2007 年 6 月 29 日 星期五 【晴】

今日係我過既第23個生日(24歲)

今年祝我生日快樂既人同上年一樣,好開心

之後,去大陸玩,估都估唔到竟然收到生日禮物,呢種感覺好唔知點可以形容.
算啦,俾我就收

柷我生日快樂

>>July 3, 2007 at 12:51:39 PM GMT+8

2007 年 6 月 5 日 星期二 【晴】

這天又到了
回憶可以帶給我很多東西﹐證明自己在這個世界中走過﹐開心過﹐傷心過
不知何年何日﹐才會淡忘這個不被記念的日子

3年前的我是什麼樣子﹖
真的很慶幸在這3年﹐使我塑造成一個比以前更好的人
真的忍不住概嘆‘環境日子使人堅強’



好了﹐繼續過日子 ^^
感謝主
感謝身邊每個關心我的你

>>June 5, 2007 at 4:33:20 PM GMT+8

2007 年 5 月 19 日 星期六 【晴】

我係迷一個好男人﹖
最近都聽到好多人對我既讚賞同評價^^
在同事眼中﹐朋友眼中﹐長輩眼中﹐屋企人眼中都有一致既正面聲音~~~
好開心﹐感謝主
但另一方面又會諗﹐呢D係迷恭維既說話呢(應該唔係﹐哈哈...恭維我無好處)

但係最近又有D朋友覺得我傷害了他們 ><
真的﹐一個人唔可能在任何方面都照顧得到﹐每日的時間有限﹐手又只得一雙﹐在另外一D方面自然無時間同心機做得好D了

>>May 20, 2007 at 10:29:27 AM GMT+8

2007 年 4 月 30 日 星期一 【晴】

我有個壞習慣﹐就係寫完XANGA﹐點都黎返呢度搞搞野
始終呢個先係主﹐XANGA係副

之前有時間﹐掃晒所有識既人既XANGA﹐發覺好多人生活都豐富佐﹐寫野有深度佐﹐分享都多佐﹔但有D人就仲係無咩內容﹐同以前一樣。
好多事都無得解釋﹐總然之﹐覺得ARM既事就去做啦

放工最開心既時候﹐就係見到屋企人好開心地說﹕‘返黎喇’ 簡簡單單一句輕聲慰問﹐好比千萬萬金
呢個或者就係我工作既原因
計劃中既未來﹐總是甜美的﹐但身邊沒有聽我呻的閑人 = =
7百萬人中找個願意一齊的人真的很困難

希望在明天
努力
光明的前路越來越近了

>>May 1, 2007 at 9:02:25 AM GMT+8

2007 年 2 月 22 日 星期四 【晴】

最近因為返工既關係﹐識佐一個好奇怪既Claudia
都未見過佢既樣﹐不過就有一種親切既感覺
過年期間﹐無咩野做﹐大家熟落左好多﹐嘻嘻
所有過程只可以用‘奇妙’黎形容

其他既事都無咩特別
祝我下年快樂

>>February 23, 2007 at 9:54:01 AM GMT+8

2007 年 2 月 3 日 星期六 【晴】

又一年了﹐公司大參前被經理叫佐入房
預計在未來的工作日子裡應該無以前咁空閒了﹐這正合我意
在工作半年後才第1次有晉昇的機會﹐我認為我可以做得更好﹐感謝主賜我能力去應付未來的考驗

金魚講佐一句話我很在意﹕‘好羨慕你學得咁快’
事實上﹐在一路以來我真的有學習上的恩賜(除了英文)﹐讀書﹑計數﹑音樂﹑運動.....我只能說句‘感謝主’‘感謝父母’
以前真的浪費了很多時間﹐若果我專注學習一樣東西﹐究竟會有怎樣的成就﹖
可惜﹐我對很多事物都很難專心一致



金魚﹐在我上班前你說你想做中轉﹐當時我一心想做警察﹐希望可以盡我的有限時間讓你做你想做的工作
3個月過去了﹐我真的可以應付所有你所厭惡的工作﹔而你也終於獨攬中轉
不過再過3個月﹐你的進步像已經停濟不前
你說過﹐你不怕我的挑戰﹐因為你會不斷進步------->我很高興你說這句話﹐因為是良性競爭﹐我也希望我的朋友有光明前景
難道你已經忘記當天我第一天港橋LUNCH對我說的話﹖
我是一個很不會說話的人﹐但我希望可以激勵你進步﹐可以互相幫助

另一方面﹐當時我說要做出口﹐是因為儘量避免正面競爭﹐並且保持你在公司裡的獨一性﹐保持競爭力
除此之外﹐並無其他原因
每個公司經理就希望用現時的人力資源做出最大的成效﹐現在適逢將來有同事離去﹐正好找我代替
這正好適合我的好奇心﹐我想窺探更多我不知道的東西﹐所以便一口答應經理的安排
與此同時﹐我希望你也留多一會

