2003 年 3 月 2 日 星期日 【晴】

今日好乖咁上曬o的堂呀！！(雖然只係得三堂！！)

跟住就攪下呢樣攪下o個樣又到夜晚啦！！１１：ｘｘ阿細嘉就同我落o左６樓，因為佢地有o的ｃｈｏｉｒo既o野想同我地講！但係阿圓形又遲到啦，搵唔到人，明明話係幾分鐘，但係就攪o左我成半個鐘！之後又要趕返去開會喎，第一次ｈｏｌｄ會，好緊張呀！！～～不過終於明白點解o的人開會成日要開咁耐啦，原來一大班人要得到一個共識係咁難o架！！剩係傾個ｔｈｅｍｅ就傾o左成個幾鐘啦，仲要係未得到結論o架！！

女子支力～～～～．．．．．


>>March 17, 2003 at 5:41:18 PM GMT+8

2003 年 3 月 1 日 星期六 【晴】

今個禮拜無返到屋企呀，因為諗住聽日要測驗嘛，點知溫溫下先發現原來唔係聽日測喎！！以我o的性格我就梗係即刻唔溫啦 (但係其實我已經溫過一次，只係唔溫多次o者！！)跟住就出o左ｐａｎｔｒｙ睇《百年好合》，都好無聊下！！之後夜晚就去搵細嘉，一件好攪笑o既事就發生啦，我呢個唔識唱歌o既人，竟然要做ｃｈｏｉｒ　ｔｅａｍo既ｔｅａｍ　ｃａｐ？？．．．．．．不過最好笑o既就係，我最主要o既責任唔係理隊ｔｅａｍ，而係要制住阿ｃｉｒｃｌｅ呀！！攪到我好似以前古代o的勇士咁，要去降魔伏妖呀！！

>>March 9, 2003 at 12:35:13 PM GMT+8

2003 年 2 月 28 日 星期五 【晴】

哇！！ｂａｌｌ　ｇａｍｅｓ終於到啦！！我今朝一早起身去買水同面包，仲去買o左幾對長襪！！

之後就出發去ｓａｎｄｙ　ｂａｙ，去到發現其他樓都去齊咁滯，算啦！！我地志在參與o者！！第一場對住最強o既１０樓，我地好無耐咁輸o左三球！之後第二場對７樓，我地好不幸咁輸o左一球！！我都有份落場踼o架，但係我當時做前鋒，個波離我起碼都成２０幾碼，波皮都未掂到就完場啦！

夜晚我地幾個人就去o左食飯同埋行街街咁啦！之後ｓａｎｄｙ仲請我地食o左９個球o既"哈根逹斯"添呀！！/\______________________/\ 食到好飽！！

>>March 9, 2003 at 12:23:16 PM GMT+8

2003 年 2 月 27 日 星期四 【晴】

又係一個月啦，時間真係過得好快，點解過得咁快o架？唉！！...........

>>March 9, 2003 at 12:09:25 PM GMT+8

2003 年 2 月 26 日 星期三 【晴】

今日雖然無琴日咁忙，但係都不相伯仲啦！！

今日上完堂就要去練波啦，但係我地今日好勁呀，因為我地同Ｕ－ｔｅａｍ練呀，o的人一聽到就以為我地諗住ｃｈａｍｐ啦！！哈哈，其實只不過因為８樓今次ｂｏｏｋo既係細場，我地費事阻住人地練波o者！！(按︰我地個主要教練係８樓樓主－－－方德霑)一去到ｓａｎｄｙ　ｂａｙ就覺得我地係ｏｄｄo左出o黎，因為全部都係男仔，而且唔係Ｓｔ．ｊｏｈｎｓ就係Ｒｉｃｃｉ，好樣衰！！不過練練下就都無咁樣衰啦！！但係就練到好支力！

拎完蛋糕之後呢就返ｈａｌｌ啦！沖一沖個涼就要見阿ｔｕｔｏｒ菜仔，傾o左一陣，就差唔多又要開生日會啦，開完生日會就同阿春春、大嘉做ｖｉｓｉｔ，跟住又要搵阿媽做ｖｉｓｉｔ啦喎，見完成１２點幾！！～～～～

>>March 9, 2003 at 12:06:44 PM GMT+8

2003 年 2 月 25 日 星期二 【晴】

今日又係辛苦o既一日！因為我又要由９點半上到５點先走得！！

今日上完堂好快就走o左去啦，諗住實唔會遲到啦，但係點知去到見唔到貝貝女喎！！原來佢一早已經同ｍａｙ　ｍａｙ入o左去啦！！激氣呀，所以我決定嬲佢一陣咁多啦！

同樣地係沈悶o既一日......................

