2002 年 12 月 7 日 星期六 【雨】

哇！今日好開心呀，因為終於都出o左去行街街啦！好耐無行過街街啦！！

本來約o左同房2:00o係旺角等，但係好明顯我打俾佢o個時，佢都係起o左身無耐o者！算啦，好彩我都仲識得行旺角，到3:00，同房終於出現啦！！我地大家都有收穫，好開心！！

之後我地仲返o左荃灣，因為我要買冷，好彩有得買o者！

p.s.不過今日都真係好好好好好凍呀！雖然我都仲係著住短褲，但係我都真係凍到入心啦！希望唔會凍xo左無人知啦！！..........>.<

>>December 8, 2002 at 6:42:58 PM GMT+8

2002 年 12 月 7 日 星期六 【晴】

由於無聊得滯啦，所以終於都拆o左本中五o既紀念冊o黎睇！係呀！中五呀！到今時今日先開o黎睇，好似遲o左o的，不過又係另一番體會o既！

我初時都諗︰隔o左咁耐先睇番，o左內容都out date曬，應該無乜好睇o架啦！但係發現原來唔係o架！我由第一個開始睇o個時，我已經忍唔住不停咁笑啦！(唔係講o的o野好笑得滯，而係講番以前o的o野，諗番一o的可能已經遺忘o左o既o野！真係會令你不自覺咁笑o左出o黎o架！)不過好攪笑，我發現o的人對我o既感覺一係就好似，一係就完全相反！但係當然離唔開話我好攪笑啦！差唔多每一個人都有寫！我都知自己為大家帶o黎太多o既歡樂o架啦！仲有o的好好笑o既o野o羅！有o的人o個時仲係o岩o岩識，但係而家已經係好好朋友啦！睇番佢地寫o的o野好似好生蔬，但係又好陌生咁！好得意！！

羅韻b呀！我睇番你o個o的，我先醒起︰原來以前我係借過功課俾你抄o架喎！仲好似係中文添！真係好笑，但係而家風水輪流轉啦！變o左我要問你抄功課！哈！真係好好笑！

睇番本o野！雖然o的資料都係out date曬，仲係寫緊會考成功之類，但係都真係睇到個個朋友都真係用個心寫俾我o架o羅！都真係好感動！o個時o的人成日都會寫話︰希望第日就算讀唔番同一間學校，都要保持聯絡！o個時都諗過可以做得到o既！但係到o左今時今日，先發現到原來係唔得o架！！有好多惜日o既好朋友，我而家連佢地讀邊間u同埋讀緊乜科都唔知！！唉！有時都好感概！尤其係諗番起大家以前真係好開心咁一齊玩過，但係而家就連聯絡都可能無聯絡過！

人地話中學o既友誼係最深刻、最真o既，所以我諗我呢幾日得閒都係寫番信，尋找番我失去o左一段時間o既歡樂，同埋我最珍惜o既友誼！！

>>December 7, 2002 at 6:33:53 PM GMT+8

2002 年 12 月 6 日 星期五 【晴】

今日都真係好鬼無聊，完全無做過o的乜咁！

琴晚玩完之後傾偈傾到今朝6:00，之後就訓到2:00先起身！之後又上o下網，食o下o野，同埋睇埋《愛君如夢》，跟住就無o野做！唉！算啦！呢兩日都係要好無聊咁過o架啦！

>>December 7, 2002 at 2:29:46 PM GMT+8

2002 年 12 月 5 日 星期四 【晴】

等到頸都長埋，呢一日終於o黎啦！今日係呢個sem最後一日返學o既好日子，真係期待o左好耐！不過唔知係咪因為呢個原因，我今日心情特別輕鬆，就算上最唔鍾意o既ecen，都覺得無乜o野！

由於唔使上ling，所以我就剩番ecen要上啦！ecen又無乜做喎，攪到上o左一個鐘就走得啦！哈哈！

到o左夜晚又去o左食組o既勁過飯，今次又係去石塘咀，雖然爸爸話出面o個間好食o的，我地食過都覺得點都好過上次choiro個間o既！但係o的菜都係得好細碟，o的伙計亦都唔覺得好幾多，仲有一枱煙剷o係後面食煙呀，攪到食得幾辛苦呀！唉！無所謂啦！都係要個意頭o者！不過竟然剩係收到一封$1.2o既利是o羅！爸爸話不嬲都係過2唔係過3喎！哼！

