2003 年 11 月 7 日 星期五 【颱風】

首先要同各位組員道歉﹗好多時都係因為個人既少少抉擇而影響到好多人

IVY﹕好對唔住﹗我星期4無叫埋你既原因係因為知道中7既學業好緊逼﹐希望你多D時間溫書﹐而且弟兄姊妹亦都十分信任你打鼓既能力﹐大家都相信你今日練就可以有高水準﹐希望你都睇察到弟兄姊妹既苦心﹐讓你盡量有多時間休息~~~
KAREN﹕對唔住﹗我真係唔知咁都傷到你~_~ ﹐係我疏忽佐你既感受...果日又好唔好彩﹐撞正你去BBQ﹐其實我地都好希望你當時可以彈琴架﹐因為D歌譜(數字)除佐我﹐得你一個係比較可以睇得明白架咋
ANNA﹕十分抱歉﹗當日浪費佐你好多溫書既時間﹐令你唔可以專心溫書﹐而且我寫既譜(根本唔算係譜)根本無可能睇得明﹗叫佐你黎幫手﹐令我反而覺得好似係玩你咁。你肯黎幫手﹐我真係已經好感激架喇
DEBBY﹕身為組長﹐令你受鬧﹐我實在過意唔去﹗我明知D歌唔可以咁快唱住﹐又要你食佐只死貓﹐D乜鬼先斬後奏雖然係成功﹐但係就釀成好多不愉快事件發生。我唔係推卸責任﹐我只係希望你能夠體諒下我希望德銘可以揀到佢有感覺既歌唱。每個人都知﹐只有touch都自己既歌﹐先可以touch到其他人...我都明白同我一組既組長係好難做架﹐sorry......
MAGGIE﹕雖然我睇到你第一次喊﹐不過我真係唔係特燈﹗你明啦﹐德銘唔單只呢件事......而且德銘揀既歌﹐都好arm我﹐所以我知佢揀呢D歌﹐我係全力支持架﹗


主呀﹐淚流表現出軟弱﹐亦表示悔過。呢件事係有好多疏忽﹐好似人人都有責任﹐但係人人都無錯。因為我地每人既出發點全部都係善架﹐無人含有半點罪既心﹐而且每人都係希望好好侍奉主﹐我們的 神。正因為人人都想盡全力全心﹐反而令各人不知所措。
Lewis好希望訓練一班高質數既敬拜隊﹔Ivy好有責任心﹐唔想放棄打鼓服侍既機會同感覺被遺棄﹔Karen十分熱心侍奉﹔Anna好想可以彈奏到歌曲﹐一齊敬拜﹔Debby好照顧各人既需要﹔............
雖然我唔係 神﹐但係我睇得出件事係無人要負責。好感謝 神俾我地透過今次去讓我地可以明白更多弟兄姊妹各人唔同既需要﹐讓我們都成熟了。好似我咁﹐一直讀男校﹐好多時都係意氣用事﹐忽略女仔既感受。呢次既教訓﹐係一個得著﹐一般既情況﹐我都唔會聽到咁多女仔們唔同既需要。事實上﹐我一直都無太過主動﹑體察同理會過佢地。因為男女既溝通方法好唔同﹐亦都希望各姊妹接受﹑包容我既錯誤同道歉。
無論邊個﹐都有好多野都講唔出口﹐到宜家我都仲未講得晒。所有有聲無聲既道歉﹑禱告都全心交托......奉主名求﹐阿們﹗

最後的晚餐
哈利路亞~~~



>>November 8, 2003 at 5:21:31 PM GMT+8

2003 年 11 月 6 日 星期四 【晴】

施源~~~~好對唔住呀~~~~我竟然唔記得佐﹗﹗
下晝訓佐一陣﹐天昏地暗﹐乜都唔記得晒﹐希望你原諒啦~~~ ~_~"

今日都幾晒﹐PE堂正式接受訓練-----跨下第一欄﹗唔好亂諗呀﹐係正式咁跨第一個欄~~~感覺良好......
呢排跑得步多﹐好早就眼訓去佐訓覺lu﹐下星期好爽呀﹐頭兩日可以早走﹐第3日放假﹐yeah!!!
再下一個星期就係測驗週﹐本來好驚﹐不過而家好開心﹐因為原來好似考試咁﹐測完就閃~~~
今日終於都出事喇﹗﹗我做Prefect果度因為經常習慣性無出現﹐所以俾人散﹗
其實我都想劈炮好耐架喇﹐呢D咁有規律性既厭惡性工作真係唔多習慣.......