>>March 9, 2003 at 11:55:53 AM GMT+8

2003 年 2 月 24 日 星期一 【晴】

.........今日起身o個陣已經係２：１５分啦，即係話我又走多o左一堂啦！！

之後我地就去o左睇ｈｏｃｋｅｙ，終於見到我地嬴波啦！！可以出ｐｏｏｌ！！之後我地就去練波啦！！第一次踢波，都ｏｋ好玩喎！！雖然我地無技術，但係我地o既豬豬隊都擊敗o左對手o既！！不過練一陣波就好支力啦！！之後我地仲一齊o左個３０零蚊、但係有頭盤、主菜、甜品o既餐，都食得下o既，但係我同阿ｍａｙ個飯都無蘋果，原來落曬去巨頭o個度！！

>>March 9, 2003 at 11:52:29 AM GMT+8

2003 年 2 月 23 日 星期日 【晴】

唔知係咪呢排都唔係訓得幾好，好難得咁返屋企訓，就唔捨得起身啦！！攪到我今日成１１、１２點先起身，最後都係走曬o的堂o架！！

之後３點零就返ｈａｌｌ啦！咁到o左夜晩啦，大家都好正常咁諗住一齊煮飯啦，但係煮煮下大家就聞到有陣燶味啦，起初仲以為個焗爐有味啦，大家都唔為意喎！但係之後o的味就越o黎越勁喎，無耐就有火警鐘響，我地好醒目咁諗住好快就走(按︰我地係行錯樓梯o架！！=.=")，見到條樓梯無人就以為自己係走得最快o既一班人喎，點知落到去先知道，原來係８樓火燭，咁佢地就一路走一路叫o的人走喎，而我地就懵盛盛咁變成最後先走o既一層樓啦！！(因為１０樓o的人去曬練波，無人！)

今次真係第一次見識到火警係乜o野呀！！真係有煙走出o黎o架！！～～～雖然都唔算上係大火，但係都令到我地好緊張啦！！不過有樣o野係賺o左o既，就係我可以近距離見到好多好多o既消防員呀！！ 好型仔o架！！

好快就可以上返去啦，但係我地就俾一個阿嬸欺騙o左呀，佢話我地層樓都有灑到水喎，攪到我地鬼咁擔心，o係ｌｏｂｂｙ度坐o左好耐，點知原來都無事！！激氣呀！！～～～～～＞０＜

夜晚o個時我地仲落o左去８樓幫o的人整番乾o的書呀！！

Ｐ．Ｓ．.........今日開小仙會，終於選o左樓主同樓委啦！！我？以些微o既票數被選做樓主！！艱苦o既生活就要開始啦！！

>>March 9, 2003 at 11:45:51 AM GMT+8

2003 年 2 月 22 日 星期六 【晴】

經過琴日一輪o既興奮之後，今日又係返工o既日子啦！！

返工返得多，都覺得麻木曬，o黎o黎去去都係講o個o的o野！！有時都覺得有o的悶！！～～

返完工之後就返o左屋企訓啦！！

>>March 9, 2003 at 11:26:05 AM GMT+8

2003 年 2 月 21 日 星期五 【晴】

比賽啦．．．．．．好緊張呀！！

今朝１０點幾就起身洗頭裝身啦，我地好準時咁１２點４５分就去到ｍｕｓｉｃ　ｒｏｏｍ啦！！去到就開聲，阿符符（即係我之前有提過o個個好貴請返o黎o既符ｓｉｒ呀）帶開聲就真係有趣好多呀！！好攪笑！！開完聲又唱過ｎ次o個兩首歌之後就去陸佑綵排一次，但係得２０分鐘！！．．．．．同埋真係差好遠呀！！練完阿ｑｕｉ就講o左兩句，跟住就有一個鐘頭ｂｒｅａｋ啦！！話咁快又過o左一個鐘喎！！咁又去練多一次啦！！好攪笑o既，我地上台係會帶住條紅絲帶整o既蝴蝶結仔o架！！個個都好似幼稚園學生咁呀！！練o左一次之後我地就一齊去ｓｗｉｒｅ　ｃａｎ度食o野，但係我地乜都無食呀，唱得歌多個人o既胃口都細o的！！