返到hall就真正想放鬆曬成個人，但係佢地又話落蘭桂坊喎！我又無乜咁o既興致，所以決定留番o係hall度同神婆may玩塔羅牌，唔好話唔信邪，又真係幾準o架！無論係我定係阿ling，都得到大家認為係講得中o既答案o羅！之後我地仲落o左去2樓玩，可能佢地問o的o野都唔係好迫切想知啦，所以唔係個個都好準確咁得到答案！但係一到肥邱，就真係準到無人有啦！你就真係想像唔到點解可以準成咁o架！不過好好笑，佢聽到個答案之後都真係好失望，攪到我地個個都要不停咁幫佢兜，唔好都要講到係好o既！真係好神奇o架！

咁之後我就成為o左阿may o既助手啦！哈哈！

>>December 7, 2002 at 7:07:59 AM GMT+8

2002 年 12 月 4 日 星期三 【晴】

唔！今日終於都上埋今個sem最後一堂german啦！而今日o個兩堂亦都係我上得最開心而又過得最快o既兩堂連堂！其實一開始學german係覺得好難o架！因為好唔識同埋又無乜心機溫書喎！但係唔經唔覺又到o左最後一堂啦，到而家先發現阿may講得都好o岩，只要你肯去背，肯去睇下書，就容乜易過呀！所以我今次測驗就有B+啦！(對於我o黎講已經好叻啦，因為我D都拎過呀！)今日上堂阿Frau Fung又送o左o的朱古力同埋幾塊餅俾我地食，真係開心呀！o的餅都幾好食呀！o的朱古力就未捨得食住！

另一樣令我非常之開心o既就係jessica竟然送o左份聖誕禮物俾我呀！真係估唔到呀！我同佢雖然唔係話識o左好耐，但係因為大家讀o的科差唔多，所以都比較熟，佢亦都係我o係大學入面，除o左hallmates同羅韻詩之外，其中一個我新認識o既朋友仔，但係真係無諗過佢會送禮物俾我o架！係我收到o既第一份禮物呀！佢仲好有心思咁將包朱古力放入一隻襪入面，好得意呀！等我得閒都買番o的禮物送俾佢先！睇o黎都要破一破財啦！(因為都要買埋俾其他人嘛！)

P.S. 唔該曬羅韻b呀！今日好彩有你做o左99%英文篇essay，我先唔使咁忙o乍！不過我發現我o的英文不但無進步，反而仲退o左步呀！唉！~~~~(你有冇想要o的乜禮物呢？可以向我暗示或者明示下都得o架！！)

>>December 5, 2002 at 8:02:06 PM GMT+8

2002 年 12 月 3 日 星期二 【晴】

今朝其實好想起身上o個堂hist 1003，但係奈何o係我起身o既時候已經係9:30呢？(我地就正正係上9:30)，唉！我係o個o的寧願唔返都唔想遲到o既人o黎o架嘛！所以我最後都係無返到！！

跟住就去上下晝堂german啦！好彩個測驗唔係超勁多唔識o者！

之後我就去o左返工，但係因為要拎張勁過揮春俾炭炭，所以順便屈埋佢請我食tea，不過我無好過份咁要食魚翅呀、燕窩呀！我剩係要食番我自己o個組------奶醬多o乍！但係原來我地個組好平，只係值$7.5，仲要有埋o野飲送，真係抵到爛啦！講開canteen，我就真係鍾意poly個多過hku，人地o個個又係大家樂同美心，我地又係，點解人地o個個靚咁多，正宗咁多o架？真係o係hku個canteen係諗唔到有乜好食，但係o係poly係諗唔到應該食邊樣呀！唉！如果hku有個咁o既飯堂，我諗我出去食o既機會都會多過而家呀！好過要自己成日煮呀！\/.\/''

>>December 5, 2002 at 7:47:03 PM GMT+8

2002 年 12 月 2 日 星期一 【晴】

唔！今日又再次自己放自己day off啦！因為剩係要上一堂ling，都無心機上，咁不如訓多一陣好過啦！但係我都無諗過自己一訓就訓到12點啦！好彩校o左鐘，唔係就唔知訓到幾點啦！