聖靈既果子分數(自我評分﹐100分滿分)﹕
仁愛﹕IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII-------------->80
喜樂﹕II ------------------------------------------------------------------------->31
和平﹕IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII-->86
忍耐﹕IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII ------------------------------------------------>56
恩慈﹕IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII -------------------------------------> 62
良善﹕IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII--------------------->76
信實﹕IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII -------------------------->73
溫柔﹕IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII------>83
節制﹕IIIIIIIIIIIIIIIIIIIIIIIIIIIIIIIIIIIIIIIIIIIIIIII -------------------------------------------------->54

聖靈既果子係耶穌既特徵﹐一百分即係代表果樣野接近耶穌既標準
雖然D數字自己編係無乜意思﹐不過裸黎自我景惕都未嘗不可
我想之後keep住每個月一次﹐希望唔好再有唔合格既果子啦(都幾好玩)

施源﹐sor呀~~~
哈利路亞~~~~

>>November 7, 2003 at 11:15:22 AM GMT+8

2003 年 11 月 4 日 星期二 【晴】

今朝終於都夠早起身﹐可以番學校去跑山﹐用佐10分鐘跑佐一轉
如果日日都keep住咁跑既話﹐我相信自己一定唔會係教區跑第尾﹐同下年既浸聯會一定可以裸到牌
晨早流流去跑山﹐呼吸一下新鮮既空氣﹐真係令人精神為之一陣

番到班房﹐見到好多女仔都渣住對‘筷子’係度織頸巾﹐知道親手織一條頸巾分分鐘係會貴過出面買
錢都唔係一個問題﹐最緊要既就係當中一針一針穿過線﹐再穿番出黎既‘誠意’﹗
問佐10個有9個都話係織俾人﹐相信無論邊個收到都一定會感動流涕~~~
如果係我收到既話﹐就算係夏天﹐我都會日日戴住﹗ ^_^"

今日星期三呀﹐我今日終於趕完所有既功課﹐之後又係訓覺既好時機
我之前講既溫書計劃﹐其實就係0係屋企溫書﹐上堂做功課﹐唔俾自己訓覺
估唔到唔夠兩日D功課就做晒﹐希望上堂唔好再訓覺啦
另外﹐我日日都睇明報既E4版學英文﹐得閒既時候就夾雜一﹑兩句英文show下野
今次英文會考合格既話﹐就真係舒服喇﹗因為就算去唔到中7﹐都可以做警察﹐唔駛煩搵工~~~

相信主一定會保守既~~~
唔希望再聽到有識既人有患病既消息... >_<
哈利路亞~~~

>>November 5, 2003 at 2:09:41 PM GMT+8

2003 年 11 月 2 日 星期日 【晴】

今日係Day 6呀﹐有成3堂空堂﹐我又裸晒黎休息
本來諗住今日空堂做功課﹐但係我目光遠大﹐見聽日都仲有空堂﹐所以又留到聽日......

2月4日﹐係天主教區陸運會﹐阿SIR點佐我參加400欄同4X400
所以而家開始﹐我決心每朝一早去學校同施源一齊跑山~~~
‘跑山’呢個名詞以前講得好多﹐但係真係未正式跑過﹐未佐唔要包艇﹐一定要‘秘密’練兵

今日靈機一觸﹐諗到一個好適合自己既溫書方法﹐希望可以Keep住實行啦
我都唔想堂堂訓覺﹐次次都訓到腳軟~~~~

(黎緊既星期六團契有游戲玩﹐最好唔好又有衰野發生啦)
哈利路亞~~~

>>November 3, 2003 at 3:12:00 PM GMT+8

2003 年 10 月 31 日 星期五 【微冷】

今晚我果班(6WI)去石澳搞佐個BBQ﹐咁arm今日AXA國衛既同事又去果度﹐我可以做兩頭蛇
我大部份既時間都係同同事一齊﹐好少同同學一齊﹐只不過間中蒲下頭咁啦
經過今晚既 Truth or Dare ﹐我先知道之前聽佢地玩既過程係幾咁無刺激感﹐係小兒科﹗
根本就係大象同老鼠既分別﹗又或者蚊脾同牛脾﹗再唔係就係雞蛋同石頭既分別﹗
我有呢D感慨﹐都係因為我又睇到班人玩﹗﹗﹗
佢地點玩﹖
我又唔係呢度講呀﹐要知就自己問我啦﹐真係玩到無底線~~~
番到筲基灣﹐我同頌德慢慢行﹐行到差唔多先番屋企