去到陸佑，我地就入o左一間課室度坐啦，仲要係我平時上ｇｅｏｇo既課室，不過個感覺好唔同，平時好輕鬆，但係今日就好似有考試咁啦！！大家都好平心靜氣咁聽o的大仙同超仙講o野！！首先係爸爸、跟住係阿ｑｕｉ、之後就到ｈｏｒｃｅ啦！！阿嘉輝就唔講o野！！但係佢地講o既o野就真係好感人，真係講到差唔多個個o的感情都"ｂｉ"曬出o黎咁！！好快就到我地唱啦！！因為事前我地都無睇過陸佑入面有o的乜人，所以都好緊張！！我地唱o個兩首歌都係一o的慘情o既歌，但係阿ｑｕｉ提我地出場o個時都要笑，不過有時太緊張就真係好難笑o既！但係好明顯個司儀係幫我地鬆弛啦，佢將我地首德文歌個歌名讀成英文都不特止，仲要係好攪笑同埋核突o架！！我地全部人都忍唔住o係後台笑曬咁！！

一出場，就已經見到好多橙色人啦(註︰我地間ｈａｌｌ係橙色為主o既，o的人睇任何ｉｎｔｅｒ　ｈａｌｌ比賽都盡量會著橙色衫o既！！)差唔多１／４呀！！但係總共有１０間ｈａｌｌ比賽呀！！仲有好多人連位都無得坐呀！！幾感動呀！！．．．．．．．幾分鐘好快就過去啦！！去返後台我地已經急不及待咁講返頭先o既表現啦！！大家都覺得好神奇咁無發台瘟喎，反而之前有一度係ａｕｔｏ唱極都唱唔到o既一小節，頭先就突然唱到喎！！雖然，我都係覺得我地嬴o既機會好細o架啦，首其是聽埋ｓｔ．ｊｏｈｎｓ之後，但係大家都好輕鬆啦！！

有樣好攪笑o既o野係，好多間ｈａｌｌ都係唱英文歌，而佢地又會不約而同咁搵返一個西人去唱o架喎，唔知係咪以為咁樣會勁o的啦！！我同阿ｍａｙ就話啦，人地間間ｈａｌｌ都出西人，但係我地就出一個跛人（因為爸爸前排玩ｈｏｃｋｅｙ整親隻腳嘛，所以佢而家就要拎住一支ｘ杖（打唔到呀！！），即係o個o的由後面睇仲以為佢係退o左休好耐o既阿伯咁o既樣o既，所以就叫佢做跛人啦！！而我地阿嘉輝(ｅｒｉｃ）就係唯一一個彈琴o既男仔！！幾威！！

o係宣布結果之前就玩o左一個少少o既遊戲，但係又幾好玩喎！！我地仲扮ｃｏｏｋｉｅｓ唱心急人上添！！好攪笑、大家都玩得好投入！！緊張o既時刻就o黎啦，宣布結果︰第三名係ＲＣＬｅｅ喎！（我同阿ｍａｙ呢o的唔識聽o既咪覺得好好聽o羅！所以我同佢都諗我地無行o架啦！！)但係當宣布第二名o個時，竟然就係我地啦喎！！我地o的第一年參加o既，就梗係勁開心啦！！但係都睇得出有o的大仙唔係幾開心！！...冠軍就梗係乜都要拎第一o既ｓｔ．ｊｏｈｎｓ啦！！原來第一同第二名o既ｈａｌｌ都有得唱ｈａｌｌ　ｓｏｎｇ呀，今次我覺得係唱得最好聽o既一次！！完o左之後我地再o係 ｍａｉｎ　ｂｕｉｌｄ前面唱多一次！！（但係好明顯大家又回復返之前o既水平啦！！)

哈！！之後仲有ｔｅａｍ　ｃａｐ請食宵呀！！～～～好飽！！

>>February 23, 2003 at 1:10:45 PM GMT+8