2004 年 1 月 12 日 星期一 【乍雨乍晴】

computer is downing!

>>January 13, 2004 at 4:13:02 AM GMT+8

2004 年 1 月 8 日 星期四 【颳風】

2003年回顧篇 (6)

5月2日﹕祈禱會(教會)入面﹐第一次分享自己既代禱事項。之後有麥SIR領禱。感謝~~
5月14日﹕呢年入面﹐第一次兩個星期無寫日記(可能已經無野值得記低)
5月29日﹕又係超過兩星期無記低發生佐咩事(可能已經被某些原因所影響到﹐又或者係會考) ﹐總之黑色5月已經過佐﹐而家上緊保險既課程。

>>January 8, 2004 at 4:11:06 PM GMT+8

2004 年 1 月 7 日 星期三 【微冷】

鄭重多謝施源為我搞好部電腦~~

2003年回顧篇 (5)
4月5日﹕無番團契﹐番佐深圳掃墓。當時SARS已經出現﹐出發前﹐有個團友叫我﹕'小心D呀﹗' ﹐都幾感動~~
4月6日﹕梁姑娘講道。經車媽媽既介紹﹐忽然好想拋開一切﹐同車一齊去台灣讀書。
4月9日﹕唔記得因咩事番教會搞野﹐有D人有黎﹐有D人無黎
4月15﹑16日﹕下晝番教會﹐搞D遍傳既幕後工作(釘旗) ﹐當時覺得為教會工作﹐係一件好開心﹐好有意義既事。爸爸既檢查報告出佐。。。
4月19日﹕東區遍傳﹐又係參加佐呢次活動﹐再次俾我見到D嚴重唔想見到既野﹗令我第一次覺得﹐為神做事﹐並唔係會有好結果﹐開始對神既安排有意見。於是﹐遍傳本來要做既攤位﹑佈道都無做過﹗週圍無聊咁行﹐期間發覺有好多人都無傳福音啦﹐駛乜咁自責喔。
4月26日﹕夜晚去佐遍傳既祝捷晚會﹐我覺得好慚愧。

>>January 7, 2004 at 4:36:48 PM GMT+8

2004 年 1 月 5 日 星期一 【晴】

2003年回顧篇 (4)

3月1日﹕踢波﹐無番團契。
3月7日﹕祈禱會﹐都無講到代禱事項。
3月9日﹕第一次俾車剪完個頭﹐番教會。引起部份驚訝(區生唔敢俾佢剪﹐DEBBY話型﹐麥SIR話都想剪) 呢日係皓中去美國既日子﹗
3月15日﹕團契生日週﹐我做主席(上年又係我) 。
3月16日﹕早堂拉‘我的心﹐你要稱頌耶和華’ ﹐我覺得係拉得最好既一次。下晝﹐好多人去佐培靈會﹐我無去。後尾見到珊﹐幫佢看住D袋﹐不過同佢無講野。
3月23日﹕東區遍傳練兵﹐第一次出現佐D嚴重唔想見到既野﹗呢D無奈既情緒﹐令我一個星期都唔開心﹗(因為遍傳令我唔開心﹐所以決定以後都唔參與遍傳活動)
3月30日﹕首次的靈命低潮(23--30日) ﹐無靈修﹐無祈禱﹐無快樂......今日車生日﹐玩佐成晚﹗
3月31日﹕區生同頌恩一早打俾我﹐叫我參加‘浸青’ 同解決佐我靈命低潮既問題﹗令我重新振作﹗多謝區家﹗

>>January 5, 2004 at 4:29:54 PM GMT+8

2004 年 1 月 4 日 星期日 【乍暖還寒】

今朝派佐GPA份卷﹐我差一分先至合格﹐讀佐半年﹐都唔係好清楚要答乜
最重要既係寫得唔夠快﹗
下晝有事我早退佐﹐不過施源答電話俾我﹐話中化我最高分﹗﹖真係難以置信呀﹗
我都未親眼睇到﹐所以未證實﹐不過我絕對信得過施源既~~ ^^
另一方面﹐我又有D慚愧﹐中化果幾份卷﹐我真係無溫過架。我都知自己文化篇章同演講做得唔好。
所以聽到呢個消息﹐我的確唔多相信自己隻耳。(咁講可能我作文超高分)
我擺佐最多時間落去企業科﹐通常我認真既科目﹐反而考得唔好﹐睇下聽日點啦~~~