今日睇佐 《Milk》 ﹐Fariea真係入佐裡面呀

哈利路亞~~~

>>November 1, 2003 at 4:44:47 PM GMT+8

2003 年 10 月 30 日 星期四 【微冷】

個日記壞佐成個星期﹐呢個星期都發生佐好多特別既事﹐可惜而家唔可以盡錄
我始終覺得日記要即興﹐先至夠全神﹐因為感覺始終唔夠實在﹐會變﹗真係要好好珍惜而家
我都決定係我既日記入面﹐加多D既修辭手法﹐增加彼此既中文水平
係呢段壞日記既日子裡面﹐班房出面既花﹐開佐又落﹐落佐又開﹐果然充滿秋天悲涼蕭瑟之景

過去既已成過去﹐最緊要珍惜現在~~~
今日雖然萬勝節﹐但係我地一班前年聖記5CH既大部份人﹐竟然聚埋一齊慶祝
我地唔係慶祝萬勝﹐而係搞細細地既謝師宴
我地一黎就玩人同俾人玩﹐捉住D arm arm 入黎既同學玩包剪鎚﹐講明猜輸要飲酒
佢地通常都傻更更咁應承﹐當然﹐一定會係新玩既人輸(因為係猜包鎚)
食野都係其次﹐最緊要係聯絡下無見兩年既感情﹐咁多人一齊玩﹐嘈到拆天呀
過去雖已成過去﹐青春追唔番﹐但感情唔會真係丟淡~~~
偶然有班朋友聚聚舊﹐都係一種釋放﹐真係好耐無試過大顛大吠大叫喇﹐如果多D人可能會更好

哈利路亞~~~


>>October 31, 2003 at 5:07:02 PM GMT+8

2003 年 10 月 22 日 星期三 【微冷】

琴日係陸運會既第二日﹐超悶﹗好彩有個電話姐﹐我參加佐4X400
當我跑既時候﹐已經落後佐幾個身位﹐我搏命追﹐超快﹑超快(我自己認為)可惜都追唔到人
係我跑到淨番100米既時候﹐我聽到好多﹑好多﹑超多既同班同學為我打氣﹗(唉乜都聽到)
真係好感激同學既熱情﹗死人馮SIR唔抵得咁同我地講﹐話D打氣聲太嘈﹐取消我地班既資格﹗
佢都痴線既﹗以為自己係乜水呀﹗邊有陸運會唔俾人打氣架﹗﹗﹗
無獎裸﹐點都唔會太開心﹐不過都預佐成績唔會太好架喇
走去換衫果陣﹐謝太(幾乎可以代表學校既一個老師﹐勁power過馮SIR)同我講﹐讚我跑得好快
又話D同學係度打氣﹐勁唉‘老馮’﹑‘老馮’﹐佢係entry都聽到﹑睇到......我都想同佢講﹐話我地就係差D因為咁而被取消資格
本來我諗住比完賽就呢埋講野﹐就係因為謝太咁撐我﹐所以我又做番prefect要做既野......

lunch﹐去佐麗晶食野﹐原來都唔算貴﹐有湯飲﹐有包食﹐有飯食﹐有凍奶茶﹐我又食唔晒呀.....
---------------------------------------------------------------------------------------------------------------------------
今日﹐隻腳已經跛佐﹐但係我都走佐去踢波
無論傳波﹑射波都係有心無力﹐踢佐幾個鐘﹐個個D力都差唔多既時候﹐先至入番5﹑6球
坐車番屋企果陣﹐有個細路女坐我前面﹐我諗兩﹑三歲度啦﹐佢好得意架~~~
我同佢一直玩到落車﹐但係佢既公公(或者爺爺)一直都好似唔知道咁﹐哈哈﹐佢真係好得意
好累呀﹗﹗﹗﹗﹗﹗﹗﹗﹗﹗連企都無力﹐都唔明點可以仲踢5個鐘波既......
==================================================================================
繼續禱告......

