2003 年 1 月 23 日 星期四 【晴】

今日又係ｄａｙ　ｏｆｆ啦！！真係開心！所以一訓就訓到成１２點！！

晏晝o個時就同阿ｍａｙ、ｂｅｔｔｙ去買禮物，留返後日食完團年飯之後抽獎用o既！！我地買o左好多可以貢獻俾樓用o既o野，所以o的禮物都好騎呢，包括有"針版"、量匙、用o黎整餅o既粉轆！！＾___＾保證大家鐘意呀！！

我地去買禮物o個時，仲順便去o左"哈緊打s"食o左個雪糕ｔｅａ啦！！唔係話好好食，可能揀錯味掛？！之後我地走o個時仲見到章小蕙添！！佢個樣唔係特別靚，係個胸大o的o者！！引來唔少"麻甩佬"呀！！

因為聽日要返工，所以今晚就無興趣做ｃａｒｅｅｒ　ｃｅｎｔｒｅo個份啦！！留o左o係ｈａｌｌ睇阿旺，不過真係好失望呀！成套劇都做得好好，但係個結局就真係十分之唔要得，好核突呀！尤其係佢地o既造型呀！！>__<"

唔......聽日就可以拎成績表啦！有少少緊張添！！

>>January 26, 2003 at 6:46:11 AM GMT+8

2003 年 1 月 22 日 星期三 【晴】

今日本來要返兩堂ｇｅｒｍａｎo既，但係因為琴日撞堂無上到，今日如果仲返又唔知佢教到o的乜，又唔識答佢o既問題，同埋o的朋友仔都唔返，所以都係決定唔返ｌｕ！！

返到ｈａｌｌ之後，不停咁揀科，無耐就差唔多要ｈｉｇｈ　ｔａｂｌｅ啦！！唉！今次又係o係樓下ｓｗｉｒｅ　ｃａｎｔｅｅｎ食，所以o的人開始唔係好在意自己o既衣著，我就求其襯到一套黑色衫就算啦！！不過今次o的送都幾好食，我地成台女仔都唔顧儀態，經常成為第一台食完o既人！！ｃｈａｍo左！！哈哈！！食完之後就到今次o既嘉賓馮兩努講o野啦！開頭都有o的心機聽o既，但係後來就變o左自己玩！！都唔知佢講o左o的乜？！

ｈｉｇｈ完ｔａｂｌｅ就開樓會啦！！好支力！！因為些少ｏ既誤會，今日無人煲湯，所以阿ｑｕｉ同ｍｕｒｐｈｙ就提議去食宵啦！！仲要係佢地請呀！！真係開心！！不過就因為太支力，所以放棄o左組o既通宵ｋ啦！！

>>January 24, 2003 at 6:06:59 AM GMT+8

2003 年 1 月 21 日 星期二 【晴】

哇！今日同琴日簡真係對比呀！！今日真係忙到氣都無呀！！

今日雖然１１：４０先上第一堂，我都訓得ｏｋ夠！！但係連續上咁多堂，都真係幾係o野o架！！第一堂就上中史，雖然係o的中學都讀過o既科，但係我見佢剩係要上兩堂ｔｕｔｏｒｉａｌ同交一份功課，而且又唔想再諗揀乜科好，無聊o的都會讀下！！１：００就係上必修o既中文啦！個阿ｓｉｒ以為自己好勁咁，講o野賴係o野咁，好唔得呀！！同埋今日先知呢科係要考試o架咋！！３個ｃｒｅｄｉｔｓ都要考試！！跟住就去上ｌｉｎｇ，都ｏｋ啦！！未知好唔好讀住！！然後有一個小休，就同羅韻ｂ坐o係開心公園傾偈！！４：００就去上ｓｃｉｅｎｃｅ，浪費我o的時間！！

早走o左仲要趕返工，又無車喎！！攪到我差o的遲到！

>>January 23, 2003 at 7:58:41 AM GMT+8

2003 年 1 月 20 日 星期一 【晴】

唔！今日係我呢個ｓｅｍ第一個ｄａｙ　ｏｆｆ呀！！（無錯，本來係要上ｇｅｒｍａｎ　ｔｕｔｏｒｉａｌ，但係因為個ｔｕｔｏｒ太唔得啦！所以都係選擇返屋企）

返屋企之前，我就去o左長沙灣度交番份ｇｒａｎｔ　ｌｏａｎ　ｆｏｒｍ，好彩唔係好多人，等o左一陣就走得！！跟住我就去拎埋我張個人八達通啦，比我想像中靚！！之後就梗係返屋企啦，阿媽話飲茶喎！其實我唔係好鐘意飲茶，仲要我去霸位喎！唉，都係要等到阿媽落o黎先搵到位！食得飽飽就行o左一陣百佳！！返到屋企坐o左一陣又要走啦！！因為今日係炭炭生日，所以點都要見下佢o既！！

