2003 年 2 月 20 日 星期四 【晴】

..........本來好難得咁今日有一日合法o既ｄａｙ　ｏｆｆ嘛！但係又訓得唔係幾好喎！（其實呢排都係咁，成日個後腦都好頭痛，每日都訓唔夠８個鐘就會自己醒，訓唔返！！）所以１０點幾就醒o左啦！！

起身之後洗一洗個頭啦，就去買蛋糕啦！嘻.....因為要補番琴日o既失誤呀！！而且呢o的都係要我出馬先可以保證到唔會有錯o架啦！！行o左好耐，唔想買番o的成日食過o既蛋糕，所以就由正街附近行到過石塘咀o個邊先買到一個又平又靚又唔係成日食o個o的蛋糕啦！！買完o野返o黎，又俾阿ｍａｙ拉o左落返去電車路附近買平杯麵喎！！又行過................

買完o野返o黎食少少o野都差唔多又要練ｃｈｏｉｒ啦，聽日就比賽啦，所以今晚都要努力，但係好明顯好多人都無o黎啦！！......同埋都真係仲有好多住要執，不過，今晚就真係比之前任何一次都唱得好聽o左o架啦！！練成３個幾鐘先可以休息，仲要係企，無得坐！！但係我覺得個感覺好好，好耐都無諗過為o左一樣o野而同成班人一條心咁努力過啦！！～～～

練完就去o左同史汀補祝返個生日，好無聊！！好支力.............

返到樓，我地仲一齊練o左一陣先訓添！！

>>February 23, 2003 at 12:25:30 PM GMT+8

2003 年 2 月 19 日 星期三 【晴】

唔......因為琴晚返o左屋企，所以今朝就同羅韻ｂ一齊返學啦！！

今日開始要上第一堂o既中文ｔｕｔｏｒｉａｌ啦！！好緊張呀！！不過好彩個ｔｕｔｏｒ都幾好人，唔係好惡！！上完呢堂之後我就返一返ｈａｌｌ啦，因為我今日又好似o係大陸返落o黎咁啦，拎住好多o野呀！！攪攪下又去o左同羅韻ｂ食o野啦，去到開心公園已經有好多人啦喎，我仲以為做乜啦，原來今日係o個個《有你終生美麗》o既真人ｊｏｈｎ　ｎａｓｈo黎講o野，所以有咁多人！！咁我地都無諗住睇就所以坐埋一邊啦，點知o係我去上中史一個額外ｌｉａｂｒａｒｙ　ｔｏｕｒ之前，竟然就俾我地好近又好清楚咁見到佢真人喎！！．．．．．已經好老啦！！＝．＝ "

去完ｔｏｕｒ又係時候返ｈａｌｌ再溫書啦！今次測驗我諗應該會好過上次掛？！我都覺得識得比較多！！一上完堂就諗住去練ｃｈｏｉｒ啦，點知就係ｓｗｉｒｅ　ｃａｎ度見到ｂｅｔｔｙ同ｑｕｅｅｎｉｅ啦，原來唔使咁早練！！咁我地換完衫之後就一齊去陸佑堂度練啦！今日都唔係唱得幾好，成日都唔記得佢地教過o的乜同埋捉唔到個音呀！！～～

練o左一陣大家又返去"批當"一番啦！！今晚ｈａｌｌ莊ｉｎａｕｇ啦！！o的o野都幾好食o既！不過都係唔鐘意食自助餐，我食o左一碟甜品就飽啦！！.........

本來諗住夜晚同史汀慶祝生日o既，但係原來無人買蛋糕o羅！！=.=...........