哈利路亞~~~

>>October 23, 2003 at 10:50:11 AM GMT+8

2003 年 10 月 21 日 星期二 【晴】

陸運會呀﹐今日果然做佐好多野﹐一日既時間的確唔夠用﹗
今日頭炮係400跨欄﹐即係我參加果樣﹐一黎就即刻入佐決賽﹐果然有D驚~~~
週圍個個都係校隊﹐又話係邊年邊年冠﹑亞軍咁﹐跑落先知原來係不外如是姐﹐哈哈
第一年參加跨欄就裸銀牌﹐真係喜出望外 :P .......(最緊要無獻醜)

跟住跑800米初賽﹐諗住留下力﹐點知就讓得太過份﹐入唔到final
其他都無乜斬獲 lu.....
------------------------------------------------------------------------------------------------------------------------
繼續不斷為患病既弟兄姊妹禱告.....

哈利路亞~~~

>>October 21, 2003 at 4:31:53 PM GMT+8

2003 年 10 月 19 日 星期日 【微冷】

時光倒流﹐番到去之前既處境添........><
今日上既堂時間過得好快﹐乜都好似無聽到就已經到lunch﹐好快就走佐喇
成日最醒神既就係一D無教過野既堂﹐such as 社工堂......
------------------------------------------------------------------------------------------------------------------------
鷓鴣同我地一齊玩佐個關於愛情既心理測驗﹕
你有個fan係餐廳返工﹐有日﹐你去探班﹐發現你個fan同人起佐爭執﹐你估佢地因乜野事嘈﹖

A﹕客人叫佐好耐﹐佢都無黎服侍
B﹕落錯單﹐送錯野
C﹕倒佐野落客人件衫
D﹕客人arm arm 食完野﹐就即刻收佐

答案﹕
選A的人﹕同情人出街會心不在焉﹐週圍望﹐有時會忽略佐情人講既野
選B的人﹕同情人關係唔係好好﹐好多野做得唔夠﹐需要更多機會增加彼此認識
選C的人﹕凡事諗追求完美﹐但無形中給予情人壓力
選D的人﹕好易一件鍾情﹐快上快落﹐中意得快﹐唔中意又快

你地有無試玩呀﹖唔知中唔中﹖
假設係準既話﹐你地不如都估下我揀乜丫
--------------------------------------------------------------------------------------------------------------------------
聽日陸運會lu﹐我會有好多野做......

繼續為Alex叔叔禱告
哈利路亞~~~

>>October 20, 2003 at 4:29:40 PM GMT+8

2003 年 10 月 18 日 星期六 【微冷】

心存感恩~~~
今日 happy's birthday,老土祝番句 happy birthday﹐因為我無親口同‘你’講(印象中都好似無同過女仔講)
最近發覺自己呢世人﹐原來有好多好多野都未做過
當呢D野第一次做既時候﹐唔知會唔會有美好既回憶呢﹖
<創世記>講過﹐將第一次既野﹐獻俾最愛既 神﹐係得蒙悅納架﹐我都好想係咁呀><...
------------------------------------------------------------------------------------------------------------------------
朝早崇拜時﹐~happy~都一個人坐﹐我都已經覺得奇怪啦﹐唔知當時人覺唔覺呢
而我就覺得佢心情爆靚喇﹐由內至外散發出黎
個個都諗住扮唔知佢生日﹐講真﹐呢招都好舊﹐但係我地竟然做到佢走佐去巴士站先引番佢番黎
雖然佢口口聲聲話無所謂﹐不過我超到佢臨走時都含住一絲失望而走(丫唔到人)
後尾我地都無虧待佢既﹐應該都可以功過相抵
------------------------------------------------------------------------------------------------------------------------
今日最後我都諗住唔送禮物俾佢﹐費事求其行過見到順手就買啦
況且佢都話無乜所謂既﹐都應該唔自在收少份禮物啦(希望你唔好嬲啦^^" 唔知會唔會失望呢)
------------------------------------------------------------------------------------------------------------------------
Alex叔叔﹐希望你早日得醫治啦~~~

哈利路亞~~~


>>October 20, 2003 at 4:28:54 PM GMT+8