我知道﹐在工作上的知識我絕對不及你
不過﹐我希望你都可以向我學習我的長處
坦白說﹐這半年來﹐我在你身上學得很多工作上的東西﹐很多謝你~~~
但你呢﹖我覺得你沒有在我身上取得什麼
假如你就這樣離去﹐我覺得有點可惜

星期6之行﹐我希望可以更深入的交談﹐互相檢討﹐為未來做更好準備
希望這今天大家都想好自己的長處/短處以及那天的話題﹐傾心把酒
這是我行程最想達到的目標﹐更是我夢寐以求的‘成人話題’----->這樣才像成熟的人應做的事

或許以上有對你衝撞的地方﹐希望你別介意

>>February 4, 2007 at 10:45:26 AM GMT+8

2006 年 12 月 15 日 星期五 【晴】

‘始終不甘俾一個能力比我弱既人head住’相信你係講呢一句
之前睇報紙﹐講佐一個道理﹐好多打公仔都認為老細無能﹐點解又坐到咁既位﹖無他﹐各有前恩莫羨人
坦白講﹐我始終覺得人格比能力更重要﹐老細根本無樣野讓我佩服(如果係ANGEL我會更心悅誠服)
係我眼中﹐值得我尊重的﹐是潔身自愛的人

>>December 15, 2006 at 5:42:37 PM GMT+8

2006 年 11 月 10 日 星期五 【晴】

感謝主~~~~
琴晚一晚無訓﹐首先感恩返工既時候唔累
跟住感恩感恩感恩......就係我看似離我已遠既目標而家再次出現係我眼前
我一定要好好地珍惜呀
絕對唔可以辜負天父俾我既機會
經過幾個月既增值﹐真係改變佐好多
返工既日子對人生真係有好多﹑好大既影響

雖然過去既幾個月都好後悔當初無好好準備﹐但畢竟已成過去
而家奇跡發生既時候﹐我一定會好好把握
我知道唔會成世都咁好彩架﹗

作戰倒數14天﹗﹗﹗﹗﹗﹗﹗﹗﹗

感謝主~~~

>>November 10, 2006 at 6:22:46 PM GMT+8

2006 年 11 月 9 日 星期四 【晴】

雖然而家做緊份自己唔太覺得有前途既工﹐但係我都要上進先得
6xxx糧真係唔多夠﹐絕對儲唔夠錢俾我30歲結婚
決定同上司爭取D工作做下先﹐我要加人工﹗
我覺得我既能力絕對不止於此﹐始終不甘俾一個能力比我弱既人head住

有個人聽下我呻真係好﹐多謝最近Tracy(團契導師)成為我呻既對象
雖然無論講咩佢都BAN
不過只要講佐出黎就已經舒服佐好多﹐從心底的衷心多謝佢
又多了一個欠她太多的人

沢尻既歌聽落又幾好聽喔~~~ ^^

======================================================================
好不容易才堆積起來......
難道你會害怕再失敗﹖
好﹐那你看看你的下方吧
你的所有的失敗﹐已經成為你現在所站立的堅固地面.......

害怕愛情會再度失敗﹐
害怕那些試圖要做的事情﹐
但是.....
當我知道我的失敗堆積起來﹐已成為我所站立的堅固地面時
我又再次去一一堆積勇氣........
節錄<你看見﹐我愛你嗎﹖>

>>November 9, 2006 at 4:42:44 PM GMT+8

2006 年 11 月 1 日 星期三 【晴】

唉~~~~最近既生活好似好開心﹐想做乜就做乜
但係諗深一層﹐對自己既未來就毫無目標可言
絕對係俾現在安逸既生活所蒙蔽
我好想堅持自己既路向﹐做自己喜愛既工作 不過而家既生活平平穩穩﹐消耗晒我既壯志
難道幾千蚊既人工就可以打沉我﹖
不﹗
我絕對唔會滿足﹐因為我要30歲前結婚﹗而家份工俾完屋企後都所餘無幾......

朋友們的沉淪生活使我感到進退維谷
有時自己都想放縱一下自己﹐但諗真一下﹐清醒過後﹐只有淨返空虛之感
見到其他人的沉淪﹐自己現在又改變不了.... ><
不過﹐卻堅定佐我做警察既意志
我要清除罪惡﹐做得幾多得幾多﹐少一個衰人﹐就多一分機會拯救其他未被污染既人

熱愛生命﹗
一公升眼淚既感動期已經過佐﹐心情都好佐好多﹐哈哈
真實中既亞也﹐佢既自願只係做一個普普通通既女孩
最後佢既心願只係用錢買一隻戒指﹐希望可以結婚~~~
‘媽媽﹐我可以結婚嗎﹖’成為其中我最受感動既說話
一個普通女孩子的心願........‘媽媽﹐我可以結婚嗎﹖’

==========================================================================
即使想見﹐如今也已經見不著的人......
雖然想見﹐如今卻已經見不到的人......

還有......
雖然想見卻不能見的人.....
雖然想見卻必須避不見的人......
必須用思念滿足自己的人.....

光是能夠思念﹐我就十分感激了.......
節錄<你看見﹐我愛你嗎﹖>

>>November 2, 2006 at 2:51:27 PM GMT+8