2002 年 11 月 12 日 星期二 【晴】

哈！今日真係令人覺得好開心呀！首先好難得咁可以返1:00啦！咁又可以訓多o的喎！(所以琴晚同阿may同rita吹水吹o左好耐，但係好開心，因為我地拎住本鬼書王o係度講笑！真係好好笑！！) 跟住返o左一堂，又可以返hall休息啦！！不過最開心都係阿Frau Fung話佢唔舒服，所以唔使上聽日o個兩堂呀！(不過我重申，我唔係想見到佢唔舒服o架！只不過咁啱咋！)咁我聽日又可以只係上一堂又可以返hall啦！！

不過今日去o左睇壁球！呢次係我第一次去睇壁球，亦都係我睇過咁多次波以o黎最多人睇o既一次啦！真係好多人！可能係因為cham fight，亦都可能係因為有人發表o左自己o既意見導致啦！不過我本來諗住大有咁多人去睇波，係一件好事，但係一唱到hall song時，大家o既unity就表露無遺啦！我覺得有o的人係特登製造混亂，好無品o羅！攪到我地都俾人地st.john笑！本來我地人強馬壯過人地十萬倍，但係竟然為o左o的咁o既o野俾人笑，都真係好無奈o羅！呢樣就係我地點解輸俾人地o既好重要o既原因啦！

>>November 13, 2002 at 2:54:33 PM GMT+8

2002 年 11 月 11 日 星期一 【晴】

唔！今日都係幾無聊咁過o左！今朝10點幾又要上ling，個李女士越o黎就越惡啦！又唔明佢講乜喎，但係又唔可以唔上！都幾慘o架！跟住就去上german tutorial，又係無乜點做過o野！返o黎無耐就去o左睇波啦！可惜呀！今日hockey輸o左，同埋今日peggy又好唔開心喎！咁又同佢早走o左啦！都未睇曬埸波！但係講開peggy，佢近排都好忙呀！又要開莊會，又要攪其他o野，唉！最慘係自己o的問題！睇到佢就辛苦啦！希望佢快o的做完手頭上o既功夫，訓多o的覺，咁好快所有煩惱都係離佢而去o架啦！！加油呀！peggy！

P.S.你個Rita，以為我唔知係你咩？哼！話我無聊，好唔開心呀！今晚借張牀俾你溫書都係我好人咋，知唔知呀？仲唔快o的多謝我？

>>November 12, 2002 at 6:31:16 PM GMT+8

2002 年 11 月 11 日 星期一 【晴】

唔！究竟邊個floormate咁無聊留言俾我話我無聊？你係邊個？快o的出o黎認o左佢！不過睇你留言o的口吻，我都大概估到你係邊個o架啦！哼！

>>November 11, 2002 at 6:53:30 PM GMT+8

2002 年 11 月 10 日 星期日 【晴】

今日就真係好辛苦呀！但係又好開心喎！因為今日係我地個hall o既生日，亦都係我地最high o既一次high table舉行o既日子！所以好開心呀！

由於我呢o的係無聊人啦！所以就參加o左choir同埋drama，但原來係好多o野做o架！我今日上完堂之後就要去到main build度幫手drama，雖然我都唔係好多o野做，但係行行企企都係一種好辛苦o既事情！！之後又要趕返hall度換衫，換完衫就已經夠鐘要去陸佑堂choir集合，去到之後又要choir同drama兩邊走！好累呀！~~好彩我地比其他人早o的有o野食，唔使同人迫，開心o的，雖然o的o野食無咁high，但係起碼有得食先啦！跟住我就去唱歌仔同埋做drama(comstum)，真正坐低o既時間唔知夠唔夠15分鐘，真係慘呀！所以縱使同房好有心咁拎o左o的o野食俾我，但係我都食唔到啦！

不過都好開心o既，大家有一段時間真真正正咁一齊玩！真係好難得呀！！~~

P.S.o係annual dinner之後，我地開o左樓會，之後仲同馬凱慶祝佢拎到金牌添！好開心呀！~~~~

>>November 11, 2002 at 6:26:23 PM GMT+8

2002 年 11 月 9 日 星期六 【晴】

哇！今日都係非常充實o既一日呀！因為我今日由朝早7點開始就忙到而家11點，成十幾個鐘啦！個人都好累，但係都過得幾開心呀！！

今朝晨咁早就要去返工啦！真係好驚因為太sleepy而聽錯或者入錯，好彩應該暫時無大錯！都仲過得去咁啦！

跟住就同阿ling去o左荃灣買o野，因為我一早已經買o左套衫，所以我唔使買o野，但係就同佢去食o左碗豬扒面，都幾好食呀！~~最好笑係俾我地見到小樑喎！哈！呢個世界真係細呀！之後我地又去o左旺角，我終於都忍唔住買o左本千與千尋o既記事簿啦！雖然成百蚊，但係就當獎勵自己開始返工啦！真係好靚o架！好鍾意呀！！~~

返到hall之後又要唱歌仔，唱到喉嚨都沙埋咁滯，不過都真係好聽o左o架啦！希望聽日high table(annual dinner)可以唱得好聽o的啦！好緊張呀！！~~~~~~~~~

