2004 年 5 月 25 日 星期二 【晴】

好對唔住.....melody
琴日時間唔夾﹐本來講好同melody切磋小提琴﹐最後我都放佐佢飛機
我要係度鄭重咁再道歉多次先﹐我既情況其實都幾尷尬﹐因為我D技術(violin)唔好﹐我都唔多好意思
不過我會繼續努力咁拉好D詩歌(況且我靜係詩歌先較熟D)﹐無論如何﹐SORRY!

今日好熱﹐我同班新﹑舊既波友一齊踢波﹐我就join舊果隊到踢
舊果隊要暑假先有外國既隊友返黎﹐佢地全部都係後防﹐如果佢地返晒既話﹐就唔會輸比新果隊咁多
新隊---北星﹐舊隊---我舊同學(其實都係聖記出身)
今日兩隊都係自己友﹐我好開心﹗可能因為咁﹐我有用唔完既體力

過埋星期六﹐我既代禱任務就finish~~

>>May 26, 2004 at 1:26:25 PM GMT+8

2004 年 5 月 22 日 星期六 【晴】

太忙
呢個網頁而家太過多人login喇﹐次次夜晚想打日記果陣都總係無機會.....
下星期係學校既主保聖人貞德既瞻禮﹐今年估唔到我都有機會拉小提琴﹐哈哈﹐真係開心^^
Pierra有日放學同我講﹐話我係一個特別好既基督徒﹐比佢所識既都好D
我真係受唔起呀﹐因為仲有好多好好既基督徒佢唔識姐
anyway﹐我都好開心聽到有人咁讚我~~~~

原來仲有半個月我就要考試喇﹐時間過得真係好快好快.....
我既學校生涯﹐過埋今次既考試﹐就好快可以結束喇﹐因為﹕
升到中7------好快就A-level﹔
升唔到-------就會出黎做野﹗

各位﹐無論考試既結果點﹐都交托俾 神去安排啦

>>May 23, 2004 at 11:45:51 AM GMT+8

2004 年 5 月 14 日 星期五 【晴】

無奈
唔知咩原因﹐我隻跛腳好得好快﹐其實唔係真係咁快﹔而家已經無咁痛﹐其實唔係真係唔痛...
呢個星期我好精神咁上課﹐一個星期上課既時間﹐我諗連1個鐘都無
有時想好好地讀書既時候﹐D成績有咁差﹐始終都提唔起勁
好無奈...
今日Ringo話佢想返教會﹐追尋人生既意義-------
我何嘗又唔係迷失佐方向﹖日日營營役役既生活﹐毫無驚喜﹐的確斯人獨潮緒

今個星期我真係好累﹐只要一恰埋眼就可以訓覺﹐其實又唔係真係可以訓
好無奈...
更無奈既係知道無奈既原因而搵唔到解決既辦法。但係又係迷真係無解決辦法﹖

>>May 14, 2004 at 6:01:48 PM GMT+8

2004 年 5 月 10 日 星期一 【炎熱】

以馬內利
琴晚去佐西灣河文娛中心度參加ACM既音樂欣賞會﹐好彩最尾都搵到哨牙雞陪我去姐
原來呢個聚會都算係ACM既前奏同迷你版﹐聽Fanny講﹐呢晚既歌大部份仲會ACM度唱添(所以好多我都未聽過)
D歌對我呢個咁要求高既人黎講﹐都算唔錯﹐不過就連主打歌‘主與你同在’都無乜驚喜既成份
反而上兩年既‘安穩在主裡’﹑‘述說主權能’﹑‘誰是你主’﹑‘擁抱你’就好好聽﹐好突出
今年ACM都無人陪我參加﹐睇黎今次恐怕要斷欖喇

今日放學我再去踢波﹐不過由於舊患未好既關係﹐就因為一次踩波車既意外﹐導致傷勢加劇﹐要宣佈斷腳兼掛靴﹗(2weeks)
今日腳痛跑唔郁之余﹐仲擺烏龍﹐勁慘
仲要比人快放屈我機﹐我都頂唔順自己今日既表現﹐拿拿淋換自己出黎
......