哈利路亞~~~
===================================================================================
2003年回顧篇 (3)
2月2日﹕今次崇拜好少人﹐有人番佐大陸(佛山﹑台灣......)﹐過年嘛。
2月7日﹕祈禱會﹐呢次係新形式﹐有LEWIS帶。我無講到代禱事項。
2月8日﹕團契去域拖屋企(大埔) ﹐細妹都有去呀﹐係第一次參加團契既活動。第一組D人可能細D﹐無乜人去﹐好彩細妹都話唔悶姐。(我俾佐一百蚊買野﹐好似無人記得還俾我)
2月21日﹕最後一次上‘三福’ ﹐詩敏帶佐部新相機係咁影﹐我同域拖影佐張合照(成年唯一既合照)
2月23日﹕媽都番教會喇﹐參加佐愛筵。之後同德哥週圍行﹐行佐幾個鐘﹐從而家開始﹐同佢熟落。
2月25日﹕海婷出世喇﹗(扇婷﹑海光既細妹)好似好肥~~ ^^"
2月28日﹕去佐九龍城浸信會既佈道會﹐林牧師(穌哥show果個)講得好好笑。

>>January 5, 2004 at 8:45:47 AM GMT+8

2004 年 1 月 3 日 星期六 【陰晴不定】

2003年回顧篇 (2)
1月4日﹕我第一次做靈修分享﹐雖然準備佐成個星期﹐但係都係緊張﹐唔知自己講咩(已經足足番佐團契一年)。
1月5日﹕今日午堂幫LEWIS拉‘有一位神’ ﹐呢次係我初試啼聲(而家拉佐ARM ARM 一年) ﹐無乜拉錯﹐係唔夠大聲。
1月11日﹕今日的確無野令我開心﹐雖然係咁﹐但係我都信神會預備一條更好既路既﹗(點解咁早寫D咁既野既﹖我都係而家先知)
1月12日﹕已經收拾佐心情﹐享受崇拜。完佐後﹐幫IVY裸野去‘明棧’俾MARY﹐我坐佐係珊隔離。咁橋見梁姑娘送書俾佢﹐唔知咩戀愛既書﹐我果本係‘荒漠甘泉’ 。域拖詩敏番午堂﹐同佢地商量佐‘三福’ 改係星期五晚。之後﹐慶祝DEBBY生日。
1月17日﹕(琳生日)學校便服日﹐‘三福’ 重開同埋重新分組﹐編佐我同MARY一組﹐仲話要探訪珊/詩敏屋企。
1月18日﹕帶佐棋番團契﹐見珊剪短佐頭髮。
1月26日﹕域拖早堂做主席﹐不過遲到。早堂後﹐豪搭著ELAINE膊頭影相(咁都寫佐係日記﹖) 。區太‘秘密’ 叫我買蛋糕﹐區生話我係‘三福’ 班長﹐D慶祝活動由我搞。
1月30日﹕今晚既‘三福’ 好齊人---我﹑家寶﹑浩倫﹑車﹑頌恩﹑域拖﹑詩敏﹐仲有唔係上‘三福’ ﹐上堂時係圖書館既珊﹐後來黎慶祝既IVY。完佐‘三福’ ﹐開始切蛋糕。有人唔食芒果蛋糕﹗ANYWAY﹐我送佐隻電話套熊仔。MARY後來感動到喊。之後﹐一齊唱詩﹐‘一齊’ 行年宵------女仔一齊行﹐男仔一齊行。

>>January 4, 2004 at 2:37:43 PM GMT+8

2004 年 1 月 2 日 星期五 【颳風】

2003年回顧篇 (1)
我在2002年12月31日﹐對2003年既期望﹕
2003年﹐希望我係靈裡可以繼續成長﹐最緊要係熱情唔好減退﹗信靠 神﹐我相信一定可以得到更多既喜悅。今年會考﹐我一定一定要升到呀﹗我要努力溫書。希望同團契既團友有更好既關係進展啦﹗雖然我本日記(屋企果本)寫佐好多XX(秘密)既野﹐但係現階段﹐連我自己都唔知係咩關係﹐根本完全無交流。
始終都係﹕見步行步啦﹗