>>February 23, 2003 at 12:13:00 PM GMT+8

2003 年 2 月 18 日 星期二 【晴】

今日又係黑仔o既一日！！

話說今o既我好難得可以起到身去上最難頂o既９：３０ｇｅｒｍａｎ，雖然琴晚特登早訓o的，但係竟然訓唔著，攪到我今日都仲係好眼訓同好支力............之後就去上中史，再去上中文，然後就係ｌｉｎｇ，好彩今個禮拜無ｔｕｔｏｒｉａｌ，就有一個鐘咁大把o既空檔時間，同羅韻ｂ同埋佢o的ｉｔａｌｉａｎ同學仔一齊去超級三文治度食ｔｅａ啦！！食完就要去上ｓｃｉｅｎｃｅ，測驗呀！！唔係好識！！．．．．．．

跟住就走啦，今日好快就有架９７０啦！！所以４５分鐘就返到沙田！！終放無遲到啦！！同貝貝女一齊返工！！今日都唔係好多人打o黎，但係唔知係咪真係太支力啦，我走o個時竟然o係馬會個閘口前面上唔到個壆而成個人踎o左o係度！！好樣衰！！........貝貝女仲話佢無笑我已經好好喎！！但係我睇得出佢係好想笑！！放工o個時竟然俾我見到鄭智恆(我諗o左佢個名好耐)同朱聲國添呀，原來佢地都係o係馬會度做呀！！...............又要溫ｇｅｒｍａｎ啦！！
＞_____________________＜

>>February 19, 2003 at 6:05:47 PM GMT+8

2003 年 2 月 17 日 星期一 【晴】

今日都唔係有咩特別事發生！！

全日都剩係要上一堂ｇｅｒｍａｎ　ｔｕｔｏｒｉａｌ，又係單對單啦！！但係越o黎越鍾意咁樣上堂，學多好多o野！！之後返ｈａｌｌ，無乜特別o野做，因為夜晚唔使練ｃｈｏｉｒ，所以好似多o左好多時間用咁！！

４：３０就去o左ｓａｎｄｙ　ｂａｙ度睇ｈｏｃｋｅｙ，點知一去到就見到爸爸坐o左o係度，原來開場無耐就俾ｈｏｃｋｅｙ棍打到啦！！打親隻腳！！好似好痛咁，最後仲係由白車車o左去瑪麗度添！

今晚同房為o左件衫而返o左屋企，自已一個人，都幾好呀！！不過都唔係溫到好多書！

>>February 19, 2003 at 6:04:11 PM GMT+8

2003 年 2 月 16 日 星期日 【晴】

今日好乖咁上足堂呀！！首先就係上ｇｅｏｇ啦，之後就上埋ｇｅｒｍａｎ喎！！２：００就落堂啦！！落堂之後我就諗住去禁返o的錢先啦，因為我真係剩番幾蚊o係袋咋！！順使又去o左百佳買o的o野啦！！上返o黎，ｓａｎｄｙ又打電話o黎叫我幫手拎返o的問卷去ｃａｒｅｅｒ　ｃｅｎｔｒｅ，咁又同阿ｍａｙ一齊去啦！！點知阿ｍａｙ又要去銀行喎，又落多次去！諗住可以返ｈａｌｌ啦，咁o岩又見到ｐｅｇｇｙ，佢又要去買o野煲樓湯，咁我同阿ｍａｙ就諗住去幫下佢拎啦！又去多一次，今次仲要係去正街街市呀！！又要行奪命斜啦！！

攪o左好耐先返到ｈａｌｌ，然後夜晚又要去練ｃｈｏｉｒ喎！今日係練７：００到１０：００呀！！今次仲錄埋添，好彩唔係好見到我個樣o者！！練完就勁肚餓，一齊煮o左o野食！！好飽！！～～～

>>February 18, 2003 at 12:57:06 PM GMT+8

2003 年 2 月 15 日 星期六 【晴】

今日就無乜特別，因為要返工，所以一早就起o左身！！但係今日唔知做乜o野，明明以前係跑１０場咋嘛，今日竟然跑１１場喎，真係做得死人呀！！～～

好辛苦咁返完工之後，就返ｈａｌｌ啦，但係發現上唔到網喎，所以就好無聊！！溫o左少少書咁啦！！～～

>>February 18, 2003 at 12:47:18 PM GMT+8

2003 年 2 月 14 日 星期五 【晴】

繼琴日o既西方情節之後，今日又係中國人o既元宵佳節啦！！.............

