訓得少既時候﹐感覺上做佐好多野﹐踢波﹑上課(都係訓)﹑上網.....

雖然放假﹐但係我唔想訓咁多......

哈利路亞~~~

>>December 15, 2003 at 1:52:59 AM GMT+8

2003 年 12 月 12 日 星期五 【乍雨乍晴】

Yahoo~~可以溫既科目已經考完喇﹐提早慶祝(過)聖誕...
今日好似係最凍既一日﹐無損我踢波既興致
之前考試﹐我終於都可以講‘寫佐4版半唔知夠唔夠’﹐但係其他人寫佐6﹑7版﹐好明顯我又脫節
AL既考試唔係考我地識幾多既﹐根本就係鬥快寫字﹐寫得多就勁﹐所以香港既教育真係要改革
星期5考B.S(企業)﹐見係last一科﹐谷佐成晚溫﹐D野我識答晒呀﹐但係唔夠多呢
5題答7版﹐我認為自己已經好好﹐點知有人一題論述題都答佐3﹑4版﹐仲要加紙.....香港教育係罰抄書...
聖誕節......不停打邊爐.......個個星期一擠.......怕怕﹕D (呢個係咩符號黎呢)

哈利路亞~~~

>>December 13, 2003 at 5:56:11 AM GMT+8

2003 年 12 月 12 日 星期五 【乍雨乍晴】

係咁輕機﹐搞到打唔到日記~~~~

>>December 13, 2003 at 5:44:49 AM GMT+8

2003 年 12 月 8 日 星期一 【乍暖還寒】

好野﹐又考試喇﹗
由細到大我都好中意測驗同考試﹐因為可以唔駛番學丫嘛~~~ ^^
目前為止﹐考佐Writing﹑Lang﹑聆聽﹑實用文連閱讀(呢D比較好既)同中化習題(好差)
聽日考英文既唔知咩Skills同GPA
GPA有D驚﹐始終我都係理科仔﹐平時無乜點聽又無乜點做功課﹐唯有今晚趕工啦.....
D中化題目我諗極都係一句起兩句止﹐稍下隔離D人﹐個個密密麻麻寫滿字﹐又裸紙又剩
我張紙D字大件不特止﹐計埋隔行都係得兩版半(答晒兩題)﹐聽到隔離話﹕‘4版半唔知夠唔夠添’
我仲膽粗粗話﹕‘差唔多啦﹐下次寫快D囉’
.....希望下次講‘4版半唔知夠唔夠’果個會係我啦(呢排我竟然著緊佐自己既成績﹐以前都未試過)

哈利路亞~~~

>>December 9, 2003 at 1:58:47 PM GMT+8

2003 年 12 月 6 日 星期六 【乍雨乍晴】

‘我想做好人.....’
琴晚﹐我忽然好想搵個人可以盡情咁傾訴﹐傾訴連日黎一連串既發生既事﹗
唔知係我搵佢 or 佢搵我﹐最後我都凌晨兩點落佐去同一個畢生既知己盡情咁大訴一番~~
我地有感而發﹐諗到乜就講乜﹐完全無晒顧忌﹗完全對對方係一塊鏡﹐講佐好多心中情﹗
人生得一知己﹐夕死可矣﹗暢飲談心﹐感慨無限﹗
講下講下﹐去到激情既位﹐不免做出好多平時一定見唔到既動作﹗
訴說一D無可奈何既事﹐忍唔住都爆番幾句粗﹐立時安落晒﹗講到開心既事﹐拍晒手咁戥對方開心﹗
做朋友既當然坦誠相對啦﹐有一個知道自己所有秘密既知己﹐真係願意為佢出生入死呀
我地講佐好多野﹐講 神﹐講教會﹐講朋友﹐講感情﹐講踢波﹐講家庭﹐講過去﹐講未來......
發覺﹐原來以前相識﹐係一件幾巧合既事﹗
因為大家既機遇﹐做就佐而家既我地(好玄)~~就連而家大家心中既對象﹐都同彼此有不可劃分既關係
可惜既係人係有體力既極限﹐六點幾七點先番去訓佐一陣........永遠的兄弟﹗永永遠遠﹗