2003年過去先至睇番呢日寫既野﹐發覺原來無一樣做得到(除佐升到中六)。可能最大既原因係我未睇番呢日寫過既野掛 ><...
做唔到既包括﹕
1)希望我係靈裡可以繼續成長﹐最緊要係熱情唔好減退 >_<...
2)信靠 神﹐我相信一定可以得到更多既喜悅 ~_~"
3)希望同團契既團友有更好既關係進展啦 (唉~~~)

睇番﹐真係好慚愧﹗

>>January 2, 2004 at 5:17:12 PM GMT+8

2004 年 1 月 1 日 星期四 【乍暖還寒】

其實退休會有好多好野發生架﹐無奈部電腦開唔到﹐寫寫下又無佐﹐攪到無心機寫

上星期日既崇拜因為手痛﹑又累﹑又酸﹐所以拉得好差﹑好差
其實應該暫停唔好拉住既﹐但係我真係太耐無伺奉喇﹐所以就算無聲都要拉﹗
點知到佐最後一首歌﹐連條線都走埋音﹐逼不得已先至無拉~~
下次一定要perfect既伺奉﹗(區生話過我既技術進步佐)

除夕夜終於都過佐﹐好似乜都無做過咁﹐不過都夠我開心架喇﹗
遲D電腦許可(預計今個月內換)﹐會好似上年咁有DD既總結(2003年)

願人人都身體健康啦~~~
哈利路亞~~~

>>January 1, 2004 at 8:33:58 PM GMT+8

2003 年 12 月 26 日 星期五 【陰晴不定】

12月25日﹐我經過佐極大既掙扎﹐最後都決定參加26﹑27號既退修會
去之前﹐我係同神既安排有D要求﹐‘希望今次唔係我既最後一次﹗’

26日......
我以一個旁觀者既心態返佐教會﹐等緊出發
係車入面唱佐D詩歌﹐好似好耐之後就到大尾督喇(我地既目的地)
第一堂既敬拜入面﹐唱到‘給我清潔的心’時﹐忽然被歌詞帶動﹐開始有D領受
‘神啊﹐求妳不要離我而去﹐再次對我顯現你的榮面。不要﹐不要掩面不顧我﹐求你聽我的禱告’

>>December 30, 2003 at 4:16:36 AM GMT+8

2003 年 12 月 21 日 星期日 【乍雨乍晴】

爸爸信主了~~~~~~哈利路亞~~holy holy~~
只要係合乎 神心意既事﹐祈求就必得著﹗

今日下晝爸爸出院﹐Edward渣車送爸爸出院﹐之後車埋麥Sir上黎屋企同爸爸傳福音
平時我同爸爸講親耶穌﹐佢都有好多疑惑﹐講極都唔信﹐仲用好多理由去拒絕
雖然都係講我唔過﹐但係口頭上贏﹐爸爸仲係心唔服
聽住爸爸既決志﹐佢慢慢咁一句句將禱文跟住講﹐我真係好開心架﹗﹗ ^^
好彩今晚佢既神智十分清醒﹗可能經過佐呢次醫院既經歷﹐令爸爸知道人係主宰唔到‘屬於’自己既野
好似智慧﹑生命....佢上星期一入院時﹐所有思想都一片忞亂
雖然不至於有生命危險﹐但係見到無晒理智既爸爸﹐始終都好難受..... ~_~

今日係爸爸最精神既一日﹐自己都可以勉力行路﹐神智清晰﹐係D咁既情況信主都係一件好事
神既心意好難測﹐如果唔入院﹐又會唔會信主﹖無人肯定﹗
幾時到媽被拯救﹖

感謝為爸爸祈禱過的弟兄姊妹~~ ^^
哈利路亞﹗﹗﹗~~~

>>December 23, 2003 at 12:07:57 PM GMT+8