2004 年 4 月 12 日 星期一 【晴】

神秘的邪惡日記
我D日記對比起其他同學﹑朋友黎講﹐已經變得好悶喇
雖然係咁﹐但我都知仲有我既好朋友﹑同學會睇(起碼有你﹗^^)
因為有D我覺得好開心同好想分享既野﹐實在太過偏激同奸狡﹐見得人既就減D減D﹐變到你地所見既咁
就住呢個需要﹐我開佐個秘密既網上日記﹐純粹抒發自己邪惡同鮮為人知(無人知)既一面(唔會係呢個網入面)
如果有緣比人吵到既話﹐請唔好講比人知呀﹐唔該 ^^"

其實每個人都有D想同人傾訴或分享既事﹐礙於怕秘密外泄都唔會點講比人聽
神係最好傾訴心事既對象﹐有D事就算我地唔講﹐佢都會知(但係始終唔搵D途徑抒發又唔太舒服)
無論如何﹐篇網上邪惡日記都係由我最原本既日記到節錄﹐所以最終邪惡既物件都係我

而呢度既日記﹐我都會繼續keep住寫﹐同以前一樣﹐都係D正面同經過濾過既(或者會不盡不實)
係就可能會悶D﹐不過﹐我都好開心你地每一個願意用時間去分享我生活既一面
好多謝你﹐my dearest FRIEND~~

>>April 12, 2004 at 6:17:47 PM GMT+8

2004 年 4 月 11 日 星期日 【晴】

今日係假期既最後一日﹐到目前為止﹐D功課我都未掂過
其實﹐讀書﹑2R始終都唔係我最大既目標或喜愛既野
‘很多人都不知自己真正想要的是甚麼東西’----<衰鬼上帝>﹐的確係句至理名言

當踢波變成我唯一既寄託既時候﹐而狀態又麻麻﹐真係令我幾激氣
琴日踢波又有球單刀對住龍門射佐腳無力既波出黎﹐搞到自信心都無埋

好彩.......我仲有好多好野
係咩﹖................... ?? haha ^^

>>April 12, 2004 at 5:55:44 PM GMT+8

2004 年 4 月 10 日 星期六 【晴】

感觸...
話咁快就差唔多放晒個復活節假﹐上年既復活節﹐記得我仲有參加‘東區遍傳’
果陣仲有區生一家﹑梁姑娘.... 而且仲係我間教會做主場....
不過今年東區遍傳已經無再做﹐而上年12月既全港遍傳亦都無聲無息地結束﹐今年世界浸青我最後都無參加.....
有好多活動今年都無搞﹐ACM又無乜聲氣....
忽然我覺得自己好自私﹗
因為全部我都係上年既時候祈禱﹐叫 神唔好再比我參加呢D活動﹗我唔係話自己巴閉﹐但事實上以上活動都不得好收尾

仲有﹐上年既歷奇營第一晚我就已經用兩個鐘既時間祈禱﹐話一定要走﹗一定要返屋企
最後﹐因為打風而第二日一早就走(前年既camp去之前同之後都落雨﹐不過活動果幾日都勁好天)

我唔知點形容自己自私既行為﹐不過就一定唔係個好習慣﹐無論如何﹐今日好有感觸要認罪
不過講開又講﹐參加D咁有意義既活動都搞到唔開心﹐係我既問題﹐抑或我唔能夠討 神既喜悅﹖
如果唔能夠討 神既喜悅﹐又點會照我禱告既意願去做﹖

>>April 11, 2004 at 2:10:01 PM GMT+8

2004 年 4 月 7 日 星期三 【晴】

琴日終於都買佐塊底版﹑CPU同Ram喇﹐到今日先裝好晒D野
真係好呀﹗極速+唔輕機既電腦﹐係我至愛﹗
唔講咁多住喇
我要試下部野有無壞~~

>>April 7, 2004 at 5:14:50 PM GMT+8

2004 年 4 月 1 日 星期四 【微冷】

話咁快就踏入4月喇﹐中7既A-Level已經開始佐好幾日﹐首先希望個個都考到應有既成績啦
第二咯喔﹐就梗係有奇跡出現啦^^ 不過﹐最緊要既就係身體健康同可以經歷 神喇...

回顧番上星期﹐日日都搞到好累﹐好累﹗點解一日得24小時咁少﹖唉...
如果有多幾粒鐘﹐我諗我會將D時間即刻裸晒黎訓覺~~~
不過如果換個角度睇﹐勉強都可以話係活得好充實既(真係好勉強)
呢個星期唔駛做prefect﹐對我黎講就真係happy喇﹐見到我D組員﹐次次都忍唔住笑(茄茄...)
好景不長﹐放完假我又要歸番位lu

復活節既假期已經開始喇﹐我計劃會用盡黎溫書(如果可以既話)
相信放完假就可以叉足番電兼學多佐野
最好就可以踢多幾場波﹐操fit下D狀態啦
上星期同教會D人踢﹐其他人都狀態麻麻﹐單天保至尊都搞到輸6﹕4
我的隊友們﹐我已不斷進步﹐你地呢﹖

如果以後都唔駛返學就好喇
(又大一歲就生性D啦)

>>April 2, 2004 at 12:11:57 PM GMT+8

2004 年 3 月 25 日 星期四 【微冷】

星期一既足球比賽﹐我班最終都驚濤懈浪既情況﹐以十二碼解決佐班廢隊
搞到咁慘﹐大部份原因係因為我當日領導既後防線暴露太多缺陷所致
無論如何﹐下場既決賽應該會輕易過關既﹗