起身溫o左少少german，跟住就o係咁諗住做geog，但係點都落唔到手，因為唔係好識得做！到3點幾等到同房起o左身，就諗住去pizza hut食tea，仲行到落去好遠，點知原來o個間係無tea食o架！唉！好失望，最後去o左一間茶餐廳o既物體度食，雖然都幾好食，但係都唔係幾抵o羅！~~~

唉！返到o黎就睇o左一陣雜誌，好無聊咁又煮o野食！之後好彩見到pauline，問完佢geog，應該識做啦！~~~~嘻！

>>December 3, 2002 at 5:28:58 PM GMT+8

2002 年 11 月 30 日 星期六 【雨】

今朝訓到十一點幾先起身，雖然都係訓得o個8個鐘，但係對於我呢o的長期睡眠不足o既人o黎講，已經係好好啦！

其實今日都無做過o的乜，剩係做o左hist篇文，跟住食飯o個時就睇o左《常在我心》，原來都幾感人o架！都唔算悶！咁跟住就諗住做geog，但係發現好似好難做咁，所以就無乜心機做，之後仲去o左睇一套我從來未聽過o既韓國戲《殺手公司》，本來諗住係好悶o既，但係點知睇落又幾好笑，雖然唔係好知佢個結局做乜，但都算ok啦！

近排唔知做乜o野，我地o係o的人最趕功課o既時候就先o黎睇咁多vcd，都幾攪笑！唔得，得閒考完試要買番幾套返o黎睇！各位朋友，有乜好戲記住介紹下呀！

>>December 1, 2002 at 6:15:55 PM GMT+8

2002 年 11 月 29 日 星期五 【晴】

唔！終於o黎到11月o既最後一日啦！話咁快2002年又剩番一個月啦！時間過得真係快呀，不禁要講一句︰光陰似箭，日月如梭呀！！(哇！做乜o野突然間文學曬呀？！)

唉！琴日去同爸爸傾偈，佢話我肥o左呀！~~~~~唉！其實我都覺o架啦！係比之前重o左幾磅o既，係幾磅咋！未到雙位o架！無計啦！住hall有邊個唔肥o架，再加上我呢種咁吸收o既人，就算食得唔係咁多，但係無乜點郁過呀，係人都肥啦！唔！唔得，我又要再開始番我o的減肥計劃先得啦！！>_<

呢個禮拜無返到屋企，o的時間都好似長o左咁，但係最多只係俾我用o左去做o的無聊o野，硬係做唔到多o的功課！我一定要發奮啦！我唔想再通頂去做功課呀！............................

今日下晝用o左去做german，跟住夜晚就變o左vcd之夜，因為我同同房一連睇o左兩套vcd，一套係玻璃之城(我自覺呢套片係幾悶吓！)，另一套係千與千尋！呢套戲就真係一流呀！我睇到第三次都依然覺得好好睇呀！~~

現家又係做功課o既時候啦！趕埋呢個禮拜，就完o左呢個sem，唔使再咁辛苦啦！！！！！！！！！

>>November 30, 2002 at 6:24:07 PM GMT+8

2002 年 11 月 28 日 星期四 【雨】

今日係阿傻婆真生日，先祝你生日快樂呀！(雖然今日我打俾你，你竟然唔認得我，但係我係一個大方o既人o黎o架嘛！)

琴晚做o野做到今朝7點幾先訓，跟住休息o左個幾鐘，又要趕去cc印番出o黎！(因為我部死o野又壞o左啦！竟然print唔到黑色喎！)之後仲有時間剩就去o左上o下堂，但係而家o的學生就真係現實，一唔使交功課就唔去上堂！攪到今日得平時o既三分一人o係度！但係大學都有o的問題啦，明知實會咁就唔好叫第5個lecturers教啦！攪到佢幾慘！

跟住就去上堂最憎o既ecen，我地好求其咁present完，好彩佢都識得早放我地，咁樣都不至於會悶死！咁之後陪羅韻b食o野，同埋終放拎o左張學生會會員證啦！返到hall後，就決定訓一訓先！但係點知又咁o岩試火警鐘喎！就咁就俾佢嘈醒o左！

不過今日都係黑仔o架啦！我同同房諗住去買下o野，點知無端端落雨，我地又無帶遮喎！咁就變o左兩隻落湯雞啦！..............

P.S.今日見比較得o的，所以夜晚就再寫勁過揮春！各位好朋友都有一張o架！

>>November 29, 2002 at 6:06:19 PM GMT+8