本來諗住可以同佢行一陣或者食ｔｅａo既，但係我實在係太無時間啦，所以只係約o左o係旺角火車站等，見一見面，順便送埋條頸巾俾佢！！佢個新髮型查實都無乜點變o既，係前面剪o左o的陰，但係我就唔覺佢有做到ｃｏｌｏｕｒ，可能佢之前o的頭髮真係太黑啦！！傾o左一陣我就趕返ｈａｌｌ睇波啦！本來諗住咁遲，全部人都走曬，點知行到上去就正正見到佢地等緊車喎，原來佢地等o左好耐都未有車喎！咁咪同佢地一齊搭車o羅！！今日打ｈｏｃｋｅｙ呀，爸爸同ｇａｐ叔都有落場，爸爸就差o的啦，打得半場，仲要無乜點見到佢掂到個波添！！但係男仔打波都係粗魯o的，尤其係Ｒ．Ｃ．Ｌｅｅo的人呀！好茅o架！！

睇完波又要返工啦！！同琴日一樣做咁多！！無乜進展，但係已經覺得好悶啦！！

>>January 23, 2003 at 7:41:45 AM GMT+8

2003 年 1 月 19 日 星期日 【晴】

哇！！終於第一日上堂啦！！好眼訓呀！琴晚開完樓會成3點幾4點先訓！真係好係o野呀！！唉！！以後仲有排捱呀！！~~~

今朝上o左兩堂ｇｅｏｇ，本來諗住唔知佢教乜就可能唔讀o架啦！但係個ｐｒｏｆｅｓｓｏｒ就真係好好好好好攪笑o羅！！(大家有冇留意，我係俾o左五個好笑佢o架！)成日無端端就自己o係度笑，想唔笑佢都唔得啦！！

咁之後就諗住ｇｅｒｍａｎ唔使上住o架嘛！點知原來要上，攪到我又遲到啦！第一堂就遲到，真係好樣衰呀！！.........＼／︿＼／但係就無端端由要上到４點變到剩係上到２點o者！！真係好好彩呀！！

跟住我地就去o左睇波啦！首先去睇壁球啦，同上次ｃｈａｍ　ｆｉｇｈｔ一樣，都係迫到震o羅！！睇o左一陣，叫o左一陣之後就去o左睇排球啦！！原來男子排球係好睇咁多o架喎！！真係超正呀！又勁喎！不過最衰要返工呀，無得睇到完場！但係聽返人地講話o的分咬得好緊呀！！我諗梗係無o左我地o係度幫佢地打氣啦！！唉！不過唔緊要啦！對手係ｓｔ．ｊｏｈｎｓ喎！而且仲有好多場可以追得番o既！！

係ｌｕ，講開返工，無錯啦！！我都提過下ｓａｎｄｙ介紹o左份工俾我地做，係做打電話俾o的ｈｋｕo既畢業生，做返份好短o既問卷！！即係問卷呢家o野我不嬲都最在行o架啦！但係我覺得呢份工真係好沈悶呀！！首先，我地做o野o個陣又要分開做喎！咁我諗住o係房做都無所謂啦，張chair係俾o的大粒佬坐o個隻o黎o架嘛！！但係點知佢間房咁高科技，o的燈係用感應器控制o架喎！但係我地呢o的坐o係度打電話o既又點會好大動作咁郁o架o者？！攪到佢無時無刻都自己熄o左！！初時仲俾佢嚇親，後來已經習慣o左，所以已經唔理佢啦！！唉！最可憐就係我拎正o個張係o的ｌａｗ友o既電話！我唔係有偏見，但係對o的ｌａｗ友就真係無乜好感啦！！打親俾佢地唔係未返屋企就係去o左外國讀書！！浪費曬我o的時間！！雖然都賺到200蚊左右，好賺過馬會，但係都真係寧願返馬會好過！！不過為o左賺錢，都會得閒做下o既！！

Ｐ．Ｓ．炭炭，今日生日啦，大個女，都成20歲啦！！最早到20歲就係你，雖然你o的智商都仲未攀升到十歲，但係你都係我地o既大姐姐o黎o架，要成熟o的呀！！知冇？！

>>January 20, 2003 at 5:22:37 PM GMT+8

2003 年 1 月 18 日 星期六 【晴】

唉！話咁快又o黎到ｓｅｍ　ｂｒｅａｋ　o既最後一日啦！亦都係我放咁多日假以o黎最忙o既一日啦！！琴晚已經諗住今日要返工就早o的訓o架啦！但係竟然訓唔著喎！！攪到成3點幾先訓得著！！今朝9點幾又要起身，攪呢攪路之後又要返工啦！！今日唔知咩日子，鬼咁多人買馬，講都講到口水都乾埋，但係好彩見到ｍａｙ　ｍａｙ，一齊坐都無咁悶！！