>>May 11, 2004 at 3:01:11 PM GMT+8

2004 年 5 月 5 日 星期三 【微冷】

會考
會考又黎喇﹐今年係我連續3年既會考﹐好彩今次只係考CE姐
雖然話係好彩得一科﹐不過呢科不成功就即刻乜都無﹐而我亦都絕對唔會選擇repeat
聽日就要考喇﹐我都要好好咁準備先得﹐對於今次既成績﹐其實我都有信心既
總之﹐希望唔好失準啦
經過F6既洗滌﹐我相信自己既英文進步佐唔少﹐聽返前幾年既會考listening﹐就好似聽ABC咁easy


{ 我們的考評局,

願你的名為聖, 願你的考試降臨,

願你翻炒的試題出在高考生的卷上

如同在我們所Tip的super past papers上。

我們想要的Tips, 求你賜給我們。

免我們的錯,

如同我們免了你從前出卷的錯。

不叫我們遇見難題,

救我們遠離「肥佬」。

因為出卷,收卷,改卷全是你的,

直到永遠。阿們 } 。。。。。。。。抄至某人的

>>May 6, 2004 at 1:53:40 PM GMT+8

2004 年 4 月 26 日 星期一 【晴】

‘廖家妍’
今個星期﹐超多波踢﹐上星期4到今日﹐已經踢佐3次喇
其實星期日踢波前﹐我隻右腳腳指已經有傷在身﹐腳指公瘀佐 ~_~
雖然都幾痛兼有時會出血﹐但為佐追求自己中意既野﹐我係會作出少少犧牲
好彩無乜點影響到我既表現姐﹐而車就慘D﹐比我省到飛起

今日放學﹐我又走去踢波﹐出佐校門﹐有個人坐係保姆車度格個頭出黎﹐問我地聖貞德係邊
呢個時候﹐有隊友係度講緊唔知咩廖家妍﹐咁我迷問佢邊個廖家妍呀﹖咩廖家妍﹖
原來佢地講緊既係車入面果個係-----利嘉兒﹗﹗﹗﹗﹗
無錯﹐普通話利嘉兒﹗﹗﹗
於是我就返轉頭再望多眼﹐事關我之前無點留意車入面既人
有同學話佢好索﹐不過我就覺得好失望﹐完全都唔似上電視果個靚樣既﹐整個look平凡之極﹐銅鑼灣都可以搵到幾百個
望佐0.7秒後﹐就走返落去踢波喇

原來真人都唔一定靚過上鏡
腳指﹑腳背好痛﹐好想請假﹐星期5放學唔知仲有無得踢呢

>>April 28, 2004 at 3:35:58 PM GMT+8

2004 年 4 月 20 日 星期二 【晴】

Short day的一天
今日我又可以早放呀﹐一出黎就去佐尖沙嘴搵車同家寶唱K
發現加洲紅多佐兩首<天作之盒>既主題曲(愛是不保留)同插曲(彩虹下的約定)----林志美
天作之盒本來諗住上個星期日睇咖﹐點知香港入面既戲院都比教會book晒﹐搞到白白無佐一日時間
我想睇呢部戲既原因﹐除佐要睇入面宣揚 神同抗SARS既醫生外﹐仲要睇<彩虹下的約定>既一段浪漫淒美既愛情故事
‘彩虹下的約定’係一首動人心弦既歌﹐歌詞正就不在話下﹐仲要加埋背後既一個約定...
如果我有得結婚既話﹐都想要有呢首歌﹗