但係朋友眾多o既我，當然唔愁無人約啦！！哈哈！今日o既幸運兒就係羅韻詩啦！！因為我有好多o野想買喎，所以佢就陪我去旺角買啦！唔知係咪太耐無買o野，同埋而家可以使自己o的錢，所以有好多好多o野都好想買！我首先就買o左一對我最需要o既ｃｏｎｖｅｒｓｅ先，然後就繼續睇鞋啦、錶啦、ＤＣ．．．．．但係最後都無受到羅韻詩o既買o野咒所影響到，剩係買o左一對鞋先！！

然後我地就出西灣河啦，同埋關ｂ敏、莊燮恆去捧雷可韻場啦！！但係好明顯莊燮恆係遲到大王，我地已經特登約佢早１５分鐘，但係佢竟然仲可以比我地遲多１５分鐘o架o羅！！足足半個鐘呀！！唉.........................

睇o個套《五隻紙飛機》，都真係幾唔值同埋幾無聊o架喎！！好彩睇完之後我地成功屈o左燮燮請我地食o野！！返o左大圍o既小蜜蜂度食呀！！仲咁o岩俾我撞到阿ｙａｍ媽添！！

>>February 18, 2003 at 12:43:58 PM GMT+8

2003 年 2 月 13 日 星期四 【晴】

今日就係情人節啦，亦都係我過o既第十九個無情人o既情人節！！～～～不過我都會努力o架啦！！唔會俾自己有第二十個無情人o既情人節o架！！

哈哈！雖然我係無情人，但係我都仲有好多好朋友o既！！所以今日就同我眾多好朋友之中、同我有最多仇口o既炭炭出街啦！！我本來諗住去荃灣買番對斯文鞋o既，但係出到佢又唔想買啦喎，所以就行下睇下有乜買啦！！

但係好攪笑o既係我今日同炭炭相約o左話要著返之前佢見ｍａｎｔｏｒ同我去ＢＡ　ａｎｎｕａｌ　ｄｉｎｎｅｒ套衫出o黎喎，攪到我地都好似約o左男朋友出街咁，好攪笑！！荃灣都ｏｋ多o野行，所以我地都可以消磨到好多時間！最開心係我可以o係ｂｏｓｓｉｎｉ度買到件好平但係又好靚o既白恤衫著呀！！４０蚊咋！！星期六比賽就可以著啦！！哈哈！！

我地行o左幾個鐘，見到o的情侶都開始出動，咁我地就返屋企ｌｕ！！

>>February 18, 2003 at 12:29:10 PM GMT+8

2003 年 2 月 12 日 星期三 【晴】

唔！！今日原本返３：００o既，但係因為我琴日起唔到身上ｇｅｒｍａｎ喎，所以今日就要２：００去搵番ｆｒａｕ　ｆｕｎｇ補番堂！！

但係今日羅韻ｂ上o左o黎探我呀，不過佢最主要o既目的都係想食我煎o既年糕o者！！當然係好食啦！！～～咁之後就一齊走啦！我搵阿ｆｒａｕ　ｆｕｎｇ都係講o左一陣，不過可能因為之前阿ｍａｙ教o左我一o的，所以今日上堂叻o左呀！！連同學仔ｃｈｒｉｓｔｙ都話我講得好o左呀！！

落堂之後就返o左ｈａｌｌ，執完o野就返屋企同老豆食飯ｌｕ！！因為要同老豆預祝生日嘛！！

>>February 18, 2003 at 12:17:38 PM GMT+8

2003 年 2 月 12 日 星期三 【晴】

各位親愛o既朋友仔︰

我好可憐o既呀！！～～～我都知大家都會不停想知我每一日做緊o的乜o架啦，但係又會發現我已經有好多日無寫過日記啦！！咁係因為而家ｈｋｕ所有ｈａｌｌo既上網ｓｙｓｔｅｍ都轉o左呀，但係係我o個部未轉到喎，所以呢幾日都無得上網呀！！又無得玩ｉｃｑ喎！！真係好無陰公呀！！～～～～～～
＞_________________________＜"

所以呢幾日大家都唔會見到我上網住o架啦！！唔使咁掛住我呀！！

>>February 18, 2003 at 12:10:54 PM GMT+8