一放工我又要趕返ｈａｌｌ食樓飯啦！！去到美心乜都唔想食，所以剩係叫o左一杯熱檸樂，跟住就返樓開樓會啦！！ ８點鐘就開始，大家一開始都忙住睇下自己o的紙仔，都幾得意o既！然後大家就輪住咁講下o的紙仔通常點話自己啦，又講下自己覺得點啦，又有其他樓友講下自己咁啦！咁我o的紙仔就係十張就至少有九張半都係話我好攪笑同成日笑o羅！！咁我呢o的我又唔怕認o既！！^____________________^但係講曬全部人原來真係好耐o架，我地成２點幾先完樓會！但係我地已經好好，剩係開o左６個鐘，有o的樓開成十幾個鐘o架！！雖然開到最後我都已經超級非常眼訓，但係我真係覺得開完呢個會大家又熟o左好多啦！！同埋真係開得好開心！！

>>January 20, 2003 at 8:38:03 AM GMT+8

2003 年 1 月 17 日 星期五 【晴】

今日全日都o係hall咁滯，但係都無做過o的乜o野！！所以都幾無聊！！係今朝早特登晨早起身諗住去拎番份ｌｉｎｇo既功課，但係原來未有得拎住，咁我就剩係拎o左o的時間表！咁跟住我就諗住過去ｃａｒｅｅｒ　ｃｅｎｔｒｅ度拎我地遲兩日要開始做o既問卷睇下，點知佢地係收12點，我去到就o岩o岩12點05分咁上下，已經鎖o左門ｌｕ！！

　　本來諗住返屋企o既，但係又覺得返屋又好似無乜o野做咁！所以最後都無返！！夜晚就o係ｐａｎｔｒｙ度睇中文金曲頒獎禮，無乜特別！！

　　最近o黎o左個新o既ｅｘｃｈａｎｇｅ，澳洲o黎o既！！有o的唔慣，但係最唔慣係佢成日都同佢個男性朋友(因為未知係佢邊個)o係樓度！無端端好似多o左個男樓友咁喎！！唔係咁好o羅！

>>January 20, 2003 at 2:02:16 AM GMT+8

2003 年 1 月 16 日 星期四 【晴】

今日原本係去唱ｋo既，但係最後呢個又唔得，o個個又唔得，咁關b敏又放得遲啦喎！所以最後改o左去食ｔｅａ同埋行街o既！！咁我地會合o左之後就一齊出旺角啦！！去o左一間都ｏｋ好樣o既ｃａｆｅ度食ｔｅａ！！大概逗留o左一個鐘度就走啦！！之後我地仲去o左聯合，諗住買o的o野咁啦，但係我要返ｈａｌｌ練ｃｈｏｉｒ，所以早走o左！佢地就繼續行啦！！

不過我返到去都遲到呀！！好彩只係遲少少o者，都未開始！！唔記得曬首歌點唱ｌｕ！！返到樓我地仲一齊煮大獲麵添！！好好食！睇埋阿旺就返房啦！！今日仲聽到個幾驚喜o既消息添！！同房，恭喜曬喎！！^____________________^但係之後又聽到個唔係咁好o既消息，就係羅韻b俾人o係聯合偷o左部手電呀！！真係慘啦！！o的人好唔應該呀！！..........

夜晚仲傾o左一陣偈同埋寫o左o的後日ｅ會要用o既紙仔，跟住就訓覺ｌｕ！！　

>>January 18, 2003 at 3:42:58 AM GMT+8

2003 年 1 月 15 日 星期三 【晴】

今日留o左o係屋企！！所以都無乜做過o的乜？！好平淡咁過，但係硬係溫唔到書！！唉！仲有幾日就要返學啦！！真係驚自己唔慣呀！！

>>January 16, 2003 at 3:40:38 PM GMT+8

2003 年 1 月 14 日 星期二 【晴】

經過琴日o既體力勞動之後，今朝起身都真係覺得成身都好痛呀！！訓o左成十個鐘先起身，但係都仲好眼訓o羅！！

之後就睇番琴日o個套阿旺啦！！琴日都唔係好好睇o既！！之後無耐就準備返工啦！我o的時間觀念越o黎越厲害啦！去到o個時o岩o岩好，雖然貝貝女早過我到，但係佢見到我可以咁準時！都要不禁讚我一句！！唉！唔好成日讚我啦！！^0^

哈哈！！今日返工又係o係無聊中渡過啦！！...................

P.S.唉！！個個o的GPA都過三o既？！好擔心！！

>>January 16, 2003 at 6:10:57 AM GMT+8