番到教會﹐一種環繞住我剋人憎既衰感覺依然揮之不去~~~唉﹗無可解釋﹐十分模糊﹐但又十分實在﹗
感覺出於人﹐點解人唔可以控制自己既感覺﹖(如果人可以控制感覺﹐生存仲有無樂趣呢﹖機械人﹖)
我想做好人﹗施比受更有福﹐我唔想做無奈接受果個呀﹗
我覺得自己好似欺騙緊班大人既感情﹐佢地係唯一真正唔想我地離開既人﹐真正關心我地既人﹗
我諗起一句說話﹕傷人的事﹐都是對最愛的人而做的。
只有著緊我地既人﹐先會俾我地既言行所帶動﹐無奈﹐我的確身不由己......><

哈利路亞~~~

>>December 7, 2003 at 1:03:15 PM GMT+8

2003 年 12 月 4 日 星期四 【晴】

問大家一個問題﹐世界上用咩方法殺人﹐唔需要付上法律責任﹖
星期四我地上佐堂宗教堂﹐內容係墜胎(IQ題答案)~~~
墜胎其實係大衛城都有講過﹐但係有D野叫唔親眼睇過都夠震撼------人就係咁衰架喇~~~~
上次都係親耳聽吳振智講﹐覺得墜胎係件唔好既事﹐無論咩原因﹐都唔可以做
今次我地睇埋VCD﹐解釋墜胎既過程........>< (唔嚇得既唔好睇間線內既文字﹗)
===================================================================================
‘醫生用鉗去敲個羊膜﹐仲清楚見到個BB有眼﹑口﹑手腳.....醫生一撩﹐個兩個月既胎兒竟然識得閃避﹗由中間不斷走去最高既地方-----“他”係唔想被殺﹗“他”係有思想﹗“他”係一個生命﹐係一個人﹗﹗他不斷在母腹中掙扎﹐不停腳young young...羊膜穿佐後﹐醫生用強力吸管將BB吸出------BB 既手腳被吸走﹗(異常恐怖><)淨番個頭唔出得.....之後用大D既鉗夾住BB僅餘既頭﹐用力-----Bier~~~爆佐﹗吸走﹗’
===================================================================================
我一路打﹐一路手震﹗好悲慘﹗好恐怖﹗好震驚﹗諗唔到其他形容詞....一個人就咁慘死><
美國平均每日接近10000宗墜胎手術﹗的確係一個好大既數目

天主教相信﹐被墜胎既BB會去一個叫‘煉薄獄’既地方=短暫既地獄
BB無罪都要去地獄﹖﹗無罪﹐的確唔會去地獄﹗但係BB係有生命﹐有思想﹐佢係唔想死既情況下被殺
係懷住憎恨而離去﹗憎恨他們的父母﹗所以會去地獄(一段時間會去番天堂)

大家睇緊野既朋友﹐你地應該要感恩﹕因為你地而家有機會睇緊野
應該感恩﹕因為你地有一對愛護你地既父母
絕對唔明白﹕點解會有人用自殺黎了結自己既生命﹖

大家要好好珍惜生命 Wo......
吸塵機......肉醬意粉......嘔 >< .....

哈利路亞~~~

>>December 6, 2003 at 9:03:55 AM GMT+8

2003 年 12 月 2 日 星期二 【颳風】

今日我終於趕晒積佐成兩個星期既功課喇﹐最近我終於肯落苦工做功課﹗
感覺上我好似努力佐﹐但係其實我只不過做番原本應該要做既野姐~~~
雖然係咁﹐但係身邊既同學已經覺得好好奇(我都仲有時訓覺﹐不過少佐)﹗
佢地唔敢相信我會空堂時會趕工﹑上課做要做既功課 ^^

總括黎講﹐我歸納佐幾個原因﹕
下星期就考試﹐我仲有好多野唔識﹐唔可以再唔努力啦~~~
英文test合格﹐得佐好多鼓勵~~~
呢排好開心﹐做事就自然變得好積極~~~
考試到喇﹐由細到大我既成績都唔會墊底﹐因為驚面對失敗感而奮力讀書~~~

今日放學去佐踢波﹐唔記得裸件底衫走﹐唔知有無俾人裸走佐呢 ~_~
喉嚨痛﹐有D咳﹐或者真係崖病佐......

哈利路亞~~~

>>December 3, 2003 at 1:27:44 PM GMT+8