與你有約﹐是永恆的約
彩虹為證﹐千古不變
我要高歌﹐為生命喜悅
萬物歌頌你的慈愛﹐大地述說你的恩典

>>April 21, 2004 at 2:46:28 PM GMT+8

2004 年 4 月 15 日 星期四 【晴】

連續3年冠
今日我校高級組班際足球比賽決賽﹐我班迎戰4Fa
上半場﹐我班先憑斌斌一個幸運既角球打開紀錄﹐跟住一直猜住黎踢﹐期間﹐我既一腳快射中柱
無幾耐﹐再籍施施一個幸運既解圍入波﹐領先2﹕0
上半場我掂波機會唔多
我班既同學lunch都唔食﹐會都唔開﹐渣晒相機咁支持我地比賽。

下半場好淡定咁踢﹐好快﹐我開角球快射拉西直入龍門﹐終於有球入波無符碌
遙遙領先3﹕0﹐我即刻被換出
之後﹐4Fa既攻勢開始黎料﹐攻佐一輪﹐跟住仲頂入埋﹐追返3﹕1添
對方個勢好勁下﹐我又再出返黎踢﹐好快斌斌今日好fit再拉開4﹕1
開始到人地符碌﹐dum入佐一球﹗問下時間﹐仲有成15分鐘﹐死喇
有兩球幸運得黎﹐咁就幸運失去﹐4Fa再中門楣彈中我地既後衛擺烏龍
卒之﹐咁就4﹕3牽起高潮﹐4Fa個勢仲好好添

不過施施既防守始終穩健﹐再互無紀錄
我班迎黎勝利﹐而我就連續3年裸足球比賽既冠軍﹗開心﹗
多謝同學們既支持同打氣﹗勝利係屬於全班﹐唔應該話邊個踢得差而唔開心既~~
雖然我自己踢得好差﹐好彩最後都無阻礙贏波姐 ^^

>>April 16, 2004 at 3:29:16 PM GMT+8

2004 年 4 月 14 日 星期三 【微冷】

有意義的一天~~
今日F6去做義工﹐我果組22個人﹐去灣仔一間智障人士既中心做活動

入到去﹐都未做活動﹐D學員就已經好開心﹐係咁歡迎我地﹐係佢地面前﹐有種優越感
一開始既第一個活動(大風吹)﹐D學員就已經撞爆佐2快3X4呎大既玻璃﹐超尷尬
不過﹐我地漸漸就融入佐一齊
可惜既係﹐我唔識同佢地溝通﹐問咩都唔答﹐叫東又行去西﹐超調皮
一齊玩游戲﹐一齊跳舞

完晒活動﹐有幾位學員走出黎講出一D對我地既感受
有D話我地做得好好﹐D游戲好好玩(雖然我地一般人覺得好平常)﹐但出至佢地既口﹐就完全表現出真摯既一面﹗一D都無做作﹗見到佢地雀躍既神情﹐真係會感嘆﹕呢個咁複雜既世代﹐仲會有咁單純既人。同佢地一齊生活既話﹐好有安全感。因為佢地永遠都唔會對你有機心。
不過﹐可能只係做一次半次先有咁既feel。

另一方面﹐如果我係佢地是但一個﹐可能我會開心好多。唔駛諗咁多﹐唔駛懮愁﹐小小野就好開心。
話分兩頭﹐如果我係咁﹐就好令父母擔心同辛苦.....人﹐真係好矛盾(可能係我矛盾)
到走既時候﹐一部份既學員好想同我地影相
真係好開心﹐今日好有意義(日日都有﹐今日特別有意義)

>>April 15, 2004 at 4:27:51 PM GMT+8

2004 年 4 月 13 日 星期二 【晴】

原本的是最好的
寫寫下個邪惡日記﹐忽然覺得入面D功能好好﹐可以貼圖﹐加link﹐背景﹐畫畫﹐MIDI.....
不過﹐始終都覺得而家呢個係最好既
因為...
唔經唔覺﹐我已經係度寫佐200多篇既日記﹐寫佐睇怕都有2年﹐記得上年會考前幾日仲問細Keh整日記果種既努力。所以寫開有感情﹗

>>April 14, 2004 at 3:49:18 PM GMT+8