今個星期我又再病態訓覺喇﹐我都唔想架﹐不過實在太累喇﹐好慘......~_~
聽日星期六﹐我都無時間休息添﹐希望聽日都會繼續有精神啦

黎緊星期日晚7:05 pm 亞視有<恩雨之聲>﹐內容包括有好多學者由不通角度去證明耶穌基督復活既真確性
一定要睇下﹗

>>March 26, 2004 at 9:29:15 AM GMT+8

2004 年 3 月 20 日 星期六 【微冷】

今日原來要去<城市論壇>﹐差D唔記得有件咁既事添
劉sir真係好好人呀﹐雖然做副校長好有米﹐但係都捨得駛$12XX請我地食野喔﹐夠晒豪﹗

星期六去佐賣旗﹐由於琴晚玩到成5點先返到屋企﹐所以賣佐無幾耐就已經腳軟
補完習﹐一返到屋企就訓佐﹐可能就係咁﹐乜野都唔記得晒
今次應該係我最後一次﹐11點既時間去學友社度補習﹐ohhhhh.....返開都真係有感情 ~_~
‘短暫的感情﹐短暫的收穫’------唔知會唔會係我﹐對呢班最後既評語呢﹖
返佐個幾月先知個阿sir姓謝﹐又會唔會係我同你最後既趣事呢﹖

都係星期六既夜晚﹐睇佐<忘不了>﹗
呢部的確係一部好有誠意既電影﹐而且取景係太古至杏花村一帶﹐特別有親切感~~
睇完部戲﹐開始覺得有D遺憾﹐覺得張柏芝同劉青雲唔0係埋一齊﹐先會更加淒美...

‘人生最有意義的事﹐就是能夠追求自己想得到的東西’﹐呢句係我最近發現既座右銘
人可以向目標走進﹐無疑係件令人充滿力量既泉源
咁人應該要有專一目標﹐抑或多個目標先arm呢﹖得閒都諗下呢個問題先

>>March 21, 2004 at 4:41:26 PM GMT+8

2004 年 3 月 12 日 星期五 【微冷】

今日好開心呀﹗
‘開心’呢個形容詞對於我黎講﹐真係好似一件好遙遠既事﹐估唔到會用得著我身上

Roadshow講﹐一星期寫3篇日記既人﹐通常睇醫生既比率比人少50%~~
今日真係好特別既一日﹐補習既時候﹐咁都俾我識到個新朋友喔(不過佢好似唔知我個名)
事緣今日特別多人補習﹐我準時到﹐但就坐得特別後﹔
而佢就特別遲到﹐所以坐我隔離﹐補習後問我借notes﹐就係咁識架喇 Hahaaaa...

>>March 14, 2004 at 1:41:54 PM GMT+8

2004 年 3 月 11 日 星期四 【微冷】

好耐都無寫日記喇﹐可能因為趕功課既關係啦
不過﹐而家卒之都交晒喇.....可惜既係﹐測驗緊接又黎﹐想寫日記都無乜時間
係剛過去既果個星期﹐我忽然想同其他人爭入大學既學位﹐我應該同其他同學講聲﹕
對不起﹗我要佐你地一個大學學位喇﹗
我而家起步﹐一定可以走入大學之路

今日睇佐《地下鐵》﹐周身都充滿晒希望^^ ﹐開心到唔知點講
‘我開心﹐就唔可以咁自私一個人享﹐我要你地都分享到我既喜悅’

Fanny星期一就出院喇.....

>>March 14, 2004 at 1:20:31 PM GMT+8

2004 年 2 月 29 日 星期日 【微冷】

電腦仲係保持住間中輕機既頻率﹐搞到我都無乜時間等佢慢慢Load
得閒既話記得留言呀﹗

28/2﹐星期六﹐跟Melody去伊館參加‘約書亞’既復興會﹐雖然都好多人入場﹐但對比ACM同彩虹佈道會﹐D人就仲差緊一截。好明顯﹐年輕人係需要復興﹗
‘約書亞’ 係一個來自台灣既一個音樂福音機構﹐個名我都唔係好熟悉﹐D歌仲係我第一次聽添。
不過最緊要既係復興會既內容﹐我聽過好多既信主同立志見證﹐呢次我覺得特別精彩﹐可能我同埋身邊既朋友都有相似既想法﹐所以我都特別聽得認真。
我已經係主既‘兒子’ ﹐唔係BB喇﹐所以D想法都唔可以咁天真﹐我都想將D信息傳俾朋友﹐叫佢唔好再尋找自己所謂追求既‘自由’ 喇﹐神所預備既先係真正既自由﹗朋友你知道嗎﹖
而我自己當然就要多傳福音啦﹗
多謝Melody ^^
呢晚﹐我無訓到覺~~

29/2﹐星期日﹐我地去土瓜灣同母會踢波﹐因為無訓覺引起既腳軟﹐令我第一次無波入﹗
當我帶住波既時候﹐就有如入無人之境既感覺﹐可惜埋門一腳就硬係踢佐出街。
射佐成20球都係咁﹐都係衰在太輕敵喇 ~_~
新生命都係今日講組足球隊既事﹐我被推舉為副隊長﹐都好興奮﹗(最緊要成立佐就係)
FANNY同E.WONG相信係功不可沒。
好累呀~~~~~~~~~~~~

>>March 1, 2004 at 3:11:26 PM GMT+8