>>November 10, 2002 at 3:57:51 PM GMT+8

2002 年 11 月 8 日 星期五 【晴】

呀！今日到11點先捨得起身，跟住就去o左旺角，諗住買返套唱歌衫，點知又無喎！之後就返o左馬會返工，可能太耐無見過o的掣，一開始有o的錯，好彩之後定番o的就無乜o野，而且暫時o黎講o的人都幾好禮貌！但係之後就唔知啦！！希望唔好遇到咁多粗魯人啦！！

>>November 9, 2002 at 3:57:30 PM GMT+8

2002 年 11 月 7 日 星期四 【晴】

唉！好耐都無上呢堂9:30o既ling啦！好眼瞓呀！仲要o黎o左個好正經o既女人教添，佢上堂就好似中一、二o個時咁，唔俾人傾偈o架！好惡！！>o<"

不過好彩今日ecen個miss早o左放我地，咁我就同羅韻b一齊去supersandwiches食o野，點知就俾我地見到傳說中o既~方力申~啦！！(雖然我都唔係鍾意佢，但話曬都係一個hku學生，未見過佢又點得呢？！) 佢果然係幾矮下，同埋真係會戴住頂帽o架！！跟住因為仲有好多時間剩，所以我地就去o左睇電影史力加啦！都幾好笑o架！不過最衰未睇完就夠鐘要去上堂，惟有留番下次去睇啦！

唔知係咪上o左堂悶到噁白泡o既german phonetics，今晚返到hall好鬼唔舒服，又支力到震喎！唉！總之好辛苦啦！

聽日就開始正式返工啦！要努力呀！加油！！我會支持你o架！(乜你呀？咪又係你自己！低能！！)哈！！

P.S.哈！琴晚馬凱俾我睇o左佢個金牌啦！呀！都仲未恭喜佢代表香港拎到傷殘亞運女子單打羽毛球歷史性第一面金牌添！恭喜呀！好厲害呀你！我本身話要咬下個金牌，諗住睇下係咪真，但係馬凱話原來只係一塊鐵，上面鍍o左一層金咋，好失望！不過唔緊要啦，佢話會俾我戴住個金牌影張相o架！！我地遲兩日就會同佢慶祝o架啦！^.^

>>November 8, 2002 at 4:15:13 PM GMT+8

2002 年 11 月 6 日 星期三 【晴】

哇！今日真係辛苦到爆曬燈呀！攪到我都唔得閒寫日記添！！

本來今日係好好咁返2:00，但係因為有debate睇，所以12點幾就去o左睇！之後又上o左兩個鐘堂，上完堂就去幫drama買衫，好彩o係條奪命斜度發現o左我好鍾意食o既馬仔，買o左之後先覺得行o個條路無咁辛苦咋！緊接落o黎就係去睇波啦！jolly打波點可以唔支持呀？！^_^ 本來諗住睇一半就去練排球，但係由於睇得太興奮o既關係，我最後係睇到完場o架！仲好難得咁唱victory song呀！(不過太耐無唱，差o的唔記得點唱啦！)

跟住就同巨頭一齊食飯，返hall無耐又要開drama啦！由10點幾開到4:00，真係死得啦！第二朝仲要返9:30呀！~~

就係咁樣，我全日就無曬啦！！

>>November 8, 2002 at 8:56:53 AM GMT+8

2002 年 11 月 5 日 星期二 【晴】

呀！琴晚返o左屋企食飯！都真係好耐無返屋企啦，但係最後竟然係落去食o羅！不過都好好食呀！好開心！

唉！人有時就係衰格，多o野做o個時就會覺得太忙，但當你無o野做之時又會覺得無聊！我前排忙完三份功課之後，琴晚竟然好"他條"咁，無乜點做過o野！唉！真係覺得有o的內疚！！

今朝又要上ling個tutorial，拎返份功課，竟然差過上次呀！好唔開心，今次仲要係問o左爸爸，唉！好明顯，爸爸都唔係主修ling o既！！

好多謝咁多朋友仔o既留言呀！不過唔該有o的人留意下自己o的中文水平呀！尤其係文化拎Ao個o的呀！！無論點啦！都多謝各位！！哈！

>>November 6, 2002 at 4:33:03 PM GMT+8

2002 年 11 月 4 日 星期一 【晴】

呀！~~~~實在太好啦！今日交埋ling份功課，就到下個禮拜先要再交功課啦！而家就可以輕鬆番少少先！
今日有親戚o係第二度返o黎，所以就返o左屋企食飯！諗番下都好耐無返o黎食飯啦！唔！真係開心呀！/\./\不過返屋企之前，我就去o左poly度同炭炭食tea，仲食o左好耐無食o既西多士添！
唉！快o的到11號啦！咁我o既同房就唔會咁辛苦啦！我地又可以再一齊去玩呢！休息多o的啦阿ling，唔好成日溫書溫到咁夜啦！我都唔溫書o既！唔死得o既！！

>>November 5, 2002 at 10:55:07 AM GMT+8